مـا تقـومـوا تلِّفوا ....

Post: #1
Title: مـا تقـومـوا تلِّفوا ....
Author: محمد البشرى الخضر
Date: 11-17-2008, 08:35 PM
Parent: #0

اليشوف الخوتة و الجوطة و القيامة الرابطة و العاك عيك و المليارات يقول سويتوا السبعة و ذمتها
لا و الفرحانين ليها شنو لمن طالعين العارضة كمان
غلبتونا جوة استادنا
شلتوا الكاس خمسة سنة متتالية
الفرق بينكم بينا حصل 18 نقطة
كنا فايتنكم بسبعة نقاط جيتوا عادلتوهم و فتونا
غلبتونا اربعة واحد و البعدها كابتنا شال الكورة ستين يمين ما تتلعب
مالكم جايطين ساي ها قوموا لفوا بلا طمبل بلا اكرم معاكم
ما تعادل و نقطتين اداكم ليهم اتحاد مدني او على الاصح حكم كورتنا مع اتحاد مدني

________________________________________
خليل انت زاتك و قسطنطينك تقوموا تلفوا معاهم

Post: #2
Title: Re: مـا تقـومـوا تلِّفوا ....
Author: وليد محمد المبارك
Date: 11-17-2008, 08:43 PM
Parent: #1

واحد يودي الزول ده الضل يا جماعة
كف طمبل الظاهر قام بيه

طالعين العرضات
لانو سلنا الكاس ده من جوه استادكم
وقطعنا ليكم التوالي بتاعكم في راسكم
وهيثم طمبل ختا حبه فيكم
وحطم رقمه القياسي السابق
وكابتنكم افلس كما العادة ونبز نبز بليق بكابتن الهلال

وزوووووووووووووووووووووووووووووووووووط

Post: #5
Title: Re: مـا تقـومـوا تلِّفوا ....
Author: محمد البشرى الخضر
Date: 11-17-2008, 09:00 PM
Parent: #2

ولي ياعمك
مبروك اولا
يا خوي اولادنا لما ابتدعوا * طلوع العرضة بكونوا راشينكم جوة استادكم
و ناسكم كالعادة برفضوا يستلموا الميداليات - شفت اولادنا كيف
واحد واحد دي ياخوي النتيجة المعتادة من تلاتة سنة جو استادنا
بعدين هيثم كان نبذ ما ينبذ لاعبينها في شروني اصلو
بعدين انت كنت سامع او شايف العجب بقول في شنو - انا مستغرب في المخرج ليه اصر على المشهد دا دونا عن باقي اللاعبين
ثم دا نبذ كورة اسي بكرة تلقاهم قاعدين مع بعض و مبرمجين عادي
طبعا دا ما دفاع عن هيثم او تصرفو لكن شايف انو دي حاجة ما بتستاهل تتعمل ليها قومة وقعدة

_________________________________
يا معلم متلومين معاك والله لكن ان شاء الله نصلك قبل ما تقوم

Post: #3
Title: Re: مـا تقـومـوا تلِّفوا ....
Author: محمد البشرى الخضر
Date: 11-17-2008, 08:43 PM
Parent: #1

لا و اسي يجيك هارون يشبكنا المحلي داخل عطبرة التقول انتو قطركم بقيف في كوبنهاجن
و يجينا حسين يملانا فقر ببوستات منتدى المريخ و يشبكنا الرائع شيبة
و علي بشير اسي يجيب فرمالتو و يحوم بيها البوستات كلها
ودكتور عبد الماجد يجي طابق الفونت الأحمر الكبير يفش فينا مغسة أوباما
واسكت ساي خليني من تنظير المعروف بطلحة

ياخ قوموا لفوا

________________________________________

جمال السنوسي النبي فيك كان تفتح بوست قبل كورة كاس السودان
بتشاءم بقيت

Post: #4
Title: Re: مـا تقـومـوا تلِّفوا ....
Author: وليد محمد المبارك
Date: 11-17-2008, 08:49 PM
Parent: #3

Quote: بتشاءم بقيت

Post: #6
Title: Re: مـا تقـومـوا تلِّفوا ....
Author: عصام الجيلي
Date: 11-17-2008, 09:05 PM
Parent: #4

ود البشري هارد لك ..
المباراة دي ما إنتهت
والتحكيم كانت فيه مشكلة ..
وفي زمن إضافي ما إتحسب نتيجة تثاقل أكرم

Post: #7
Title: Re: مـا تقـومـوا تلِّفوا ....
Author: وليد محمد المبارك
Date: 11-17-2008, 09:08 PM
Parent: #6

يا ود البشرى

Quote: بعدين هيثم كان نبذ ما ينبذ لاعبينها في شروني اصلو
بعدين انت كنت سامع او شايف العجب بقول في شنو - انا مستغرب في المخرج ليه اصر على المشهد دا دونا عن باقي اللاعبين
ثم دا نبذ كورة اسي بكرة تلقاهم قاعدين مع بعض و مبرمجين عادي
طبعا دا ما دفاع عن هيثم او تصرفو لكن شايف انو دي حاجة ما بتستاهل تتعمل ليها قومة وقعدة

معقولة يا عمك
انت عليك بالشفته
وانا كمان

هسع ام العجب دي كانت لاعبه معاهم في الميدان عشان البز الكعب ده

قلت لي نبزة زي دي ما بتستاهل
طيب البستاهل شنو ؟

وكفارة يا عمك
اها توالي طمبل كيف معاك

هاهاهاهاهاهاهاهاها

Post: #10
Title: Re: مـا تقـومـوا تلِّفوا ....
Author: mohmed khalail
Date: 11-17-2008, 09:16 PM
Parent: #7

ابو حتحوت

ولا يهمك يا عمك

بكرة القرعة توقعهم مع الاهلي المصري

ارشهم من دور ال77

ونشووووووووووووووف

Post: #12
Title: Re: مـا تقـومـوا تلِّفوا ....
Author: وليد محمد المبارك
Date: 11-17-2008, 09:18 PM
Parent: #10

ونحن رشيناكم من الدور الكم ؟

Post: #13
Title: Re: مـا تقـومـوا تلِّفوا ....
Author: محمد البشرى الخضر
Date: 11-17-2008, 09:28 PM
Parent: #10

أبو خليل يا عمك
والله هامانا أكضب عليك
لكن بيني و بينك بركة الدرنا لو رشونا الليلة كان شربنا زيت

Post: #11
Title: Re: مـا تقـومـوا تلِّفوا ....
Author: haroon diyab
Date: 11-17-2008, 09:17 PM
Parent: #7

وكاااااااااااااااك
وهاك طمبلكو ده
وبرضو.....
المحلي داخل عطبره
مشتاقووووووووووون

Post: #15
Title: Re: مـا تقـومـوا تلِّفوا ....
Author: محمد البشرى الخضر
Date: 11-17-2008, 09:31 PM
Parent: #11

Quote: المحلي داخل عطبره
مشتاقووووووووووون
دياب يا عمك ...
عارفك يا هن مساكاتك الما بتفرط فيهن ديل
حسي كورة كلاتشي الاخيرة دي كان خشت كنت بتزرقن وين؟

Post: #8
Title: Re: مـا تقـومـوا تلِّفوا ....
Author: محمد البشرى الخضر
Date: 11-17-2008, 09:14 PM
Parent: #6

