Post: #1
Title: بعد الهامش و الجبهة الثورية .. الفزاعة الجديدة: السائحون !!!
Author: محمد البشرى الخضر
Date: 11-25-2012, 01:32 AM
الكيزان ديل التقول بخطط ليهن ابليس
يجيدون إستثمار غباء معارضيهم و يلبسوهم العمة كل مرة بلفة جديدة!
|
Post: #2
Title: Re: بعد الهامش و الجبهة الثورية .. الفزاعة الجديدة: السائحون !!!
Author: محمد البشرى الخضر
Date: 11-25-2012, 01:35 AM
Parent: #1
تمرير معلومة صغيرة هنا و هناك
وما شاء الله اللفّاحة اكتر من الهم ع القلب و هاك يا لفحي وتمامة موية و عاجل و مباشر و بطيخ
ها ها ها هوب .. فزاعة جديدة اتخلقت
وكتّر خير الحكومة وبارك الله فيها الحمت البلاد و العباد من شرّها
|
Post: #3
Title: Re: بعد الهامش و الجبهة الثورية .. الفزاعة الجديدة: السائحون !!!
Author: tmbis
Date: 11-25-2012, 01:39 PM
Parent: #2
Quote: وما شاء الله اللفّاحة اكتر من الهم ع القلب و هاك يا لفحي وتمامة موية و عاجل و مباشر و بطيخ
ها ها ها هوب .. فزاعة جديدة اتخلقت |
والله يا ود البشرى كلامك دا هنا ما بياكل عيش ..
هنا (الفلزات) الحكومية شغاله تش
الله يرحم عمر عثمان جنابو لا كان كوز .. زمان كان قاعد حارق اعصابو في (النفي) شايل (لا) النافية وشغال بيها قرش ونص ..
حسع دي الخبر بجيك منفي في رواية .. ومثبت في راويتين .. والخبر تلقاهو خاتنو في مكان صلاخية ..
وفي مكان تاني تلقاهو خاتنو في طقـم جلي ..
ناس الحكومة اشفت منهم الله ما خلق .. بقو يفصلو ليك لي اي طوربيد واي طوربيدة علي مقاسو ..\
في مقاس لي الطرابيد .. كنقولي .. وفي مقاس كسلاوي السربادوب بتاعو اوسع شوية .. وفي كمان بدل سفاري وجزمة كشف .. وجلاليب على الله تلبس بس وتقوم جاري تلحق السوق ..
والطوربيدات كمان عندهن جاهز وتفصيل:
تونيكات .. وكارينات .. وتياب ابقجيجـة .. وبناطلين اسكيني .. الايامات دي جابت ليها جيكارات ، وسواريــه ..
وبعد يومين ح يطلع توب في بورد بكري دا اسمو .. صلاح قوش ما تمسكني شديد ..
اها
الكنجالات دي كلها بتمشي ووين ..؟
بتمشي لي خزينة الدولة .. وعاشت ثورة الانقاذ الوطني ..
|
Post: #4
Title: Re: بعد الهامش و الجبهة الثورية .. الفزاعة الجديدة: السائحون !!!
Author: omer osman
Date: 11-25-2012, 01:51 PM
Parent: #3
| Quote: الله يرحم عمر عثمان جنابو لا كان كوز .. زمان كان قاعد حارق اعصابو في (النفي) شايل (لا) النافية وشغال بيها قرش ونص .. |
هههههههههههههههههه ..........
ايييييييه هو انت لسه فاكر  فعلاً للمنبر ذاكرة لاتنسي !!!
ياودالبشرى النجيضة هي :
الكيزان الأن هم (الفعل) و (رد الفعل) ونحن الله لينا من جوافة (المناصير)
|
Post: #5
Title: Re: بعد الهامش و الجبهة الثورية .. الفزاعة الجديدة: السائحون !!!
Author: حيدر حسن ميرغني
Date: 11-25-2012, 01:57 PM
Parent: #4
برضو السائحون في المنبر كثيرون يامان
|
Post: #6
Title: Re: بعد الهامش و الجبهة الثورية .. الفزاعة الجديدة: السائحون !!!
Author: محمد المسلمي
Date: 11-25-2012, 01:57 PM
Parent: #3
Quote: الكيزان ديل التقول بخطط ليهن ابليس
يجيدون إستثمار غباء معارضيهم و يلبسوهم العمة كل مرة بلفة جديدة! |
ود البشري ياعمك شفتة ليك غبي جاب حاجة غير المشاكل
|
Post: #7
Title: Re: بعد الهامش و الجبهة الثورية .. الفزاعة الجديدة: السائحون !!!
