Post: #1 Title: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 06-10-2008, 04:14 PM Parent: #0
اولا نرحب بكل الاعضاء الجدد و نتمنى التوفيق للراغبين في العضوية ولا زالوا حبيسي قوائم إنتظار عمك اهديكم بعض النصائح و الفنيات من واقع الفترة اللتي قضيتها في البورد و اتمنى من اخوتكم الأعضاء القدامى ان يرفدوا البوست بنصائحهم المستمدة من خبراتهم و تجاربهم
ابدا للاعضاء الجدد بشوية مواضيع بيض كدا
اولا الإقتباس لما تكون عايز تقتبس من مداخلة غيرك جزء من الحديث عشان ترد عليه او تستعين بيه او ساي بس و بعد ضغطك على زر اقتباس , بظهر ليك ويندو بالشكل دا غالبا
تقوم تظلل الخارم بارم دا كلو وتديه البحر و تلصق الكلام العايز تقتبسه من المداخلة الأصلية و تضغط اوكي وكدا
اهم حاجة الكود بتاع الكوت تتاكد انه مقفول كيف يعني ؟ يعني زي ما الكود بادي بي كلمة quote بين قوسين مربعين يكون مقفول بـ /quote بين قوسين مربعين برضو لو ما كدا البوست حيجوط و يبقى شكلو ما انزل الله به من سلطان
Post: #2 Title: Re: فنيات , تكتيكات و نصائح... لطالبي العضوية و الأعضاء الجدد Author: salma subhi Date: 06-10-2008, 04:53 PM Parent: #1
سلام وتحية...
Quote: فنيات , تكتيكات و نصائح
راجع وتابع بوست....أسابيع البورد!!
تقديري أخ محمد
Post: #4 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 06-10-2008, 05:32 PM Parent: #2
اختنا سلمى...
Quote: راجع وتابع بوست....أسابيع البورد!!
مالك صعبتيها عليهم بوست نصو مشفر و النص التاني لو ما تابعت كم يوم بتروح للامانة لا انصح العضاء الجدد يبدو بيه اما اعزائي المتصفحين فاخير ينسوا الموضوع
بمناسبة اللامناسبة دي نفتقد بوستاتك المميزة وكدا
Post: #3 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 06-10-2008, 05:25 PM Parent: #1
اخوانا طالبي العضوية , المتصفحين , اعزاءنا القراء قبل ما ابدا النصايح في شوية حندكة You don't know what you miss
تخيل انك بتتصفخ في البورد لقيت موضوع دسم و فيه حوار جيد و اراء مختلفة و انت عايز تدلي بدلوك فيه او تكون هلالابي نار منقد قريت واحد مريخابي بغالط انو الهلال ما يستاهل يشيل الدوري الأخير عشان الحكم ما عارف شنو او قريت واحد واقع افتاء في موضوع من صميم تخصصك و يشيل و يلبس في الباقين العمة او واحد ناقل موضوع تكون انت كاتبه و تعبان فيه و غير ليه كلمتين تلاتة في الأول و قاشر بيه و خاتي اسمه او في بوست بتاع ذكريات عن الجامعة او المدينة او المدرسة و الشله كلها بتكتب و جايبين سيرتك او لقيت واحد - او واحدة - دفعتك او صاحبك من سنين ما لاقيته كاتب هنا او خاتي صورتو وعاوز تتواصل معاه بكل براءة تضغط زر رد - عامل فيها ما عارف حاجة تجيك دي ناطة
يا سلاااااااااااام حارة ياخ
دي بالمناسبة صفحة الرد عاملة كدة - للعلم فقط
لا ولسة شوف إنت محروم من شنو كمان - عزيزي القارئ
سمعت بالمسنجر , يازوووووووول دي حكاية تانية كدي كحل عينك بمنظر ما اظنك شفتو قريب
وشوف كمان
اها المسنجر دا براه قصة إن الله هون لي قدام بديك طرفها
نواصل ...
Post: #5 Title: Re: فنيات , تكتيكات و نصائح... لطالبي العضوية و الأعضاء الجدد Author: لؤى Date: 06-10-2008, 06:33 PM Parent: #1
أخي محمّد البُشرَى سلامات
شُغُل نضيف ووالله فنّان إنت
وُدّي
أنـا في البـعـيـد مُـشـتـاق لهـمـسـة من الوطن يا نـسـمـة
Post: #6 Title: Re: فنيات , تكتيكات و نصائح... لطالبي العضوية و الأعضاء الجدد Author: mohmed khalail Date: 06-10-2008, 06:42 PM Parent: #5
ابو حتحوت
لكن ناذر ده بستفتو بستفتة السنين
وبعدين ..قلت لي (العرس ما منعني امشي هناك مرض شنو البمنعك)
والله يا عمك دي قلبت فيها الهوبه عدييييل
بس ما تكون لابس جلابية والهواء شديد
Post: #9 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 06-10-2008, 07:44 PM Parent: #6
محمد خليل يا عمك...
Quote: وبعدين ..قلت لي (العرس ما منعني امشي هناك مرض شنو البمنعك)
اعلاه في سياق ضرب المثل لكيفية الغلاط و اللياقة المتبعة في البورد سيرد ذكرها لاحقا...
Post: #8 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 06-10-2008, 07:39 PM Parent: #5
ابو اللول يا عمك...
Quote: ووالله فنّان إنت
يا راجل بطل تواضع احنا عنقالة ساي
Quote: محمّد البُشرَى
بمناسبة التشكيل دا يا عمك جدا واجعاني قصة انو اليوزر نيم بتاعك مكتوب غلط بالألف المقصورة حسي عليك الله كان لمت فيك ايمان صالح في حملتها المشهورة على الأخطاء الإملائية حتتصرف كيف؟
Post: #10 Title: Re: فنيات , تكتيكات و نصائح... لطالبي العضوية و الأعضاء الجدد Author: لؤى Date: 06-10-2008, 07:53 PM Parent: #8
أنا مُش مسؤول
دا بكري دا
أنـا في البـعـيـد مُـشـتـاق لهـمـسـة من الوطن يا نـسـمـة
Post: #7 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 06-10-2008, 07:35 PM Parent: #1
Quote: نواصل
اها يا عزيزي المتصفح الطريق للحاق المولد اعلاه يمر - فقط - بعمك بكري و عمك صاحب مزاجات طبعا الحديث فيما يلي موجه للمتصفح - طالب العضوية - العادي الغير معروف و اللذي ليس علما في مجال الإعلام او الصحافة او الشعر او الإدب او ليس من دفعة بكري في الجامعة ولا يقيم في امريكا - اريزونا تحديدا , و ليس من الحلفاية
هذا العضو العادي يحتاج للحصول على العضوية لترشيح و تزكية من اعضاء آخرين يفضل ان يكونوا من ذوي الحظوة او وثيقي العلاقة بعمك يعني يا المتصفح العادي ما تضيع وقتك في تدبيج الإيميلات و الرسائل ساي إيميل واحد لشخص وثيق الصلة بعمك و يا حبذا لو كان من المذكورين اعلاه كفيل بفعل ما تعجز عنه آلاف الإيميلات
نقطة تانية مهمة و فعالة و هي إذا تيسرت لك مقابلته شخصيا فمن السهل حينها الحصول على العضوية ودي دايرة مقص لإحدى رحلتي الشتاء و الصيف السنويتين للخرطوم و يا حبذا لو كان طلب العضوية بعد او اثناء لقاء البورداب يمكن توسيط بورداب الخرطوم في الأمر
هذا لا ينفي امكانية الحصول على العضوية عن طريق الإيميل و احيانا من رسالة واحدة كما حدث للبعض - في النهاية ارزاق
(في بعض النصائح و التكتيكات فعالة و مجربة لكن ليس من الحكمة طرحها على الملا فقد تلحق البوست الزينين)
اتمنى عزيزي المتصفح ان توفق في سعيك وتنال العضوية وترى هذه الرسالة السحرية
الآن انت جاهز لتنطلق نواصل معك كعضو جديد
Post: #11 Title: Re: فنيات , تكتيكات و نصائح... لطالبي العضوية و الأعضاء الجدد Author: دينا خالد Date: 06-10-2008, 08:10 PM Parent: #7
يااا عمكـ ياخ البركة بالشوفة
وحمدعلى سلامتك مفتقدنك وكدا !
شايفة موضوع الماجستير ماشى كويس وانتقلت للبراكتيكل !
Quote: تقوم تظلل الخارم بارم دا كلو وتديه البحر و تلصق الكلام العايز تقتبسه من المداخلة الأصلية
لقيتك بتاع تلتلة لكن الاسهل انك تدوس ال ري سيت وكل الكلام بمشى براهو لاتظليل
لا غرامة !
Quote: اولا كرهنا بالموصلي
سيف الجامعة وانت الصادق ،، لكن الباقى عن ناذر دا اتقطعت فيهو ! لووووووووووووول
Quote: اها يا عزيزي المتصفح
انت قاصد خضر حسين خليل !!! مش كدا ؟ كلمهم عدييل كدا كلمهم ما تخجل
وحذرهم هم ذاتهم عاااادى ممكن يتحول الواحد منهم لى متصفح مرة اخرى
وبقدرة قادر يبدا من المداخلة رقم واحد ( ود المايقوما نموذجا )
Post: #20 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 06-12-2008, 04:53 PM Parent: #11
دندونتو وكدا الله يسلمك ياخ ومشتاقين شايفك متألقة في الصور قصة الريسيت معاك حق فيها لكن انا عشان اعتدت على الشورت كيز الموضوع بياخد 0.037 ثانية معاي Ctrl+A و Ctrl+X وكدا
Quote: وذلك اذا ارتكب احدى الموبقات الكم ما عارف ::::
وستكون عزيزى البرلوم فى غضب الله اذا تدرعك او تدرعتك احد قدامى البورداب من العتاقى
فاحذر لدغاتهم وامشى جنب الحيط عند مرورك باحد النجوم اللامعة
تقرا البوستات لمالها او لجمالها او لحسبها البوردى او لنسبها لنجوم البورد فاظفر
بذات الصور والفيديو تربت يداك
عزيزي العضو الجديد نصيحة لله كلام خالتك مفراكة دا تظلله وتديه البحر برضو شنو تمشي جمب الحيط دي نصايح مثبطة للهمة و لها اثر العطرون في الدماغ يا انتي العضو كامل الأهلية يمشي و يقدل في نص البورد في عين اجعصها سينير البورد دا ما حق زول - حتى الان حسب نظرية ود جبر الله
المهم يادندونتو باللاي ادينا نصائح مفيدة خلي الناس تستفيد ياخ
Quote: حقى وين
اموت وافهم قصتك مع الحق دي شنو؟ (وش اب شنب بدخن ايامو الكان لسة بشنب)
Post: #14 Title: Re: فنيات , تكتيكات و نصائح... لطالبي العضوية و الأعضاء الجدد Author: salma subhi Date: 06-10-2008, 10:26 PM Parent: #7
Quote: تخيل انك بتتصفخ في البورد لقيت.... وبكل براءة.....وعامل فيها ما عارف حاجة
Quote: تلصق الكلام العايز تقتبسه
مثلاً...
Quote: للامانة لا انصح العضاء الجدد يبدو بيه اما اعزائي المتصفحين فاخير ينسوا الموضوع
بعد ده تقوم تجاوب وممكن تكون إجابتك في صميم الموضوع
done أها بعد ده دايرهم ينسوا برضو!!
واصل واصل أخونا محمد متابعين وما زلنا نستفيد!
تقديري
Post: #21 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 06-12-2008, 05:04 PM Parent: #14
اختنا سلمى
Quote: واصل واصل أخونا محمد متابعين وما زلنا نستفيد!
بطلي التواضع دا ياخ انتي استاذتنا ومنك استفدنا الكتير اتمنى انك تضيفي لينا في البوست من خبراتك و انطباعاتك عن البورد الكتير
عزيزي العضو الجديد.... لما الواطة تسخن و العجاجة تقوم و البورد يبقى كلو حروب و معارك و حاجة جدا تعيسة و مزعجة شوف وين اختنا سلمى كاتبة و انخ بعيرك هناك (نصيحة ذهبية)
Post: #66 Title: Re: فنيات , تكتيكات و نصائح... لطالبي العضوية و الأعضاء الجدد Author: ابوعبيدة حسن محمد Date: 07-20-2008, 07:56 PM Parent: #7
Quote:
او ليس من دفعة بكري في الجامعة ولا يقيم في امريكا - اريزونا تحديدا , و ليس من الحلفاية
دلوقت دي نسميها شنو يا ود البشري ؟!!
جهوية ؟!!
عنصرية ؟!
ولا شنو؟1!!
عشان لامور تكون واضحة بس يعني !!
