ســيف مســـاعد وياسر الشريف وعالية عوض الكريم وناس المانيا الرجاء المساعدة ...

تحية طيبة واحترام للجميع...

الاخ العزيز / سيف مساعد والاخوات والاخوة بورداب المانيا وكافة السودانيات
والسودانيين الذين يطلعون علي سودانيز أون لاين بالمانيا، تحية طيبة واحترام


ارجوا منكم جميعاً الاعتناء بهذا الامر اعزتي:-

اسرة سودانية بسيطة كعادة اهلنا خرج منها احد افراده وهو في ريعان الشباب
منذ ما يفوق 36 عاماً مضت وتوجه الي المانيا واقام فيها وكان علي اتصال مداوم
باسرته ومنذ سنين عديداً جداً انقطع اتصالهُ باسرته ، ولم تكف اسرته من البحث عنه
بشتي الطرق والوسائل ، ولم يكن لهم مقدرة أن يصلوا الي تلك الديار ، ولم ييأسو
ابداً من ان يجدوهو وظلو علي كل القنوات يبحثون ، اخر الامر وصلت اليهم اخبار ان الرجل
يتبع للطريقة البرهانية هناك بالمانيا .
والمعلومة التي تعلمها هذه الاسرة ان ابنها كان مقيم في مدينة هامبورج وهذه المعلومة كانت تبع اتصالهُ بهم .
المعلومة الجديدة لديهم أن ابنهم يتبع للطريقة البرهانية هناك .

اسم الرجل :- مصطفي حسن الطيب مصطفي ، ويلقب في المانيا بمصطفي (السفير).

سوف اتابع انزال بعض التفاصيل عن منطقته واهله بالسودان .

..
.
سلام لجميع المذكورين باعاليه
وللاخ نابري..

اولاً أرجو الاهتمام بموضوع الاخ مصطفي
ولو لقيتهو ما يبقي ثانياً ما تنسوا ترسلو لى فيزا لالمانيا
ان شاء الله احضر نهائى الكأس قدام بلازما سكرين ما مهم
بس المهم اصل فرانكفورت

تحياتى؛

شكراً يا تبلدينا لرفع البوست .


حتي يطلع عليه اخوتنا واخواتنا بالمانيا.

سفيان ازيك
قت لي 36سنة
ماشاف السودان
برهانية
السفير
بس يا عالية
دا
تسالي منو
ودعمك
البرهاني
ولا زوجتو
ودمصطفى
هو مالو الاسم اتشابه
ما يكون دا ولدو يا سفيان
أسمع البرهانية ديل ما ليين
المانيا
أكيد بقى قاعد ليه في
زاوية
ربنا يجمع
ما بنقصر
انشاالله
نجيب ليك م
خبرو
السفير
يا زول الاسم دا ما بروح
ابدا
وحيكون مشهور
فوووق

تسلمى يا عشة ما بتقصري وشايف صاحبتك عالية معاكم في مسقط
سلمى عليها واساليها من الزول ده ياخ وورينا الحاصل .
ياعشة عمر دفع الله (الفتيحاب) العريس بسلم عليك وقاليك ايوة
انتى وهو اهل وقالي ح اديك الصور ترسله لي عشة يلا ورينا تصلك كيف .

وحافظى معاي علي البوست ده فوق لحدى ما نلقي خبر للراجل ده .

الله يسلمك ياسفيان
وسلام لعمر
والعروسة
وفي انتظار الصورة
انت وين ؟
عشان نشوف العنوان القريب
واها فووووووووق

والله يا اخوي سفيان انا من ناس فرانكفورت ولي زي 10 سنين فيها بس ما مرت علي شخصية مصطفى السفير ده لكن حا اقوم بي سؤال الديناصورات بتاعين فرانكفورت وبرلين وأشوف البقدر أسويه من أجل عيون والد ووالده سودانيين

الاخ الـفاضـل، سفـيان
التحيـة لك ولـمجهوداتك الـمقدرة في مسـاعدة الاخـرين وحـتي يـلـموا شـتات انسـالهـم الـمبعثريـن في ارض اللـة الواسـعة.

قـمت ببعض الاتصـالات فـي مدن الـجزء الشـرقي من الـمانيا والتي اعـرفهـا واعـرف السـودانيين القـدامي والـجدد فيـها، ولـم اجـد اسـم( مصطفي حسـن الطيـب،لاالـملقب بالسـفـير).
سـاواصـل البحث رغـم ندرة الـمعلومات( الاكاديمية،الـمهنية،من اي الاقـاليـم السـودانية هـو)، وامـل ان تمـدنا بمـعلومات اوسـع!!!. اكـرر مودتـي وتحـيـاتي.