يا عمك ما قضية
قدر الله ما شاء فعل
بعدين بيني و بينك الوصيفاب - سابقا - ديل كان بتفرتقوا لو قعدوا في الوصافة للسنة السادسة
التحكيم عموما كان جيد
الهلال للامانة افتقد التركيز في ختام الهجمة و في الجزء الاخير من الكورة لجأ للإرسال الطويل الغير فعال
لكن الغريبة بعد كدا كانت بتشكل خطورة على دفاع المريخ خلي بالك رقدوا سلطة بس ابت بت الكلب
خيرها في غيرها

Post: #9
Title: Re: مـا تقـومـوا تلِّفوا ....
Author: محمد حيدر المشرف
Date: 11-17-2008, 09:15 PM
Parent: #1

نقوم نلف ؟!..
ما احنا اصلا لافين بى مظاهرات الفرح فى شوارع العرضه ..
وكاسنا فوق .. فوق
والردكاسل فى تمام النور والضياء والالق ..
فارقنا ضلمة زريبة العيش ورميناها ورانا ..
وفارقناكم .. وما بتحصلونا تانى
اها .. معاكم سلامه

..
سمعت بي فراق الطريفى ..

Post: #16
Title: Re: مـا تقـومـوا تلِّفوا ....
Author: محمد البشرى الخضر
Date: 11-17-2008, 09:33 PM
Parent: #9

Quote: نقوم نلف ؟!..
بالحيل يا دكتور
Quote: اها .. معاكم سلامه
ما بدري

Post: #14
Title: Re: مـا تقـومـوا تلِّفوا ....
Author: ثابت محمد
Date: 11-17-2008, 09:30 PM
Parent: #1

Quote: مـا تقـومـوا تلِّفوا ....
ود البشرى
يازول أذكرربك .. رووووق شوية .. بجيك سكري والله

يااااا وليد المبارك وهارون دياب
إنتو الزول ده ما أديتوهو موية باردة ؟؟
الزول إتلخبت عليهو الإختساس والله
قال نقوم نلف قال .. دي بالغت فيها يا ود البشرى
نحن ما بنلف ياخ .. البعرف اللفة طمبببببببل .. بتعرف لفة طمبل ؟؟
إنت رايحة ليك لفة ولا شنو يا ود البشرى ؟؟
كااااااااااااااااااااك زي ما بقول ود هارون

خت الرحمن في قلبك
لسه التقيل ورا .. كاس السودان برضو ضبح
مفروض تشوفو ليكم حل مع طمبل دا يا ود البشرى
الزول ده إتخسس فيكم وحاقر بيكم حقارة شديدة والله

زول ما عندو عُـشرة ياااااخ ... مش ؟؟

سُــعال سقيل
أها الوصيف منو يا ود البشرى ؟؟

Post: #17
Title: Re: مـا تقـومـوا تلِّفوا ....
Author: وليد محمد المبارك
Date: 11-17-2008, 09:34 PM
Parent: #14

Quote: زول ما عندو عُـشرة ياااااخ ... مش ؟؟

عيب كبير منو

Post: #21
Title: Re: مـا تقـومـوا تلِّفوا ....
Author: محمد فرح
Date: 11-17-2008, 09:47 PM
Parent: #17

ود البشرى
الليله يومك أسود
جوه إستادكم ونحنا أسيادكم
التحيه لكل طاقم الأحمر الوهاج
ولكل من ساهم في زرع البسمة على وجوه ملايين الصفوة

وللعجب أقول
كبير إنت
بي أخلاقك
وبي فنك
وبي أي حاجه
وإذا أتتك مذمة من ناقص ... الباقي نسيتو
ومريخنا فووووووق

Post: #18
Title: Re: مـا تقـومـوا تلِّفوا ....
Author: محمد البشرى الخضر
Date: 11-17-2008, 09:40 PM
Parent: #14

ثابت يا عمك
اها انت بالذات بعد ما تلف اللفة الاولى مع الجماعة بعد تاخد نفسك تقوم تلف تاني براك
يا خوانا اليشوف هرجتكم دي يسترب لو الكورة انتهت على قون طمبل كان سيرتونا و لا كيف ؟
يا عالم الكورة انتهت تعادل تعاااااااااادل زيها و زي تلاتة اربعة كور اتلعبت في استاد الهلال الجديد شنو
كان للبطولة مبروكة عليكم الاداكم ليها حكام الاتحاد و الامل
لكن فرحتكم دي الا خلعة البطولة الطولتوا منها ساي
Quote: أها الوصيف منو يا ود البشرى ؟؟
وصيف ممتاز 2008 الهلال
لكن الوصيف اللقب الالتصق بيكم على مدى خمسة سنوات ما عارف ح يطلع منكم كيف ؟

_________________________________________________

ابقوتة باللاي تعال اديهم قصيدة ركيكة امرضهم بيها ياخ

Post: #19
Title: Re: مـا تقـومـوا تلِّفوا ....
Author: haroon diyab
Date: 11-17-2008, 09:42 PM
Parent: #14

Quote: مـا تقـومـوا تلِّفوا ....

نلف....؟
بي كرت ولا بي كرتين.....؟
برضو....
كاااااااااااااااااااااكـ

Post: #20
Title: Re: مـا تقـومـوا تلِّفوا ....
Author: أبوبكر أبوالقاسم
Date: 11-17-2008, 09:42 PM
Parent: #1

غايتو الفصاحة عندكم

هسع منو البتكلم :

بعد مذبحة القواعد العامة وقيام لجنة الإستئنافات العليا بقبول إستئناف بعد مُضى كم شهر كدا ما عارف ....

والأدهى والأمر إنو الإستئناف ما تمّ تقديمه ممن له مصلحة ( الهلال أو نيل الحصاحيصا)....

ويتم ذبح القانون والقواعد العامة جهاراً نهاراً بسكين ميت ....

لكن الله موجود.... وهيثم .... استغفر الله العظيم .... نعم هيثم طمبل موجود.... والعرضة جنوب ولّعت...

Post: #22
Title: Re: مـا تقـومـوا تلِّفوا ....
Author: محمد البشرى الخضر
Date: 11-17-2008, 09:48 PM
Parent: #20

لا حولا يا ابوبكر تاني رجعنا للموضوع الطويل دا
طيب مريخك دا ما انتهك القواعد برضو مش موقع على الاستئناف
ثم الاخبطة دي كلها من تحت راس الاتحاد و هو يتحمل نتيجتها
مبروك عليكم الولعت العرضة جنوب بعد خمسة مواسم من الظلام الدامس

_____________________________________

يا خوانا باللاي شفتو منظر لاعبي الهلال و هم يستلموا ميدالياتهم اتمنى تكونوا اذكرتوا نفس الوقت من العام الماضي وين كان لاعبيكم
و سؤال تاني وصف الدلاقين للاعبي المريخ من الاطلقو و مناسبتو شنو جاوبوا على السؤالين ديل و شوفوا كيف ح يكرم الهلال لاعبيه

Post: #24
Title: Re: مـا تقـومـوا تلِّفوا ....
Author: وليد محمد المبارك
Date: 11-17-2008, 09:51 PM
Parent: #22

شفنا منظر هيثم مصطفى وهو بنبز في العجب

وكااااااااااااااااك

Post: #23
Title: Re: مـا تقـومـوا تلِّفوا ....
Author: محمد البشرى الخضر
Date: 11-17-2008, 09:50 PM
Parent: #1

