Post: #1
Title: ويستمر تفوق المريخ
Author: سامى عبد الوهاب مكى
Date: 09-12-2007, 02:13 PM
أول موقع ناطق باللغة الانجليزية لجماهير المريخ.
http://almerreikh.com/vb/
ويستمر التميز.
|
Post: #2
Title: Re: ويستمر تفوق المريخ
Author: MOHAMED EL-BEELI
Date: 09-12-2007, 02:23 PM
Parent: #1
عقبال واحد تانى ناطق باللغة الهيرغلوفية .!!
يعنى بعد الموقع ده حتلعبوا فى كأس الأبطال ؟؟!
وللا حتكوتوا ما وصائـف ؟؟!
بس ما يجيكم ناطى صحفى تنزانى يكتب فيه عن فضايحكم.
آل ناطق بالأنجليزية آل .؟؟
|
Post: #3
Title: Re: ويستمر تفوق المريخ
Author: الصادق الخليفة
Date: 09-12-2007, 02:27 PM
Parent: #1
الله اكبر ولله الحمد
شكرا لك اخونا سامي علي هذا الخبر السعيد ،،، عقبال الرشاشات القاعدين في زريبة العيش يعملوا موقع بالعربي وبالنيجيري عشان نص فريقهم من ديار نيجر!!
نحن في المريخ اخوة *** نعشق النجم ونهوي
|
Post: #4
Title: Re: ويستمر تفوق المريخ
Author: محمد عبدالرحمن
Date: 09-12-2007, 02:31 PM
Parent: #1
ياسامى ..
تحياتى ...
انتو فريق كرة ولامركز دراسات ..
ابقوا على الدورى العام المسخ دا..
خمسة سنة ماتشيلوهو؟!! ..فياخى
المواقع دى مابتحسب انجاز ..
|
Post: #5
Title: Re: ويستمر تفوق المريخ
Author: امجد محمد الأمين
Date: 09-12-2007, 02:33 PM
Parent: #1
انجليزي دا يا مرسي ....
|
Post: #6
Title: Re: ويستمر تفوق المريخ
Author: على محمد على بشير
Date: 09-12-2007, 02:44 PM
Parent: #5
إفطارات مجانية في مباريات المريخ
أعلن السيد جمال الوالي رئيس نادي المريخ عن الشروع في التعاقد مع شركة كبرى لتوفير وجبات وإفطار رمضان مجاناً للجماهير في شهر رمضان المعظم إبان مواجهة المريخ للرفاع والإسماعيلي.. كما أعلن عن توفير 20 ألف قارورة مياه سوبا لذات الغرض.
|
Post: #7
Title: Re: ويستمر تفوق المريخ
Author: على محمد على بشير
Date: 09-12-2007, 02:45 PM
Parent: #6
ناس عايشه وناس دايشه
قرارات تصحيحية في اجتماع مجلس الهلال أمس
استعرض مجلس الهلال في اجتماع أمس خطاب الاتحاد العربي بقيام المباراة الاولى أمام المجد السوري بالخرطوم ومباراة الرد يوم 30/9 وكلف المكتب التنفيذي لإعداد الاستقبال والترتيبات اللازمة وأشاد بالجهود التي بذلت في هذا الصدد.. كما ناقش تقرير تونس وأجازه وبناء على ما ورد فيه قرار ضبط السفر في البعثات الخارجية وتوجيه المكتب التنفيذي بحصر إجراءات السفر في البعثة الرسمية فقط على أن يقوم الأقطاب والمشجعون بإجراءاتهم منفردة ويتحملوا كافة مسئولياتهم في الإقامة وغيرها دون أدنى مسئولية من النادي.. وبناء على ما ورد في التقرير قرر تكوين لجنة تحقيق برئاسة اللواء عثمان محمد الحسن وعضوية أزهري محمد علي وهاشم الترمذي للتحقيق مع عضو الجمعية العمومية عبدالعزيز مصطفى برجاس لما ورد على لسانه في الصحف وما بدر عنه أثناء الرحلة.. ووجه المجلس بالإعداد للمباريات القادمة ووضع التحوطات وإعلان حالة الاستنفار القصوى..
