Post: #1
Title: ابو الهل مشي يتاوق ضربوه رصاص!! الله يرحمه!!
Author: سامى عبد الوهاب مكى
Date: 08-05-2007, 08:02 PM
Parent: #0
ياجماعة نحن ناس جيران يعني في وقت صعب متل دا الواحد لو ماشال صينيتو وجا اتكسر مع جيرانو تبقى شن فايدتو.
الفاتحة
هم هم مه مه هم هم 12345
اميـــــــــــــــــــــــــن
وهو المرحوم مالو!!
شنو؟؟
رصاصة!!
مالو حرامي؟؟
لا يا اخي حرامي شنو!!
كويس شنو؟؟
عمل انقلاب واعدموه بالرصاص؟؟
لا حول ولا قوة الا بالله إنقلاب شنو مالك داير رتجيب لينا الهوا!!
أمال شنو؟؟
لا اصلو والله عمنا دا راجل كبير يعني الله يدينا عمرو عاش زمنه وزمن غيرو وماعرس!!
اها وكويس حكاية العرس علاقتها شنو بالموضوع!!
اصبر شوية!!
ياولد شاي لعمك هنا
يا اخي انا ماعايز شاي بس وريني مات مالو يعني موت الله ولا مرضان
لا هو من ناحية مرضان مرضان!!
والله حاولنا معاه اي شي مانفع جبنا ليهو ((قراقير الدنيا والعالمين)) مانفع!!
قالو دواه في موزمبيق!!
سئلك الله مشينا موزمبيق جبنا ليه دوا جانا واحد عجيب اسمو العجب كشح لينا موزمبيق في اتجاه والدوا في اتجاه وهبت القرقور!!
قلنا نصبر شوية
تصبرو شنو وهو انتو لو صبرتو هو البصبرو شنو ماقلتو كبير
اي والله كبير وعوير لكن قلنا نصبر!!
اقول ليك حاجة جيب الشاي
ياولد تلد شنو اقول ليك برانا روحنا مكركرة جيب الشاهي
اها ياسيدي التامنت ليك قالو لينا جيبو عرق عرقين من نيجيريا
مشينا جبنا تلات عروق !!
لم فيهم واحد جنو تسفير اسمو سفاري انقر شنو؟؟
شنو؟؟
سفرهم؟؟
لا انقر شنو؟؟
والله ماعرفتا
شفرهم
المهم قلنا نصبر!!
اللــــــــــــــــهم طولك ياروح!!
يازول ماتقول ا########## مغربت!!
بمناسبة مغربت دي الزول دا الله يرحمو سيرة المغرب دي كانت بتجيب ليه كاروشا
ليه
والله يظهر حاجة كدة مغربية عقدتو زي خمسة ستة مرات
والله حيرتنا اها تم حجوة امضبيبنة دي!!
والله ماقلت إلا الحق حياتو كلها كانت ضبيبينة!!
كيف؟؟
والله بصراحة كان ملطشة وطبعاً مسكين ماعندو اولاد
محل مايقبل يجي نافض صوف وكرعينو السكاكات ديل فترن عديـــــــــــــــــل والناس يا اخوي بقت مابترحم!!
يمشي مصر يجي كاردنو
يمشي تونس يشم هوا يشممو ا##########
يمشي الصومال المنتهية دي يجي شايل في راسو كراسات من هناك!!
اها ياخي انا ماشي زهجت واخلاقي جات في نخرتي!!
يا اخي اقعد عليك الله النتم ليك!!
اها بمناسبة نخرتك دي جبنا ليه دكتور برازيلي!!
اتخيل شنو!!
شنو؟؟
برضو مانفع!!
لا حول ولاقوة الا بالله واها!!
ااااااخر حاجة مشي يتاوق في بلد هنوووووووك اسما ساحل العاج!!
إهي إهي إهي ضربوه رصاص!!
مسكين مااات
لكن ارتاح الله يرحمو!!
|
Post: #2
Title: Re: ابو الهل مشي يتاوق ضربوه رصاص!! الله يرحمه!!
Author: keiga2000
Date: 08-05-2007, 08:18 PM
Parent: #1
متى تقام مراسم الدفن
وهل ينتهي العزاء بانتهاء مراسم الدفن
ياخي اهل المرحوم لسع عشمانيين قالوا فيه روح بعد تشخيص الدكتور
هل مات موت سريري
اللهم ارحمه واغفر له
وارجعه الممتاز والعرجاء ....
بكره برجعوا لينا شلنا الممتاز اربعة سنين وكدا
ابومصطفى
|
Post: #3
Title: Re: ابو الهل مشي يتاوق ضربوه رصاص!! الله يرحمه!!
Author: سامى عبد الوهاب مكى
Date: 08-05-2007, 08:20 PM
Parent: #1
معقولة بعد الشرح ماعرفت مالو!!
هسي عليك الله لو كنت الرشيد المهدية كان تمشي وين!!
والله اتحرجتا ليه!!
|
|