عصر المحاكم الخاصة / هل سنشهد إنشاء محكمة (سودانيز أونلاين الخاصة) ...؟

(*)

شهدنا مطلع تسعينيات القرن الماضي إنشاء عدة محاكم خاصة
ولم تكن محاكم خاصة بقدر ماهي (خصخصة للقضاء السوداني)
حيث أن محاكم (سوداتل والضرائب والهيئة القومية للكهرباء)
كان أحد الخصوم هو من ينفق عليها ويؤسس مكاتبها ..
والغريب أن محكمة سوداتل كانت تسمى (محكمة إسترداد أموال سوداتل )
وهذا في حد ذاته حكم (مسبق) على الخصم الآخر وهو الأفراد أو الشركات
التي تواجه (سوداتل) الخصم القوي الذي يدفع رواتب القضاة ويوفر لهم المكاتب
والسيارت (معلومة يجب التدقيق حولها) ..!!
القضاء السوداني الذي شارف على القرن منذ إنشاءه يمر بمنعطف خطير
ربما أطاح بإستقلاليته ونزاهته ..

(*)

مايعنينا هنا هو : هل سيتم تكوين محكمة خاصة (لسودانيز أونلاين)
تفصل بين الأعضاء ؟
أم سيتم تكوين محكمة خاصة (بجرائم النشر الإلكتروني)؟
ومن الذي سيتكفل بنفقات إنشاءها ؟

لجميع الزملاء (تقلوا جيبكم) ..

(*)

قضايا (النشر) بوجه عام , و(النشر الإلكتروني) على الوجه الخصوص
لا تخرج عادة عن (السب والتشهير والشتم والإساءة والتجريح) وهي
مواد حسب معلوماتي القانونية (المتواضعة جداً) منصوص عليها داخل
القانون السوداني والموريتاني والملاوي وحتى (القراقوشي) ..
فلماذا تساق إلى (التخصيص) طالما أن (الجنحة أو الجريمة) منصوص عليها
في القانون (مع إختلاف وسيلة الضرر ) ؟

وهل الأزمة في كيفية الإثبات ؟ أي إثبات الجاني أو الخصم حيث أن
الإمساك بالجاني غالباً مايكون شاقاً بعض الشئ حين تتوفر إمكانية
التخفي والضرب من وراء حجاب ..؟

وهل ستشكل (نيابة خاصة) للتحقيق ؟

(*)

داخل السودان هنالك قصور في إنتشار (الإنترنت) أو فلنقل
ليس وسيلة واسعة الإنتشار وربما كانت ثقافة (القانونيين) نفسهم (الإلكترونية)
ضعيفة بعض الشئ ..
فماهي المعينات التي من خلالها سيتم (تقييم ) مضابط (القضايا)
أم سنشهد قريباً لافتات لقانونيين جدد كتب عليها :

فلان المحامي
حاضر أمام جميع المحاكم الإلكترونية ..؟

كيمو
تحياتي...

موضوع مهم
جاينك برواقة
الراس كابس هسة

بوبا ياصديقي ..

لحدي ماراسك يفكك ..
أكون كملتا ..

بس تعال بدون (تخصيص), حتى لا يشتعل صراع أخر
هنا وتزداد القضايا..
):

لا نريد أمثلة لصراعات (موجودة وسوابق)
..

محبتي ..

يعنى ياكمال لو سودانيز أون لاين عملوا ليها محكمه
خاصه فى السودان ,, موقع فلانه ديك تكون محكمتوا
فى لاهاى ولا شنو ؟؟

كيمو الحبيب
متابعة شديدة


مودتي

حسين محي الدين ..
سلامات ياصديقي ..

وينك؟

(*)

كمال سالم
ياخوي أنا منتظرك ..

(*)

كمال سالم
ياخوي أنا منتظرك ..

