بلان بي ...

أفتكر مع بلوغ الأحتجاجات الحالية نقطة الذروة و اتخاذها مسار الهبوط
حان الوقت لتقييم النتائج و التفكير في الخطة البديلة










يتبع (يا قول تنظير)

يجيك ودالقاضي هسي ويقول ليك نشارك ولا تقول ما انتهيت :)

Quote: يجيك ودالقاضي هسي ويقول ليك نشارك ولا تقول ما انتهيت :)

والله يا العوض الزول دا مفروض يعملوا ليهو كشف منشطات

هلا بالشباب هلا والله
اهااااا انتو يا ناس الداخل اكتر ناس عارفين الحاصل و شايفين الصورة الحقيقية
فبلان بي لازمانا
الحراك الحصل دا غيّر و حرّك وهدم ما كان اشبه بالثوابت

بدون تفاؤل حالم أو تشاؤم منهزم يجب تقييم الوضع الحقيقي و الاستفادة منه لقدام
واحدة واحدة
و نتناول الحقائق بدون تضخيم ناس تشتعل و سقطت سقطت و بدون تهوين ناس جيت ماري بهناك أسّي وما في شي
ونوزن ونستفيد


____________________________________

وهبة يا قريبك كشف المنشطّات لمنو فينا انا ولاّ ود القاضي؟
انا غايتو جاهز وما عندي مانع ههههههههه

ود البشري ازيك ...

أها منتظرين نعرف بلان بي ...

----------------------

وين اختفى صحبك تنظير بالله ؟!

يا ود البشرى كدي أقنع لي الناس ديل انه البلان ايه ما نجحت ياخ ناس جادات ديل شغالين زي الاسطوانه المشروخه وما حايقيفوا المشكلة مبرمجين على البلان ايه وما بقدروا يقفوا وهم اعلى صوتاً وهم سبب فشلها

اخى المناتل حديثا .. أختى المناتله حديثا

لا تراجع ..
لا هزيمة ..
لا استسلام ..
لا بلان بى ..
ولا يحزنون ..

يا هو طريق واااحد ..
وحتمدو فيهو لامن الله يغفر ليكم ..
وياهو الطريق نحو ذلك الوطن ال "البتحلمو بيهو يوماتى"

قال بلان بى قال !!

يازول مالو نفسك حار كدا، التغيير ات لا محال، بس روق المنقة يا حبييب.

في البداية كان سقف الأحلام مرتفع و انخفض شيئا فشيئا
ومن الحديث عن اسقاط النظام و محاسبة رموزه بقينا في اطلاق سراح المعتقلين
ومن مظاهرات الأحياء و الأسواق انحصرت في الجامعات ودي حدها الإجازة أو اغلاق الجامعة ايهما أقرب
ومن اضراب النقابات و المهنيين بقينا في تسليم مذكرة للقصر تحت حماية الشرطة !!
والأسافير و القنوات بدلا عن ان تنقل اخبار الثورة صارت تصنعها و تتمها موية
وبدلا عن اعلان العصيان المدني تسابقت الاحزاب و المنظمات و الجماعات في اعلانات المواثيق وكلها تتحدث عن ما بعد اسقاط النظام
فا بالإضافة لميثاق الجبهة الثورية و العريضة بقى عندنا ميثاق الأحزاب و أخيرا ميثاق الشباب و احزاب الاسافير و في الطريق ميثاق فرق الدوري الممتاز و ميثاق الميكانيكية و انت ماشي
لم توافق حسابات بيدر الشارع حصاد حقول الاسافير

بالرغم من كل شي لكن حدث تغيير و الوضع بعد 16 يونيو ابدا لن يعود كما قبله
كثورة تنتهي بازالة النظام ممكن نقول انها فشلت في تحقيق هدفها الرئيس أو على الأقل تأجل حاليا
السؤال كيف يمكن الاستفادة مما تحقق وماهي التنازلات الممكن الحصول عليها من النظام وكيف
وما هي مكاسب الثورة و كيف يمكن المحافظة عليها و تطويرها
ما هي "بلان بي" للثورة السودانية

