إتق الله يا (عمر النقي) ولا تخون الأمانة.

عمر النقي:-

يا لخديعتنا وفجيعتنا فيك!!

عن نفسي فقد تفألت جداً بكتاباتك في الصدى اول أيام صدورها وراهنت عليك دون النظر للونيتك (الزرقاء) وعشقي الأحمر ، وتغاضيت عن كل تجاربنا السابقة مع منسوبي ناديكم(ندنا)

ولكنك بعد قدومك لمنبر إعلامي اخر(التلفزيون) بدأت اول ما بدأت باستعمال كل الأصباغ والألوان في تغير شكل الاستديو وجعلته يبدوا مثل مكان مخصص للهلال فقط..ولا تكذب وتكرر القول انك ورثته بشكله هذا!! وهذا ليس هو الموضوع الأساسي فموضوعنا الأساسي عدالة توزيع الفرص بين ما يخص الفريقين.

فأنت الوحيد الذي لا يعلم بأنك قد كرست كل إمكانيات البرامج لنقل كل ما يخص الهلال وتجاهل كل ما يخص المريخ دون مراعاة للمناسبات المختلفة وأولوياتها فأصبحت(ونسة) أعضاء الهلال أهم من استعدادات المريخ(وياللعجب) وأصبحت إستعدادات الهلال أهم من مباريات المريخ ومباريات الهلال الخارجية التي جرى العرف بأن يتم تسجيلها إذا زامنتها مباراة تنافسية محلية أصبحت أهم لتقطع بث الأهم لتنقل الأقل أهمية وهو ليس اقل أهمية بمعنى الكلمة بل هناك جهات أخرى تنقله في ذات الوقت(ويالسخفك)

للأسف انحيازك السافر ألذي لن ينقص من قدر المريخ بقدر ما سيقلل من شأنك في نظر الرياضيين بكل ألوانهم!

لو كنت تظن أن الانحياز السافر وإستقلال منبر قومي من أجل معشوقك (الهلال) سيزيد من رصيدك فأنت واهم فهذا على اقل تقدير خيانة للأمانة وشهودها أكثر مما يتصور عقلك.

أين الموضوعية التي تناولت بها بعض القضايا في كتاباتك. ولماذا أصابك داء التعصب في مثل هذا الوقت القصير وما حاجتك للعصبية حتى تصبغ حديثك ولون الاستديو بكل ما هو ازرق وتتجاهل شعب كامل لم يطالب بشي سوى العدل.

أول ما لحظناه فيك هو أنك تبدوا شخص عصبي وهذه قد تكون مرتبطة بتعصبك لناديك وأسأل كل من حولك او شاهد نفسك وانت تطل علينا بوجه غير طلق (مصرور) وكأنك قد أتيت لتأديبنا...تحرك في أياديك في توتر و(تصرصر) في وجهك من غير داع!!!

لو كنت مشجع بسيط لعذرناك ولكنك لو لم تكن تدري أصبحت محسوب على الإعلاميين الذين يفترض فيهم الحياد التام في تناول الشأن الرياضي.

والحياد يتطلب منك شجاعة ولا تصدق من يخدعك بقول أن من سبقك كان احمر وإستقل البرنامج لخدمة الأحمر...فالتاريخ شاهد على أبو مهند الذي برع في شي واحد وهو تحري العدالة لعلمه أن البلد منقسم (رياضياً) لشقين وشقيقين(احمر وهاج) و(أزرق دافق)

ويا ليتك تجلس إلى نفسك أولا أو تجلس لتستعرض أي حلقة تمت فيها استضافة اللاعب(الحريف) والمحلل الحصيف و(مستقبل) التحليل الرياضي الواعي كابتن(الرشيد المهدية) لترى الفارق بينك وبينة واتساع الهوة بين عصبيتك وموضوعية الرشيد.

يا سيدي نور الشمس فعلاً لا يحجب بغربال والحقائق والثوابت لا يزيلها التعصب ولا الألوان الاصطناعية...فلا تستمر في طريق( الجور) والفجور.

أما عن مقدراتك في إدارة الحوارات فلن اعلق عليها فهي شي قابل للتحسين إذا تحسن فهمك لطبيعة الاشياء.