|
Post: #8
Title: Re: ويستمر تفوق المريخ
Author: على محمد على بشير
Date: 09-12-2007, 02:48 PM
Parent: #7
معليش باسامى
لانو مداخلاتى برع الشبكه وبره موضوع البوست
لكن انتا ما شايف جنس تعليقاتهم دى
بس عشان يعرفوا الفرق
فريق بيكرم الاف المشجعين من جمهورنا وجمهور غيرنا
الجايى يفرح والجايى يشمت والما عندو حق الفطور
وهم
ياقلبى لا تحزن
بيطردوا اقرب الاقربين من رحمة الهلال .. عجبى
|
Post: #9
Title: Re: ويستمر تفوق المريخ
Author: وليد محمد المبارك
Date: 09-12-2007, 02:51 PM
Parent: #7
| Quote: انجليزي دا يا مرسي .... |
والله لي زمن ما ضحكت
|
Post: #10
Title: Re: ويستمر تفوق المريخ
Author: شهاب الفاتح عثمان
Date: 09-12-2007, 03:10 PM
Parent: #9
Quote:
انتو فريق كرة ولامركز دراسات .. |
نحن لا هذه فقط ولا تلك ،
نحن في المريخ نور وضياء ، عماد وراس و ساس ،
والعلم نور ، فكل ما له صله به لنا به صله ،
حباب المريخ معرفه و اعلام و عالم و لغات
شكرا لك ، و الشكر للعزيز سامي ناقل الفرح ،
والشكر لكل كن يبذل الجهود نحو الافضل ..
Quote: [
أعلن السيد جمال الوالي رئيس نادي المريخ عن الشروع في التعاقد مع شركة كبرى لتوفير وجبات وإفطار رمضان مجاناً للجماهير في شهر رمضان المعظم إبان مواجهة المريخ للرفاع والإسماعيلي.. كما أعلن عن توفير 20 ألف قارورة مياه سوبا لذات الغرض.
|
رمضان كريم ونحن في المريخ دين وادب ومديح وجلباب و سيحه ،
وكرم وحلم وســـاحه وباحـه ،
البعض يرى تحت اقدامه فقط ، و والينا جزاه المولى عنا كل خير نظره وافق وتخطيط و مستقبل ..
حبــــابكم ..
|
Post: #12
Title: Re: ويستمر تفوق المريخ
Author: KOSTA
Date: 09-12-2007, 04:39 PM
Parent: #10
يا سامى
تحياتى
لاشك فى ان تميز فريق المريخ و قاعدته الصفوة سيستمر لانه قائم على قاعدة و ركيزة التجويد و التميز.
و قد تناولنا ذلك من قبل فى الاقتباس ادناه :
Quote: - اول نادى رياضى تأسس فى 1908( المسالمة ) وتغير الى اسم المريخ فى 1927 م.
2- اول نادى سودانى يحرز بطولة اقليمية مرتين ( سيكافا1، سيكافا2 ) .
3- اول نادى سودانى يحرز بطولة قارية ( كأس الكؤوس الافريقية 1989 ).
4- اول نادى سودانى يفوز بالدورى بدون هزيمة او تعادل(100 % ) و يفوز بالدورى فى الموسم الذى يليه بدون هزيمة و بتعادل
واحد فقط.
5- اول نادى سودانى ( وعربى ) يصدر جريدة رياضية متخصصة بأسمه( جريدة المريخ).
6- اول نادى سودانى يبنى استاد رياضى راقى و فخم ( القلعة الحمراء ) و تم اضافة اللوحة الالكترونية و ممر اللعيبة من غرفة اللاعبين
للاستاد مباشرة مؤخرآ .... و بقية الاستادات تحتاج الى ملايين السنين الضوئية لكى تلحق باستاد الزعيم .
7- اول نادى سودانى ينشئ موقع الكترونى على الشبكة العنكبوتية.
8- اول نادى سودانى يكون له نشيد رائع و لسع بقية الاندية لم تفكر حتى فى ذلك.
9- اول نادى سودانى و عربى و افريقى و يمكن على مستوى العالم يطلق اسم " الصفوة " على جماهيره .
طيب بعد كل المذكور اعلاه ماالغريب فى ان يكون المريخ هو:
الزعيم؟؟!!
طيب ماالغريب فى ان يكون المريخ هو:
سيد البلد؟؟!!
طيب ماالغريب فى ان يكون المريخ هو:
صاحب الجماهير الصفوة؟؟!! |
و اسمح لى يا سامى اخوى بالاضافات الجديدة الذكرتها دى عشان نضمنها فى قائمة التميز المريخى :
1- اول نادى رياضى تأسس فى 1908( المسالمة ) وتغير الى اسم المريخ فى 1927 م.
2- اول نادى سودانى يحرز بطولة اقليمية( مرتين ) .
3- اول نادى سودانى يحرز بطولة قارية ( كأس الكؤوس الافريقية 1989 ).
