هل يفعلها ((هيثم مصطفي)) ليعيد ذكرى ((كمال عبد الوهاب))!!

سحب عمداً بسبب مداخلات الفاقد الوطني الكحلي

الهلال قد يفعلها ويفوز يا سامي وبعدد كبير من الأهداف ولكن تبقى الخطورة في ان الفريق النيجري يمكن ان يسجل في مرمانا في ظل وجود خالد جوليت العشوائي وريتشارد البطئ في بعض الاحيان ..
والهدف الواحد يكلفنا خمسة اهداف ..
الهلال إن شاء الله قادر بأن يفوز على الفريق النيجيري في قلعة طلعت فريد وتلقين اموكاشي درس لن ينساه فقط علينا ان لا ننسى الدفاع ..
وبمشيئة الله منتصرين ..

يا عمر نتكلم بصراحة المهمة ابداً ما مستحيلة ابداً ابداً..

فقط لاعبين باعصاب هادئة ولاعب مندفع ولا هش ماااااااينفع!!

Quote: لانتقم لنفسي ولشعاري ولبلدي التي لم تسلم من لسان المدرب الفصيح.

عزيزي سامي

تأكد لو ارتقى اللاعبين بروح المسئولية ولو بنسبة ضئيلة الى ما حمله بوستك اعلاه سيتحقق النصر لا محالة وعندها يكتمل الهلال بدراً .... وهذا ما نتمناه

الرائع سامي,حتي نخرس اموكاشي علي الهلالاب ان يفعلوها بشرط ان يخرجوا من وهم التصنيف,ونحن بدورنا نكاوي حتي نستفزهم ليفعلوها,ياخوي شن جاب كمال عبد الوهاب لهيثم مصطفي

دا كلام عقل يا سامي...لكن المشكلة في الكورة زاتا...حا اصل لي وين؟

الأخوة الكرام
كلكم تعلمون هلاليتي الصارخة
ولكن وبكل صراحة يساورني شعور غير طيب تجاه هذه المباراة (الله يكضب الشينة)
لست متفائلاً بعبور الهلال.
فرط اللاعبون والإدارة والجهاز الفني في المباراة هناك

يار ب تنصر الهلال على الفريق النيجيري بعدد وافر من الأهداف وتدينا التأهل.
اعذرني يا عمر الفاروق ويا هلالاب ولكن هذه هي حقيقة ما اشعر به وأسأل الله أن
يكون هذا الاحساس شيطاني مخطيء.

أبوفتحية

سامي العزيز ...
حبي وتقديري ...

Quote: فهل يفعلها هيثم مصطفي ليعيد ذكرى كمال عبد الوهاب!!

والله حرام عليك !!!!

كمال عبد الوهاب اسطورة لا يمكن أن تتكرر ..

ولا توجد أي علاقة بينه وبين هيثم الصادق ..

ليس فس الكورة ، فهذه مستحيلة ..
بالرقم من اننا لن نشاهد كمال كثيرا ..

ولكن في الأخلاق ...

كمال عبد الوهاب لم يخنق الحكام ..
ولم يسئ لاعلام المريخ ، ويصفه بالبائع
لقلمه بأبخث الأثمان ...

أنظر لهذا العجوز المتصابي هيثم الصادق
تجده ، طرد في مباراة مع الصومال وهو كابتن
المنتخب !!!!!
والآن محروم من اللعب مع فريقه بسبب الكروت ..
وغيرها وغيرها من فضائح هذا المخرف ..

عنوانك خبيث يا عزيزي سامي
لأنك تعلم أنه لا وجه شبه ، ومستحيل ذلك ..

شن جاب لي جاب ؟؟

سلامات يا سامي

في فرق أساسي:
فريق فاطيما من دولة إفريقيا الوسطى التي لا وجود لها كرويا، فوز
المريخ عليه بأمدرمان عادي جدا ولا داعي لوصفه ب[الملـحمة] وتجاهل
الهزيمة أمامه ببلده! بعكس فريق Nassarawa الذي يمثل نيجيريا ذات
السمعة الكروية [العالمية]، أنا طبعا لم أشاهد المباراة ولم أحكم
على Nassarawa إلا من واقع كونه [نيجيريا].

