Post: #1
Title: خاس هرّيات ...
Author: محمد البشرى الخضر
Date: 05-08-2011, 09:28 PM
خاس هريات ...
سعدية الحنانة قاعدة تغش الزباين وتحاسبهم على اساس ان الحنة هي حنة التاج الاصلية في حين تحصلت هريات على وثائق من مصادرها الموثوقة - التي لا يسأل عنها - انها تستخدم حنة هندية منتهية الصلاحية
هذه الحنة هي متبقي شحنة تم ضبطها في اغسطس 2003 ومصادرتها من قبل السلطات لكن تمكنت سعدية باستخدام نفوذها وصلاتها مع بعض المتنفذين في الإدارة من تزوير اوراق جديدة وتم الافراج عن الشحنة باعتبارها علف دواجن
وبحوزة هريات وثائق و عينات من الحنة, كما عرف عن سعدية انها تغالي في قيمة الحنة إذ تحاسب الزبائن يقيمة كبيرة لا تناسب النقشات القديمة و المنقولة التي تنفذها لهم
كما عرف عنها انها تكتّر المحلبية
نشر بتاريخ 8/5/2011
http://www.taminno-moya.com
|
Post: #2
Title: Re: خاس هرّيات ...
Author: محمد البشرى الخضر
Date: 05-08-2011, 09:38 PM
Parent: #1
خاس هريات ...
عمك سيد احمد بتاع اللبن قاعد يزيدو موية, وفي الموية موية الماسورة بدون ما حتى يغليها او يفلترها وقد تحصلت هريات لى وثائق من مصادرها - التي لا تسأل عنها - تثبت عملية الزيادة
ولدينا عينة من اللبن ابو موية ماسورة بها صغار قعونجة ولدت في الموية
لعمك علي تاريخ طويل في زيادة اللبن وقد رصدت هريات عدد من البلاغات المفتوحة ضده بهذا الشأن لكن دائما ما كانت تحفظ بعد تدخل متنفذين و مسؤولين في الدولة
هذا وقد علمت هريات ان هناك توجيهات عليا بحصر المشتريات الحكومية من اللبن على عمك سيد احمد - بي مويتو ام قعويات - في ممارسة تشي بفساد واضح
نشر بتاريخ 9/5/2011
www.taminno-moay.com
|
Post: #3
Title: Re: خاس هرّيات ...
Author: بشير أحمد
Date: 05-08-2011, 09:40 PM
Parent: #1
| Quote: هذه الحنة هي متبقي شحنة تم ضبطها في اغسطس 2003 ومصادرتها من قبل السلطات لكن تمكنت سعدية باستخدام نفوذها وصلاتها مع بعض المتنفذين في الإدارة من تزوير اوراق جديدة وتم الافراج عن الشحنة باعتبارها علف دواجن |
وقد تحصل والي ولاية ام صفقا عراض علي عمولات عبارة عن 2شوال حنة مع ملحقاتها
________
والله يا ابوحتوت اشك في انو حريات دي غواصة عديل
خلّت المعارضة قاعدة تتضاير من اخبارها .
تحياتي؛؛؛
|
Post: #4
Title: Re: خاس هرّيات ...
Author: Gafar Bashir
Date: 05-08-2011, 09:59 PM
Parent: #3
الرابط ده ما شغال يا باشا ..
|
Post: #5
Title: Re: خاس هرّيات ...
Author: محمد إبراهيم علي
Date: 05-08-2011, 10:13 PM
Parent: #4
| Quote: الرابط ده ما شغال يا باشا .. |
رابط شغال
شوف ده شغال يا ابو الجعافر
ــــــــــــ
وينك اتصل ياخ
|
Post: #7
Title: Re: خاس هرّيات ...
Author: محمد حيدر المشرف
Date: 05-08-2011, 10:24 PM
Parent: #5
يعنى عاوز تحرجنا كمناضلين أيها "الرمادى"
تعرف يا ود البشري زمااان كان فى برنامج فى التلفزيون اسمو " ساحات الفدا "
كان من أولى أولياته " تقديم " الشهدا حتى باب " الجنه "
وكان يتخذ فى بعض الاحيان هيئة " أفراح أفراح " وينقل زيجات الشهدا وبنات الحور على الهواء ..
سؤالى يا صديقى هو ..
إن كان الله قد قيض لك حسابا فى سودانيزاونلاين التى لم تكن موجوده بعد ..
هل كنت ستكتب بوستا بعنوان
خاس "الجنه" !!
|
Post: #6
Title: Re: خاس هرّيات ...
Author: الأمين عثمان صديق محمد
Date: 05-08-2011, 10:14 PM
Parent: #1
ود البشرى يا حبيب
قوية والله
اها ذكرتني ايام شبابي
|
Post: #8
Title: Re: خاس هرّيات ...