كيمو ياحبيب

تحياتي؛؛؛

أجمل مافي موضوع محاكم النشر الإلكتروني

إختفت من سطح المنبر بوستات :

علي بابكـ نهارات الصبر واقفات يابكري..

وتم فتح اضان للناس الخشومهم فاكة .

واكتساب الخبرات في إنشاء مثل هذه المحاكم يحتاج وقت حتي تنضج ؛

كمال ياخوى والله لو عملو محكمة .. عيييييييييييك جنس ناس بيمشو كوبر ..!!

Quote: كمال ياخوى والله لو عملو محكمة .. عيييييييييييك جنس ناس بيمشو كوبر ..!!

كوبر فيهو (نت)؟
يموت الزمار وإيدينو بتلعب ..
لو عملوا (نت) في (كوبر)
في ناس مافارقة معاهم ..

Quote: علي بابكـ نهارات الصبر واقفات يابكري..

باب المندب يابشير ..
تاني الماحريف يعمل ليهو مستشار قانوني قبل الكتابة ..

كيمو العزيز

قد يغفل أعضاء المنبر أن نوعية المحاكم دي ممكن تنقلب عليهم ايضا

الحكومة لو سنت قوانين في هذا الخط ممكن تقاضي صاحب الحوش ذاتو

يوجد هنا من يقدمون المنبر للحكومة على طبق من ذهب

إتهامات بلا أدلة وقذف بلا مبرر في سبيل النضال

نسأل الله السلامة

Quote: إتهامات بلا أدلة وقذف بلا مبرر في سبيل النضال

مسكين عمك (النضال)
(النضال) ده من أجل شنو؟

Quote: إتهامات بلا أدلة وقذف بلا مبرر في سبيل النضال

مسكين عمك (النضال)
(النضال) ده من أجل شنو؟

سلامات يا كمال وتحايا
متابعين الموضوع المهم دا
خاصة في وقت بدأت تزيد كمية القضايا مقابل الزيادة في الاكاذيب والاساءات البتروج هنا

المهم برضو ما تهمل نقطة هل من الممكن انه تستعملها الحكومة مبرر لتحجيم دور المنتديات
الناقدة لها ؟

Quote: لو عملوا (نت) في (كوبر) في ناس مافارقة معاهم ..

لوووول قاصد زي منو كدة :)

تحياتي

Quote: لوووول قاصد زي منو كدة :)

أووول إنتا بأأأأأ
(مع الإعتذار لعادل إمام) ..

):

سلامات يا(حيدر)..

Quote: وربما كانت ثقافة (القانونيين) نفسهم (الإلكترونية) ضعيفة بعض الشئ ..

كنا نود أن نشارك لولا (ضعف ثقافتنا الإلكترونية)..

سلامات يا كمال وعساك بخير..

Quote: كنا نود أن نشارك لولا (ضعف ثقافتنا الإلكترونية)..

سمح قوي ثقافتك (القانونية) ..

سلامات يا أزهري ..

Quote: سمح قوي ثقافتك (القانونية) ..

شنو يا كمال يا خوى..

(الإلكترونية) عرفناها كمان جابت ليها تشكيك فى(القانونية)..

Quote: (الإلكترونية) عرفناها كمان جابت ليها تشكيك فى(القانونية)..

حاشا ياصديقي..

ده كلام على وجه العموم ..

محبتي ..

(*)

هل إنشاء (محكمة خاصة) سيجعل منا نمطاً من (كبسور)
الشخصية التفزيونية الشهيرة ..
حيث ستكثر القضايا والنزاعات ؟

أم أنه سيؤثر إيجاباً على شكل (الكتابة) ؟
بمسؤلية ؟

كمال

الظاهر علي طلعت برة الخط

معذرة يامان

تقصد محكمة سودانيز اولاين الخاصة

نعم حاجة مطلوبة جدا مادام قوانين بكري دي ماجايبة حقها

الاشكال كل واحد هنا حاينصب نفسو اوكامبو

الغريبة قانونيين المنبر -على كثرتهم- عاملين نايمين

Quote: الغريبة قانونيين المنبر -على كثرتهم- عاملين نايمين

صباح الخير ياحيدر ..

