Post: #1 Title: شكراً لك يا مريخ ....فقد أمتعتنا Author: محمد البشرى الخضر Date: 11-04-2007, 05:53 AM Parent: #0
إحنا
و
التوانسة
Post: #2 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-04-2007, 06:08 AM Parent: #1
Quote: شكراً لك يا مريخ ....فقد أمتعتنا
هي متعة نصاح لكين
أخرست الألسن المتطاولة كشفت الأكاذيب المتداولة أزلت الأوهام وخطرفات الإعلام
حقا وكما قيل أنت رجل صالح
Post: #3 Title: Re: شكراً لك يا مريخ ....فقد أمتعتنا Author: mohmed khalail Date: 11-04-2007, 06:17 AM Parent: #2
شنو يا اخوانا اصبحنا واصبح الملك لله
Post: #5 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-04-2007, 06:29 AM Parent: #3
Quote: اصبحنا واصبح الملك لله
و أصبح الرصيف زحمة وأصبحت ربات المنازل زادو واحدة واصبح المحلي داخل امدرمان عديل وأصبحت التونسية تقوم من العرضة وأصبحت النفخة الكذابة و الوهم لا شيئ فقط الحقيقة المؤلمة و المخجلة وطولة اللسان بلا داع
Post: #4 Title: Re: شكراً لك يا مريخ ....فقد أمتعتنا Author: ALGARADABI Date: 11-04-2007, 06:23 AM Parent: #2
Post: #6 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-04-2007, 06:43 AM Parent: #4
Quote: هل تحمل الأصابع الأربعة أي مدلول؟؟؟
كيف دا كلامك
Post: #7 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-04-2007, 06:51 AM Parent: #1
ناس الوصيف عندهم وهمات كدا مقتنعين بيها بشكل مَرَضي الواحد تقول ليه سلام عليكم يقول ليك من غيرنا يعطي و بلا بلا بلا وشابكننا ليك المحلي الصفر الدولي الإنجازات الدولاب الكؤوس المحمولة جوا المريخ فريق عالمي الرد كسل الجماهير الصفوة وأخيرا وليس آخرا المريخ زول صالح يا خي قوموا لفوا بلا وهم معاكم اتمنى انو "الصفع الصفاقسي" يكون جاب نتيجة وظهر اثره في الجماعة
حيتم تناول بعض الوهمات دي بالتحليل و نشوف آخر القصة دي
Post: #8 Title: Re: شكراً لك يا مريخ ....فقد أمتعتنا Author: علاء الدين حيموره Date: 11-04-2007, 07:30 AM Parent: #7
أخوي محمد البشري
اربعة الف تحية
انت بوستاتك كتيرة كده مالك كمان يا اخي خليهم اربعة بس ..
مودتي
Post: #11 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-04-2007, 07:56 AM Parent: #8
يا عمك
Quote: اربعة الف تحية
ولك مثلها
Quote: انت بوستاتك كتيرة كده مالك كمان يا اخي خليهم اربعة بس ..
