Post: #1
Title: لقاء كتاب سودانيز اون لاين ((إحتفائية العيد بصورة لاحقه))
Author: سفيان بشير نابرى
Date: 11-09-2005, 01:29 PM
Parent: #0
الاخوات والاخوة...
تحية طيبة للجميع...
وتحية خاصة لكل اعضاء سودانيز اون لاين بالخرطوم...
اعزائى...
تناقشنا نحن بعض اعضاء سودانيز اون لاين حول اننا لم نستطع ان نمنح بعضنا فرصة القاء الخاص مع بعضنا فى فترة عطلة العيد وتوصلنا الى اننا نحتاج الى هذا الامر حتى نتاقش حول بعض الهموم التى تخصنا كاعضاء بسودانيز ، وفى ذات الامر وجدنا ان معنا فى السودان الان بعض الاخوة والاخوات من اعضاء سودانيز اون لاين وهم بيننا بحكم اجازة وعطلة العيد فراينا ان نستغل هذا التواجد لتتوسع دايرة الحوار والنقاش والهموم المشتركة من خلال للقاء موسع احتفاءاً بهم.
اعزتى/
الى الان لم نحدد مكان للقاء ولكنا حددنا ان يكون اللقاء يجمع كل اعضاء سودانيز الذين وصلو الى السودان فى عطلة العيد ، وهنا سازكر بعض الاسامى من الزاكرة واعزرونى اذما سقطت منى بعض الاسماء:-
الاخ والصديق/ احمد حنين.
الاخ والصديق/ صلاح شتات.
الاخ والصديق/أباذر بابكر.
وكل الذين هم حضور بالسودان ولم ازكره يحاول ان يجد لى العزر.
للتنسيق الرجاء الاتصال على هذا التلفون:-
ابراهيم الجريفاوى:- 0912964458
وللجميع الاحترام والتقدير
|
Post: #2
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: سفيان بشير نابرى
Date: 11-09-2005, 11:50 PM
Parent: #1
ايضاً مع كامل العزر لان اسمائهم اتت لاحقاً :-
الاخت الاستاذه/ نادية عثمان.
الاخ الصديق / علاءالدين سنهورى.
وكل الاخوه والاخوات الذين لم تسعفنى الزاكرة لتزكرهم.
وسيكون ضيفاً على الجلسة كماء قيل لى الاخ الاستاذ/ عاطف خيرى.
للتزكير:-
حدد يوم السبت 10/11 او يوم الاحد 11/11 .
المكان:- حددت الخرطوم لكن لم يتم تعين مكان بعينه.
الرجاء المقترحات السريعه.
للتنسيق مرة اخرى:- 0912964458 ابراهيم الجريفاوى.
للجميع الشكر
|
Post: #3
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: محمد امين مبروك
Date: 11-10-2005, 03:01 AM
Parent: #2
نابري .....
كل سنه وانت بطعم الآبري
.
.
.
اقتراحاتنا
الزمن مناسيب يراعي ظروف العاملين والعاملين عليها ،،،
ومكان جميل يراعي الخضرة والماء .... أما الوجه الحسن فخلي علينا.
اقتراحاتي:
الاتنين ....
شمبات او الخوجلاب
|
Post: #4
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: سفيان بشير نابرى
Date: 11-10-2005, 03:28 AM
Parent: #3
المبروك/
ود مبروك...
وانت طيب ياخ...
يا محمد شنو ياخ نحن دايرنك كزول عندك خبرة فى المسائل (( ديه)) تقوم بالواجب
بتاع النسيق كلو ياخ ، تقوم انت ترجع لينا الكورة تانى!!!
شوف يا جميل:- يلا حدد الزمن والمكان لانو الموضوع ده مستعجل والضيوف ديل ممكن يضيعو من ايدينا ياخ.
المهم يا (( فرده)) لو حاولته خليتو يوم السبت او الاحد بيكون كويس.