ود فرح انت ما تلف معاهم
لافي جاهز من يومك

Post: #25
Title: Re: مـا تقـومـوا تلِّفوا ....
Author: طارق جبريل
Date: 11-17-2008, 09:52 PM
Parent: #1

عييييييييييييييييييييييييييييييييييييييييييييييييييييك

ابو شنب وينو ياخ

Post: #26
Title: Re: مـا تقـومـوا تلِّفوا ....
Author: محمد البشرى الخضر
Date: 11-17-2008, 09:59 PM
Parent: #25

ود جبريل يا عمك
مبروك ياخ
خلاس عشان خاطر حاتم ابراهيم انت ما تكمل اللفة شوية وتعال اقعد

باللاي افقد لي الرشاشة الكبير دا وقوليه ما تزعل
Quote: لا تهوززنا الهزيمة لا يبطر بينا النصر
و التانية بتاعة
Quote: طوطونا ملف الممتاز السنة دي

Post: #27
Title: Re: مـا تقـومـوا تلِّفوا ....
Author: أبوبكر أبوالقاسم
Date: 11-17-2008, 10:00 PM
Parent: #1

Quote: يا خوانا باللاي شفتو منظر لاعبي الهلال و هم يستلموا ميدالياتهم

شفنا كابتنكم الهمام قال " باص " وما استلم أى ميدالية.

Post: #28
Title: Re: مـا تقـومـوا تلِّفوا ....
Author: محمد البشرى الخضر
Date: 11-17-2008, 10:04 PM
Parent: #27

و الباقيين؟

استلموا ولا باصو برضك

Post: #29
Title: Re: مـا تقـومـوا تلِّفوا ....
Author: عبدالله كع
Date: 11-17-2008, 10:06 PM
Parent: #1

يا قريبك يلفو لي شنو؟
ما اصلهم لافين من زمان
وما مصدقين انو النتيجه تتطلع تعادل وتديهم الكاس ويتخارجو من الوصافه
القاعده ليهم زي الشامه ... افرحو وبعد ما تفرحو لفو تاني
والممتاز الجاي الوصيف الوصيف ما فايتكم.. والله اعلم الوصافه
ذاته تلمو فيها ...

Post: #31
Title: Re: مـا تقـومـوا تلِّفوا ....
Author: وليد محمد المبارك
Date: 11-17-2008, 10:13 PM
Parent: #29

Quote: وما مصدقين انو النتيجه تتطلع تعادل وتديهم الكاس ويتخارجو من الوصافه

ان شاء الله الدورة الاولى طلعت تعادل برضو

هاهاهاهاهاهاهاهاهاهاهاهاهاها

Post: #30
Title: Re: مـا تقـومـوا تلِّفوا ....
Author: أبوبكر أبوالقاسم
Date: 11-17-2008, 10:09 PM
Parent: #1

Quote: و الباقيين؟

تانى جات سيرة البحر ؟

كويس أنك أقريت بعفص كابتنكم للميداليات.

Post: #32
Title: Re: مـا تقـومـوا تلِّفوا ....
Author: محمد البشرى الخضر
Date: 11-17-2008, 10:17 PM
Parent: #30

كع يا عمك
هاردلك ولا يهمك
وليه الممتاز السنة الجاية البعيدة اسي بعد اسبوعين ان شاء الله كاس السودان بنرشهم ونطقطهم ليك زي الترتيب

ابوبكر يا عمك ..
لا ديل مبدعين - مش ابتدعوا قصة طلوع العارضة
Quote: كويس أنك أقريت بعفص كابتنكم للميداليات.
يعني هو ما شالها بالجد
انا ما تابعت بعد اول لاعب من الهلال ظهر في استلام الميدالية الولية غيرت القناة و انا زاتي قمت
لا غلطان مافي كلام لو رفض يستلمها

Post: #33
Title: Re: مـا تقـومـوا تلِّفوا ....
Author: عبدالعزيز الفاضلابى
Date: 11-17-2008, 10:17 PM
Parent: #30

Quote: لا و اسي يجيك هارون يشبكنا المحلي داخل عطبرة التقول انتو قطركم بقيف في كوبنهاجن
استاذى
فى حضرة مقامك يطيب الوقوف تجلة.
عفوا أستاذى
محليكم المرة دى حده سندة قدو عطبرة ذاتها كتيرة عليه.

Post: #34
Title: Re: مـا تقـومـوا تلِّفوا ....
Author: محمد البشرى الخضر
Date: 11-17-2008, 10:21 PM
Parent: #33

فاضلابي يا عمك العفو ياخ انت الاستاذنا
مبروك ميتة اتحاد مدني و مروقكم من الحبس الاجباري لخمس سنين عجاف في خانة الوصافة
Quote: محليكم المرة دى حده سندة قدو عطبرة ذاتها كتيرة عليه.
يا عمك دي نظام اب سن و اب سنتين ولا كيف
من الجيلي لا بورسودان مرورا بهيا عطبرة و السندات كلهن محلي

Post: #35
Title: Re: مـا تقـومـوا تلِّفوا ....
Author: عبدالوهاب علي الحاج
Date: 11-17-2008, 10:28 PM
Parent: #1

Post: #36
Title: Re: مـا تقـومـوا تلِّفوا ....
Author: محمد البشرى الخضر
Date: 11-17-2008, 10:35 PM
Parent: #35

وهبة ياخوي لا تزَعِّط الشعيرات

شوف نفس المشهد دا السنة الفاتت
الزعيم داخل الكورة بفؤصتين و ملعوبة في الرد كسر
نفس الزعيم عيافة لا ترضى بالدنية - التعادل- اخذها نصرا عنوة و اقتدارا
وفي عقر دارهم و طلعنا العارضة و اتحكرنا بحقنا ما بحق غيرنا
وقارن بالمشهد الني بتاع السنة دي
مش يقوموا يلفوا عليك الله

Post: #37
Title: Re: مـا تقـومـوا تلِّفوا ....
Author: على محمد على بشير
Date: 11-17-2008, 10:43 PM
Parent: #36

تتصور لقيتك يا ابوحتوت ما عندك حجه
لانو ماسك فى نقاط اتحاد مدنى وفايته عليك انو حتى لو كنت فزت
على اتحاد مدنى برضو الممتاز حقنا بحكم اننا فى نتيجة المقابلتين
موقفنا احسن منك لانك مهزوم ومتعادل

اذا انتا التقوم تلف كدا ...