مايحدث هنا فوق طاقة القانونيين ..
المنبر في حالة حرب فوضوية ..
وحين تشتعل الحروب ..
يتعطل القانون ..
ويحار أهله ..

Quote: الظاهر علي طلعت برة الخط

العزيز حيدر

طلعت برة الخط وجريتني معاك ..



* كمال ادينا الباقي نازلين هنا :)

Quote: كمال ادينا الباقي نازلين هنا :)

):

دخول الحمام يا(حيدر) مازي خروجو ..

أنا تاني أي زول يخش لي غلط ..
بفتح فيهو (بلاغ طوالي) ..

):

Quote: هل إنشاء (محكمة خاصة) سيجعل منا نمطاً من (كبسور) الشخصية التفزيونية الشهيرة .. حيث ستكثر القضايا والنزاعات ؟ أم أنه سيؤثر إيجاباً على شكل (الكتابة) ؟ بمسؤلية ؟

كمال يا صديقى الإسفيرى..
لك التحية والمحبة..
رغم أن تجربة المحاكم الخاصة السابقة قد
شابتها بعض المآخذ مما أدى إلى إلغاء كثير منها..
أقول رغم ذلك إلا أننى أؤيد بشدة إنشاء نيابة و محكمة
خاصتين بجرائم النشر الإسفيرى
لأن الأمر فى تقديرى تجاوز كل الحدود التى يمكن إحتمالها
على المستوى الشخصى أعتقد أن هذا الأمر سيؤثر إيجابابياً
على شكل الكتابة كما سيجعل الشخص يتردد أكثر من مرة قبل أن يرمى آخر بتهمة
أو إساءة ليس لديه عليها دليل.
وفى تقديرى أنه ومنذ تحويل قضية الأخت منال خوجلى للمحكمة
إختفت كثير من الألفاظ والنعوت والشتائم
التى كانت تطلق جزافاً ودون مبرر
ودونك منبرنا فى الأسابيع الفائتة..
أنتهز هذه السانحة لأحييك على هذا البوست الجميل..
وأحيى الأخت منال على مبادرتها الرائدة.

وحيث أن الأمر ذى علاقة بالملكية الفكرية
أحى الجميع بمناسبة اليوم العالمى للملكية الفكرية والذى يهل علينا هذه الأيام..

لك محبتى

كمال يا صديقى الإسفيرى..
لك التحية والمحبة..
رغم أن تجربة المحاكم الخاصة السابقة قد
شابتها بعض المآخذ مما أدى إلى إلغاء كثير منها..
أقول رغم ذلك إلا أننى أؤيد بشدة إنشاء نيابة و محكمة
خاصتين بجرائم النشر الإسفيرى
لأن الأمر فى تقديرى تجاوز كل الحدود التى يمكن إحتمالها
على المستوى الشخصى أعتقد أن هذا الأمر سيؤثر إيجابابياً
على شكل الكتابة كما سيجعل الشخص يتردد أكثر من مرة قبل أن يرمى آخر بتهمة
أو إساءة ليس لديه عليها دليل.
وفى تقديرى أنه ومنذ تحويل قضية الأخت منال خوجلى للمحكمة
إختفت كثير من الألفاظ والنعوت والشتائم
التى كانت تطلق جزافاً ودون مبرر
ودونك منبرنا فى الأسابيع الفائتة..
أنتهز هذه السانحة لأحييك على هذا البوست الجميل..
وأحيى الأخت منال على مبادرتها الرائدة.

وحيث أن الأمر ذى علاقة بالملكية الفكرية
أحى الجميع بمناسبة اليوم العالمى للملكية الفكرية والذى يهل علينا هذه الأيام..

لك محبتى