Author: Gafar Bashir
Date: 05-08-2011, 10:52 PM
Parent: #6
يا محمد ابراهيم
سلامات ياخي
مالك متكل ود البشري ده ياخي ... الراجل مصداقيتو علي المحك ... وبعدين ياخي ده هسة رابط ليك زي روابط عبدالرازق الطالب ... الله يطراهو بالخير
---------
الغياب بزنس ... بينا تلفون
|
Post: #9
Title: Re: خاس هرّيات ...
Author: علاء الدين يوسف علي محمد
Date: 05-08-2011, 11:24 PM
Parent: #6
إرفعوا أيديكم عن هُريّات أيُّها الأمنجيّة
خسئتم يا كيزان
|
Post: #10
Title: Re: خاس هرّيات ...
Author: د.نجاة محمود
Date: 05-09-2011, 00:17 AM
Parent: #9
عاجل خاس هريات
علمت مصادرنا ان ابنة البشير الرابعة خرجت وهي تحمل 2 مليار دولار لقضاء عطلة الصيف في ماليزيا
حيث وضعتها في حسابها هناك تحسبا لما سيحدث في الايام القادمة بعد اقالة غوش
ولقد شوهدت وهي تشتري بيت في حي الانقاذ بكوالالامبور بمبلغ 10 مليون دولار عدا ونقدا كما قال مصدرنا.
نشر بتاريخ 9/5/2011
|
Post: #11
Title: Re: خاس هرّيات ...
Author: ABUHUSSEIN
Date: 05-09-2011, 05:32 AM
Parent: #10
شنو يا باشمهندس بقيت بتاع خدرة و لا شنو ....؟؟؟؟؟
طلعت زول خيالك واسع شديد أوسع من ذمة هريات ذاتها
تحياتي
|
Post: #12
Title: Re: خاس هرّيات ...
Author: Magdi Ahmed Elsheikh
Date: 05-09-2011, 06:29 AM
Parent: #11
بوست حتحوتي ...!!
|
Post: #14
Title: Re: خاس هرّيات ...
Author: الامين موسى البشاري
Date: 05-09-2011, 07:42 AM
Parent: #13
يا ود البشــرى ارفعوا ايديكم عن هريات
|
Post: #15
Title: Re: خاس هرّيات ...
Author: محمد عبد الماجد الصايم
Date: 05-09-2011, 08:08 AM
Parent: #14
ساعدنا بالتشكيل يا معلم .. عشان ما يتلخبط علينا الاختساس!
|
Post: #16
Title: Re: خاس هرّيات ...
Author: العوض المسلمي
Date: 05-09-2011, 09:00 AM
Parent: #15
يا ودالصايم المعني واضح بلا تشكيل ..الا اذا كنت بتسال عن نوع البمبرز ومقاسه ..
تحياتي ودالبشري ..
|
Post: #17
Title: Re: خاس هرّيات ...
Author: محمد البشرى الخضر
Date: 05-10-2011, 04:33 AM
Parent: #16
هلا دكتور بشير
غواصة وما غواصة الله اعلم بالسرائر وما في صدور القائمين عليها
لكن لينا بالظاهر
حريات ابتذلت معارضة النظام و كشف فساده الذي لا يختلف عليه اثنان على طريقة هجم النمر دي
كون هناك فساد لا يعني اباحة الكذب و عدم التبين و الاتيان بالادلة و الاكتفاء بنقل الونسة و الحكاوي والمبالغات باعتبارها حقائق
و قصة تقول ليهم الاثبات شنو يقول ليك عندنا وثائق وعلى المتضرر للجوء للمحكمة دي حكاية تانية كمان
وين يا جعفر يا دفعة
الرابط لسة بقرا مالك عليه دايرو يشتغل من اسه
قلت لي مصداقيتي على المحك هههههههههههه ياتو محك دا؟
اهلا ود المشرف
اجابة سؤالك هي : لأ , ما كنت ح اكتب بوست بعنوان "خاس الجنة" متبوعا بعلامتي تعجب
هاك سؤالي انا يا صديقي
قلت | Quote: يعنى عاوز تحرجنا كمناضلين أيها "الرمادى" |
ما الذي يحرجك كمناضل من التريقة على اكاذيب حريات - أو التريقة على الاكاذيب عموما طالما ليست صادرة منك؟
ازيك يا اللمينز وينك ياخ
اها انت بالذات هريات عندها وثيقة عنك تثبت انو غيابك دا ما ساي
وسببه غضب جناح نافع عليك
اها تعال غالط كمان
ههههههه عاين علاء الدين كمان , عامل فيها قريمان الليلة
راجياك زرة بنت لذين يا عمك انت و عبود و ود الباوقة, كدي اليفوز الحلو بس
ما ترجاني اصلك
بيان جيبي الرابط وإلا لا مصداقية لخبرك ههههههههههه
ههههههههههههه تخيل يا ابوحسين قريت تعليقك الصباح و احترت علاقة الخدرة - الملوخية - شنو بالموضوع , إلاّ قبل شوية حتى وقعت لي
ساعدونا بالتشكيل يا قول حمووودي
اهلا مجدي قول بوست توثيقي ما شايف الوثائق المشتتة ومالية الواطة دي
يا البشاري هريات ذات نهج و مدرسة جديدة في صياغة الخبر و التعليق عليه و مزجه بالقوالات واحاديث المدينة, نرفع يدنا منها كيف؟
حموودي ما شددناها وكدا
العوض يا عمك سلامات بامبرزز شنو لا سمح الله
ما شايف الشدة ولا كيف؟
|
Post: #18
Title: Re: خاس هرّيات ...