كااااااااااااااااااااااك

Post: #38
Title: Re: مـا تقـومـوا تلِّفوا ....
Author: على محمد على بشير
Date: 11-17-2008, 10:46 PM
Parent: #37

Post: #39
Title: Re: مـا تقـومـوا تلِّفوا ....
Author: محمد البشرى الخضر
Date: 11-17-2008, 10:55 PM
Parent: #37

ابو فرمالة - سوري - ابو علوة
Quote: ابحكم اننا فى نتيجة المقابلتين
موقفنا احسن منك لانك مهزوم ومتعادل
يا زول متاكد من كلامك دا ولا ناجرو
احتياطا كدة ولغاية ما تتاكد من قواعد المنافسة من موقع الاتحاد العام
اخد ليك لفة سريعة براك وتعال

Post: #40
Title: Re: مـا تقـومـوا تلِّفوا ....
Author: انعام عبد الحفيظ
Date: 11-17-2008, 11:12 PM
Parent: #1

غايتو يا ود البشرى الهلالاب في الخرطوم ماليين الشوارع وشايلين علم الهلال

والمريخاب الفي الشوارع بسيطين مقارنة بإنهم شالوا الكاس

باين عليهم مخلوعين وما مصدقين انهم فازوا

حنينا عليهم خليهم يتهنوا بيهو المرة دي

Post: #41
Title: Re: مـا تقـومـوا تلِّفوا ....
Author: على محمد على بشير
Date: 11-17-2008, 11:21 PM
Parent: #40

Quote: يا زول متاكد من كلامك دا ولا ناجرو
احتياطا كدة ولغاية ما تتاكد من قواعد المنافسة من موقع الاتحاد العام
اخد ليك لفة سريعة براك وتعال

معقوله انتا قاعد ميطى للدرجه دى ؟

اها ازيدك من الشعر بيت
حتى ولو هزمت اتحاد مدنى وتعادلت معى فى النقاط
بنتيجة مباراة اليوم .. برضو الممتاز حقنا لانو
صافى اهدافنا اكبر من كل احلامكم

Post: #42
Title: Re: مـا تقـومـوا تلِّفوا ....
Author: Farahat Sayed
Date: 11-17-2008, 11:31 PM
Parent: #41

محمد علي نلف من وين

الفه حدها كاس السودان

كدي النشوف النديه دي حدها وين

والله حكايه النديه دي جارقاني شديد

Post: #43
Title: Re: مـا تقـومـوا تلِّفوا ....
Author: ASHRAF MUSTAFA
Date: 11-18-2008, 00:51 AM
Parent: #42

ود البشري يل جمبل

طيب انا مكاني وين منكم

انا لغاية ما خليت السودان

كنت هلالابي لكن ما علي السكين

فكنت اشجع المريخ

والان وبالرغم من انو اقطاب الكرة في السودان كلهم اهلي

انا ولا بحب الهلال ولا المريخ

اقول ليك حاجة

الكورة عندي اقتصرت مشاهدتها قبل اربعة سنوات علي كاس العالم

لكن الان حتي كاس العالم بقيت ما بشوفه

امشي ليك ابعد من كده

ما بقدر اتفرج في كورة لمدة خمسة دقائق

جسمي بنمل

اعمل شنو!!!!

Post: #48
Title: Re: مـا تقـومـوا تلِّفوا ....
Author: محمد البشرى الخضر
Date: 11-18-2008, 06:03 AM
Parent: #43

Quote: اعمل شنو!!!!
ودي دايرة كلام يا اشرف
حصل اخوانك ديل
قوم لف معاهم

Post: #65
Title: Re: مـا تقـومـوا تلِّفوا ....
Author: عصام الجيلي
Date: 11-18-2008, 09:30 AM
Parent: #48

Quote: ودي دايرة كلام يا اشرف
حصل اخوانك ديل
قوم لف معاهم

الله يجازيك يا أبو حتوت
شاهد الله ضحكت بعد دموعي نزلو

Post: #47
Title: Re: مـا تقـومـوا تلِّفوا ....
Author: محمد البشرى الخضر
Date: 11-18-2008, 05:58 AM
Parent: #41

أبو علوة...
Quote: برضو الممتاز حقنا لانو
صافى اهدافنا اكبر من كل احلامكم
كان دا رايك ياخوي بالجد قوم لف
اديتك هنت وقلت ليك راجع موقع الاتحاد العام / لائحة منافسة الدوري الممتاز
بدل حايم تفتش في اليوتيوب للخرفان كنت جنبت نفسك الحرج اقلاها

Post: #46
Title: Re: مـا تقـومـوا تلِّفوا ....
Author: محمد البشرى الخضر
Date: 11-18-2008, 05:55 AM
Parent: #40

Quote: باين عليهم مخلوعين وما مصدقين انهم فازوا
هلا نعوم و هاردلك
بيني وبينك خمسة سنين كتيرة
فعلا بكونوا مخلوعين

Post: #44
Title: Re: مـا تقـومـوا تلِّفوا ....
Author: محمد حيدر المشرف
Date: 11-18-2008, 03:55 AM
Parent: #1

Quote: ما بدري

بدري شنو ؟..
قلنا ليك خلاص فارقناكم وما بتحصلونا تانى ومع السلامه ..

Post: #50
Title: Re: مـا تقـومـوا تلِّفوا ....
Author: محمد البشرى الخضر
Date: 11-18-2008, 06:21 AM
Parent: #44

Quote: قلنا ليك خلاص فارقناكم وما بتحصلونا تانى
ما تقولوا القلتوه شوية
Quote: ومع السلامه ..
ما بدري

Post: #45
Title: Re: مـا تقـومـوا تلِّفوا ....
Author: Ashraf el-Halabi
Date: 11-18-2008, 04:46 AM
Parent: #1

بشرى سلامات
ياخي انتو رشاشات حقارين!!
ما ليكم خمسة سنة بتطلعوا للناس في عراضتهم
ولا "الكعكة ف إيد اليتيم عجبة"!!

Post: #49
Title: Re: مـا تقـومـوا تلِّفوا ....
Author: عبدالكريم الامين احمد
Date: 11-18-2008, 06:03 AM
Parent: #45

علي سبيل الدعم والمساندة
والمناشدة بقومة ولفة الجماعة

Post: #52
Title: Re: مـا تقـومـوا تلِّفوا ....
Author: محمد البشرى الخضر
Date: 11-18-2008, 06:25 AM
Parent: #49

باللاي ما تنسى خليل و قسطنطين يلفوا معاهم برضوا

Post: #51
Title: Re: مـا تقـومـوا تلِّفوا ....
Author: محمد البشرى الخضر
Date: 11-18-2008, 06:24 AM
Parent: #45

حلبي يا عمك
لما طلعنا كنا غالبين و الكاس شلناه بي حقنا
دا الفرق

Post: #54
Title: Re: مـا تقـومـوا تلِّفوا ....
Author: عماد محمود علي
Date: 11-18-2008, 07:52 AM
Parent: #51

ود البشرى البكاااااي
ياخي البكاء شنو ؟ أنت في الكورة تبكي وهنااااك برضو تبكي ؟
ياخي شابكنا إتحاد مدني .. إتحاد مدني .. طيب من انحن حي العرب غلبنا ولو ( تفتح عمل الشيطان ) ( مابتاع خليل داااك ) كنا غلبنا حي العرب كلنا حتى لو فزتوا على الاتحاد برضه الكأس حقنا .. لاننا هزمناكم في الدورة الاولى وبرضو بي هدف طملبكو ... يعني ماركة مسجلة وكده ،، أها يا أخوي كده قوم أنت زااااتك لف يمكن في لفك ده تلاقي ليك حل لازمة هيثم مصطفى ( سفير النوايا السيئة ) ده .. الشات القارورة وشتم الكنج ورفض يشيل الميدالية ... قال نوايا حسنه قال .. بالله خليهو هو زاااتو يلف معاااااك . على الاقل يعمل سويدي للياقته المهببة دي .....

وبرضو المحلي داخل عطبرة ..... هاردلك ... هاردلك ... هاردلك .

مودتي بلا حدود .....