Post: #68 Title: Re: فنيات , تكتيكات و نصائح... لطالبي العضوية و الأعضاء الجدد Author: Raja Abayazid Date: 07-21-2008, 08:54 AM Parent: #7
اولا انا ما معاك في كلامك عن بكري لاني انا عضوه جديده ولست اعلاميه ولا من الحلفايه ولا
ثانيا شكرا علي الدروس وساكون اول المستفيدين منها
Post: #12 Title: Re: فنيات , تكتيكات و نصائح... لطالبي العضوية و الأعضاء الجدد Author: العوض المسلمي Date: 06-10-2008, 08:31 PM Parent: #1
ود البشري ياعمك سلام
حصص المجانيه زمان كانت وين؟ يعني فتحت بوستات واتعلمنا منكم بعد ذلك يعني دي دروس مجانيه ولا الموضوع فيه ان؟ انا واثق ..ولكن حمودي البقنعو منو؟ وبالجد موضوعك ده يستحق بوست ماجستير
Post: #22 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 06-12-2008, 05:16 PM Parent: #12
المسلمي ياعمك ازيك ياخ اها وقت جيت يلا احكي للشباب ديل تجربتك ايامك الجديد و اديهم فكرة عن بداياتك
نصيحة فضية.... الدنيا ما طايرة عزيزي العضو الجديد اقرا اكتر مما تكتب في الأول و افهم ما بين السطور جيداالناس هنا عندها المحن وباطن حديثها غالبا لا يشبه طاهره وعموما شيل رجلك من البنزين (فاكرها يا العوض)
Post: #13 Title: Re: فنيات , تكتيكات و نصائح... لطالبي العضوية و الأعضاء الجدد Author: النذير الطاهر عثمان Date: 06-10-2008, 10:09 PM Parent: #1
الاخ محمد البشري الخضر شكرا لنصائحك المفيدة وعلي درس فنيات وتكتيكات استخدام البورد. ولك ودي.
Post: #23 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 06-12-2008, 05:17 PM
مرحب بيك يا النذير و مبروك العضوية اتمنى تكون بوستات الآخوان الفنانين لؤي و ناذر افادتك
Post: #15 Title: Re: فنيات , تكتيكات و نصائح... لطالبي العضوية و الأعضاء الجدد Author: كمال سالم Date: 06-10-2008, 11:25 PM Parent: #1
ود البشرى بالله البوست ده أرفعو لكليه أو جامعه ,, كلنا محتاجين للكورسات دى , وممكن تستعين بمساعدى تدريس زى أختنا دينا . مستعدين لدفع المصاريف بالسودانى أو الدولار أو اليورو , وممكن تكون المحاضرات عبر المسانجر , بس فى حالة المحاضره سوف يقدمها مساعد التدريس مستعدين لركوب الاهوال والسفر لأى دوله يقام فيها الكورس ,,
أستاذى لك حبى ,,
Post: #24 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 06-12-2008, 05:24 PM Parent: #15
كمال يا عمك...
Quote: بس فى حالة المحاضره سوف يقدمها مساعد التدريس مستعدين لركوب الاهوال والسفر لأى دوله يقام فيها الكورس ,,
عاد جنس دفيق و حتحته.... مبالغة لكن خايف عليك بالجد يا عمك
Quote: أستاذى لك حبى ,
الأيام دي معليش اعفيني يابا
نصيحة ماسية... عزيزي العضو إن كانت لك رغبة في الحنك ,الدفيق أو الحتحتة فحاول ما تظهرها عاملة و جيبها بي فوق فوق , وإن كان في بعض الحالات الإستثنائية يفضل انك تختها دج عديل كدة (مزيد من التفصيل لاحقا)
Post: #16 Title: Re: فنيات , تكتيكات و نصائح... لطالبي العضوية و الأعضاء الجدد Author: Maawya Hussein Date: 06-10-2008, 11:52 PM Parent: #1
سلام يا ود البشري
سؤال مهم
في خاصيه الرد عندك خيارين
1 رد
2 اضف رد
متين استعمل الخاصيتين !!!
باعتبار اني داير ارد علي الموضوع الاصلي ... ومفروض يكون في بروتكول معين للردود ولا بتحصل حقارات مرات !!!
الحاجه التانيه
اشرح لينا .. ملفك وعدل
ممكن اعدل مشاركتك ؟؟؟
ونخدمك في البوستات ان شاء الله
Post: #25 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 06-12-2008, 05:36 PM Parent: #16
مغربي يا عمك... دا نظام FAQ ولا شنو؟ عارفك زول معلم و بتاع يلا ادلي بدلوك وخلينا نستفيد كلنا
Post: #17 Title: Re: فنيات , تكتيكات و نصائح... لطالبي العضوية و الأعضاء الجدد Author: AWAD MAHMOUD OSMAN Date: 06-11-2008, 01:59 AM Parent: #1
Quote: اولا نرحب بكل الاعضاء الجدد
اهديكم بعض النصائح و الفنيات
من واقع الفترة اللتي قضيتها
في البورد
ودالبشري سلامات
شكرا علي الترحيب والارشادات وتسلم يارب
Post: #26 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 06-12-2008, 05:38 PM Parent: #17
هلا اخونا عوض و مرحب بيك مبروك العضوية تحياتي
Post: #18 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 06-11-2008, 10:05 PM Parent: #1
Quote: نواصل معك كعضو جديد
Here we go... عزيزي العضو الجديد مبروك حصولك على الباسويرد السحري جواز مرورك لعالم عجيب عجيب ومفتاح صندق الدنيا بالنسبة لمن يشاء وصندوق بندورا للبعض تخيل انت قاعد في امبدة ممكن تحنك ليك دامة شديدة في فلاديلفيا تشبكها ورود و بتاع و يا شفيفة و يا كلماتك بتعمل شنو فيني و يا حرفك بطلع عيني و كدا
المهم عزيزي العضو الجديد النرد على تعليقات الاخوان و نجي نكمل الحكي
Post: #19 Title: Re: فنيات , تكتيكات و نصائح... لطالبي العضوية و الأعضاء الجدد Author: عمر صديق Date: 06-12-2008, 00:06 AM Parent: #1
الاخ ود البشري شكرا لك علي هذه النصاائح الغالية
Quote: وستكون عزيزى البرلوم فى غضب الله اذا تدرعك او تدرعتك احد قدامى البورداب من العتاقى
فاحذر لدغاتهم وامشى جنب الحيط عند مرورك باحد النجوم اللامعة
تقرا البوستات لمالها او لجمالها او لحسبها البوردى او لنسبها لنجوم البورد فاظفر
بذات الصور والفيديو تربت يداك
ورايك شنو في التطبيق دا
Post: #30 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 06-12-2008, 05:46 PM Parent: #19
هلا اخونا عمر صديق ومرحب بيك
Quote: ورايك شنو في التطبيق دا
والله ياعمك الآراء بتختلف من زول لي زول طبعا لكن عن نفسي ما كنت ح آخد الكلام دا على محمل الجد باعتبار انو الباسويردات هنا متساوية و ليها نفس الصلاحية و المثل بقول البلدغك عضيهو في نص راسو و البدرعك احدر ليه في الضلمة
وكدا
Post: #32 Title: Re: فنيات , تكتيكات و نصائح... لطالبي العضوية و الأعضاء الجدد Author: دينا خالد Date: 06-12-2008, 09:48 PM Parent: #19
ووووووووووووووووووووو
ود البشرى ؟ ؟؟؟؟
Post: #27 Title: Re: فنيات , تكتيكات و نصائح... لطالبي العضوية و الأعضاء الجدد Author: ASHRAF TAHA Date: 06-12-2008, 05:41 PM Parent: #1
Quote: - حركة جبيب اللينكات -
دي الله يكتلني لي هسة ما عرفتها
Post: #28 Title: Re: فنيات , تكتيكات و نصائح... لطالبي العضوية و الأعضاء الجدد Author: عبدالفتاح أبوشيمة Date: 06-12-2008, 05:42 PM Parent: #1
ود البشرى الله يديك العافية
قول آمين
Post: #29 Title: Re: فنيات , تكتيكات و نصائح... لطالبي العضوية و الأعضاء الجدد Author: طلحة عبدالله Date: 06-12-2008, 05:43 PM Parent: #1
عزيزي القادم الجديد لو لاقتك المفردة دي : (جرجير) فلا تستانس ولا يسيل لعابك لذكر أحدي مكونات (السلطة) لانك ستكتشف خلال تجوالك بين بوستات وردود ومداخلات المدعو ود البشري أن الكلمة من ( جرجرة ) . دي مساهمة مني في الحصة دي ..
Post: #31 Title: Re: فنيات , تكتيكات و نصائح... لطالبي العضوية و الأعضاء الجدد Author: Elawad Date: 06-12-2008, 06:03 PM Parent: #1
والله حصص تمام و طبعا دا درس مهم للأعضاء الجدد:
Quote: Quote: أستاذى لك حبى ,
الأيام دي معليش اعفيني يابا
لأنه في المنبر دا كان شكرت عضو من الجنس الآخر ممكن تخسر من سمعتك نسبة تتراوح بين 5% لي 65% أما إذا شكرت عضو من نفس الجنس فأنت تخاطر بنسبة 100% لي 250% من سمعتك. تحياتي ود البشرى... بأمانة كدا ما جابتني الدروس... جابني الشمار قلت أشوفك قاعد تتآمر على البورد كيف يا ولد يا شقي إنت.
Post: #33 Title: Re: فنيات , تكتيكات و نصائح... لطالبي العضوية و الأعضاء الجدد Author: كمال سالم Date: 06-13-2008, 01:39 AM Parent: #1
وووووووووووووو
ودالبشرى ؟ ؟؟؟ ــــــــــــــــــــــ
ود البشرى بالله تانى ماتفلت وتطلع الحاجات ؟ شايف مساعد التدريس بحذرك .
Post: #34 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-01-2008, 03:27 PM Parent: #1
نعيد الترحيب باخوانا الأعضاء الجدد ونواصل وللمتصفحين و طالبي العضوية ابشركم يبدو ان ليبيا قد فتحت مرحبا بكل يحترم هذه القوانين ما عليك إلا ان تتعهد باحترام اللائحة وكدا وفرصة بالمناسبة لمن يرغب في نيك نيم آخر من الأعضاء القدامى - انصح باختلاق اسماء معقولة و البعد عن الأقارب وكدة
Post: #35 Title: Re: فنيات , تكتيكات و نصائح... لطالبي العضوية و الأعضاء الجدد Author: بشير جبريل علي Date: 07-01-2008, 04:05 PM Parent: #34
يا ود البشرى ..كيفك ياعمك أنا نفسي أجدد الباسووود .. أعمل ..شنو؟ أفتينا طال عمرك ..
بشير
Post: #36 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد خليل ساني Date: 07-01-2008, 04:10 PM Parent: #34
الحبيب ود البشرى
سلامات يا لذيذ تسلم على الحاجات الحلوه دي تتصور الناس الجدد ديل محظوظين أنا شخصيا لمن اشتركت فى مارس الماضي ما لقيت زول ينور ليّ الطريق ببوست زي ده أو يمكن ما فتشت فى أرشيف المنبر بس إجتهادات من حبيبنا هارون دياب معاي ومساسقه وعكلته من صحبك لمن عرفت الدرب
تخريمه خشنه ________________ صحبك حموووووودى العسل عندو صور تحفه فى أبراج الحمام بارك حأنزلها فى بوست رحلة العمر ما تنسى رأيك وتعليقك مهم جدا مع إنى عارفك ما بتتوصى
Post: #37 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-01-2008, 04:19 PM Parent: #1
وقت السيرة جات احب انبه عزيزي العضو الجديد للحتة بتاعة العناوين يا قول هناي " لكل داء دواء يستطب به .. إلا الحماقة أعيت من يداويها" اها يا عزيزي العنوان دا هو الحماقة نفسها القال عليها كل الكلام البتكتب داخل البوست ممكن تعيد النظر فيه تعديلا و تصحيحا و حذفا إلا العنوان كالرصاصة كان طلعت تاني ما بترجع او كحكم وصل آخر درجات التقاضي غير قابل للنقض او الإستئناف يعني يا حبة لو غلطت في العنوان شربت زيت زي الما حصل شي ما بتعدل ولا بتصحح و البريفيلج دا عند عمك فقط ونادرا ما يستجيب للنداءات بتعديل العناوين فعشان ما تقع في الغلطة دي و تبقى في الجرسة تمهل و اعد البصر كرتين تلاتة قبل ما ترسل كتابتك وكدا عموما القاعدة الذهبة بتقول " شاهده قبل نشره "
Post: #38 Title: Re: فنيات , تكتيكات و نصائح... لطالبي العضوية و الأعضاء الجدد Author: Maawya Hussein Date: 07-01-2008, 08:56 PM Parent: #1
يا ود البشري والله انا جادي في سؤالي الفوق داك
ملفك دي بتعني شنو ؟؟ مكتبتك ولا البروفايل
ممكن اعدل مشاركه زول ؟؟
ودبلوماسيه الردود
خلينا نستفيد
Post: #39 Title: Re: فنيات , تكتيكات و نصائح... لطالبي العضوية و الأعضاء الجدد Author: بشير جبريل علي Date: 07-01-2008, 09:10 PM Parent: #38
Quote: ملفك دي بتعني شنو ؟؟ مكتبتك ولا البروفايل
الأخ: معاوية تحياتي ..إنابة عن ود البشرى ..أستأذنك وأستأذنه حسب علمي ..ملفك تعني بروفايلك ..لكن لايمكن أن تعدل بوست أو بروفايل شخص آخر ..وجرب يا معاوية أفتح بروفايل أي شخص آخر وأعمل كلك في ملفك .. بفتح معاك ملفك أنت مش ملفو هو؟
مع خالص تقديري
بشير
Post: #40 Title: Re: فنيات , تكتيكات و نصائح... لطالبي العضوية و الأعضاء الجدد Author: Maawya Hussein Date: 07-01-2008, 09:18 PM Parent: #39
شكرا بشير علي التوضيح وكنت زمان خايف اهابش براي اتقرص
بس بالنسبه لي ملفك دي انا ضغطت علي ملفك الفي ردك انت جاني بروفايلك انت ..