اقوليك حاجه سر(( جيب اضانك)) ... ايوه اضرب الرقم ده ونسق طوالى 0912964458
والسلام عليكم ورحمة الله.
|
Post: #5
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: ناذر محمد الخليفة
Date: 11-10-2005, 06:56 AM
Parent: #4
إقترح يكون اللقاء بحدائق الغابة ...
شايف عملوا فيها حدائق جمبلة جدا وإضاءة رائعة وبالذات المنطقة التحت كوبري جامعة السودان أو المنطقة المقابلة للغابة بيرقر !!
|
Post: #6
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: سفيان بشير نابرى
Date: 11-10-2005, 08:21 AM
Parent: #5
ايوه كده
Quote: إقترح يكون اللقاء بحدائق الغابة ...
شايف عملوا فيها حدائق جمبلة جدا وإضاءة رائعة وبالذات المنطقة التحت كوبري جامعة السودان أو المنطقة المقابلة للغابة بيرقر !! |
تمام يا ناذر
حـــــد يزود؟؟؟
اسرعو الزمن ضيق جداً السبت اوالاحد
يلا:-
المكان ــــــــــ
الزمن من الساعه ــــــــــ الى الساعه ـــــــ
شباب املو الخانات الفاضية دى سريع ياخ.
|
Post: #7
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: محمد الامين محمد
Date: 11-10-2005, 08:33 AM
Parent: #6
بس يكون يوم الجمعه
|
Post: #9
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: سفيان بشير نابرى
Date: 11-10-2005, 08:52 AM
Parent: #7
العزيز /
محمد الامين
كيفك ياخ؟؟؟
اسمع يا محمد
| Quote: بس يكون يوم الجمعه |
لو قصدك الجمعه عدى فهى بكرة وكده الفرصه ضيقه شديد.
اما اذا كانت الجمعة القادمة ديـــــــــك فخوفنا كلو انو الضيوف ديل يقومو يسافروا
عشان كده نحن عايزين يوم السبت او الاحد.
ولك التقدير
|
Post: #8
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: Ibrahim Algrefwi
Date: 11-10-2005, 08:47 AM
Parent: #1
سلام
سفيان ومحمد وناذر
في ليلة عاطف خيري في بحري ن التقيت بمجموعة طيبة من كُتاب الموقع
تناقشنا في هذا الامر ، كذلك طلال عفيفي ...
المهم :
انا بدعم اقتراح يوم السبت ده في المكان القالوا ناذر ، لأنو فعلاً جميل وهادئ
لبفكرة بسيطة ، قهوة مسائية كدة وونسة خفيفة ونعمق التعارف والاختلاف.
تعرف ياناذر فعلاً هناك جميل وهادئ...
بس هو يا ناذر بحتاج لوصف دقيق وواضح ...
عادة يتصل الناس بناجي الزبير
0912637162
علينا التنسيق السريع...
|
Post: #10
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: ناذر محمد الخليفة
Date: 11-10-2005, 02:53 PM
Parent: #8
شباب معليش في حاجة مهمة ...
إلتقينا اليوم مجموعة من البورداب في مناسبة زواج أخ العزيزة نجود .. وبعد التداول والإتصالات التلفونية ونسبة لأن بعض الأعضاء على سفر مستعجل صباح الأحد .. ونحن نريد اكبر عددية من الحضور فقد أقر الجميع على تحديد يوم السبت بعد غد الساعة السادسة مساء بحدائق الهلتون جوار الجبنة (مكان الإفطار الرمضاني السابق) وذلك لأنها معروفة للجميع وحتى نستطع كسب الوقت والزمن اللازمين !!!!
صنفرة :
أرجو الموافقة أو عدمها على المقترح !!!!
|
Post: #16
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: الملك
Date: 11-12-2005, 03:15 AM
Parent: #8
Quote: عادة يتصل الناس بناجي الزبير
0912637162
علينا التنسيق السريع... |
قرمبوز
تحية بدون كسير تلج
(ده ما تلفونى)
....