عماد محمود

Post: #60
Title: Re: مـا تقـومـوا تلِّفوا ....
Author: محمد البشرى الخضر
Date: 11-18-2008, 08:54 AM
Parent: #54

هلا يا عمدة يا بكا
ياخي انا ببكي زيكم - انت و هاشم - انتو حيرتو البكا في رقبتو
ما علينا ..
قلت لي
Quote: حتى لو فزتوا على الاتحاد برضه الكأس حقنا .. لاننا هزمناكم في الدورة الاولى وبرضو بي هدف طملبكو
شفت عشان خاطر الحتة دي تقوم بعد تخلص اللفة الجماعية ترجى علي بشير و تلفوا لفة سوا براكم
موضوع هيثم دا فترنا من النبيح فيه سب سب يلا تعالوا حاكموه بس ما تنسوا تجيبوا قارئ شفاه معتمد
Quote: مودتي بلا حدود .....
كدي بعد تخلص لفتكم انت و علي راجع بوست الاسئلة البايخة
وكدا

Post: #53
Title: Re: مـا تقـومـوا تلِّفوا ....
Author: أبوبكر أبوالقاسم
Date: 11-18-2008, 07:35 AM
Parent: #1

Quote: علي سبيل الدعم والمساندة
والمناشدة بقومة ولفة الجماعة

الإيجار من الباطن إنتهى ولا لسه؟

Post: #55
Title: Re: مـا تقـومـوا تلِّفوا ....
Author: abas
Date: 11-18-2008, 07:58 AM
Parent: #1

يا عمك لسه لفتهم طويله الجماعه ديل

خليهم الفو زي ما عاوزين

ابو عمه

وابو فرماله

وابو ......... داك

Post: #57
Title: Re: مـا تقـومـوا تلِّفوا ....
Author: abuguta
Date: 11-18-2008, 08:10 AM
Parent: #55

[blue[
ود البشرى

ياخوى خليهوم يفرحو

ام العيال كيف ان شاء الله تكون هلالابية

امس حضر معاى الكورة 4 هلالاب كل الحريم مريخابات

انت ياخوى الحكاية شنو,,,

يازول اهرشهم واديلم....اسى عليك الله المريخاب ديل ما بخجلو

الجاب القون هيثم طمبل,,,والذى صدى الاقوان اكرم
وكلهم خريجى الهلال,,,صدق تاج السر حين قال عنهم بعيوات

Post: #58
Title: Re: مـا تقـومـوا تلِّفوا ....
Author: abas
Date: 11-18-2008, 08:19 AM
Parent: #57

يا ابوقوته حبيبي

الناس ديل اسواء لاعبين سلوكا شطبهم الهلال سجلوهم هم

يعني شنو ده

فاقد تربوي زي ما بقولو ولا شنو

القمرتي والحرامي ووووووووو

Post: #69
Title: Re: مـا تقـومـوا تلِّفوا ....
Author: عماد محمود علي
Date: 11-18-2008, 10:18 AM
Parent: #58

Quote: الناس ديل اسواء لاعبين سلوكا شطبهم الهلال

بالله .. هو أنتو هيثم طمبل ده شطبتوه .. بعدين ديل بجونا حمام ميت .. ونحن بنعلمهم الكورة على أصولها ... .
Quote: فاقد تربوي زي ما بقولو ولا شنو

وهيثم مصطفى كيف ؟ سفير النوايا السيئة .... ولا شنو !!!
Quote: القمرتي والحرامي ووووووووو

والكأس والدوري .... قرقرقرقر ... والله حالتكم تحنن أوباما زاااااتو ....

قلت لي التوالي الكم ؟ قرقرقرقر ....

مودتي برضو يارشاشة .... أرقد عافية لو فضلت فيك عافية ....

مريخابي ...

Post: #61
Title: Re: مـا تقـومـوا تلِّفوا ....
Author: محمد البشرى الخضر
Date: 11-18-2008, 08:58 AM
Parent: #55

Quote: وابو ......... داك
دا منو يا عبس
أديني ليها بالتلفون ان شا الله

Post: #66
Title: Re: مـا تقـومـوا تلِّفوا ....
Author: محمد يوسف الزين
Date: 11-18-2008, 09:33 AM
Parent: #61

يا عمكـ

النجاح البخلي الناس تفرح زي العملو الاهلي المصري اول امس دا
كاس افريقيا للمرة السادسة
والله العظيم دي الحاجة البتفرح

مش دوري سوداني فترنا فيهو بخمسة سنة اتولدو فيها شفع ودخلو الروضة واتخرجو
وبنو فيها عمارات وحلل
واتخرج فيها طالب طب..
وكمان يشيلوهو بمباراة زمنها الاضافي دقيقتين مع انو مفروض يكون ربع ساعة!!
وبقون اب رزقة 93 دقيقة ما سوو فيها غيرو
وبهستريا بي تعادل واحد واحد جبان جبن الحكم والحكيم
وقروش زي الزي الرز من المؤتمر الوطني

مساكين..
وفرحة المسكين دقندا

_______________
دقندا دي اسألني منها بعد تجينا في البيت

Post: #56
Title: Re: مـا تقـومـوا تلِّفوا ....
Author: ملكة سبأ
Date: 11-18-2008, 08:03 AM
Parent: #1

Quote: غلبتونا جوة استادنا
شلتوا الكاس خمسة سنة متتالية
الفرق بينكم بينا حصل 18 نقطة
كنا فايتنكم بسبعة نقاط جيتوا عادلتوهم و فتونا
غلبتونا اربعة واحد و البعدها كابتنا شال الكورة ستين يمين ما تتلعب

؟؟؟

ردوا قبال تلفوا

لفاكم قطر

Post: #59
Title: Re: مـا تقـومـوا تلِّفوا ....
Author: طلحة عبدالله
Date: 11-18-2008, 08:52 AM
Parent: #1

جرجير يا عمك
خليت التنظير والركاكة والجرجرة بقيت خلاص تبيع لحمة رأس وكوارع ..
هسع كلامك دا علاقتو بالفصاحة والورجقة الكانت قبل المباراة شنو يا مفعوص ..

حاشية : مفعوص لقب جديد ليك يا ركيك خالص

Post: #68
Title: Re: مـا تقـومـوا تلِّفوا ....
Author: abas
Date: 11-18-2008, 10:05 AM
Parent: #59

ويا طلحه

المفعوص 5 سنة بقولو عليه شنو

يا حبيب مبروك

لكن تاني تشموه قدحه

اولادنا فرحوكم شايف امس

علاء قمار

طمبل

مجاهد

اكرم

لعبو احسن من اولادكم مش وعندهم غيره وقلبهم حار احسن من العجب امو وسيدا

Post: #62
Title: Re: مـا تقـومـوا تلِّفوا ....
Author: طارق عبد اللطيف نقد
Date: 11-18-2008, 09:09 AM
Parent: #1

Quote: بعدين هيثم كان نبذ ما ينبذ لاعبينها في شروني اصلو

كل اناء بم فيه ينضح

والطيور على اشكالها تقع

Post: #64
Title: Re: مـا تقـومـوا تلِّفوا ....
Author: محمد البشرى الخضر
Date: 11-18-2008, 09:29 AM
Parent: #62

طارق عبد اللطيف نقد
ما اتذكر اني حصل اتداخلت معاك بالشكل السخيف دا
كونو تقتبس كلامي في بوست انا كاتبه و تعلق عليه بـ
حكاية الطيور على اشكالها تقع و كل اناء بمافيه ينضح انا بعتبرو اساءة شخصية لي
ولا اذكر اني بادرتك بحاجة زي دي
فما في داعي لعدم الاحترام و الاساءات بالشكل دا
عشان ما الواحد يضطر انو يبادلك الاساءة الاسهل منها مافي

