Post: #1
Title: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 10:03 AM
Parent: #0
(1)
غرفتان من طين
على شاطئ ذلك النهر
أمامهما
عريشة من (حصير)
وحوضان بهما زرع من خضار
رائحة (الجرجير)
وذلك الهواء المشبع برائحة
الفيضان
وشجيرات اللوبيا
حين تغمرها المياه
يغالبني النوم
وأنا أتأمل السماء
وأصحو فجراً على صياح (ديك)
أزرع وأقلع
وأقرع
وأقرأ
وأمد إصبعي بوجه الزمان
أزرو قبر خالي حين أشتاقه
وأمشى بضعة كيلوميترات فحسب
للقاء أصدقاء طفولة
زملاء دراسة
بيت عزاء
صيوان فرح
وأعود خفيفاً
لا أحمل هم غد
ولا أندم على ماضٍ
أنا راجع للبلد
كرهت الكهرباء
والضوضاء
ولبس النظارة
والبنطال
|
Post: #4
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 10:26 AM
Parent: #2
| Quote: شينـة وبطفـش الجكـس!! |
نوبي
مالي الدرجة دي
خلينا الرجعة
|
Post: #6
Title: Re: أنا راجع للبلد , ( لمن تقبلني زوجاً )
Author: فيصل نوبي
Date: 03-04-2007, 10:33 AM
Parent: #4
Quote: مالي الدرجة دي
خلينا الرجعة |
ما قلتو نوبة
تحياتي يا كمال يا لذيذ.
|
Post: #8
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 10:37 AM
Parent: #6
نوبي
إنتو بتريحوا نوبة
كنت لابد لي بيها العروس دي
تسلم ياحبيب
|
Post: #3
Title: Re: أنا راجع للبلد , ( لمن تقبلني زوجاً )
Author: هاشم أحمد خلف الله
Date: 03-04-2007, 10:15 AM
Parent: #1
Quote: كرهت الكهرباء
والضوضاء
ولبس النظارة
والبنطال |
بداية موفقة , لكن عندي ليك سؤال وينا الكهرباء اللي الناس بتكرها ؟؟؟
|
Post: #5
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 10:32 AM
Parent: #3
| Quote: لكن عندي ليك سؤال وينا الكهرباء اللي الناس بتكرها ؟؟؟ |
في دوحة السجم دي
|
Post: #7
Title: Re: أنا راجع للبلد , ( لمن تقبلني زوجاً )
Author: هاشم أحمد خلف الله
Date: 03-04-2007, 10:35 AM
Parent: #5
شفاءك الله وعافاك والله أنا كنت قائل الكلام ده في السودان ؟؟
|
Post: #9
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 10:40 AM
Parent: #7
| Quote: شفاءك الله وعافاك والله أنا كنت قائل الكلام ده في السودان ؟؟ |
هاشم ياخوي في السودان بلدي , أقول ماشي البلد
البلد دي الخرطوم ذاتا
تسلم ياأب شنب
|
Post: #12
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 10:45 AM
Parent: #9
(2)
عصيدة ,
وملاح روب
كانتا طلبي الأخير
قبل أن أغادر
آخر مرة
لا أظنني
أحب هذه العصيدة
أو هذا الملاح
إلى هذا الحد
لكنني
أظن أنني
أردت أن أختبر
هل أنا
مازلت أبن هذه العائلة
ولي حق أن أشتهى وأطلب
أم أنني
صرت
كمزن السماء
أبوتها
كل موسم
وكل حين
مطرُ
وجوُ ربيعي
نادر
تذكرته
حين كان يأتي
غائماً
ومشبعاً
بالأنسام
أغراني
بالعودة
لم أستتطع العودة
فقد
أشفقت على أمي
من مشقة
وداعي
مرتين
أكلت ملاح الروب
وحزمت حقائبي
وغادرت
|
Post: #11
Title: Re: أنا راجع للبلد , ( لمن تقبلني زوجاً )
Author: فيصل نوبي
Date: 03-04-2007, 10:43 AM
Parent: #5
لووووووووووووووووووووووووووووووول
مساحتها كم ؟
|
Post: #13
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 10:51 AM
Parent: #11
Quote: لووووووووووووووووووووووووووووووول
مساحتها كم ؟
|
ضاقت علي بما رحبت
|
Post: #10
Title: Re: أنا راجع للبلد , ( لمن تقبلني زوجاً )
Author: أبو الحسين
Date: 03-04-2007, 10:41 AM
Parent: #1
اليوم همسَسْتَك شمال حلالي عليك...
إن كان لي مُراد أنزل ليك طنبور كااااارب من النعام آدم...
قواسيب مودتي... صديقي ود الزين...
أبو الحســـــــين...
|
Post: #14
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 10:54 AM
Parent: #10
Quote: اليوم همسَسْتَك شمال حلالي عليك...