وسؤالي الأخر للمسئولين عن هذا المرفق الإعلامي القومي:-

فاز برنامج الرياضة من قبل بجائزة أفضل برنامج فهل تتوقعون أن يكررها في ظل وجود هذا النقي او على الأقل إذا واصل بنفس الأسلوب علماً بان من يعطي التقييم هم الجمهور واغلبهم بغض النظر عن الوانهم عاقل وعادل(وغير منحاز) بل طلاب حقيقة.

وكيف تسمح لكم نزاهتكم المدعاة بان تدعوا الحبل على القارب ليبحر بنا هذا المتعصب في بحور لا نختلف على وجودها ولكن نطمح أن نصل إلى مراقد النجوم بنفس القارب وهو في الوقت الراهن لا يود ان يستقيم به في المسير(عمداً)

ورسالتي لجمهور المريخ الصابر الموجوع المتفرج على ضياع كل حقوقه في وقت أصبحت فيها تضحياته كُثر ولكن لم يجد غير الجحود بمزيد من الصبر ومقاطعة عالم الرياضة والقنوات المحترمة والبرامج المحترمة ومقدمي البرامج و والمحللين المحترفين المؤهلين ليسوا بالشي النادر.

وصوتي الذي لابد أن يصل لأصحاب القرار في المريخ من إعلاميين وأي شخص ذي صله بالحقل الإعلامي أن يدعو العواطف جانباً ويتجردوا من صداقاتهم الشخصية ويتذكروا أن الكيان مستهدف والآلة الإعلامية الزرقاء تواصل زحفها.

أخيرا لإدارة التلفزيون ورقابة البرامج.

اتقوا الله فينا فقد أكتفينا.

شقيقي سامي
مسكاقمي
اولاً نبارك ليك فوز الزعيم التاريخي الكاسح
فرقة الرعب
الزعيم صاحب الكاسات المحمولة جواً
قلعة الكؤوس
مريخ الملايين
ونحن عارفين مقدرات فريقنا الزعيم
والعارف عزو مستريح
أما بخصوص

Quote: في تغير شكل الاستديو وجعلته يبدوا مثل مكان مخصص للهلال فقط..

مخطأ من ظن يوماً أن للثعلب ديناً

الأخ/ سامي عبدالوهاب مكي

كيف حالك؟؟؟

نحن أهل القبيلة الزوقاء نعتقد أن عمر النقي حول المنبر من محايد أيام كمال حامد
إلى منبر أحمر بلون الدم مريخي فقط, حوله من لون مياه النيل إلى لون الدم يا سامي
بل بالأمس وأثناء حضورنا لمباراة الموج الأزرق مع الكبير الزمالك كان ينتقل إلى مباراة
المريخ أحياناً لنقل أهداف المريخ مع العلم أن الهلال دفع مبلغ مائة مليون جنيه سوداني
لنقل مباراته مع الزمالك لنا (الهلالاب) لنستمتع باننائنا وهم يعلمون ناس الزمالك الكورة
هي كذلك يا سامي أرجو أن تراجع مقالأ للأخ عمر الفاروق في تحليل عمر النقي لمباراة الهلال
الأولي مع الكبير الزمالك في مقبرة طلعت فريد وجزئياته التي أتى بها ليقنعنا أنه يحلل
المباراة.

أبوفتحية

ولايهمك ياسامي اصلو الهلالاب كانوا واثقين من انتصار المريخ وكلنا كذلك وهذا مفروض يكون العذر الأوضح وفي الاخير الحمدلله الانتصرنا وتمتعنا رغم الحصل

شالوا كمال حامد جابو النقي؟؟؟؟ برنامج تلفزيوني هو ولا قراية فرع ولا بنك


يعني بالواضح كدا انو انتصار مريخ الإنجازات والإعجازات كان في الجيب يتلفزوها مايتلفزوها برضوا بنحقق الإنجازات وكيه للمابينا.....

منو غيرنا البحقق الإنجازات
منو غيرنا البجيب الكاسات
منو غيرنا البحقق الإعجازات
منو غيرنا بحرز الخمسات


ابومصطفى

يا كيجا
مبروك عليكم فوزكم على فريق القطن التشادي القوي لأن دولة تشاد دولة
معروفة بفرقها القوية وسمعتها الجيدة في كرة القدم الأفريقية
لأن فريها الوطني حقق كأس أفريقيا.

