Post: #1
Title: كيف تبدو مثقفاً في البورد ...
Author: محمد البشرى الخضر
Date: 10-09-2009, 11:10 PM
يتبع ...
يا قول تنظير
|
Post: #2
Title: Re: كيف تبدو مثقفاً في البورد ...
Author: عاطف عمر
Date: 10-09-2009, 11:16 PM
Parent: #1
ياها دي زاااتا حركات المثقفين
الكلام المشقلب
يتبع شنو يا عمك ؟؟
|
Post: #3
Title: Re: كيف تبدو مثقفاً في البورد ...
Author: Muna Khugali
Date: 10-09-2009, 11:28 PM
Parent: #2
وحيث أن للوجود في رأيي وقناعتي له شقين..
هو نحن والآخر..
فان القضية لا تحتاج لعناء شاق..
فكثيرا ما تحدثنا والرفاق في ذلك الأمر..وغيره..حين كان الآخرين يغطون في نوم ليس له أحلام..
هل أبدو مثقفة؟؟
|
Post: #5
Title: Re: كيف تبدو مثقفاً في البورد ...
Author: محمد البشرى الخضر
Date: 10-10-2009, 05:58 AM
Parent: #3
عاطف يا هندسة ...| Quote: يتبع شنو يا عمك ؟؟ |
يتبع دي مستوحاة من اعمال اخونا طلحة تنظير
وعاجباني عندو , بتديك فرقة تكتب العنوان وتمشي تقضي ليك شغلة شغلتين وتجي راجع بي راحتك
منّو... قرّبتي ...
تابعي معانا و ح تطلعي مثقفة كاملة الدسم إن شاء الله
كيفك و الاولاد بالمناسبة السعيدة دي؟عساكم بخير جميعا
|
Post: #4
Title: Re: كيف تبدو مثقفاً في البورد ...
Author: محمد البشرى الخضر
Date: 10-10-2009, 05:50 AM
Parent: #1
"ما الدنيا إلإّ مسرح كبير"
اشتهر بترديدها يوسف بك وهبي , لم اجد افضل منها للتعبير عن حال البورد لتصير بعد تحويرها "وما البورد إلاّ مسرح كبير"
| Quote: كيف تبدو مثقفاً في البورد ... |
كان المفروض العنوان يكون على النحو التالي " كيف تبدو ما تريد في البورد"
في بالي سلسلة مواضيع تستحق التناول , ليس الظهور بمظهر المثقف فقط
وعوضا عن كتابة عدة بوستات ح أتناول ما تيسر منها هنا
في اجزاء خاصة بكل فيلد على حدة, يعني ح يكون في:
كيف تبدو شفتا , وكيف تبدو فنانا , وكيف تبدو حكيما, وكيف تبدو فاهما , وكيف تبدو مناضلا,... إلخ إلخ إلخ
يتبع ...
حقوق يتبع محفوظة لتنظير
|
Post: #6
Title: Re: كيف تبدو مثقفاً في البورد ...
Author: عبدالكريم الامين احمد
Date: 10-10-2009, 06:06 AM
Parent: #4
هلا يا عمك..
وحكاية عجيبة..
وبالامس فقط طاف بخاطري تشييد بوست بذات المعني او كما بداء لي من بداياتك..
ولذا ساعمل علي رفع دعوي اسفيرية في مجلس الاسافير الاعلي واتهمك باللطش عبر التخاطر لوول..
ولكن كمثقف طليعي ويساري اركلوجي ساجدني جالسا القرفصاء في حواف بوستك هذا حتي اري
مسارات النقد للفكر المثقف بواسطة محمد البشري واخريين ...
او الفكر النقدي لحالة (ارتداء الجلابية الاسفيرية) في الاسافير السودانية المعاصرة
ومتابعون
|
Post: #7
Title: Re: كيف تبدو مثقفاً في البورد ...
Author: محمد الأمين موسى
Date: 10-10-2009, 06:06 AM
Parent: #4
| Quote: كيف تبدو شفتا , وكيف تبدو فنانا , وكيف تبدو حكيما, وكيف تبدو فاهما , وكيف تبدو مناضلا,... إلخ إلخ إلخ |
يا ود البشرى... خليك من كل الكلام الما جايب تمنو... لو عاوز تتثقف! جد جد عليك بإخوانا المغاربة فهم خبراء في التثقيف، ويمكنك الاستعانة بأخينا طارق جبريل حتى يفيدك عن مفهومهم للثقافة والتثقيف، بس أوعى تنط!!
|
Post: #8
Title: Re: كيف تبدو مثقفاً في البورد ...
Author: احمد التجانى احمد
Date: 10-10-2009, 07:22 AM
Parent: #7
| Quote: وبالامس فقط طاف بخاطري تشييد بوست بذات المعني |
مالقيت المسطرينة ولا شنو؟
| Quote: ولكن كمثقف طليعي ويساري اركلوجي |
وامبيلى.... ماتنساها
________________________________________
نظريتك ديك طلعت ماصاح
|
Post: #9
Title: Re: كيف تبدو مثقفاً في البورد ...