ود البشرى سلام
للأسف يبدو تحليلك اعلاه ظاهرياً اقرب للواقع
ولكن عشمنا فى ثورة تغير الوضع المتردى لم ولن ينقطع
..
..
لا تزال اسباب الثورة موجودة ومتوافرة بكثرة بل كل يوم تزيد وتزيد
يبقى بلان بى, سى, دى ولا Z المهم نتخارج و ينفك البلد من الورطة المسماة إنقاذ

إضراب الأطباء قبل عامين كان تدريباً جيّداً للحكومة على مواجهة ثورة. وكان الأمر سابقاً لثورات الربيع العربي.

بدأ الأطباء نشاطهم على أرض الواقع وامتد عبر الإنترنت وأنشأوا صفحة تنادى إليها ما يزيد عن العشرة آلاف طبيب.


لعبت الحكومة معهم بذكاء؛ وأصبحت هي من تملي لهم سقف مطالبهم. وارتفعت وانخفضت بالسقف كيفما تشاء.


وكانت ذرة اللعب حين أطلقوا إشاعة وفاة د. الأبوابي - وأدى ذلك إلى ترك الأطباء كل القضية وأصبح سقفهم هو إطلاق عدد بسيط من زملائهم.


وهنا ضربوا في وتر هز الثقة بين الطبيب والمجتمع: إذ أن الأطباء الذين لم يهتزوا لوفاة العديد من المرضى خلال أيام الإضراب تركوا كل شيء حين علمو فقط باحتمال وفاة أحد زملائهم واعتقال عدد قليل منهم.


واليوم تلعب الحكومة بنفس الأساليب وتعامل الثوار بنفس درس إضراب الأطباء.

غايتو رمضان كريم

لكن عاين دا حتى في لمن يخفف دمه سمج الله يعينك يا ودالبشرى جامل ساي

Quote: تسابقت الاحزاب

اللسته بالله

الحمدلله يا رشا ازيك انت
تنظير في اجازة في السودان
بالنسبة لبلان بي فالبوست للمفاكرة حولها
وهل هي في اصلا , عشان لو مافي نسسويها
اصلو ياهو عودنا كدا في الانتفاضة دي التنظير و الكيبورد :)


يا عزيز ما عايزة ليها اقناع, الشواهد والقراءة السليمة للواقع بتقول كدا
جادات دا عايش ثورة تانية خالص, ثورة اسفيرية بضربة كيبورد يوجه الثوار من كوبر يفكوا حصار شمبات !!
و محاولة اقناعه اخير منها اقناع الديك

يا ود المشرف قليل من الواقعية لا يضر بل على العكس يفيد أكتر من الرومانسية بما لا يقاس :)

ود الأمين وللأسف بلان A هي الوحيدة البتفكك من الإنقاذ و المؤتمر الوطني
الباقيات من بي لا عن زد غاااازي عوده فوقهن ( ناس اصلاحات و حكومة قومية وسيناريو يمني وكدا)

ابو رغيم ما تشيل هم
مولانا ما خاش السبق معاهم
سايق سواقتو براه :)

نتابع مع المنظراتي





نسخة الى ود المشرف






_________________
رمضان كريم يا كريم

كلام معقول والله اتفق معك في كل ما قلت ..
لا ينبغى الانجرار وراء الاماني بهذه السرعة وهذا التهافت يجيب ان نكون موضوعيين .. تحديد الهدف / الخصم سهل وهو محدد وواضح ومعروف لكن تقدير حجمه ايضا يكون بذات الاهمية ، نعم الحكومة ضعيفة جدا ومتهالكة ومهددة من كل النواحي ، لكنها مثل ال###### المسعور ، كما ان المد الشعبي لم يصل الى قريب من الذروة في فترة الاحتجاجات .
حسب وجهة نظري فإن المنظمات والاحزاب لم تنجح في خلق الزخم الشعبي او لم تنجح في اعطاء المظاهرات بعدا شعبيا وهذه ربما مشكلة تنظيمية افتقدت للحراك اللازم والتنسيق ربما .
تحياتي ود البشرى والجميع ..