سلام يا بت فاطنة ...

تعرفي يا عشة أنا في السودان النص اهلو يا ميتين يا منتظرين الموت يا طشوا
منو اهو قاعد منتظر دوري يجي ومحل ما تبقي بمشي معاها .
سلامك لعمر والعروس ح يصل مية مية ولو رسلتي لي عنوان ايميلك بالمسنجر الداخلي
صورك تصلك لحدي عندك آمنة ومطامنة.

لك الود...


الاخ العزيز /
كمال حسن ..

تحية طيبة ...

يا كمال 10 سنوات ما جيت السودان؟؟!!! ايوة السودان ظروفوا كعبه ومميته لكن يا كمال
ياخوي ال10 سنوات ديل صعبات بدون ما تشوف الناس والارض !!!
مابتقصر يا كمال ايوة اسأل الناس القدام شديد .. انا عارف انو المعلومات بسيطة لكن اوعدك واوعد الاخوان انو اوفر معلومات كاملة عن (مصطفي السفير).
عموماً يا كمال مصطفي ده قديم جداً في المانيا من قبل 36 سنة وهو متزوج المانية وعندو منها اولاد وبنات وكان مقيم في هامبورج .

لك خالص تقديري...

الاخ والصديق العزيز/

بكري الصايغ...

تحية وتقدير ...
أنا ايضاً من المداومين علي الاطلاع عن مقالاتك ومواضيعك التي تكتبها وسعيد بها .
ويا بكري انشاءلله ح انزل معلومات وبيانات كافية عن مصطفي السفير تسهل لكم مهمة
البحث .

لك فائق احترامي...

الاخوة والاخوات الاعزاء

عشة بت فاطنة ، كمال ، بكري وبقية الاخوات والاخوان ...


تحية طيبة ...

تحصلت على معلومات قليلة اتمنى ان تساعدنا فى بحثنا .

الاسم :- مصطفي حسن الطيب مصطفى .
من مواليد مدينة ود مدنى
سافر الي المانيا كطالب في عام 1967م وكان مقيم بمدينة هامبورج
جاء الى السودان مرة واحده كزيارة وهو بعد لم يكمل فترته الدراسية بالمانيا
متزوج من المانية تدعي ماريان .

هذه المعلومات هى كل ما استطعت الحصول عليه اتمنى ان تساعدنا في البحث عن الرجل.

لكم التقدير ..

الاخ سفيان نابرى أتمنى ان تتكلل مساعيكم فى الوصول للاخ مصطفى ، لقد كنت مقيم فى مدينة هامبورغ حتى نهاية التسعينات وتغريبآ كل السودانيين يعرفون بعضهم البعض ، ولم اسمع بهذا الاسم من قبل ولكن فى يومآ ما التقيت بمجموعة من السودانيين القدامى وهم يسكنون فى اطراف مدينة هامبورغ ، ربما يكون هو واحدآ منهم ، فأذا حاولت الاتصال بعبدالله عبدالمجيد او على ناصر فهم من سودانى هامبورغ القدامى او عبدالحميد خالد من ابناء توتى وهو شاب هميم ممكن يساعدوكم فى هذا الشأن .

انشا الله يا سفيان
دي معلومات كافية
أنا ولدي في هامبورج
حاتصل بيه يشوف الحاصل
وربنا يجمع ..

حارسل المسنجر

سيف جبريل ...
يا صاحب سلام وتحية ...

اشكرك علي كلامك وامنياتك وانشاءلله كلنا نلقي خبر للضايعين مننا.

طيب يا سيف يا اخوى الناس ديل انا القي طريقة للاتصال بيهم كيف ؟؟
كدى اعيني وليك علي اتصل بيهم نفر نفر .

ولك الود المقيم ..

الاخ سفيان أعدك بأن أتصل بالشباب فى هامبورغ وسوف اخبرك بالحاصل وتأكد لو انه فى هامبورغ سوف نستطيع أن نتعرف عليه.

سلام ياناس ...


عشة بت فاطنة عارفك ما بتقصري تب...

بالمناسبة عمر هسع كان معاي وقاليك صورك ح تصلك ح تصلك

وولدك ربنا يرجعوا ليك بالسلامة ناجح ومنتصر لينا كلنا ومتفوق وبلغيهو السلام.