ياخي ديل يادوبهم إتنين لكن بيني وبينك بتشافو أربعة أربعة
Post: #9 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-04-2007, 07:44 AM Parent: #1
نمسك اكبر وهمة حكاية الصفوة لما تقرأ لكتاب الوصيف وهم يتغنون بحكاية الجمهور صفوة دي تحس إنهم بتكلموا على جمهور جايي من كوكب آخر مش ناسنا البنعرفهم يركبوا معانا المواصلات نفسها و يمشوا في الأسواق نفسها و يأكلوا الطعام نفسه أكاد اجزم إنو الحكاية لا توجد إلا في السودان الناس يقولو ليكم غلبوكم تقولوا جمهورنا صفوة المقصود بيها شنو؟ الجمهور ما بفلق بفلق شفناها أمس القارورة الجات طايرة في اللاعب البحتفل بالهدف التالت وشفناها وأخواتها لما جات طايرة على قودوين وهو بيحتفل بي هدفه التاني يوم كورة إحتلال الرد كسل شفنا فرتيق كورة سيمبا وشفنا كسير حافلة الموردة وهي مغلوبة ومذكر كورة الأهلي الإتعوق فيها جمال ابوعنجة وحرق شبك استاد الهلال وغيرها ما المقصود من الأحداث دي نخش في جدل بيزنطي ومقارنة سوء السلوك بين الهلال و المريخ لكن عايز أبين ان قصة الصفوة دي ليست إلا احدى اكاذيب الإعلام ووسيلة فعالة للتخدير مانشيتات اليوم المريخية متوفعها كلها تركز على التصفيق للصفاقسي في محاولة لصرف النظر عن الصفع الصفاقسي يا بائعي الوهم ارحموا انفسكم فجمهوركم جمهور سوداني عادي به كل الأمراض اللي بعاني منها الجمهور الرياضي في السودان
نواصل في الكذبة الثانية
Post: #10 Title: Re: شكراً لك يا مريخ ....فقد أمتعتنا Author: عادل جبارة Date: 11-04-2007, 07:52 AM Parent: #9
نتيجة الإقلاع أقصد موعد الإقلاع : الساعة أربعة نتيجة الوصول : الله يستر ؟
Post: #12 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-04-2007, 08:11 AM Parent: #10
لقيتك مر يا ود جبارة لكن دي ما ياها اللت أمس ديك ماكيناتها اربعة
Post: #13 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-04-2007, 09:27 AM Parent: #12
العناوين المتوقعة لصحف اليوم
Post: #14 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-04-2007, 07:33 PM Parent: #1
الوهمة الثانية أي مريخابي عندو إيمان يقين بأن المريخ لا يخسر مباراة كأسها برة أها دي بالذات محيرة جدا وما عارفها جات من وين مع إنو السوابق الخسر فيها المريخ مباريات كؤوس كتيرة و في الخرطوم كمان وما مباراة البيرة الكيني ببعيدة ومباراة الموردة في كأس السودان بتاعة المغربي وغيرها كتير و بالتأكيد نضيف ليها موقعة ذات المرابع بارت ون في الخرطوم - رغم ان الكأس ما برة فعليا و في الإنتظار ذات المرابع* بارت تو في صفاقس ودي كاسها برة أكيد يا ترى بعد الصفع الصفاقسي هل سيظل وهم عدم خسارة مباريات الكؤوس معششا في أذهان الوصيفاب الصفوة
* بإفتراض و رجاء ان تكون مباراة صفاقس ذات مرابع لا أكثر
Post: #15 Title: Re: شكراً لك يا مريخ ....فقد أمتعتنا Author: bob Date: 11-04-2007, 07:41 PM Parent: #14
Post: #16 Title: Re: شكراً لك يا مريخ ....فقد أمتعتنا Author: نيازي مصطفى Date: 11-04-2007, 08:35 PM Parent: #15
ويبقى المريخ رغم انف الشامتين الفريق الوحيد الذي اهدى للسودان كؤوسا من خارج حدود الوطن وهو المؤهل لذلك حاضرا ومستقبلا .
Post: #19 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-04-2007, 09:47 PM Parent: #16
Quote: وهو المؤهل لذلك حاضرا ومستقبلا .
مستقبلا دي علمها عند الله وما بنقول فيها حاجة لكن حاضرا دي فيها قولان بي دفاعك وحارسك دا إن شاء الله حاضرا ينستروا في الدار البيضاء و صفاقس ومستقبلا دي ملحوقة
اما عن الشامتين فبختهم الله أداهم نعمة قدر دي يرفسوها يعني؟
Post: #17 Title: Re: شكراً لك يا مريخ ....فقد أمتعتنا Author: waleed dawash Date: 11-04-2007, 08:57 PM Parent: #1
Quote: ويبقى المريخ رغم انف الشامتين الفريق الوحيد الذي اهدى للسودان كؤوسا من خارج حدود الوطن وهو المؤهل لذلك حاضرا ومستقبلا .
المشكله انهم لسه في وهمتهم...