اتعلمتا حركتين الليله ود البشري باقي ليك موضوع الردود ياخ
Post: #41 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-02-2008, 07:47 AM Parent: #1
Quote: ووووووووووووووووووووو
ود البشرى ؟ ؟؟؟؟
ووووووووووووووو
دندونتو ! !!!!
اشرف طه يا عمك... تبرا يايابا بجيك ليها لي قدام
ابشيمة ...
Quote: قول آمين
ابيت تعال استلمني يلا
طلحة تنظير.... ياخ ما تدي الإخوة الجداد نبذة عن التنظير السليم و فكرة عن اكبر المنظراتية عبر التاريخ
عزيزي العضو الجديد... اخونا طلحة خير نموذج لشخصية سيتم تناولها لي قدام باذن الله وهي شخصية الكاتب ذو الإتجاه الواحد او الموضوع الواحد و تعرف اصطلاحا بالفرمالة
العوض ... يعجبني فيك انك في الصورة دايما و ما بتفوتك المطايب
كمال سالم... وحاة النبي سكاك سك روق يا عمك واحلى
Post: #42 Title: Re: فنيات , تكتيكات و نصائح... لطالبي العضوية و الأعضاء الجدد Author: بشير جبريل علي Date: 07-02-2008, 08:16 AM Parent: #41
Quote: بس بالنسبه لي ملفك دي انا ضغطت علي ملفك الفي ردك انت جاني بروفايلك انت
طيب بعد جاك بروفايلي إضغط علي ملفك التحت بروفايلي ..بجيك بروفايلك أنت .. ليه لأنك ..لمن تمشي بروفايلي وتضغط ملفك دا بعني أنك عايز تعدل ..ولأن لا يمكن التعديل في بروفايل غيرك عشان كدة بوديك بروفايلك ..يعني بقول ليك مسموح ليك تعدل هنا في حقك ..ههههههههه
سلامات معاوية ..
ياخ أنحنا عناقلة ..ساكت أنت سيد الشي ذاتو...
وشكرا
Post: #43 Title: Re: فنيات , تكتيكات و نصائح... لطالبي العضوية و الأعضاء الجدد Author: عبدالفتاح أبوشيمة Date: 07-02-2008, 04:09 PM Parent: #1
Quote: ابشيمة ... Quote: قول آمين
ابيت تعال استلمني يلا
بالله عليك الله يا أبوحتّوت
دا رد تردّه على واحد برلوم زيّي
معليش الكيبورد اللّي بيتحنضل زي دا نديه الكلام الموجّه للناس
ولو إني عارف انت ما فاضي لينا؛ أقول ليك خللي البرالمة زيّي يستفيدوا منه
يا شباب أهم حاجة الملافظ سعد؛ وسيفك(كيبورديك يعني) كان سلّيتو لا نوبي لا عربي ما
بدخّلنّوا بيته.
تاني الله يديك العافية يا ود البشرى؛ وقول آمين.
Post: #44 Title: Re: فنيات , تكتيكات و نصائح... لطالبي العضوية و الأعضاء الجدد Author: sami Alzubair Date: 07-02-2008, 05:10 PM Parent: #1
ياعمك والله ما مقصر مع الشباب وكدا لكن شايف اعمامك جمركوا البوست حالتو ما جاك ودشيقوق ولا واحد من الهمباتة ... اهم حاجة يا عمك ما الاكواد الاهم منها المصطلحات يعني مثلا واحد يخش البوست يلقي الكلام كلو الخور،المستنيرين،كبشروا،شرحوا،عشان خاطر الباندوث،...الخ ده كوم ومصطلحات عمك بشاشا ديك كوم غير كلام ناس محسن خالد والجماعة الادباء ديل. اها تلقي الواحد خشي البوست وزي ما دخل زي ما طلع وافتكر انوالناس بتتكلم رندوك ساي فيا عمك كلم ناذر واب شنب وكيكي وتمبس وباقي الشباب اعملوا القاموس ده ولا جيب لينك البوست الكان بدا فيهو كلام زي ده ونزلوا لينا هنا(وش اب شنب الاخدر البدور ظاتو) ...
شوتة: نقشت اسبوع من اجل ابنائي ولا اشرحو ليك هناك
Post: #45 Title: Re: فنيات , تكتيكات و نصائح... لطالبي العضوية و الأعضاء الجدد Author: كمال سالم Date: 07-03-2008, 10:02 AM Parent: #1
ود البشرى صباحاتك بيض ,,
إنت سميتو ( سك ) وأنا بسميهو بحث .
بحث عن الحقيقه ,, يمكن يوم نعتر لينا فى دقسه ,,
Post: #46 Title: Re: فنيات , تكتيكات و نصائح... لطالبي العضوية و الأعضاء الجدد Author: جدو Date: 07-03-2008, 03:56 PM Parent: #45
ود البشرى يا عمك
ما قصرت مع الشباب تب..
بس وصيهم يبعدوا من بوستات الحجة والكتاحة عشان ما يطفشوا فرد طفشة..
أسع السناير ذاتهم بقوا يكشفوا من بعييييد ..ولسان حالهم يقول : أبعد عن الشر وغنيلو...
...
Post: #47 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-03-2008, 04:17 PM Parent: #1
عزيزي العضو الجديد... في العديد من الأفكار المواضيع العايزين نتناولها ولأني زول ما مرتب فالحاجة الفي بالي ح اكتب عنها و يمكن قبل ما تكمل تجي نقطة تانية وممكن نرجع للأولى بعدين - او ما نرجع ما مشكلة
ح انتاول بداية موضوع كبير شوية هو المقصات او الكماين و يطلق عليها احيانا الشرك او التيراب يعني عايز تجيب رجل شخص او جماعة معينة او عايو تبعدهم و تطفشهم وما داير خلقتهم تعرض عليك او ممكن يكون ما عندك شخص معين قاصدو او متوقع ردود افعال معينة من ناس بعينهم او عايز تتاكد من حاجة
اها الأساليب المستخدمة لتحقيق الغايات اعلاه هي موضوع الحديث القادم
نكمل بعد الصلاة
Post: #48 Title: Re: فنيات , تكتيكات و نصائح... لطالبي العضوية و الأعضاء الجدد Author: احمد محمد بشير Date: 07-03-2008, 04:18 PM Parent: #1
حبينا ود البشري يديك العافية علي الشغل الجميل دا
وجاني في جرح بالذات الشغل بتاع الاقتباس دا ما كنت قاعد اعرفوا
بس يا ملك ورينا كيدا:كيف نرفق اوراق ومستندات مصوره باسكنر في البوست
والف الف عافية.
Post: #49 Title: Re: فنيات , تكتيكات و نصائح... لطالبي العضوية و الأعضاء الجدد Author: حنين للبلد Date: 07-03-2008, 08:22 PM Parent: #1
بوست مهم جدا..مكانه فوق
Post: #50 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-05-2008, 06:26 AM Parent: #1
عملا لي الله نتكلم في حاجة مفيدة حتى نرجع لفلم المقصات
الصور و ما ادراك ما الصور من اللنكات اعلاه الموضوع واضح لكن في تيب تبين كدة قد تكون لهم فائدة اولا حجم الصورة و الفورمات تبعها مواقع رفع الصور بتحدد حجم معين و فورمات معينة حجم اقل من 90Kb مناسب و فورمات jpg & jpeg معقولة لأغلب مواقع الرفع لتقليل حجم الصورة و تغيير فورماتها توجد العديد من الوسائل و لكن لأن المعني بالشرح هنا هو عزيزي العضو الجديد على عالم النت و الصور نتكلم عن ابسط وسيلة و اكثرها شيوعا باستخدام برنامج الرسام Paint المتوفر مع اكسيسوريز الويندوز
بعد فتح الصورة المراد تصغيرها على البينت في قائمة Image اختار Resize/skew
راعي اختيار نفس القيمة للطول و العرض لنسبة التصغير عشان تحتفظ بالتناسب بين ابعاد الصورة ما تتفلسف و تخت قيمتين مختلفات بعدين الصورة تتكعوج (حتى لو اتفلسفت و عايز ترجع الأصل قبل ما تـ save أضغط Ctrl+z أو Undo)
بعد ما ظبطت ابعاد الصورة احفظها باختيار save as من قائمة file راعي اختيار الفورمات المذكورة فوق
بكدا الصورة جاهزة للرفع
اذا حابب ترفع في سودانيز اون لان يوجد لنك تحميل الصور فوق بوديك على صفحة التحميل
Tip: روابط الصور المحملة على سيرفر سودانيز اونلاين بتخلي الصورة في السنتر و عليها عنوان الموقع ولا يمكن حفظها في الجهاز - باخوي و اخوك- نطام حماية و كدا
إذا الحكاية دي ما عاجباك - او مبري منها زيي كدا - تقوم بدل ما تاخد الرابط الجاهز تلقى في واحد تاني بقول ليك لوضع الصورة في البروفايل تشيلو زي ما هو و تستخدم "اضف صورة " الموجودة في مربع الكتابة - بجانب ناس اقتباس و ضع خط و الجماعة ديك بعض المواقع لتحميل الصور :
Post: #51 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-05-2008, 11:23 AM Parent: #1
عزيزي العضو الجديد .... في موضوع مهم - من وجهة نظري - حبيت اطرحه هو موضوع الإدانة لموقف او كلمة او تعدي او غيره كتير ح تفابلك هنا عجاجة و عوا بين عضوين او جماعتين او اكتر وفي خضم الكعة قد تقرا كلام جارح جدا فيستفزك و بكل اريحية تدخل و تدين الطرف الصدر منو الكلام المعني الطرف المتضرر حيحمد ليك موقفك جدا و يشكرك عليه - عادي المشكلة وين ان الطرف الأنت ادنت موقفه او تصرفه اسهل حاجة ح يرد ليك وكنت ين حضرتك من زمان لما فلان قال لي و هناي فعل لي وما تجي داخل من النص بدون ما تلم بخلفيات الموضوع و بتاع و هناي و تبقى في اليحلك و بصورة تانية برضو اذا في عضو توقع منك تتضامن معاه او مع الراي العام في موقف معين يقوم يلم فيك في حتة تانية ما عندها علاقة بالموضع و يسالك ليه ما شفناك كتبت او سجلت موقفك هناك؟ وليه ما و ليه هناي و ليه بتاع , سؤال الملكين بس
انا شخصيا ما قاعد تفرق معاي و بعتير انو كل عضو هنا راشد و مسؤول عن كلامه ما من حق حد يسالك ليه وما ليه و لو عايز ادين حاجة بدينها لأنو بعبر عن نفسي و رايي ما علي بالآخرين تقبلهم و رايهم شنو عن تصرفي وان كان في نوع من المنطق في الجزء الأول من الكلام بتاع انك حقو تلم بخلفيات المشكلة - لو كانت عندها خلفيات - قبل ما تبدي رايك اما حكاية ليه ما وقفت معاي و بتاع دي فانسى انا شخصيا لو حد غلط علي عندي خيارين يا رديت ليه و جهلت فوق جهله او ضربت صفحا و نسيته وفي الحالتين لا احتاج او ارغب في دعم من احد - كما اسلفت كلنا راشدين و نملك نفس الآكسس و مستوى الباسويرد بالتالي ارى نفس في حل من حملات التضامن
عزيزي العضو الجديد اعلاه راي شخصي لا اكثر
نواصل - إن الله هون
Post: #52 Title: Re: فنيات , تكتيكات و نصائح... لطالبي العضوية و الأعضاء الجدد Author: ناهد بشير الطيب Date: 07-05-2008, 11:37 AM Parent: #1
ود البشرى ...حقوا البوست ده يثبتوه فوق ....