سيف جبريل يا صاحب..
كيفك ؟

ايوة اتصل عليهم وشوف الحاصل وياسيف ياخوي الزول ده طافش ليهو 36 سنة ولي يوم
الليلة ما اظن يكون مقيم في هامبورج ياخ السودانيين انت عارفهم ما بقعدوا في حته
واحده المهم ناسك ديل خليهم يسألو من اقدم السودانيين في المانيا وقطع شك زولنا ده
من اقدم الناس السودانيين الوصلو هناك .

والبوست ده خلوهو فوق معاكم لانو الحوجة للزول ده ملحة جداً
ربنا يجمع با اي زول غائب وربنا يجمع بوطن يلمنا كلنا.

مع ودي واحترامي.

لعناية الاخوات والاخوة الأصدقاء بالمانيا








الرجاء أن يحاول كل منا رفع هذا البوست لاعلي...


لكم التقدير..

الاخ سفيان
ربنا يجمع الشمل
ويحيب مصطفى لاهله ويجمع شمل جميع السودانيين قولو آمين
الاخت عشة بت فاطنة قريبك عمر دفع الله اذا كان من الفتيحاب أبو سعد
فانا بعرفه وهو من أميز الشباب و ألطفهم
وعشان الطيبين للطيبات من الله عليه بزوجة تشبه خلقأ و اخلاقاً
نتمى ليهم حياة سعيدة

الاخ سفيان ان شاء الله تكون عرفتني !

عاطف حسن

*

لا حولــــــــــي ..

عاطف يازول انت جــــــــادى ؟؟

قطع شك عمر صاحبك خلي القصص الطويلة والسؤالات ...

17 مداخلة ياعاطف بس ؟؟؟

والله كلام ...

يازول هوي عليك الله مدام وصلته هنا ركز معاي علي البوست ده
خليني نلقي الزول ده وبعدين الباقي هين .

سلاماً عليك ...

up

الأخ سفيان،

تحية وسلاما

لم أطلع على هذا البوست إلا الآن.. لم يسبق لي أن سمعت بهذا الإسم ولا باللقب.. ولكن سأواصل السؤال حول دائرتي من السودانيين..

أما البرهانية فأظن أن سيف مساعد يمكن أن يساعد..

ياسر

العزيز /

أدروب ... ياصاحب كيفك ...

مابتقصر يازول وعقبال اي زول يلقي العايزو...


يا سر الشريف ...

تحياتي ... كيفك طولته الغيبة!!!

ايوة يا ياسر فتش واجتهد واسأل وخبرنا بالحاصل

ســيف مســـاعد وياسر الشريف وعالية عوض الكريم وناس المانيا الرجاء المساعدة ...

الأخ سفيان تحياتي
حقيقة ما سمعت بالإسم ده لكن بسأل ليك بالحيل....

ادروب الصديق الجميل ...

تماماً كما ارضنا الطيبة وكما السودانيين البسطاء الذين
يتصدونا للخير ومد يد العون وياها المحرية فيك واصلاً
طبيعة وخصال في اهلنا الشرقاويين عرفتها وعشتها وسط
اهلي من البجافي شرق السودان وخطوات وصداقات الي اليوم
اعيش في كنفها وحميميتها وقوتها وتواصلها ورحمتها ومودتها

وما بتقصر متأكد منك زي ما متأكد من نفسي .


كن بخير اتمناه لك.


ــــــــــــــــ
ياجماعة البيلاقي البوست ده يلزو لي فوق...

مع مودتي...

الاخ سفيان


تجدني اسف جدا لم اري هذا البوست غير اليوم

ان شاء الله لو الراجل ده موجود في المانيا اجيب ليك خبره تب

معنا في فرانكفورت من اولاد مدني دفعة 1964 كمال السني يعني جاء هنا قبل اكتوبر ومن اولاد الخرطوم سلطان جاء مع اغاثة عبود 1962 ديل بسالهم اليوم

هامبورج ان شاء الله نتصل بالبرهانية هناك

لو كان علاقته كويسة بالقدامي بنقدر نعرف مكانو سريع لانو اولاد السيوفي وبت عبد الفراج من القدامي رحل ابواتهم

لو سمحت اسم مرتو دي ممكن تشوفو لينا كامل ممكن نعتر عليهو من الدليل يعني اسم ابوها او اسم الاسرة
لكن نوم قفي لو الزول ده اصلو في المانيا

الاخ العزيز/
سيف مساعد ...

