ترجمة و شرح مداخلات الزميل عزيم

قدر ما اجتهدت و حاولت غلبني
دخلت الكلام بي حمد مرق بي خوجلي
وديتو يمين شمال سما ارض ابى
انا حاسي إنو الكلام ذو قيمة و مفيد بشكل أو بآخر
لكن لسوء حظي فاق قدرتي على الإدراك و الفهم - وهي لحدي آخر مرة قدرة تعتبر معقولة إن لم تكن عالية
لكن عبدو عقدني عديل بخشم الباب
فبالله يا خوانا العارف علاقة اسرائيل بتنشين الذباب يشرحلي ينوبو ثواب
عني و عن كتار زيي إلا خجلانين ساي

أها إنت شغال وييييييييييين


مش كان في ايقونة "مساعدة" ما لاقيها

Quote: فبالله يا خوانا العارف علاقة اسرائيل بتنشين الذباب يشرحلي ينوبو ثواب عني و عن كتار زيي إلا خجلانين ساي

محمد البشرى ... خجلانين ولا عاملين ساتر ... وخايفين من الهكر


وبعدين الكلام ده المفروض تقولوا في نفس البوست ... ولا برضه خايف من التوثيق بعدين ؟؟؟
غايتو .. أنت بعد العملته في الناس في البوست طيب الذكر إياه ... أي زول دافنها ليك ومستنينك ....

وخليك من التنشين .. أنت مادخلت وصفت بيتكم ليييييييييه؟؟؟

-

ياحاتم يا عمك
القصة ما العبارة دي لوحدها - لو على دي هينة
خليني اجيب ليك نماذج يا خي اخونا عزيم دا 95% من كلامه كدا

بعدين البوست المعني انا اتداخلت فيه ولا زلت إذا جات مناسبة تستدعي
وما تلاوز الموضوع المرة دي ما فيه هكر ولا حاجة
باكمبا عادية زي كل مرة
وانا ما وصفت بيتي لأنب ببساطة لا املك بيتا في السودان للأسف - لكن ساعي إن شاء الله

خلينا في موضوعنا فاهم ابوي تشرح لي
ولا خت ليك حجر جمبي هنا واقعد استنى يجينا زول فاهم

Quote: ولا خت ليك حجر جمبي هنا واقعد استنى يجينا زول فاهم

هيلاهوب... جبنا الحجر..

-

ياعمك

الحاصل كالاتي

عبدو ده بيقرأ كتب اجنبية

وبحاول يترجم مايقرأه

بس الرصة بتاعة الاحرف فيها خلل

خلاف كده هو زول كويس

حيدر ياعمك
خلل رص الأحرف دا الزول بقراه عادي و ما غريب علينا
والدليل انو الواحد بقدر يفهم كلام تراجي و محمد عادل بسهولة
لكن شغل زولك دا براه
بجيب ليك شوية نماذج بعد شوية اديني رايك فيها
بعدين كواسته من عدمها دا ما موضوعي
موضوعي داير افهم الشي المكتوب
ياخ اخوك اتعقد عديل كدة

Quote: ياخ اخوك اتعقد عديل كدة

انابرضو

قول واحد

Quote: نصيحة القائمة لابد ان نميز بين التلقي السلبي والاجتهاد الايجابي والتلقي المادي للمعلومات والتي تتراكم في العقلية الصماء وهذه العقلية الصماء تعجز في فرز وتفسير ومضامين هذه المعلومات فلسفيا ومعرفيا. اهل القائمة الذات والموضوع ان المنهج التفسيري لايهدف الي حشد اكبر قدر من المعلومات بطريقة سلبية الغرق في الفضاء الايديولوجي اوالاخلاقي الذاتي الخاص لابد ان يكون للبوست بعد معرفي,,, الشمول والعموم الشكل والمحتوي نرجع لتفسير كلمة Deconstructionism ودي لكاتب البوست