أقرب الأمثلة شبها بمأزق الهلال الحالي هو إقصاء المريخ لباماكو المالي
بركلات الترجيح بعدما تبادلا الفوز 3-0 كل في ملعبه، شاهدت مباراة
أمدرمان وعجبت يومها كيف خسر المريخ أمام هذا الفريق المتواضع
بثلاثية؟!

سنشاهد مباراة الهلال وNassarawa بأمدرمان وسنعلم وقتذاك إن كان
فريقا متواضعا أو فريقا ذا شأن، من يدري... ربما يكون [إنيمبـا] آخر!
ليس لإنيمبـا تأريخ يذكر قبل عام 2001 حين فاز بالدوري النيجيري الممتاز
لكنه فاز بكأس إفريقيا عامي 2003 و2004 متغلبا على الإسماعيلي
المصري ثم النجم الساحلي التونسي على الترتيب.

Quote: أنظر لهذا العجوز المتصابي هيثم الصادق تجده ، طرد في مباراة مع الصومال وهو كابتن المنتخب !!!!! والآن محروم من اللعب مع فريقه بسبب الكروت .. وغيرها وغيرها من فضائح هذا المخرف ..

ومنو القال ليك كمال عبد الوهاب ما اخد ليهو كرت أصفر ولا كرتين صفر ولا تلاتة ؟؟؟
كمال عبد الوهاب يا سيدي العزيز نعرفه جيداً ومن السهل اننا نتكلم عنو ونطلع الإشاعات زي ما انت بتعمل ..
احمد الريح قبل فترة جاب ليك كلام انت كتبتو ولمن قال ليك أثبتو لينا كبيت الزوغة ..
ولمن قلت لينا نحن بتاعين اشاعات ليس اكثر وبتاعين شمارات احمد الريح(الله يديهو العافية) جاب ليك وبي البرهان انك انت بتاع الشمارات وبتاع القوالات ..
يا زول تطير السما تقد الواطـــة هيثم مصطفى لاعب من الزمن الجميل وامتداد لي العمالقة والموهبين في الميادين السودانية وحالياً هو أفضل لاعب في السودان ..
وبعدين الزول ده لاعب كورة ما إمام جامع عشان تجي تشبكنا الاخلاق والتربية والتعليم والتوجيه ورياض الاطفال..
خلينا من الرياضة سلوك واخلاقيات والذي منو فماردونا احرف لاعب في العالم والجميع يعترف بذلك ورامين الاخلاق دي بي هناااااك وبيليةبتاع الاخلاق ده في الاستفتاء الجماهيري في العالم جا وراهو ..
نحن في انتظار انك تثبت لينا كلامك البتكتبو عن هيثم مصطفى ده وهل هو إشاعات ولا عندك دلائل تمتلكها ؟؟؟
يلا يا بتاع الشمارات جيب لينا من جوة..
بالمناسبة ما ناسيك وما زايغ منك في موضوع كاس السودان وال17 سنة بخيتو وسعيدة عليكم والتمثيل في الكونفدرالية ورانا مبروك عليكم ..
قال ادريس الجريف قال ؟؟؟؟
ما زمان شابكننا الثعلب ويور ...
اسة بقيتو ما دايرين تحسبو قون ادريس الجريف؟؟؟؟؟؟
خلاص يا زول ولا تزعل ..
ادريس الجريف شقيق خالد وعمر بخيت ..مو ياهو ؟؟؟
قلت لي ما نحسبو ؟

الفاروق ...
ما تزعل الزعل ما كويس ...
والله لو عارف الكلام دا بزعلك ما كان كتبتو ..

Quote: ومنو القال ليك كمال عبد الوهاب ما اخد ليهو كرت أصفر ولا كرتين صفر ولا تلاتة ؟؟؟

الكرت في حد ذاتو ما هو المشكلة ..
يا صاحبي ، المشكلة في الاحساس الكضاب
بالعظمة ...
ولو ملاحظ كل الكروت اللي بياخدها هيثم الصادق
بكون فيها التحكيم أجنبي !!!!!
عارف ليه ؟؟
لأنو لا يعرف من هو هيثم الصادق ..
ويتعامل معه زيو وزي أي خردة
في الهلال ..
وحينها تتكشف لهيثم حقيقته ...
حقيقة انه قائد فاشل ...
يرهب الحكام في السودان اعتمادا على جمهور الهلال

وهنا تأتي العدالة ...
فيطرد ضد الصومال !!!!
الصومال يا أخوانا ؟؟؟
بتكون مبلوعة لو كان لاعب ضمن ال11
لكنه كابتن الفريق ...
ويظل هيثم الصادق في ضلاله ، أيضا
فياخد انزارين في تلاتة مباريات أفريقية
وهو كابتن الفريق ...
يعني ناس علاء الدين ياخدوا كم كرت ؟؟؟

Quote: ولمن قلت لينا نحن بتاعين اشاعات ليس اكثر وبتاعين شمارات احمد الريح(الله يديهو العافية) جاب ليك وبي البرهان انك انت بتاع الشمارات وبتاع القوالات ..

