مسدار سليكة الشليقة لليانكي

Post: #1
Title: مسدار سليكة الشليقة لليانكي
Author: محمد البشرى الخضر
Date: 04-15-2008, 09:51 PM
Parent: #0

اختنا سليكة الشاعرة الموهوبة ابتدرت بوست للمسادير بموقع بيت السودانيين
و حظينا بشرف المشاركة معها في مجادعات لطيفة و عدد من الزملاء من الأون لاين
حبينا نشرككم معنا و نستمتع بمشاركات الزملاء من هنا ايضا وكدة
ادناه الرابط
و بعض الإقتباسات لمشاركات الزملاء من الأونلاين

مسادير ودوبيت يا شباب.. تعالو جادعوا....

سليكة
Quote: قوقي يا قميرية وابكي الرجال الماتوا
ستارين عروضم الليلة وينم فاتوا
أحي عليك يا دنيا كتب القدر كلماتو
كان الموت بشاور كان بدفعن دياتو

ود الزين
Quote: قوقي يا قمرية وري البنات ...مقاماتن
ورّي البنيّـات جت ضلوعن ...وعوجاتن
قوليها المحسوبين فينا نكرناهم وقلنا..ياحلاتن
سقاية الخدار ما شغلتنا مابنهادن ولا بنحاتن
نحن ناس كلمة واحدة "طلّق" وطبقاتن

ود الزين
Quote: راجنك يا بت امي يانا اهلك .....وناسك
نلملم بواقينا ونحكي حكاوينا ....ونتماسك
الدنيا شن فيها غير اللمة نشوف .حماسك
شهر 6 افراحنا وزغاريدنا..بس بلي راسك

سليكة
Quote: جهزت لافراحكم.. احلى التياب والزينة
من هسي بمشي الساونا.. عشان اضوي رتينة
دايرة اقشر ليكم.. في الحفلة زي وزينة
بس ما بخمج الدارة.. عشان يقولوا رزينة

ابوحتوت
Quote: ود الزين عريس يا ربي تمو مناهو
ساءلك يا كريم السعادة تبقى معاهو
و سليكة الرزينة في الفرح تبراهو
وابليس اللعين بعولاقو داك يختاهو

سليكة
Quote: فرتاق الصفوف لمعن حروفو سيوف
خاتي الكلام والقول الزيو ما اظن اشوف
اب حتوت اخوي البلكرم موصوف
النيلو ما بنضب والخيرو راوي جروف

تماضر
Quote: ياوابل العينة العريسك..سائل
عن البريد وأوانو لسع طايل؟
سائلة الكريم بالسحاب الشايل
يديهو العلوم ويبقى لينا استايل
بالنت السريع والخبر في فايل

سليكة
Quote: النت خلاص جننا وعوالمو ما بتنفات
في كل ويب مسكنا والباقي جوة الشات
حبينا فيو وجكسنا وعملنا فيو حركات
جنس حكاوي وتوم وشمار ملا الفايلات

ابوحتوت
Quote: سليكة الرزينة ست الفهم و الزوق
اخلاقك عالية ودايما مكانك فوق
الغاوون* هديك قاطعين بحور الشوق
حاسبين نجوم الليل راجنه ليكي شروق

تماضر
Quote: ياحليلها البراها ..ماشكروها وجوها
لاعبّوا المحاسن..لافي الرفوف ختوها
البنيان ألوووف بي طوبة بس رضّوها
يخس على البخل ان شاءالله بس حيّووها

هاك ياسول فِكر ...وشيلي ماقد..خَفْ
عجِّل بالقفا...قبال يجيك الكَفْ
كان جيبو الكبير..احنا ماناس..سَفْ
ولو طوّل وقوفو أبقي ماطلي..الصَفْ
وكان وصلك حِداك..أديهو طرف الرَف
مابجوا بالعديل ..دايما بحبو..اللَفْ

سليكة
Quote: ا حلاتا البراها درة وفي اعلى مكانة
بت ناسا عزاز دي السمحة فرع البانة
بالجود والكرم ايديها دوم رويانة
حاشاها ما بتنفات مليانة ذوق ورزانة

قمر السما الضواي كتير معاهو نجوم
شقيش يقبلو بت مردمات بالكوم
الا الصفوف بتقيف للمتلهن معدوم
والداير يصيد الصير ما بنكرب للعوم

ابوحتوت
Quote: قول للبراها شيلي الصبر يا بنية
في مكانك لازمنا الشكر و الجية
مع الباكمبا دا طوبة واحدة شوية
ولي بعدين بجيك أسي هاكي تحية

وبالطريقة دي كسير تلج تقيل إلى ان يظهر اب شنب قائلا
Quote: باللاي مصنع التلج مدوّر بي جاي

سليكة
Quote: تلجا بنقاوتو الليلة جاب ناس غايتو
جارين للشمار دايرين يشوفو نهايتو
دورنا التلج.. دور انت قرايتو
وششششك يا اب شنب لو بس عرفت بدايتو

ابوحتوت
Quote: أب شنب حبابك جيت عملت الساين
الجواب هداك من عنوانو واضح وبـاين
تلجا تقيل بالحيل انت راقب و عاين
واديك البشارة باكر ننقلو الأون لاين

اها يا ابشنب نقلناه الأون لاين

يلا يا سليكة المايك معاك

Post: #2
Title: Re: مسدار سليكة الشليقة لليانكي
Author: Rasha Hatim
Date: 04-15-2008, 10:14 PM
Parent: #1

نبداها بالجرسلين وكدا

نايرة الخدود لمعن سنونا بروق
فرع الاراك الني بدربو جنو خلوق
ام الخصر هايف وصديرا طامح فوق
كان شاف جمالا هناي ما اظنو تاني يروق

الصفات اعلاه تنطبق على جميع ال سوركتي.. اما هناي فجلابية فري سايز ..

وهييييييييييييي كبكبة

Post: #3
Title: Re: مسدار سليكة الشليقة لليانكي
Author: محمد البشرى الخضر
Date: 04-15-2008, 10:39 PM
Parent: #2

إييييييييه يا سليكة جبتيها تاني السيرة
عارفك شليقة وشاغلة بالك حيرة
سوركتي الزمان ولا الجديد في الديرة
الناس ما بتتوب ولقلوبها ديمة اسيرة

وكدا يعني مرة مرة

Post: #7
Title: Re: مسدار سليكة الشليقة لليانكي
Author: Rasha Hatim
Date: 04-16-2008, 11:36 AM
Parent: #3

Quote: إييييييييه يا سليكة جبتيها تاني السيرة
عارفك شليقة وشاغلة بالك حيرة
سوركتي الزمان ولا الجديد في الديرة
الناس ما بتتوب ولقلوبها ديمة اسيرة

السيرة يوم اتفتحت غلبنا ليها السدة
يوماتي تظهر شِدّة والناس تدرش العدة
وصيف بيوت وحواجب والطوب دا راقد خردة
بخت البكون سوركتي باسووردو يقعد مددددددة

Post: #4
Title: Re: مسدار سليكة الشليقة لليانكي
Author: haroon diyab
Date: 04-15-2008, 10:41 PM
Parent: #2

رشا حاتم
مساء الخير

يااخي حمد الله علي السلامة.....

شفقتينا ....قلنا مايكون بكري لحقك ناس هناااااااااااااي .
....
....
وكتر خيرك ياابو حتوت ....

وسليكة ...سليكة مافي طريقة

التحية ليكم الاتنين

Post: #9
Title: Re: مسدار سليكة الشليقة لليانكي
Author: Rasha Hatim
Date: 04-16-2008, 12:15 PM
Parent: #4

Quote: رشا حاتم
مساء الخير

يااخي حمد الله علي السلامة.....

شفقتينا ....قلنا مايكون بكري لحقك ناس هناااااااااااااي .
....
....
وكتر خيرك ياابو حتوت ....

وسليكة ...سليكة مافي طريقة

التحية ليكم الاتنين

ناس هنااااي ديل كاس داير حيوصلنا
ما بنملا بيهو الراس ولا بنستنا
نكتب ونتجدع, ما نموت بمغستنا
نقنع من الفانية نلقاها حرستنا

وهييييييييييييي مقدرة

Post: #37
Title: Re: مسدار سليكة الشليقة لليانكي
Author: haroon diyab
Date: 04-17-2008, 12:35 PM
Parent: #9

يادينا فيصل سلام ليك مني كلمه بقولة
بوستاتك خطيييرة والتوبة مقبولة
رشا حاتم كمان جاتنا بي مقولة
انوا (نقنع من الفانية)الماهامعدولة
كلام كبار ....دراب كل كلمة موزونه
بس حاسبي ود البشري مايلعبك كورة
اصلوا الوليد فرحان بي المكتبة الاوله
وياما بكرة بجونا ناس ....غايتو جنس .....يازوله

....
....
....
.....
.....
غايتو جنس غايتو
الحقوق محفوظة لابو طاقية

Post: #5
Title: Re: مسدار سليكة الشليقة لليانكي
Author: محمد عبد الماجد الصايم
Date: 04-16-2008, 09:14 AM
Parent: #1

ليه يا أبو حتوت كدا ياخ

البتاع دا كنا عاوزين نقزقز بيهو في البيت وكدا!!

Post: #6
Title: Re: مسدار سليكة الشليقة لليانكي
Author: Ahmed Yousif Abu Harira
Date: 04-16-2008, 10:58 AM
Parent: #5

أأأأها
كدى وقعتو لينا في عِبنا يا عمك.

بجيكم

Post: #8
Title: Re: مسدار سليكة الشليقة لليانكي
Author: هاشم أحمد خلف الله
Date: 04-16-2008, 12:08 PM
Parent: #6

ابو حتوت ياخي مشيت اسجل عندكم
عذبتني كلمة المرور كل مرة يقولوا لي
كلمة المرور خطاء ماعرفت اسجل

Post: #12
Title: Re: مسدار سليكة الشليقة لليانكي
Author: Rasha Hatim
Date: 04-16-2008, 01:00 PM
Parent: #8

Quote: ابو حتوت ياخي مشيت اسجل عندكم
عذبتني كلمة المرور كل مرة يقولوا لي
كلمة المرور خطاء ماعرفت اسجل

تأكد من الرقم الصحيح وحاول مرة أخرى

Post: #13
Title: Re: مسدار سليكة الشليقة لليانكي
Author: هاشم أحمد خلف الله
Date: 04-16-2008, 01:18 PM
Parent: #12

Quote: تأكد من الرقم الصحيح وحاول مرة أخرى

ممكن استعين بصديق/ة

Post: #14
Title: Re: مسدار سليكة الشليقة لليانكي
Author: Rasha Hatim
Date: 04-16-2008, 01:26 PM
Parent: #13

Quote: ممكن استعين بصديق/ة

سمح

احذف اجابتين الاول

Post: #15
Title: Re: مسدار سليكة الشليقة لليانكي
Author: هاشم أحمد خلف الله
Date: 04-16-2008, 01:29 PM
Parent: #14

Quote: سمح

احذف اجابتين الاول

طيب وين ؟؟؟ ولا خلاس

Post: #16
Title: Re: مسدار سليكة الشليقة لليانكي
Author: Rasha Hatim
Date: 04-16-2008, 01:42 PM
Parent: #15

Quote: طيب وين ؟؟؟ ولا خلاس

فاضل واحدة

Post: #17
Title: Re: مسدار سليكة الشليقة لليانكي
Author: هاشم أحمد خلف الله
Date: 04-16-2008, 01:51 PM
Parent: #16