شفت غير ودي لكاتب البوست دي
انا ما نقشت حاجة
جاييك بالتانية

خد

Quote: ان الواقع في حالة حركة دائمة وان التغير هو سمة الوجود الانساني, الحركة والتغير درجات بعضهم يقول والاخلاص الفطري للقانون الطبيعي فهو عالم رشيد الافراط في الاهتمام بالتفاصيل والجزيئات والتي يعتقدون بانها ادوات نضال والوقوع في رومانسية المعارضة في المنبر عناوين بوستات براقة وكوبي الملاحظة هي عملية اختزال الواقع

لا و لسة

دي غايتو شوية واضحة

Quote: الاخلاص الفطري زي اخلاص النحل للملكة واخلاص النمل للعمل يعني في نملة ممكن تعارض وتعمل انقلاب علي النمل الاخر ولا تاخد اجازة مرضية وحتي النملة بتساعد اختها اذا كانت مريضة ايضا في النحل الكل يخدم الملكة وباخلاص اخلاص فطري العالم الرشيد لا توجد معارضة

المشكلة علاقتها بالموضوع الرئيسي شنو
دي عاد النصيحة غلبتني

اما دي فانساني منها

Quote: الوليد بن المبارك إن اهتمامه بالجدل والمناظرة عبارة عن رؤية مبدعة خلاقة تولد باستمرار فكرا فلسفيا إنسانيا وانتقاله من عالم البراءة الفطرية البسيطة إلي عالم المصادمات المركبة هنالك نظريات تقول الموضوع علي حساب الذات وأخري تقول الذات علي حساب الموضوع من خلال الحوار ندرك أن ثمة معركة محتدمة بين الصدق والكذب الثنائيات الصدق والكذب الدين والدنيا العقل والخيال الشكل والمضمون والموضوع والذات العوامل النفسية والجوانب الباطنية التمرد الرومانسي علي الثنائيات الجامدة بنظرة عقلانية تساوي بين الواقع والحقيقة بينما نجد التعطش للكذب والذي يوصف بطريقة سيئة والمنافي لتعاليم وليد قد تمكنت من بعض الشخصيات من خلال الحوار ندرك أن ثمة معركة محتدمة بين عالم البراءة الفطرية البسيطة إلي عالم المصادمات المركبة اختلاف وليد من الجماعة لكي يقول إن هنالك شخصا مستهينا يعتقد دائما انه في مهمة مقدسة ويستخدم الحركة الليبرالية بلا هوادة وبلا ضمير لتحقيق مأربه الشخصية

عليك امان الله غير الوليد بن طلال دي يخربني في الباقي

Quote: عليك امان الله غير الوليد بن طلال دي يخربني في الباقي

معناها كلو كلو كده ما فهمت حاجه
حسي وينو الوليد بن طلال في كلام الزول ده



اسمعني
هو الزول ده جاااادي في كلامو كده ولا بهظر

يا عمك
بقت على دي

اها إنت فاهم ياخوي تشرح ولا تجر ليك حجر ورا عمك حيدر القاعد في الضل هناك
وترجا الفرج معانا

ديل كفاية
يلا ياخوانا اللي يحب النبي يزق و يشرح لينا

Quote: يلا ياخوانا اللي يحب النبي يزق و يشرح لينا

ود البشرى ..

اقول ليك حاجة..

استعين برشا حاتم اعتقد انها كانت مساهمة فى المناظرة دى...

ولا انا غلطانة؟؟








____________________________________

مع تحياتنا للشاعرة سليكة واختها ام حاتم

سليكة ما ظنيتها جادة
لكن برضو اقتراح وجيه
اها امي إنتي إنتظار النسوان بي جوة
بختكم جايبين ليكم كراسي و حاجة باردة


تحياتنا معاك لبنات سلكة

فوق كان يجي ماري ود حلال فاهم يشرح لينا

ود الصايم النبي اسعى لي دا مع اخوه بتاع الماجستير
كان الله يفرجها علينا

ود البشرى سلامات
تعرف كلام صاحبك ده ذكرنى كلام الوزير رمسفيل القاعدين ناس بوش يحاولو يفهمو فيهو لغايه هسع و ما قادرين

Quote: As we know, There are known knowns. There are things we know we know. We also know There are known unknowns. That is to say We know there are some things We do not know. But there are also unknown unknowns, The ones we don't know We don't know.