Author: عبدالكريم الامين احمد
Date: 10-10-2009, 07:34 AM
Parent: #8
| Quote: نظريتك ديك طلعت ماصاح |
هلا يا صلعة..
ياتو نظرية من النظريات الطرشقت دي..؟؟
يا اخوي قبل ما تقول ماعندنا نظرية بتطرشق باخوي واخوك
كدي عيد النظرة كرتين او ثلاثة كرات.. وتعالني تاني
|
Post: #10
Title: Re: كيف تبدو مثقفاً في البورد ...
Author: ياسر بيناوي
Date: 10-10-2009, 07:38 AM
Parent: #8
| Quote: كيف تبدو مثقفاً في البورد ... |
اها شفت يا ود البشري في دي وقعت لي في جرح تب
انا مما جيت البورد دا كايس فرقة ابقي بيها مسغف ومالقيتا
اها انا الليلة مامارق من هنا تب لامن ابقي مسغف تتتتتتتتتتتتتب
واقعد ابري ليك خلق الله ديل بي جنس
في الاطار دا
وانا حبيت اوصل الموضوع بصورة مغايرة
وفي استقراء ايهامي
وتاني اشبكم ليك
اركولوجي
ومديوكر
بالمناسبة انت اكبر مديوكر في البوردا ( مع اني ما عارف معناها ) لكن يبقالي شكر
خالص الود
|
Post: #11
Title: Re: كيف تبدو مثقفاً في البورد ...
Author: Fadl Karrar
Date: 10-10-2009, 07:44 AM
Parent: #10
دي زي أرمي بياضك
طبعاً بالمفهموم العصري كلامي دا ما فيهو ريحة ثقافة
لكن عند الطيب محمد الطيب الله يرحمه ونجيب محفوظ بي هناك الله يرحمهو برضو
وعند أهل التراث يعتبر ثقافة محلية
في الحتة دي
الثقافة عندي إستيعاب الداخل أولاً ذاتاً كان أم وطن
ثم الإنطلاق في العالم الرحيب ، لقيت الرحيب دي كيف عليك الله
|
Post: #12
Title: Re: كيف تبدو مثقفاً في البورد ...
Author: عفاف الصادق بابكر
Date: 10-10-2009, 09:30 AM
Parent: #11
ممكن اشارك :كيف أبدو مثقفة في البورد ؟؟
ود البشري .. كيفنك ..
|
Post: #13
Title: Re: كيف تبدو مثقفاً في البورد ...
Author: عبداللطيف حسن علي
Date: 10-10-2009, 09:41 AM
Parent: #12
كلما سمع كلمة ثقافة تحسس كيبورده
|
Post: #14
Title: Re: كيف تبدو مثقفاً في البورد ...
Author: طلحة عبدالله
Date: 10-10-2009, 11:46 AM
Parent: #13
جرجرة يا عمك Quote: كيف تبدو مثقفاً في البورد ...
|
لازم تتهندم كويس وتختار ربطة العنق بعناية
وتقوقل ليك كلمتين تلاتة من شاكلة (في الحتة دي أسمح لي اختلف معاك إختلاف توتلي)
يتبع ....
حقوق يتبع محفوظة لي .
|
Post: #15
Title: Re: كيف تبدو مثقفاً في البورد ...
Author: محمد أبوالعزائم أبوالريش
Date: 10-10-2009, 11:59 AM
Parent: #14
محاولة إجابة:
أدخل كل بوستات المثقفين، وأثني على أفكارهم وطروحاتهم و ,,,,(واليهم)، ولا مانع من (تنهيدة) و(صنفرة) وما شاكلهما.
لو كنت (أوف بوينت) .. أديني بنبر في البوست ده عشان أستفيد وأقشر.
سؤال:
سؤال عنوان البوست: كيف (أبدو) .. والاّ كيف (أصبح)
|
Post: #16
Title: Re: كيف تبدو مثقفاً في البورد ...
Author: حامد محمد حامد
Date: 10-10-2009, 12:49 PM
Parent: #15
محمد البشرى شكلك عايز تجيب كلام كبير.. كبير ولكنك تتجمل او تبدو مثقفا
يتبع...بتاع طلحة
|
Post: #17
Title: Re: كيف تبدو مثقفاً في البورد ...
Author: osman righeem
Date: 10-10-2009, 05:29 PM
Parent: #16
تتجنب رهط غيرهم
(0)
و تفنح بوست ( علي سبيل المثال)تدعو فيه م خ الي حوار
حول اثر التغير المكاني في البكائيات عند النوبة
و تركز علي السلبيات و تبرز الجوانب المستفزه و التي
تجلب لك المعترضين علي طرحك و لن تكلف نفسك مشقة الرد
عليه فسوف يأتي المختلفون معهم في مواضيع أخري لكي
بعضدوا وجهة نظرك ويرزوا فيها ملامح تحليلية و نقدية
غير مسبوقة وان دلت علي شئ انما تدل علي فهمك المحيط الواسع
لكنه الموضوع و اسلوب سردك العلمي المهني المتجرد
و( نعود)
|
Post: #18
Title: Re: كيف تبدو مثقفاً في البورد ...