وفوق من اجل الكل
Post: #53 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-05-2008, 11:37 AM Parent: #1
نقطة اخرى
عزيزي العضو الجديد... وانت فرحان بالباسويرد و العالم الجديد اتمنى ان لا تنسى ان العالم دا عالم سايبري لا اكثر ولا يصلح كرفرنس او ستاندر للعالم الحقيقي لا تأخذ مراجعك عن العالم الحقيقي من هنا - او على الأصح لا تعتمد عليها تمام الإعتماد هنا الوضع فيرشوال و الكل يتحكم فيه و يخلق و يختلق ويرسم من الصور ما يشاء حتى الأسماء الحقيقية و الإنطباعات اللتي تولدها لديك هنا لا يعني ان هذه هي الشخصيات الحقيقية على ارض الواقع ممكن عادي تقرا لواحد ليل نهار يكتب عن حقوق المراة و الإستنارة و بتاع و يكون في واقعه الحقيقي المراة لاتعني اكثر من متاع مملوك له ممكن تقرا هنا من يلعن سنسنفل جدود الحكومة و في الواقع يرسل خطابات الشكر و التاييد للمشير وقس على ذلك كمان هنا في جاكات معينة اتمنى انك ما تاكل منها يعني ما كل لقاء لبورداب كان رائع و دافئ و جميل و بتاع و ما كل من كتب معجبا بنثر او قصيدة فاهم الكلام القراه وما كل من ادان موقف و تصدر في لعنه مقتنع حقيقة بالخطا الحاصل
باختصار هذا ليس عالما حقيقيا وحتى لا تحبط او تحس بالخذلان تعامل معه على هذا الأساس عزيزي العضو الجديد
Post: #54 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-05-2008, 11:52 AM Parent: #53
Quote: حتى الأسماء الحقيقية و الإنطباعات اللتي تولدها لديك هنا لا يعني ان هذه هي الشخصيات الحقيقية على ارض الواقع
محتاج اوضح هنا ان المقصود ليس الأسماء الوهمية وكدا لا بتكلم عن الأسماء الحقيقية لأصحابها و الشخصيات الراسمنها لنفسهم و في الواقع خلاف ذلك على سبيل المثال انا مقدم نفسي هنا على اني زول تفتيحة و ظريف و بتاع لو قابلتي في الحقيقة - ولا احبذ - ح تلقاني زول بيض و دمي تقيل و ما تقدر تكمل عشرة دقايق ونسة معاي خد عندك مثال تاني اب شنب او حمممودي العسل اخونا محمد عبد الماجد طارح نفسه هنا زول وجيه و حبيب و بتاع جكس و حنكو سنين لو شفته شناة السنين عليه و لو اتكلمت معاه حنكو عاضي و حكايته بطاله خلاص - اخير انا فس على ذلك عزيزي العضو الجديد وشوف كم واحد وواحدة فاكنها فيك هنا دي ما مشكلة كلو واحد يرسم الصورة الهو عايزها دا سايبر مفتوح و من رحمة ربنا اتاح لينا فرصة نعيش فيها بالشكل الحابين نكون عليه الفكرة انك يا عزيزي ما تاخد الموضوع على محمل الجد تصدق الصورة المطروحة هنا مالم تقابل الشخص او تتعرف عليه بشكل واقعي وكدا
Post: #55 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-05-2008, 12:11 PM Parent: #1
مغربي يا عمك...
Quote: ممكن اعدل مشاركه زول ؟؟
ياخوي انت قايل روحك آدمن هنا كمان مالك على مشاركة الزول كمان
بشير جبريل...
Quote: ياخ أنحنا عناقلة
دناقلة قصدك ... من وين؟
اب شيمة...
Quote: يا شباب أهم حاجة الملافظ سعد
و اهم من الملافظ الكلام الموزون وفي محله يديك العافية و ما تقول آمين
ود الزبير...
Quote: الاهم منها المصطلحات
جاييك ليها لقدام ابوي - ان الله هون
كمال سالم...
Quote: بحث عن الحقيقه ,, يمكن يوم نعتر لينا فى دقسه
اها وقووول عترت , وبعد دا ؟ مشي حالك يابا غمض عينك تاكل ملبن
جدو يا عمك...
Quote: بس وصيهم يبعدوا من بوستات الحجة والكتاحة عشان ما يطفشوا فرد طفشة..
في دي ما معاك ابوي العضو الجديد يكابس محل ما يعجبو حتى يشتد عوده و يحدد مساره و اتجاهو انا بفضل انو يخش و يدقش كويس كان سلك فبها وإلا يشيل الوردة الحمرا ويقع بوستات الغاوون - وما اكثرها
هلا احمد محمد بشير و مبروك العضوية شرفت البورد و سعدنا بك في اللينكين اعلاه خاصة بوست لؤي في شرح وافي بالإضافة للتيب الوردت فوق
يا بلد ... انتي المهمة و مكانك فوق والله مثال جيد عزيزي العضو الجديد على كسير تلج على خفيف - لي قدام نتكلم عن كسير التلج على تقيل
دكتورة ناهد ... مشكورة ياخ وكلك ذوق
Post: #56 Title: Re: فنيات , تكتيكات و نصائح... لطالبي العضوية و الأعضاء الجدد Author: عبدالفتاح أبوشيمة Date: 07-05-2008, 05:53 PM Parent: #1
Quote: يديك العافية و ما تقول آمين
آآآآآآآآمين
Post: #57 Title: Re: فنيات , تكتيكات و نصائح... لطالبي العضوية و الأعضاء الجدد Author: عمرو كمال ابراهيم Date: 07-06-2008, 03:07 AM Parent: #56
ود البشرى
كنت وين لمن اشتركنا
يعنى تعمل بوست زى ده... بعد ما بقينا نوصف للناس بالتلفون
بالغت معانا عديييييييييييييييييييييييييييييل
Post: #58 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-07-2008, 06:17 AM Parent: #1
فوق عشان هناية
Post: #59 Title: Re: فنيات , تكتيكات و نصائح... لطالبي العضوية و الأعضاء الجدد Author: sami Alzubair Date: 07-07-2008, 06:23 AM Parent: #58
يا شفاف محاضرة المصطلحات الساعة كم المداخلة برعايةمكرونة نوبي وكدا
ــــــــــــــــــــ التلفون امبارح ما اديتني ليهو
Post: #60 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-15-2008, 06:35 AM Parent: #1
عزيزي العضو الجديد وانت الآن بصدد كتابة اول بوستاتك احب الفت انتباهك للتالي تفاعل المتداخلين معك بالردود مهم و يعطي الحيوية للبوست و يزيد حماسك للمواصلة - ان كنت لا تحسن العزف المنفرد او المنولوج عشان الحتة دي في نقاط مهمة نتعرض لبعضها - بدون ترتيب اولا من الذوق و الأهمية بمكان عدم تجاهل التعليق على مداخلة اي من زوارك حتى ولو بعبارات شكر مثلا ان كنت لا ترغب - او لا تجد - ما يناسب من العبارات - الإكليشهات - المتداولة - شكرا على المرور - اسعدنا مرورك و مشاركتك - خليك قريب وكدا دي القوالب الرئيسية من الممكن تشكيلها حسب الذوق و المزاج
ثانيا اختيار العنوان الجاذب... بصورة عامة هنا ما يدفع المتصفح او العضو لفتح يوست ما - وسط آلاف البوستات - شيئين - اسم الكاتب - العنوان اسم الكاتب دي خليها اسي - نجيها لقدام - خلينا في العنوان كل ما كان العنوان مثير و محفز يضمن ان يطلع على البوست عدد كبير من القراء اكثر عبارة - تجيب دخل - هي "توجد صور" او " صورة" او ما شابه لكن هناك محاذير حكاية انو العنوان يكون مثير فقط ولا علاقة له بالموضوع او يعكس صورة مغايرة للواقع قد ينجح فعلا في جلب عدد كبير من الزوار لكن على المدى البعيد سيكون له تاثير سيئ على مصداقيتك و على الإنطباع اللذي تثيره مواضيعك في نفس القارئ بالتالي سيؤثر سلبيا على من يهتم بالمشاركة معك هناك نماذج عديدة لعناوين مضللة و لأعضاء اشتهروا فقط بكتابة العنوان المثير و اللذي لا علاقة له بالموضوع - نجيب النماذج لي قدام فمن المهم عزيزي العضو الجديد ان تراعي في عنوانك - مع الإثارة و الجذب- المصداقية او العلاقة الحقيقية مع الموضوع حتى لا تسقط في فخ سقط فيه الكثير ممن سبقوك
نواصل ...
Post: #61 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-15-2008, 08:23 PM Parent: #60
نقطة أخرى تتعلق باختيار الموضوع و التوقيت المناسب من المهم ان تتجنب المواضيع المكررة اللتي اثيرت اكثر من مرة او على فترات قريبة و التوقيت و الإتجاه العام ايضا مهم يعني مثلا ما ممكن تفتح موضوع بتكلم عن الزهور او الصداقة بين الجنسين مثلا في ايام زي دي الحنك الوحيد المدور فيها اوكامبو و ما ادراك ما المحكمة الدولية وتشتكي من قلة الزوار و المشاركين او من غتسة موضوعك في الصفحات الداخلية نصيحة ... تجنب فتح اي موضوع جديد صبيحة اليوم التالي لمباراة هلال مريخ لا سيما ان كان الزعيم راشي الوصيف كالعادة
بالنسبة للمواضيع المكررة غالبا ما يحصل اللبس في حالة كونو في حدث معين او خبر عاجل زي خبر حادث طيارة سودانير الأخيرة مثلا عشرات البوستات فتحت بصورة متعاقبة تكاد تحمل نفس العنوان و المحتوى انصح بالقاء نظرة سريعة على الصفحة الأولى على الأقل مرة و مرتين قبل اضافة الموضوع الجديد
بمناسبة التكرار ... في موضوع قتل نشرا في البورد و البوردات المجاورة بعناوين متشابهه كلها تدور حول (انت سوداني عشان بتسوي كذا وكذا) عبارة عن رسالة مدورة في الإيميل - بالله يا عزيزي العضو الجديد و رجاء حار لو جاتك الرسالة دي اقراها في محلها و خليها قبلها حتى الآن احصيت اكثر من سبعة بوستات تناولت الرسالة المعنية و كلها تقريبا خلت من الإشارة للنقل - ودا موضوع تاني إن الله هون نجيه لي قدام
Post: #62 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-15-2008, 08:58 PM Parent: #1
بالغ الزمن و بكري قبل فترة بديت واحد بعنوان فنيات البورد امهن و ابوهن سبعة ولا تمانية مداخلات و عمك لحسو الزمن داك مافي مكتبة فلف في الفاضي وكدا
اب شيمة... فطك ...فطك
ود الزبير يا عمك ... المصطلحات دي باب كبير و متشعب والمشكلة انها متجددة و متناسبة مع المرحلة دايما فمن الصعب حصرها بمعزل عن الأحداث يعني مثلا لو ما كنت متابع ما حتفهم السبب الخلا ابشنب يبقى حمودي العسل في ليلة و ضحاها شفت كيف ابوي ______________________________________________ نتكلم عن وضع اللينكات في المداخلات الزر المكتوب عليه"URL" لما تضغط عليه بيفتح ليك مربع حواري يطلب منك تكتب الأدرس العاوز تلنكو لاحظ( http:// )بتكون موجودة تلقائيا و مظللة لو انت ناسخ الأدرس بتاعك كامل مشتمل عليها احرص على ازالتها و عدم تكراراها وإلا ح يضرب اللنك و يكون غير مفيد بعد ما تنسخ الأدرس بطلب منك تاني كتابة كابشن للرابط ممكن تخليه زي ما هو و ممكن تكتب الفي بالك (راعي لأن لنكات البوستات الأخرى من المنبر سيظهر عنوانها الأصلي فقط مهما حاولت تغير فما تتعب ساي ) ملاحظة اخرى.. لو لأي سبب عدلت مداخلة فيها رابط بعد التعديل ح تلقى اللنك لحق الزينين و اتعولق احسن شي* تنسخ كامل المداخلة العايز تعدلها و تفتح نافذة رد جديدة في TAB او WINDOW جديد وتقوم تلصق المداخلة و تدخل الرابط من جديد عن طريق زر الـ URL عادي وتعدل تعديلك ثم تنسخ كامل المداخلة بعد التعديل و اعادة ادخال الرابط بطريقة صحيحة تلصقها في النافذة الفتحتها قبيل للتعديل و كدا
* احسن شي الواردة اعلاه قصدي بالنسبة لي انا ومن تجربتي وليست على إطلاقها من الممكن ان يفضل الآخرون اساليب غير
Post: #63 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-19-2008, 09:13 PM Parent: #1
لازلنا مع التكتيكات المتبعة لجذب المتداخلين و رفع بوستاتك عزيزي العضو الجديد من اشهر واقدم التكتيكات المتبعة هو المجاملة بمعنى ان من تزورهم في بوستاتهم و ترفعها لهم صار لك عليهم جميل واجب الرد و استحقاق لابد من سداده برفع بوستاتك و التداخل معك يعني لازم تكون زول مجامل و تتداخل مع الأعضاء عشان تتوقع انهم يعاملوك بالمثل دا بقودنا لحتة تانية لاباس من الحديث عنها حاليا الا وهي نماذج المداخلات في نماذج معينة تعارف عليها البورداب لمداخلات و تعليقات تناسب المواضيع المختلفة نتناول جانب منها هنا