Quote: فاضل واحدة

انا دوامي خلص ليهو ساعة
ممكن اخوي وائل أحمد خلف الله يشارك

سلام يا ناس سليكة الشليقة وما عايز معاكم ظاتووووووووووووو

Post: #21
Title: Re: مسدار سليكة الشليقة لليانكي
Author: Rasha Hatim
Date: 04-16-2008, 04:17 PM
Parent: #17

Quote: سلام يا ناس سليكة الشليقة وما عايز معاكم ظاتووووووووووووو

كيفن يفوتنا الهاشم وين نلقى ليهو خلف؟
النيل وافرة مويتو وبرضو يتأسف
كان شحّ المطر من موجو يعمل كف
يسقيهو السحاب وما اظنو تاني يجف

الليييييييييييلة يا التلج

Post: #32
Title: Re: مسدار سليكة الشليقة لليانكي
Author: هاشم أحمد خلف الله
Date: 04-17-2008, 09:41 AM
Parent: #21

Quote: كيفن يفوتنا الهاشم وين نلقى ليهو خلف؟
النيل وافرة مويتو وبرضو يتأسف
كان شحّ المطر من موجو يعمل كف
يسقيهو السحاب وما اظنو تاني يجف

يا رشا غلبني الكلام والشكرة ليك تنرد
شوقي ليك واصل فات عدد النجوم في العد
يا بت الكرم والجود بيتك بالضيوف ممتد
مافي حاجة تنقِصو حاشاك البخل يا بت اصول المجد

Quote: الليييييييييييلة يا التلج

الرز اخبارو شنو

Post: #11
Title: Re: مسدار سليكة الشليقة لليانكي
Author: Rasha Hatim
Date: 04-16-2008, 12:59 PM
Parent: #6

Quote: كدى وقعتو لينا في عِبنا يا عمك.

بجيكم

الليلة الحبايب بجاي حلاة لماتم
سمحين الصفات الراقية ديل كلماتم
بنرجاك يا اب حريرة شان تحلى بيك ونساتم
بس كيف تجي وتتحكر وتسمع معاي نماتم

Post: #10
Title: Re: مسدار سليكة الشليقة لليانكي
Author: Rasha Hatim
Date: 04-16-2008, 12:30 PM
Parent: #5

Quote: ليه يا أبو حتوت كدا ياخ

البتاع دا كنا عاوزين نقزقز بيهو في البيت وكدا!!

بهناك تقزقز سااااي وبجاي لبع تمساح
قنّاص ورميك صايب ووشك براهو سلاح
معرِّش يا ابكريك ما معاك بخوض سباح
لمن نشوف الصايم بنعرفو حقنا راح

هيييييييييييييييييييييييييع

الليلة ابو حتوت بكنسل اقامتي

Post: #18
Title: Re: مسدار سليكة الشليقة لليانكي
Author: محمد أحمد محمود
Date: 04-16-2008, 01:57 PM
Parent: #10

ماهو الكلام البتاغبو فيهو العرفه
هو النم السمح يرميك بريحة القرفه
وهو النضم العدييييييييل البمرقك من قرفه
كيف الشوره لزولا يقالد الطرفه؟
غير كب يقوم يلكع يلحق الصحبه

Post: #19
Title: Re: مسدار سليكة الشليقة لليانكي
Author: محمد أحمد محمود
Date: 04-16-2008, 02:02 PM
Parent: #18

ازيكم ياصحاب ود البشرى والناس الزي الورد

Post: #20
Title: Re: مسدار سليكة الشليقة لليانكي
Author: Rasha Hatim
Date: 04-16-2008, 04:09 PM
Parent: #18

Quote: ماهو الكلام البتغابو فيهو العرفه
هو النم السمح يرميك بريحة القرفه
وهو النضم العدييييييييل البمرقك من قرفه
كيف الشوره لزولا يقالد الطرفه؟
غير كب يقوم يلكع يلحق الصحبه

الصحبة بيك اكتملت الليلة يا المحمود
والفرحة دوم لازمانا لو بيها انت تجود
تتحكر في السدار وليهو انت تقود
ابرق يا السحاب تلقانا ليك رعود

وجع

Post: #22
Title: Re: مسدار سليكة الشليقة لليانكي
Author: تماضر الخنساء حمزه
Date: 04-16-2008, 04:32 PM
Parent: #20

رحّلتونا كيف؟؟من غير إذِن وسماح
كيف حال العفش مافيو شيتاً ..طاح؟
الطوب كان وقع مابنلقى تاني سِلاح
والحرب ال هِنا تاح مع التررااااح

Post: #71
Title: Re: مسدار سليكة الشليقة لليانكي
Author: Rasha Hatim
Date: 04-19-2008, 02:14 PM
Parent: #22

Quote: رحّلتونا كيف؟؟من غير إذِن وسماح
كيف حال العفش مافيو شيتاً ..طاح؟
الطوب كان وقع مابنلقى تاني سِلاح
والحرب ال هِنا تاح مع التررااااح

عارفانا ناس غاوون في كل وادي نهيم
غيرنا ارض الملعب لكن ما بعنا التيم
مباراتنا بس ودية بنخاف نخرب القيم
محمد حارس المرمى وحلاتنا احنا الريم

Post: #23
Title: Re: مسدار سليكة الشليقة لليانكي
Author: محمد أحمد محمود
Date: 04-16-2008, 04:55 PM
Parent: #20

Quote: الصحبة بيك اكتملت الليلة يا المحمود
والفرحة دوم لازمانا لو بيها انت تجود
تتحكر في السدار وليهو انت تقود
ابرق يا السحاب تلقانا ليك رعود

كرمك ياالزميله ما بتكريه من السوق
حاتم مش ابوك والنيل حداك مسيوق
والعشم السمح هيلك وطامح الذوق
والراي السديد مجدول متل براعك المطبوق
والسنا والجمال والحكمه لابسك طوق

اها شنوليك

Post: #24
Title: Re: مسدار سليكة الشليقة لليانكي
Author: محمد البشرى الخضر
Date: 04-16-2008, 05:10 PM
Parent: #1

ابشنب
Quote: ليه يا أبو حتوت كدا ياخ

البتاع دا كنا عاوزين نقزقز بيهو في البيت وكدا!!

شوف كيف جمعوا الأحبة معانا
حق البيت هناك كيفن نتمو برانا
اللمة الجميلة هنا و روح القصيد تغشانا
ادينا خاترك ابوي واجدع شوية معانا

سنة يا ابجضوم...

Post: #25
Title: Re: مسدار سليكة الشليقة لليانكي
Author: محمد البشرى الخضر
Date: 04-16-2008, 05:17 PM
Parent: #1

هاشم...
Quote: ابو حتوت ياخي مشيت اسجل عندكم
عذبتني كلمة المرور كل مرة يقولوا لي
كلمة المرور خطاء ماعرفت اسجل

خلاس يا الحبيب جيت جاري للتسجيل
عارفك ما بتفوتو مولد بكا و عويل
جبناهن ليك حداك وجهزت ليك منديل
ورينا يلا فنونك دموع و جعري عديل

اممممممممك
فتاو و شال حاله

Post: #33
Title: Re: مسدار سليكة الشليقة لليانكي
Author: هاشم أحمد خلف الله
Date: 04-17-2008, 10:03 AM
Parent: #25

Quote: خلاس يا الحبيب جيت جاري للتسجيل
عارفك ما بتفوتو مولد بكا و عويل
جبناهن ليك حداك وجهزت ليك منديل
ورينا يلا فنونك دموع و جعري عديل

ابو حتوت

يا محمد اخوي عارف بوستك فاتحو لي عديل
بزيد في بكائي وما بكفيني كم منديل
البكاء مطلوب بيغسل همومنا وليها بيزيل
الروح ترتاح والقلوب بالفرحة تطلب التسجيل

Post: #39
Title: Re: مسدار سليكة الشليقة لليانكي
Author: محمد البشرى الخضر
Date: 04-17-2008, 02:40 PM
Parent: #33

Quote: يا محمد اخوي عارف بوستك فاتحو لي عديل
بزيد في بكائي وما بكفيني كم منديل
البكاء مطلوب بيغسل همومنا وليها بيزيل
الروح ترتاح والقلوب بالفرحة تطلب التسجيل

لكن يا بوي ما سويتها ظاهرة وواضحة
وبكاك ما مطلوب ياخوي طريقتك فاضحة
خليك حريف وشديد يتجيبو راس الفالحة
كان دي ياها شغلتك قوماك نديك فاتحة

امك ولعت ...امك طفت

Post: #50
Title: Re: مسدار سليكة الشليقة لليانكي
Author: هاشم أحمد خلف الله
Date: 04-18-2008, 09:17 AM
Parent: #39

Quote: لكن يا بوي ما سويتها ظاهرة وواضحة
وبكاك ما مطلوب ياخوي طريقتك فاضحة
خليك حريف وشديد يتجيبو راس الفالحة
كان دي ياها شغلتك قوماك نديك فاتحة

يا محمد اخوي خليك دوام متسامح
ما تحكها شديد تبعدنا منك وترجع تسامح
البكاء والعويل مافيهو شئئ فاضح
كعب المدسس والكلام المو واضح

Quote: امك ولعت ...امك طفت

ياخوي انتا رجعت السودان ولا شنو ؟؟

Post: #26
Title: Re: مسدار سليكة الشليقة لليانكي
Author: محمد البشرى الخضر
Date: 04-16-2008, 05:32 PM
Parent: #1

أب حريرة يا عمك ...
Quote: أأأأها
كدى وقعتو لينا في عِبنا يا عمك.

بجيكم

هلا شيخ العرب الليلة جانا حبابو
سيد القول السمح العديل بي بابو
ادينا المفيد الليهو الخلق بتشابو
جمال الأدب وطيب الحديث و اسبابو

تلج تقيل يا عمك قاليك
تستاهله والله

Post: #27
Title: Re: مسدار سليكة الشليقة لليانكي
Author: محمد أحمد محمود
Date: 04-16-2008, 05:52 PM
Parent: #26

سليكه تقوم تقع مسدار يعيق اليانكي
ماشفتو البليد يجري ويتلفت زي التكنو الجاكي
والناس الوراهو عدموا اسم الشاكي
ودالبشرى انكرب وهو البمسح دمعة الباكي
كيفن عاد تتوه ياسيفي من ها الدواس الحامي
وكيف كمان ياقلمي ماتنضم تقولا قوافي

ا هو تلج سمك لالوب

Post: #28
Title: Re: مسدار سليكة الشليقة لليانكي
Author: محمد البشرى الخضر
Date: 04-16-2008, 05:59 PM
Parent: #1

هارون يا عمك
Quote: وكتر خيرك ياابو حتوت ....