ياخوي ديل شاربين كم قزازه ؟
ليست قزازه اة قزازتين انما اربعه قزازات
Post: #18 Title: Re: شكراً لك يا مريخ ....فقد أمتعتنا Author: hatim ibrahim Date: 11-04-2007, 09:16 PM Parent: #1
... على غرار الأندية ( العالمية ) البيكون عندها اسم بالأحرف كاختصار اقترح انو المريخ يسموهو ( F.F.R ) اختصار لـ ( فاكيها في روحو ) .. يعني مباراة الكأس ان شاء الله حتكون بين ( C.S.S ) و ( F.R.R )
أجمل ما قرأ في المنتديات أن الزعيم نيلسون مانديلا بعث برسالة عاجلة ( غاضبة ) لجوزيف بلاتر يطالب فيها الاتحاد الدولي لكرة القدم بـ( سحب ) كأس مانديلا من المريخ السوداني بعد ( مهزلة ) الأمس ...
Post: #20 Title: Re: شكراً لك يا مريخ ....فقد أمتعتنا Author: هجو الأقرع Date: 11-04-2007, 09:53 PM Parent: #1
اخونا محمد ود البشرى ، الحمد لله النفشيت شوية ... كنت ممكون خلاص .... يا راجل الزمن ده كلو مخبى وساكت ، سلم على ود العم القردابى ..... المريخ كبير رغم الهزيمة الكبيرة ...... الم تسمع بمقولة الشامت ان افلح فليس ....... تعرف يا هندسة البارح كانوا معاى رشاشات فى البيت يظهرون الحزن ويتكلمون بغير ما يضمرون ..... الكبير كبيرررررررررررررررررررررررر.
Post: #21 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-04-2007, 10:05 PM Parent: #20
عمنا الأقرع الحمد لله الأكرمنا وفشانا ومن فضل الله علينا ما فشانا ساكت كدا بي خروج مشرف للوصيف وكدا لا بل سلط عليكم جنودا له بعضا رأيتم وبعضا لا اذاقوكم الويل و الثبور وعظائم الأمور لا مرة ولا مرتين بل أربعا متتاليات في عين العدو نتغنى بهن و نطرب حتى يحين اجل اخواتهن في المغرب او حيث تقبع التونسية الميمونة ومن نعم الله علينا ملاقاتكم حالقين يوم 29 عشان نواسي ليكم القطعية ونكمل باقي فشتنا أريتها فشتك يا حاج بعد الحالة دي
Post: #22 Title: Re: شكراً لك يا مريخ ....فقد أمتعتنا Author: طارق أحمد أبوبكر Date: 11-05-2007, 05:56 AM Parent: #21
Post: #23 Title: Re: شكراً لك يا مريخ ....فقد أمتعتنا Author: abuguta Date: 11-05-2007, 06:40 AM Parent: #22
ود البشرى
جانبك الصواب فى كل خطاب
ياخى,,الجماهير صفوة
تعرف اخر الاخبار,,,الوالى سيفاوض اتحاد مدنى بدل المريخ ,,قال احسن اقدم شىء للجزيرة قروش صرفها على فريق تحل مشاكل دارفور ودمت
Post: #24 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-05-2007, 08:51 PM Parent: #1
لاقتني مداخلة اخونا وحبيبنا علي محمد علي بشير مقتبسة في أكتر من مكان ولما كان أبوعلوة من اقرب الوصيفاب لقلوبنا ولمكانته عندنا لا يمكن لا نعلق على كلامه ولما عجزنا عن العثور على المداخلة الأصلية جبناها هنا عشان نتمتع بيها ونمتعه معانا
Quote: نحن فى المريخ لا تعتبر الهزيمه نهاية المطاف بل هى نقطة البدايه لا ستعادة الامجاد واصلا المريخ كان سقف طموحاته الوصول لدورى المجموعات والحمد لله حققنا طموحنا وزدنا عليه الوصول لنهائى الكونفدراليه واصبحنا تانى احسن فريق من بين حوالى السبعين فريقا افريقيا لعبوا فى تصفيات الكونفدراليه هذا العام
لذلك تجد ان الهزيمه لا تثبط من عزائمنا ولا تفت من عضدنا وذلك لان نفس هذه الكاس التى خسرناها عمليا كنا قد فزنا بها سابقا وتوجنا ابطالا لها