....
المهم انا كلمت البقدر عليهم
....
....
تحياتى لحين اللقاء
|
Post: #11
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: سفيان بشير نابرى
Date: 11-10-2005, 11:54 PM
Parent: #1
الاخ /
ناذر ...
التحايا الطيبة...
من ناحيتى انا موافق تب.
|
Post: #12
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: ABDELAZIZ MAHADY
Date: 11-11-2005, 07:29 AM
Parent: #11
أنا ما كاتب (شديد) في سودانيزأونلاين
لكن ...
نحلجي نمرة واحد ... ولاني عتقتكم في رمضان وماجيت .. وقبالها الرحلة النيلية ...
المرة دي ما حتسلموا من تنحيلتي
هوي يا سفيان ... أنا ججججججججججاااااااااااااااااااااااااااااااااايييييييييييييييييي
_____________________________________
نسيت والله
مبروك ياناذر... تتخرج بي .(.......) العافية
|
Post: #13
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: سفيان بشير نابرى
Date: 11-11-2005, 12:24 PM
Parent: #1
الاخ الصديق/
عبدالعزيز مهدى
تحية طيبة...Quote: أنا ما كاتب (شديد) في سودانيزأونلاين
لكن ...
نحلجي نمرة واحد ... ولاني عتقتكم في رمضان وماجيت .. وقبالها الرحلة النيلية ...
المرة دي ما حتسلموا من تنحيلتي
|
هو مش القضية انو فلان كتاب شديد او علان ما كتاب يا صاحبى كل المسألة انو النعمل فيهو هنا ده اسمو كتابة عشان كده قلنا كتاب سودانيز شفته كيف .
طيب خلاص نحلجى نحلجى المهم نشوفك ونتلاقى.
بالمناسبة:-
المواعيد بكرة
الزمن عقب الساعه السابعه مساء.
المكان :- حدائق هيلتون (( الحديقة القدام هيلتون مباشرة)) فى الناحية الغربية من الحديقة تحديداً جوار(( مجسم الجبنة)) الكبيرة داك.
وللجميع الحب
|
Post: #14
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: ناذر محمد الخليفة
Date: 11-11-2005, 02:40 PM
قضي الأمر إذا !!!
موعدنا غد إنشاء الكريم ..
|
Post: #15
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: سفيان بشير نابرى
Date: 11-11-2005, 03:19 PM
Parent: #14
ايوة يا جماعة
بكرة السبت 11/11/2005
حدايق الهيلتون بجوار مجسم الجبنة من الناحية الغربية للحديقة
الساعه السابعه مساء..
ضرورى الناس كلها تشكل حضور
والشاف وقراء يكلم التانين.
تسلموا
|
Post: #17
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: ADIL FAIT
Date: 11-12-2005, 04:09 AM
Parent: #15
حا تكون الجلسه عند الساعة السادسة ولست السابعة يا سفيان..
هبشه:
بالمناسبه انا رسلت رسائل لكل البورداب الموجودين بذاكرة هاتفي بخصوص الجلسه وتاريخها و زمنها..
كل الود،،،
|
Post: #18
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: Ibrahim Algrefwi
Date: 11-12-2005, 04:15 AM
Parent: #1
طيب .
الساعة سبعة ونص مساء في حدائق ستة ابريل
جم الجبنة ، الي هي قدام هيلتون مباشرة
والحاضر يبلغ...
|
Post: #19
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: Dia eldin khalil
Date: 11-12-2005, 07:24 AM
Parent: #1
خلاص بنجي.....
|
Post: #20
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: سفيان بشير نابرى
Date: 11-12-2005, 08:35 AM
Parent: #1
بدون (( كسير تلج))
ناجى وابراهيم...
ازيكم...