في حالة الترحيب بعضو جديد او تزكيته لنيل العضوية : - مرحب بيك اضافة جديدة للمنبر و اكيد عندك الكتير تقولو - ان شاالله الدار ترحب بيك وفي انتظار مساهماتك واضافاتك - حبابك عشرة بلا كشرة (لو معاها وردة يكون كويس خالص) - نورت المكان و عسى ان يطيب لك المقام - ادخل لا جوة و جر بمبرك - صورة الورده الشهيرة وكدا ... دي بعض القوالب الرئيسية طبعا يمكن تشكيلها واضافة لمسة شخصية بالنسبة لتزكية الترشيح : - فلان يحتاجه المنبر يا بكري - اثني و ازكي و اؤيد و بتاع - هناي على بابك يا بكري - فرتكان اضافة للمنبر و للنضال و للبطيخ - إذا كانت المرشحة سيدة على قدر من الشهرة يفضل استخدام الخفة الملاسية الشهيرة (هي رائعة روعة نصاح .. اثني طبعا) وكدا
في حالات المجاملات الإجتماعية و الواجبات كالدعاء بالشفاء و التعازي و التهاني يمكن الإكتفاء باقتباس اول مداخلة و تكرارها او نسخ احد صور الورود او الصور البنزلها بكري و خلاص
من القوالب المهمة لما الموضوع يكون جاد او صعب عليك او دمو تقيل لكن لازم توري وشك فينصح في الحالة دي تكتفي بنقطة او فوق او احدى ادوات الرفع الأخرى لكن يجب مراعاة ان هذا النموذج لايصلح عندما يكون الموضوع آكتف و في اعلى الصفحة الأول فعلا قالب آخر ممكن يساعد هو شكر صاحب الموضوع على اثارة النقاط المهمة و تختم كلامك بـ(حتما لي عودة) او (متابعين باهتمام) او ( تسجيل حضور) او (واصل) المهم انك وريت وشك و سديت الدين العليك او جاملت و بقيت دائن
في حالة التداخل على قصيدة او اغنية او اي مجال ابداعي ليس للنقاش اصلا فينصح بـ ( اكتب يا فلان ) ( يا رائع) ( يا شفيف ) إذا كان صاحبة المداخلة سيدة لاتنسى ان تزرع وردة ولا اتنين من الورود العويرة البتفتح وتقفل براها دي قالب آخر شهير و هو ان تقتبس جزء من القصيدة - كيفما اتفق - و تلصقه في مداخلتك بدون تعليق منك وكفى
في حالة ادانة او توقيع او حملة جماعية .. يمكن ان تكتفي باقتباس المداخلة الفوق ليك طوالي و تضع اسمك تحتها مع أويد او اتفق او 100% او اي شي هذا النوع من البوستات اهمية حضورك نفسه تفوق ما تكتبه
من المستحيل طبعا حصر كل النماذج المتبعة هنا ولكن هذه بعضها و اللتي اسعفت الذاكرة بها , نتكلم المرة الجاية عن كيف تكتسب الشهرة بسرعة في البورد
Post: #64 Title: Re: فنيات , تكتيكات و نصائح... لطالبي العضوية و الأعضاء الجدد Author: sami Alzubair Date: 07-20-2008, 01:39 PM Parent: #1
Quote: ود الزبير يا عمك ... المصطلحات دي باب كبير و متشعب والمشكلة انها متجددة و متناسبة مع المرحلة دايما فمن الصعب حصرها بمعزل عن الأحداث يعني مثلا لو ما كنت متابع ما حتفهم السبب الخلا ابشنب يبقى حمودي العسل في ليلة و ضحاها شفت كيف ابوي
يا معلم عارفنها باب سنط وكدا ما تعمل لي فيها ولد صالح جبريل انا ما قلت ليك باري المصطلحات كلها لكن ممكن تنزل للشباب ديل الشي المهم والمتكرر او البساعدهم يكونوا ناقشين الحاصل وكدا اها بعدين انت حمودي العسل ظاتو غلطان اداك سرو .. تتذكر يا محمد كان كيكي ولا ناذر ما عارف بدا ليهو بوست ذي ده لو متذكرو عليك الله جيب لينا الرابط وكدا
_____________ مبروك التلاتة لكن الله شافكم
Post: #65 Title: Re: فنيات , تكتيكات و نصائح... لطالبي العضوية و الأعضاء الجدد Author: عصام علي أحمد Date: 07-20-2008, 06:44 PM Parent: #1
Quote: تخيل انت قاعد في امبدة ممكن تحنك ليك دامة شديدة في فلاديلفيا تشبكها ورود و بتاع و يا شفيفة و يا كلماتك بتعمل شنو فيني و يا حرفك بطلع عيني و كدا
يا عمك برضو ارفع رجلك من البنزين شوية
اين ابوسيجارة فى هذا اليوم الماطر
Post: #67 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد عبد الماجد الصايم Date: 07-21-2008, 08:34 AM Parent: #65
عصام يا عمكـ
خاليهو يردح في الناس دي سااي
أشغله الله في نفسه
Post: #69 Title: Re: فنيات , تكتيكات و نصائح... لطالبي العضوية و الأعضاء الجدد Author: ممدوح أبارو Date: 07-21-2008, 09:18 AM Parent: #67
يا عمك سؤال ممكن؟
Post: #70 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-21-2008, 11:22 AM Parent: #1
ود الزبير يا عمك... ما وقع ليك كلامي اظنو , نعيدو تاني ما مشكلة انا كريم وانت تستاهل ابوي انا المصطلحات مربوطة باحداث و غالبا مع نهاية الحدث او مرور الزمن عليه يختفي المصطلح او يبقى مع نسيان سبب وجوده لكن لا يمنع انوفي بعض المصطلحات نظل باقية لفترة طويلة اديك مثال مصطلح عربي و مصطلح طوكراوي ظهروا في فترة معينة و ارتبطوا ببوستات معينة اتأرشفت حاليا فتدريجيا اختفى و خف استخدامهم ومن ناحية تانية مصطلح سوركتي رغم ارشفة و حذف اغلب البوستات المتعلقة به إلا انه لازال مستخدم و بقوة ففتح باب زي دا يحتاج لوقت و مجهود ورجوع للأرشيف لتحري الدقة واخوك شغال من الذاكرة و بالمزاج لكن لو بديت لينا بنجادع معاك
ابوعبيدة يا دبيب.. كيفك يا عمك اخبارك و مشتاقين تسميها شيل حال - طبعا
حموووودي برميل العسل بشغلني و بفضى ليك
ابارو يا عمك... اسال ابوي اتفضل
Post: #71 Title: Re: فنيات , تكتيكات و نصائح... لطالبي العضوية و الأعضاء الجدد Author: Dalal Ezzaldin Date: 07-21-2008, 02:23 PM Parent: #1
شكراً كتير على الترحيب
وتخصيصك وقت عشان نواكب مع الناس
واستفدت شديد من البوست خاصةً في التعامل العام مع اعضاء المنبر .
Quote: لو قابلتي في الحقيقة - ولا احبذ - ح تلقاني زول بيض و دمي تقيل و ما تقدر تكمل عشرة دقايق ونسة معاي
بس دي اشك فيها
يديك العافيه
Post: #72 Title: Re: فنيات , تكتيكات و نصائح... لطالبي العضوية و الأعضاء الجدد Author: ممدوح أبارو Date: 07-21-2008, 02:39 PM Parent: #71
Quote: ابارو يا عمك... اسال ابوي اتفضل
شكرن جزيلن
لو داير أسم الموضوع العنوان يعني حقي يكون صورة كيف؟
Post: #73 Title: Re: فنيات , تكتيكات و نصائح... لطالبي العضوية و الأعضاء الجدد Author: هاشم ودراوي Date: 07-21-2008, 02:44 PM Parent: #72
Quote: راجع وتابع بوست....أسابيع البورد!!
تقديري أخ محمد"
كده جربنا كيف ناخد الـ Quote العايز اعرفو كيف اليوتيوب بنزلوهو هنا ولك الشكر
Post: #74 Title: Re: فنيات , تكتيكات و نصائح... لطالبي العضوية و الأعضاء الجدد Author: Ahmed musa Date: 07-21-2008, 02:50 PM Parent: #1
لكن الرئيس اتمسكن جنس مسكنة العنوان ده ما تشتغل بيه ........دي حركة مني ساي .....لفحتوا لإرهاب البرالمة بقدرتنا كبرالمة قُدام على فعل الأفاعيل .......أها في الكوتييشن في خيار بدل التظليل تعفص reset وكدا ياعمك .... وحذر الزملاء من بوستات الصهاينة ديناً وكورة ...... ينوبك ثواب ........أها فتك بخير
Post: #75 Title: Re: فنيات , تكتيكات و نصائح... لطالبي العضوية و الأعضاء الجدد Author: ناصر النعمان البدوي Date: 07-21-2008, 06:12 PM Parent: #1
Quote: ابدا للاعضاء الجدد بشوية مواضيع بيض كدا
الاخ البشري لك كل التقدير
Post: #76 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-21-2008, 08:07 PM Parent: #75
هلا دلال و مرحب بيك شكرا على مجاملتك اللطيفة و كدا لكن صدقيني انا - وكثيرين - شخصياتنا الإسفيرية اظرف و الطف كثيرا عن الواقع
ابارو يا عمك ... ما فهمت سؤالك بالضبط لكن ما دام الكلام عن العنوان ففي حتة مهمة وقت السيرة جات اكواد الـ HTML معطلة بالنسبة للعناوين وهي الأكواد البتسمح بالتحكم في الخط و اللون و غيرها من العمليات كالإقتباس و إدراج صورة و كدا عشان كدا مرات بتلقى عناوين ما انزل الله بها من سلطان تلقى الكود معلق في العنوان للبولد و الألوان و بدون فعالية العناوين في بورد بكري زي الإنقاذ لا بتغير لا بتعدل لا بنشال ليك باخوي واخوك فاخير العناوين دي يتم التعامل معها بحذر شوية
هاشم يا عمك لكن لقيتك اقتباسي خلاص مرحب بيك يا عمك ومنور بالنسبة لليوتيوب اها دا اسهل حاجة دايما في الصفحة الفيها الفيديو بتلقى خانة على اليمين مكتوب فيها Embed تقوم ابوي تشيل الكود الفيها بصمة خشمو و تليسوا محل ما داير ولو داير تتفلسف كمان في رابط مكتوب عليه Customize ممكن يخليك تعمل اطار حول الفيديو و حركات راعي ابوي للصورة دي
شفت كيف و بالمناسبة دي خليني النطعم البوست القداد دا
(ياخ الزولة دي عادية غايتو كبكبة منكم ساي)
يلا متعنا يا عمك و عذب اليوتيوب في حنانو
أحمد موسى ياعمك... ياخوي لنكك دا ما على عديلو ما تقنعني انك جبتو ساي لله كدا
نصيحة مهمة ...
Quote: (عدل بواسطة Ahmed musa on 21-07-2008, 01:56 م) (عدل بواسطة Ahmed musa on 21-07-2008, 01:58 م) (عدل بواسطة Ahmed musa on 21-07-2008, 02:02 م) (عدل بواسطة Ahmed musa on 21-07-2008, 02:03 م)
الكوت اعلاه نموذج لعدم استخدام" شاهده قبل نشره" بصورة جيدة ... تجنبها ما امكن عزيزي العضو الجديد
ناصر البدوي يا عمك... مرحب بيك ولك كل التقدير ايضا منور
Post: #77 Title: Re: فنيات , تكتيكات و نصائح... لطالبي العضوية و الأعضاء الجدد Author: AWAD MAHMOUD OSMAN Date: 07-21-2008, 08:20 PM Parent: #1
تسلم يارئس والله يديك الصحة والعافية ويكفيك عين ( حمودي العسل ) ويخليك لينا
Post: #78 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 07-21-2008, 11:58 PM Parent: #1
رجاء ابايزيد مرحب بيك و منورة مداخلتك دي امي إلا بالصدفة حتى لقيتها لو رديتي باستخدام زر اضف رد الموجود في الآخر بكون احسن لأنو بضمن ليك ظهور كلامك في آخر البوست انا بعد ذكرت حكاية انك تكون في اريزونا من الحلفايا استدركت بالتالي
Quote: هذا لا ينفي امكانية الحصول على العضوية عن طريق الإيميل و احيانا من رسالة واحدة كما حدث للبعض - في النهاية ارزاق
شاكر متابعتك وان شالله نكون عند حسن ظنك
عوض عثمان يا عمك.. تسلم ياخ و جدا شاكرين _____________________________________________________________________ Tip:
بخصوص الصور تاني عزيزي العضو الجديد لو في صورة اوردها احد الزملاء و عايز تجيبها تاني مافي داعي انك تحفظها في جهازك و ترفعها من جديد من الممكن تنسخ عنوان الصورة من الـ Properties و تستخدم نفس العنوان مع كود اضف صورة و كان الله يحب المحسنين (البروبرتيز بتصل ليها بضغط الزر الأيمن ماوس على الصورة المعنية) نفس الكلام ينطبق على اي صورة منشورة في موقع ىخر صحيفة مثلا او اي موقع آخر لا اعي لجحفظ الصورة عندك يكفي نسخ رابط العنوان كما يمكن استخدام نفس النظرية للحصول على الأيقونات المختلفة زي التحت ديل او ايقونات او وجوه ضاحكة من مواقع او منتديات ثانية كلها تعامل معاملة الصور و الوش الأخضر البلف و غيرو من الوشوش و وردة الغاوون البتفتح و تقفل براها وكدا
Post: #79 Title: Re: فنيات , تكتيكات و نصائح... لطالبي العضوية و الأعضاء الجدد Author: أبوبكر أبوالقاسم Date: 07-22-2008, 08:14 AM Parent: #1
متابعين الحصة وممكن نشارك؟
Quote: أحمد موسى ياعمك... ياخوي لنكك دا ما على عديلو ما تقنعني انك جبتو ساي لله كدا
جابوا ليك بمناسبة نصيحتك الغالية اللى هنا ( كمثال حى ) من صاحبك نوبى :
Quote: وستكون عزيزى البرلوم فى غضب الله اذا تدرعك او تدرعتك احد قدامى البورداب من العتاقى
فاحذر لدغاتهم وامشى جنب الحيط عند مرورك باحد النجوم اللامعة
بعدين ما تكلمت عن تكتيكات حشد المشاركين قبل فتح الموضوع الجديد وتوزيع الأدوار ، يعنى واحد يفتح ليه بوست وتشاهده إنت أول واحد وقبلما تتصفحه ( لمدة دقيقة ) يدخل ليك واحد يدعى العبقرية بتحليل للكلام كأنو عندنا قنابير.....