Post: #63
Title: Re: مـا تقـومـوا تلِّفوا ....
Author: محمد عبد الماجد الصايم
Date: 11-18-2008, 09:28 AM
Parent: #1

يا عمكـ
الناس ديل خلصوا اللف ولا لسع

_____________
خليهم يلفوا تاني

Post: #67
Title: Re: مـا تقـومـوا تلِّفوا ....
Author: KOSTA
Date: 11-18-2008, 10:02 AM
Parent: #63

ود البشرى

و لا يهمك يا عمك
كلها 20 سنة تظلوا وصفاء و بعدين ترجعوا للتمثيل الخارجى مرة اخرى
خيرها فى غيرها!!
رجاء : ابعدنى من اللف لانى ما بحب " اللف و الدوران"

طمبلكو كيف ؟؟

Post: #70
Title: Re: مـا تقـومـوا تلِّفوا ....
Author: محمد البشرى الخضر
Date: 11-18-2008, 04:07 PM
Parent: #1

أبقوتة يا عمك ...
Quote: ام العيال كيف ان شاء الله تكون هلالابية
تصور الولية مريخابية لكن شغال ليك مع حتوت كويس خالص
إن شاء الله يطلع سي بلد

ود الزين يا عمك .. وين الحي بيك ياخ
هاردلك ابوي
Quote: مساكين..
وفرحة المسكين دقندا
قلت لي فارشين بي غادي ولا شنو؟

للَّـا ملكة...
هاردلك
يردوا وين هم فاضين من قراية حركات الشفاه

تنظير يا عمك ...
لا لا انت ما تلف
معقول منظراتي كبير زيك و مشروع مبدع يلف مع العوام
خليك خليك

حموودي ...
هاردلك يا جرسة
قلت لي الليلة ووب

أووو كوستا المريخابي الراقي...
مبروك يا عمك لكن ما شديد
لا انت برضو ما تلف خليها علينا المرة دي

Post: #71
Title: Re: مـا تقـومـوا تلِّفوا ....
Author: عبدالعزيز الفاضلابى
Date: 11-18-2008, 04:11 PM
Parent: #70

استاذى ,, صباحك نور بتوقيتنا.
Quote: ماتقوموا تلفوا

بلف لينا طمبل ونحن بننسطل

Post: #72
Title: Re: مـا تقـومـوا تلِّفوا ....
Author: عماد محمود علي
Date: 11-19-2008, 08:30 AM
Parent: #71

Quote: تصور الولية مريخابية لكن شغال ليك مع حتوت كويس خالص
إن شاء الله يطلع سيد بلد

أكيد ح يطلع سيد بلد زول أمه مريخابية يطلع رشاشة يعني ؟ غايتو شغال شغل تعب سااااكت الولد ح يطلع من الصفوة يعني من الصفوة وكان مكضبني أسأل عمران بوريك أيا ... قال شغال كويس مع حتوت ... يحت باقي شعر راسك الما قليت ذي شعر أب كرشة دااااك ... قوم لف حصل الجماعة ولاّّ هسع أكلم ليك الحكومة .

اها لا مودة ولا غادة زاااااتو . كرهتونا الكتابة زاااااتااااااا .

وبرضو قوم لف ( بس أول نزل صيوانك ده ) ما تقوم وأنت لافي تفرشو لينا هنااااك . ثمخ .

................ خلاص

Post: #73
Title: Re: مـا تقـومـوا تلِّفوا ....
Author: محمد البشرى الخضر
Date: 11-19-2008, 10:10 AM
Parent: #72

Quote: ثمخ
حالة ....!!
مزنوق اسي ..
راجع الاسئلة البايخة بعدين بعد افضى شوية
وإلى ذلك الحين أقترح انك

تقوم تاخد ليك لفة لفتين

Post: #74
Title: Re: مـا تقـومـوا تلِّفوا ....
Author: محمد البشرى الخضر
Date: 11-19-2008, 03:53 PM
Parent: #1

نقطة نظـــام

كلام جاد يا شباب
الشكل و الحدة و التلاسن و المهاترات البتحصل بين الإخوة الزملاء جدا مؤسفة و محزنة
لكن ما يؤسف و يحزن اكتر انها تحدث بسبب الكورة و تشجيعها
واللي هي اصلا من اهدافها كرياضة جماعية ابعد ما تكون عن الخلافات و المشاكل
ليه التنافس بين الناديين الكبيرين يستحيل لكراهية
وهل من شروط انتماءك لناديك وولاءك له انك تكره النادي التاني و لاعبيه و رموزه
نحب الهلال حد العشق لكن دا ما مبرر نكره المريخ
هيثم مصطفى رمز هلالي كبير نحبه و نحترمه هل من شروط احترامنا ليه اننا نكره العجب و نحتقره
لا اتحدث عن الصحف و كتابها فديل عايزين يبيعوا
لكن أأسف لحال بعض الزملاء هنا و تناولهم القاسي للتنافس بين الهلال و المريخ
وقد يتصاعد الامر بعد كلمة مني و كلمة منك و يبقى شكل و ملاسنات ليها ضل توحي بانو في ثارات و مواجد عظيمة
في حين لو سالت عن سببها او شرارتها ح تستغرب لما تعرف انها الكورة
الله يهدي الجميع لا يجب ان تكون الكورة سبب في خلاف او مشاكل بالشكل البنراه هنا

إنتـــهى

نرجع لموضوعنا ....
ها يا و صيفاب - سابقا - في زول لسة ما لفّ ؟ أو عايز ياخد لفة تانية ؟
عشان عايزين نمشي و كدا

Post: #76
Title: Re: مـا تقـومـوا تلِّفوا ....
Author: عبدالعزيز الفاضلابى
Date: 11-19-2008, 04:07 PM
Parent: #74

Quote: كلام جاد يا شباب
الشكل و الحدة و التلاسن و المهاترات البتحصل بين الإخوة الزملاء جدا مؤسفة و محزنة
لكن ما يؤسف و يحزن اكتر انها تحدث بسبب الكورة و تشجيعها
واللي هي اصلا من اهدافها كرياضة جماعية ابعد ما تكون عن الخلافات و المشاكل
ليه التنافس بين الناديين الكبيرين يستحيل لكراهية
وهل من شروط انتماءك لناديك وولاءك له انك تكره النادي التاني و لاعبيه و رموزه
نحب الهلال حد العشق لكن دا ما مبرر نكره المريخ
هيثم مصطفى رمز هلالي كبير نحبه و نحترمه هل من شروط احترامنا ليه اننا نكره العجب و نحتقره
لا اتحدث عن الصحف و كتابها فديل عايزين يبيعوا
لكن أأسف لحال بعض الزملاء هنا و تناولهم القاسي للتنافس بين الهلال و المريخ
وقد يتصاعد الامر بعد كلمة مني و كلمة منك و يبقى شكل و ملاسنات ليها ضل توحي بانو في ثارات و مواجد عظيمة
في حين لو سالت عن سببها او شرارتها ح تستغرب لما تعرف انها الكورة
الله يهدي الجميع لا يجب ان تكون الكورة سبب في خلاف او مشاكل بالشكل البنراه هنا

إنتـــهى

شايفك يا أستاذ ماعبرتنى وده أخير منو التلاسن
Just kidding
كلامك الأخير ده كلام ليناس :
يستمعون القول فيتبعون أحسنه وربنا يكتر منهم فى المنبر ده.