هارون دياب ابوي سلام عليك يا مان
قديتنا بوَحَشْتَك وفلم الحديدة كمان
و تلجك الكسرته لعمك عيان و بيان
الكلام مزاح ياحاج اوعك تكون زعلان

(الوش الجديد البتعولق)

Post: #31
Title: Re: مسدار سليكة الشليقة لليانكي
Author: haroon diyab
Date: 04-16-2008, 10:30 PM
Parent: #28

ابو حتوت ياقريبك

Quote: الكلام مزاح ياحاج اوعك تكون زعلان

ود البشري الجميل ليك مني الف تحية
ممزوجة باشتياق ووحشة ومعاها هدية
مابينا زعل ياجميل ومزاحك زيدو شوية
مااصلوا القلوب بتحب بعض بالنية

......
اها كده انفع

Post: #29
Title: Re: مسدار سليكة الشليقة لليانكي
Author: محمد البشرى الخضر
Date: 04-16-2008, 06:22 PM
Parent: #1

محمد احمد محمود يا عمك...
Quote: ازيكم ياصحاب ود البشرى والناس الزي الورد

ابوحميد حبابك خير الأسامي جمعت
محمد واحمد ومحمود .. ياخ بالغت
مرحبيك زميل نورت المكان شرفت
نظمك بالحيل سمح ما اخير اكان ربعت

Post: #30
Title: Re: مسدار سليكة الشليقة لليانكي
Author: محمد البشرى الخضر
Date: 04-16-2008, 07:45 PM
Parent: #1

البراها إزيك...
Quote: والحرب ال هِنا تاح مع التررااااح

جبناهو ليك مخسوس مليان شكر و تحية
محمل طوب الوف بدون بخل يا بنية
و العفش كامل سليم واصل بصافي النية
اها نبدا التلج ولا لسة بدري شوية

صافية لبن نقول؟

Post: #34
Title: Re: مسدار سليكة الشليقة لليانكي
Author: الفاتح خليل الفكي
Date: 04-17-2008, 10:57 AM
Parent: #30

الناس الحلوين كيفكم
بوست لذيذ وظريف
تحياتي ليكم جميعاً

أبو كريم

Post: #35
Title: Re: مسدار سليكة الشليقة لليانكي
Author: اساسي
Date: 04-17-2008, 11:17 AM
Parent: #34

Quote: اها نبدا التلج ولا لسة بدري شوية

القافية ديفريزر

ود البشرى النجيض لي بوستاته ديمة بزور
واضح زي شمس لا لف يوم لا بدور
فاحت حروفه زي ريحة الريفدور
وقف الشباب عنده بابه صف طويل طابور
وحفيد الخضر فيهم يشرح يحاكي سرور

ــــــــــــ

كاتبي المفضل لهذا الشهر
محمد البشري الخضر

Post: #41
Title: Re: مسدار سليكة الشليقة لليانكي
Author: محمد البشرى الخضر
Date: 04-17-2008, 03:19 PM
Parent: #35

Quote: كاتبي المفضل لهذا الشهر

أساسي الأسد مرحب حباب الجية
جودت الشغل ابوي حاشاك تسوي النَية
اختيارك لي كاتب كيفني مية المية
بس ليش البخل عقاب الشهر ما شوية؟

جاييني يوم سبعطاشر تقولي كاتب الشهر يا ضلالي
ليها حق الغنماية

Post: #36
Title: Re: مسدار سليكة الشليقة لليانكي
Author: صلاح أبودية
Date: 04-17-2008, 11:19 AM
Parent: #34

كط آند بيست بوستيك ياالغشيم لصقتو
ما خليت زولا فيهو ما نبذتو...
بالفيهو والمافيهو والكضب كمان ألفتو
أرحم ياالعضو أخوك فى البورد أسترو
بكرة ألإقتباس بكمل والفيك كلو نمرقو

Post: #38
Title: Re: مسدار سليكة الشليقة لليانكي
Author: Ahmed Yousif Abu Harira
Date: 04-17-2008, 12:53 PM
Parent: #36

Quote: الليلة الحبايب بجاي حلاة لماتم
سمحين الصفات الراقية ديل كلماتم
بنرجاك يا اب حريرة شان تحلى بيك ونساتم
بس كيف تجي وتتحكر وتسمع معاي نماتم

سليكة الطرزت طرف الحديس بالنم
حباباالكاتلة (دينا)وقادله من دون هم

ده اسمو ون بيت
نوع جديد من الشعر مستسنخ من
دو بيت

وتاني
هييييييع

Post: #42
Title: Re: مسدار سليكة الشليقة لليانكي
Author: محمد البشرى الخضر
Date: 04-17-2008, 03:25 PM
Parent: #36

ابو دية يا عمك....
Quote: كط آند بيست بوستيك ياالغشيم لصقتو
ما خليت زولا فيهو ما نبذتو...
بالفيهو والمافيهو والكضب كمان ألفتو
أرحم ياالعضو أخوك فى البورد أسترو
بكرة ألإقتباس بكمل والفيك كلو نمرقو

اديك قروشك ابوي قول لي نازل وين
لزومها شنو الزرافة و جنس الكلام الشين
الله يرضى عليك خلينا ياخ حلوين
قبال اغير رايي و نبقى في الطنطين

Post: #40
Title: Re: مسدار سليكة الشليقة لليانكي
Author: محمد البشرى الخضر
Date: 04-17-2008, 03:09 PM
Parent: #34

ابو كريم حبابك نورت لينا الدار
كريم ربي يحفظه نعم الوليد البار
الظُرُف ابوي من طبعك اصيل وماك حقار
كفاك التلجة دي و الباقي تمو هظار

Post: #43
Title: Re: مسدار سليكة الشليقة لليانكي
Author: محمد البشرى الخضر
Date: 04-17-2008, 03:32 PM
Parent: #1

خاص للبتتوني

البتتوني مشتاق ليك عديل بخشم الباب
اريتك تبقى حاضر وتفلقنا بالدراب
حديثك كلو متعة الفهمنا ليهو رهاب
يا بكري ياخ فكو البتتوني زول ارباب

Post: #44
Title: Re: مسدار سليكة الشليقة لليانكي
Author: صلاح أبودية
Date: 04-17-2008, 03:47 PM
Parent: #43

Quote: اديك قروشك ابوي قول لي نازل وين
لزومها شنو الزرافة و جنس الكلام الشين
الله يرضى عليك خلينا ياخ حلوين
قبال اغير رايي و نبقى في الطنطين

يا ود البشرى منى ليك تحية..
والله الكريم ما ها دى المعنية..
فهمتنى غلط والعتبى بس فى النية
كيفن أخسر زول رقبتو تعدل مية

Post: #45
Title: Re: مسدار سليكة الشليقة لليانكي
Author: محمد أحمد محمود
Date: 04-17-2008, 04:51 PM
Parent: #44

Quote: ما اخير اكان ربعت

يارفاقتي العدال امسكوا الحسبه
كان تلتا كان ربعتا شاهر البسمه
وايش هي ام قدود ام بنايتا قشه
غير تنسجم تعقب تقلب الضحكه
او صاحبا نصيّح يسندك بصفحه
وبنية في الفريق تقدل تميس منقسمه

محمد النجار

Post: #46
Title: Re: مسدار سليكة الشليقة لليانكي
Author: محمد أحمد محمود
Date: 04-17-2008, 04:58 PM
Parent: #45

في فخر ليلة الخميس
هلا هلا نحن الناس البعدلوا الميل
تامين نقصة اليشكي ومودر ليل
تاراسين بحر جيشا مستف ويل
ركابين سروجا من اصيل الخيل
عبادي البروق في المتلنا بخيل
نسافين قلاع السفيه وبخيل

Post: #47
Title: Re: مسدار سليكة الشليقة لليانكي
Author: نادية عثمان
Date: 04-17-2008, 07:55 PM
Parent: #46

سيد الاجزخانة الليلة وينو دواي

بقيت عيانة طار عقلي وحلف ما جاي

لو جيت للقليب مهرود معاهو حشاي

لا طبا بينفع لا الشيوخ بي حداي !!

Post: #52
Title: Re: مسدار سليكة الشليقة لليانكي
Author: تماضر الخنساء حمزه
Date: 04-18-2008, 10:06 AM
Parent: #47

Quote: سيد الاجزخانة الليلة وينو دواي

بقيت عيانة طار عقلي وحلف ما جاي

لو جيت للقليب مهرود معاهو حشاي

لا طبا بينفع لا الشيوخ بي حداي !!

مابشفيك إلا العَيَاك.. معاهو

صعب الشِفا لو ..بيكي ماهمّاهو

لازماً هواك يكون هوّ برضو هواهو

الشايل القليب شايل معاهو دواهو

Post: #53
Title: Re: مسدار سليكة الشليقة لليانكي
Author: محمد البشرى الخضر
Date: 04-18-2008, 09:02 PM
Parent: #47

ندوية ست البنات سلام الكريم يغشاك
من العين يحَفْظِك و يسعد اليهواك
الناس الهموم شالوها كيفن بيبقوا بلاك
معقول الطب يغلبو يعرف يداوي عياك

Post: #48
Title: Re: مسدار سليكة الشليقة لليانكي
Author: عبدالفتاح أبوشيمة
Date: 04-17-2008, 10:27 PM
Parent: #1

يا حُبّي فوق

اتغشينا بي حبك لبسنا عباية
يا موية الرهاب الما ملت كباية
عجيب يا دنيا أمرك إلا نحن غبايا
عاشقين الجمال في لمعة الحرباية

وكدة يعني

Post: #51
Title: Re: مسدار سليكة الشليقة لليانكي
Author: تماضر الخنساء حمزه
Date: 04-18-2008, 09:52 AM
Parent: #48

Quote: عكير الدامر:
تعصري على البريدك وتقربي تانسيهو
يترك طاعة الخالق يكون ناسيهو
بي توب سحرك البعمي القلب تكسيهو
يصبح محتضر فى تربتو تمسيهو
سرورك مابتم تابعاه ديمة الفجعة
ظاهرك لينا سكر الا طعمك وجعة
كم طفشت مرتاح قلبو مابي النجعة
روحه تشابى وانت قطعت خط الرجعة
اوصيك نفسى اوصيك(الحيا ومافيها)
شق ود الاحد بيت الشبر صافيها
لمتين تقنعي ونار الضلال تطفيها
تمسكي سكة الشافوها حاجة تفيها
Quote: اتغشينا فى حبك لبسنا عباية
ياموية الرهاب الما ملت كباية
عجيب يادنيا امرك الا نحن غبايه
عاشقين الجمال فى لمعة الحربايه

دى الغشاشة دى الغدارة دى العقارة
كم قلبت زغاريد عرسة بى نقارة
اعلنها بى الحرب قبال تشن الغارة
قبل الروح تقرقر تبق فى الغرغارة
يا سامع دبيب النملة فوق العاتمة
ياكاشف الخفايا الفى الضماير كاتمة
بى جاه سيد الرسل الكرام ابو فاطمة
لطفك بى عكير يوم الدفن والخاتمة

Post: #54
Title: Re: مسدار سليكة الشليقة لليانكي
Author: محمد البشرى الخضر
Date: 04-18-2008, 11:25 PM
Parent: #48

أبوشيمة حبابك شرفت عرض المكان والطول
نارك موقدة للضيفان و غيمك ما بيدورلو هطول
توصيتك من غايتو الحبيب غلطان الوراهو يقول
زينت الحديث بالنمة بس لا تنسى قولةالـ

Post: #73
Title: Re: مسدار سليكة الشليقة لليانكي
Author: عبدالفتاح أبوشيمة
Date: 04-19-2008, 07:36 PM
Parent: #54

توصيتك من غايتو الحبيب غلطان الوراهو يقول

يا ناس زولي ده زولاً ولوف
لو قلت ليك كل الحقيقة ما قومة صوف
يخبل عقول يأسر لباب مالو وصوف
في الجيل ده أو في الجيل داك تلقاه!؛ خوف!