دي أخجل عليها وأحسن ليك تنساها ...
لأنك حتى الآن لم ترجع لموضوعك أعلاه ..
وهربت منه تماما ...
وأتحداك لو أنا كتبت بوست وزغت منو ؟؟؟؟
والشمارات يا بتاع الشمارات ، أنا كنت منتظر
التأكيد وبعد داك أنشرها ليك زي الما حاصل حاجة
مش زيك أول ما أسمع ونسة شفع أجري على الكي بورد ..

Quote: نحن في انتظار انك تثبت لينا كلامك البتكتبو عن هيثم مصطفى ده وهل هو إشاعات ولا عندك دلائل تمتلكها ؟؟؟

أشاعات ؟؟؟؟
يا زول إنت مسكين ولا شنو ؟؟؟
خناق حكام ؟؟

هاك الدليل :



سمسمار لاعبين ؟؟

أسال صلاح ادريس ...

بعاكس المضيفات :

كل الدنيا سمعت بيها ..

أفشل كابتن للهلال :

في عهده تجرع الهلال الخمسات كذا مرة ..
والستات ،ما عارف كم مرة .. ممكن أحمد الريح
يورينا .. ومن غير زعل ..
السبعات ، مرة ..

تاني عايز شنو ؟؟

بس إنت خليك حقاني ..
وما تزوغ ، وسؤال بطولة السودان منتظرك منتظرك

Quote: أنظر لهذا العجوز المتصابي هيثم الصادق تجده ، طرد في مباراة مع الصومال وهو كابتن المنتخب !!!!! والآن محروم من اللعب مع فريقه بسبب الكروت .. وغيرها وغيرها من فضائح هذا المخرف

يا حسين

إنت ليه بتتعامل مع الكورة بالفهم المتطرف ده؟!

منذ متى كانت الكروت والإنذارات [فضائـح]؟ هل لديك
مأخذ [شخصي] على هيثم مصطفى الذي وصفته ذات مرة
بالسمسار والمجرم والمتعود على التحرش والآن تصفه
بالمتصابي والمخرف؟!

هيثم لاعب نادر المثال في السودان باتفاق جميع الأقلام
الرياضية وهو -بلا منازع- أفضل صانع ألعاب في السودان
ولاعب مؤثر جدا في المنتخب الوطني والهلال.

في العام الماضي أبعد ريكاردو هيثم من الشوط الأول
لمباراة Orlando Pirates بعد احتجاجه على تبديله في
مباراة الذهاب لكنه عندمه أشركه في الشوط الثاني
أضاف بعدا هجوميا للهلال الذي عانى وقتذاك من قلة
المهاجمين فانتهت المباراة 3-1 للهلال الذي خرج بفارق
الأهداف.

وبالمناسبة يا حسين كمال عبد الوهاب رفض السفر مع
المريخ لإفريقيا الوسطى لملاقاة فاطيما! وكان السبب
-بحسب ما قرأت- خلاف بينه والمدرب منصور رمضان!!
لم يلعب كمال مباراة العودة إلا بإصرار من أقطاب المريخ
ويومها رفض منصور الإشراف على المباراة!

عزيزي ود الريح ..
تحياتي وتقديري ...

Quote: يا حسين إنت ليه بتتعامل مع الكورة بالفهم المتطرف ده؟!

اختصارا لكل هذا الأمر خلي بالك معايا لو سمحت ...