Author: Frankly
Date: 11-25-2012, 01:58 PM
Parent: #3
البيلفح دا مشكلته بسيطة ممكن ببساطة يقول ليك وجته هنا
لكن في البيلقى ليهو خبر وعشان يعمل فيها مقددها يقوم يكب ليك خمسة كيزان موية وشوية شمار وتوم وفلفل وبصل قرمة ويجيك جاري يقول ليك من مصدري الخاص حصل كيت وكيت
وطوالي
ابدعت يا طوربيد
انتهيت منهم يا كمندان
عافي منك يا مناضلة
دا الكلام يا رفيق
أمّا المبدعين عدييل ديل ناس النجر ينجر ليك خبر ويرص ليك فيه شوية كلمات ويلزوا لواحد من الفوق ديل
وعينك ما تشوف إلا الخبر شغال خط دائري
الراكوبة سودانييز الفيسبوك
وكل دورة بتكتّر البهارات لحدي ما يبقى ما بتاكل كلو كلو
ولو اتأكل ما بتهضم
|
Post: #8
Title: Re: بعد الهامش و الجبهة الثورية .. الفزاعة الجديدة: السائحون !!!
Author: ibrahim alnimma
Date: 11-25-2012, 02:07 PM
Parent: #7
| Quote: يجيدون إستثمار غباء معارضيهم و يلبسوهم العمة كل مرة بلفة جديدة! |
غباء معارضيهم
ودالبشري كنت احسبك من معارضنهم ......بدون غباء ......فياخي افرز
|
Post: #9
Title: Re: بعد الهامش و الجبهة الثورية .. الفزاعة الجديدة: السائحون !!!
Author: saif massad ali
Date: 11-25-2012, 02:56 PM
Parent: #8
كيزان واضناب كيزان شغال عربي وافرنجي
رشوا ولايهمكم اصلو عشرة بي قرش الدقة بلاش
|
Post: #10
Title: Re: بعد الهامش و الجبهة الثورية .. الفزاعة الجديدة: السائحون !!!
Author: محمد البشرى الخضر
Date: 11-27-2012, 08:59 AM
Parent: #9
هلا بالشباب هلا والله
اذنكم نخت العوقة دا في علبو و ارجع ليكم
___________________
يا سيف يا عوقة يا اطرش يا عوج الدبر
تعال اتحكحك هنا ولما اديك الفيها النصيب امش اطلق السكلي و الروراي والوب علي مطاردني واي وأحي ساكيني
يالخايب يا عرة الرجال لسة عندك عين تكتب هنا بعد سوءتك الطلقتها في السهلة قدام الناس دي كلها
بالله انت راجل انت ولا عندك ذرة من كرامة أو مسؤولية
يا خايب .. قال خلي اصحابك يكشفوا على اولادهم قال
بالله دا كلام يقوله راجل محترم متربي !!
لو عندك احساس كان تقطع وشك وتغيب لامن فضيحتك وعارك يتنسي لكن جاي تنطط هنا تاني و تعمل فيها قرد
اها اركز عاد وما تجري و تسكّل و تقول مطاردني و ساكيني
عوج دبر دا 
|
Post: #11
Title: Re: بعد الهامش و الجبهة الثورية .. الفزاعة الجديدة: السائحون !!!
Author: الزنجي
Date: 11-27-2012, 12:07 PM
Parent: #10
الكيزان ديل اولاد ابليس عديل كدا (اولاد غير شرعيين)
والكوزات .......
|
Post: #12
Title: Re: بعد الهامش و الجبهة الثورية .. الفزاعة الجديدة: السائحون !!!
Author: محمد البشرى الخضر
Date: 11-27-2012, 12:10 PM
Parent: #11
يا زنجي دا قذف أعراض محصنات عديل كدا وربنا بيسألك منه
|
Post: #13
Title: Re: بعد الهامش و الجبهة الثورية .. الفزاعة الجديدة: السائحون !!!
Author: الزنجي
Date: 11-27-2012, 12:50 PM
Parent: #12
عدلناها يا ابو حتوت
الكيزان ديل اولاد ابليس عديل كدا
والكوزات .......
كدا كيف
|
Post: #14
Title: Re: بعد الهامش و الجبهة الثورية .. الفزاعة الجديدة: السائحون !!!
Author: الشيخ سيد أحمد
Date: 11-27-2012, 07:10 PM
Parent: #13
Quote:
تمرير معلومة صغيرة هنا و هناك
|
سلام ود البشرى
المشكله انو المعلومه زاتا غلط ...ياخي في نجارين هنا يعملوا ليك اوضة نوم...والمشكله الاكبر انو في ناس بتعمل على تثبيت المعلومه رغم انها موغله في الكذب.
الله يصلح الحال.
كسره...
الضرب على الميت حرام يا ود البشرى.
ودي وتقديري.
|
|