لذلك اهتمام رئيس بقامة الوالى بالاستمرار فى رئاسة النادى رغم مرارة الهزيمه والاهتمام بالبرنامج الموضوع للمنشأت وفريق يستطيع ان ينافس ويفوز فى الاعوام القادمه بازن الله واذا اتخزنا الصفاقصى التونسى نفسه مثالا نجد ان خسر فى الموسم الماضى امام الاهلى المصرى فى ملعبه وامام جماهيره خساره كبيره فى نهائى الكاس وهاهو ينهض اليوم من بين الاحزان ليفوز بكاس الكونفدراليه وان تاجلت الافراح لتكون فى تونس عقب مباراة الرد وهذه هى الفرق الكبيره تنهض من بين احزانها وهزائمها لتحقق النجاح تلو النجاح وها نحن نفعل مثلها وننهض من بين احزاننا ونواصل مسيرتنا فى المنشأت وبناء فريق قوى انشاء الله للموسم القادم
المشكله فى الذين يجلسون على الرصيف وانظر اليهم يشتمون فينا لاننا اصبحنا وصيف الكونفدراليه بينما هم وفى تاريخهم كله لم يتخطوا لقب الوصيف فى البطولات الافريقيه
وانظر للهلال ماذا فعل بعد ان خرج من البطوله الافريقيه ؟ واين هو الاهتمام بزريبة العيش او المنشات او الاشياء الاخرى هاهو الهلال يجلس على الرصيف ويشغل نفسه بالمريخ ونتائجه ومنشأته وطابقه الثانى
ولا ادرى متى يستطيع الهلال الخروج من نفق المحليه الى رحاب الانديه الكبيره فى افريقيا وذلك بالاهتمام اكثر بمنشأته ومرافقه العامه حتى يصبح مشابها للانديه الكبيره فى افريقيا وذلك بدلا من الاهتمام بمنشات الاخرين ونتائجهم
Post: #25 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-05-2007, 09:13 PM Parent: #24
أولا يا عمك بنحييك ونسأل منك ومن حالك بعد المصيبة الكبيرة دي,نعل ما جاتك عوجة بس عليك بالصبر و ما تقطع (الرجاء).أها النجي لي كلامك الجزء الأول بتاع لن تهزنا الهزيمة وستظل و تظل و تظل دا خليه نعلق عليه بعدين خليني في الحتة دي
Quote: المشكله فى الذين يجلسون على الرصيف وانظر اليهم يشتمون فينا لاننا اصبحنا وصيف الكونفدراليه بينما هم وفى تاريخهم كله لم يتخطوا لقب الوصيف فى البطولات الافريقيه
يا خوانا إنتوا مالكم الاربعة دي عملت ليكم شنو؟ يا عمك لسة بتعاير و تقول الجالسون على الرصيف الرصيف طاير إن شاء الله بركة السور المية وعشرة و(أربعة) يا بوي الرصيف الماعاجبك دا إن شاء الله بعد يوم 29 ذاتو ما حتلم فيه اوعى تقولي مصدق وهمة إنو إحنا لسة في البطولة,أصحى يا بريش يا العايش في دنيا من اوهام خيالك خلاص عربي بح افريقي بح وبعد كلام الوالي إنتر ذاتو بح يا حاج الرصيف الماعاجبك دا ناسك زمان ختو شنطهم فيه و إتحكروا
أما عن الشماتة فعن نفسي لم أشمت في نيلكم الوصافة انا شمتان في الغلب الجوة الدار من قولة تيت وفي فضيحتكم السووها العيال و سرت بخبرها الركبان ياخي إنتوا اتبهدلتوا بهدلة غريبة ما حصلت قريب ولا أظنها تتكرر تاني, كل مراقاتكم إتجلدت لا صفوة نفعت لا أسياد بلد بتخارج لا زعيم بتمرقكم وسلسلة الأكاذيب الفالقننا بيها من اول الموسم إتكشفت كلها لا و ألذ حاجة كمان لما يقول ليك القادم أحلى أها دي الحاجة الوحيدة الصاح فعلا القادم احلى مباراتي الرد أو رحلتي الرجاء و الصفع ثم ختامه مسك يوم تجو لي عمكم يعمل ليكم القطعية و يواسي حلاقة المغرب العربي في الرد كسر
