Post: #1
Title: مسطول قال:
Author: سامى عبد الوهاب مكى
Date: 03-08-2007, 07:04 AM
Parent: #0
مسطول خطيبته قالت ليه أنا أهم حاجة عندي (ألإخلاص) قال ليها وأنا أهم حاجة عندي الحمدو(هههههه)
مسطول حضن الزير وقال ليه أزيك يا مرطب!
|
Post: #2
Title: Re: مسطول قال:
Author: أبو الحسين
Date: 03-08-2007, 07:43 AM
Parent: #1
وااااااااااااحلالي الليلي صديقي سامي فااااااااايق ورايق من الصباح...
الله يديم البسمة يا غالي...
قُلت لي حضَن الزير!!!
كميات مودتي...
أبو الحســــــــين...
|
Post: #3
Title: Re: مسطول قال:
Author: محمد فرح
Date: 03-08-2007, 11:08 AM
Parent: #2
مسطول سألوهو رأيك شنو في ظاهرة الزواج المبكر
ردقال : حوالي الساعه كم كده
|
Post: #4
Title: Re: مسطول قال:
Author: نادر محمد الراضي
Date: 03-08-2007, 12:04 PM
Parent: #3
مسطول سايق ركشة وراكبين معاو بنات ...
قالوا ليهو لف بي هنا ...
قال ليهم لفوا إنتوا .. انا ساايق ...
|
Post: #5
Title: Re: مسطول قال:
Author: سامى عبد الوهاب مكى
Date: 03-08-2007, 12:23 PM
Parent: #1
مسطول شاكل امه مشي جاب كرتونة لبن وقال ليها دا البيني وبينك
|
Post: #7
Title: Re: مسطول قال:
Author: نادر محمد الراضي
Date: 03-08-2007, 12:28 PM
Parent: #5
مسطول زوجته قالت ليه ليك ساعتين وإنتَ بقرأ عقـد زواجــــــنا بتفتش في شنو ؟؟
قال ليه بفتش في تاريخ إنتهاء العقـــــــــد . ...
|
Post: #9
Title: Re: مسطول قال:
Author: نادر محمد الراضي
Date: 03-08-2007, 12:37 PM
Parent: #7
مسطول سايق رقشه (غير حقك الفوق دا) جاو واحد
قال ليو:نادى الاسره
قال ليو:ناديهم براك ......
---------------------------------------------------
مسطول ركب حافلة لقي واحده عجبتوا
لمن نزل شال نمره الحافلة
---------------------------------------------------
مسطول ضيع أمه في السوق مسك واحد وسأله:ماشفت واحده تمشي مامعاها واحد يشبهني ...
---------------------------------------------------
واحد مسطووووول جرس الباب عندهم ضرب ...
أمو قالت ليهو امش شوف منو برا ... ما لقى زول ...
قام جا راجع ... أمو سألتو من الكان في الباب ..
قال ليها : لا لا ... دا زووول عمل مسكووووول ..
----------------------------------------------------
مسطول عينهو مدير لدار الايتام اول يوم طلب اجتماع مجلس الاباء ....
ونوااااااااصل ... 
|
Post: #6
Title: Re: مسطول قال:
Author: سامى عبد الوهاب مكى
Date: 03-08-2007, 12:26 PM
Parent: #1
مسطول قال لي مرته والله الدنيا دي بقت زي جنينة الحيوانات:
الواحد يصحي من النوم زي الديك ويمشي يشتغل زي الحمار ويجي راجع البيت زي الكلب وفي النهاية قاعد ليهو مع بقرة
|
Post: #25
Title: Re: مسطول قال:
Author: أبو عبيدة البصاص
Date: 03-08-2007, 02:01 PM
Parent: #6
| Quote: وفي النهاية قاعد ليهو مع بقرة |
اخوي سامى عبد الوهاب
سؤال لغم
الايام دي في عيد شنو
ذكرتني بي قصة
الاحوص الوقع من الحيطه جلى الواطه
نمش لي قدام
|
Post: #8
Title: Re: مسطول قال:
Author: سامى عبد الوهاب مكى
Date: 03-08-2007, 12:30 PM
Parent: #1
حقيقة شايفك قدامي من زماااان وماقادر اوصل ليك!!