Author: تبارك شيخ الدين جبريل
Date: 10-10-2009, 06:25 PM
Parent: #17
أو تقتبس غنا ناس "الهيلا هوب" ...
... غايتو ... تتصرّف ...
.. المهم ...
|
Post: #19
Title: Re: كيف تبدو مثقفاً في البورد ...
Author: عادل عبدالعزيز عبد الرحيم
Date: 10-10-2009, 06:47 PM
Parent: #18
اول حاجة فى بروفايلك تظبط صورة جنب الكمبيوتر بتاعك وانت لابس كرفته
اهم شىء الكرفته انشاء الله الباقى عريان مافى مشكلة
ممكن تكون دى فى حد ذاتها تثقيفة كبيرة جدا لها علاقة با البنيوية
على فكرة البنيوية دى مجناننى ليك جن فى زوول عارف معناها شنوا ؟؟؟؟؟؟؟
|
Post: #20
Title: Re: كيف تبدو مثقفاً في البورد ...
Author: محمد البشرى الخضر
Date: 10-10-2009, 07:00 PM
Parent: #19
(8)
الإخوة الكرام قبل ان استرسل حابب اوضح ان المعني هنا المثقف وليس المثقفاتي*
ح نجي لكيف تبدو مثقفاتياً في حينها
يتبع .. بحقوقها المحفوظة
____________________________________
* الفرق واضح طبعا لكن على سبيل المثال
زي عبد اللطيف مين كدا الفوق دا نموذج مثالي للمثقفاتي
|
Post: #21
Title: Re: كيف تبدو مثقفاً في البورد ...
Author: عزام حسن فرح
Date: 10-10-2009, 07:03 PM
Parent: #19
عادل عبدالعزيز عبدالرحيم
Quote: البنيوية
فى زوول عارف معناها شنوا |
الظاهِر عليك إنك ما مُسغف وكِده ... ما علينا ... " البنَيوِية " مُشتقة مِن البُنيه اللات الشكل
والصُراع ... وإذا أردِت جمعُها تقول بُنْيَوات وبُنيات ... يعني خبِت كتير ... وقال الشاعِر :
بُنْياتًا كتير في الراس ... كُنتو كُتار ما راس بِراس
|
Post: #22
Title: Re: كيف تبدو مثقفاً في البورد ...
Author: عبداللطيف حسن علي
Date: 10-10-2009, 07:30 PM
Parent: #21
| Quote: زي عبد اللطيف مين كدا الفوق دا نموذج مثالي للمثقفاتي |
قبلناها منك !
طيب صنف نفسك من الاتنين ؟!
|
Post: #23
Title: Re: كيف تبدو مثقفاً في البورد ...
Author: داليا الكباشى
Date: 10-10-2009, 07:38 PM
Parent: #22
تعمل بوست زي ده ...!!!!
لوووووووول ...
|
Post: #25
Title: Re: كيف تبدو مثقفاً في البورد ...
Author: على محمد على بشير
Date: 10-10-2009, 07:44 PM
Parent: #23
الجماعه صدقوا
وهو قاعد يشتت فى الكوره لسع !!
|
Post: #24
Title: Re: كيف تبدو مثقفاً في البورد ...
Author: Magdi Ahmed Elsheikh
Date: 10-10-2009, 07:43 PM
Parent: #22
من اشهر المثقفين الباسمين ومن لف لفهم,,,
والله مشتاقين ,,
|
Post: #26
Title: Re: كيف تبدو مثقفاً في البورد ...
Author: محمد البشرى الخضر
Date: 10-10-2009, 09:24 PM
Parent: #24
| Quote: كيف تبدو مثقفاً في البورد |
أخونا ابو الريش مشكورا اصاب في إجابته وفي تساؤله Quote: سؤال:
سؤال عنوان البوست: كيف (أبدو) .. والاّ كيف (أصبح) |
نعم الفكرة عن كيف "تبدو" وليست "تصبح"
من السهل ان يجيب بوست في سودانيز اون لاين عن كيف تبدو و من المستحيل على البورد بكامله ان يجيب على الأخرى
عودة للموضوع ....
