Post: #1
Title: نوانكو كانو يطالب ((كوارا)) بالثار!! لكبير الفرق النيجيرية
Author: سامى عبد الوهاب مكى
Date: 08-07-2007, 12:04 PM
قدم التلفزيون النيجيري يوم امس برنامج لفترة ساعتين تناول فيه الهزيمة الثقيلة التي تلقاها دولفين من المريخ بواسطة عدد من الخبراء الذين كالو من خلال البرنامج الإتهامات للجهاز الفني ولاعبي الفريق بالتقاعس والتلاعب بسمعة الكرة النيجيرية.
وخلال البرنامج تم الإتصال هاتفياً مع النجم النيجيري الاشهر نوانكو كانو لاعب بورتثموس الانجليزي ولاعب الارسنال السابق..والذي تحدث عن الهزيمة التي تلقاها دولفين وقال تلك الهزيمة وبهذا العدد من الاهداف تمس سمعة الكرة النيجيرية بحسبان بان دولفين اكبر الفرق النيجيرية!!
أها غالطو كانو زاتو وقولو ليه حمام ميت!!
الله يكتل حيلكم.
يلا ياناس كوارا شدو حيلكم ونظعمتكم انتو برضو..
|
Post: #2
Title: Re: نوانكو كانو يطالب ((كوارا)) بالثار!! لكبير الفرق النيجيرية
Author: حمزاوي
Date: 08-07-2007, 12:49 PM
Parent: #1
يا سامي اخوي
دول لا يعجبهم أي فريق ما دام لاعب قدام المريخ
ولا يقتنعون
دوول يشككونك حتى في اسمك
من حسع بقوا يقولوا
الفريق البحريني حمام ميت
والبحرين ما فيها كورة
ليه عشان المريخ حيلاقي الفريق البحريني في البطولة العربية
لله في خلقه شؤون
|
Post: #3
Title: Re: نوانكو كانو يطالب ((كوارا)) بالثار!! لكبير الفرق النيجيرية
Author: abuguta
Date: 08-07-2007, 01:32 PM
Parent: #2
سامى الجميل
بتاع الكوار دا لاعب معاكم هنا ولا هناك
عموما هو مهزوم من الدلفين ما بعرف كم
عشان كدا بنقولكم براحة عليه يعنى اهزموه 7 او 8 الى 8 ونص قون
عارفين ليه,لو هزمتوه تسعة بحصل شنو..الاتحاد الافريقى بلغى الدورة
زى فريق كان حمام ميت زمان انهزم 9/صفر من فريق اثيوبى
فلغلا الكاف الدورة
فدحين ياولاد امى الكاس دى حقكم وانتو اسيادها.بس شوفو ليكم طريق للصفاقص التونسى
بس نصيحتى دى ختوها فى الحسبان...لكن شكلها كدا انتو راكبين التونسية رائح جاى
مشكلتكم شغالين بالزعيم وناسين الغريق
تحياتى لخالو حمزاوى...
اقتراح للكاف
من المفترض الفائز بكاس الكنفدرالية يلعب المرة الجاية
فى الابطال ويدخل دورى الكبار على طول...
رايكم شنو فى كلامى دا
|
Post: #5
Title: Re: نوانكو كانو يطالب ((كوارا)) بالثار!! لكبير الفرق النيجيرية
Author: سامى عبد الوهاب مكى
Date: 08-07-2007, 01:45 PM
Parent: #3
ياسلاااااام على روحك التضامنية!!
عشان كدا نحن قلوبنا مع الاهلي وسيوفنا مع الترجي بين قوسين()
معليش ماكفرنا ليك السيك!!
الفااااااتحة الحي الله والكاتل الله امانا ما وقع راقد!!
Quote: سيف الباله ما بكتل قدر ما تسنو
ده هلال الصفيح الفيهو جد عارفنو
طيش إفريقيا عووووك الليلة قايم جنو
أب سبعين دوام أخيرلك أبعد منو |
والله نحبوكوم برشا برشا زي برشة مرق يوم دااااااك!!
