كلام في الكورة : المريخ لم يلعب بالأبطال بفضل للهلال , وهذه أسس تصنيف الكاف ..!!

(1)




الاتحاد الافريقي يسمح لاندية السودان المريخ والهلال بالمشاركة سويا في دوري الابطال الموسم المقبل

ارسل الاتحاد الافريقي لكرة القدم خطابا للاتحاد السوداني سمح من خلاله بمشاركة السودان بفريقين لاول مرة في التاريخ في بطولة دوري ابطال افريقيا وكاس الكونفدرالية الموسم المقبل .

الاتحاد الافريقي يسمح للدول التي تحتل المركز من 1الى 12 في ترتيب البطولات الافريقية حسب نقاط الاندية بالمشاركة باربعة فرق في البطولتين لكن بعض هذه الدول لاتشارك سوى بفريق واحد مما يجعل هناك بعض الاماكن الشاغرة لذلك فأن الدول التي تحتل المركزين 13 و14 حسب التصنيف وهم السودان وليبيا سمح الاتحاد الافريقي بمشاركة فرق اضافية حسب الخطاب المرسل الى الاتحاد السوداني.

بهذا الخطاب فان فريقي المريخ بطل الدوري لهذا الموسم والهلال صاحب المركز الثاني سيشاركان لاول مرة في التاريخ مع بعضهما في دوري ابطال افريقيا بينما سيترشح فريق حي العرب للمشاركة في كاس الكونفدرالية .

المريخ والهلال استطاعا ان يقودا السودان الى احراز عديد النقاط خلال الموسمين الاخيرين بعد وصولهما الى مراحل متقدمة في البطولات الافريقية .

(*)

والفريقان حصلا على مامجموعه تسع نقاط كان للمريخ فضل خمسة منها بموجب أسس التصنيف المتبعة
والهلال حصل على أربعة من مجموع النقاط التسع ..التي تحسب بتصنيف الدولة مما أرتقى بتصنيف السودان وجعل له الحق
بالمشاركة بناديين ..

(*)

(*)أسس تصنيف الكاف للاندية


منذ انطلاقة بطولة الاندية الأفريقية عام 1964م درج الاتحاد الأفريقي على منح كل ناد عدد معين من النقاط يتوقف على المرحلة التي يصلها في البطولة وبنفس هذا الاسلوب تم منح نقاط للأندية التي شاركت في البطولات الأحدث للكاف مثل بطولة الكؤوس الافريقية وبطولة الأتحاد الافريقي السابقة.. واستمر النظام الأول في منح النقاط لبطولة الأندية الافريقية حتى عام 1996م وبعدها تم تغيير نظام منح النقاط في هذه البطولة بعد ابتكار نظام المجموعات في المنافسة بدلاً عن خروج المهزوم و،أيضا استمر منح النقاط في بطولتي الكؤوس والاتحاد بالاسلوب القديم حتى عام 2003م وبعدها تغير نظام منح النقاط بعد إلغاء بطولتي الكؤوس والاتحاد وابتكار بطولة الكونفدرالية.


نظام النقاط القديم


بالنظام القديم لم يكن الاتحاد الافريقي يفاضل بين البطولات الثلاث في منح النقاط (الاندية والكؤوس والاتحاد) حيث كان يتم منح النقاط على الوجه الآتي:


* 4 نقاط للبطل.


* 3 نقاط للوصيف.


* 2 نقطة لدور الأربعة.


*1 نقطة عند الوصول لدور الثمانية.


النظام الجديد لدوري الأبطال


النظام الجديد في منح النقاط بالنسبة لبطولة دوري الأبطال بعد ابتكار نظام المجموعات تم تطبيقه ابتداءا من العام 1997م وتمنح فيه النقاط كالآتي:


* 5 نقاط لبطل دوري الأبطال.


* 4 نقاط للوصيف.


* 3 نقاط عند الوصول لنصف النهائي (خلال الفترة من 1997م الى 2000م كانت النقاط الثلاث تمنح للفريق الذي يحتل المركز الثاني في كل مجموعة قبل ابتكار نظام دور الأربعة في المنافسة).


* 2 نقطة للفريق الذي يحتل المركز الثالث في كل مجموعة.


* 1 نقطة للفريق الذي يحتل المركز الرابع في كل مجموعة.


نقاط الكونفدرالية


بعد الغاء بطولتي الكؤوس والاتحاد السابقتين وابتكار بطولة الاتحاد الأفريقي الجديدة (الكونفدرالية) عام 2004م اصبح نظام منح النقاط يتم على النحو الأتي :


* 4 نقاط لبطل الكونفدرالية.


* 3 نقاط للوصيف.


* 2 نقطة للفريق الذي يحتل المركز الثاني في كل مجموعة.


* 1 نقطة لكل من الفريقين الثالث والرابع في كل مجموعة.


بطل السوبر


بطل كأس السوبر يتم منحه نقطة اضافية.


بطولة اندية العالم


بطل أبطال افريقيا الذي يشارك في بطولة أندية العالم يتم منحه نقطتين عن كل دور يتخطاه.


في تصنيف 2009 القادم


(*)على أساس اسس الكاف في التصنيف يظل وضع الهلال على راس المجموعة (كلام جرايد) ساي ..

وتعصب مشجعين أعمى ..

الهلال يمتلك 4 نقاط
والمريخ 5 نقاط

ملحوظة :

يحق للإتحاد الإفريقي حسب نظامه الأساسي وضع الهلال على رأس المجموعة
إذا رأى ان نتائجه هذا العام أفضل أو على أي أساس آخر تره اللجنة المنظمة ..