بداية لمن يريد ان يبدو مثقفا أن يجوّد كتابته - من ناحية قواعد اللغة وضبطها - ويقلل الأخطاء الإملائية و النحوية - إن اختار الفصحى - ما أمكن و يستحسن اضافة بعض حركات التشكيل
و الكتابة بالدارجي اسلم فقط يتجنب الإخطاء الغير منطقية و عند الكتابة باللغة الإنجليزية عليه إما كتابة الكلمة بحروف عربية أو الحرص على عدم الخطأ في الإسبلنج
لأن منظر حشر الكلمات الإنجليزية وسط الجمل مزعج بصفة عامة وقاتل إذا كان الإسبلنج خاطئ
بين المثقف و المثقفاتي خيط رفيع , على من يريد ان يبدو مثقفا الحرص كل الحرص أن لا يتجاوز هذا الخيط بينهما
وكما ذكر الأخوان تجنب التداخل مع الضحكنجية ما أمكن و احرص على أن لا يتواجدوا ببوستاتك
واحرص على التداخل مع المثقفين - أو من تحسبهم مثقفين - حتى لو لم تجد ما يفيد لتضيفه
يكفي التداخل في حد ذاته واثبات المتابعة و كدا
Tip :
في الحتة دي ينصح باستخدام تكتيك " تسجيل حضور "و" دي طوبتي " و" حتى عودة " وما شابه
من اهم سمات المثقف على سودانيز اون لاين النزعة الجندرية و نصر المرأة و محاربة العقلية الذكورية
فيا عزيزي من تريد ان تبدو مثقفا , انصر المراة ظالمة أو ظالمة أينما ثقفتها فهي بالنسبة لك دائما على حق
يتبع ...
|
Post: #27
Title: Re: كيف تبدو مثقفاً في البورد ...
Author: محمد البشرى الخضر
Date: 10-10-2009, 10:19 PM
Parent: #26
البوست للجميع وانتم اهل بيت وما ضيوف
اليعفي لي اي واحد/ة ما رديت ليه بالاسم
كابتن كيكي ... دي جديدة دي | Quote: واتهمك باللطش عبر التخاطر |
مرحب بيك في البوست و حوافه و أنى شئت
لكن الكنتة هنا مش النقد بل التفاكر و تبادل الآراء حول انسب السبل للتظاهر وكدا
اشتقنا للاستديوهات يا عمك
دكتور محمد الأمين .. مرحب بيك وشرفتنا كتير .. لا والله ما عندي النية
وحتى لو كانت في ما بقدر , عارف قدر نفسي و راجي رحمة الله
بيناوي ...| Quote: انا مما جيت البورد دا كايس فرقة ابقي بيها مسغف ومالقيتا |
غايتو كان داير "تبدو" خليك معانا لكن "تبقى" دي ما عندنا هنا
كدي امشي الفور أول اقرا شوية و تعال
فضل كرار يا عمك .. ازي الحال ووينك يا راجل
بت الصادق مرحب بيك ...
شاركي يا بتي... شاركي
تنظير يا عمك ..| Quote: في الحتة دي أسمح لي اختلف معاك إختلاف توتلي |
دي حركات مثقفاتية ساي
لكن الهندام مهم مافي كلام
أبو الريش ...تشكر على المداخلة المجيهة - حتى تساؤلك مجيّه
|
Post: #28
Title: Re: كيف تبدو مثقفاً في البورد ...
Author: طارق جبريل
Date: 10-10-2009, 10:55 PM
Parent: #27
يا عمك كيفنك
عليك الله بس باري لي دكتور محمد الامين دة
يمين جنن المغاربة ديل في الثقافة
ياخي دة عمل ليه ماجستير في الكشير والبسمات
محن ليك المغاربة ديل في حنانهم
تليشة:
يا اخوي ثقافة شنو
اسكت شوت ضفاري سااااااكت
|
Post: #29
Title: Re: كيف تبدو مثقفاً في البورد ...
Author: Magdi Ahmed Elsheikh
Date: 10-11-2009, 00:15 AM
Parent: #28
Quote: و الكتابة بالدارجي اسلم فقط يتجنب الإخطاء الغير منطقية و عند الكتابة باللغة الإنجليزية عليه إما كتابة الكلمة بحروف عربية أو الحرص على عدم الخطأ في الإسبلنج
|
Quote:
لأن منظر حشر الكلمات الإنجليزية وسط الجمل مزعج بصفة عامة وقاتل إذا كان الإسبلنج خاطئ |
|
Post: #30
Title: Re: كيف تبدو مثقفاً في البورد ...
Author: Magdi Ahmed Elsheikh
Date: 10-11-2009, 00:36 AM
Parent: #29
Quote: وعوضا عن كتابة عدة بوستات ح أتناول ما تيسر منها هنا
في اجزاء خاصة بكل فيلد على حدة, يعني ح يكون في: |
Quote: و الكتابة بالدارجي اسلم فقط يتجنب الإخطاء الغير منطقية و عند الكتابة باللغة الإنجليزية عليه إما كتابة الكلمة بحروف عربية أو الحرص على عدم الخطأ في الإسبلنج
|
| Quote: لأن منظر حشر الكلمات الإنجليزية وسط الجمل مزعج بصفة عامة وقاتل إذا كان الإسبلنج خاطئ |
ثقافه نقدية ذاتية انعكاسية دائرية مستلبة !!
|
Post: #50
Title: Re: كيف تبدو مثقفاً في البورد ...
Author: Gaafar Ismail
Date: 11-01-2009, 04:29 AM
Parent: #26
الحبيب ود البشرى
تسجبل حضور ومتابعة(كدا أنا ما قصّرت تب)
تحياتي وصادق مودتي
|
Post: #37
Title: Re: كيف تبدو مثقفاً في البورد ...