ما دام دخلت فى الباب ده ممكن تلقى لي ناس بوش تفسير للكلام الفوق ده و ينولك ثواب

تحياتى للاسره الكريمه
محمد على

سلفر يا عمك
كيفك و الأسرة الكريمة
يا بوي بوش زاتو مرحب بيه
عندنا ليه حجر رئاسي مخصوص جمبو مجموعة حجار للسكريت سيرفس
قولو لا يشيل هم

أممممك
يا خوانا التواقيع اتلحست ولا انا عزيم دا طشش بي

Quote: يا خوانا التواقيع اتلحست ولا انا عزيم دا طشش بي

ورررررووووب ..
يا جنا تعال حصل الصايمه دي ..
ود البشري قام بيك











أنا معاك لازم تسداها.

هوووي يا ود المك
برانا ماناقصين
عليك الله ما تعقدنا و تعملينا شمس المعارف بخيت
شجع الفير بلاي

Quote: يا خوانا التواقيع اتلحست ولا انا عزيم دا طشش بي

عيونك كبست اوكسجين بتكون


تخريمة :

ياخوي ايميلك ده ما شغال

يا عمك
لا بالجد التواقيع في ولا مافي
أيقونة مساعدة و أيقونة منقول عرفناهن
التواقيع مالو عليهن
___________
غايتو جنس غايتو

Quote: غايتو جنس غايتو

أصلو ما بتريحو الواحد انتو

غايتو جنس غايتو .. ليك ولي بكري معاك

Quote: العالم الرشيد لا توجد معارضة

ود البشري اخوي
تحياتي
غابتو انا فهمت انه العالم الرشيد هو عالم النمل و النحل
وكان فهمي غلط قول لي عشان اجيب بنبري
ما بقدر علي الحجر
تحت شعار
( بنبري في منبري )

عثمان رغيم يا عمك
كان كدا جيب بمبرك ساي
لكن ما خذلتني يا عمك
إنت واحد من الناس الأنا كنت قافل عليهم يفكو الكود دا
كان كدا يا نا الصبحنا الواطة في القعدة دي

سلامات يا ود البشري
تعرف قبل كم سنه كده في البورد ده اخونا عبد الرازق الطالب كان بيكتب بنفس طريقه اخونا عزيم
1/ الكلام غير مفهوم
2/ صعوبه ربط الكلام بالموضوع المطروح للنقاش
يا زول اخوك فوت الموضوع مره مرتين قلنا الواحد ما يفضح جهلوا يمكن ده مستوي فهم اكتشف حديثا الا الخبر لسه ما وصلنا
بازول الحكايه لامن فاتت الحد و بقيت ما بفهم من المداخله غبر اسم الشخص المعنون ليه الرد - يا كافي البلا انت دي ذاتا اسه ما فعد تفهما من مداخلات عزيم -
اخوك اتوكل علي اتلله وفتح بوست بهذا المعني والنتيجه كانت
1/ لقيت ليك الناس الزي كتار الا خجلانين
2/ عبد الرازق - وهو انسان حبوب جدا بس لو خلا حكايه وهم العروبه الماسك فيهو- بقي يكتب كلام مفهوم لي ولغيري
اسي يا اللخو انا والله طوبتي قدام طوبتك

ودالبشرى يا عمك
يمكن ترجمة سوريالية ياخ !!
لأنو بيني وبينك السريالين ديل عندهم حديس كتير زي ده
انا شخصيا بجليهو عادي.
في الاول كان عندي احساس انو لعمك قوقل دور في الموضوع
لكن بعد موضوع النمل والنحل ،
الكنت شايلو تجاه قوقل ختيتو
وهسه داير أفهم
نادوا لي عزيم!