بس ممكن يا كيجا تذكر لي متى كانت آخر مرة لعب فيها المريخ مع فرق شمال
أفريقيا القوية مثل الزمالك, الأهلي, الترجي, الوداد المغربي, الرجاء البيضاوي
الجيش الملكي المغربي؟؟؟؟؟؟؟؟؟؟؟؟؟؟؟؟؟؟؟؟؟

الهلالابي أبوفتحية

انتصرنا على الاهلي القاهري الذي يعتبر الزمالك بالنسبة له وصيف ثابت مثلكم مثل وصافتكم لينا بثلاثة اهداف 2 اثنين لهيثم الرشيد والثالث للعجب تقريبا وهزينا الارض امام الاهلي المعروف

وحتى لانبخس من انتصاركم ارجو ان تراجع هزائمكم في فرق شمال افريقيا الترجي الاهلي النجم ولاداعي نجرحكم في يوم الفرح السوداني هذا

سؤالك هذا للإستهزاء يعني الاهلي شال منكم الكاس في استادكم ولو دا المريخ ما اظن كان يقدروا يشيلوا ولا غطاء الكاس

قال شمال افريقيا قال انتو مفروض لما يجيبوا سيرة شمال أفريقيا دي تلبسوا ليكم .......


والفوز للسودان ونحن الحقد ماعندنا والله شجعناكم وفرحنا ليكم لكنكم دائما بحرقكم المريخ وبتكهروا المريخ اكثر من حبكم للهلال وهو راجل البلد الجاب ليكم كاسات خارجية مفروض يكون هنالك كتاب في المرحلة الثانوية يسمى إنجازات المريخ ...؟

وفريق تشاد هذا يكفي انه تغلب على فريق اهلي ليبيا (ليبيا الانتصرت على الفريق القومي في الخرطوم وكان اغلبه من لاعبي الهلال) افهم الغلوطية دي كويس الكوره

الزمالك الايام دي لو لاقى هلال واو بغلبوا وهذه يعرفها الجميع مثله مثل ريال مدريد حاليا

قالوا الاسد لما يعجز




ابومصطفى

http://www.almshaheer.com/modules.php?name=writers&file...id=2533&&modname=pen

الأخ كيجا
مبروك للمريخ مرة ثانية

Quote: انتصرنا على الاهلي القاهري الذي يعتبر الزمالك بالنسبة له وصيف ثابت مثلكم مثل وصافتكم لينا بثلاثة اهداف 2 اثنين لهيثم الرشيد والثالث للعجب تقريبا وهزينا الارض امام الاهلي المعروف

الكلام دا كان سنة كم يعني ومتى آخر مرة قابلتو فيها فريق من الفرق التي ذكرتها في مداخلتي السابقة
نحن من نقابل هذه الفرق يا اخ كيجا لأننا نحن دائماً في صدارة الممتاز (بس عليك الله ماتجي تقول لي .....)

نحن بالطبع نتشرف بانتصار المريخ على أي فريق غير سوداني ولكن لكل فريق حجمه وإذا قلت لي فريق القطن هزم ليبيا فأنا اقول لك أين تقع الكرة الليبية في الخارطة الأفريقية من الكرة المصرية.

أما بالنسبة لكلامك عن أن فريق الزمالك الأيام دي تعبان فما رأيك أنه تعادل مع الأهلي السعودي المعروف إيجابياً في السعودية وانت طبعاً عارف الكرة السعودية وين حالياً.
الزمالك فريق قوي وكبير ولكن الهلال كبير ايضاً وينازل الكبار دائماً ننتصر أو ننهزم فهذا شأن آخر ولكن لأن الهلال كان قوياً دائماً في البلد يلعب مع الأقوياء في بلادهم.

ولك محبتي

الهلالابي الحر

أبوفتحية

وظلم ذوي القربى اشد مضاضة على النفس من وقع الحسام المهند



طرفة ابن العبد

الحبيب سامي

بطلو الهجمه علي النقي

ياخ ما تشوف البعملوه المريخاب في النيل الازرق

ونسيتو ايام كمال حامد

والاذاعه الان وعبد الرحمن عبد الرسول

دي حركات المريخاب دايما كده يا معاهم يا ضدهم

Quote: ومباريات الهلال الخارجية التي جرى العرف بأن يتم تسجيلها إذا زامنتها مباراة تنافسية محلية أصبحت أهم لتقطع بث الأهم لتنقل الأقل أهمية وهو ليس اقل أهمية بمعنى الكلمة بل هناك جهات أخرى تنقله في ذات الوقت

سلامات يا سامي

كلام أخونا توني بمنتدى المريخ واضح جدا. عمر النقي لا دخل له
ومجلس المريخ رفض تسجيل المباراة ناهيك عن بثها مباشرة.