وكل ما احاول اقرب منك اخاف تجرحيني!!
ومرات كثيرة افكر فيك القاكي انتي جارية وكل ما اسعى افهمِك القاكي بتلفي وتدوري!!
فهميني الحاصل شنو؟؟
مسطول بتكلم مع مروحة
|
Post: #10
Title: Re: مسطول قال:
Author: سامى عبد الوهاب مكى
Date: 03-08-2007, 12:40 PM
Parent: #1
فار إنسطل نام لمن صحي لقى جنبو كديسة ميتة قال هيع انا عاااارف روحي لمن اغضب كعب
|
Post: #11
Title: Re: مسطول قال:
Author: willeim andrea
Date: 03-08-2007, 12:47 PM
Parent: #1
سامي بطل ركوب الافيال وخلي حركات طرزان دي......
|
Post: #12
Title: Re: مسطول قال:
Author: سامى عبد الوهاب مكى
Date: 03-08-2007, 12:58 PM
Parent: #11
إنتو لمو افيالكم عليكم وبعد داك لو ركبتها لوموني
|
Post: #13
Title: Re: مسطول قال:
Author: سامى عبد الوهاب مكى
Date: 03-08-2007, 12:59 PM
Parent: #1
بسم الله
واحد قال لأصحابه علموني كيف أغازل قالوا ليهو البنات لازم تأخذهم بالسياسة تاني يوم شاف واحدة عجبتو قال ليها اسمعي يا حلوة أخبار العراق كيف ؟
|
Post: #14
Title: Re: مسطول قال:
Author: سامى عبد الوهاب مكى
Date: 03-08-2007, 01:02 PM
Parent: #1
قالوا ليك مسطوووووووووووووول كل ما يلمس مكان فى جسمه يوجعه... مشى المستشفى لقو أصبعو مكسور
|
Post: #15
Title: Re: مسطول قال:
Author: محمد فرح
Date: 03-08-2007, 01:06 PM
Parent: #14
سامي عبدالوهاب
الله يقرحك ياحبيب
قالوا سواق تاكسي مسطول جوهوا بنات قالو ليهو ياعمو نحنا ماشين المزاد قالليهم خلاص أمشوا لكن ماتتأخروا
|
Post: #28
Title: Re: مسطول قال:
Author: شهاب الفاتح عثمان
Date: 03-08-2007, 02:34 PM
Parent: #14
نحو مزيد من البسمات
with u all.
|
Post: #16
Title: Re: مسطول قال:
Author: سامى عبد الوهاب مكى
Date: 03-08-2007, 01:07 PM
Parent: #1
رباطابي مطول مرتو ولدت ليهو ولد يشبهو الخالق الناطق شاف الشافع قال لي مرتو إنت بطنك دي فيها رحم ولا مكنة تصوير ؟.
|
Post: #17
Title: Re: مسطول قال:
Author: سامى عبد الوهاب مكى
Date: 03-08-2007, 01:10 PM
Parent: #1
واحد مسطول جابو للقاضي .. القاضي قال ليه لو قلت لي عشرة حاجات تعملا من الصباح تبدأ بحرف الباء بفكك ... المسطول قال ليهو : بجيبها - بختها - بفتفتها - بلفها بولعها - بشربها - بتكيف - بنسطل - بطفيها - بنوم.
دي قووووية
هي هخي هي هي يهي يهي
|
Post: #18
Title: Re: مسطول قال:
Author: سامى عبد الوهاب مكى
Date: 03-08-2007, 01:15 PM
Parent: #1
مسطول راكب حافلة جاته واحدة بالشباك قالت ليه : وين ؟ قال ليها قاعدييييين والله .. إنتي الما ظاهرة !!