انوم اقوم القاكم اتلميتوا فيني

صباح الخير

محمد البشري قول لي اشرح لي
والفهم قسم ياعيني اسال هاجر كباشي

العالم الرشيد العالم الخالي من الصراعات والدسائس والقتاتات

باود الرشيد

انا فعلا بدرس نقد ادبي
وبهتم بالرمزية يابشرية ...
انا الان في القاهرة مع الفراعنة ومتوجه اليوم الي النرويج قراصنة البحر باذن الله
ولنا عودة

عزيم ياعمك

Quote: والفهم قسم ياعيني

هَيْ !!!
وكمان زريف

Quote: شجع الفير بلاي

اوكى..
بس أنا ذاتي محتار ..
لكن قريت إحتجاج بى غادي قلت يمكن إتباع .

Quote: انا الان في القاهرة مع الفراعنة ومتوجه اليوم الي النرويج قراصنة البحر باذن الله

ياعبدو

أعذرنا

يادوب عرفناك كنت خارج التغطية

عشان كده ماكنت بتجمَع

ارجع بالسلامة وأوزن الموجة على المنبر

ومانشوف إلا نور

قالوا الفات دارو قلَ نوارو

في اسرائل في نيشان.. اكيد ح يسألني يقول لي نيشان دا شنو .. حاجة زي نوط الشجاعة جائزة حافز كأس ..فهمت ...اسمو نيشان الذبابة عندك القوقل بيديك معلومات كافية عن هذا الموضوع
بيقولوا الذباب اكثر مخلوقات الله بصر علي هدفوا.. ولهذا فان هذا النيشان يعطي للطيارين

بالعربي والسوداني المكسر يعني عربي الخرطوم
الذبابة لما تهشها من نخرتك بترجع تدخل ليك فيها مرة اولي وتانية

اصرار يامحمد البشري
ما فضل ليك الا تقول عزيم فتي الكمبيوتر الحريف
والله ايدي وجعتني من كترة الكتابة الكتيرة
الاصرار علي الهدف

كتر خير الزميل عزيم العمل خاتر للناس المكسرة من الصباح دي من ضل لي ضل
وما قصر زي ما شايفين و قام باللازم من التبسيط و الشرح للمبتدئين
كما اتحفنا بتعليق تعليقين يشيان بخفة دم الزميل عزيم
وعشان خاتر خفة الدم دي يا عزيم
يمين كلامك ما يقع واتة

Quote: اكيد ح يسألني يقول لي نيشان دا شنو

اها يابا نيشان دا شنو؟

Quote: ما فضل ليك الا تقول عزيم فتي الكمبيوتر الحريف والله ايدي وجعتني من كترة الكتابة الكتيرة

الله يسألني زريف
سلامة يدك ابوي
ما ما متعودة تكتب كلام مفهوم ليها حق توجعك

ودي البشري
ابو حتوت
يارفيق

كل الزهور مقبولة ماعدا الفل

لك ودي

عظمة

Quote: الكنت شايلو تجاه قوقل ختيتو

ابوحريرة ياعمك
شفت قوقل مزلوم معانا كيف؟

Quote: نادوا لي عزيم!