أو مهمة وفود لمقدمة فى تشتيت البوست والمناكفات .....
واصل....... فكلنا شهود( دى جديدة)
Post: #80 Title: Re: فنيات , تكتيكات و نصائح... لطالبي العضوية و الأعضاء الجدد Author: Dalal Ezzaldin Date: 07-23-2008, 10:10 AM Parent: #1
ضروري يكون UP
Post: #81 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 08-09-2008, 12:46 PM Parent: #1
ابوبكر ابو القاسم يا عمك ... كيف ما تشارك ياخ انت استاذنا كلنا
Quote: جابوا ليك بمناسبة نصيحتك الغالية اللى هنا ( كمثال حى ) من صاحبك نوبى
النصيحة المذكورة دي ما مني ولا من نوبي وبالعكس انا ما متفق معاها كما سبق و اشرت
Quote: بعدين ما تكلمت عن تكتيكات حشد المشاركين قبل فتح الموضوع الجديد وتوزيع الأدوار ، يعنى واحد يفتح ليه بوست وتشاهده إنت أول واحد وقبلما تتصفحه ( لمدة دقيقة ) يدخل ليك واحد يدعى العبقرية بتحليل للكلام كأنو عندنا قنابير.....
أو مهمة وفود لمقدمة فى تشتيت البوست والمناكفات .....
يا عمك خاتي بالك و ناقش الكنتة ما قلت ليك استاذنا حاضر نجيها لي قدام و اتمنى مشاركتك الفاعلة
اختنا دلال تشكري يا ذوق
Post: #82 Title: Re: فنيات , تكتيكات و نصائح... لطالبي العضوية و الأعضاء الجدد Author: رانيا قاسم Date: 08-09-2008, 01:44 PM Parent: #1
ابو حتوت
كيـف حالك
طبعاً انا اول المستفيدين
قال ليك على الهواء مباشرة وكدا
تسلم
Post: #83 Title: Re: فنيات , تكتيكات و نصائح... لطالبي العضوية و الأعضاء الجدد Author: عبدالعزيز الفاضلابى Date: 08-11-2008, 05:05 PM Parent: #82
الاخ البشرى انا واحد من هؤلاء الجدد وعندى مشكلة فى رفع Videos from YouTube فهلا تكرمت بالشرح او اى من اهل العلم فى هذا المجال ال Video codes ماتقدر تعرف بدايتها من نهايتها عاملة زى خيت الجبادة لما يتشربك والشكر مقدما..
Post: #84 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 08-11-2008, 08:17 PM Parent: #83
بنتنا رانيا .... كيفك وعساك بخير بالعكس احنا الاستفدنا منك بالجد يكفي انك صاحبة اجمل مبادرة بالنسبة لبورداب الإمارات - في ميزان حسناتك ان شاالله
الفاضلابي يا عمك ... نجيب ليك الكوت دا من ورا
Quote: بالنسبة لليوتيوب اها دا اسهل حاجة دايما في الصفحة الفيها الفيديو بتلقى خانة على اليمين مكتوب فيها Embed تقوم ابوي تشيل الكود الفيها بصمة خشمو و تليسوا محل ما داير ولو داير تتفلسف كمان في رابط مكتوب عليه Customize ممكن يخليك تعمل اطار حول الفيديو و حركات راعي ابوي للصورة دي
تمام كدي يا عمك
Post: #85 Title: Re: فنيات , تكتيكات و نصائح... لطالبي العضوية و الأعضاء الجدد Author: عبدالعزيز الفاضلابى Date: 08-11-2008, 09:10 PM Parent: #84
العزيز ود البشرى اسم على مسمى : لاعدمناك .. قمت بتجربة فى احد من بوستاتى الحردوها الناس وشرحك جاب فايدة . لكن بدور اسعلك تانى من باب انو الواحد لايوق وكده .. اصلى بعيد عنك انا محامى .. او من باب جحا دخلوه قال يدخلوا حمارى .. سعالى ليك .. ال Frame الاحمر اللى شرحت بيه كيفية رفع الفيديو فى ردك على سؤالى سويتو كيفن.. لك منى كل الود..
Post: #86 Title: Re: فنيات , تكتيكات و نصائح... لطالبي العضوية و الأعضاء الجدد Author: عادل عبدالعزيز عبد الرحيم Date: 08-11-2008, 11:41 PM Parent: #85
Quote: سويتو كيفن
دا السؤال المهم
Post: #87 Title: Re: فنيات , تكتيكات و نصائح... لطالبي العضوية و الأعضاء الجدد Author: عادل عبدالعزيز عبد الرحيم Date: 08-11-2008, 11:47 PM Parent: #86
دا تمرين بعد ازن صاحب الصورة
Post: #88 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 08-16-2008, 06:52 AM Parent: #1
فاضلابي ياعمك... العفو ما في لياقة ولا حاجة بالنسبة للتعليق او اضافة مربع او دائرة او خطوط للصور في برامج كتيرة و معقدة خلينا في ابسطها الرسام Paint brush من اكسيسوريز الويندوز امكانياته بسيطة لكن بقضي الغرض بعد تفتح فيه الصورة باستخدام ادواته ممكن تحررها بالطريقة اللتي ترغب
عادل عبد العزيز.. نرحب بيك وكدا لكن ما تعبت الذال و الزين تعب شديد ياخ
Post: #89 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 08-16-2008, 07:09 AM Parent: #1
اها يا عزيزي العضو الجديد ... طبعا للآن ما اظنك لسة عضو جديد كنا واقفين وين واقفين وين .... أيوة هنا
Quote: نتكلم المرة الجاية عن كيف تكتسب الشهرة بسرعة في البورد
عيني عشان تكتسب الشهرة بسرعة في البورد في اكتر من طريقة , شخصيا لا افضل اغلبهن لكن في النهاية المسالة اختلاف آراء اسهل و اسرع طريقة انك تكتب موضوع يثير ضجة و خلاف و يدفع الأعضاء للتداخل معك و نقد الموضوع او تخالف لتذكر يعني في موضوع معين و الناس شبه مجمعين او عل الأقل ماخدين نفس الإتجاه تجي براي معاكس يثير الحنق و يدفع الأعضاء للتعليق و الرد عليك ممكن برضو تصدر ليك عنوان بالهجوم او نقد شخصية مشهورة او ذات حظوة او ذات شلة ممكن تنقل من الحوار المتمدن او الملحدين العرب مثلا العناوين اللتي تثير حفيظة المسلمين و شهية العلمانيين و تنال قدر لا باس به من الشهرة ايضا النقطة الأخير - النقل- تحتاج لحذر شديد فكما انت عثرت على ما تريد و نقلته فلا تنسى ان عمنا قوقل متاح للآخرين ايضا و يمكنهم العثور على منقولاتك و ايرادها من مصادرها الأصلية و حينها لن ينفعك الإعتذار فمن الممتع في البورد هنا شرشحة النقلتية و فضحهم و شيل حالهم لذا عزيزي العضو الجديد الله يرضى عليك لو نقلت اي شيئ لا تنسى ايقونة من وسائل الشهرة ايضا ان يكون لك استايل مميز يونيك - نجيه بتفصيل اكتر لي قدام
عزيزي العضو الجديد مسالة اكتسابك للشهرة في رايي لا يجب ان تشغل حيز في تفكيرك وتسعى لها , دع الأمور تمشي على طبيعتها و كن كما انت افضل لك بكثير اي سؤال...
Post: #90 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 08-27-2008, 01:57 PM Parent: #1
اها الرفعة دي كيف يا ود الزبير ؟
Post: #91 Title: Re: فنيات , تكتيكات و نصائح... لطالبي العضوية و الأعضاء الجدد Author: Mohamed Ibrahim Ahmed Date: 08-27-2008, 02:12 PM Parent: #1
رفاع ياعمك بس خليهو مرفوع طوالي تشكرات
Post: #92 Title: Re: فنيات , تكتيكات و نصائح... لطالبي العضوية و الأعضاء الجدد Author: sami Alzubair Date: 08-28-2008, 05:29 PM Parent: #1
Quote: اها الرفعة دي كيف يا ود الزبير ؟
تحت الرعاية حتي تعود من المصيف
Post: #93 Title: Re: فنيات , تكتيكات و نصائح... لطالبي العضوية و الأعضاء الجدد Author: عزام حسن فرح Date: 08-28-2008, 05:40 PM Parent: #1
طَيِب لو دايرك تريدني زي ما بريدك ... < أعمل ايه > ... أقصُد يعني الفنِيات شنو الأتبعا
Post: #94 Title: Re: فنيات , تكتيكات و نصائح... لطالبي العضوية و الأعضاء الجدد Author: sami Alzubair Date: 09-01-2008, 11:10 PM Parent: #1
Quote: تحت الرعاية حتي تعود من المصيف
Post: #95 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 09-02-2008, 01:18 AM Parent: #1
سمسم يا عمك.. رمضان كريم كتر خيرك على الرعاية الإسم سالم و ما نستغنى ابوي , لكن ود الزبير المقصود اعلاه ود زبيرا آخر آسفين على الخلط يا عمك
عزام يا عمك ..رمضان كريم كان قاصدني انا زاتي بريدك وكان قاصد فلانة .. اديني فرقةابوي لبعد رمضان و بجيهك تب لا تشيل هم
Post: #96 Title: Re: فنيات , تكتيكات و نصائح... لطالبي العضوية و الأعضاء الجدد Author: خالد الجبل Date: 10-08-2008, 01:59 PM Parent: #1
تمام
Post: #97 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد الباقر Date: 10-08-2008, 05:49 PM Parent: #1
يديك الفين عافيه يا ابا حتوت... البوست بتاعك دا أنا متابعو من زمن متصفح... بالجد بوست مفيد....وقد استفدت منه فائده كبرى
Post: #98 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 10-10-2008, 08:40 PM Parent: #1
هلا هلا بالشباب و جدا آسفين على التاخير عدم الرد على المتداخلين تصرف ما لذيذ - ما لم يكن مقصود - انصحك عزيزي العضو الجديد بتجنبه و الرد ولو فقط بتحية او رد سلام على كل متداخل معك ولو بعد حين فالرد المتاخر خير من التجاهل وكدا للاخوان خالد و محمد الباقر العتبى ( خالد الجبل انا مقوم الحجة على حسك و حس قصيدتك المركركة , بغم ما تقولها يا راجل) عزيزي العضو الجديد ... نواصل ما انقطع من حديث قبل كدا اهديكم الإقتباس ادناه ورد على لسان اخونا ناذر في معرض ترحيبه باخ جديد العضوية
Quote: ويا زول ولا يهمك .. أهم حاجة إنك جيت بي أسنانك .. أنا والله من زمان بنصح القادمين الجدد بقول ليهم أوعو تجونا مساكين ومضبلنين زي الزول الأكلت عشاهو غنماية وهو بيعاين ليها متمحن وما عارف يسوي شنو ..!!
دا منبر حوار .. وكل الأسلحة فيهو متاحة .. البيضربك بي طوبة تضربو ام دلدوم والبيكتب ليك كلمتين ما ياهم تكتب ليهو صفحتين لمن راسو يسخن ، لانك لو دخلت هنا مسكين وما قدرت ترد بدعوى تترفع عن القول الكعب ، ما بتقعد هنا ساعة واحدة ..!!
من هنا Re: التحايا و عظيم التشكرات للاخوة الاعزاء أأمن تماما على كلام ناذر بس اضيف عليه في معرض ردك على هجوم تعرضت له او سخف او غيرو ما لازم تجاري و ترد بنفس اسلوب الهجوم عليك , ضع دائما خطوطك الحمراء امامك و تقيد بها فكونو شخص غير محترم و النوع الما بفرق الخاص من العام اتعرض ليك بسوء نفسه و سخفها يمكنك رده ووقفه عند حده باسلوبك انت و بطريقتك اللتي تختارها , لا تسمح لأحد ان يجرك او يفرض عليك كيفية التعامل ففي النهاية كلنا راشدين و مسؤولين امام الله و انفسنا عما نكتب
Post: #101 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد أحمد الخضر Date: 10-11-2008, 08:56 AM Parent: #100
الأخ محمد البشرى الخضر
لا أسستطيع أن أصف لك مدى احتفائي وانبهاري بهذا البوست ولكن لا أدري من أين أبدا. هل أثني أولا عل سلاسة لغةالمخاطبة، أم على خفة روحك الطيبة، أم أتحدث عن هذه المعلومات المفيدة التي تزودنا بهانحن أعضاء المنبر الجدد؟! أقول الحق أنا عاجز عن الشكر وأكتفي بالدعاء إلى الله العلي القدير أن يحفظك ويغطيك، ويمتعك بموفور الصحة ويجلك دائماأنموذجا يُُحتذي.
