لا يوجد سوداني اسمه عبد المقصود ...

لا يوجد سوداني اسمه عبد المقصود ...


01-30-2012, 10:47 AM


  » http://sudaneseonline.com/cgi-bin/sdb/2bb.cgi?seq=msg&board=355&msg=1485677140&rn=0


Post: #1
Title: لا يوجد سوداني اسمه عبد المقصود ...
Author: محمد البشرى الخضر
Date: 01-30-2012, 10:47 AM

لكن في غاندي و جيفارا و البريقدار و كرخي و أغا وذو الفقار و الجار عودو و بلسم و تبارك و عبدالإله و الفرزدق و و و .. إلخ




فتأمل يا رعاك الله !!

Post: #2
Title: Re: لا يوجد سوداني اسمه عبد المقصود ...
Author: محمد عبد الماجد الصايم
Date: 01-30-2012, 11:14 AM
Parent: #1

يازول خليكـ جادي شوية!!
الناس دي جابت السجل المدني كلو
ومتأكدين تماما من حكاية الاسم المافي دا!!




الماف شنو ـ أو كما يقول قيقازايغ!!

Post: #3
Title: Re: لا يوجد سوداني اسمه عبد المقصود ...
Author: omer osman
Date: 01-30-2012, 11:23 AM
Parent: #2

Quote: يازول خليكـ جادي شوية!!
الناس دي جابت السجل المدني كلو
ومتأكدين تماما من حكاية الاسم المافي دا!!




(السجل المدني) جابوهو بالعربي وال بالانجليزي ........ كااااااااااك

ياودالصايم (السجل المدني) ده بالذات شهادتو اصلو ما مقبولة في المنبر ده

امبارح فتحت لي بوست بخصوصو ... مرقت منو ياالله


Post: #4
Title: Re: لا يوجد سوداني اسمه عبد المقصود ...
Author: Dr.Mohammed Ali Elmusharaf
Date: 01-30-2012, 11:35 AM
Parent: #3

Quote: امبارح فتحت لي بوست بخصوصو ... مرقت منو ياالله


سلام عمر مشتاقين

ما قلتوا نوبة!!

Post: #5
Title: Re: لا يوجد سوداني اسمه عبد المقصود ...
Author: احمد التجانى احمد
Date: 01-30-2012, 11:40 AM
Parent: #3

من المحاسن الجابها امجد عبد المقصود انه نفض الغبار عن المهارات التحليلية والاستخباراتية والبحثية الكامنة او الكانت مدفونة لبعض الزملاء اعضاء المنبر

Post: #6
Title: Re: لا يوجد سوداني اسمه عبد المقصود ...
Author: محمد البشرى الخضر
Date: 01-30-2012, 12:06 PM
Parent: #5

والله يا اخوان في البورد دا في حاجات محيّرة جدا
اوكي من شاء صدّق الرواية أو كذّبها على كيفو و حسب تقديراته
لكن سياقة حجج زي انو مافي سوداني اسمو عبد المقصود دا الكلام العجيب و يسلق الـ stuff
ثم ياخي من يختلق شخصية وهمية كان غالبو يختار اسم شائع زي محمد احمد علي - لكن بيني وبينكم لن يعدم من يقول يه أنو ما في سوداني اسمو علي يقوم يسمي ولده محمد أحمد

Post: #7
Title: Re: لا يوجد سوداني اسمه عبد المقصود ...
Author: abubakr salih
Date: 01-30-2012, 12:06 PM
Parent: #5

عادى يا ود البشرى، قبل فترة ليست طويلة شكت المواطنة السودانية صفية اٍسحق من تعرّضها للاغتصاب بواسطة عناصر الامن، لم تكتفى بالرواية الشفاهية فقط انما ذهبت للشرطة و حررت بلاغ و ذهبت للطبيب لتوقيع الكشف الطبى عليها الذى افاد بوجود آثار اٍعتداءات عليها فماذا كان رد الناس فى البورد او بعض الناس فى البورد، اذناب النظام كذبوها جهاراً نهاراً بل نشر الامنجى النــتن علاء الدين يوسف أوراق البلاغ و يومية التحرى الخاص بالشرطة، و آخرين صمتو صمت الموتى، فتأمل.