Author: khaleel
Date: 10-12-2009, 03:35 PM
Parent: #18
الحديث عن مخرجات الازمة يقود للتوهان
واسرائيل تريد ان تدخل القضية الفلسطينية في حقيبة المستوطنات
وتخرجها من مضمونها
|
Post: #31
Title: Re: كيف تبدو مثقفاً في البورد ...
Author: حسن حماد محمد
Date: 10-11-2009, 01:58 AM
Parent: #1
ود البشرى سلام
| Quote: كيف تبدو شفتا , وكيف تبدو فنانا , وكيف تبدو حكيما, وكيف تبدو فاهما , وكيف تبدو مناضلا,... إلخ إلخ إلخ |
ممكن تدينا شوية من كيف تبدو شفتاً؟
|
Post: #32
Title: Re: كيف تبدو مثقفاً في البورد ...
Author: Osman Musa
Date: 10-11-2009, 02:37 AM
Parent: #31
تكتر كتير من فا . وحا
و تتحنفش وتمسك فى كلمة البنيوية دى
|
Post: #33
Title: Re: كيف تبدو مثقفاً في البورد ...
Author: PLAYER
Date: 10-11-2009, 03:47 AM
Parent: #32
ولماذا تريد ان تبدو مثقفآ اذا لم تكن أصلآ?
حكمة اليومالأفضل ان تنال الأحترام كما كنت وليس كما تريد ان تكون
|
Post: #34
Title: Re: كيف تبدو مثقفاً في البورد ...
Author: محمد أبوالعزائم أبوالريش
Date: 10-11-2009, 05:49 AM
Parent: #33
| Quote: احرص على أن لا يتواجدوا ببوستاتك |
دي كيف؟ .... الضحكونجية ديل بالذات من ميزاتهم إنهم بيدخلوا من كل المسامات.
| Quote: أبو الريش ...تشكر على المداخلة المجيهة - حتى تساؤلك مجيّه |
يا عمّك .. جيهة ساكت؟ والاّ أبدو مثقّف؟
|
Post: #36
Title: Re: كيف تبدو مثقفاً في البورد ...
Author: osman righeem
Date: 10-12-2009, 02:54 PM
Parent: #35
شوف اليوم تابعت لنك وضعته ( حضرتك ) في بوست مسروق
ادخلني هذا اللنك الي مداخلات محسن خالد .
وخرجت من هنالك نصفي يضحك و النصف الاخر يحاول أن يثبت
خطواتي علي الطريق
فاما الضحك فكان من حكاية اب سنينة البيضحك علي اب سنينتين
و أما القهقهة فكانت من خياتة محسن خالد للكلمات و تحميل الاوجه
و محاولته أن يجعل للحقيقة وجها واحد
لكني تخيلت محسن خالد مثل ذلك الرجل المتقدم في العمر و الذي
تجده في دكان الترزي يجلس الي غير (ماكينة) و يخيط بيديه عمود الجلابية
و بأخده في خط مستقيم من عند عظم الشيطان الي إبط الرجل و هو لا ينطق بكلمة
و في عينيه قعر كباية (كباية عثمان حسين)
ويبدأ بعد اكماله العمود مشاركة الترزية حواراتهم و يعود بهم الي لحظة بدأ هو في العمود
و يشتت كورهم وينقض غزلهم و عندها يتذكرون قطع الجمار و يهربوا الي حمامات السوق المصننه
بدلا من يواصلوا مع خيات عمود الجلاليب اذ هو يطالبهم بالدليل
|
Post: #38
Title: Re: كيف تبدو مثقفاً في البورد ...
Author: osman righeem
Date: 10-13-2009, 01:39 PM
Parent: #36
(2)
من الطرق العملية و لكي تبدو كما يقول
صاحب الخيط جرب هذا السيانريو
مدخل :-
انت مقيم بعجمان
تذهب الي النادي السوداني / أو العربي بالشارقة
و العربي احسن فثمة مثقفين يتواجدوا هنالك
برنامج العمل:-
تندرع في أحد المثقفين الكلمنجية و تشتري كيس تلج
من سوبر ماركت المدينة ( اللفة القبل النادي)
و تحصل منه علي عدة عنوانين يعني مثلا جمال الغيطاني
شوكت مين وشوية عبارات متلازمة مع الوجهة الثقافية التي سوف تظهر بها
الانجاز :-
اتختفي اي كلام و تعال جاري بيهو هنا
لكن لو الله فاتح عليك ونلت رضا الوالدين يقوم بكري يديك باسويرد دامة
بعد كده ممكن توقع للمعجبين في صلاعاتم أو بالعدم خدودم
|
Post: #39
Title: Re: كيف تبدو مثقفاً في البورد ...
Author: محمد البشرى الخضر
Date: 10-13-2009, 03:07 PM
Parent: #38
عفوا يا شباب معذرة على التأخير...