الانسان ابن محيطه ..
لغاية عهد قريب كانت الصحافة الرياضية
مفخرة لنا محبي الرياضة ...
فلم نقرأ ما يسئ إلى قاقارين أو بشارة
أو جكسا أو برعي .. أو طارق وسامي والنقر
أو ابو عنجة والديبة ..
وختى لاعبي الثمانينات كانوا يجدون التقدير
والحب من الجميع ..
والصراع فقط داخل الملعب ..
ولكن في الفترة الأخيرة ، لا نستطيع أن ننفي
تدهورها ..
وتحولت لغة النقد إلى الحضيض ..
ولاحظت أن الاعلام الهلالي ـ من غير تحيز مني ـ
لا يحترم اي لاعب بالمريخ على الاطلاق ..
ويهينهم ويبخس مجهودهم .. ويزعزع ثقتهم في أنفسهم
ودونك ما ذكره خالد عز الدين في مباراة المنتخب وموريشص
عن العجب ..
وما كتبه أول أمس فايز ديدي عن العجب ايضا في مباراة الشلف
وهذا لا يعني أن إعلام المريخ لا يأتي بذات المعاملة ..
لكن الفرق أن اعلام المريخ يتحدث عن قائد الهلال باحترام
ولا يتحرج أن يقول عنه سيدا والبرنس ...الخ
وفي ذات الوقت اعلام الهلال لا يحترم قائد المريخ اطلاقا ..
ويصفه باقبح الصفات ، وهي صفات غير موجودة اساسا
عكس هيثم الصادق الذي لم نأت بشئ من عندنا فكلها
حوادث مثبتة ( اعلام الفول ، خناق الحكام ، معاكسة المضيفات
السمسرة في علاء الدين ...الخ )...
ودونك ايضا ما كتبه الأخ الصادق هنا ( ما يسمى بالمريخ)
فأضطررت أن أكتب : ( الشئ الاسمو الهلال ) ...الخ

المهم ، عدم رد اعلام المريخ المعالمة بالمثل
حتم علينا أن نقوم نحن بهذا الدور نيابة عنه
اتصلنا على كتاب المريخ وراسلناهم الكترونيا
فكانوا يتحججون بأنهم صفوة ولا يمكن أن يردوا
على اعلام الهلال بضاعته ..
لم نتفق معهم في هذه الحجة الضعيفة ..
وطلبنا منهم الصمت إذا طالما لا يريدون أن ينحدروا
لمنحدر الاعلام الهلالي ..
وترك مهمة الدفاع عن المريخ ولاعبيه لنا ..
ولو تابعت منتدى المريخ تجدني أنزلت كذا بوست بهذا الأمر
أمر تغريد اعلام المريخ بعيدا عن مشاعرنا وأحاسيسنا ..
وطالناهم أن يكسروا اقلامهم ويتركوا أمر الدفاع
عن المريخ للاستاذ ابراهيم عبد الرحيم ودكتور معاوية دفع الله
طالما فشلوا أن يكونوا بقدر مهام المرحلة ..
لأننا نتفق معهم أن عادة الاعلام الهلالي في عدم احترام
لاعبي المريخ وقائدهم لا تتأتى إلا غذا أعدنا لهم بضاعتهم ..

لا علاقة شخصية لي بهيثم الصادق ولم أتشرف بمعرفته
ولا تعتقد أنني سعيد بالحديث عن عوراته ..
لكن اعلامكم أجبرنا على ذلك ...

وإلى أن يعود الزمن الجميل للاعلام ..
وإلى أن يحترم الاعلام مجهود كل شخص
سواء في الملعب أو الادارة أو الجمهور ،
وسواء في المريخ أو الهلال أو الموردة ...الخ
سنظل نسقيكم من ذات الكاس الذي تسقوننا منه ...

مع الود والتقدير ..

ليس ما أنقله هنا طعنا في أخلاق كمال عبد الوهاب
لكن محاولة لجعل أخونا حسين يوسف احمد يراجع
معلوماته قبل أن يكتب بقلم الانحياز:

كان عدم الانضباط أبرز صفات كمال عبد الوهاب!
كثيرا ما استبعد من معسكرات المنتخب الوطني لرفضه
[التمارين الشاقة] ورفضه الانصياع لأوامر المدربين!
هذا فضلا عن أنه عرف عنه استفزاز مدافعي الخصوم
لإخراجهم عن طورهم.