أحمممممممممممدك يارب و أشكر فضلك
Post: #26 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-05-2007, 10:12 PM Parent: #1
لمن فاتهم هدف أليجا تانا الرائع مصحوب بتعليق ندى القلعة
Post: #27 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-05-2007, 10:34 PM Parent: #1
باولينو: شكيتك على الله يا بهاء الدين غالبك تنستر دقيقتين نتهنا بي قونا دا
Post: #28 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-06-2007, 06:52 AM Parent: #1
بالامس الوالي في قناة النيل الأزرق تحدث عن مباراة الإنتر وذكر ان الإنتر مصر على لعب المباراة يوم 15 و المريخ عندو مباراة الرد في المغرب يوم 17 . ذكر الوالي ان مجلس الإدارة من ناحيته ممكن يوفر طائرة خاصة للفريق يوم 16 لكن سيترك القرار بيد الجهاز الفني لقيام مباراة الإنتر او تأجيلها
حريف يا والي مكنة سنينة ومخارجة راقية من نتر الإنتر المنتظر للأسف حتحرمنا من متعة فائقة كنا في إنتظارها كنت مستني أشوف بهاء الدين سدر وهو يتحاور بالنظر المرة دي معليش خيرها في غيرها الله بعوضنا في المغرب و تونس
Post: #29 Title: Re: شكراً لك يا مريخ ....فقد أمتعتنا Author: abuguta Date: 11-06-2007, 07:12 AM Parent: #28
ود البشرى
زوغة واضحة وهروب من الهزائم طيب ليش الادعاء,,ما تخلوهم يقابلو الزعيم الجد وتخلو الدعوة تمشى لصاحبها
Post: #30 Title: Re: شكراً لك يا مريخ ....فقد أمتعتنا Author: hatim ibrahim Date: 11-06-2007, 01:46 PM Parent: #1
Quote: بالامس الوالي في قناة النيل الأزرق تحدث عن مباراة الإنتر وذكر ان الإنتر مصر على لعب المباراة يوم 15 و المريخ عندو مباراة الرد في المغرب يوم 17 . ذكر الوالي ان مجلس الإدارة من ناحيته ممكن يوفر طائرة خاصة للفريق يوم 16 لكن سيترك القرار بيد الجهاز الفني لقيام مباراة الإنتر او تأجيلها
الوالي مرات كده ما بيعرف يتصرف مفروض يرسل الصف الأول للجولة المغاربية .. يعتبرها جولة سياحية مكافأة لقوات الملك الفيصل والسلطان عبد الحميد والأمراء ..للجهود الضخمة التي بذلوها خلال السنة.. ويترك للمرابطين في القلعة الحمراء ( الصف الثاني ) مهمة نتر الأنتر واستعدال الـ ميلان الفيهو .. ..
Post: #31 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-06-2007, 02:38 PM Parent: #1
ما مشكلة يا ابوقوتة ويا ودإبراهيم الوالي قال تأجيل ما إلغاء يعني لسة فرصتنا قائمة لحضور و متابعة النتر الجد جد لا حظتوا معاي يا خوانا النغمة المريخية الأيام دي حكاية إحنا طلعنا بميدالية فضية وكدا دي من بركات ذات المرابع يعني الفضية عندها قيمة كويس والله الغريبة زمان لما كنا نقول نلنا فضية الأبطال مرتين يقوليك التاريخ لا يذكر غير شنو كدا و الدولاب للكؤوس وليس للبتاع الحمدلله الجات منك يا بيت الله مبروك عليكم الفضية بس حبيت أذكركم بي نقطة صغيرة وغير ذات أهمية لو كانت الكونفيدرالية تلعب بنظام دور الأربعة إحتمال كبير جدا كنتوا دي زاتها ما تلموا فيها لكن فعلا المريخ رجل صالح والقادم حقا احلى
Post: #32 Title: Re: شكراً لك يا مريخ ....فقد أمتعتنا Author: محمد البشرى الخضر Date: 11-07-2007, 07:16 PM Parent: #1