الإخوة حامد
تبارك
روغيم يا عمك
عادل
عزام
د.داليا
ابو علوة
دكتور مجدي
ود جبريل
خلّي
حسن حماد ( جدا يا عمك نخلص الفي يدنا و نشوف موضوع الشفتنة)
عثمان موسى
شاكرين ومقدرين مروركم و المشاركة
عبد اللطيف مين كدا قلت لي قبلتها
ياخي انت طيبان خلاص , كأنك عندك خيار
ما علينا .. | Quote: طيب صنف نفسك من الاتنين ؟! |
جوبلز
بلير .. | Quote: ولماذا تريد ان تبدو مثقفآ اذا لم تكن أصلآ? |
سؤال وجيه وباقي مداخلتك يحمل منظورك للإجابة Quote: حكمة اليوم
الأفضل ان تنال الأحترام كما كنت وليس كما تريد ان تكون |
لهذا تريد ان تبدو حكيما في البورد
برة الموضوع :
حكايتك شنو مع البنفسجي ؟
روغيم .. مالك بقيت لي الليلية زي ناس "أتوا لأجندات أخرى "
عشان كدا
التجاهل
التجاهل
التجاهل
|
Post: #40
Title: Re: كيف تبدو مثقفاً في البورد ...
Author: Magdi Ahmed Elsheikh
Date: 10-13-2009, 06:47 PM
Parent: #39
Quote: انت مقيم بعجمان
تذهب الي النادي السوداني / أو العربي بالشبارقة
و العربي احسن فثمة مثقفين يتواجدوا هنالك |
السيك في القبول اخر ثقافة!!!!
اها يارغيم شكلو كيف,,
مع وافر التحايا الثقافية الملتهبة!!!
|
Post: #41
Title: Re: كيف تبدو مثقفاً في البورد ...
Author: osman righeem
Date: 10-13-2009, 08:22 PM
Parent: #40
Quote: اها يارغيم شكلو كيف,,
مع وافر التحايا الثقافية الملتهبة!!! |
دكتورنا
سلامات
عارف النكتة بتاعت لو قلت ليك منتظ بص الثورة بتصدقني
بس عمك ده بيحاكم بحسن الظن و سؤ النية
هو شغال في عجمان وساكن في الشارقة و كتيرين مثله
لكن لو اخنا المقدمات ربما تؤدي الي النتيجة التي يظنها
اها ارقد عافي
|
Post: #42
Title: Re: كيف تبدو مثقفاً في البورد ...
Author: khaleel
Date: 10-13-2009, 08:33 PM
Parent: #41
قال مثقفاتي هذا المساء
هذا النظام فقد مبررات وجوده ولم يعد ينتج غير الازمات
|
Post: #43
Title: Re: كيف تبدو مثقفاً في البورد ...
Author: مدثر قرجاج
Date: 10-13-2009, 09:06 PM
Parent: #42
محمد البشرى
انا زى مالاقى نفسى جواى داخل البورد
يعنى فى حاجات كده زى تخشك وتمرقك
اها لقيتنى كيف فى الثقافه مثقف ولا مثقفاتى
ولا ثقافتك دى كيف؟
|
Post: #44
Title: Re: كيف تبدو مثقفاً في البورد ...
Author: Salah Abdulla
Date: 10-13-2009, 09:07 PM
Parent: #42
Quote: بداية لمن يريد ان يبدو مثقفا أن يجوّد كتابته - من ناحية قواعد اللغة وضبطها - ويقلل الأخطاء الإملائية و النحوية - إن اختار الفصحى - ما أمكن و يستحسن اضافة بعض حركات التشكيل
و الكتابة بالدارجي اسلم فقط يتجنب الإخطاء الغير منطقية و عند الكتابة باللغة الإنجليزية عليه إما كتابة الكلمة بحروف عربية أو الحرص على عدم الخطأ في الإسبلنج
لأن منظر حشر الكلمات الإنجليزية وسط الجمل مزعج بصفة عامة وقاتل إذا كان الإسبلنج خاطئ
بين المثقف و المثقفاتي خيط رفيع , على من يريد ان يبدو مثقفا الحرص كل الحرص أن لا يتجاوز هذا الخيط بينهما
وكما ذكر الأخوان تجنب التداخل مع الضحكنجية ما أمكن و احرص على أن لا يتواجدوا ببوستاتك
واحرص على التداخل مع المثقفين - أو من تحسبهم مثقفين - حتى لو لم تجد ما يفيد لتضيفه
يكفي التداخل في حد ذاته واثبات المتابعة و كدا |
الليلة أبوحتوت ده شكلو جادي كده مالو؟؟؟
يبدو أنه يرغب في نفي الإتهام بإنتماءه للملونين (بالأحمر) أعلاه
وهم (لو تعلمون) مثقفي هذا البورد ، وسبب وجوده.
ثم أعطاهم ظهره ، ورمى خلفه (قـُلّـة) دون أن ينظر في أي رأس حطت..
ودعناك الله يابا..
أنا زاااااتي أنفع مثقفاتي ،،،، ما عندي أي عوجة..
|
Post: #45
Title: Re: كيف تبدو مثقفاً في البورد ...