السؤال هو ..
لمتين الناس حتتفرج علي الطلبة ..
وهل دخول حزب الامة في الامر ادي تنفيس الثورة ..

سـلام محمد والجميع، وأهنئكم بحلول رمضان المبارك..
أظن أهم حاجة ذكرتها إنت إنو، وبعد حركة الإحتجاجات الأخيرة والمستمرة بالمناسبة؛ إنو: Things will never be the same again (أو نحو ذلك على قول ملاسي!)..يعني الحركة ممكن تكون هدأت أو خفت لكنها لم تصل الذروة بعد، وذروتها بالطبع هي سقوط النظام.. ممكن زي ما أتفقنا أنها تتعثر أو تسير ببطء لكنها ما ح ترجع لورا مثل عجلة التاريخ زي ما بقولوا.. لكنكم قوم تستعجلون.. وإذا جاز لنا تمثل حركات الربيع العربي؛ فحركة شباب 6 أبريل في مصر مثلاً؛ والتي كانت أنشط المشاركين في ثورة 25 يناير، إلا أن أبريل المقصود هو أبريل 2008 مش 2010، وكان ملهمهم هو إضراب عمال المحلة الكبرى في ذاك التاريخ.. طبعاً عوامل كتيرة معروفة تخلي الوضع في السودان مختلف.. وأظن أن أهم درس مستفاد من الثورات العربية إنو كل دولة كانت الأحداث فيها تسير وفق سياريو مختلف كثيرا عن الأخرى، لكنها كلها أنتهت بتغيير النظام.. مثلما نرى الآن الأحداث تتسارع نحو التغيير الشامل في سوريا.. السودان لن يكون استثناء من حتمية التغيير..

رمضان كريم للجميع وتصوموا وتفطروا على خير ..
plan B ليس من صالح هذا النظام باي حال من الأحوال ..
يأس الناشطين والمتحمسين من الشباب لأسقاط هذا النظام مع
عدم التجاوب من فئات شعب مدن السودان فسيكون الأتجاه المتبقى
هو البندقية !!!
والبندقية جاهزة ومرفوعة ..أي سند أضافي من أهل الحل السلمي سيكون
وبالا على الكيزان ..

أظن ان بلان بي قد بدأت
الوقفات الإحتجاجية للقطاعات المهنية وبعض الوقفات النوعية
أقدر إنها ح تسفر عن عمل منظم في تلك القطاعات
ويستعيد العاملين في كل قطاعاتهم نقاباتهم الفئوية المعروفة ، بدلآ عن نقابة المنشأة المضروبة

أتوقع نهوض ثاني في امسيات رمضان ، بعد التراويح

ولا تنسى ان شعبنا مبدع وسوف يستعيد عافيته ويبتكر وسائل جديدة

Quote: أتوقع نهوض ثاني في امسيات رمضان ، بعد التراويح

الناس ماعندها لياقة للمظاهرات
كيلو العدس ب 40 جنيه
العصيان المدنى ممكن يفيد فى بلان بى
والدور على النقابات

رمضان كريم يامحمد وبركات والجميع

Quote: بالرغم من كل شي لكن حدث تغيير و الوضع بعد 16 يونيو ابدا لن يعود كما قبله

بالضبط يا ود البشرى

عصام علي :

Quote: الناس ماعندها لياقة للمظاهرات كيلو العدس ب 40 جنيه العصيان المدنى ممكن يفيد فى بلان بى والدور على النقابات

هلا عصام ، مشتاقين جدآ

ومع إرهاق الناس والجوع البينهش ، اليوم في انباء عن مظاهرات
في شمبات و الشجرة
وكذلك يبدو في ترتيبات لوقفات احتجاجية
بعض هذه الوقفات من قبل مهنيين ، وأقدر ان هذا سيهم في وحدتهم
ومن ثم العمل على إستعادة نقباتهم