يازول بركة الجيت من غيبتك ومافي عوجة مدام ظهرته بطمنا علي زولنا ده
كان في كان مافي ودي انا واثق منها تب.

يا سيف انت عارف اهلنا السودانيين ديل لا بسالو من اسم عائلة خواجات ولامن اسم
ابو زاتو يعني لو ولدهم اتزوج خواجية خلاي اتزوج خواجية .
لكن حا احالو اسأل واتأكد واكلمك .

المهم انا في انتظار محاولاتك المبدائية مع اولاد مدني ناس السيد كمال السني ومع اولاد
الخرطوم السيد سلطان _لهم سلامي_ ح انتظر ردهم منك سريع وطالما هو من مدني ووصل المانيا 67 اكيد بيكون بيعرف السيد كمال السني أو سمعو ببعض .

اتمني ان نوفق في معرفة اخبار لمصطفي.

لك عميق مودتي.

يرفع من آجل النظر والافادة

الأخ سفيان
معليش أخرنا عليك
الغريبة الراجل ما معروف لدي كثيرين...لكن ما مشكلة وما في حاجة هنا بضيع...ممكن نجيب خبروا إذا هو موجود بالسؤال لدي إدارة التسجيل المركزية في برلين Haupt Meldestelle بس أهم شئ الإسم بالكامل يكون مظبوط (name and surname) ويا ريت لو تعرف تاريخ ميلاده...




لك الود والتقدير

العزيز ادروب تحية طيبة ...

اهو الدنيا شقاوة ومشاغل ومقدرين الحال ..

يا عزيزنا اسم الراجل موجود بالكامل فوق (اسم رباعي واسم سليم)
وهو من مواليد 1949م وذهب للدراسة باحد الجامعات في المانيا وتحديداً
بمدينة هامبورج الذي استقر فيها ودرس بها لكن اسم الجامعة لا احد يذكره.

اتمني أن تكون هذه المعلومات كافية .


________________
ارجوا من جميع الاخوة/ت هنا رفع هذا البوست .

******

ســيف مســـاعد وياسر الشريف وعالية عوض الكريم وناس المانيا الرجاء المساعدة ...

العزيز /
بوب...

تحياتي وطبيعي ان تهتم بامر البوست ..


____________
يرفع للنظر والافادة ..

الأخ سفيان
أنا حاليا متواجد بسبب العمل بالقرب من الحدود الفرنسية وقد طلبت من صديق لي في برلين أن يطلب عنوان مصطفي (السفير) من مكتب التسجيل الرئيسي هناك وحالما يأتيني الرد سوف أوافيك به مباشرة بإذن الله...




لك خالص الود

*************

ســيف مســـاعد وياسر الشريف وعالية عوض الكريم وناس المانيا الرجاء المساعدة ...

بوب

سلام


البحث جاري

ربنا يوفقنا

Quote: بوب سلام البحث جاري ربنا يوفقنا

ودعوج الــدرب

لك التحايا

ولا اود شكــرك على ماتقوم به!!

وربنا اعينك فى بحثك

السلام عليكم ورحمة الله وبركاته

اتمنى ان يلم الله الشمل

up

بوب

مازال البحث جاري

ذهبت امس الي كمال السني في المدينة اخبرني بان هنالك ثلاثة اشخاص يحملون اسم مصطفي وجميعهم ليس من مدني,

ملحوظة

يمكن واحد يمشي للشيخ محمد الشيخ ابراهيم شيخ الطريقة البرهانية في الخرطوم ويساله, لانه يعرف كل ناس الطريقة في هامبورغ

الاخ سيف مساعد

الرجاء الأتصال بالدكتور عبدالمولى كنجوم, معكم بألمانيا وهو ايضا من الجيل القديم في المانيا, احتمال يكون عارفه

رقم تلفونه بالكود::

+492032896966

الاخ العزيز /
سيف مساعد تحياتى لك ,,

Quote: مازال البحث جاري ذهبت امس الي كمال السني في المدينة اخبرني بان هنالك ثلاثة اشخاص يحملون اسم مصطفي وجميعهم ليس من مدني,

ياسيف برضو التلاته ديل لازم تصلهم وتحدد النضم معاهم (مابخليك كلو كلو) احتمال ياسيف الزول ده يكون ماقاعد يحدد انو من وين !!
المهم انك تشوف كل الناس القدام شديييييييييييد واسمهم مصطفي ديل وقطع شك زولنا ده انت الحاتلقاهو .