Author: محمد البشرى الخضر
Date: 10-13-2009, 10:00 PM
Parent: #44
أبوصلاح يا عمك
العفو ياخ البوست للنقاش و تبادل الآراء لمعرفة الطرق الأنسب لمن "يريد" ان يبدو كذا وكذا
بدينا بالثقافة و ماشين على الشفتنة و الحكمة و الفن و المساخة و الصعلكة .... إلخ إلخ
فمسألة تجنب الضحكنجية جدا مهمة في رأيي للشايلين الثقافة ميجر
يعني زول داير يكتب ليك ناس سيمولوجيا و جدلية و حراك و تأطير تخيل يجيه حمووودي يشبكو يا عمك ويا كااااااك
اها دا تاني بنفع مثقف بتعريفة
مدثر أكضب عليك يعني
كلامك دا حق مثقفاتية مثقفاتية
|
Post: #46
Title: Re: كيف تبدو مثقفاً في البورد ...
Author: Magdi Ahmed Elsheikh
Date: 10-13-2009, 10:18 PM
Parent: #45
| Quote: هو شغال في عجمان وساكن في الشارقة |
و..
| Quote: عمك ده بيحاكم بحسن الظن و سؤ النية |
دة منو؟؟؟
مسابقة ثقافية......
تخريمة
يارغيم ما عندك صورة لعمو وهبة!!!
|
Post: #47
Title: Re: كيف تبدو مثقفاً في البورد ...
Author: محمد البشرى الخضر
Date: 10-13-2009, 10:26 PM
Parent: #45
| Quote: كيف تبدو مثقفاً في البورد ... |
كما لا تنسى عزيزي من يريد ان يبدو مثقفا أن تبدي تأففك و تذمرك مما آل إليه حال البورد كلما سنحت الفرصة - وحتى إن لم تسنح اختلقها
واحشر تعبيرك عن الضيق من الوضع حشرا كلما رأيت متسعا لذلك و يا حبذا لو كان بين يدي من تراهم مثقفين
فعبارات مثل " البورد بقى للونسة و حفلات الطهور " و " البورد فقد دوره و انحرف عن اهدافه بفعل فاعل" ترفع اسهمك كثيرا و تقربك من هدفك أكثر فأكثر
واحرص ان كنت من الاعضاء القدامى بابداء الحسرة و الأسف على الزمن الجميل
اما إن كنت حديث العضوية فاكتفي باعرابك عن خذلانك و خيبة توقعاتك بعد نيلك العضوية
من السمات المهمة للمثقف ان يكون يساريا - اختيارية و لكن يُنصح بها - و تقدميا ذو ذهنية منفتحة و جندري ضد العقلية الذكورية كما اسلفنا
واكثر من بعض العبارات و التعابير المنتقاة التي تميزك عن جمهور العامة و عن الضحكنجية تحديدا
عبارات على شاكلة " يا صاحب " و " يا صديقي " و "حراك"و "نؤسس لحوار"و"عصف ذهني " و تفاكر" وغيرها على ذات الشاكلة جدا مفيدة في سعيك
و ينصح بقوقلة مواضيع ذات طابع خاص غير منتشر أو شخصيات ادبية او نقدية ليست مشهورة لدرجة معرفة العامة بها
نقل مواضيعها و الحديث عنها في البورد بشكل يوحي إلمامك بالموضوع واهتمامك به بطريقة جيدة
كما يستحب الإشارة دائما لعضويتك او مساهماتك في منتديات و مواقع اخرى ذات قيمة ثقافية عالية مقارنة بملجة سودانيز اون لاين
كالحوار المتمدن و الفور أول و غيرها
يتبع ..
|
Post: #48
Title: Re: كيف تبدو مثقفاً في البورد ...
Author: Salah Abdulla
Date: 10-13-2009, 11:20 PM
Parent: #45
أبوحتوت يا ولدنا ..
بنهزر ياخ ، مالك داير تبقى لي زي المثقفين (قالها ضاحكاً والله)
---------------
الغريبة قبل كم يوم دخلت هنا ، فأصبت بوجع (صفحة)
قمت قوقلت معاني ثقافة ولقافة ، ومثقف
وموهبة ، وإجتهاد ووووووو..الخ
تصدق لقيت ليك الجماعة (أهل الثقافة) قاعدين طـرزانات !!
|
Post: #49
Title: Re: كيف تبدو مثقفاً في البورد ...
Author: محمد عبد الماجد الصايم
Date: 11-01-2009, 00:19 AM
Parent: #48
إيييييييييييه
دنيا فرندقس!
|
Post: #51
Title: Re: كيف تبدو مثقفاً في البورد ...
Author: عثمان دغيس
Date: 11-01-2009, 08:59 AM
Parent: #49
| Quote: كيف تبدو مثقفاً في البورد ... |
من أحلى البوستات ...
والله أنا عندي "كليمات" كدي حافظن من زمن أركان النقاش في الجامعة لو قلتهن ليكم هنا والله أنجضكم نجاض ...!
وإلا تسووني دارون ولا أفلاطون زماني ...
وممكن جداً ترشحوني زعيم المثقفاتية زاتم ....