التلفزيون لم يتحرك لنقل مباراة الهلال والزمالك بالخرطوم إلا عصر يومها
-بعد الاتفاق- مع الهلال مما تسبب في حرمان المشاهدين من الشوط الأول.

ابوفتحية
مبروك عليكم التطور للمرة الثانية وانشاء الله تواصلوا ماتخذلونا زي كل مره في الاخيره عاوزين واحد يشاركنا في كاس خارجي كدا انشاء الله (صفيح)

ياخي زي ماقلت ليك ماعاوزين نبخس من انتصاركم وماهو موقع الاهلي السعودي من الخارطة السعودية ياخي السعودية دي معروف فيها الاتحاد والهلال وماخلا ذلك


عشان كدا نقفل الموضوع دا لهنا وربنا يستركم في المباريات القادمة
اصلوا النقه دي انتو اسياده

موعدنا بعد احراز الكاس


ابومصطفى

الأخ أبومصطفى

Quote: موعدنا بعد احراز الكاس

ونحن معكم على الموعد والتحدي هذه المرة أكبر إنشاء الله.

أبوفتحية

النقي يا سامي واقف معاكم ودي حقيقة انتو ما بتنكروها ..
يلا خلينا من ده كلو بس انا عايز اسعالك سوعال كده ممكن ؟؟
زماااان في كاس العالم لمن تكون في كورتين ملعوبات في نفس الوقت الأولى بين
البرازيل وايطاليا والتانية بين جامايكا وبولندا اها ناس المحطات التلفزيونية بينقلوا ياتا وبيسجلوا ياتا؟؟؟
يا سامي الله يرضى عليك الشغلانة واااااااااااضحة ..
سمح؟

الحبيب سامى لك كل التقدير والاحترام
فى يهودى عندو دين ولا اخلاق لو فى كان الهلالاب عندهم دين واخلاق
ناس الهلال فى غلوهم وتطرفهم وتعصبهم فاتوا اليهود
اما الولد النقى عملها بايخة وعشان هم يثبتوه قالوا متحييز للمريخ عجبى
انت ناس الهلال ديل ما بيخجلوا بيتحدثوا عن الفرق القوية ونسو وتناسوا فى غفلة من الزمن
الستات والخمسات الما بعيدة وفى عهد الارباب الماكضاب نسيتوا الانبراشات والانبطاحات نسيتوا لاعب واحد مصاب ومعصوب القدم اصاب مرماكم فى 15 دقيقة لوحده خمسة مرات دا لو ما رابط كراعوا كان سواء
فيكم شنو
انتو حتى الفرق الاردنية والسورية بتعرفكم بالاسم البطولة العربية بجدة والتى كان الديبة مدربا للهلال والذى صرح بعد مباراة مشهورة هزم فيها الهلال ب5/1من فريق اردنى وفى المؤتمر الصحفى اعلن ان ليس لكرة القدم السودانية اى ماضى وفى السودان مافى كورة هذا كلام ولدكم الشقى حصل ولا لا يا عزيزى عمر الفاروق قال البرازيل ؟؟؟؟؟ الله يستر بكرة ما تقولوا جوليت احسن من روبرتو كارلوس وانتو
حاسدين
حاقدين
خونة
مرتشين
دجالين
مشعوذين
لا امان لكم
وعندكم الغاية تبرر الوسيلة
واصدقك القول انا لا اامن الهلالابى حتى ولو حلف على المصحف سيبك من الطلاق الاصبح عندكم زى شرب الماء ولو مكذب اسأل الارباب الما كضاب
لا امان لكم

مهدي الصادق السيد

ماقلت الا الحق لكن ارجع واقول انهم كانوا واثقين كما نحن واثقين من انتصار المريخ اكتر من ناس الخمسات والستات