المشوار شاق وطويل ومكلف جدآ
الكلفة دي بتصل الأرواح
لكن لابد من الوصول لغايات الثورة والتغيير

الظاهر سيدي الإمام - سدد الله خطاه ووفقه ورعاه - بدأ بلان بي الليلتو :)

الوقت لازال مبكرا للتفكير في plan-B
في تقديري أن تأثير الاجراءات التقشفية مازالت في بداياتها، ولم تأخذ بعد نصف حجمها وتأثيرها الحقيقي،
والمسالة اجمالاً قد تحتاج إلى من ثلاثة لي ستة شهور عشان الأرصدة المستهدفاه الحكومة عند الشعب تنضب،
الشعب السوداني بطبعه شعب صبور، ومباصر ومتباصر، بس الكلام ده كوووولو ليهو حدود، حتى يكون الخيار الوحيد المتاح حبنها هو الشارع،
الحكومة دي عودتنا انها ما بتتبصر ولا بتفكر في أي خطوة تمشيها أو قرار تتخذه، ده طبعاً فيما يخص استمراريتها في الحكم، أما مسألة التفكير في الشعب دي طبعا بره حساباتها خالص،
لذلك سيظل اتجاهها في عصر الشعب يتواصل ويمتد، ويتخذ أشكال عدة، شايفين طبعاً موضوع الكهرباء خلال أقل من شهر من تاريخ زيادة المحروقات (ولا أقول رفع الدعم كما تكذب الحكومة وتدعي أن الإجراء هو رفع الدعم)
وده بيمثل العنصر الأساسي في عدم تجاهل امر plan-A

هاكم دي فوق البيعة من بوست بالجوار

من تلاتة لستة شهور الاحتمالات كتيرة وكلها ليست في صالح بلان A
اذا اعتبرنا بلان A هي اسقاط النظام تماما عبر تحرك شعبي سلمي
قدام الحكومة عدة خيارات
بدءا من التوصل لإتفاق مع الجنوب و الحركة الشعبية شمال مرورا بتنازلات و صفقات مع الاحزاب و حكومة قومية وانتخابات مبكرة انتهاءا حتى بإنقلاب داخلي/ خارجي على البشير
قدام المجتمع الدولي خيارات اسهلها التعامل مع الحكومة وقبول بعض التنازلات الح تقدمها او اي اصلاحات ما
وأمرها التدخل الصريح لإزالة الحكومة و ان كنت استبعد الخيار دا لتعقيداته و تداعياته السالبة
و في خيارات اخرى قدام الاحزاب و الحركات المسلحة و حتى الشعب
لكن كلها خارج اطار بلان A

فرستريتد لدرجة عايز اعمل UP للبوست دا رغم كراهيتي للحركة دي

محمد البشري تحياتي
كل الثورات التي نجحت في المنطقه العربية نجحت لان الدول الكبري أرادت لها النجاح ومهدت له وساعدته مساعدة مباشرة ولكن في السودان الوضع مختلف فالدول الكبري لا تريد زوال النظام والنظام الاسلامي العالمي يريد جمع ووحدة الصف الاسلامي السوداني وهنا وهنا فقط يمكن للنظام ان يسقط من الداخل لان الترابي لن ينسي جحود تلاميذة وعض يديدة وسيكون السيناريو المتوقع هو اصرار الترابي علي ابعاد علي عثمان ونافع وغازي والمتعافي ومعهم كوكبة ممن ناصروا البشير مما سيؤدي الي خلخله النظام ولهذا هو من سيضع كلمه النهاية علي الشاشة في رائي الشخصي.

سبب اخر لاعتقادي بدور رئيسي للترابي في عمليه التغيير فانا أظن بان الرجل قد ندم علي ما فعلته يداه
ولهذا سيكون تقويض النظام بالكامل أمنية من أمانيه لن يتردد في تنفيذه ان واتتة نصف فرصه لذلك