بس بصراحة ناقصاني قوة العين العند المثقفاتية دي .....!
Quote: تعمل بوست زي ده ...!!!!
لوووووووول ... |
والله دي أخطر مداخلة
عفيت من يا بت عمي ....!
|
Post: #52
Title: Re: كيف تبدو مثقفاً في البورد ...
Author: صلاح أبودية
Date: 11-01-2009, 09:17 AM
Parent: #51
| Quote: كيف تبدو مثقفاً في البورد |
رايت إنقليش لايك زيس آآدين زات يو دونت هاف أرابيك كى بورد !
|
Post: #53
Title: Re: كيف تبدو مثقفاً في البورد ...
Author: محمد كابيلا
Date: 11-01-2009, 10:28 AM
Parent: #1
| Quote: كيف تبدو مثقفاً في البورد |
ودالبشرى تحياتى ....
طالما الموضوع كيف تبدو مثقفاَ يبقى لا بد من
تعريف المتابع للبوست عن ماهية الثقافة وإتجاهاتها ..!!!
سؤال يا عمك :
ما هو الفرق بين المثقف والمثقفاتى !!
كل الود
محمد كابيلا
|
Post: #54
Title: Re: كيف تبدو مثقفاً في البورد ...
Author: عبدالوهاب علي الحاج
Date: 11-15-2009, 06:13 PM
Parent: #53
الاخ محمد البشرى
تحياتي
ما هو الفرق بين المثقف والمثقفاتى !!
|
Post: #55
Title: Re: كيف تبدو مثقفاً في البورد ...
Author: waleed dawash
Date: 11-15-2009, 08:31 PM
Parent: #54
| Quote: ما هو الفرق بين المثقف والمثقفاتى |
والله ياوهبه مرات بتريح الواحد في حنانو.
لكن كان جاك (كااااااااااان) الا تتيري.
|
Post: #56
Title: Re: كيف تبدو مثقفاً في البورد ...
Author: osman righeem
Date: 04-03-2010, 12:13 PM
Parent: #55
الان الان يا ابو حتوت
الوقت المناسب
|
Post: #57
Title: Re: كيف تبدو مثقفاً في البورد ...
Author: د.نجاة محمود
Date: 04-03-2010, 12:44 PM
Parent: #56
البورد دا زمان مليان سمقفين سادين علينا الحتة
لما دخلنا معاهم في معارك كبيرة
تبقى مسقف لما تكتب ذي كتابات سنتي ابن منتال الله يطراه بالخير
| Quote: محاولتك لبعث التفاؤل النصى بين احشاء الكتابة يزول بمقدم النص الموحد لفكر النهضة المتكوم في الذات الاوربية المنساقة وراء عوامل الهدم وصيرورة التهويم الفكرى ذو الجزور المتعمقة فى الذات المتحوصلة فى ذات النفق المداهن لفكر الفنتازيا من جهة والعولمة كطريق فاعل لبناء الذات الانسانية المتحولة نسبيا وفق معايير اخلاقية تبعث على التفاؤل النشط تارة وتارة تكسر حواجز القيم المنبجسة اصلا من انفصام الاخلاق وتهيب الفرص لاقتناص المعقول منها وطرح الاخر ذبدا لا يقيم وطره من الروح المشاغبة دوما فى فتوحات الذات الانسانية العميقة والمتعمقة في بحث الاخت دومة. وهذا لعمرى ما عناه المعرى حين اتكى في قيلولته ذات نهار ومضى في الكتابة عن ايديلوجيا الحداثة وميتافيزيقا التحول واركيلوجية الصراع الحداثى وميثيلوجيا التاصيل بخسرانها المبين في الجغرافيا الانسانية . |
وذي كتابة شنتير دي
| Quote: طبعاً يا أخت بيان .. الأخت دومة كان عندها بحث أمبريقي حول تجليات الفنتازيا الصينية واببثاقها كرافد من روافد الفكر التطبيقي في حالة انقطاع سيرورته عما سبقه من أعمال تراجيدية وميلودرامية نسفت مبادئ كل المدارس الإيحائية التقليدية المنكفية على موروثات كونفوشوسية لاترقى لمستوى الطفرة التي احدثتها المدرسة التكعيبية في أنماط الفن الانساني بكل ابعاده المنداحة والمستمدة لروحها النضالية من زخم المفردات الثورية المؤسسة للمعجم الصيني منذ حروب الافيون وموت افراد "هان دايناستي" الاقطاعية بداء القز اللولبي |
فى البوردShock & Awe وطالعنى الخلا و ثكلتك أمك
ولما تبقى شاعر حداسي
قصائد (حداسية) من شعر ما بعد الحداثة.. تجارب ابداعية
|
Post: #58
Title: Re: كيف تبدو مثقفاً في البورد ...
Author: SHIBKA
Date: 04-03-2010, 12:56 PM
Parent: #57
انا من رائي ان لا يختلف الناس فيما فيه من امور تهم امر البلد وفي شان تقسميها كذلك
يتبع
|
|