وأهدي حسين هذه الفقرة المكتوبة بمنتدى المريخ:

Quote: في احدى مباريات مريخ هلال جاء كمال عبد الوهاب للملعب متاخرا و كان الزحام شديدا جدا و لم يروق ذلك لكمال عبد الوهاب و سأل بعض من كان في خارج الاستاد عن وضع المباراة فقيل له ان المريخ مهزوم بهدف و ان المباراة تشهد توتر شديد بين لاعبي الفريقين عاد كمال لعربته و قال للمقربين بعدها انه لو دخل للملعب في تلك المباراة لحدث ما لا يحمد عقباه منه لو شارك

" />" target="_blank">الاسطورة كمال عبد الوهاب (الملف الكامل)

يا حسين إنت انحرفت بموضوع المقال عن هدفه الرئيس
للمقارنة بين أخلاق هذا وأخلاق ذاك! وبعد كلامي
الأخير ده أظن موضوع الأخلاق ده [ما عندو معنى]...

أحسن نرجع لموضوع المقال وأنا أسألك: هل هيثم
مصطفى لاعب مؤثر بفريقه؟ وما رأيك -المجرد-
فيه كصانع ألعاب؟ وهل ترى أن له المقدرة على تدعيم
حظوظ الهلال في مباراة العودة أمام Nassarawa؟

هيثم مصطفى على أعتاب عامه الثاني عشر مع الهلال
الذي انتقل إليه عام 1995من الأمير البحراوي.

لم تتعلق الجماهير الهلالية بلاعب في السنوات الأخيرة كما
تعلقت به وما كان ذلك إلا بفضل أداءه المميز وتمريراته
الساحرة التي تنتزع الآهات انتزاعا هذا فضلا عن حسن
قيادته لزملاءه في الملعب.

الانفعال أبرز عيوب البرنس الذي أتوقع وأتمني أن يقود
الهلال لفوز ساحق على Nassarawa والارتقاء لمرحلة
المجموعات الصعبة جدا!

يبدوا أن الجميع لم يفهم القصد من وراء كتابة البوست!!

تحدثت عن دور منتظر لهيثم مصطفى يعيد به ذكرى مباراة حفظها التاريخ للاعب فذ ليثبت هو ايضاً مدى تاثيره على أداء فرقة الهلال(((وهو لا عب لاتنقصة المهارة))) دعونا نبعد عن تناول اخلاقة فقط للذكرى((اعلام الفول ياصديقي حسين))) لقب اطلقة هيثم على إعلام الهلال!!

وهاهم اهل ابو الهل كعادتهم انوا بطبلهم ومزاميرهم ليعقدوا مقارنة مجحفة ويقللوا من شأن فاطيما ويرفعوا من شأن ((ناس وراء)) يا سيد احمد الريح يوم امس تحدث الرشيد بدوي عبيد في الرياضية عن مدى تفاهة وتواضع فريق ((ناس وراء)) كفريق ضعيف حديث التكوين لايمتلك ابسط مقومات الفرق فهو فريق تكون وبرز للوجود عام 1996 وصعد لدوري الاضواء قبل ثلاث سنوات فريق يقع في افقر مقاطعة نيجيرية لا يمتلك اي بنية تحتية ولا ((فلوس)) يعني على الحديدة ...حتى الإعلام النيجيري الشغوف بكرة القدم لم يبعث بصحفي يحمل ورقة ((وقلم بيق)) ليغطي مباراتة مع الهلال وهذا هو مانقلة احد اعضاء السفارة واسمة عمر!!!

أما عن مقارنة هيثم مصطفى بكمال عبد الوهاب دعك مني بل سل الهلالاب ممن عاشوا كل فترة كمال عبد الوهاب في ملاعب الكرة واطلب منهم مقارنة كمال عبد الوهاب بنجوم الهلال من نفس جيلة!! وهم بالتاكيد كانوا من المميزين وسترى رأيهم!!

عجبي لكم وما اشبهكم بمن ((اتوا ليساعدوه في دفن ابوه قام دس المحافير))

يعني بشهادة الرشيد بدوي عبيد ومن استضافهم ناسوراء لا يرتقي لوصفة بالفريق وماذا يعني مقارنة دولة بدولة وعلى ماذا تدلل...كنا صغاراً حين اتي فريق فرنسي وفرنسا في اوج مجدها الكروي يسمى فريق ((سوشو)) كان وقتها ضعيف للغاية وتمكن المريخ من هزيمته بالسبعة والهلال هزمة بالخمسة حتى تندر الجميع به واقالوا أن لعيبة الفريق هم عمال شركة البيجو!!