Post: #8
Title: Re: لا يوجد سوداني اسمه عبد المقصود ...
Author: محمد البشرى الخضر
Date: 01-30-2012, 12:40 PM
Parent: #7

لا يا بكور ما عادي , ولا من كذّب صفية او صمت عن موضوعها ساق حجج بسذاجة أن لا سوداني يدعى عبد المقصود
ومع ذلك اجد لبعضهم العذر إذ ان قضية صفية اول ما وردت وردت عن حريات التي قبل ايام قليلة من موضوع صفية افترت وكذبت على لسان سعاد عبدالله
التي نفت كذب حريات و شكت لطوب الأرض ليصل صوتها بعد ان صمت الكثيرين هنا ايضا صمت الموتى عن موضوعها
فزيد في التأمل

Post: #9
Title: Re: لا يوجد سوداني اسمه عبد المقصود ...
Author: abubakr salih
Date: 01-30-2012, 01:57 PM
Parent: #8

Quote: ومع ذلك اجد لبعضهم العذر إذ ان قضية صفية اول ما وردت وردت عن حريات

قضية صفية لم تظهر فى حريات اولاً ظهرت فيديو سجلّته معها مباشرة الاخت المحترمة نجلاء سيد اٍحمد. ثم خرجت صفية بنفسها للعلن و تحدثت للعالم و لم تترك محل للشك و التردد فى كونها شخصية حقيقية موجودة منزلها و اسرتها معروفة و تفاصيل عريضة للنيابة و بلاغ للشرطة و اورنيك طبى فصمت الناس صمت الموتى فتأمل. طبعاً الواحد كان ممكن يقبل منهم صمت الموتى دا لكن الموتى بصمتوا طوالى مشو يصحوا مرة و ينوموا مرات، فمزيد من التأمل.

Post: #10
Title: Re: لا يوجد سوداني اسمه عبد المقصود ...
Author: فايزودالقاضي
Date: 01-30-2012, 02:10 PM
Parent: #9

Quote: لكن في غاندي و جيفارا و البريقدار و كرخي و أغا وذو الفقار و الجار عودو و بلسم و تبارك و عبدالإله و الفرزدق و و و .. إلخ


وضعك لتبارك وسط غاندي والبريقدار وكرخي وأغا بجيب ليك هوا امريكي من اصل سوداني ..

يامحمد انا عندي اخوى عمره 42 سنة واسمه فهد يعني قبل ظهور الملك فهد رحمة الله عليه ..
وانا آخر ولد لي اسمه فهد ان شاء الله لذا لزم التنويه اذا جاكم ايميل ولا مسج في الجوال ..
يعني بيجاوى فهد زي ماعندكم نمر ..


تحياتي ،،

Post: #12
Title: Re: لا يوجد سوداني اسمه عبد المقصود ...
Author: Abdlaziz Eisa
Date: 01-30-2012, 02:27 PM
Parent: #10

Quote:

بيجاوى فهد زي ماعندكم نمر ..



يا ود القاضي سلامات.. اخوك فهد 42 والملك فهد رحل وهو يقارب التسعين.. !!
يعني لو سميت ولدك ده دقنــة أسد الشرق مش على فهد السعودية كيف بيكون!!!







...............................
جدي الله يرحمه سماني على الملك عبدالعزيز جايز يكون قابلته!!

Post: #11
Title: Re: لا يوجد سوداني اسمه عبد المقصود ...
Author: محمد البشرى الخضر
Date: 01-30-2012, 02:20 PM
Parent: #9

لا يا بكور اول ما ظهرت عن طريق حريات و كان في فيديو قبل فيديو نجلاء
بعدين من صمت او ملأ الدنيا صياحا و ضجيجا لم يفعل ذلك لتقبله منه او ترفضه
كل واحد و تقديره وحريته في اتخاذ ما يراه صوابا
وله خيار ان يحكم عقله أم يكتفي برؤية و قناعات الآخرين و يهتف مع الهاتفين و يتضامن مع المتضامنين
ويبقى له مطلق الحرية ان يصمت متى شاء او يهتف متى حس برغبة في الهتاف
على اية حال الإيشو هنا ليس عن الصمت ام الهتاف بل عن سذاجة الحجة المستخدمة لتكذيب رواية عبد المقصود
وهي التي تستدعي التأمل و الزيادة فيه

Post: #13
Title: Re: لا يوجد سوداني اسمه عبد المقصود ...
Author: Munir
Date: 01-30-2012, 03:33 PM
Parent: #11



ود البشري سلامات ..
من أغبي الترهات هو ما ذكره المدعو ABDALLA ABDALLA .. قال هل المقصود من أسماء الله الحسني ؟؟.. فتأمَّل !!!..
التقول عبدالنبي وعبدالرسول أو حتي عبدالإله أسماء مسميات علي أسماء الله الحسني !!! ..