Post: #75
Title: Re: مـا تقـومـوا تلِّفوا ....
Author: طلحة عبدالله
Date: 11-19-2008, 04:02 PM
Parent: #1

انت يا جرجير لسع لافي (حمدارة ) .. راسك ما داش ..؟
الاقتباس دا حاجة ثقيلة خلاص عشان كدا بخصوص كلام الملاسنة دا غايتو بتفق معاك فيهو علي غير العادة
شخصيا سأسخر من الهلال واعمل السبعة وذمتا عشان اطلعو نويدي مهلهل وفقير وعدمان وما بجىء في ضفر الزعيم ( كنافة مناكفة لذيذة )
لكن حاشا ان احول الامور إلى مسألة شخصية مهما تجني الطرف الآخر حتى لو إضطررت للإنسحاب .
هذا ما أرجوه من الزملاء الأعزاء زعماء ومساكين ...
وختاما:
لفتك بقرة والدة هسع دي يا ركيك خالص خالص

Post: #77
Title: Re: مـا تقـومـوا تلِّفوا ....
Author: محمد البشرى الخضر
Date: 11-19-2008, 04:37 PM
Parent: #1

فاضلابي يا عمك وين ما عبرتك دقيقة ياخ
خلاص ولا تزعل
لفة اضافية عشان خاطرك

تنظير يا طلحة...
Quote: سأسخر من الهلال واعمل السبعة وذمتا عشان اطلعو نويدي مهلهل وفقير وعدمان وما بجىء في ضفر الزعيم
حتى دي ذاتها في اطار محدد مقبولة و ما في شي يخليها تكون سبب عداوة و كراهية
كلام جاد يا طلحة - بعدو ترجع تواصل اللف - انتو الصحفيين الرياضيين سبب رئيسي في تعميق الكراهية بين انصار الناديين
مرات لما اقرا لناس اسماعيل حسن و عمك ابوشيبة و اقرا الآيات و الادعية و الحكاوي عن الهلال بحس كانهم اهل بدر بتكلموا عن قريش
و في الجانب التاني نفس الحكاية بس ناسكم مكترين محلبيتها شوية

المهم يازول اسي كدي قوم الحق اللفة دي رفاقتك لا يفوتوك

Post: #78
Title: Re: مـا تقـومـوا تلِّفوا ....
Author: حسين يوسف احمد
Date: 11-19-2008, 05:30 PM
Parent: #77

Quote: الفرق بينكم بينا حصل 18 نقطة

فعلا كلامك صحيح يا صديقي العزيز ...
ولكن ؟؟؟
هنا استغل الوصيف الظرف الانساني الذي حدث للزعيم
بعد حادث أمغد الشهير ...
لأن الزعيم كان في وضع انساني لا يحسد عليه كان أمرا
طبيعيا أن تتأثر كل مؤسسات الزعيم بذلك :
مجلس الادارة اختل توازنه .. بعد أن رأي الأعضاء زميلهم
عزالدين الربيع يموت أمامهم ..
فريق الكرة تراجع مستواه بعد أن رأى لاعبي الفريق
مدربهم يموت أمامهم ..
الجمهور .. فقد الحماس بعد وتراجعت معنوياته نتيجة ( 1و2 )
كل مجتمع الزعيم تأثر بتل الحادثة فوجدها الوصيف فرصة
لاستعادة اللقب بعد أن كان حكرا للزعيم لثلاثة أعوام متتالية ..
لماذا لم تحرز هذا الفارق مرة ثانية ؟؟؟

ـــــــــــــــــ

تحياتي للوصيف القلبي رادو ..

وصيفاب ..

طيشاب ..

صفيراب ..

Post: #79
Title: Re: مـا تقـومـوا تلِّفوا ....
Author: Ashraf el-Halabi
Date: 11-20-2008, 06:12 AM
Parent: #1

يا بشرى تاني سمعت انو الهلال والمريخ حا يلعبو اللتنين في بطولة الأبطال
يبقى أخوانا الصهاينة ديل تعبوا في الفاضي!

Post: #80
Title: Re: مـا تقـومـوا تلِّفوا ....
Author: Ahmed Mohammed Osman
Date: 11-20-2008, 08:59 AM
Parent: #1

محمد البشري

عليك الله لو ما خليتم يلفو تاني..

الناس ديل ما عارف فرحانين من الدرون
ول جانين ب الكاس بعد طول غياب

الغريبة الواحد يقابلك يشبكك وااااك وييك ورشيناكم وقون طمبل
زي الماعارفين الكورة درون

Post: #81
Title: Re: مـا تقـومـوا تلِّفوا ....
Author: محمد البشرى الخضر
Date: 11-20-2008, 01:24 PM
Parent: #1

هلا يا حسين و مبروك بي مساخة كدا
حسين يا خوي رحم الله فقدائنا جميعا و جعل مثواهم الجنة
كلامك دا
Quote: هنا استغل الوصيف الظرف الانساني الذي حدث للزعيم
حتى و ان كنت تعني شي آخر
لكن الصياغة في عوجة او على الاقل تعبير "استغل" ما في محلو .
اما عن دي
Quote: لماذا لم تحرز هذا الفارق مرة ثانية ؟؟؟
فبنفس المنطق ممكن اسالك وليه ما غلبتونا تمانية مرات ورا بعض من الستينات
وليه ما فزتو بالدوري بدون هزيمة او تعادل تاني
خليني من ديل القاسيات جاوب على الهين دا :
ليه ما احرزتو لقب قاري تاني من تسعطاشر سنة ؟
بعد تجاوب يا حسين قوم حصل اخوانك باقي لافين من اول امس و فاتوك

حسين يا عزيزي بعد ينتهي المولد دا و المولد الجاي - كان الارباب خلانا نلعبو - و تهدى النفوس
داير اتناقش معاك - و آخرين - بجدية حول الحاصل في منتديات الناديين و جدوى نقله خارجها
لو تحب
يلا الحق جماعتك و قوم لف معاهم

يا حلبي ...
طبعا المحصلة معروفة من هسي
الوصيف - سابقا- حيطير كان بالغ من السطاشر و يرجع لبطولته المحببة و يطير برضو
و احنا - لو كلامك صاح - ح نخش المجموعات كالعادة لكن ما اظن نمشي لقدام بتيمنا دا

محمد احمد يا عمك
Quote: الغريبة الواحد يقابلك يشبكك وااااك وييك ورشيناكم وقون طمبل
زي الماعارفين الكورة درون
مش عليك الله
اسي الحالة درون عاملين الهلمة دي كلها
اظن كان غلبونا إلا كان يرحلونا من البلد
لكن على قولك يقوموا يلفوا تاني

Post: #82
Title: Re: مـا تقـومـوا تلِّفوا ....
Author: طلحة عبدالله
Date: 11-20-2008, 01:36 PM
Parent: #1

جرجير يا لفيف
جيب معاك كل الملفوفين ديل وتعالوا لافين لينا بي هنا لطفا .. لا تقرأ هذا الخبر .. خطير
توجد (طبخات ) آآقصد خبطات صحفية من مصادر وثيقة الإستوثاق .