وهذا لم يحدث ..
فالمريخ لعب 6 مباريات في التصفيات لم يذق طعم الهزيمة ..

والأهم ...
النظر إلى الأمام إلى الكأس ومنصات التتويج وعدم الإنشغال بقضية محسومة حسب أسس التصنيف

Quote: المريخ لم يلعب بالأبطال بفضل للهلال

كمال يا كمال
أول مرة أشوفك راكب غلط
لكن على قولك: كلام في الكورة
تعال نحدثك
المريخ مافي زول قال لعب بفضل الهلال
المريخ لعب لأنو شال الممتاذ بشكل مؤقت(يعني السنة دي ممتاذ نهي كرتاهي)
بس إضافة لمعلوميتك وكل الوصيفاب
لو الهلال كان شال الممتاذ كان الفيدرالية حمدتكم لأنو الهلال تصنيفو في المنافسة كان أعلى
لكن لأنو العكس حصل فالهلال أخد مكانتو الطبيعية وكذلك المريخ بحكم إعتلاؤو صدارة الممتاذ العام الماضي


لكن على قولك: الكلام في الكورة


هسي أنا كنت قايلك كاتب رواية رياضية ياخ
كان يكون أحسن

(*)

والله ياطارق ياخوي ..
أنا قلتا أدلو بدلوي ..

):

بعدين الغايظني إنو المسائل محسومة والكاف المعلومات عندو أسهل
من (الشتيمة ) في (البورد) ده ..

):

عاوزين الناس تنشغل بالكأس .. الكأس
ده كلو كلام فارق ..
النجم الساحلي وبقية الفرق بجهزوا في نفسهم عشان يشيلوا الكاس ..

والمريخ والهلال بجهزوا في نفسهم لمنع أحدهم الآخر من إنو يشيل الكأس ..

عرفتا ليه نحنا ما ناس بطولات ..

)":

(*)

أها كده أنو كلامي في الكورة خلص ..
البوست ده صدقة جارية للمتعصبين وناس الغلاط ..

):

أتمنى أن لايكون الهلال فى مجموعة المريخ
حتى يتمكن الفريقان من لعب المباراه
النهائيه لأول مره فى تاريخ السودان .
بس الخوف يحصل إستلاب رياضى ونسمع يومها
الرد الرد هلال مريخ ,,

Quote: أتمنى أن لايكون الهلال فى مجموعة المريخ حتى يتمكن الفريقان من لعب المباراه النهائيه لأول مره فى تاريخ السودان . بس الخوف يحصل إستلاب رياضى ونسمع يومها الرد الرد هلال مريخ ,,

هو لسا ماحصل ..

صلاح إدريس مساء اليوم في حوار تلفزيوني ..
قال :

أهدى هذا النصر لرئيس الجمهورية الذي يتعرض ل..

وكده ..

Quote: أتمنى أن لايكون الهلال فى مجموعة المريخ

الليلة يا مريخاب كلامكم في الكورة كلو ضارب
يعني لو لعبو الإتنين في مجموعة واحدة ما بخشو ؟
لأ بخشو
المجموعة بطلعو منها إتنين
وده بيضمن إنهم ما يتلاقو في نصف النهائي (دوري الأربعة بالدارجي)
البمنع شنو يكونو الهلال والمريخ
يا ناس هوي
علي بالجزيم الخلعة الدخلت فيكم بي دوري الأبطال دي ما ظنيتا تمرق قريب

كلام في الكورة موهو صحيح كمان بطال
كلام من زول كورنجي صحيح ما بنقال
مصيبتنا كبيرة وما بنفع معاكو جدال
علا الخلعة خلعة وصيف دخلو الابطال

عاد نسوي شنو




لوووووووووووول أنا الليلة بقيت ذي عزام

Quote: عاد نسوي شنو

تبطل فصاحة وإنصرافية ..
وهلالك يجيب كاس من برة ..
كاس .. كاس ..

مش تهرونا غلاط نقاط وتصنيفات

):

______________
الكأس يبقى والنقاط بموجب لوائح الكاف تسقط بعد خمسة أعوام
يعني نحنا (الكؤوس الأفريقية) يظل الإنجاز السوداني الوحيد
الذي لا يسقط بالتقادم ..

Quote: تبطل فصاحة وإنصرافية ..

عليك الله هسي كلامك الفوق ده برا الفصاحة والإنصرافية يسموهو شنو ؟
خليت الحقايق دي كلها وبقيت في كاس مانديلا؟!؟!؟!؟!؟!؟!؟!؟!؟!؟!؟!؟!؟!؟



الله في

Quote: الله في

الله يديكم كاس ياإنصرافيين ..

):

بعدين أنا زول علاقتي بالتيمين قوية ..
المريخ فريق الحلة وبيتنا جنب المدرجات الجنوبية الشرقية..


و(ببول في حيطة الهلال) لما أجي مزنوق من جنب زريبة العيش ..

):

سلامات يا كمال:
ما هي عدد السنوات التي تحسب فبها هذه النقاط؟
يعني بمعني اخر انا شايف في حسبتك للنقاط بتاعت الهلال والمريخ انت جمعت نقاط مشاركتهم في عامي 2007 و2008 فهل هذا ما يتبعه الاتحاد الفريقي بجمع النقاط للعاميين السابقببن فقط؟ وما هو مصدر المعلومه

تحياتي
وشكرا علي التلفون الراقي

Quote: و(ببول في حيطة الهلال) لما أجي مزنوق من جنب زريبة العيش ..

مافيا جد جد

ازيك