Post: #14
Title: Re: لا يوجد سوداني اسمه عبد المقصود ...
Author: abubakr salih
Date: 01-30-2012, 03:50 PM
Parent: #13

ربما تجدون شئ من الحقيقة هنا
احداث مدينة بيرمنغهام من طرف محايد (ربما تحل لغز امجد عبدالمقصود)

Post: #15
Title: Re: لا يوجد سوداني اسمه عبد المقصود ...
Author: عزان سعيد
Date: 01-30-2012, 04:31 PM
Parent: #14

يا حبيب كيفك
تخيل لو آنا كتبت حاجة زي دي وما كنت عضو في سودانيز آونلاين واسمي ما طاقش آضان الناس!
آنا ذاتو لو كنت زول تاني كنت آنكرت انو في سوداني اسمو عزان

Post: #16
Title: Re: لا يوجد سوداني اسمه عبد المقصود ...
Author: jini
Date: 01-30-2012, 05:46 PM
Parent: #15

Quote:

والله يا اخوان في البورد دا في حاجات محيّرة جدا
اوكي من شاء صدّق الرواية أو كذّبها على كيفو و حسب تقديراته
لكن سياقة حجج زي انو مافي سوداني اسمو عبد المقصود دا الكلام العجيب و يسلق الـ stuff
ثم ياخي من يختلق شخصية وهمية كان غالبو يختار اسم شائع زي محمد احمد علي - لكن بيني وبينكم لن يعدم من يقول يه أنو ما في سوداني اسمو علي يقوم يسمي ولده محمد أحمد

غابت عنكم روح الفكاهة والمبالغة
يا اخ الكلام دا قلتو انا جني شخصيا
اول بنطلون في حياتي ارتديته وانا صغير قام بتفصيله لي ترزى اسمه عبدالمقصود في مدينة الرهد اب دكنة مسكين ما سكنها فى كردفان الغراء ام خيرا جوة وبرا!
عبد المقصود من الاسامي النادرة وفى السودان بتنوعه ستجد كل الاسماء وانا لست من خفة العقل بحيث اضعف حجتي
ولكم الحب والود
جني

Post: #27
Title: Re: لا يوجد سوداني اسمه عبد المقصود ...
Author: عبدالله محمد أحمد
Date: 02-03-2012, 05:13 PM
Parent: #16

عمل معي فني و لمدة عشر سنوات و اسمه عبود عبدالمقصود.

Post: #31
Title: Re: لا يوجد سوداني اسمه عبد المقصود ...
Author: Gaafar Ismail
Date: 02-04-2012, 03:26 AM
Parent: #16



ود البشرى وضيوفه

في سبعينات القرن الماضي كان رئيسنا في العمل رجل ظريف وكبير السن من بحري إسمه عبدالمقصود
من أقواله (المأثورة) كان يقول : يا أبنائي شغل الحكومة لو بنتهي كان جابو ليه مقاول طلياني
تحياتي

Post: #17
Title: Re: لا يوجد سوداني اسمه عبد المقصود ...
Author: Salah Abdulla
Date: 01-30-2012, 05:58 PM
Parent: #15

عم عبدالمقصود قااااعد، لكن جلكن خالص..
واولادو موجودين، حقو الواحد يضرب ليهم والله.

وبعدين الزول كاتب إسمو الثلاثي، ومكان سكنو
ورقم البلاغ، وحكى المأساة الحصلت ليهو ولأسرته!!
يعمل شنو تاني !!
في زول عاقل بيحكي مأساة زي دي لو ما كان مغبون؟؟
وهل صعب الوصول لمكان سكنه والتحقق من وجودو من عدمو.