السعال ليك ياود الفاروق

اذا كان الزمالك زي مابتعرفوا زمالك زمان
ودخل القون الأول
ودخل القون الثاني
ودخل القون الثالث
ودخل القون الرابع

هل كان يواصل التلفزيون السوداني المباراه

او يكتب شريط ويقول (نأسف للأخوة المشاهدين "المسلسل تم عرضه من قبل)


جمال الوالي مستعد يدفع فلوس نقل المباراتين كما دفع من قبل للاسماعيل من اجل اللعب للهلال هو كمان ما انسان قلبوا ابيض مش مقضيها كلها (شداد وعاوز اسقط شداد وكل يوم ناطي ليه في مدينة عشان يسقط شداد )


واذا عدتم عدنا


التحية ليكم يامريخاب

وفوووووووووووق فووووووووق مريخنا فووووووووووووق


ابومصطفى

الأخ مهدي السيد

Quote: انت ناس الهلال ديل ما بيخجلوا بيتحدثوا عن الفرق القوية ونسو وتناسوا فى غفلة من الزمن الستات والخمسات الما بعيدة وفى عهد الارباب الماكضاب نسيتوا الانبراشات والانبطاحات نسيتوا لاعب واحد مصاب ومعصوب القدم اصاب مرماكم فى 15 دقيقة لوحده خمسة مرات دا لو ما رابط كراعوا كان سواء

نحن انهزمنا منهم ولكن بعد أن هزمناهم في قلعة طلعت فريد بأمدرمان
نحن نهزمهم هنا ويهزمونا هناك

ولكن يا أخ مهدي بالله اديني اجابة واضحة وصريحة

متى كانت آخر مرة قابل فريقكم المغمور المريخ فريق من دول شمال افريقيا وانتصر
عليها ذهاباً وإياباً

خليك من كدا يا مهدي متى لعب فريقكم المسمى بالمريخ مع أندية دول شمال أفريقيا
خليني من مباراة الاسماعيلي الأخيرة دي

أبوفتحية

ما ليك الحق يا ابو فتحية ياخ :
الجماعة ديل لعبو مع فريق من شمال افريقيا إسمو وفاق سطيف..
أداهم تلااااااااااااتة مسامير زي السم ..
ما تشوف الجعجعة دي الخمسات جربوها والاربعات جربوها والتلاتات جربوها والإتنين جربوهو المسمار جربوهوا..
لكن خلّي واحد منهم يجي يتفاصح هنا ويوريني :
من ما أسسو المريخ لحدّي أسة ياتو يوم أخرجوا فريق مصري من البطولات سواء عربية أو أفريقية ..
والسؤال ليك يا كيجا الشابكنا إن عدتم عدنا ..
أها عدنا ليك بالسؤال ده جاوبوا عدييييييل يا قول الروب ما حصل أقصينا فريق مصري ..
الله يرضى عليك جاوب على السؤال ده بدون لف ودوران وبعدين تعال نشوف حكاية الكاسات وسيد البلد وراجل المرا وووو ..
سمح ؟

كتب الصحفي المريخابي علم الدين هاشم بصحيفة قوون قبل أيام:

أسة دي يقولوا فيها شنو ؟؟؟
تعرف يا سامي الحادثة دي أكدت وبما لا يدع مجالاً للشك إنو عمر النقي لايزال يترصد الهلال ويطبل للمريخ!!
يعني يا سامي فريق دافع قروشو من قبل اسبوع وحسم موضوع نقل المباراة وهو فريق الهلال ..
وفريق قال للتلفويزون عدييييييييل كده ما تنقلوا الكورة وابيييييييييينا ما بنخليكم تخشوا
ورغم ذلك يصر عمر النقي على تلفزوة مباراة المريخ ويسكهم ويحنسهم ولو بلقطات!!!!!!
ياخ هو مالوا ومالهم طال ما في فريق دافع القروش وحاسم الموضوع !!!
الان حق لنا نحن كجمهور الهلال ان نشتكي عمر النقي الذي افسد متعتنا بمشاهدة مباراة في مستوى هلال زمالك ثم يزغلل عيوننا فجأة بمبارة في مستوى المريخ القطن(عوووووووووووووووووووع ) ..
نعم حق لجمهور الهلال ان يحتج وهو الذي دفع هذا المبلغ الكبير من أجل ان تتمتع قاعدته الجماهيرية وكأني بالإدارة أنها كانت واثقة من هذا العرض الجميل والراقي..
لماذا يصر عمر النقي على ملاحقة ادارة المريخ من أجل نقل المباراة ..
لماذا يصر النقي عى عرض ولو لقطات للمباراة ؟؟
ويبقى السؤال الأكب ماذا لو نجح عمر النقي في إقناع إدارة المريخ بنقل المباراة ؟؟؟
نعم يا سامي كان سيفضل نقل مباراتكم على مباراة الهلال والزمالك !!!!!!
بالمناسبة يا أحم راجع ما جاء في جريدة (السوداني) على لسان إدارة المريخ بصوص إنو النقي برئ ونحن غلنا نسوق لي مباراتنا من الشركات الراعية التي دفعت فقط 25 مليون بينما دفعت للهلال 100 مليون ..
ويجوا يقولوا ليك الطريفي ما زول النصيحة !!!!