دعوا عنكم الغلواء والتطرف يا عمر الفاروق وافهموا شي واحد هو ان مادفعني لكتابة البوست ليس إلا استفذاذ اموكاشي الذي بالتاكيد تمنيتة لو كان للمريخ ويكون المريخ هو من في المحك ليرى مارأه مدرب القطن وغيرة من زمن فاطيما.

عالكم عجيب!!

كمال عبد الوهاب دكتور الكرة السودانية ودكتور امراض الهلال الحديث عنة يطول يا احمد الريح وعمر الفاروق فحاولوا اعقلو شوية واعرفو الفرق مابين دور ودور وشخص وشخص ومهارة ومهارة.

صحي رشاشات!!

بالمناسبة مابتستاهلو حتى التشجيع يافاقد وطني

سامي عبد الوهاب لك الود
رغم مريخيتي الصارخه ولكن هيثم مصطفي لاعب من الزمن الجميل ولاعب قائد بمعني الكلمه
ويمكن بفضل قيادته الواعيه ان يقود الهلال الي بر الامان وتحقيق الانتصار فهو يلعب دور كبير كقائد داخل الميدان وتهياه اللعيبه نفسيا خارجه
اما المقارنه بين هيثم مصطفي ودكتور الكره السودانيه كمال عبد الوهاب فالاخير لم تنجب الكره السودانيه مثله برغم ان لكل منهما مزايا خاصه اما سلوكبا ففي راي ان كل لاعب له سلوكه الخاص سواء كان سيء او غيره ولكن اللاعب الواعي هو الذي يستفيد من الماضي ويعمل علي تصحيح اخطاءه لانه اصبح قدوه حتي علي سلوكه الخاص (وهيثم مصطفي يسير علي هذا الطريق)
_______________________
شوته في الاوت:::
الاقليه المهمشه لو دايرين تفوزو على النيجيري دا ما تتفاصحو وخلونا من حكايه نحن كان شنو داك ما نتغلب في استادنا والتصنيف العالمي بتاعكم دي .
(سامي عبد الوهاب يعني ما لقيت اي زول غير كمال عبد الوهاب )

والله مبدع ياسامي لكن للبفهموك فقط......



ياخي ماتكتب ليك عمود في الصدى والكابتن وكان لقيت قون كمان


والله انك رائع تكاد تنافس ودابوالقاسم

ابومصطفى

Quote: سحب عمداً بسبب مداخلات الفاقد الوطني الكحلي

سلامات يا سامي

أولا يا عزيزي
لو كنت تؤازر الهلال من منطلق وطني فلن تهمك وقتها مداخلات زيد أو عبيد.

ثانيا
قرأت تعقيبك أعلاه وخلصت لأنك لم تقرأ ما كتبناه جيدا! هل عقدت أنا أو
عمر الفاروق مقارنة من أي نوع بين كمال عبد الوهاب وهيثم مصطفى؟! لعلك
انشغلت بتعقيبينا على حسين يوسف الذي تداخل منحرفا بالمقال عن اتجاهه للتهجم
بلا مبرر على هيثم مصطفى كما ترى وكان من الطبيعي أن نتصدى له مضعفين من
حججه الواهية.

ثالثا
لا أحب المجاملة بتاتا. حديثي عن ضعف فريق فاطيما لم يكن للنيل من المريخ بقدر
ما كان تهكما من وصفكم لمباراتكم معه ب[الملـحمة] وما هي إلا حادثة تستحق الرواية
على سبيل السخرية من فاطيما لا الفخر بالمريخ!

رابعا
ها أنت تسعى بشتى السبل لتأكيد ضعف فريق Nassarawa وأنا لم أنف هذا الأمر ولم
أجزم بعكسه... كل ما قلته إننا سنشاهده ونحكم عليه أما حديث الرشيد بدوي عبيد
فلسنا ملزمين بأخذه على علاته والأمر ذاته ينطبق على حديث فوزي المرضي وإعلاميي
الهلال الذين لا أرى تصريحاتهم إلا من باب طمأنة الجماهير وبث روح الأمل فيها.

خامسا
أدهشني مقالك المؤازر للهلال هنا وكنت أنت يا سامي قد كتبت من الكلمات المؤيدة
للزمالك في منتدى المريخ ما كتبت تحت مسمى [رابطة مشجعي الزمالك]. هذا مع تسليمي
بحقك في تشجيع من تشاء متى تشاء.