دا نادوه لي
كان نايم صحوا لي عزيم دا
خلوه يشرح لي عزيم دا
ارح ارح ارح

بتبالغ يا عمك

هلا عمر بوب يا عمك
قلتلي

Quote: بقي يكتب كلام مفهوم لي ولغيري

حالتو!!!!
خلي بالك زمنكم الحالة كانت بطالة خلاص

Quote: اسي يا اللخو انا والله طوبتي قدام طوبتك

إقرَب إقرَب

Quote: حاجة زي نوط الشجاعة

وين لي نوط الخدمة الطويلة الممتازة ؟؟
توصل بالسلامة يا عزمـة

والله يا ود البشرى

خجلتنى ودخلتنى فى ضفورى لكن
معقوله انتا ما عارف تنشين الزبابه دا
انا غايتو كنت عارف بس قالوا سمح الغناء فى خشيم سيدو
واهو سيدو شرح ليك تنشين الزبابه

غايتو يا عزيم
الباقى دا اظنك انتا زاتو ما بتقدر تشرحه

Quote: ياعمك الحاصل كالاتي عبدو ده بيقرأ كتب اجنبية وبحاول يترجم مايقرأه بس الرصة بتاعة الاحرف فيها خلل خلاف كده هو زول كويس

كنت داير اهبط هبوط اضطراري
لكن بسمع الفنان الشايقي النصري علي قناة هارموني...فاجبرني علي احترام النسق

كلام شوايقة لو فهمو محمد البشري لنال نيشان اسماعيل حسن ولا حميد

في قصيدة

مريم الاخري والمجدلية التي يغنيها الفنان الراحل المقيم مصطفي سيداحمد

مقطع

وانا البحر الذي لا يأمن الان السفينة
ممكن محمد البشري يفهم الكلام
البحر كله لايأمن السفينة...سفينة من نوع اخر
خبيئني بين جدران المسام
............................................


قدر هواك يجيبني ليك

اغنية لمصطفي سيداحمد
احاول اشرحها لناس الفهم التقيل

قال الشاعر قدر هواك لم يقل قدرتي انت وهو نوع من الهروب من المواجهة الشخصية
زي كلامي
قدر عدم فهمك يبعدني منك
............................
انجبتني مريم الاخري
قطارا وحقيبة
ارضعتني
مريم الاخري قوافي
ثم اهدتني المنافي
هكذا قد خبروني ثم قالوا لي ترجل

القصيدة طويلة

ياعمك ما كنت ماشي كويس
تاني قمت لللخبتة
بعين ياخي لاتزعل انا لو ماحاسي انو الكلام فوقو فايدة ما كنت سفهتو وقلبت الصفحة كالعادة
لا اكتمك سرا يا عزيم لولا الحضور المميز لأخونا المسلمي انا كنت مرشحك كاتبي المفضل لفبراير
فعشان كدا حابب افهم الدرر البتفلق بيها دي
وحفازا على وكت السعادة الغالي ما حبيت اشغلك فسعيت اولاد الحلال كان يساعوني
لكن بيني وبينك اولاد الحلال زاتهم لقيتهم في العليهم
زول غيرك يا عمك فاهمك مافي ...يا الختري

لا تضيق ابوي

هووي يا ابوعلوة بلاحركات شداد دي معاك
عينك لينا متفنين في الواطة من امس و نقابض في البجي ماري كله نسال
جاي اسي بعد ما الزميل عزيم تفدل بالشرح تستلم القصة
جر ليك حجر ساي يا خوي وما تخجل

ود البشري تحياتي

Quote: دخلت الكلام بي حمد مرق بي خوجلي

قبل ما ندخل في الموضوع
حمد وخوجلي ديل شنو
الاضنين ولا شنو؟

Quote: أصلو ما بتريحو الواحد انتو

امسحا لينا في وشنا يا ود الصايم ..
قريت ليك إحتجاج بي غادى ولقيت ود البشري فارد شراعه بي جاي ومتصلبط في (غايتوياتك)..
قلت يمكن الراجل باعها..
كان فكيت التسجيل كمان كلمنا أصلها عاجبه كتيرين .

محمد الملك

قلت لي شنو

Quote: كان فكيت التسجيل كمان كلمنا أصلها عاجبه كتيرين .

نو واي نو واي


قال فكيت التسجيل قال

غايتو جنس غايتو!!