ود البشرى يا زولاً ولوف

كان سوينا ليك تمثال عديل نقدر نكافيك يا عطوف؟
لو ارتضينا الهجر ما قامت قيامتنا أم كفوف
وبالله شوف؛ حنية تضرب في الدفوف
بالله أقيف؛ شوف الجمال ملفوف لفوف

Post: #49
Title: Re: مسدار سليكة الشليقة لليانكي
Author: haroon diyab
Date: 04-17-2008, 10:56 PM
Parent: #1

ود الصائم

راجيك ياالحبيب تزورنا مره في دارنا
نفرشه بالورود والرمل كمان قدامنا
ومعاك فيصل نوبي المره يوم مازارنا
كلماتك حكم وماشين علي اقدامنا
بس غايتو جنس غايتو مافرتكت افكارنا

وسلامتكم

Post: #74
Title: Re: مسدار سليكة الشليقة لليانكي
Author: عبدالفتاح أبوشيمة
Date: 04-19-2008, 07:59 PM
Parent: #49

ست الرّوانات
حَمْـدِ الله لِـكْ بالسلامة
ســــلامة المرقة من زنقات
تـلات زنّـات في قلب الرويس وانّات
ود البشرى
قول لي صاحبك هرون أبوعمة دة
كان هو متعشم في ود الصائم للدرجة دي من غير يحمّد السلامة في بنيتو اللي سوّت عملية استئصال للزور
وكتبت ليها الكليمات ديل؛ لليلي ما ردي علي صاحبك
وهاك خلي أصحابك ديل ياخدوا بي خاطر البنية بي مسادير حلوة

ست الرّوانات
حَمْـدِ الله لِـكْ بالسلامة
ســــلامة المرقة من زنقات
تـلات زنّـات في قلب الرويس وانّات
وفي قـليـــب أمهـــات رانـّـات
سلامتك انت يا ست الرّوانات
وست ست كلّ البنات كُلاّت
زكاة وكفارة لي باقي البدن شاملات
الشالوها سابقة الباقي للجنّات
حمد لي الله في النعم الكتير خايلات
وفي البــــهم الكتير ســــارحات
ولي أمّات ولي جدّات لي حنّتنا والنخلات
لي دفّيـــــقنا لي جرتقنا للّمات
تعظيم ســـــــــــلام مبروك تمــــــــــــــام
يا حشاي انت ويا عشا البايتات

جدّو أبوشيمة
ويالله يا هرون ويا ود البشرى ويا جميع من يحب غايتو كدة غايتو

Post: #55
Title: Re: مسدار سليكة الشليقة لليانكي
Author: emad altaib
Date: 04-19-2008, 00:04 AM
Parent: #1

ــــــــــ

ود البشري ...
شفتك عامل مالوفه للصقور والغزالان
مكانك وريف وظليل وجنة ربي للحيران
اولاً بالتبادي..ليك سلامي المافتران
شوق للوطن فايض تقدير ومعزة للاخوان

تحياتي للجميع ..

Post: #57
Title: Re: مسدار سليكة الشليقة لليانكي
Author: محمد البشرى الخضر
Date: 04-19-2008, 07:46 AM
Parent: #55

Quote: ود البشري ...
شفتك عامل مالوفه للصقور والغزالان
مكانك وريف وظليل وجنة ربي للحيران
اولاً بالتبادي..ليك سلامي المافتران
شوق للوطن فايض تقدير ومعزة للاخوان

عماد الطيب ...مراحب بالحبيب الفاضل
يعجبني فيكا مثابر ولبكاكا ديمة مواصل
في كسير التلج ابدعت ويوت دمعك هاطل
عندي سؤال اخوي: يقرب ليك شنو ود عادل؟

Post: #56
Title: Re: مسدار سليكة الشليقة لليانكي
Author: محمد البشرى الخضر
Date: 04-19-2008, 00:26 AM
Parent: #1

سهران الليل و المنام جافاني
راجت المسنجر للبريد الجاني
يخربو إن بوكسي خراب تاباني
غير رسايل الرجال فيهو ما لاقاني

وين الحنان وين رسايلو إليا
دايرين النصيحة دي شغلتـن نية
يا سماحة المسنجر باعتاهو ليا بنية
ياكافي البلا الإن بوكس تقول داخلية

Post: #76
Title: Re: مسدار سليكة الشليقة لليانكي
Author: Rasha Hatim
Date: 04-20-2008, 04:46 PM
Parent: #56

Quote: وين الحنان وين رسايلو إليا
دايرين النصيحة دي شغلتـن نية
يا سماحة المسنجر باعتاهو ليا بنية
ياكافي البلا الإن بوكس تقول داخلية

اب حتوت اخوي يلاك نسوي تكامل
تبعت لي مسنجر واردو ليك بالكامل
تفرح برسايلي وانت ليا تراسل
واصلو التعيس لي خايب الرجا بزامل

Post: #91
Title: Re: مسدار سليكة الشليقة لليانكي
Author: محمد البشرى الخضر
Date: 04-20-2008, 07:19 PM
Parent: #76

سليكة يا شليقة...
Quote: اب حتوت اخوي يلاك نسوي تكامل
تبعت لي مسنجر واردو ليك بالكامل
تفرح برسايلي وانت ليا تراسل
واصلو التعيس لي خايب الرجا بزامل

سليكة الشليقة ما كنتي ماشة كــويس
شن جاب التعاسة و خيبة الرجا المترِيَس
اصلو الشلاقة طبع وسيدا ديـما يِـلَيِس
ما سمعتي بحديث المؤمن الفطن والكَيِس

المهم رسلــي لي رسالة افرح بيها
و ارفع معنويات روحي من العلي و البيها
بس يا هــداك الله الشلاقة انسيها
واديني من سمح التلج و الشكر و الجيهة

وكدة يعني مرة مرة

Post: #58
Title: Re: مسدار سليكة الشليقة لليانكي
Author: محمد البشرى الخضر
Date: 04-19-2008, 07:57 AM
Parent: #1

سهرت الليل و المنام ابى ليا
دخلت البورد اشوف العلي و البيا
لقيت القصة صعبة و بالذخيرة الحية
اخير نرجع ننوم الحقني يا ود رية

Post: #59
Title: Re: مسدار سليكة الشليقة لليانكي
Author: emad altaib
Date: 04-19-2008, 08:08 AM
Parent: #58

ــــــــــــ
Quote: عماد الطيب ...مراحب بالحبيب الفاضل
يعجبني فيكا مثابر ولبكاكا ديمة مواصل
في كسير التلج ابدعت ويوت دمعك هاطل
عندي سؤال اخوي: يقرب ليك شنو ود عادل؟

البكا والدموع رقة وحنية
وكسير الثلج بخبرو شوية
وصفك بالمثابر شكره محرية
ودعادل اكيدتجمعناالانسانيه

ـــــ تخريمه
ماعندي علاقه بي ايها ود عادل ..
لكن النسالك السؤال لازمتو شنو؟؟؟

Post: #60
Title: Re: مسدار سليكة الشليقة لليانكي
Author: abuguta
Date: 04-19-2008, 08:19 AM
Parent: #58

بجدع ليكم الكلام من اهلو بالصح

الليل امسى والبل حررنه مشهين
عقبن موية والجبل اب قرود راجيهن
السبب الخلانى فرض الخمسة ما مقضيهن
رزق الدنيا والمحن البصارع فيهن

ود شورانى

ما خابر حديثكم.. لكن جابتنى النمة
ود البشرى وودهارون مقنطرين العمة
السبب الخلانى كل مرة متاوراتنى الحمة
قوافى ( رشا حاتم) الخلت الخلوق متلمة

ابقوتة

Post: #64
Title: Re: مسدار سليكة الشليقة لليانكي
Author: محمد البشرى الخضر
Date: 04-19-2008, 09:42 AM
Parent: #60

ابوقوتة ياعمك
Quote: الليل امسى والبل حررنه مشهين
عقبن موية والجبل اب قرود راجيهن
السبب الخلانى فرض الخمسة ما مقضيهن
رزق الدنيا والمحن البصارع فيهن

ود شورانى

شوف سمح النظم و كيف القوافي انوزنن
سلس الحديث وطيب المعاني النزلن
موهبة الشعر من الخياتة انفرزن
النتمها موية اريتن عنهن ما حرزن

Post: #61
Title: Re: مسدار سليكة الشليقة لليانكي
Author: fadlabi
Date: 04-19-2008, 09:05 AM
Parent: #1

ياعمك؟ حكايتك؟ منبرنا ولا عكاظ؟
شل أجب المعاني؟ قطعت داير جاز
جيت بالبوست ماري.. و بخ فيني رزاز
قت ليه ما بطقع.. و بيتي عارفه قزاز

Post: #62
Title: Re: مسدار سليكة الشليقة لليانكي
Author: رشا سالم
Date: 04-19-2008, 09:19 AM
Parent: #61

ود البشري والخنساء وسميتي فلانة..

انا قايلاهو بوست سليكة فيو جبخانة..

اتزاوغت منو كتير مخافة الدانة..

تاري القصة مسدار من قلوب فنانة..

..................

ولد دا

Post: #75
Title: Re: مسدار سليكة الشليقة لليانكي
Author: محمد البشرى الخضر
Date: 04-19-2008, 08:34 PM
Parent: #62

مرحب حباب الدكتورة بت ناس سالم
بوست سليكة آمن و الداخلو دايما سالم
عمران بالمحبة و سمح الحديث الطاعم
اسعدنا المرور الديمة طيب و فاهم

Quote: ولد دا

Post: #68
Title: Re: مسدار سليكة الشليقة لليانكي
Author: محمد البشرى الخضر
Date: 04-19-2008, 11:24 AM
Parent: #61

الفاضلابي النسيب مرحب حباب الطلة
وقف زاملتك انزل تعال واتدلى
اخبار العروس عِرفت تسوي الحلة؟
حتوت من الخطوبة قاعد يلم في الفلة

Post: #63
Title: Re: مسدار سليكة الشليقة لليانكي
Author: sama7
Date: 04-19-2008, 09:39 AM
Parent: #1

ود البشرى دا شغل عجيب

بتجيبو الكلام دا من وين

غايتو من قبيل حاولت لى مليون محاولة كدا وكلها طلعت فشنك

لكن يا عمك داير تكتلنى بالضحك فى دى:

Quote:
لكن يا بوي ما سويتها ظاهرة وواضحة
وبكاك ما مطلوب ياخوي طريقتك فاضحة
خليك حريف وشديد يتجيبو راس الفالحة
كان دي ياها شغلتك قوماك نديك فاتحة

تحياتى

Post: #65
Title: Re: مسدار سليكة الشليقة لليانكي
Author: الفاتح خليل الفكي
Date: 04-19-2008, 09:56 AM
Parent: #63

أبو حتوت ليك مني الف سلام وتحية
عارفك زول اصيل وكمان صافي النية
تلجتك الكسرتها لي كتيرة حاول قللها شوية
ليك احترامي وكمان مسمار بركة هدية

Post: #66
Title: Re: مسدار سليكة الشليقة لليانكي
Author: هاشم أحمد خلف الله
Date: 04-19-2008, 10:13 AM
Parent: #63

ود البشرى دا شغل عجيب

Quote: بتجيبو الكلام دا من وين

غايتو من قبيل حاولت لى مليون محاولة كدا وكلها طلعت فشنك

لكن يا عمك داير تكتلنى بالضحك فى دى:

Quote:
لكن يا بوي ما سويتها ظاهرة وواضحة
وبكاك ما مطلوب ياخوي طريقتك فاضحة
خليك حريف وشديد يتجيبو راس الفالحة
كان دي ياها شغلتك قوماك نديك فاتحة

sama7

يعني شوفتي الفوق ده وما شوفتي التحت ده

Quote: سهران الليل و المنام جافاني
راجت المسنجر للبريد الجاني
يخربو إن بوكسي خراب تاباني
غير رسايل الرجال فيهو ما لاقاني

وين الحنان وين رسايلو إليا
دايرين النصيحة دي شغلتـن نية
يا سماحة المسنجر باعتاهو ليا بنية
ياكافي البلا الإن بوكس تقول داخلية

sama7

والله ما عِرفتك ولد ولا بنية
شيل/ي منك الكلفة خليك هدية (بحكم إنك بت )
ادخل/ي في المسدار بكلمة قوية ( بحكم أنك ولد )
سيب/ي المتاوقة ما تكون/ي زي جنية

Post: #92
Title: Re: مسدار سليكة الشليقة لليانكي
Author: محمد البشرى الخضر
Date: 04-20-2008, 07:26 PM
Parent: #66

هاشم أبوي انا إنت ليش زعلان
وجايب الوش الممغس مولع النيران
ما قلت البكا فن مطلوب و بالألوان
يازول وين إتفاقنا جابت ليها نطة كمان

Post: #97
Title: Re: مسدار سليكة الشليقة لليانكي
Author: هاشم أحمد خلف الله
Date: 04-26-2008, 12:09 PM
Parent: #92

Quote: هاشم أبوي انا إنت ليش زعلان
وجايب الوش الممغس مولع النيران
ما قلت البكا فن مطلوب و بالألوان
يازول وين إتفاقنا جابت ليها نطة كمان

ود البشري الحبيب عارفني دائماً واضح
بسرح بالخيال وكلامي هين صريح ما فاضح
الزعل مرفوض بيناتنا مافي حواجز
بنحب البنات الكلامن حاضر وجاهز

Post: #90
Title: Re: مسدار سليكة الشليقة لليانكي
Author: محمد البشرى الخضر
Date: 04-20-2008, 06:53 PM
Parent: #63

السما السابعة...

سموحة بت العم الفيكي يحلــو الــنم
زينة بنات الحي الطلـــتك تفرج الـهم
طيب الخصال هولك والأدب في مجرى الدم
اريتك تبقي طيبة و الدايــراهو كلو يتم

تلج شديد قاليك

Post: #99
Title: Re: مسدار سليكة الشليقة لليانكي
Author: هاشم أحمد خلف الله
Date: 04-26-2008, 01:21 PM
Parent: #90

Quote: السما السابعة...

سموحة بت العم الفيكي يحلــو الــنم
زينة بنات الحي الطلـــتك تفرج الـهم
طيب الخصال هولك والأدب في مجرى الدم
اريتك تبقي طيبة و الدايــراهو كلو يتم

تلج شديد قاليك

شايفك يا الحبيب للبت عديل صنقرتا
تكسر في التلج وتقول علي كفرتا
كيفن البكاء بكون سويتا ظاهرة وبنتا
يا ريت لو يكون ود الصائم قريب يا انتا

Post: #67
Title: Re: مسدار سليكة الشليقة لليانكي
Author: sama7
Date: 04-19-2008, 10:52 AM
Parent: #1

هاشم البكاى يا عمك:

سماح

لكن عليك الله كتر لينا من المناديل ووزع معاك بهنا

Post: #69
Title: Re: مسدار سليكة الشليقة لليانكي
Author: Ahmed Yousif Abu Harira
Date: 04-19-2008, 12:31 PM
Parent: #67

قلمي البيهو من زمنا بعيد متعاجب
قال لى التعب لى سليكة حقا واجب
بيضاء الضمير ست الحديس العاجب
كلها سمحة شخصية وشعور ومناقب

Post: #93
Title: Re: مسدار سليكة الشليقة لليانكي
Author: محمد البشرى الخضر
Date: 04-20-2008, 07:50 PM
Parent: #69

ابوحريرة شيخ العرب سيد السمح و الزين
اديناك ابوي من التلج كان واحدة كان اتنين
عبرنا يـابا بحـرف خلـيهن الـحرفين
سليـكة الشلـيقة كـفاها ليش تجيها again

Post: #98
Title: Re: مسدار سليكة الشليقة لليانكي
Author: هاشم أحمد خلف الله
Date: 04-26-2008, 12:36 PM
Parent: #67

Quote: هاشم البكاى يا عمك:

سماح

لكن عليك الله كتر لينا من المناديل ووزع معاك بهنا

ما عِندك جديد يا بت بكاي بعرفو
بعجبني الجمال كان في الارض بان رسمو
شيلي منديلك بعيد دموعو ما بتحبسو
و لو عايزة البكاء خليك معاك بوريك دربو

Post: #70
Title: Re: مسدار سليكة الشليقة لليانكي
Author: fadlabi
Date: 04-19-2008, 01:45 PM
Parent: #1

أبو حتوت سلام من أوسلو لي حتوتنا
معطون ريدة فيه ريحة الورود من بيتنا
رسلته العروس و قالت ليه:وين ما جيتنا؟
الشوق فينا سويا عمايلة طلع زيتنا

Post: #72
Title: Re: مسدار سليكة الشليقة لليانكي
Author: GamarBoBa
Date: 04-19-2008, 02:36 PM
Parent: #70

ود البشري ورشا حاتم وضيوفهم
كلامكم جميل ومرتب...متابعين ومستمتعين
ما بنقدر علي مجاراتكم نحن ناس فيزيا ساي

سلمتم للكلام الجميل

Post: #77
Title: Re: مسدار سليكة الشليقة لليانكي
Author: اساسي
Date: 04-20-2008, 05:02 PM
Parent: #72

ود البشري وصحابوا نثروا الحروف الجامعة
اتلم الجميع في البوست المكسر شايل الاعمي
سليكة الشليقة في كل بوست تكتب رؤاها الداعمة
زمان اهلنا في المثل قالوا المراة الحوامة يدها طاعمة

Post: #79
Title: Re: مسدار سليكة الشليقة لليانكي
Author: تماضر الخنساء حمزه
Date: 04-20-2008, 05:11 PM
Parent: #77

أشخت شخيت ياأساسي من دندونة
كان جاتك هنابتشوف معاني فنونا
تلبع بالكلام وكلماتا يوت مجنونة
وان جات للهظار سمحة وكمان عرجونة

Post: #81
Title: Re: مسدار سليكة الشليقة لليانكي
Author: اساسي
Date: 04-20-2008, 05:25 PM
Parent: #79

Quote: أشخت شخيت ياأساسي من دندونة
كان جاتك هنابتشوف معاني فنونا
تلبع بالكلام وكلماتا يوت مجنونة
وان جات للهظار سمحة وكمان عرجونة

طمطم الخطيرة للحروف بتهذب
قالت سليكة جنترت وللخلوق بتعذب
حدت لي حدود واضحة ما بتكذب
الليلة يفكك منها الفك الملف من WinZip

Post: #82
Title: Re: مسدار سليكة الشليقة لليانكي
Author: تماضر الخنساء حمزه
Date: 04-20-2008, 05:38 PM
Parent: #81

ياأساسي هووي قليب الكلام بيخلّع
والجن التحفظو لي زولتي جايّ يسمّع
العقل المعاها موزون وليها بيدلّع
أمرق للتجيك ماتقيف وراي وتفلّع

Post: #85
Title: Re: مسدار سليكة الشليقة لليانكي
Author: Rasha Hatim
Date: 04-20-2008, 05:46 PM
Parent: #82

Quote: ياأساسي هووي قليب الكلام بيخلّع
والجن التحفظو لي زولتي جايّ يسمّع
العقل المعاها موزون وليها بيدلّع
أمرق للتجيك ماتقيف وراي وتفلّع

هيييييييييييييييييييييييييع

بت الملوك وبريدا لدينا جاية تمد
وكت الرجال بتلوص ما بتنفزر من رد
حليلك يا اساسي كان درت تبقى الند
احسن تنقرع طمطم براااااااااها تسد

وجججججججججججع

Post: #87
Title: Re: مسدار سليكة الشليقة لليانكي
Author: اساسي
Date: 04-20-2008, 06:16 PM
Parent: #85

Quote:
بت الملوك وبريدا لدينا جاية تمد
وكت الرجال بتلوص ما بتنفزر من رد
حليلك يا اساسي كان درت تبقى الند
احسن تنقرع طمطم براااااااااها تسد

قصدك شنو طمطم فاضية وبتسدرلك
هي يا ناس بكلم ليك الكبير والقدرك
يا ام لسان طويل اسن من الكزلك*
عشنا وشفنا البورد فيهو ناس لِق لِق

ـــــــــــــ

الكزلك

Post: #89
Title: Re: مسدار سليكة الشليقة لليانكي
Author: تماضر الخنساء حمزه
Date: 04-20-2008, 06:41 PM
Parent: #87

Quote: قصدك شنو طمطم فاضية وبتسدرلك
هي يا ناس بكلم ليك الكبير والقدرك
يا ام لسان طويل اسن من الكزلك*
عشنا وشفنا البورد فيهو ناس لِق لِق

إرهابي وكمان جايينا شايل كزلك؟؟
ياحليل الرجال في كرري راحوا ..ومهلك
ماشالوا السلاح في السمحة روحم تهلك
في لاهاي هنا قضية ليك.. بنشبك

Post: #80
Title: Re: مسدار سليكة الشليقة لليانكي
Author: Rasha Hatim
Date: 04-20-2008, 05:18 PM
Parent: #77

Quote: ود البشري وصحابوا نثروا الحروف الجامعة
اتلم الجميع في البوست المكسر شايل الاعمي
سليكة الشليقة في كل بوست تكتب رؤاها الداعمة
زمان اهلنا في المثل قالوا المراة الحوامة يدها طاعمة

حوامة يا المسخوت؟؟ متين شلت لي مفراكة؟
جريت وراي توبي ومليت الحلة سواطة؟
من يومك شيال حال ودييييك ام ضراع راجياكَ
بلقى لي فيك فرقة وتشوف المكشن براكَ

Post: #83
Title: Re: مسدار سليكة الشليقة لليانكي
Author: اساسي
Date: 04-20-2008, 05:38 PM
Parent: #80

حليلها ام ضراع غايبة ومن الزعل حردانة
سالت الله يرميك في طريقها دون ترسانة
تفرج خلقه فيك وتسيبك تتراجفي وبردانة
تحمدي ربك انه ما خلقك بين ضروسها لبانة

Post: #94
Title: Re: مسدار سليكة الشليقة لليانكي
Author: محمد البشرى الخضر
Date: 04-20-2008, 08:10 PM
Parent: #70

سلام اوسلو الحنين لحتوت بدور ترجمتو
من "دينة" العروس يوصل بدون فلترتو
خلا المعـلم يـتمتم و زاد علي تـرترتو
الود صبح نـايم قايم حاضن معاو تذكرتو

Post: #78
Title: Re: مسدار سليكة الشليقة لليانكي
Author: تماضر الخنساء حمزه
Date: 04-20-2008, 05:02 PM
Parent: #1