4- اول نادى سودانى يفوز بالدورى بدون هزيمة او تعادل(100 % ) و يفوز بالدورى فى الموسم الذى يليه بالدورى بدون هزيمة و بتعادل
واحد فقط.
5- اول نادى سودانى ( وعربى ) يصدر جريدة رياضية متخصصة بأسمه( جريدة المريخ).
6- اول نادى سودانى يبنى استاد رياضى راقى و فخم ( القلعة الحمراء ) و تم اضافة اللوحة الالكترونية و ممر اللعيبة من غرفة اللاعبين
للاستاد مباشرة مؤخرآ .... و بقية الاستادات تحتاج الى ملايين السنين الضوئية لكى تلحق باستاد الزعيم .
7- اول نادى سودانى ينشئ موقع الكترونى باللغة العربية على الشبكة العنكبوتية.
8- اول نادى سودانى يكون له نشيد رائع خاص به و لسع بقية الاندية لم تفكر حتى فى ذلك.
9- اول نادى سودانى و عربى و افريقى و يمكن على مستوى العالم يطلق اسم " الصفوة " على جماهيره .
10-اول نادى سودانى ينشئ موقع الكترونى على الشبكة العنكبوتية باللغة الانجليزية
|
Post: #14
Title: Re: ويستمر تفوق المريخ
Author: محمد البشرى الخضر
Date: 09-13-2007, 00:44 AM
Parent: #12
ضيف دي عندك يا كوستا
- أول نادي سوداني يحتل مركز الوصيف للدوري الممتاز لأربعة مواسم متتالية و الخامسة فس الطريق (نحو الخامس)
|
Post: #16
Title: Re: ويستمر تفوق المريخ
Author: KOSTA
Date: 09-15-2007, 00:00 AM
Parent: #14
يا محمد البشرى
و ضيف عندك دى :
و اذا كانت النفوس كبارآ ****** تعبت فى مرادها (الأتيام)
و هذا قدر المريخ الصفوى ان يحلق دائمآ نحو العلالى iam dream iam an eagle !!!!
و ما كؤوس الممتاز قتللنا ***** و لكن كؤوس ما بعد الممتاز
اذا غامرت فى شرف مروم****** فلا تقنع بما دون النجوم
|
Post: #11
Title: Re: ويستمر تفوق المريخ
Author: MOHAMED EL-BEELI
Date: 09-12-2007, 04:00 PM
Parent: #1
| Quote: أعلن السيد جمال الوالي رئيس نادي المريخ عن الشروع في التعاقد مع شركة كبرى لتوفير وجبات وإفطار رمضان مجاناً للجماهير في شهر رمضان المعظم إبان مواجهة المريخ للرفاع والإسماعيلي |
قالـوا "اليلقى الهواء يضـرى " .. السيد الوالى الموالى لاقى اموال المؤتمر الوطنى الماعندها والى دى ويغرف ساااى ويكب فى المريخ .. شى مقصورة وشى صفقات وآخر حاجة بقى يفطر الجمهور .. وما نستغرب لو سمعنا بالوالى فطر الجمهور وسقاهم شاى والبسف ملا ليهو حقتو والبسجر اداهو علبة برنجى وشحن ليهم موبايلاتهم واداهم حق المواصلات !!
وان شاء الله بعد كلو يجيبوا مـريسة تام زين.!!
هــــاكم دولفين ده !!!
|
Post: #13
Title: Re: ويستمر تفوق المريخ
Author: yasir Abdelgadir
Date: 09-13-2007, 00:17 AM
Parent: #11
| Quote: أعلن السيد جمال الوالي رئيس نادي المريخ عن الشروع في التعاقد مع شركة كبرى لتوفير وجبات وإفطار رمضان مجاناً للجماهير في شهر رمضان المعظم إبان مواجهة المريخ للرفاع والإسماعيلي |
وقت غلبكم ترضوهم وتجيبوا الدوري قلتوا اخير ترضوا جمهوركم وتملوا ليهم بطونهم
المال السايب فعلا........
|
Post: #15
Title: Re: ويستمر تفوق المريخ
Author: hatim ibrahim
Date: 09-13-2007, 01:22 AM
Parent: #1
..
تعرف يا سامي انا قريت العنوان : ويستمر ( نفوق ) المريخ
فرحت قلت الزول ده أخيرا بقى ( واقعي ) ..
دخلت ... لقيتك لسة ( بتحلم ) ..
التعديل لخطأ في الكتابة
|
|