كتب دسوقي اليوم في الكابتن
Quote: داعب المريخاب بالأربعات.. لتكسب ثواب! * بعد هزيمة الصفاقسي للمريخ بالأربعة في المباراة التي كشفت عيوب المريخ وأظهرت مستواه الحقيقي الذي لا يؤهله للفوز بالبطولات الخارجية، بعد هذه الهزيمة قرر المريخاب مقاطعة الرقم أربعة وعدم التعامل معه في أي مجال من المجالات بدءاً من مقاطعة كل أغاني الفنان التونسي صابر الرباعي وعدم قراءة رباعيات الخيام ورباعيات صلاح جاهين وعدم مشاهدة فيلم أربع بنات وضابط وعدم استعمال عربات الدفع الرباعي وعدم السكن في الطابق الرابع أو شقة تحمل الرقم أربعة في أية بناية وعدم التعامل مع فندق الفصول الأربعة رغم أنه من أفضل الفنادق في العالم. وعدم تناول البتي فور أو أية شوربة تتكون من أربعة أنواع من الخضار أو عصير مشكل تمتزج فيه اربعة أنواع من الفواكه. * ايضاً قرر المريخاب عدم الاستماع لأية اذاعة تحمل الرقم أربعة وعدم قراءة الصفحة الرابعة في الصحف بما في ذلك صحيفة المريخ.. وعدم السكن في مربع اربعة بالصحافة أو التعامل مع أي شخص يسكن في هذا المربع مع مطالبة أي مريخي يسكن في أي مربع يحمل هذا الرقم بالعاصمة بالرحيل من هذه المربعات المشؤومة!. * كذلك طالب المريخاب أن تكون كشافات استاد المريخ ثلاثة أو خمسة بدلاً عن أربعة واذا استحال ذلك تقام المباريات عصراً.. على أن تقام قبل أو بعد الرابعة.. كما طالب المريخاب بهدم الغرف المربعة واستبدالها بغرف دائرية أو مثلثة حتى لا يعيشوا في غرف تذكرهم بالأربعة الحارقة التي بدّدت أحلام وأوهام الفوز بالبطولة ودعوة القيصر باكنباور لحضور النهائي الذي كان سيرفع شكوى عاجلة للاتحاد الدولي يتهم فيها المريخ بانتحال صفة فريق كرة قدم والوصول دون و جه حق لنهائي البطولة في أكبر عملية نشل في تاريخ الكرة في العالم!. * والى أن يرفع المريخاب هذه المقاطعة نهدي عشاق النجمة بمربع أربعة شارع أربعة أغنية أربعة وأربعة جوني.. من النوم صحوني.. وبالجنون اتهموني.. بعد أن اكد التوانسة أنهم في صفاقسي سيلحسوني بالأربعة أو الخمسة في مرمى بهبهوني.. ليعود المريخ بمجموعة من الأهداف المحمولة جواً معبأة في أكياس النايلوني. أضحك مع المريخاب لتخفف عليهم الأحزان * أعلن المهندس عبد الكريم النفطي نجم فريق الصفاقسي التونسي عن اكتشاف أربعة آبار بترول باستاد المريخ تنتج كل منها أربعة آلاف برميل في اليوم!. * انقطع التيار الكهربائي فجأة عندما كان أحد المريخاب يشاهد مباراة المريخ والصفاقسي، فأرسل رسالة لصديق يسأله عن النتيجة.. فاتصل به هذا الصديق قائلاً: هل تريد النتيجة قبل الرسالة أو اثناءها أو بعدها؟!. * يقال إن خالد السباعي الذي أحرز هدف الرجاء بالخرطوم من الرقدة الشهيرة قد دخل في نومة طويلة منذ الآن باستاد كازبلانكا استعداداً لمباراة الرد!! * كابتن العجب يحييكم من طائرة الخطوط التونسية ويهديكم أغنية صابر الرباعي!. مع سلام مربع للجدعان!! * سُئل أحد الأهلة عن الفرق بين الرقشة والمريخ؟.. فقال على الفور: الرقشة بثلاثة عجلات والمريخ بأربعة!. * المشجع الهلالي الكبير خالد قرشي طالب بالغاء معسكر الهلال بالامارات لأن الهلال قادر على هزيمة المريخ بدون تمارين ومعسكرات ووجبات.