مرحب يارشا جيتينا يالدكتورة
عيانين كتار والميّة قبل الفورة
شخّصي بي سِراع من غير حقن لاصورة
ودحتوت هناك ..ندوية..بدري حضورا
وسليكة الفي القلب دايما تملِّي بدورا

Post: #84
Title: Re: مسدار سليكة الشليقة لليانكي
Author: محمد عبد الماجد الصايم
Date: 04-20-2008, 05:44 PM
Parent: #1

Quote: الليلة يفكك منها الفك الملف من WinZip

Post: #86
Title: Re: مسدار سليكة الشليقة لليانكي
Author: محمد أحمد محمود
Date: 04-20-2008, 06:11 PM
Parent: #84

الحر ياجماعه جهجهت مسداري
مسخت الشعر الغنا ومشي الكداري
تنهب في العروق زي الزعاف الهاري
وانتو مرطبين مثنى وثلاث ورباعي
ماتجادعونا ما تشوفنا بهبة نسيما حالي
يا دكوها ياتشكوها كان ينصلح ميزاني
تضربوا للطناش ياني البزيد طنطاني

Post: #88
Title: Re: مسدار سليكة الشليقة لليانكي
Author: اساسي
Date: 04-20-2008, 06:32 PM
Parent: #84

Quote:
Quote: محمد عبد الماجد الصايم

انا ذاتي ريحتني

Post: #95
Title: Re: مسدار سليكة الشليقة لليانكي
Author: محمد البشرى الخضر
Date: 04-20-2008, 10:09 PM
Parent: #1

هوي يا الأسد مالك علي الدامتين
باقي النقار خليه للجلكيـــــن
الجكس الحنين تشيلو في العينين
ابشنب السمين ياخ امنع التدخين

Post: #96
Title: Re: مسدار سليكة الشليقة لليانكي
Author: محمد البشرى الخضر
Date: 04-25-2008, 04:29 PM
Parent: #1

يا حليل القليب كتر علي بشتنتو
خلاني اقوم اقع حتى السكن وصفتو
خوانا الحُنان سيبو البكا و بهدلتو
بعد سوركتي الزمان قايلكم اتعقدتو

الإهداء لهاشم وآخرين

Post: #100
Title: Re: مسدار سليكة الشليقة لليانكي
Author: محمد البشرى الخضر
Date: 04-26-2008, 01:45 PM
Parent: #96

سجمو القليب باريتو في شر عمايلي رماني
عشق البلوم جنني و لمنام عينيا حماني
يطير يرك بي راحته وانا بي وراهو اعاني
ما خليت مسنجر لا هاتف ولا طريقن تاني

الإهداء لهاشم وآخرين

أيضا

(وش أخضر بلف و بضحك بشماتة و خبث)

Post: #101
Title: Re: مسدار سليكة الشليقة لليانكي
Author: Maawya Hussein
Date: 04-26-2008, 01:51 PM
Parent: #1

فاصل وانواصل

Post: #102
Title: Re: مسدار سليكة الشليقة لليانكي
Author: محمد البشرى الخضر
Date: 04-26-2008, 02:58 PM
Parent: #1

اليوم شيطان الكلام تاورني
خلاني افت و اطلع الجنني
كحيل الطرف شايل قليبي مني
وروني العمل حالي جد حنني
الإهداء لهاشم ...

فقط الدورة دي

Post: #103
Title: Re: مسدار سليكة الشليقة لليانكي
Author: هاشم أحمد خلف الله
Date: 04-26-2008, 05:22 PM
Parent: #102

Quote: ليوم شيطان الكلام تاورني
خلاني افت و اطلع الجنني
كحيل الطرف شايل قليبي مني
وروني العمل حالي جد حنني
الإهداء لهاشم ...

شيطان الشعر الليلة جد شاغلني
خلاني ليهو اغني باسم وضاحك سني
ود البشري الحبيب شكلك عديل حيرني
وينو كحيل الطرف الليهو بهديهو فني

Quote: فقط الدورة دي

جات بدري ولا شنو

Post: #104
Title: Re: مسدار سليكة الشليقة لليانكي
Author: محمد البشرى الخضر
Date: 04-26-2008, 05:40 PM
Parent: #103

Quote: شيطان الشعر الليلة جد شاغلني
خلاني ليهو اغني باسم وضاحك سني
ود البشري الحبيب شكلك عديل حيرني
وينو كحيل الطرف الليهو بهديهو فني

هشوومي بي جدك ولا جاي تستهبل
كحيل الطرف السباك وخلاك تتبهدل
حالـتك تحنن وماعـرف شن تـعمل
اخير تنسى و تعيش شايف لك افضل

Quote: جات بدري ولا شنو
يا كيشة في إهدائين لك ولآخرين في الصفحة الورا

Post: #105
Title: Re: مسدار سليكة الشليقة لليانكي
Author: محمد عبد الماجد الصايم
Date: 04-26-2008, 07:16 PM
Parent: #1

Quote: جات بدري ولا شنو

الحَمام طار

Post: #106
Title: Re: مسدار سليكة الشليقة لليانكي
Author: Adam Mousa
Date: 04-27-2008, 01:18 PM
Parent: #105

ابوحتوت والمعاه شوقنا جاكم
أتاريكم مدسين بهنا براكم
ونحن نكوس وبهناك نطراكم
عند نيستاالدايما بختاكم

Post: #107
Title: Re: مسدار سليكة الشليقة لليانكي
Author: محمد البشرى الخضر
Date: 04-27-2008, 07:31 PM
Parent: #106

ود موسى ياخي حبابك الللمكان ضويت
مرحب بيك ياعمك زي الهلال هليت
انسانا ياخ بلا نستا خلينا في الدوبيت
زولك شغلته نية موضوعو Water Gate

Post: #108
Title: Re: مسدار سليكة الشليقة لليانكي
Author: Adam Mousa
Date: 04-28-2008, 07:27 AM
Parent: #105

ودالصايم اللصورة البرنس معلق
منى ليك تحيه وحمدا مغلق
ولنيستا الئيم مفارق ومطلق
شوفولنا موضوع نكتب عليه نعلق

Post: #114
Title: Re: مسدار سليكة الشليقة لليانكي
Author: محمد عبد الماجد الصايم
Date: 05-01-2008, 11:41 AM
Parent: #108

Quote: ودالصايم اللصورة البرنس معلق
منى ليك تحيه وحمدا مغلق
ولنيستا الئيم مفارق ومطلق
شوفولنا موضوع نكتب عليه نعلق

آدم موسى يا عمك .. بوست نيستا لسه معلق
وصـورة البـرنس دائما في القلوب تتعلق
المحبة ليك يا حبة والتحيات معاها تتشعلق
كلامنا من الفؤاد يا مان .. ما فيهو أي تملق!!

ولد دا .. نجار أصلي لكن

Post: #109
Title: Re: مسدار سليكة الشليقة لليانكي
Author: محمد البشرى الخضر
Date: 04-30-2008, 03:47 PM
Parent: #1

بمناسبة الزرافة الملاسية

آخ من السواها فيني مــلاسي
بي ردو علي السخيف و القاسي
شمت فيني الخفاف* و اسـاسي
خلعوهو الوقار دقوهو لي نحاسي

* الخفاف دي طاقية ومفكوكة ما تلبسوا ساي باللاي

Post: #110
Title: Re: مسدار سليكة الشليقة لليانكي
Author: Rasha Hatim
Date: 04-30-2008, 09:46 PM
Parent: #109

المتلك انت ابوي ما بفرح الشُمات
مرفوعة هامتك يوت في الحارة ما بتنفات
قبلي البروق الشال يا مقنع الكاشفات
أب عاج وكت خوّة ما بحوم معاهو بُغات

Post: #111
Title: Re: مسدار سليكة الشليقة لليانكي
Author: Rasha Hatim
Date: 04-30-2008, 09:53 PM
Parent: #110

كابر ولد كابر تمساح يلد تمساح
ود عز ملوك الدار يا خِلفة الصُلّاح
في الحارة واقف سد حرفك دروع ورماح
وفي الطيبة فايت الحد والليل حداكَ صباح

هيييييييييييييييع

تقول لي اساسي وملاسي

Post: #112
Title: Re: مسدار سليكة الشليقة لليانكي
Author: محمد عبد الماجد الصايم
Date: 05-01-2008, 09:46 AM
Parent: #111

Quote: تقول لي اساسي وملاسي

سليكة الشليقة
ما تجيبي سيرة الزول دا هنا ياخ

العــربي دا بزعل

Post: #113
Title: Re: مسدار سليكة الشليقة لليانكي
Author: Adam Mousa
Date: 05-01-2008, 11:36 AM
Parent: #112

ودالصايم البقول
Quote: العــربي دا بزعل

هو وكتين بزعل ما يهابش ويغلغل
حنسمعو كلاما تخلى عيونو تزغلل
ونرشهم دم لو رشو أبوحتوت ببلل

Post: #123
Title: Re: مسدار سليكة الشليقة لليانكي
Author: محمد البشرى الخضر
Date: 05-01-2008, 02:51 PM
Parent: #113

Quote: نرشهم دم لو رشو أبوحتوت ببلل

ود مـوسى الزعيم شرفت لـينا الـدارة
كـريم ود كـريم بتنـلقي في الحـارة
مدخور للتقيلة ابوي انساكا منو الفارة
شغلتو امرها هين مي دايرا ليها بصارة

Post: #116
Title: Re: مسدار سليكة الشليقة لليانكي
Author: Rasha Hatim
Date: 05-01-2008, 12:57 PM
Parent: #112

كمين وكت زعلات لي يشيل ويوصي
"خسمتك بالكريم في أب شنب تتوصي
دا الليا ديمة يمين وديمة واقف صفي"
ما قايلة نار شُماتو ليكَ يوم بتدفي

خوة لستك

Post: #118
Title: Re: مسدار سليكة الشليقة لليانكي
Author: محمد عبد الماجد الصايم
Date: 05-01-2008, 01:15 PM
Parent: #116

Quote: كمين وكت زعلات لي يشيل ويوصي
"خسمتك بالكريم في أب شنب تتوصي

سليقة الشليقة .. في أب شنب تتوصى
تكب الجرسلين لأب حتوت ومننا تدسى
نحن لينا الله .. بتاعين لساتك وكمان بننسى
كلامي مفهوم ولا أجيب الحبيب يفسرو هسى

ماشي معاي باسطة بس

Post: #154
Title: Re: مسدار سليكة الشليقة لليانكي
Author: Rasha Hatim
Date: 05-08-2008, 06:28 AM
Parent: #118

Quote: سليقة الشليقة .. في أب شنب تتوصى
تكب الجرسلين لأب حتوت ومننا تدسى
نحن لينا الله .. بتاعين لساتك وكمان بننسى
كلامي مفهوم ولا أجيب الحبيب يفسرو هسى

ود الصايم الاصيل بصداقتو يوت مزهوة
زولا يشد الحيل صادق محنة وخوة
راجح ديما عقلو وصوتو عقابن خوّة
يشق سكون الليل ويشلع بريقن دوّى

هييييييييييييييع

حبة تلجاية على الماشي وكدا

Post: #122
Title: Re: مسدار سليكة الشليقة لليانكي
Author: محمد البشرى الخضر
Date: 05-01-2008, 02:23 PM
Parent: #111

