هنا نستقبل تهاني الهلالب بتصدر منتخبنا!!

ولا شنو؟؟

هلالاب مكتوبه غلط!!

والباندوث ما بيستحمل!!

عارفين لكن مبروك علينا!

مسكين

تعرف يا سامي وعشان أكون معاك واضح صريح من انا صغير بقعد أنتظر عالم الرياضة الساعة 2 ونص عشان أسمع أسماء اللاعبين الذين تم ضمّهم للمنتخب القومي..
وأقعد أحسب :
ده من الهلال ده من المريخ ده من الهلال ده من المريخ ده من الهلال..
وفي النهاية بجمّع المحصلة ولو لقيت المنتخب المريخاب فيهو أكتر بقول ليهم ده طرفي منّو ..
أقوم أقول ما مشكلة ننتظر التشكيلة الرسمية لل11 لاعب ولو لقيت لاعبين الهلال هم الأكثر بتابع الفريق القومي ولو لقيتو من جماعتنا فده طرفي منو ..
الغريبة وعلى مر تاريخ المنتخب الوطني في أغل وأغلب الأحيان تشكيلة المنتخب كلها هلالية وتضم لاعبي الهلال الأكثر في المنتخب..
والفريق الأسة ده لعيبة الهلال فيهو أكتر من لعيبة المريخ خصوصاً في التشكيلة الأساسية وده الباسطني في الموضوع ..
المعز-ريتشارد-علاء الدين جبريل-عمر بخيت-خالد جوليت (لحدي وقت قريب اساسي)-هيثم مصطفى-علاء الدين يوسف-مهند الطاهر .

نبارك للسودان الفوز وتصدر المجموعة ..
نبارك للمريخ إحرازه للخمسة أهداف في مباراة الأمس التي إنتهت 3-2 ولو سوء طالع لاعبي المريخ لتمكن مجاهد من إحراز الهدف الثني له في المباراة وتمكن من معادلة النتيجة ويحرز لاعبو المريخ 6 أهداف مناصفة وكأن المباراة تقسيمة بين الأصفر والأحمر..
مبروك لبهاء الدين قلّة الأدب والتي ربما أراحت هيثم مصطفى قليلاً من ناس حسين يوسف وجمهور المريخ عن إنو لاعب قليل أدب..
مبروك لسلسل بها الدين وفرد الشعر وحسن المظهر لهذا الحارس العملاق الذي يعشقمغازلة الكرة لشباكه ..
والف الف الف مبروك لمجاهد الذي أحرز هدف أروع من هدف ريتشارد في تونس وكأنه يواصل محاكاة الهلال في كل شئ..
مبروك لقطعة القماش وتكسير التلج لمصطفى الاغا والحكحكة والتلصق في اللحوم البيضاء والملّيس ..
المرة الجاية جيبو ليكم قطعة قماش وأربطوها في طيارة تحوم بيها في السماء ومكتوب عليها :
جمهر المريخ بيحبك يا نانسي عجرم ويبلغ التحايا لهيفاء وهبي ويتمنى عاجل الشفاء لأليسا ..

برانا مشينا غانا الماعاجبو ما يسافر معانا!!

يا عمر الفاروق!!

بعد دا ما باركت لينا!!

انا بحب روبي وهبي!!

عقلية حطمت الكرة السودانية وجعلتها في غيبوبة لزمن طويل.
.
.
ما الغرابة إن كان جل لاعبي المنتخب من المريخ أو قل في مباراة الأمس كان جلهم من المريخ.

لفت إنتباهي الأخ الصديق الباشمهندس عمر عبدالله الرئيس السابق للجالية السودانية في قطر
لمسألة هامة ولما كنت أتفق معه في رأيه فقد تبنيته هنا

لعلكم لاحظتم التبديلات الخاطئة التي اجراها المدرب مازدا
فتغيير الحارس المز ب بهاء كان خاطيء وبهاء يعتبر مسئول عن الهدفين
وإدخال الزومة كان أيضآ خاطيء ، فالرجل كان شارع
الشاهد أن مازدا بيستغل مباريات المنتخب الوطني ليعد بها فريقه المريخ
والدليل تبديلاته الخاطئة

اخي سامي
مسكاقمي
عندما فاز الهلال على الاهلي في ام درمان فتح الهلالاب خرطمية بوست لدرجة اتقلب البورد الي ساحة هلالية .
واليوم فاز المنتخب الوطني ولا واحد فيهم فتح ليه بوست ولا حتى كلفوا انفسهم يتداخلوا في البوستات المفتوحة عشان يقولوا مبروك لانفسهم وللشعب السوداني .
يا ناس الكان لاعب امبارح بالليل هو المنتخب القومي السوداني وأتأهل باسم السودان

بالطريقة دي تاني يا هلالاب قطع ناشف بكرة بتلعبو مع بوليس جزر القمر وتغلبوه وتقولو ما هنيناكم!!


مبروك ما بتقولوها لينا؟؟

إتلومتو عاد ياكين!!\

عاد هي ما صلصة

البرنس مذاق اصلو ما بننسا قوقوقوقوقوق

يا سامي جيت ابارك ليك يا اخي

واحد مريخابي مسخوووت قال لي المريخ سجل خمسة اهداف
اهداف منتخبا
وهدف مجاهد
وهدف بهاء الدين




تحياتي

يا سامى


الف مبروك للوطن تصدره لهذه المجموعة عن جدارة و استحقاق
و اثبت جمهور المريخ الصفوة انه فعلى صفوة
و ان هذا الجمهور الانيق يعشق الوطن كما يعشق المريخ
و عشان كده استحق لقب الصفوة .

و تانى : الف مليون مبروك لصقور الجديان... و عقبال ما يشرفونا اكثقر و اكثر فى اكرا.


و امنياتنا للمريخ و للهلال التأهل للمباراة النهائية كل فى مجموعته ... و من ثم الفوز بكأس البطولتين.

عشان نغنى و نقول :

فوووق .. سودانا فوووق
فوووق .. سودانا فوووق
فوووق .. سودانا فوووق
فوووق .. سودانا فوووق


راكوبة :

شكرى للصورة المعبرة