ووصيتك القلتها ح نعمله برضو ...

ـــــــــــــــ
فائق سلامى للجميع البيحرصوا على رفع البوست .

الأخ سيف
قمت بإتصالات بأشخاص قدامي في برلين وهامبورغ وكولون وتلفون الدكتور أعلاه في دوزلدورف للأسف الشخص غير معروف لديهم
قمت أيضا بإتصال بمركز تسجيل الأشخاص ببرلين فسوف آتيك غدا بنتيجة البحث..

لكنني أشك أن يكون حاليا بألمانياإحتمال غادرها لمكان آخر...

سفيان
تسلمت اليوم نتيجة البحث عن الشخص المعني من إدارة التسجيل المركزية ببرلين (مكتب الإحصاء العام) للأسف ردهم سلبي بأن لم يعثر علي Registration له إطلاقا في برلين ولكن نصحوني بالإستفسار عنه بمكتبهم الفرعي بهانبورغ وسوف أسال عنه بمشيئة الله...

العزيز /

ادروب ...
تحياتي ...

اهو دي فشلنا فيها يبقي علينا بالباقي شوف الحاصل وما تقنع ...

تحية طيبة وسلام علي الجميع ,,


يرفع البوست من آجل مزيد من التعاون والبحث

تحية طيبة للجميع وعيد سعيد ..

لعناية الاخوات/ة بالمانيا..

وجدت صورة بها الرجل واسرته الالمانية وبالصورة اسم الزوجة واسم
اسرتها الالمانية .. اظن أن هذه الصورة والاسم ستكون مهمة لنا في
بحثنا .

يرفع البوست الي حين رفع الصورة حال وصولها الي يدي من قبل الاسرة.

لكم الود

الأخ سليمان
سلامات
اليومين ديل لغاية نهاية الشهر في برلين...
إذا في إمكانية المدينة أو الولاية التي كان يقيم بها!!!

والله ولي التوفيق

العزيز سفيان

ايامك مباركة و سعيد
و ربنا يكمل سعاداتنا جميعاً بفك اسر البلد الطيب

لم اري هذا البوست ذو الطابع الانساني البشبهك الا
الان،، الاعزاء هنا ما قصروا ناس ود عوج الدرب ديل
ناس قدام و في مركز التواجد السوداني في المانيا
فهم يعرفوا اغلب السودانيين هنا لطبيعة فرانكفورت
كمدخل للبلد
غايتو برضو نبذل مجهوداتنا وربك يهون

ادروب ابوبكر ..
سلام واشواق وتحية .
عيد سعيد وامنيات بتحقيق كل ما نحلم به

ما بتقصر وربك يهون .


نصار يا صديق الهم والحزن ورفيق الكلمة
الاشواق اشواك في الروح وبتنتح ,,

المشاغل كتيرة يا نصار وما بتقصر
والاخوان ماقصرو (ضُمة) بس حوبتكم
لسع راجياكم .
امنياتي أن تتحقق الاحلام ويرجع
الغناء الطاعم والكل مآمن الكل.

اخوي سفيان شيخ الطريقه ..


ربنا يجمعو باهله بركة العيد السعيد دا ..


الا ما تقول لي انت ذاااااتك ما رايح ليك 36 سنه ..


مشتاقين يا راجل ..

ويينك خضنا معارك وكنا عاوزينك ليوم كريهة لكن ما مشكله الجايات كتيرررر ..


عيد سعيد ليك وللاهل وللوطن ..

منعم

اعزروي (جهلي التكنولجي) الصورة نزلت كبيرة شديد .
الصورة كالاتي من الشمال إلي اليمين :-
1/إيرنست والد مارياني ــــErnst
2/ اليثبيت أخت مارياني ــــElasebeth
3/ مارياني ــــــــــMariane
4/مصطفي حسن الطيب مصطفي (السفير)
5/ أنا ماري والدة ما رياني ـــ Ani Marie

هذه الصورة ارسلها مصطفي لاهله بمناسبة زواجه في عام 1971م وهي ماخوذة كما وضح مصطفي بخط يده خلف الصورة من مدينة هامبورج .

اتمني أن نوفق في الوصول لشي.

تحية طيبة للجميع ,,

بعد رفع الصورة نرفع البوست حتي نواصل بحثنا

محبتي للجميع،،

لعنايتكم:-
اعــتذار لعنايتــــــكم .. وطلب ..]