صور طازجة للبعيو بطل قصة زميلنا الروائي كمال علي الزين (عادة سرية جداً ..)

وفي البدء اعتذر واستأذن أخي وصديقي كمال لنشر الصور في بوست منفصل وذلك لأن البعيو يستحق ..

في إنتظار الاذن من الاخ كمال ..

Quote: (*) (نفوس) كانت تسكن أقصى طرف الحي , .. كانت أسمها (نفيسة ) , ولكنه لم يكن يحمل جرساً رومانسياً , .. أو هكذا تزعم (نفوس) , .. أسمت نفسها (نينا) ولكن (حسن البعيو) و(أبوالليل ) سخرا منها , .. لأن ضخامة حجمها وعمرها الذي مضى نحو عقدهاالرابع لا يتناسبان , وجرس موسيقى (نينا) , .. فقالت : شكيت محنكم, هي بس بقت علي أنا ,.. خلاص خليتا (نفوس) عشان خاطركم ..!!

شكلوا اخونا كمال ح يخليكم تشوفوها بكرة من التلاجة ..



صباحات الله بيض..

معتصم

كيفك ....؟؟؟

أنت مفروض تستأذن من صاحب الصورة و لا صاحب الرواية؟؟




الإذن عند صاحب الصورة فقط مع إحترامنا للكاتب الجميل كمال الزين

Quote: الإذن عند صاحب الصورة فقط مع إحترامنا للكاتب الجميل كمال الزين

الأخ خالد ..

صاحب الصورة ادانا الإذن .. لكن إذن صاحب الرواية مطلوب ايضاً لا لنشر الصورة ولكن في نشرها في بوست آخر وإن اراد نشرناها له في بوست الرواية ..


لك تقديري ..

Quote: الأخ خالد .. صاحب الصورة ادانا الإذن .. لكن إذن صاحب الرواية مطلوب ايضاً لا لنشر الصورة ولكن في نشرها في بوست آخر وإن اراد نشرناها له في بوست الرواية .. لك تقديري ..

سلامات معتصم، مع الاحترام لوجهة نظرك، لكن يبدو انك مدي الموضوع اكتر من حقو.

Quote: سلامات معتصم، مع الاحترام لوجهة نظرك، لكن يبدو انك مدي الموضوع اكتر من حقو.

مش .. غايتو جنس .. شغل

(*)

سلامات يا/ معتصم

وعذراً لأني شفتا البوست متأخر , ..

وياسيدي (حسن البعيو) بحب النجومية , ولو نزلتا صورتو هنا حا يفتح محل نت ويكون التصفح مجانا (للفرد) عشان يشوفوه (عاجباهو نفسو) , ..

وطالما أداك الإذن فلامانع عندي , ..

وتسعدني رؤية (البعيو) بعد قرابة العقدين من الزمان , ..

مع تحياتي وحبي ..

وجدته منهمكا في عمله ..

(*)

(حسن البعيو) , كان (ميكانيكياً) شاطراً , ..

يفتح ماكينة السيارة ويجلس عند حافتها , ..

ولو أن غطاء الماكينة أغلق عليه , فسوف يظل يلعن بالداخل , حتى يلحق به أحدهم , ..

كان بحجم زراع (نفوس) , فعلاً , ..

لأن (نفوس) كانت عملاقاً , وكانت تحمل ثديين بحجم أخانا (حسن البعيو) , ..

(حسن ) كان يدعي أن (نفوس) ليست (التيب) بتاعو , ..

وكانت الجملة الأنجليزية الوحيدة التي ينطقها طوال يومه , ..

بل ربما طوال حياته , ..

ربما سمعها من صديق أمسياته (بروفسور عبدة) , ..

فليس خافياً أن (حسن البعيو) و(د. عبدة) الأستاذ الجامعي , والمثقف التقدمي , ..

تربطهما صداقة حميمة , ..!!

وطلبت منه أن اصوره واكدت له أن صديقه كمال هو من طلب الصورة استجاب مباشرة وقال لي سلم عليهو شديد بالله واديه تلفوني ..

Quote: وطلبت منه أن اصوره واكدت له أن صديقه كمال هو من طلب الصورة استجاب مباشرة وقال لي سلم عليهو شديد بالله واديه تلفوني ..

ياخ السنون إتكسرت وكبر وإتبهدل , (كان وسيم وطويييييييل وقبافة ) كده

تحياتي ليهو وإنشاء الله أديهو تلفون ..

(المكان ده وين يامعتصم , لسا بشتغل جنب مطعم البحر الأحمر) ..؟

المكان .. قرب الجامع الكبير .. لكنه لا زال يعمل جوار مطعم البحر الاحمر وذهبت اليه هناك مراراً وتكرارا ولم افلح في العثور عليه واترك له الوصايا وبالامس ذهبت ووجدته وقلت له أن سيارتي معطلة واريدك ان تذهب معي لاصلاحها فقال لي انا مشغول وسارسل معك احد تلاميذي ( يظهر احدهم بجانبه في الصورة )- والغريب انه يختار اطول التلاميذ - رفضت وقلت له لن يستطيع احد غيرك اصلاحها فوافق على الحضور الي ولكن بعد الساعة الرابعة عصراً ونسيت امره وسط مشغوليات العمل لافاجأ به امام مكتبي عند الرابعة عصراً وطلبت منه الجلوس لزوم الضيافة فرفض تماما وقال انه مشغول جداً وقال لي ( وريني مكان العربية وين ) وطبعاً اضطررت لتغيير بعض اللمبات في السيارة حتى اظفر بهذه الصور ..

Quote: وطبعاً اضطررت لتغيير بعض اللمبات في السيارة حتى اظفر بهذه الصور ..

طالبنا يا(عمك)

البعيو فووق

.

(*)

سلامات يامعتصم

مفترض أتابع معاك , لكن لظروف سفر مفاجئ ,..

لم أستطع التواصل مع البورد ..

سأعود

الاخ معتصم

لك التحية يا راجل يا مجتهد و دائما توعد وتوفي

كنت جارك في الكلاكلة و مازلت وليتنا تعارفنا

في ارض الوطن,فلدي الحس الصحفي مثلك


مودتي

سيف

اخي معتصم شكرا علي المجهود وكلنا عايزين تلفون البعيو عشان نهنيهو بالفرفره ديك.......