دي بكرتين
|
Post: #19
Title: Re: مسطول قال:
Author: سامى عبد الوهاب مكى
Date: 03-08-2007, 01:18 PM
Parent: #1
مسطول مرتو ولدت بعد اسبوع من العرس، الناس سألو الكلام ده كيف يا زول ؟ قال ليهم : اهه الحسد بدا !
|
Post: #20
Title: Re: مسطول قال:
Author: سامى عبد الوهاب مكى
Date: 03-08-2007, 01:24 PM
Parent: #1
تلاته فيران مساطيل وكضابين:
الاول قال : انا اقوى واحد فيكم انا سم الفار بشربوا مع شاى الصباح
التانى قال : انا باكل الجنبة من الشرك
التالث قال : عن اذنكم يا جماعه
قالوا ليه وين ماشى
قال ليهم انا مجكس كديسة
|
Post: #21
Title: Re: مسطول قال:
Author: Abdulbagi Mohammed
Date: 03-08-2007, 01:39 PM
Parent: #20
سلامات يا سامي
و متابع بمزاج
واصل و تحياتي للأولاد
بقة
|
Post: #22
Title: Re: مسطول قال:
Author: سامى عبد الوهاب مكى
Date: 03-08-2007, 01:55 PM
Parent: #21
Quote: سلامات يا سامي
و متابع بمزاج
واصل و تحياتي للأولاد
بقة |
بقة مشتاقين
هاك واحده هدية:
مسطول كان ماشى لقى الناس بصلوا فى (زاويه) و الارضية كانت برش قام صلى معاهم، بعد الصلاة خلصت الناس مشت الا الامام و المسطول كان غالبو يقوم ، قام الامام قال للمسطول : يا ولدى يلا لفها، المسطول : يا مولانا انت جادى ؟؟
|
Post: #23
Title: Re: مسطول قال:
Author: سامى عبد الوهاب مكى
Date: 03-08-2007, 01:57 PM
Parent: #1
مسطول سأل الدكتور قال ليهو : «فهمني كيف تحللوا البول وتحرموا الخمرة ؟؟ !!..
|
Post: #24
Title: Re: مسطول قال:
Author: سامى عبد الوهاب مكى
Date: 03-08-2007, 02:00 PM
Parent: #1
مسطول مرتو ماتت قالوا ليه نديك اختها قال بالله ديل نسابه ولا شركه تأمين ..
|
Post: #26
Title: Re: مسطول قال:
Author: سامى عبد الوهاب مكى
Date: 03-08-2007, 02:07 PM
Parent: #1
مسطول اتصل بوكالة سفر سال السكرتيرة ( لوسمحتى الرحلة بين السودان وكندا بتاخد كم ساعة ؟) قالت ليهو ( لحظة بس) قال ليها ( طيب شكككرا)
|
Post: #27
Title: Re: مسطول قال:
Author: Abdulbagi Mohammed
Date: 03-08-2007, 02:31 PM
Parent: #26
هاك واحده هدية:
تشكر لى الهدية ما عندك شيخ اب زيد
|
Post: #30
Title: Re: مسطول قال:
Author: Salah Abdulla
Date: 03-09-2007, 08:52 AM
Parent: #29
يا سامي ،، إزيك
سؤال : إنت قعد تجيبو من وين ؟؟
| Quote: قالوا ليك مسطوووووووووووووول كل ما يلمس مكان فى جسمه يوجعه... مشى المستشفى لقو أصبعو مكسور |
دي بالغت فيها ((((( النكتة شديييييييدة ، والبتاع برضو شديييييد)))))
والله قطّعت مصاريني بالضحك ..
الله يريّحك ..