سادسا
أود التأكيد على أني قد فهمت مغزى مقالك ودونك تعقيبي الأول [وكذلك تعقيب عمر
الفاروق الأول] وقارن بينهما وبين تعقيبينا على حسين يوسف لترى الفرق.

سابعا
أكرر: هل عقدت أنا أو عمر الفاروق مقارنة من أي نوع بين كمال عبد الوهاب وهيثم
مصطفى؟!

ثامنا
طول بالك... الأيام دي أيامكم... بكرة بنغلب وبنفتح ليكم بيت بكا في صالة مكيفة.

مع خالص الود

Quote: عدم رد اعلام المريخ المعالمة بالمثل حتم علينا أن نقوم نحن بهذا الدور نيابة عنه

Quote: سنظل نسقيكم من ذات الكاس الذي تسقوننا منه

يبدو يا حسين أنك مشحون بشحنات سالبة تأثرا بما يكتب في
الصحف الرياضية! وعلى أية حال لك حرية [المدافعة عن المريخ
ولاعبيه] بالطريقة التي تراها مناسبة لكنك لو استمررت في
إطلاق الشائعات والأخبار غير المؤكدة فإن مصداقيتك ستتأثر كثيرا!

راجع -برواقة- مقالك عن [هلال الوحدة الوطنية... حلايب] لتعلم
كيف أودى بك الاندفاع إلى الخوض في الكثير مما لا سبيل لك لإثباته!

الأمر ليس حربا يا عزيزي! هون عليك ولا تجعل من بعض الأقلام التي
لا تعي ما تكتب قدوة لك في النيل من [لاعبي الطرف الآخر] بكل
السبل وخاصة غير المشروعة!

أما حديثك عن ترفع صحفيي المريخ عن الإساءة للهلال ولاعبيه فلا
أظنك تصدقه وأنت قائله! دي يا حسين -بصراحة- بالغت فيها!!
___________________________________
يا عمر الفاروق

سامي عبد الوهاب [ قـنـطـرنا ] لأكثر مشجعي المريخ قدرة على
[ الفتك بالهلالاب ] !!

أدخل الLink ده:
انا استاهل عشان عامل فيها وطني وبشجع الهلال(ههههههههه)

