خبيزنا خطر على الضيفان وإحتمال يجيبونا في النيل الازرق

اسمع ماتنسى تجيب معاك دقيق سيقا مخصوص وسمن بلدي وفانيليا وزيت كرستال زرة وبيض ووووو.....ده كلام مرتي...انا في سري قلت ماشاء الله بالله شوف الايام بتجري كيف الولية بقت حريفة بعد ما كانت متجوهلة وعامله فيها مابتعرف تسوي التكتجoh: ياربي بعد ما كترت ليها اخبار اصحابي العرسو وغرام النسوان بـ راجل المرة راسه جأ اخيراً؟؟

المهم جيت محمل بالطلبات واناى اهيئ نفسي لخبيز حدث واقول لي روحي الله يخلي التلفزيون واسامة السيد وجميع الشيفات والشيفين بتاعين الفضائيات جابو لينا الوصفات الشهية.

وبعد صلاة المغرب جيت من برة لقيت ليك الكل لابسين لبسة خمسة حتى شفعي المجارمة.

لبسته لبسة خمسة انا زاااتي وصنقرنا الصنقيرة الياها.

اها نكب شنو اول حاجة يا مرة؟؟

اظن قالو اللبن!!

لبن شنو انتي ما نصيحة اول حاجة ننضف الماعون

كويس كبي الدقيق

الزيت:eek:

كبي موية:rolleyes:

يلا حبة ملحة ومعاها تاني مويه

يلا كبي البيض

فقشك فقشك كسرنا لينا زي خرتمية بيض

احي من البيض البقت دستتو بي تسعة الاف :hissyfit:

يعني بعد نص ساعة كدة نحن كبينا اي حاجة إلا الشطة

ويلا بدينا نعجن ونعجن ونعجن ونعجن في النهاية غايتو اخترعنا لينا حاجة تنفع كورة وممكن مجسم بتاع قنبلة حاجة كده

يلا يا مدام شدي حيلك نقطع اشكال

حلفته يالعجين ماتنقطع لينا باخوي واخوك ...لستك شنو وحلاوة مطي شنو ولياقة شنو انا اجر واضغط بالكباية حلف بالايمان والرحمن ما يقطع:hissyfit:

في النهاية غايتو دويرينيات دردومات قطعناهم ودخلناهم فرن درجة الحرارة 1000000000 درجة مئوية بعد ده نجض برة وجوة ادي ربك العجب عجين ينفخ.

انقروا ما اكلناهو برانا

ملحوظة:

الكلام ده كان السنة الفاتت..السنة دي ماشاء الله خبيز عديـــــــــــل من ناحية الشكل بس نسينا نكب ملح.

السنة الجاية إن شاء الله نعزمكم وإحتمال يستضيفونا في النيل الازرق.

عليكم الله ما خترين.