صلاح عبدالله
|
Post: #31
Title: Re: مسطول قال:
Author: فيصل محمد رشوان
Date: 03-10-2007, 05:22 AM
Parent: #30
قالوا واحد مسطول مشى هو وأمه وابوه عشان يخطبوا بت مرطبة شديد وبعدين في جماعة فرده راجينو منتظرين الشمار
لمن جاه الجماعة قالوا ليه ورينا الحصل شنو اوعى يكون حرجوك بس ؟؟؟؟
قال ليهم والله فيفتي فيفتي ...
قالوا كيف يعني
قال ليهم أنا وأبوي وأمي موافقين
وهي وأمها وأبوها ما موافقين...
** مسطول تاني قال ليهورأيك شنو في المراة (العصرية) ؟؟؟
قال ليهم لوطلعت بعد المغرب أحسن .
|
Post: #32
Title: Re: مسطول قال:
Author: سامى عبد الوهاب مكى
Date: 03-11-2007, 03:43 PM
Parent: #1
حا اهريكم
الحاجات دي كلها لقيط ساااكت من هنا ومرة من هناك
|
Post: #33
Title: Re: مسطول قال:
Author: على محمد على بشير
Date: 03-11-2007, 05:35 PM
Parent: #32
اثنين مساطيل .. راكبين عربية الأول سايق والثاني راكب ورا .. الراكب ورا سطل سطلة شديدة ..
ماشين في شارع النيل .. السايق شاف الشجرة (مضروبة جير أبيض نصها التحت) أفتكرها عسكري حركة .. راح واقف .. لما شافها شجرة ضحك وطلع طوالي ..
بعد مسافة الثاني من ورا .. قال ليه .. التافه دا قال ليك شنو ؟
في مسطول قال لي زميلو: أمبارح اليوم كلو بالي مشغول
رد عليهو زميلو : يمكن يكون في زول رافع السماعة
واحد مسطول قاعد جنب ابوهو الاب قال لي ولدو يا ولد جيب لي مويه اشرب الولد ابي وعمل مصهين المسطول قال لي ابوه ده ولد قليل ادب امشي اشرب وجيب لي معاك يا ابوي
|
Post: #34
Title: Re: مسطول قال:
Author: على محمد على بشير
Date: 03-11-2007, 05:52 PM
Parent: #33
واحد مسطول
مرته قالت ليهو جارنا كل ما يكون ماشى الشغل بيبوس مرته وهو طالع
انتا لييه مابتسوى كدا ؟
قال ليها تفتكرى هى بتوافق انى ابوسا وانا طالع
|
Post: #35
Title: Re: مسطول قال:
Author: Mustafa Shogar
Date: 03-11-2007, 10:36 PM
Parent: #34
واحد مسطول واقف جنب البئر وكمان بضرب فى سجارة -بنقو ذاتو-سطلة فوق سطلة
عين كده شاف ناس الشرطة جايين طوالى رما سجارة وجدع نفسه فى بئر بدل
يعمل العكس.
ورطة كيف
|
Post: #36
Title: Re: مسطول قال:
Author: سامى عبد الوهاب مكى
Date: 03-14-2007, 12:35 PM
Parent: #1
مسطول عندو حجاب يلبسو بالنهار ويدسو في المصحف بالليل!
سالوه ليه؟؟
قال عشان يشحن.
قديـــــــــــــــــمة
|
Post: #37
Title: Re: مسطول قال:
Author: سامى عبد الوهاب مكى
Date: 03-20-2007, 12:06 PM
Parent: #1
الفرق بين فيلم أمريكى ومصرى ومكسيكى وهندى !!
فيلم أمريكي
سيارة مسرعة تصدم كلب إمرأة عجوز
يصاب الكلب تتصل العجوز بـ 911 ــ
ثلاثة سيارات شرطة تطارد سيارة المشبوه التي تنطلق بسرعة
يراوغ المشبوه من سيارات الشرطة ...