تأملت، وإستغربت والله.

Post: #18
Title: Re: لا يوجد سوداني اسمه عبد المقصود ...
Author: محمد البشرى الخضر
Date: 01-30-2012, 08:07 PM
Parent: #17

هلا بالشباب ان شا الله متأملين بس

بكور يا عزيزي قريت الرابط وشهادة السيد بشرى مبارك
وهي تكمل شهادة عبد المقصود بالمناسبة ولا تنسفها

يا جني قد يكون الامر جاء في اطار المزاح و المبالغة منك لكنو ذهب مثلا و صار حجة في بورد متلقي الحجج دا
وتلقف حجة الاسم دي من تلقفها و استشهد بها
تاني بالله خت ليك وش اخضر بلف
دا غير انو المقام و القصة المروية بها من الحزن والأسى ما غيّب روح الفكاهة و المبالغة



Post: #19
Title: Re: لا يوجد سوداني اسمه عبد المقصود ...
Author: خالد علي محجوب المنسي
Date: 01-30-2012, 08:43 PM
Parent: #18

ود البشرى والله مشتاقين خليتنا ورحلت لي بلد ال نـــ فــ ط

الشوق بحور
مع اني متأكد من مقاصدك الغائصة زي قطع الغيار في الماكينا

لكن انا عمي اسمو عبدالمقصود عبدالرازق محمد ابراهيم
وكان مكضبني اتصل بي القردابي

هههههههههههههه
تلفوني بتكون شطبتو وبعتني
لكن بنقول أحلَّ الله البيع وحرّم الربا
0501546277

تحياتي ومودتي

Post: #20
Title: Re: لا يوجد سوداني اسمه عبد المقصود ...
Author: أبوبكر أبوالقاسم
Date: 01-30-2012, 10:49 PM
Parent: #19

سلامات ودالبشرى

استوقفنى تعليق عن إنو بكرى أخذ سيك ببل رأسه وبوَّش الآتو .... أيقنت تماماً بتأثير الإتقاذ وهروب الخبرات حتى فى لعب الكوتشينة:

الآتو لو إتبّوش فى أى بوهية بكون " جَلْدّة" حتى لو فى يد زميلك .... الآتو بقولوا فيه كلمة شينة لو غفلت أن تأكل اليد.

وين نلقى المرّاقة من المواعين الضيقة؟

أفتكر حقو تواصل فى بوستك الهادف والجادى بخصوص حيرتنا فى الحكومة والمعارضة.

Post: #21
Title: Re: لا يوجد سوداني اسمه عبد المقصود ...
Author: محمد عبد الماجد الصايم
Date: 01-31-2012, 08:51 AM
Parent: #20

أبو بكر يا حبيبنا .. انا ذاتي لقيت (البوشة) دي!
لكن آثرت السلامة (^_^)

Post: #22
Title: Re: لا يوجد سوداني اسمه عبد المقصود ...
Author: Abdlaziz Eisa
Date: 02-01-2012, 01:16 PM
Parent: #21

http://حبل الكذب فعلا قصير...................


احداث مدينة بيرمنغهام من طرف محايد (ربما تحل لغز امجد عبدالمقصود)

Post: #23
Title: Re: لا يوجد سوداني اسمه عبد المقصود ...
Author: ولياب
Date: 02-01-2012, 02:46 PM
Parent: #22

يا ود البشرى

سلام

بصرف النظر عن مصداقية وجود عبد المقصود اللندني أو عدمه ، فإنه لدينا في حلفا الجديدة قوميات مختلفة تعيش فيها منذ سيرة وادي حلفا الأولى وأخوتنا البصاولة لديهم هذا الإسم شائع .

Post: #24
Title: Re: لا يوجد سوداني اسمه عبد المقصود ...
Author: jini
Date: 02-01-2012, 03:27 PM
Parent: #23

Quote:
يا ود البشرى

سلام

بصرف النظر عن مصداقية وجود عبد المقصود اللندني أو عدمه ، فإنه لدينا في حلفا الجديدة قوميات مختلفة تعيش فيها منذ سيرة وادي حلفا الأولى وأخوتنا البصاولة لديهم هذا الإسم شائع .