Post: #83
Title: Re: مـا تقـومـوا تلِّفوا ....
Author: محمد البشرى الخضر
Date: 12-04-2008, 08:16 PM
Parent: #1

مبروك - بدون نفس - يا وصيفاب و هاردلك لعموم الزعماء و اسياد البلد

بالنسبة للوصيفاب .. الما لف الدورة الفاتت يقوم يلف بلاي

Post: #84
Title: Re: مـا تقـومـوا تلِّفوا ....
Author: Mohamed Foto7li
Date: 12-04-2008, 08:22 PM
Parent: #1

هاردلك

Post: #85
Title: Re: مـا تقـومـوا تلِّفوا ....
Author: محمد البشرى الخضر
Date: 12-04-2008, 08:36 PM
Parent: #1

هاردك يا فتوحلي ولا يهمك عادي
أجمل مافي المباراة - بعد تألق حارسي المرمى - الروح الرياضية اللتي سادت بين اللاعبين و الاعتذارات المتبادلة بعد نهاية الشوط الاول
و تبادل التحايا بعد نهاية المباراة

سؤال بايخ وكدا...
إشمعنى المريخ ح يلعب في بطولة الاندية من التمهيدي و الهلال من الـ 32

Post: #87
Title: Re: مـا تقـومـوا تلِّفوا ....
Author: Magdi Ahmed Elsheikh
Date: 12-04-2008, 08:50 PM
Parent: #85

Quote: بعد تألق حارسي المرمى

يعني مافي كجور وكده ياعمك

الجماعه دي ما كفاها لف

Post: #86
Title: Re: مـا تقـومـوا تلِّفوا ....
Author: طارق الكوتش
Date: 12-04-2008, 08:46 PM
Parent: #1

مبروك ليهم يا ود البشرى التعادل مع سيد البلد فى حد ذاته داخل المستطيل الاخضر انتصار لهم
.......

وهاردلك لسيد البلد التعادل داخل المستطيل الاخضر

.............

سؤال بايخ تانى - بمناسبة الكاسات التى لا لون لها

كم مباراه مروا خلال الشهر ده و مريخهم ده ما قدر يحقق انتصار واحد داخل المستطيل الاخضر على سيد البلد ؟

Post: #88
Title: Re: مـا تقـومـوا تلِّفوا ....
Author: محمد البشرى الخضر
Date: 12-04-2008, 08:59 PM
Parent: #1

مبروك - مسيخة - يا مجدي
نعم تألق حارسي المرمى حقيقة و شي جميل
ما تنسى قبل ما تقوم تاخد لفتك انو التسعين دقيقة انتهت تعادل
يلا قوم لف

هلا يا طارق و هاردلك يا زعيم
رغم حصول الوصيف على الكاس إلا انه مسيخ كرفيقه الدوري الممتاز إذ يخلو من هزيمة الزعيم
و ازدادت المساخة بالطبع بعد اختيار الإتحاد للهلال اللعب في بطولة الاندية و إستثناء الكاف له من اللعب في التمهيدي
حاااااااااارة بيني و بينك

يا أساسي ما لك شابكني ضيعتوا كافة البلنتيات
ما انتو ضيعتوا نصها طيب
ما تسى تقوم تلف في محلك

Post: #90
Title: Re: مـا تقـومـوا تلِّفوا ....
Author: Magdi Ahmed Elsheikh
Date: 12-04-2008, 09:01 PM
Parent: #88

Quote: مبروك - مسيخة - يا مجدي
نعم تألق حارسي المرمى حقيقة و شي جميل
ما تنسى قبل ما تقوم تاخد لفتك انو التسعين دقيقة انتهت تعادل
يلا قوم لف

الف براي

مانشوف ود الصايم

صديق متر خلاس

والله مشتاقووووووووووووون

Post: #92
Title: Re: مـا تقـومـوا تلِّفوا ....
Author: محمد البشرى الخضر
Date: 12-04-2008, 09:13 PM

Quote: والله مشتاقووووووووووووون
بالأكتر يا قريبك
اسمع
لاقاني كوت قبل كم يوم - وين ما مذكر- عن دكتور بحذف في لنكات
نعل دا ما إنت يا خوي؟

Post: #93
Title: Re: مـا تقـومـوا تلِّفوا ....
Author: Magdi Ahmed Elsheikh
Date: 12-04-2008, 09:30 PM
Parent: #92

Quote: اسمع

لاقاني كوت قبل كم يوم - وين ما مذكر- عن دكتور بحذف في لنكات

نعل دا ما إنت يا خوي؟

هو لنك واحد ياعمك

احسن اقوم الف

Post: #94
Title: Re: مـا تقـومـوا تلِّفوا ....
Author: Magdi Ahmed Elsheikh
Date: 12-04-2008, 09:33 PM
Parent: #93

Quote: اسمع

لاقاني كوت قبل كم يوم - وين ما مذكر- عن دكتور بحذف في لنكات

نعل دا ما إنت يا خوي؟

احسن اقوم الف تاني

Post: #89
Title: Re: مـا تقـومـوا تلِّفوا ....
Author: طارق الكوتش
Date: 12-04-2008, 09:01 PM
Parent: #1

مبروك تانى للمريخاب

Post: #91
Title: Re: مـا تقـومـوا تلِّفوا ....
Author: محمد البشرى الخضر
Date: 12-04-2008, 09:09 PM
Parent: #89

Post: #95
Title: Re: مـا تقـومـوا تلِّفوا ....
Author: Mohamed Foto7li
Date: 12-04-2008, 09:40 PM
Parent: #1

Quote: إشمعنى المريخ ح يلعب في بطولة الاندية من التمهيدي و الهلال من الـ 32

الكبير كبير

Post: #96
Title: Re: مـا تقـومـوا تلِّفوا ....
Author: طارق جبريل
Date: 12-04-2008, 10:54 PM
Parent: #1

الليلة ووووووووووووووووووووب وسجمي كمان

Post: #97
Title: Re: مـا تقـومـوا تلِّفوا ....
Author: طارق الكوتش
Date: 12-05-2008, 00:22 AM
Parent: #1

ود البشرى سلامات

ياريت نعمل بوست واحد بعيدا عن التعصب نتناقش فيه بكل اريحيه >
عن مشاكل الكره السودانيه ونطرح حلول ... لان سودانيز اونلاين يمتلك زوار مؤثرين فى الرياضه ( جمهور و اعلام و خلافه ) .
وكمان نحاول نعمل شئ يقلل من التعصب لانه بقود الى تجريح و قطيعه فى مرات وده عكس اخلاقنا و تربيتنا كسودانين

انا هلالابى ... برشح د.شهاب المريخابى لفتح هذا البوست لسببين :
حضوره الدائم وشعبيته الكبيره ما شاءالله + حياده فى تشجيع المريخ
الرأى شنو يا شباب ؟

مع كامل التقدير و الاحترام

ـــــــــــ
شعار المرحله القادمه >
نعم للمناكفات لا للتجريح

Post: #98
Title: Re: مـا تقـومـوا تلِّفوا ....
Author: osman righeem
Date: 12-05-2008, 04:06 AM
Parent: #1

Quote: حياده فى تشجيع المريخ

اخونا الكوتش
دي حتكون كوره افلاطونيه

سنه نلف
والسنه البعديها يلفو هم
اصلها مدوره

عايزين نصلح حال الكوره السودانية
دخلنا في السياسه
وعشان كده
نأخد لفه احسن

ياعمك
ابوحتوت
كبر اللفه