المسلمي يا عمك
والله الواحد بقى يخرم ليك عديل كدة
ما ارتاح إلا القى مداخلتك
اها ابوي قلت لي قبل ما ندخل في الموضوع و كدا - اها دي عاجباني فيك ياعمك منظم و بتحب الجيهة - نرجع للموضوع
إنت ياعمك كمان داير ليك مدخل
واقعد ادلع عليك اقول ليك صيانة و بتاع
لا يمين تدخل من محل ما عجبك إن شاء الله من المخرج زاتو
حبابك ابوي
اقرا كلام الزميل عزيم المكوت دا و ساعدنا بالشرح و التفسير

أأأأأأأه يا ابو عريس بتي
يعني يا ود البشرى لازم تخلينا نتدخل

اهو طيب
يا عزيم

kompis !! ta det rolig nå
han bushra ... han skjønner ingenting
du må skrive litt mindre komplisert
her i norge er det slik at vi med utenlandsk opprinnelse blir snakket til som barn, altså med et forenklet språk. ..Noen ganger hjelper det også hvis man snakker litt HØYT og TYDELIG til en utlending, for ellers svarer de bare "ja jai forstor" uten å ha skjønt en dritt.
så vær snill og ta det rolig mann

خلاص كلمناه يا ود البشرى
تاني ما بكررها
جاين مع أبو الحاء متين تسدو مال الدامة العندنا دي؟

الفضلابي سلام جبت ليك محمود درويش

بكره ادبني سلك
في اوسلو

ان شاء الله

فاضلابي يا معلم
داير الد عديل كدا من الشمار
بارك الله في عمك قوقل شوف قال شنو
كان شغلك دا سويدي

Quote: mate!! take the funny attain he bushra. he skjønner nothing yous be bound to letter a little less komplisert her in Norway is that so joke wes with utenlandsk opprinnelse am becoming snakket til as baby altså with a forenklet language. Noen ganglion hjelper the også hvis husband snakker a bit HØYT og TYDELIG til a utlending , ago ors answering they babies " yes jai flush uten ah had skjønt a cask. so vær genius og take the funny mann

مشكور ياعمك
لكن إن بقي نرويجي

Quote: compact!! keep your shirt on now he bushra. he am comprehending nothing you be bound to draw up a little less complex here in Norway is that so that we along with alien derivation becomes talked at as children , consequently along with a simplified languages. Now and then ancillary facts also of which they chatting a bit In plain english at a utlending , for else answering they only " certainly jai understood " un have albeit a ####. saw weather clever and keep your shirt on man

يبقى الفيك اتعرفت و هناي ما خاتي عليك

Quote: جاين مع أبو الحاء متين تسدو مال الدامة العندنا دي؟

خيااااااااااااااااااااااانة
على جثتي

ودي البشري... حبيبنا

اهدي اليك شئ من شعري

مفردة خاصة لزول خاص جدا

أأأأأأأه يا ابو عريس بتي
يعني يا ود البشرى لازم تخلينا نتدخل

اهو طيب
يا عزيم

kompis !! ta det rolig nå
han bushra ... han skjønner ingenting
du må skrive litt mindre komplisert
her i norge er det slik at vi med utenlandsk opprinnelse blir snakket til som barn, altså med et forenklet språk. ..Noen ganger hjelper det også hvis man snakker litt HØYT og TYDELIG til en utlending, for ellers svarer de bare "ja jai forstor" uten å ha skjønt en dritt.
så vær snill og ta det rolig mann

خلاص كلمناه يا ود البشرى
تاني ما بكررها
جاين مع أبو الحاء متين تسدو مال الدامة العندنا دي؟

هاهاهاهاهاهههههاهاهاهاهاههههههاهاهاهاههاهاهااااه
يا ود البشرى الترجمة دي أخير منها كلام عزيم الما مفهوم
قوقل ذاتو متأمر عليك يا مان