طبيعي يا ولياب فاسم عبدالمقصود اسم common لدى المصريين وخاصة في جنوبها
جني

Post: #25
Title: Re: لا يوجد سوداني اسمه عبد المقصود ...
Author: ولياب
Date: 02-01-2012, 03:38 PM
Parent: #24

Quote: طبيعي يا ولياب فاسم عبدالمقصود اسم common لدى المصريين وخاصة في جنوبها


جني

كلام سليم لا غبار عليه ، وتسلم

Post: #26
Title: Re: لا يوجد سوداني اسمه عبد المقصود ...
Author: محمد البشرى الخضر
Date: 02-03-2012, 05:03 PM
Parent: #25

هلا يا منسي و بالأكتر والله

مولانا ابوبكر كيف الحال
هنا الأحكام زي ما عارف ما عندها ستاندرد و كل واحد على كيفو وحسب شوفو
ياتو بوست الهادف و الجادي بتاعي دا مولانا ؟! اوعى تقول لي بتاع "يا بهية " هههههههههههه

عبد العزيز انت اللنك الجبتو دا قريتو؟ اشك انك فعلت و لو قريتو فحاول عيد القراية

دي الحاجة العايز اقولها في البوست دا ولياب انو حجة عدم وجود سوداني يسمى عبد المقصود غير صحيحة واهو جني قال كان بهظر

Post: #28
Title: Re: لا يوجد سوداني اسمه عبد المقصود ...
Author: mohamed osman bakry
Date: 02-03-2012, 05:34 PM
Parent: #26

Quote: لا يوجد سوداني اسمه عبد المقصود

عبد الظمبار ...كيف?

Post: #29
Title: Re: لا يوجد سوداني اسمه عبد المقصود ...
Author: محمد البشرى الخضر
Date: 02-03-2012, 06:31 PM
Parent: #28

Quote: عبد الظمبار ...كيف?
دا شنو اسي ؟ هظار دا ولاّ ظرافة ولاّ شنو الحكاية

Post: #30
Title: Re: لا يوجد سوداني اسمه عبد المقصود ...
Author: Salah Abdulla
Date: 02-03-2012, 10:26 PM
Parent: #29

Quote: شنو الحكاية

هههههههه.






------------
أبوحتوت حينما يتملكه الحنق والغيظ.

Post: #32
Title: Re: لا يوجد سوداني اسمه عبد المقصود ...
Author: ولياب
Date: 02-04-2012, 05:52 AM
Parent: #30

Quote: دي الحاجة العايز اقولها في البوست دا ولياب انو حجة عدم وجود سوداني يسمى عبد المقصود غير صحيحة واهو جني قال كان بهظر


بالعكس يا أخي ود البشرى فأنا أكدت وجود إسم عبد المقصود في السودان ولمن أشرت للبصاولة قصدت أنهم ( سودانيون) وقد قصد جني اصولهم المصرية .

Post: #33
Title: Re: لا يوجد سوداني اسمه عبد المقصود ...
Author: محمد عبد الماجد الصايم
Date: 02-04-2012, 08:32 AM
Parent: #32

Quote: عبد العزيز انت اللنك الجبتو دا قريتو؟ اشك انك فعلت و لو قريتو فحاول عيد القراية


يااا أبو حتوت ما تبالغ كمان!

Post: #34
Title: Re: لا يوجد سوداني اسمه عبد المقصود ...
Author: محمد جلال عبدالله
Date: 02-05-2012, 10:41 AM
Parent: #33

Quote: في سبعينات القرن الماضي كان رئيسنا في العمل رجل ظريف وكبير السن من بحري إسمه عبدالمقصود


في بحري عائلة عبد المقصود موجودة إلى اليوم
وأعرف منهم 3 أشقاء يسكنون ببحري القديمة

محمد الطيب عبد المقصود والذي كان يؤم الناس بمسجد الدناقلة شمال خلفا للشيخ نور الدين ومعروف بدراجته وعمامته الأزهرية
أمين الطيب عبد المقصود وهو من تجار الجملة ببحري وابنه أشرف زميل دراسة ويسكن حلة خوجلي شارع كافتيريا البيه
عبد الله الطيب عبد المقصود والد الطيب ومعز ومحمد ويسكن جار شقيقه بحلة خوجلي

أها المافي شنو؟؟ ^_______^