أخرت عمايلكم تشيل الولد تقولو لعاب تتلسنو عليه.
ريكاردو ((علاء الدين غير مفيد ولايستوعب جيداً اخرجتة يوم مباراة مريخ الثغر فكسبنا بالستة بعد ان كنا متاخرين!!))
غايتو ياابقوتا انا ماعارف لو كان عندكم عمار مع الناس كان لسانكم دا إلا تاجروا ليه كارو ...ونحن نأجز!!
الله ستر!!
طيش افريقيا عووووووووووك الليلة قايم جنو!!
|
Post: #4
Title: Re: نوانكو كانو يطالب ((كوارا)) بالثار!! لكبير الفرق النيجيرية
Author: تاج السر حسن
Date: 08-07-2007, 01:42 PM
Parent: #2
يا سامى
احدى كاساتكم (الحمام الميت المحمول جوا) كانت امام فريق الشارقه الأماراتى وهو نازل للدرجة الأولى، والآن دولفين نازل للدرجة الثانيه وبدون اى اضافات أخرى، يبقى الحمام الميت ده كيف؟؟
مباراة "كوارا" فى الخرطوم مبروكه عليكم .. لكن تلك المباراة ما بتقطعكم الكبرى !!
|
Post: #8
Title: Re: نوانكو كانو يطالب ((كوارا)) بالثار!! لكبير الفرق النيجيرية
Author: haroon diyab
Date: 08-08-2007, 10:35 AM
Parent: #4
تاج السر حسن
صباح الخير
Quote: يا سامى
احدى كاساتكم (الحمام الميت المحمول جوا) كانت امام فريق الشارقه الأماراتى وهو نازل للدرجة الأولى، والآن دولفين نازل للدرجة الثانيه وبدون اى اضافات أخرى، يبقى الحمام الميت ده كيف؟؟
مباراة "كوارا" فى الخرطوم مبروكه عليكم .. لكن تلك المباراة ما بتقطعكم الكبرى !! |
يااخوي نحنا كاساتنا كلها جبناها مع الحمام الميت ... انت كاساتك مع الحمام الحي وينا.
وبعدين ياعمك انتوا بدون كاسات محمولة جوا مفرتكين فهمنا والله اذا جبيتوا في مطار الخرطوم نازلين ليكم بي كاس .........! ساكت الا تطلعونا بره البلد .
تحياتي
هارون دياب
|
Post: #6
Title: Re: نوانكو كانو يطالب ((كوارا)) بالثار!! لكبير الفرق النيجيرية
Author: ابو عثمان
Date: 08-07-2007, 02:22 PM
Parent: #1
يا تاج السر
انتو كاس سيكافا بتاع العصافير الميتة ما قدرتوا تجيبوه خلي الحمام الميت بتاعنا ده
والله يا الرشاشات عينكم قوية وحنكم سنين !!
|
Post: #7
Title: Re: نوانكو كانو يطالب ((كوارا)) بالثار!! لكبير الفرق النيجيرية
Author: Ahmed Mohammed Osman
Date: 08-08-2007, 10:34 AM
Parent: #6
ابو عثمان
الله يديك العافية
خليتني اضحك جدا
| Quote: والله يا الرشاشات عينكم قوية وحنكم سنين !! |
انت عارف اجمل مافي الهلال انو بعجب بدون كاسات
يعني لو جبنا كاس الا تطلعوا من البلد
وبيني وبينك عينا القوية ولسانا الطويل دا بس استحملوهو شوية لغاية مانجيب بطولة الاندية دي وبعد داك اوعدك انو ما ح تقدروا تنوموا
يا بتاعين كاسات العصافير الميتة
|
Post: #9
Title: Re: نوانكو كانو يطالب ((كوارا)) بالثار!! لكبير الفرق النيجيرية
Author: abas
Date: 08-08-2007, 11:01 AM
Parent: #1
سمسم الحبيب
يا اخوي انت سمعت اللقاء
ولو سمعت اللقاء كانو بتكلمو بي ياتو لغه
خلونا ياخ من اشاعاتكم
حمام ميت حمام ميت
دي مافيها كلام
|
|