بعد هذه الرمية تعال أوريك نجاضة ود عمك: أيه رأيك قمت بنسخ كل المعلومات الجديدة وطبعتها ونجحت في تطبيقهامثل، - الصور وتكبيرها وتصغيرهاورفعها - وضع اللينكات في المداخلات - الاقتباس - اليوتيوب - الاستفادة من رابط Customize - شفت كيف ؟؟!! واصل الله يخليك ويقويك مع خالص تقديري وحبي ومودتي.
Post: #113 Title: Re: فنيات , تكتيكات و نصائح... لطالبي العضوية و الأعضاء الجدد Author: Magdi Ahmed Elsheikh Date: 03-07-2009, 08:13 PM Parent: #101
Post: #102 Title: Re: فنيات , تكتيكات و نصائح... لطالبي العضوية و الأعضاء الجدد Author: Mohamed Ibrahim Ahmed Date: 10-11-2008, 12:07 PM Parent: #1
Quote: عزيزي العضو الجديد... وانت فرحان بالباسويرد و العالم الجديد اتمنى ان لا تنسى ان العالم دا عالم سايبري لا اكثر ولا يصلح كرفرنس او ستاندر للعالم الحقيقي لا تأخذ مراجعك عن العالم الحقيقي من هنا - او على الأصح لا تعتمد عليها تمام الإعتماد هنا الوضع فيرشوال و الكل يتحكم فيه و يخلق و يختلق ويرسم من الصور ما يشاء حتى الأسماء الحقيقية و الإنطباعات اللتي تولدها لديك هنا لا يعني ان هذه هي الشخصيات الحقيقية على ارض الواقع ممكن عادي تقرا لواحد ليل نهار يكتب عن حقوق المراة و الإستنارة و بتاع و يكون في واقعه الحقيقي المراة لاتعني اكثر من متاع مملوك له ممكن تقرا هنا من يلعن سنسنفل جدود الحكومة و في الواقع يرسل خطابات الشكر و التاييد للمشير وقس على ذلك كمان هنا في جاكات معينة اتمنى انك ما تاكل منها يعني ما كل لقاء لبورداب كان رائع و دافئ و جميل و بتاع و ما كل من كتب معجبا بنثر او قصيدة فاهم الكلام القراه وما كل من ادان موقف و تصدر في لعنه مقتنع حقيقة بالخطا الحاصل
باختصار هذا ليس عالما حقيقيا وحتى لا تحبط او تحس بالخذلان تعامل معه على هذا الأساس عزيزي العضو الجديد
ودالبشرى أقول ليك جيب اللينك بهناك تقوم تجيب البوست كله يا زول راح نخلي البوست ده فوق فوق طوالي
Post: #103 Title: Re: فنيات , تكتيكات و نصائح... لطالبي العضوية و الأعضاء الجدد Author: عزام حسن فرح Date: 10-11-2008, 01:48 PM Parent: #1
تِستاهل Up ...
تم إعتِماد < اضف رد > بعد < شاهده قبل نشره >
Post: #104 Title: Re: فنيات , تكتيكات و نصائح... لطالبي العضوية و الأعضاء الجدد Author: علي مزمل Date: 10-11-2008, 01:58 PM Parent: #1
محمد البشري
Post: #105 Title: Re: فنيات , تكتيكات و نصائح... لطالبي العضوية و الأعضاء الجدد Author: جعفر محي الدين Date: 12-28-2008, 01:34 PM Parent: #104
شكرا يا ود البشرى على هذا البوست والبركة في الأرشفة خلتنا نشوفو
المهم في الأمر أنا شخصيا أجد صعوبة شديدة في جلب اقتباس والسبب إنني عدم اضغط على الاقتباس يظهر الكلام بلغة ما أنزل الله بها من سلطان ... كنت في الأول أعزو ذلك للغة الكورية الفي الكمبيوتر ... لكن جربت في أكثر من كمبيوتر عربي وإنجليزي وما زالت المشكلة هي هي ... أفيدنا يديك العافية
Post: #106 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 12-28-2008, 01:46 PM Parent: #105
هلا جعفر محي الدين و مرحب بيك و اسمح لنا على تأخير الترحيب موضوع الإقتباس دا إتطرقت ليه في بداية البوست - المداخلة الأولى عموما الحروف الغريبة البتظهر ليك دي تمسحها أو ممكن تضغط على زر Reset و بعدين تلصق الكلام العايز تقتبسه أرجع للمداخلة الأولى فيها شرح بالصورة - حاليا صفحة الصور مغلقة على ما يبدو عشان كدة الصورة ما ظاهرة مرحب بيك مرة تانية و بكل الإخوة الشرفونا بمرورهم أعلاه و كلي آسف عل عدم الترحيب بهم و التعليق على مداخلاتهم
Post: #107 Title: Re: فنيات , تكتيكات و نصائح... لطالبي العضوية و الأعضاء الجدد Author: showgi idriss Date: 12-28-2008, 10:13 PM Parent: #1
بوست جميل والله "الحليفة دي عشان ما تقول جايي اجامل ساااي"
انا رغم اني "قديم" لكني برلوووم في استخدام التقنيات دي
بس عميان ومسكو كيبورد
والله استفدت شديد بس حتة "الألغام دي" اقيف لينا فوقها شوية
يديك العافية
_________________ لما تشرح "فصل" بالتفصيل الممل عشان فهمنا تقييل ياااخي
أبوالشوش
Post: #108 Title: Re: فنيات , تكتيكات و نصائح... لطالبي العضوية و الأعضاء الجدد Author: ناهد عبداللطيف Date: 01-01-2009, 08:07 PM Parent: #107
ود البشرى كل سنة وانتى طيب وسنة جميلة للولد الظريف وامه..
معليش عاوزة اطلع بره موضوع العضوية -لانو بقى ما بهمنى- شوية
اها نجى لحاجتين ما بمشن بعيدا عن التكتيك والفنيات
طيب -وطالما ما اتفقنا- الاولى مهمومة بالحيل انا فى نظرية التشكيل مع الكى بورد قدر ما طبظت وعكيت
ما جات وما عرفتهن بتلقن وين!!
شفت ذى ما قتلك التشكيل واحدة
التانية .. التانية ايوه-قربت تطير منى لكن اتذكرتها- التانية هى التلوين فى شكل الكتابة وكما حجم
الكتابة برضو حد ما حمت فى حاجات بكرى الخاتيها دى ما لقيت الكايساهو!!..
---------------------------------------
البتشجع مريخ سنار-ولا مريخ واو- رايكم فيها شنو؟؟!!
Post: #109 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 01-03-2009, 11:33 AM Parent: #108
عمنا شوقي إدريس أبو الشوش كيف حالك واحوالك و عساك بخير حتة الألغام دي جاييها برواقة إن شاء الله كل سنة وانت طيب يا عمنا
أختنا ناهد كيفك وكل سنة وانتي طيبة بالنسبة للتشكيل - ما عارف كارباها على روحك كدا ليه - لكن هاك : في الكيبورد العربي تلقي العلامات التالية: - الشدة ّ Shift + ذ - الفتحة َ Shift + ض - الضمة ُ Shift + ث - الكسرة ِ Shift + ش - السكون ْ Shift + ء - التنوين داير تفتيش
بالنسبة لحجم و لون الخط استخدمي تكتبي الكود font size=(من ا إلى 7 أو تسعة ما متاكد ) بين العلامتين ديل <> قبل بداية النص المراد تغيير حجم خطه و بعد نهايتة تعيدي نفس الكود بين العلامتين الإسلاش : / مهمة لقفل أي كود بالنسبة للون ممكن تكتبي font color= (إسم اللون: red, black , green,..... إلخ ) بين نفس العلامتبن <> او تكتبي اللون المطلوب مباشرة بين العلامتين [ ] و تقفليه بعد نهاية النص [ / ] أنصح بمراجعة الرابطين إدناه للاهمية و لسهولة الشرح ووضوحه
بالنسبة لقصة تشجيع المريخ القاعدة تقول ان جميع السيدات الجميلات الراقيات يشجعن الهلال و لأنو لابد من إستثناء لتأكيد كل قاعدة فبعد ان نقول حسبنا الله و نعم الوكيل نعتبرك من ضمن هذا الإستثناء الضروري سائلين المولى لك الهداية و معرفة طريق الزعيم
Post: #110 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 01-03-2009, 11:54 AM Parent: #1
عزيزي العضو الجديد ... كل عام وانت بخير مع تمنياتي لك بعام سعيد تمارس فيه كامل حقك في التعبير بلا وصاية او استصغار او تجاهل لرأيك من الآخرين وان تبتعد عنك المنغصات و السخافات المنتشرة من شتائم و إساءات شخصية و خلط للخاص مع العام نصيحة - كررتها من قبل لكنها في رأيي مهمة - ما تاخد البورد على محمل الجد أكثر من اللازم لا تقيم العالم الحقيقي من خلال نافذة البورد فالبورد عالم تخيلي لا أكثر - حتى وإن كتبت الناس هنا اسماءها الحقيقية ووظائفها و اماكن إقامتها ستيل ما نقدمه هنا هو الصورة التي نرغب في ان يراها الآخرون لا الحقيقية لنا و لعلاقاتنا بالآخر فيا عمنا العضو الجديد لا يغرك ما تراه هنا من إحتراب أو توادد , تخاشن او تلاطف , تواشج - يا قول ذا النون - أو ما صنع الحداد بين الإعضاء فللعالم الحقيقي قواعده التي تختلف تماما عن لا قواعد هذا الفيرشوال لا تبني حساباتك على ما تقرؤه هنا ولا تأخذ عداواتك هنا بجدية كما صداقاتك أيضا عشه فيرشوال و اخرج منه فيرشوال و افصل ماقبل الساين آوت عما بعده باختصار ... لا تحرق دمك ابوي ما بستاهل
روابط تناقش بعض افكار اراها مفيدة لعزيزي العضو الجديد
Post: #111 Title: Re: فنيات , تكتيكات و نصائح... لطالبي العضوية و الأعضاء الجدد Author: ناهد عبداللطيف Date: 01-03-2009, 07:13 PM Parent: #110
محمد البشرى يا صديق يا عين العُون
Quote: ما عارف كارباها على روحك كدا ليه
لا ابدا ما مكرباها ولا حاجة لكن فى كتير من الكلام –خصوصا الدارجى- تلقى المفردة مُقنبرَة كدا براها فى نص الجملة لا لامه فى القبلها ولا البعدها –ده فى حالات محدودة طبعا- شفت كيف!!
لكن شرح الاخ لؤى ما رطانة-ما تستعجل قول لى كيف؟ عارف بعد ما يشرح يحاول يستشهد بى صورة تقوم الصورة ما تفتح معاى تلقى عليها الصليب الاحمر (البشبه بتاع علم سويسرا داك ونفس لونه) ، لكن حا أثابر لحدى ما يفتح معاى..
