Post: #1
Title: وكم في الخورٍ من دُرر ....!!!
Author: كمال علي الزين
Date: 01-08-2007, 09:33 PM
إستخدام كلمات خارجة , بل ربما إفتعال صراع تستخدم فيه كل الوسائل المشروعة ,وغير المشروعة
صار سمة من سماتنا وشغل حيزاً في أدبيات خلافنا وإتفاقنا .
نبحث عن درة لدكتور مايبحث في شعر الحقيبة ,ودراسات كثيرة لأدباء ومفكرين , تهضمها ظاهرة
إفحش تذكر وأشتم لتعرف ...
إن إستمر الحال على هكذا منوال
نرجو أن نملك حق التجول في الخور , تملكاً موازياً لأولى صفحات المنبر العام
فكم بالخور من درر
؟؟؟؟
|
Post: #2
Title: Re: وكم في الخورٍ من دُرر ....!!!
Author: ناذر محمد الخليفة
Date: 01-09-2007, 06:30 AM
Parent: #1
كمال سلامات ..
Quote: نرجو أن نملك حق التجول في الخور , تملكاً موازياً لأولى صفحات المنبر العام
|
قد لا تصدق إذا ما قلت لك انني أبدا تجوالي في المنبر إبتداء بالخور وذلك لأنه يعكس حركة المنبر الحقيقية ومستوى قبول أو رفض المواضيع من قبل الأعضاء !
نصيحة لله والرسول :
أول ما تخش المنبر أبدا بالخور أول ..
|
Post: #3
Title: Re: وكم في الخورٍ من دُرر ....!!!
Author: Tragie Mustafa
Date: 01-09-2007, 07:20 AM
Parent: #2
كمال سلام
وليه منتظر اذن للتجول هو في حظر تجول ولا ايه؟؟؟؟
يازول انت في بورد امريك اتجول زي ما عايز.
ناذر
Quote: قد لا تصدق إذا ما قلت لك انني أبدا تجوالي في المنبر إبتداء بالخور
وذلك لأنه يعكس حركة المنبر الحقيقية ومستوى قبول أو رفض المواضيع من قبل الأعضاء ! |
يا مستهبل..امال استنكرت تسجيلي لاول مداخله بالخور ليه بعد عودتي الميمونه
لما اصلا انت بتبدأ بيه يومك في المنبر؟؟؟
تراجي.
|
Post: #5
Title: Re: وكم في الخورٍ من دُرر ....!!!
Author: كمال علي الزين
Date: 01-09-2007, 11:11 AM
Parent: #3
تراجي
تحياتي وحمدلله على السلامة
عدتٍ وعاد ملاحقييك
جمعيتك دي مانا من أنصاراوأفكارك كلها إحنا ضدها
وكنا نتمنى أن تكوني على خطأ في أولى معاركك بعد عودتك
لكن يؤسفني أنك على حق
فمن حسن حظك أن كل من يعارضون رأيك
يبدأون من حيث إنتهت ( بت مجذوب ) في موسم الهجرة
نختلف معك
نتعاطف معك على الصعيد الشخصي
ونتمنى أن تذهب جمعيتك إلى الجحيم ,
وتسلمي إنتي ووليداتك
لكني أؤكد لك أنها ستذداد قوة ( للأسف )
فمن يعارضونها , يذيدونها قوةً
إحترامي وتقديري
|
Post: #9
Title: Re: وكم في الخورٍ من دُرر ....!!!
Author: كمال علي الزين
Date: 01-09-2007, 12:35 PM
Parent: #3
تراجي
الخواجات المصورة معاهم ديل منو ؟؟
وفرحانين كده مالم ؟؟
أوعا تكوني قلتي ليهم ناذر إنضم للجمعية ..!!
|
Post: #4
Title: Re: وكم في الخورٍ من دُرر ....!!!
Author: كمال علي الزين
Date: 01-09-2007, 10:37 AM
Parent: #2
ناذر
تحياتي
التفتيش في الخور صعب , عايزين إنقلاب , يخلي الصفحة الأولى أخيرة
عارف يوم بتجينا بنية طايرة
لكن سؤال :
الشتايم دي علاقتا بي مشاكل السودان شنو ؟؟؟
ربما لأن أزمة السودان إبتدأت بشتيمة يونس محمود لكل العالم..