أخونا سامي الخصال:
قبل كل شئ أقولها وبدون أي مقدمات ..
لا نريد منكم جزاء ولا شكورا يا المريخاب..
الوطنية في الرياضة عن نفسي تجدني غير مؤمن بها ..
وعن نفسي لم أتمنى يوماً واحداً أن يحقق المريخ الفوز على اي فريق من خارج السودان ولم ولن أقف مع المريخ في أي معركة (ذات الدلاليك) وغيرها..
إنكشفت نواياك يا سامي سريعاً والمبادئ لا تتجزأ ولو كنت تكتب من منطلق الوطنية لما قمت بحذف المداخلة !!!!
حقيقة تعجبت وانا أقرأ كلامك عن مداخلاتنا انا والأخ احمد الريح !!!
اعدت البصر كرتين فما وجدت في مداخلاتنا أي شئ يذكر سوى التصدي للاخ حسين ..
كمال عبد الوهاب لم أشاهده انا ولا اتوقع انك شاهدته ولذا يصعب علينا الحكم عليه والمقارنة فكل ما سمعناه هو احاديث ومن حق من شاهدوه ان يقولوا ذلك ..
دوماً استشهد في مقارنة لاعبي الزمن الماضي والزمن الحالي بين عبقرية اللاعب الفلتة لاعب الجيل الحديث مارادونا واللاعب بيلية ..
التلفزيون سابقاً كان يعرض لنا لقطات عن بيلية "يبيضها" لي تلاتة ويقيس الرابع ويسدد في صورة ديراماتيكية وتشعر بأن هؤلاء المدافعون لا علاقة لهم بالكرة وحينها تدرك من اين إستمد بيلية اسطورته ..
ولكني دوماً عندما أشاهد هدف مارادونا في منتخب انجلترا وهو يراوغ كل من يجده من مدافعين صلبين تعاملوا معه بكل سبل العنف وطرقها وهو يراوغهم حتى تخيل لي إنه راوغ الملكة أليزا بيث معهم ..
المقارنة بين بيلية ومارادونا كانت واضحة للناس بعد ان شاهد الجمهور اشرطة بيلية وحضروا زمن مارادونا فكانت حينها الغلبة لمارادونا والجمهور يختاره الافضل في العالم بينما نال بيلية اصوات الفيفا فقط وشعروا بالخجل فقدموا جائزتين وقالوا بيلية نال افضل لاعب في العالم بحسب استفتاء موظفوا الفيفا بينما ينال مارادونا جائزة افضل لاعب في العالم بحسب رأي الجمهور !!!
وربما سيكون هذا هو الحال في هذا الزمن فلو عرضنا أشرطة للكرة سابقاً لعرفنا أن ما يحكى لنا عن اسطورة الكرة السودانية في الزمن الجميل لم تكن سوى كرة معظم فتراتها في الهواء والعشوائية تسودها مع بعض اللمسات ..
وفي الذاكرة مباراة يعرضها التلفيزون دوماً بين الهلال والمريخ لا اتذكر تاريخها ولكنها من ضمن ما سمونه بزمن العبقارة ..
والله يا سامي ال 22 لاعب في الهلال والمريخ لم أرى من يستحق أن نطلق عليه لاعب فنان إلا الأمير " صديق منزول" فهو اللاعب الوحيد الذي شاهدته في الشريط وهو يراوغ ويثبت الكرة بيساره مرة وبيمناه مرة ويراوغ هذا ويتمايل مع ذاك ثم يرمم بدقة متناهية أما غير ذلك فلم اشاهد إلا 21 لاعباً يركضون خلف الكرة وهي في السماء !!!!!!!
دعونا من امجاد الكرة في الخمسينات والابداع في الستينات والذهبية في السبعينات ..
والله حتى علي قاقرين هذا انا لا اعتبره لابعاً فناناً ولكنه كان ماكينة اهداف فقط ولو سألتني وبكل صراحة من هو الأحرف بين علي قاقرين وهيثم مصطفى لقلتها ودون تفكير هيثم مصطفى ..
فدعونا من شماعة الماضي وان فلان منقطها وان فلان الملك !!!!!
يا سامي ما تتخلع لكن أسة عليك الله كمال عبد الوهاب ده بيكون ألعب من سكسك ؟؟؟؟؟
في رأيي سكسك ده هو أحرف لاعب سوداني مرّ على الكرة السودانية وشاهدت هذا اللعب حتى وهو يكبر في السن ولنه يظل هو اللاعب الفنان حقاً ..
الرشيد المهدية الأسة بنشوفوا في التلفزيون ده ينظر ويتكلم ويحلل كان في رأيي أفضل وأحرف لاعب ربما بعد سكسك مر على الكرة السودانية ولولا ضياعه في القاهرة وعدم استثماره لفرصة الاحتراف لكان هو الافضل على الاطلاق ..
دعونا من الزمن الماضي وما يحكوها لنا العجايز في برامج اسماء في حياتنا وزكرياتي مع الكرة وكنا نلعب مقابل 10 قروش وتعريفة ونأتي من البيت بي " الكبك " ونلعب الكرة في الميدان كالاعدائ ولكننا بعدها نكون اخوان و و و و و و و و ..
ال10 قروش الزمان دي ياها ال 100 مليون أسة ..
والكبك الزمان داك ياهو الأديداس والكدارات أسة ..
وهيثم مصطفى والعجب البيتشاكلوا جوة الميدان ياهم البيمشوا يتعشوا مع بعض في إستيلا ..
الزمن هو الزمن والتطور موجود ولاعب اليوم أفضل من لاعب الأمس رضينا أم ابينا ..

أما بخصوص ما كتبته يا سامي فقد ظلمتنا هذه المرة وتناسيت ما كتبه المريخي حسين يوسف وركزت على كلامنا وذهبت لأبعد من ذلك فأولته وغيرت معناه..

في حكم زمان في ليق الخرطوم كام كايس للشهرة قام طرد مصطفي النقر في كورة ودية بليق الخرطوم.......و اخونا حسين يوسف ده بس زكرني الحكم داك... عايز يشتهر قام بقي ينبذ في هيثم مصطفي و انا متاكد انه قبل كده ماشات كورة لكنه الزمن ا لعجيب البخلي ذي حسين ده ينتقد هيثمم و انا متاكد لو بكرة قابله في الشارع حيجري عليه ذي الدراويش ,,,