مسدار اب احمد للقمريه

يالقوقيتى بصوتك حالمه
شايله جراح الغربه تهيمى
تهزى الوجع البيض وفرخ فينا
ماظنيتك بس اتمنيتك ترجعى سالمه

**************************

العنى كل الحقب الظالمه.
ليه خلوكِ تهجرى العش الدافى!!!
كيف قبلوه عزاب لفروخك!!!
ارجعى لمى القش من تانى
وحاولى ترجعى سيرتو الاولى
مليان بالعيش دعوات وامانى

**********************

الشجر الضمه زمان لولادك
ماخد موقف ولسه مصمم رافض
تطيرى تهاجرى بعيد تنسيهو
تهجرى الحضن الكان لوجعك شاهد

****************************

الجدول جارى دموعو بتسال
ليه تتخلى بنار الهجر تردى
كان يستنى شرابك ديمه
وكان يترجى دوام الغيمه
تهطل تنزل مويه تزيد الحرقه
تزيد الجرح النازف اصلاً
تزيد الوجع القيل وبيت فيهو