Quote: كابر ولد كابر تمساح يلد تمساح
ود عز ملوك الدار يا خِلفة الصُلّاح
في الحارة واقف سد حرفك دروع ورماح
وفي الطيبة فايت الحد والليل حداكَ صباح

ست البنات الوسط الحريم وِزِينَة
تبارك مولاي سبحانه زانِك باجمل زينة
جمال الخِلقَة وحُسْنَ الخُلُق يا رزينة
يوم تغيبي الخلوق صابحة ضايقة حزينة

هييييييييع و تاني هيييييييييييع

Post: #125
Title: Re: مسدار سليكة الشليقة لليانكي
Author: محمد عبد الماجد الصايم
Date: 05-01-2008, 03:03 PM
Parent: #122

Quote: يوم تغيبي الخلوق صابحة ضايقة حزينة

Post: #128
Title: Re: مسدار سليكة الشليقة لليانكي
Author: محمد البشرى الخضر
Date: 05-01-2008, 03:22 PM
Parent: #125

Quote:

أب شنـب ليـك الأمان لا تلاوز مني
اخوك بسترك و بستر تلـفونك الجنني
لابجيب سيرة المسنجر و السؤال الفني
عن الغايبين خبارهم, لكن بكاك حيرني

قاليك الحالة سترو
(البدخن و البتعولق و الشمتان باللاي)

Post: #120
Title: Re: مسدار سليكة الشليقة لليانكي
Author: محمد البشرى الخضر
Date: 05-01-2008, 01:56 PM
Parent: #110

Quote: المتلك انت ابوي ما بفرح الشُمات
مرفوعة هامتك يوت في الحارة ما بتنفات
قبلي البروق الشال يا مقنع الكاشفات
أب عاج وكت خوّة ما بحوم معاهو بُغات
هييييييييييييع هلا هلا

سليكة الشليقة ست الكلام الفاهم
ما احلى حرفك, نمك و القصيد الطاعم
ما قصرتي امي اهديتيني تلجا ناعم
جبرتي بي خاطري اريتو خاطرك سالم

وكدا يعني مرة مرة

Post: #121
Title: Re: مسدار سليكة الشليقة لليانكي
Author: رشا سالم
Date: 05-01-2008, 02:12 PM
Parent: #109

كلام ملس قريتو ...ووالله ما رضاني..

فوق ود الخدر..الراجل الحقاني..

ما يهمك كتير دا اصلو زول شراني

دمو تقيل تقل ..ومساخة التاباني

Post: #124
Title: Re: مسدار سليكة الشليقة لليانكي
Author: محمد البشرى الخضر
Date: 05-01-2008, 03:01 PM
Parent: #121

Quote: كلام ملس قريتو ...ووالله ما رضاني..

فوق ود الخدر..الراجل الحقاني..

ما يهمك كتير دا اصلو زول شراني

دمو تقيل تقل ..ومساخة التاباني

حباب الظريفة الراقية ست الناس
كلامك سمح متل الدهب و الماس
المسيخ بيتزارف تقول نـسناس
عدمان الزوق و ريحة الإحساس

سلام يا دكتورة

Post: #115
Title: Re: مسدار سليكة الشليقة لليانكي
Author: محمد عبد الماجد الصايم
Date: 05-01-2008, 11:43 AM
Parent: #1

كـبـر العزيز .. في القـلوب اتحكـرتا
شايفك في بوست هناية .. للتلج كـسـرتا
تعال بي جاي .. ما عنـدنا شيتا يـدّســا
فورتنا ألـ 1000 ـف .. اتحزم وتعال هـسـا

ختري واللاي

Post: #117
Title: Re: مسدار سليكة الشليقة لليانكي
Author: خدر
Date: 05-01-2008, 01:00 PM
Parent: #115

طوط يا فلانه طوط من الفراق و الوجعة
من امس المغارب قلبي دار الرجعة
قليبي الكان جسور لجلج و طاري البقعة
قت ليهو الحنين ما بشكروبو الساجعة
قال لي التكنكـ ماكـ معاي يا بجعة
قت اقصر كلامي و اقولو شيتن نافعة
يا قلبي الرهيف اختا العياط و الخلعة
ست الريد دحين ترجع و تديك رضعة

Post: #119
Title: Re: مسدار سليكة الشليقة لليانكي
Author: Muna Khugali
Date: 05-01-2008, 01:30 PM
Parent: #117

ممكن اشارك؟؟

قول لهنايه تعالي شتمي لي هنايه..
ولو في طريقه يجي برضه ضل هنايه..
يشاكل هنايه..
ياسلام علي الشله..اصله مافي شيء بيشلها..

خلاص غلبني

Post: #129
Title: Re: مسدار سليكة الشليقة لليانكي
Author: محمد البشرى الخضر
Date: 05-01-2008, 03:40 PM
Parent: #115

Quote: ختري واللاي

أب شنب شنو ياخ ما تبدا بالعدوان
ابعد من كبر دا زول صديق يا مان
معلم وزول نصيحة وتمام مع الأخوان
غير النرجسية تعرف هلالي كمان

Post: #126
Title: Re: مسدار سليكة الشليقة لليانكي
Author: Kabar
Date: 05-01-2008, 03:13 PM
Parent: #1

هجاء المسدار

1.
مسدار حناكيش ما فيهو زمباره
السماح من الله و الغنا طمباره
هاك مني الحرف الهميم..زيدو قنطارا
و النم الجميل كل الخلوق عليهو تتجارا

كبر

Post: #127
Title: Re: مسدار سليكة الشليقة لليانكي
Author: Kabar
Date: 05-01-2008, 03:18 PM
Parent: #126

توعد ود الصايم

2.
يضحك التلج..وكتين تكلكلو الرزازه
معلون ابو المطر كن ما جبر دمعة الحرازة
ود الصايم اقيف غادي و بعد المفازه
القلم ان رفع..تب ما تنفع الحجازه

و تاني توعد*

3.
احرس فورتك ،وسط البوستات خليها زازاه
ما تشمت الشمات..خصوصا الأبلة ظاظا
القلب غنماية..و المحبة امبازه
و الما بعرف المحبة..بركة سيدي يتجازا

كبر

* اوعى واحد فيكم يقوم يتكسر يحب لي توعد دي..

Post: #130
Title: Re: مسدار سليكة الشليقة لليانكي
Author: محمد البشرى الخضر
Date: 05-01-2008, 03:47 PM
Parent: #1

Quote: هجاء المسدار

عاد يا كبر دا لوم كتير قنطار
انا اشَكِرَك وتهجو في المسدار
ومالو الحنكوش يابا ما بندار
يعني إلا عجاجة قايمة ليها غبار

Post: #131
Title: Re: مسدار سليكة الشليقة لليانكي
Author: عبدالفتاح أبوشيمة
Date: 05-01-2008, 04:10 PM
Parent: #1

بي صراحة نحن ناس لسانّا أعوج؛ وما بنعرف للشعر ولا المسادير

لكن كدي شوف دي

قــبل الفجر بي كل ذل وبي مسكنة

إلحاح شديد بين السجود والدندنة

مستغفرين ومهلّلين ومكبّرين لي ربّنا

وقبّال كدي كتّر كتير في السبـحنة

Post: #132
Title: Re: مسدار سليكة الشليقة لليانكي
Author: معتصم محمد صالح
Date: 05-06-2008, 04:40 PM
Parent: #131

اللللللليييييل
من بلداً بعيد جاتني الشمارات متخابتات ...
حاجات بالاثير وحاجات مسنجرات خاصات ..
بجيكم راجع قريب يا البشرى واب شنبات ..
بجز الرؤوس واملا لكم الفارغات ..

Post: #133
Title: Re: مسدار سليكة الشليقة لليانكي
Author: محمد البشرى الخضر
Date: 05-06-2008, 05:24 PM
Parent: #132

هوي يا نيستا سيـب الكلام النَيْ
قولة سمعت ونقل الحديث يا خَيْ
التبـداو ضَحَى لا بُد تتمو عِشَيْ
تديني الدلـيل او تعتذر كان حَيْ

نيستا يا عمك...
جادي معاك بالمناسبة

Post: #134
Title: Re: مسدار سليكة الشليقة لليانكي
Author: Adam Mousa
Date: 05-06-2008, 08:46 PM
Parent: #133

Quote: من بلداً بعيد جاتني الشمارات متخابتات
...

وانت يا نيستا شن عندك غير الشمارات
كل صباح فاتح ليك صفحة خبارات
التقول بتقطعو من الغليد ابو دومات
كل الخلوق عارفاك يا اب شائعات

قال شمارات قال.......

Post: #135
Title: Re: مسدار سليكة الشليقة لليانكي
Author: محمد البشرى الخضر
Date: 05-06-2008, 09:30 PM
Parent: #1

سليكة الشليقة الليلة يوم ميلادا
يرعاها الإله يخلف عليها سعادة
الناس صفوفها بالألوف و زيادة
الهوم و النيل وشوية منابر سادة

عقبال الشمعة الـ 100 يا خالة

Post: #136
Title: Re: مسدار سليكة الشليقة لليانكي
Author: Adam Mousa
Date: 05-07-2008, 04:11 AM
Parent: #135

Quote: عقبال الشمعة الـ 100 يا خالة

سليكه الشليقه الله العظيم يهنيك
ويمد ل عمرك وبي بركتو يغطيك
ويسعدايامك والعافيه يديك
شاحدين المولى الكريم ليك
نحن والصحاب الهنا لعند واديك

Post: #137
Title: Re: مسدار سليكة الشليقة لليانكي
Author: Ahmed Yousif Abu Harira
Date: 05-07-2008, 07:13 AM
Parent: #136

ابو حتوت سلام سيد الحديث الراسي
"مش شغلك" ولا دخلت نوافيخ راسي
الله يكسفو مسخوت الكتابة ملاسي
خلعك وشمت اب شنبا كبير واساسي

Post: #138
Title: Re: مسدار سليكة الشليقة لليانكي
Author: Ahmed Yousif Abu Harira
Date: 05-07-2008, 07:36 AM
Parent: #137

يوم ميلادها جايين بي مهمة نبارك
ميتين عام يمرن ونحن برضو نشارك
سليكةالليلة جاك طالع سعودك زارك
جدي السير على الابداع وشمشي طارك

***

Post: #139
Title: Re: مسدار سليكة الشليقة لليانكي
Author: محمد عبد الماجد الصايم
Date: 05-07-2008, 08:40 AM
Parent: #138

Quote: يوم ميلادها جايين بي مهمة نبارك
ميتين عام يمرن ونحن برضو نشارك
سليكةالليلة جاك طالع سعودك زارك
جدي السير على الابداع وشمشي طارك

شـــرحـــو

التورته وين يا عمك
ولا الحكاية (أورديحي)

Post: #150
Title: Re: مسدار سليكة الشليقة لليانكي
Author: Rasha Hatim
Date: 05-07-2008, 04:40 PM
Parent: #138

Quote: يوم ميلادها جايين بي مهمة نبارك
ميتين عام يمرن ونحن برضو نشارك
سليكةالليلة جاك طالع سعودك زارك
جدي السير على الابداع وشمشي طارك

نجم السعود الضوا يوم شاف حريرتك لاج
يا مطر الخريف يلمع سماك وهاج
يا الراسي في كلامك وما بتعرف الكوماج
اسكب حديثك نور.. كون للغيوم فجاج

Post: #146
Title: Re: مسدار سليكة الشليقة لليانكي
Author: Rasha Hatim
Date: 05-07-2008, 04:29 PM
Parent: #136