محبتي
|
Post: #6
Title: Re: وكم في الخورٍ من دُرر ....!!!
Author: كمال علي الزين
Date: 01-09-2007, 11:45 AM
Parent: #4
يبقى الذبد
وفضيلي جماع
مواضيعه تقبع في الخور
( خور السرور)
؟؟؟؟؟
|
Post: #7
Title: Re: وكم في الخورٍ من دُرر ....!!!
Author: ناذر محمد الخليفة
Date: 01-09-2007, 12:02 PM
Parent: #1
تراجي سلامات ..
Quote: يا مستهبل..امال استنكرت تسجيلي لاول مداخله بالخور ليه بعد عودتي الميمونه
لما اصلا انت بتبدأ بيه يومك في المنبر؟؟؟
|
صدقي وتأمني بالله أنا ما إستنكرت وجود مداخلتك في الخور .. كل الحصل في أثناء غيابك في واحدة تانية تربعت على عرش الخور  والحقيقة إنها إتفوقت عليك لأنو مش بوستاتا بس المشت الخور .. حتى أي بوست بتاع زول تاني فيهو إسمها جا الخور لا إيدو لا كراعو ، فلمن إنتي جيتي الخور بي أول مداخلة أنا الضحك شرطني لأني ما كنت قايلك رجعتي المنبر والضحك شرطني لأني كنت قايل بكري رجع ليك الباصويرد عشان بس تكتبي في الخور ما في المنبر
ويا تراجي .. صدقيني ما في شي شخصي بيناتنا أبدا لكن بالتأكيد بنختلف في حاجات كتيرة ووكت الدواس بنتداوس جد .. أهو دينق جا السودان وأنا طوالي معاو بي أريحية جدا لكن متفقين لمن يرجع المنبر (ويجيب الكورة من الأوت) ما يفتكر إني حا أرحمو ولا أنا أفتكر إنو هو حا يرحمني ..
عشان كدة أنا داير الفهم دا يكون في المنبر عشان ما المجاملات تفسد الأفكار وتخلي الناس تهادن في قضايا أساسية بالنسبة ليها ..
ولا شنو ؟!!
|
Post: #8
Title: Re: وكم في الخورٍ من دُرر ....!!!
Author: كمال علي الزين
Date: 01-09-2007, 12:11 PM
Parent: #7
شنو ؟؟
| Quote: عشان كدة أنا داير الفهم دا يكون في المنبر عشان ما المجاملات تفسد الأفكار وتخلي الناس تهادن في قضايا أساسية بالنسبة ليها .. |
ناذر ياخوي ماتجاملوا زول , لكن قصة ( فلان ده أمو كانت بتبيع العرقي في القماير )
ماعندها علاقة بالرأي ..
ولا شنو ؟؟
|
Post: #10
Title: Re: وكم في الخورٍ من دُرر ....!!!
Author: كمال علي الزين
Date: 01-09-2007, 01:23 PM
Parent: #8
الروايات الشعبية لجذور النزاعات القبلية في دارفور
الروايات الشعبية لجذور النزاعات القبلية في دارفور
ده كان مدحرج نحو الخور ,
موضوع غاية في الأهمية
أين المهتمين بقضايا دارفور ؟؟
بل أين أهل دارفور أنفسهم ؟؟
|
Post: #11
Title: Re: وكم في الخورٍ من دُرر ....!!!
Author: انور تاج السر
Date: 01-09-2007, 01:28 PM
Parent: #8
الاخ كمال الزين لك التحايا
يا ناذر خلبفة،كيفنك
ياخ انت موديني الخور مالك، انا ما كنت بعرف دربو وين لغاية ما واحد جا قال لي الحق ناذر وداك الخور و حتي وصف لي محلو(ولد لا). لمن مشيت هناك لقيتك جايبني في حكاية الجمال بتاعة عبد المنعم و معتز قريش في بوست ايزابيل الشهير و انت عارف انو انا كنت حجاز لكن للاسف الحجاز اخد عكاز.
بالله من الليلة و لي قدام خلي علاقتك معاي في شوارع الظلط، حتي شوارع التراب ما معانا و لو جارنها بقريدر.
شنكل(زي ما بتقول): انت يا اخوي الخور ده كاشي كده مالو ده خور ولا جدول؟
|
Post: #12
Title: Re: وكم في الخورٍ من دُرر ....!!!