الليــــــــــــله يا ابراهيم ده شنو ده:-
Quote: Quote: عادة يتصل الناس بناجي الزبير
0912637162
علينا التنسيق السريع...
قرمبوز
تحية بدون كسير تلج
(ده ما تلفونى)
|
شيل شيلتك مع الزول ده غايتو لانو فى ناس كده حاسبنو صاحبك شديد وبتكسر ليهو التلج كمان.
ضياء خليل ... كيفك (( بدون تلج ولا ديالو برضو))
عادل فايت --- انت فايت وين بالله؟؟؟
المهم اننا نتلاقى الليله
ايوة المواعيد شكله كده فيها تضارب المهم انا ماشى هناك من الساعه 6 مساء بس عليكم الله بطلو مواعيد السودانيين دى وتعالو قبل 8 يعنى.
مع خالص الحب
|
Post: #21
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: ADIL FAIT
Date: 11-12-2005, 08:47 AM
Parent: #20
أخوي سفيان..
الحبيب..
العزيز..
الليله حا نلاقيك ونشبع منك يا جميل..
هبشه:
بالمناسبه الليله حا يشرفونا من الطيور المهاجره:
صلاح شتات..
معتصم دفع الله..
ناديه عثمان..
سجيمان..
أحمد الشايقي..
كل الود،،،
|
Post: #22
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: ABDELAZIZ MAHADY
Date: 11-12-2005, 08:57 AM
Parent: #21
تساؤل مشروع ...
هل دعي عاطف لهذا البرنامج ؟؟؟؟؟
للعلم :
أنا كنت مع عاطف الساعة الثانية ظهر اليوم ... ونكر معرفتة بهذا البرنامج
هذا للعلم فقط ....
وتحياتي
|
Post: #23
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: سفيان بشير نابرى
Date: 11-12-2005, 09:00 AM
Parent: #21
عادل (( فايت))
طيب يا راجل اهو انت قاعد طوالى ليه بيقولو عليك كده؟؟؟
تصدق مشتاقين؟؟؟
قلته ديل كلهم جاين
خلاص ياعم انا ح اصلح طاقيتى واجى طوالى
خالص الود
|
Post: #24
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: ABDELAZIZ MAHADY
Date: 11-12-2005, 09:02 AM
Parent: #23
سفيان...
التساؤل مشروع....
المرجو الرد سريعا
|
Post: #25
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: سفيان بشير نابرى
Date: 11-12-2005, 09:07 AM
Parent: #23
العزيز/
عبدالعزيز
Quote: تساؤل مشروع ...
هل دعي عاطف لهذا البرنامج ؟؟؟؟؟
|
فعلاً تسأولك مشروع جداً
طيب يا صديقى الاجابة على حسب علمى كالاتى:-
انا اصلاً كلفنى الاخ / ابراهيم الجريفاوى اكتب البوست ده وبنفس التفاصيل السردتها انا فوق دى والسبب كان صعوبة دخول الاخ / ابراهيم الجريفاوى للنت فى ذاك اليوم.
يبقى يا صاحبى انا عملته العلى فقط
وياخ والله انا من كل قلبى بتمنى انو احظى بحضور الاخ الاستاذ/ عاطف لهذا اللقاء
وياعزيز الليلة لازم نتلاقى طيب.
كن دوماً بخير
|
Post: #26
Title: Re: لقاء كتاب سودانيز اون لاين ((إحتفائية العيد بصورة لاحقه))
Author: ABDELAZIZ MAHADY
Date: 11-12-2005, 09:19 AM
Parent: #25
شركا للشفافية يا أستاذ سفيان ...
لكن بالمناسبة .. (خايفك تحبط لمن تلاقيني )...
خليها مفاجأه
سؤال تاني ...
إنت علاقتك بي حاتم نابري التشكيلي العظيم - وعادل نابري المسرحي اللذيذ شنو ؟؟؟
--------------------------------------------
عيد سعيد
|
|