Quote: سليكه الشليقه الله العظيم يهنيك
ويمد ل عمرك وبي بركتو يغطيك
ويسعدايامك والعافيه يديك
شاحدين المولى الكريم ليك
نحن والصحاب الهنا لعند واديك

يسلم لينا قلمك ما عرفنا كيف نجزيكَ
تخدر يوت ضراعك وبالخير الهي يكسيكَ
تفرح بالمعاكَ واصحابك يفرحو بيكَ
لا يوم زمانك يعاند ولا في يوم يشقيكَ

Post: #148
Title: Re: مسدار سليكة الشليقة لليانكي
Author: Rasha Hatim
Date: 05-07-2008, 04:30 PM
Parent: #135

Quote: سليكة الشليقة الليلة يوم ميلادا
يرعاها الإله يخلف عليها سعادة
الناس صفوفها بالألوف و زيادة
الهوم و النيل وشوية منابر سادة

صح اللسان والقول الهي عمرك سالم
ما يوم تبيت مظلوم ولا تكون يوم ظالم
يسعد شبابك ربي ويملاك زين ومكارم
عزيتنا يوم ميلادنا اريتو عزك دايم

خلال الشوك

Post: #140
Title: Re: مسدار سليكة الشليقة لليانكي
Author: محمد البشرى الخضر
Date: 05-07-2008, 02:39 PM
Parent: #1

قاليك عمك ابو حريرة كلفتني ...
Quote: ابو حتوت سلام سيد الحديث الراسي
"مش شغلك" ولا دخلت نوافيخ راسي
الله يكسفو مسخوت الكتابة ملاسي
خلعك وشمت اب شنبا كبير واساسي

وخش على الموضوع
Quote: يوم ميلادها جايين بي مهمة نبارك
ميتين عام يمرن ونحن برضو نشارك
سليكةالليلة جاك طالع سعودك زارك
جدي السير على الابداع وشمشي طارك

شيخ العرب الليلة كيفن تظهرها عاملة
تجيب قصة ملاسي الزمان و تركبو زاملة
فقدناك في حِرتها الجايي تنكتها هاملة
بارك مباركتك ابوي و كب مكنتك كاملة

ياعمك يمين بهظر لا تتضايق

Post: #141
Title: Re: مسدار سليكة الشليقة لليانكي
Author: اساسي
Date: 05-07-2008, 02:57 PM
Parent: #140

الليلة خالتو الشليقة عيد ميلادها جانا داشر
اتلموا الخلوق البسام هنا وداك ملاسي الكاشر
وسليكة للبسمات تقسم فاتت بث الجزيرة مباشر
نفسها انقطع من طفي الشموع الاربعين و حداشر

Post: #142
Title: Re: مسدار سليكة الشليقة لليانكي
Author: محمد عبد الماجد الصايم
Date: 05-07-2008, 03:58 PM
Parent: #141

Quote: الاربعين و حداشر

يا عــمـــك

دي في خسومات شديدة

أمــــرق الحقيقة ياخ

Post: #144
Title: Re: مسدار سليكة الشليقة لليانكي
Author: اساسي
Date: 05-07-2008, 04:18 PM
Parent: #142

Quote: يا عــمـــك

دي في خسومات شديدة

أمــــرق الحقيقة ياخ

لو اكتر من كدا يا عمك سليكة دي تكون اتجاوزت قصة اعياد الميلاد ودخلت في قصة اليوبيلات

Post: #145
Title: Re: مسدار سليكة الشليقة لليانكي
Author: Rasha Hatim
Date: 05-07-2008, 04:18 PM
Parent: #142

Quote: يا عــمـــك

دي في خسومات شديدة

أمــــرق الحقيقة ياخ

عالم تموت في الشمشرة

غاويو جنس غاويو

Post: #143
Title: Re: مسدار سليكة الشليقة لليانكي
Author: Rasha Hatim
Date: 05-07-2008, 04:16 PM
Parent: #141

Quote: الليلة خالتو الشليقة عيد ميلادها جانا داشر
اتلموا الخلوق البسام هنا وداك ملاسي الكاشر
وسليكة للبسمات تقسم فاتت بث الجزيرة مباشر
نفسها انقطع من طفي الشموع الاربعين و حداشر

عمري القضيتو حكيمة ما بتحسب بسنين
خليها الحداشر واحسب معاك عشرين
ومن شمعي الطفيتو انت بتطفي اتنين
راعي عامل سنك وابقى ياخي رزين

وجع

Post: #147
Title: Re: مسدار سليكة الشليقة لليانكي
Author: اساسي
Date: 05-07-2008, 04:30 PM
Parent: #143

Quote: عمري القضيتو حكيمة ما بتحسب بسنين
خليها الحداشر واحسب معاك عشرين
ومن شمعي الطفيتو انت بتطفي اتنين
راعي عامل سنك وابقى ياخي رزين

اكيد ما بتتحسب حكمتك حاشاهوا الصفر ينعد
الحداشر قلناها تكفي الحسود ومن عويناته كانت سد
لو شمعك الطفيتهو كان اترص لاتقزم احد قدامه الما بنهد
القدري في حلتكم يا خالة بترسليهم وتلحقيهم اسرع يا ود

Post: #151
Title: Re: مسدار سليكة الشليقة لليانكي
Author: Rasha Hatim
Date: 05-07-2008, 04:49 PM
Parent: #147

Quote: اكيد ما بتتحسب حكمتك حاشاهوا الصفر ينعد
الحداشر قلناها تكفي الحسود ومن عويناته كانت سد
لو شمعك الطفيتهو كان اترص لاتقزم احد قدامه الما بنهد
القدري في حلتكم يا خالة بترسليهم وتلحقيهم اسرع يا ود

القدرك شالو السبحة وباشرو بيها العد
لازمين لصلاتهم ما سكو في يوم نت
لا حرسو الشمار لا حسبو شمعات بت
الزم عنقريبك وخلي الصغار للحت

ككككككككككككككككككككاك

قال ليك بهدلتو

Post: #149
Title: Re: مسدار سليكة الشليقة لليانكي
Author: محمد البشرى الخضر
Date: 05-07-2008, 04:38 PM
Parent: #143

Quote: ومن شمعي الطفيتو انت بتطفي اتنين
راعي عامل سنك وابقى ياخي رزين

كككككااااااااااككككك
الله يريحك يا سليكة ياخ

اها يا الأسد اشمت ولا حتقوليا مش من شغلك
من وين تلقى الرزانة وكيف تراعي إنتا لسنك
بعد الغسيل و المكوة حرَم اناإن بقيت في محلك
اقطع وشي زي يومين و ما ظنيتو برضو يحِلك

ما قلت ليك بلقاك مطرف

Post: #152
Title: Re: مسدار سليكة الشليقة لليانكي
Author: Adam Mousa
Date: 05-07-2008, 08:13 PM
Parent: #149

Quote: لازمين لصلاتهم ما سكو في يوم نت
لا حرسو الشمار لا حسبو شمعات بت

انا مو شمتان بس عجبنى النم السمح بلحيل...

Post: #153
Title: Re: مسدار سليكة الشليقة لليانكي
Author: Ahmed Yousif Abu Harira
Date: 05-08-2008, 05:57 AM
Parent: #152

Quote: فقدناك في حِرتها الجايي تنكتها هاملة

عمك يا
قالوا في مضرب المثل
البِكى لا (الى) حولو بيجيب زولو.

Post: #157
Title: Re: مسدار سليكة الشليقة لليانكي
Author: محمد البشرى الخضر
Date: 05-08-2008, 05:30 PM
Parent: #153

أب حريرة ياعمك غايتو بس مشِيتا
ماني حاكيها و بشيلها كدي بي زيتا
الفاتحة بعد سنة ما اخير اكان خليتا
و الميلاد تباركو فرِش وبي دوبيتا

Post: #155
Title: Re: مسدار سليكة الشليقة لليانكي
Author: sama7
Date: 05-08-2008, 07:06 AM
Parent: #1

ود البشرى

Quote: سموحة بت العم الفيكي يحلــو الــنم
زينة بنات الحي الطلـــتك تفرج الـهم
طيب الخصال هولك والأدب في مجرى الدم
اريتك تبقي طيبة و الدايــراهو كلو يتم

تسلم يا جميل

Quote: ما عِندك جديد يا بت بكاي بعرفو
بعجبني الجمال كان في الارض بان رسمو
شيلي منديلك بعيد دموعو ما بتحبسو
و لو عايزة البكاء خليك معاك بوريك دربو

هشومى

تحيات كتيرات

Post: #156
Title: Re: مسدار سليكة الشليقة لليانكي
Author: salma subhi
Date: 05-08-2008, 02:21 PM
Parent: #155

مررنا من هنا لنلقي التحية وحلو الكــلام
على أهل البيت الطيبين ذو الأصل الكــرام
وفي يدنا ورود بيضاء وحمام يرفرف بالسلام
فتقبلوها هدية ممزوجة بالتقدير والإحترام

....

Post: #158
Title: Re: مسدار سليكة الشليقة لليانكي
Author: Rasha Hatim
Date: 05-08-2008, 08:15 PM
Parent: #156

Quote: مررنا من هنا لنلقي التحية وحلو الكــلام
على أهل البيت الطيبين ذو الأصل الكــرام
وفي يدنا ورود بيضاء وحمام يرفرف بالسلام
فتقبلوها هدية ممزوجة بالتقدير والإحترام

مسدارنا الحنين ازدان بطلة سلمى
ممشوقة القوام السالم اسما ورسما
إن شافا الحزين في وشو تظهر بسمة
عبّق قلوبنا عبير يوم جاتنا منها نسمة

Post: #159
Title: Re: مسدار سليكة الشليقة لليانكي
Author: محمد البشرى الخضر
Date: 06-13-2008, 05:43 AM
Parent: #1

مسدار اختنا سليكة مالو الشباب خلوهو
اوديهو المكتبة خلاس ولا بتجو تزيدوهو
فيه السمح موزون وبرضو المشاتر فيهو
لطيف حديثوالغالب كان في شين عدوهو

Post: #160
Title: Re: مسدار سليكة الشليقة لليانكي
Author: محمد البشرى الخضر
Date: 06-13-2008, 04:00 PM
Parent: #1

وحيد يا ناس صبحت برايا شايل همي
لا خِلا اسارره لا زولا اقالبه النضمي
زي القرد اصبحت لاخالا قريب لا عمي
شوفوا لي الطريق البيها افرج غمي

Post: #161
Title: Re: مسدار سليكة الشليقة لليانكي
Author: محمد البشرى الخضر
Date: 06-13-2008, 04:14 PM
Parent: #1

يا باب العزيز ليش قافل علي ترباسك
ويا درب الحبيب مالك مجهجه ناسك
ويا تلفون الغالية رد على اجـراسك
ويا إيميـل هناية مالك مكبر راسك

جرسلين تقيل قاليك

Post: #162
Title: Re: مسدار سليكة الشليقة لليانكي
Author: محمد البشرى الخضر
Date: 06-13-2008, 04:34 PM
Parent: #1

Quote:
جرسلين تقيل قاليك

جرسليني التقـيل الليلة مـا حـلاني
كيـف الطريق البيها اعـين اشجاني
زولي فاتح لَيْ خالِـيني قـاعد اعاني
حليل زمنو الحِنِين يارب ترجعو تاني