Quote: بالمناسبة يا أحم راجع ما جاء في جريدة (السوداني) على لسان إدارة المريخ بصوص إنو النقي برئ ونحن غلنا نسوق لي مباراتنا من الشركات الراعية التي دفعت فقط 25 مليون بينما دفعت للهلال 100 مليون ..

هذا ما أكده محمد جعفر قريش.. وكلامه فيه براءة للنقي..

تخريمة:
الحبيب مهدي الصادق.. طلعنا يهود عديل.. يا زول إستغفر الله.. أها إمامك الصادق المهدي ذاتو هلالابي أها دي يحلوها كيف.،
خلو الغلو والتطرف.. الرياضة .. تسامح وأخاء

هاكم محمد عبد الماجد ده بدل مزمل..

Quote: عندما يركب علاء الدين بابكر الطائرة فاننا نسمع بعد ذلك قصائد غزل وشكر في شجاعة علاء الدين بابكر الركب الطيارة· * يعني في كل سفرية ح تسمعوا لينا القصائد دي!! * بالله علاء الدين دا بقوا يشكروه في الطيارة اكثر من تشكيره في الملعب!! * انا ما عارف الزول دا عاوزين تبقوا كابتن فريق كرة القدم ولا كابتن طيران· * يا جماعة روقوا شوية!! ما تعملوها ظاهرة!! * انتوا وين انور السد؟؟ * وين قلق؟؟ * الواحد ما يسأل عني!! * في الاهرام الرياضي مكتوب المقاولون العرب يواجه الزمالك بطريقة الهلال· * طريقة الهلال في مصر بقى يخوفوا بيها عديل!! * طريقة ريكاردو بتدرس في شمال الوداي!!! * الهلال دا مفروض يعمل ليه فرع في القاهرة طالما هنالك شعبية كبيرة للهلال في مصر!! * دخل الهلال وجماهيريته في البطولة الافريقية داخلياً وخارجياً ضربت الارقام القياسية· * جنس جمهور!! * القاهرة من ام درمان بقينا ما نعرف على طريقة ادروب!! * الفضائيات العربية خلاص عاوز تبطل اخبار فلسطين والعراق ودارفور وتقبل على محترفين الهلال· * كليتشي (قطعوا) ليه فانيلته مرتين وبرضو جاب قونه!! * بن ذكري مدافع الزمالك التونسي قالوا ليه امسك كليتشي مسك القميص!! * في واحد سألنا قال تعال هنا انت قودوين دا ليه وقف قبل ان يسدد الكرة في شباك الزمالك؟؟ * قلت الزول دا وقف عشان يسأل عبد الواحد السيد ويقول ليه عاوز الكورة في ياتو حتة!! * انتوا ما شفتوا عبد الواحد السيد المباراة كلها يضحك!! تقول هلالابي!! * الهلال غلب الاهلي القاهري في ارضه ووسط جمهوره وتعادل مع حرس الحدود في الاسكندرية وتعادل مع الزمالك في القاهرة!! * ليهم حق المصريين يتعقدوا من الهلال· * ما اجمل انتصارات الهلال في ليالي المولد!! * تبقى للهلال خطوة ليبلغ مرحلة المجموعات!! * خبر عاجل: مدرب الشلف طلع عندو (موتر)!!!