Author: كمال علي الزين
Date: 01-09-2007, 01:39 PM
Parent: #11
Quote: ياخ انت موديني الخور مالك، انا ما كنت بعرف دربو وين لغاية ما واحد جا قال لي الحق ناذر وداك الخور و حتي وصف لي محلو(ولد لا). لمن مشيت هناك لقيتك جايبني في حكاية الجمال بتاعة عبد المنعم و معتز قريش في بوست ايزابيل الشهير و انت عارف انو انا كنت حجاز لكن للاسف الحجاز اخد عكاز.
|
أنور
تحياتي
عكاز وفي الخور ؟؟
حالتك صعبة
| Quote: شنكل(زي ما بتقول): انت يا اخوي الخور ده كاشي كده مالو ده خور ولا جدول؟ |
أنور ياخوي
القدال في موضع جمال قال :
والرواكيب الصغيرة تبقى أكبر من مدن
وفي مواضع أخرى نقول :
مليون ميل مربع تحولت إلى خور !!
محبتي
|
Post: #13
Title: Re: وكم في الخورٍ من دُرر ....!!!
Author: raheel
Date: 01-09-2007, 01:58 PM
Parent: #1
كمال وناذر النبى فيكم تورونى الخــــــــــــــــــــــور دا وين
امــــــــــــــوت ليكم
|
Post: #16
Title: Re: وكم في الخورٍ من دُرر ....!!!
Author: كمال علي الزين
Date: 01-09-2007, 08:02 PM
Parent: #13
Quote: كمال وناذر النبى فيكم تورونى الخــــــــــــــــــــــور دا وين
امــــــــــــــوت ليكم |
راحيل
أهلنا قالوا زمان ( البباري الجداد بوديهو الكوشة )
باري أجمل ناس هنا , بودوك الخور
زمن عجيب !!!
محبتي
|
Post: #14
Title: Re: وكم في الخورٍ من دُرر ....!!!
Author: ناذر محمد الخليفة
Date: 01-09-2007, 05:50 PM
Parent: #1
أنور سلامات ..
Quote: يا ناذر خلبفة،كيفنك
ياخ انت موديني الخور مالك، انا ما كنت بعرف دربو وين لغاية ما واحد جا قال لي الحق ناذر وداك الخور و حتي وصف لي محلو(ولد لا). لمن مشيت هناك لقيتك جايبني في حكاية الجمال بتاعة عبد المنعم و معتز قريش في بوست ايزابيل الشهير و انت عارف انو انا كنت حجاز لكن للاسف الحجاز اخد عكاز.
|
ياخ لكن إنت تستاهل مش يودوك الخور .. يودوك الترعة زاتا الجماعة بيتونسوا في أمان الله وكمان جايبين صور تعريفية لي أب سنام وأب سنامين .. سوء الظن ليك في شنو
|
Post: #15
Title: Re: وكم في الخورٍ من دُرر ....!!!
Author: ناذر محمد الخليفة
Date: 01-09-2007, 05:51 PM
Parent: #1
رحيل ..
Quote: كمال وناذر النبى فيكم تورونى الخــــــــــــــــــــــور دا وين
|
شوفي ليك زول غيري .. هسي أوريك الخور وين وتتعودي تمشي ليهو تقومي تجي تدقي لي جرس زي أنور دا !
|
Post: #17
Title: Re: وكم في الخورٍ من دُرر ....!!!
Author: كمال علي الزين
Date: 01-09-2007, 08:06 PM
Parent: #15
ناذر
ياخوي
شكلك بوستي ده ذاتو موديهو لي الخور
|
Post: #18
Title: Re: وكم في الخورٍ من دُرر ....!!!
Author: كمال علي الزين
Date: 01-09-2007, 09:46 PM
Parent: #17
وللدكتور / أحمد إبراهيم أبوشوك _ كوالا لامبور
مقالات وبحوث ,
تقبع في القاع
وكذا
أشعار عماد عبدالله
وفيصل عباس
أعود بعد مواصلة والتنقيب
|
Post: #19
Title: Re: وكم في الخورٍ من دُرر ....!!!