يطير فوق سيارة الشرطة الأولى
فتصدم باص طلاب مدارس
يسبح تحت سيارة الشرطة الثانية فتسقط في النهر وتغرق
بقيت سيارة واحدة ... إنها تستمر بالمطاردة
يطلق الشرطي المقدام النار على عجلات سيارة المشبوه ..
فتنفجر العجلة لتتقلب سيارة المشبوه ثم ترتطم بمحطة للوقود ........ بوم
نال المشبوه جزاءه ومات حرقاً
النتيجة = تضرر باص مدرسة وسيارة الشرطة الأولى وموت تلميذ + غرق
الشرطين وسيارتهما + موت
المشبوه
وحريق بالمحطة + وقبلة في النهاية بين اثنين ليس لهما أي علاقة
بالموضوع
فيلم مصري
بحبك يا زيزي " _ " بحبك يا حنفي بس لازم شقة لو حتى أوده واحدة كفاية"
حنفي في الشركة يعرض عليه رشوه ويقول : " أنا ما أبعش ضميري "
العصابة تلاحق حنفي وتبدأ المطاردات
أصوات تشحيط عجلات السيارات وهي تمشي بسرعة 10 كيلومتر
حنفي يموت قائلاً العبارة الشهيرة :ــ
أتـلـتـني يا مجرم "
فيلم مكسيكي مدبلج
روزاليندا عندها من الفريد خمسة أولاد وهي حامل السادس
قرر الاثنان بأن يتزوجا
أما ماريا فهي حامل
من أخو زوجها رينالدو إلا أن زوجها لا يدري ،
ولوسيانا تريد أن تتزوج من إغناسيو إلا أنها لا تعلم أن ابن عمها
هو خالتها .. ــ
ينتهي المسلسل بعد حوالي عشرة قرون حيث تحل جميع المشاكل في آخر
خمسة دقائق من الحلقة الأخيرة .. ــ
فيلم هندي
يحبها وتحبه
تغني له ربع ساعة
يغني لها ربع ساعة
فجأة كل الذين حولهم يبدأون بالرقص.. وتظهر أصوات الموسيقا لا أدري
من أين
وهم
في الجبل
ابو البنت يغضب من بنته التي أحبت ذلك الشخص الفقير ، ثم يقوم
يحبسها
يأتي حبيبها إلى نافذتها ويغني لها ربع ساعة ، تغني له ربع ساعة
وفجأة يبدأ الحراس وأبو البنت بالرقص
تأتي صديقة البنت لتزورها في غرفتها
... وتسألها عن حبيبها
البنت تغني ربع ساعة ورفيقتها تغني ربع ساعة
يسمع الأب ابنته وهي تغني
فيرحمها ويعفو عنها
يتجه الأب لبيت حبيبها ويطلب منه يزور بنته ويوافق على زواجهم
يهرول الحبيب فرحان إلى حبيبته ويغني لها ربع ساعة تغني له ربع
ساعة
ويبدأ خدم البيت بالرقص
يعود ابن عم البنت من السعودية تاركاً عمله هناك
لم يعجبه الوضع .
فقام بقتل حبيب الفتاة تصيح الحبيبة وتبكي على قبر حبيبها
ثم تغني بحزن ربع ساعة ثم تموت ...لم ينته الفيلم هنا
روح الحبيبة وروح الحبيب تجتمعان وتغنيان ساعة وربع
|
Post: #38
Title: Re: مسطول قال:
Author: جمال ادريس
Date: 03-20-2007, 04:55 PM
Parent: #37
..... مسطول قالوا ليهو اتبرع لمستشفي الصدر
قام اداهم ستيانة !!!!!!
|
Post: #39
Title: Re: مسطول قال:
Author: سامى عبد الوهاب مكى
Date: 03-26-2007, 01:36 PM
Parent: #1
قال شنو
|
|