Author: محمد حيدر المشرف
Date: 05-10-2011, 05:46 AM
Parent: #17
اولا يا صديقى أحييك على الرد الجماعى ..
وهو وان دل على شيء فانما يدل على السطوه الاسفيريه التى أحسدك انا شخصيا عليها
واما وقد دار محور سؤالك حول وفيم
Quote: الذي يحرجك كمناضل من التريقة على اكاذيب حريات - أو التريقة على الاكاذيب عموما طالما ليست صادرة منك؟
|
كمناضل بتفرق معاى جدا درجة تأثير الاكذوبه ..
وانتقاء الاكاذيب واشياء أخرى ..
وليمتد هذا كنقاش معافى يحتمل كل الود نحوك يا صديق
|
Post: #19
Title: Re: خاس هرّيات ...
Author: محمد ميرغني خليفة
Date: 05-10-2011, 10:04 AM
Parent: #18
عارف يا حقصه المعارضين نوع اليجا تانا ديل زى الكيزان نوع فييرا ده.
اطنان من الود.
|
Post: #20
Title: Re: خاس هرّيات ...
Author: محمد البشرى الخضر
Date: 05-10-2011, 06:34 PM
Parent: #18
عفوا ...
|
Post: #21
Title: Re: خاس هرّيات ...
Author: محمد البشرى الخضر
Date: 05-10-2011, 06:44 PM
Parent: #18
يا ود المشرف اي شي جماعي فوقو الرحمة وأبرك كما ورد في الأثر
لكن بالغت في قصة السطوة الإسفيرية دي علي اليمين :)
وحبابك وحباب النقاش و اكيد الود و الاحترام في مكانه ولن يفسده اختلاف الرأي
Quote: كمناضل بتفرق معاى جدا درجة تأثير الاكذوبه ..
وانتقاء الاكاذيب واشياء أخرى .. |
على الاقل اتفقنا على انو في كذبة هنا وان كنا نختلف في تقدير تأثيرها
كويس خالص غيرك يا دكتور يكفي ان تكون الكذبة عن أن ناس الحكومة فعلوا وناس المؤتمر تركوا لتضاهي مصداقيتها عنده صحيح البخاري
أسمع ميرغني خليفة دا معاك انت؟
|
Post: #22
Title: Re: خاس هرّيات ...
Author: jini
Date: 05-10-2011, 07:19 PM
Parent: #21
Quote: يعنى عاوز تحرجنا كمناضلين أيها "الرمادى"
تعرف يا ود البشري زمااان كان فى برنامج فى التلفزيون اسمو " ساحات الفدا "
كان من أولى أولياته " تقديم " الشهدا حتى باب " الجنه "
وكان يتخذ فى بعض الاحيان هيئة " أفراح أفراح " وينقل زيجات الشهدا وبنات الحور على الهواء ..
سؤالى يا صديقى هو ..
إن كان الله قد قيض لك حسابا فى سودانيزاونلاين التى لم تكن موجوده بعد ..
هل كنت ستكتب بوستا بعنوان
خاس "الجنه" !! |
لاكين ما عصرت على ود البشرى شديد!
جنى
|
Post: #23
Title: Re: خاس هرّيات ...
Author: محمد البشرى الخضر
Date: 05-10-2011, 07:26 PM
Parent: #22
والله ياجني على حسب بوستاتك التحليلية وحواراتك مع الشامي في عالمكم التحليلي الخاص بيكم
ابدا لا استغرب طريقة قرايتك لكلام ود المشرف واستخلاصك لنتيجة : أن عصر علي شديد - تتلوها علامة تعجب لا داعي لها
|
Post: #24
Title: Re: خاس هرّيات ...
Author: jini
Date: 05-10-2011, 07:43 PM
Parent: #23
Quote: والله ياجني على حسب بوستاتك التحليلية وحواراتك مع الشامي في عالمكم التحليلي الخاص بيكم
ابدا لا استغرب طريقة قرايتك لكلام ود المشرف واستخلاصك لنتيجة : أن عصر علي شديد - تتلوها علامة تعجب لا داعي لها |
انت شايف كدة !
برضو وجهة نظر!
هريات دى تبع الحركة الشعبية لتهرير السودان الهررت المؤتمر الوطنى ولا شيتن تانى!
جنى
|
Post: #25
Title: Re: خاس هرّيات ...
Author: محمد البشرى الخضر
Date: 05-10-2011, 08:02 PM
Parent: #24
لا هرّيات دي متخصصة في تسقط حكاوي القهاوي وضللة العصاري وصياغة اخبار منها كنوع من النضال
|
|