Author: رأفت ميلاد
Date: 01-09-2007, 10:25 PM
Parent: #18
كيفك يا كمال
| Quote: أعود بعد مواصلة والتنقيب |
ما تتعود على كدة بتبقى عادة ويودوك بوست الشـماسة
وتبقى زبون زى ناس ناذر
|
Post: #20
Title: Re: وكم في الخورٍ من دُرر ....!!!
Author: كمال علي الزين
Date: 01-09-2007, 10:40 PM
Parent: #19
Quote: ما تتعود على كدة بتبقى عادة ويودوك بوست الشـماسة
وتبقى زبون زى ناس ناذر |
رأفت
تحياتي
نادر بقى يشجع على الخور , الظاهر أدمن
ورضا بي القسمة
(الوجوه ديك بيجبوها من وين , أنا فايت هاشم كرار بي بونط )
محبتي
|
Post: #21
Title: Re: وكم في الخورٍ من دُرر ....!!!
Author: raheel
Date: 01-09-2007, 11:33 PM
Parent: #1
Quote:
انتو دى بتجيبوها كيف لمن تجينى النافذة بتجئ بالاتينى
ماعارفة اعملها عربى كيف
اوعا اكون دا بودى الخـــــــــــــــور بعدين انا ماعرفتا الخور دا بودونى ليهو الناس السمحين ولا الشينين
|
Post: #22
Title: Re: وكم في الخورٍ من دُرر ....!!!
Author: انور تاج السر
Date: 01-10-2007, 08:04 AM
Parent: #21
الاخ الراقي كمال الزين،
العزيز ناذر خور،
ايه رايكم(وخاصة ناذر بصفته خبير خيران اسفيرية) لو نقترح علي بكري ابو بكر يسمح للاعضاء بفتح بوستات في الخور علي الاقل يريح نفسو من عتالة البوستات و دفيقا في الخور كل يوم.
|
Post: #24
Title: Re: وكم في الخورٍ من دُرر ....!!!
Author: كمال علي الزين
Date: 01-10-2007, 11:52 AM
Parent: #22
Quote: العزيز ناذر خور،
ايه رايكم(وخاصة ناذر بصفته خبير خيران اسفيرية) لو نقترح علي بكري ابو بكر يسمح للاعضاء بفتح بوستات في الخور علي الاقل يريح نفسو من عتالة البوستات و دفيقا في الخور كل يوم. |
نادر
تحياتي
ناذر خور , إسم فني كويس , خصوصاً إنو نادر الخليفة , بيوحي بإنو مداح كده
وإقتراح جيد , تعيين ناذر مشرفاً على الخور
( والله ياناذر إلا أتعلم ليك الوجوه ديك بتجي كيف عشانك )
|
Post: #23
Title: Re: وكم في الخورٍ من دُرر ....!!!
Author: كمال علي الزين
Date: 01-10-2007, 11:47 AM
Parent: #21
Quote: انتو دى بتجيبوها كيف لمن تجينى النافذة بتجئ بالاتينى
ماعارفة اعملها عربى كيف
اوعا اكون دا بودى الخـــــــــــــــور بعدين انا ماعرفتا الخور دا بودونى ليهو الناس السمحين ولا الشينين |
رحيل
السؤال الأول موجه لناذر , خبير في توجيهات المشاركة وتوجيههم إلى أقرب طرق تؤدي للخور
( أنا لوبعرف كنت عملت كم وجه ضاحك كده )
التاني
الأيام دي السمحين بودوك الخور
لأن بضاعدتهم كاسدة
محبتي
|
Post: #25
Title: Re: وكم في الخورٍ من دُرر ....!!!
Author: انور تاج السر
Date: 01-10-2007, 12:44 PM
Parent: #23
كمال
انا عندي اقتراح برضوانو يتغير اسم الخور(لانو ما اوريجينال زي ما بقول ناذر) الي مجري تصريف البوستات و ذلك لسببين: الاول ان الخور يحتوي علي درر كما اوردت يا كمال و لا يليق ان يسمي بهذا الاسم، و ثانياً عندما يعين ناذر مشرفاً يكون مسمي وظيفته امين مجاري اسفيرية بدلاً من خازن خيران.
شنكل: ناذر انت علي فكرة قريت شنو.
|
Post: #26
Title: Re: وكم في الخورٍ من دُرر ....!!!