و دي كلها محاولات لرفض العلاقة الجادة بين ابو الحاء و بتنا
و لو كنت صبرت كان عفيناكم من سد المال و عقدنا ليه ملح
لكن بالعقبات الخاتيها دي
دايرين شيلتنا من دبي و دهبنا من ابوظبي
و ابو الحاء يسكن مع نسابته
بس

سمح نترجم ليك يا مان

الكلام ده باختصار معناه اتكلم زي ما النرويجيين بتكلموا معاك و معاي
لمن يتكلموا برااااحة زي البتكلموا ليهم مع شافع
عشان اخونا بشرى ده ما فاهم كده


و اااااااااالله العزيم ده الكلام الفوق معناه كده
عشان ما تقول الفينا اتعرفت و شنو و شنو

العفو يا عمك لا تتحسس من قصة الفيك اتعرفت
لكن بيني وبينك قوقل سجم خشمه


______________
ام حتوت قالت ليك عندها راي في قصة السكن مع النسابة دي

الزول دا مفروض يعمل موقع الكتروني
يسميه (الفكرة)
ما ياهو متل كلام هناي داك القصو رقبتو

سلام معتز قريش

Quote: الزول دا مفروض يعمل موقع الكتروني يسميه (الفكرة) ما ياهو متل كلام هناي داك القصو رقبتو

نويت تقص رقبتي بشوية الفلسفة دي
لاحول ولا قوة الا بالله

قوليها الود ده ما تلعبو بمشاعره

عليك الله شوفو مرطب في اسكندنافيا دي كيف؟

فاضلابي ياعمك
اكلت راس الولد حنك
من ما شاف الصورة راسه وستين يمين ما اقفل الصفحة
وشابكني دينة دينة
شكلو الموضوع مرق من يدنا
المهم قول لأم العروس ام حتوت قالت ما بتجيب قولة خير
وإنتي ما تجيبي موية رمضان

يا حبة

ce ne sont pas que mots pour nous faire sourire
et pour etre juste, il faut dire que tu es comme lui
quelquefois je ne comprends rien de toi



وكل زول عاجبو الصاري

سليكة

Tu parles de moi?



Dieu bénisse le traducteur de Google

Quote: Dieu bénisse le traducteur de Google

لوووووووووووووووول

حريف يا عمك والله

شكلنا ما حناكل عيش معاكم تاني

Quote: المهم قول لأم العروس ام حتوت قالت ما بتجيب قولة خير وإنتي ما تجيبي موية رمضان

قالت ليها ده كلام عقل
نحن الخواجات ديل ذاتو موية رمضان بنسويها سجمانة بالذات الآبري
خلاص اتفقنا

نحنا كمان مدينة تاعبانا قالت لآمها إلا تعلميني الحاء
و أمها غالبها التسويه
شابكاها هتوت هتوت

Dette er bare tull. Jeg vil ikke kommentere mer

معتز قريش سلام


الزول دا مفروض يعمل موقع الكتروني
يسميه (الفكرة)
ما ياهو متل كلام هناي داك القصو رقبتو

داير تقص رقبتي عشان شوية الفلسفة دي

لا حول ولا قوة الا بالله

Quote: Quote: فبالله يا خوانا العارف علاقة اسرائيل بتنشين الذباب يشرحلي ينوبو ثواب عني و عن كتار زيي إلا خجلانين ساي محمد البشرى ... خجلانين ولا عاملين ساتر ... وخايفين من الهكر وبعدين الكلام ده المفروض تقولوا في نفس البوست ... ولا برضه خايف من التوثيق بعدين ؟؟؟ غايتو .. أنت بعد العملته في الناس في البوست طيب الذكر إياه ... أي زول دافنها ليك ومستنينك .... وخليك من التنشين .. أنت مادخلت وصفت بيتكم ليييييييييه؟؟؟ -

حاتم

روح اسأل عن اعلي وسام عسكري اسرائيلي اسمو شنو

ثقافة عامة