لك امنيات العام وكل الاعوام يا صديق
Post: #112 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 01-17-2009, 04:08 PM Parent: #111
اختنا ناهد سلام و معذرة على التأخير - كما احب اقول ليك حمدا لله على سلامة باسويردك من التهكير و يخيل إلي إنك استعجلتي في اتهامك لـ (س) من الناس في التسبب بذلك بالنسبة لشرح أستاذنا لؤي المدعم بالصور فهو الأفضل و الأوضح على الإطلاق ولكن لسوء الحظ ان الصور ما بتفتح لأسباب غالبا ما تكون حذفها من سيرفرات التحميل فأغلب مواقع رفع الصور بعد فترة معينة تقوم بالحذف و البوستات المؤرشفة لا يمكن تعديل الروابط فيها ما لم تطلب من بكري إعادتها و حلك لما ترسل لي بكري و يقوم يطنشك زي سنة كدة لما يقول ليك done تكون روحك مرقت و نسيت الموضوع
Quote: يا صديق يا عين العُون
Quote: لك امنيات العام وكل الاعوام يا صديق
ياخ دا كلام سمح خلاص أشكر عليه كثيرا ______________________________________________
عزيزي العضو الجديد.. كيف الحال والأحوال و عساك بخير مشكورا عمك قام بتسهيل عملية رفع الصور على سيرفر الموقع بإضافته الفلم دا
كل ما عليك البحث عن الصورة المطلوب رفعها من جهازك و بكبسة زر يكون الرابط جاهز عندك
حركة شديدة يا عمك تشكر عليها
اها يا عزيزي العضو الجديد نرجع لموضوعنا اكيد تابعتوا الجوطة الحصلت - و اللسة مدورة - اليومين الفاتو على السريع كدة بعض النصائح و العبر المستفادة منها :
- عزيزي ما تستعجل و تصدق أي كلام - حاول أقرا ما بين السطور و ما وراءها بدقة و تريث قدر ما تقدر قبل إتخاذك لموقف مع/ضد وإن استشكل عليك الأمر لا تتردد في سؤال او دراسة ردود أفعال من نال الباسويرد قبلك - صداقتك / عداوتك مع أحدهمـ/ـن قربك / بعدك من جماعة لا يجب أن تؤثر على موقفك من القضايا العامة بمعنى آخر ... قول الحق و اتخذ ما تراه صحيحا غض النظر عن تأثير علاقتك أو إعجابك أو اتفاقك من عدمه مع الآخرين و ما تناصر زولك في الحق و الباطل كما لا تخطئ خصمك حتى لو كنت تراه على حق - إن كنت تفضل الإحتفاظ بخصوصيتك بعيدا عن البورد - ما تخليك بتاع شبك بجيبوك بجيبوك - الوشوش اليومين دي ما شغالة - مفروض تكون مبدئي في مواقفك يعني ما تجي تعمل زي صلاح ليون و تقول ندمت على مناصرتي المبدعين و الكلام الني دا - لا تشاكل الرسام لا تخلي الرسام يشاكلك , بهبل بيك و يفرج فيك الله و خلقه ( وش خبيث شمتان لمن غالبو اليسويه) - عموما كدة : كااااااااااااااااااااااااااااااااااكـ
ملحوظة أخيرة.. الله يجيبك يا نهار الخميس ( وش أخبث و أشمت من داك)
Post: #114 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد عبد الماجد الصايم Date: 03-07-2009, 08:17 PM Parent: #112
Quote: الله يجيبك يا نهار الخميس ( وش أخبث و أشمت من داك)
يا عمكـ قاصد يا تو خميس ياخ! أوع يكون بتاع مشوار التكسي؟
Post: #115 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 03-07-2009, 09:21 PM Parent: #114
لاحولا ... الليلة مالك يا عمك ؟ نكّتو من وين دا تصور نسيت قصة الخميس دي مرة , خلي بالك دي تكون من العلامات الصغرى للشيخوخة - غير علاماتك الكبرى طبعا- المهم عزيزي العضو الجديد وقت البوست اترفع نحييك و نرحب بيك و نتونس معاك شوية من الحركات البايخة شديد و بيقع فيها كتير من الأعضاء ايامهم الجدد الحركة بتاعة "عضو جديد هل من مرحب " ما عارف السر شنو في صيغة السؤال " هل من مرحب" أو غيرها زي " ما بترحبوا بي" لزومو شنو السؤال ما علينا دي ما مشكلة, المشكلة و المأساة الكبيرة في إحساس العضو الجديد بأنو قدامو مهمة مقدسة الا وهي اصلاح البورد و تقويم إعوجاج حاله و كتابه عزيزي العضو الجديد ... النبي فيك كان تفتكر نيلك للباسويرد بمثابة الوحي المنزل عليك يكلفك بمهمة اسعاد البشرية و هداية البورداب ويا عزيزي لا تحسبن متابعتك للبورد كقارئ لفترة طويلة تؤهلك لقيادة حملة اصلاح و تهذيب بمجرد استلامك لرسالة عمك السحرية " Your password is .....thanks" عموما نصيحتي لك ان لا تأخذ البورد على محمل الجد أكثر مما ينبغي فلا تحمل هم اصلاح ما تراه فاسدا او تقويم ما تحسبه معوجا من شأن الآخرين وإن كنت لابد فاعلا عليك بنفسك و كتابتك و قراءتك للآخرين فهي لو تعلم جد عسيرة إن احسنتها تكون ما قصرت تب وما خليت حاجة لحين عودة اتركك عزيزي العضو الجديد في حفظ الله و رعايته
Post: #116 Title: Re: فنيات , تكتيكات و نصائح... لطالبي العضوية و الأعضاء الجدد Author: عبدالله كع Date: 04-01-2009, 07:31 AM Parent: #115
Quote: فنيات , تكتيكات و نصائح... لطالبي العضوية و الأعضاء الجدد
سلام يا باشمهندس .. التكتيكات .. عندنا واحد كايسين ليهو العضويه .. من قبل ايام الهكر الاولي .. و جربنا كل الوسائل مع الكوتش بكري دون جدوي .. و حتي نصائحك يا شيخ لم تاتي اوكلها .. فهل لنا بعمل اخر .. ويا حبذا لوكان فيه شياء من السحر !!
افيدونا ..
ـــــــــــــ ع/ الامتداد ((المتفرد ))
Post: #117 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 04-01-2009, 03:24 PM Parent: #116
كع يا عمك ... بالنسبة لقصة نيل العضوية وكدا لازلت ارى ان اسلم طريقة هي ان يراسل طالب العضوية بكري على إيميله الشهير شنو كدا آت كوكس ويزوده بمعلومات واضحة و رقم هاتف على الأقل و ياحبذا لو ذكر اشخاص معروفين لبكري أو اعضاء يالموقع بالنسبة لقصة التزكية بعد المواسير الكتيرة الطلعت في البورد لا اعتقد أن هناك من سيغامر بتزكية شخص لا يعرفه تمام المعرفة وحكاية يا فلان عليك الله يدك معانا و ثني لينا علان تاني ما بتشتغل نجي للحتة المهمة و هي الكريديبيلتي بتاعتكم يا المتفردين - ناس الإمتداد - بعد الجاكات الشهيرة الفكيتوها في موضوع آمنة كريم القلتوا بتعرفوها و بتعرفوا اهلها و لعبتوا بلي مع اخوانا تاني كان جيتو سايقين الزول من يدو لي بكري مزكينو ما أظن يصدقكم خليك من طالبين ليه عضوية ببوست ولاّ خلافو عموما أنصح لو في اي واحد من طرفكم عايز عضوية عليه ان يشوف اي شخص من خارج الإمتداد لتزكيته و عليه ان ينكركم حطب و ينفي صلته بالإمتداد المتفرد - او كما تدعون - لحين نيل العضوية
ها أي سؤال ؟
Post: #118 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 04-01-2009, 03:27 PM Parent: #116
بلا ياخد التكرار
Post: #119 Title: Re: فنيات , تكتيكات و نصائح... لطالبي العضوية و الأعضاء الجدد Author: أبوبكر أبوالقاسم Date: 04-01-2009, 03:59 PM Parent: #118
Quote: بالنسبة للتشكيل - ما عارف كارباها على روحك كدا ليه - لكن هاك : في الكيبورد العربي تلقي العلامات التالية: - الشدة ّ Shift + ذ - الفتحة َ Shift + ض - الضمة ُ Shift + ث - الكسرة ِ Shift + ش - السكون ْ Shift + ء - التنوين داير تفتيش
بالنسبة لباقــى التشكيل في الكيبورد العربي تلقي العلامات التالية: - تنوين الضمّةّ Shift + ق - تنوين الفتحة َ Shift + ص - تنوين الكسرة ِ Shift + س - ألف المــد فى الألف Shift + ى - همزة الألف من أعلى ْ Shift + ا - همزة الألف من أسفل ْ Shift + غ - الهمزة تحت ( اللا ) = لإ : ْ Shift + ف - الهمزة فوق ( اللا ) = لأ : ْ Shift + ل - حرف المــد فوق (اللا) = لآ : ْ Shift + لا
تحــت الخــدمــة وكـــدا.
يا أخــى دايرك فــى خــدمــة ... والله الصفحــة الأولى اليوم فيها طرائف ... حصيلتها تحتاج عام كامل لجمعها ...
لازم نتفضح بخطأ إملائى
Post: #120 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 04-01-2009, 04:24 PM Parent: #119
أووو ابوبكر يا عمك ...
Quote: ةالظاهــر عليك فعلاً كِبرت وبقيت نسّاى
يمين متلوم لوم و خجلان خجلة تديني خاطر فضل منك بس غير كدا ما عندي أي كلام
تسلم يا عمك على التنوين باللاي لميت فيه كيف, أنا الشدة دي أخدت مني ربعين كاملات حتى عرفتها قلت لي الصفحة الأولى عمرانة الليلة انا غايتو دخلت بوست فاروق لقيتو عامل مطاعنات و كلام بايخ طمم بطني عديل ياخ الزول دا اخير منو خضر فون علي اليمين دا شنو دا ياخ الما بستحي دا
كدي ادينا هنت هنتين يا عمك
Post: #121 Title: Re: فنيات , تكتيكات و نصائح... لطالبي العضوية و الأعضاء الجدد Author: haroon diyab Date: 04-01-2009, 09:41 PM Parent: #120
اها كده انتهيت ولا لسة في حاجة.....؟
Post: #122 Title: Re: فنيات , تكتيكات و نصائح... لطالبي العضوية و الأعضاء الجدد Author: صلاح ليون Date: 04-01-2009, 10:11 PM Parent: #121
Quote: مفروض تكون مبدئي في مواقفك يعني ما تجي تعمل زي صلاح ليون و تقول ندمت على مناصرتي المبدعين و الكلام الني دا
ود البشرى .. يا مُبدِع ....
Post: #123 Title: Re: فنيات , تكتيكات و نصائح... لطالبي العضوية و الأعضاء الجدد Author: محمد البشرى الخضر Date: 04-02-2009, 03:12 PM Parent: #122
دياب يا عمك ... مالك مضايق يا خوي اها لسة ما انتهيت عندي كلام داير اقولو يمشي و يجيني لسة ما لقيت الصايغة المناسبة - في اخوان ما دابرهم يتحسسوا ساكت
ليون ... كدي خليك من ابداعي رايك شنو في الكوت الجبتو دا ؟ أيام الازمة قعدت تنطط هنا شوية و هنا شوية , و في النهاية عملت لينا فيها مهدي الحكيم لما سألناك مالك ما جاوبت لينا لكن لما قريت ليك كلامك لحسبو بتاع كان الواحد ما يقيف معاكم خجلت ليك بالجد رغم انو الفكرة ضحكتني كأنو و قوفك - أو عدمو - فارق يعني ها المايك معاك - إذا حبيت ؟
Post: #124 Title: Re: فنيات , تكتيكات و نصائح... لطالبي العضوية و الأعضاء الجدد Author: أبوبكر أبوالقاسم Date: 04-02-2009, 04:52 PM Parent: #123
ود البشرى .... سلامات
يا أخـــوى ما بيناتنا.
تعرف الشئ بالشئ يُذكـــر ... وبمناسبة الباشمهندس صـــلاح ليون :
Quote: ود البشرى .. يا مُبدِع ....
تعــرف هــو أصــاب حين أخطأ ووصمــك بالإبداع ... علــى الأقــل عرفنا إتجاه بوصــلته ... ما عارف بتذكّرنــى نكتة شهيرة .
تعـــرف أمشى بوســت خضــر حا تلقـــى واحـــد قال نفس الكلام البقولوه ناس الكـــورة عند تعليقهم عن مباراة كأس نهائية .. أو
مباراة بالنوك آوت ... ويقول فى النهاية:
" أتمنّى التوفيق للفريقين " كيف دى باللــــه ؟! وكيف تتضامن مع الجانــى ( بالبراءة) وللضحية ( بأخــذ حقها ).
Post: #125 Title: Re: فنيات , تكتيكات و نصائح... لطالبي العضوية و الأعضاء الجدد Author: صلاح ليون Date: 04-02-2009, 06:19 PM Parent: #124
ود البشرى سلامات يا استاذ بخصوص الكوت أدناه ، مع انو الموضوع انتهى وانت هنا تدرسه كنموذج وما حبيت اعلق لكن حسب طلبك ..
Quote: مفروض تكون مبدئي في مواقفك
لا يا الحبيب ماصاح فلكل مقام مقال.. ولكل موقف حال. فالفرضية هنا مغلوطة تماما لانها مرتبطة بموقف أو أكثر وكان عليك عند ضرب المثال الاتيان بالمواقف عشان ما تضلل تلاميذك البورداب الجدد (وانا منهم).. وتعال نصلح ليك الكوت ده .. المفروض يكون عندك مبادئ تقف عندها .. مش مواقف تعملها كمبادئ لك... ضحكك في الموضوع معناتو ضحكته على نفس اولاً لانو فعلا لا المبدعين نقصوا ولا البقية زادو..
Quote: تعــرف هــو أصــاب حين أخطأ ووصمــك بالإبداع ...
يا ابوبكر دي مقصودة مني وشايفك فهمتها صح
Quote: قنابيرنا دى نعمـــل ليها شــــنو ؟!!!!!!
دي لي أنا ولا لي الأستاذ ود البشرى
Post: #126 Title: Re: فنيات , تكتيكات و نصائح... لطالبي العضوية و الأعضاء الجدد Author: أبوبكر أبوالقاسم Date: 04-02-2009, 08:17 PM Parent: #125
Quote: دي لي أنا ولا لي الأستاذ ود البشرى
يا باشمهندس " القنابير " جات فى سياق كـــلام تانى عن الكـــورة وأنا متابع جملة تصريحاتك عن الكـــورة وكرهك لها ...
ويتعلق بقوانينها ومنافساتها. التعليق مرتبط بالكورة والإشارة لبوست آخر طالبنى فيه ودالبشرى بــ " هنت " عمّا جاء فى تعليقى الأول.
و الوش الأخضر البلف و غيرو من الوشوش
بجيبوك بجيبوك