Author: كمال علي الزين
Date: 01-10-2007, 02:04 PM
Parent: #25
Quote:
شنكل: ناذر انت علي فكرة قريت شنو. |
الثانوي غايتو أكيد خور عمر
ده طبعاً عشان أنضف خور في البلد
قصرنا معاك يانادر
بس تعال عشان نعرف الجامعة كانت في ياتو خور
|
Post: #27
Title: Re: وكم في الخورٍ من دُرر ....!!!
Author: ناذر محمد الخليفة
Date: 01-10-2007, 02:37 PM
Parent: #1
!!!!!!!!
Quote: الثانوي غايتو أكيد خور عمر
ده طبعاً عشان أنضف خور في البلد
قصرنا معاك يانادر
بس تعال عشان نعرف الجامعة كانت في ياتو خور |
الثانوي قريتو في خور عمر والجامعة في مدينة خورنقباد شرق الهند والغريبة بيتنا في الخرطوم بوصفوهو بي شارع مشهور في المنطقة الصناعية إسمو شارع الخور !!
ما عارف الشغلة دي صدفة ولا ترتيب إلهي !!
شنكل :
يا كمال عشان تعمل الوجوه بس تعمل SHIFT ومعاها حرف الكاف + حرف D يعني كدة :d بس تحول حرف الدي لي كبيتل ..
|
Post: #28
Title: Re: وكم في الخورٍ من دُرر ....!!!
Author: كمال علي الزين
Date: 01-10-2007, 04:21 PM
Parent: #27
Quote: الثانوي قريتو في خور عمر والجامعة في مدينة خورنقباد شرق الهند والغريبة بيتنا في الخرطوم بوصفوهو بي شارع مشهور في المنطقة الصناعية إسمو شارع الخور !!
|
والله ياولدي كلها خيران السرور
بس الرماك في خورنا ده شنو
( بتعلم الوجزه وبجيك)
|
Post: #29
Title: Re: وكم في الخورٍ من دُرر ....!!!
Author: ناذر محمد الخليفة
Date: 01-10-2007, 05:40 PM
Parent: #1
بالمناسبة يا شباب أنور وكمال ..
عارفين منو الأطلق على منبر الأعضاء إسم الخور ؟!
دا شخصي الضعيف ظاااطو بعد يوم ولا يومين بس من إنشاء الخور وبعد داك سرى المصطلح بي سرعة رهيبة جدا وإنتشر في المنبر ... مش كدة وبس يرضو في مناير مجاورة بقت تسمي بوسطاطا المحزوفة أو الفي منبر بتاع أعضاء لفظة الخور برضو !!
وللأسف لحدي هسي حقوقي الفكرية والمادية والادبية منتهكة ما قادر أستردها
والتفاصيل في البوست دا اللي كان عقب إنشاء الخور :
http://209.85.126.154/cgi-bin/sdb/2bb.cgi?seq=msg&board=110&msg=1140196783
|
Post: #30
Title: Re: وكم في الخورٍ من دُرر ....!!!
Author: كمال علي الزين
Date: 01-10-2007, 05:51 PM
Parent: #29
الحزب النظيف
ناذر ياخوي حقوقك محفوظة
بث أعفص هنا شغالين فيك قطيعة ومحتاجين خبرتك الخوررية
|
Post: #31
Title: Re: وكم في الخورٍ من دُرر ....!!!
Author: ناذر محمد الخليفة
Date: 01-10-2007, 05:54 PM
Parent: #1
بقت تجيني قناعة إنو بكري بيوديني الخور تلاتة مرات في اليوم عند اللزوم كإنتقام مني عشان المصطلح الإبتكرتو ليهو دا !!
|
Post: #32
Title: Re: وكم في الخورٍ من دُرر ....!!!
Author: كمال علي الزين
Date: 01-10-2007, 06:12 PM
Parent: #31
| Quote: بقت تجيني قناعة إنو بكري بيوديني الخور تلاتة مرات في اليوم عند اللزوم كإنتقام مني عشان المصطلح الإبتكرتو ليهو دا !! |
طباخ السم
بضوقوا
|
Post: #33
Title: Re: وكم في الخورٍ من دُرر ....!!!
Author: ناذر محمد الخليفة
Date: 01-10-2007, 06:30 PM
Parent: #1
!!!!!!
|
|