إن كان لي مُراد أنزل ليك طنبور كااااارب من النعام آدم...
قواسيب مودتي... صديقي ود الزين...
أبو الحســـــــين... |
صديقي أبوالحسين
نزل لي :
يالحبايبك متهجرة
محبتي
|
Post: #16
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 11:04 AM
Parent: #14
(3)
قبل المغادرة بيومين
جلسة جمعتني بالفنان الضخم
محمد وردي
بمنزل الزميل ودالشريف
قبلها كان حفل زواج
أحياه وردي ,فأماتنا
حين غنى
بصوته الذي لايصدأ
وحنجرته التي لا تشيب
(الريلة)
( الزول الولوف لي قلبي خراب
أمشي وألتفت لما النهار غاب
إنت حديثك لي أن أكيد ولا كضاب
واافجعتي
حين قال :
( حد مالملموهن خاطري ماطاب
ياحليل أموني في غرب الضياباب )
أغنية بالطنبور
أحيت من ظننتهم في القبور
حينها عدت للراحل (هاشم ميرغني)
نظرت إلى هاتفي المحمول
تذكرت أن رقم هاتفه
لم يزل يداهمنى
كلما أردت أن أتصل ( هاشم كرار)
وكل هاشم آخر عرفته
بالطبع, ليس كهاشم ميرغني
ذات ليل ,
من ليالي الدوحة الموحشة
طلبته أن يغني لوردي
قال : لا أحفظ غيرها
تلك الريلة التي
تحببك في الشايقية
أجبته
هذه بالذات
لا تغنيها في هذا الليل
ونحن فوق سطح إحدي
غابات الإسمنت
والألم
فينا
يفعل أفاعيله
غناها (هاشم )
نكاية في
ولولا أنه
لم يغني هذا البيت
أسقطه سهواً
أم رأفة
لا أعرف ,
ولكنني أجزم
أنه لو قالها
بصوته الذي تعرفون
( حد مالملموهن خاطري ماطاب )
لكان هو من ينعيني الآن
|
Post: #15
Title: Re: أنا راجع للبلد , ( لمن تقبلني زوجاً )
Author: أبو الحسين
Date: 03-04-2007, 11:00 AM
Parent: #1
النعام آدم...
شتيلة قريرة...
|
Post: #17
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 11:06 AM
Parent: #15
تسلم صديقي أبوالحسين
النعام
عجيييب
|
Post: #18
Title: Re: أنا راجع للبلد , ( لمن تقبلني زوجاً )
Author: Muna Khugali
Date: 03-04-2007, 11:11 AM
Parent: #17
كمال وأبو الحسين..
مالكم علينا من أول الصباح?
ليكم رقصة وشبال..
الصورة كانت معرضة البوست شـلتها!
أجيب ليك زير وحمار ونخلة بدله?
|
Post: #20
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 11:19 AM
Parent: #18
Quote: كمال وأبو الحسين..
مالكم علينا من أول الصباح?
ليكم رقصة وشبال..
|
الغالية منى خوجلي
أنا جد راجع للبلد
محبتي
|
Post: #40
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 08:33 AM
Parent: #18
Quote: الصورة كانت معرضة البوست شـلتها!
أجيب ليك زير وحمار ونخلة بدله? |
منى خوجلي
وين الزير
والحمار
والنخلة
؟؟
صور تفوح منها رائحة المحنة.
|
Post: #19
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 11:14 AM
Parent: #17
(4)
وأنا راجع للبلد
أذكر ذلك الصوت
وتلك الكلمات
حين يغني (عمر أحمد)
الذي قد لا يعرفه الكثيرين
(كان بدري عليك )
تودعني وأنا مشتاق ليك
كيف كان ذلك الزمان
أعني نهاية الخمسينيات
وبداية الستينيات
ذلك الزمان الذي كان زمان المعجزات
عصرية
فيها
كتبوا
( سيدة وجمالا فريد )
بالتأكيد
ليست كعصريات هذا الزمان
وليلة
غنى فيها (عمرأحمد)
(كان بدري عليك )
بالتأكيد ليست كليالي الدوحة
وقيل أنه حين غناها
كاد أن يذهب بعرش
(إبراهيم عوض )
إلا أنه غناها ,
هذه اليتيمة
ومات عن ثمانية عشر عاماً
أو كما قال,
صلاح فرج الله
|
Post: #21
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 11:36 AM
Parent: #19
(5)
لاشئ يعدل الوطن
نعم
لاشئ ,كوطني
لا مكان
يستطيع
إحتوائي
وتعزيتي
لا مكان ,
يجعلني
أحس بأنني (أنا) , أنا
أنا غير أحبابي حطام ,
تتردد بأذني أغنيات
وتختلج بصدري عبرات
ويلاحقني صوت (سيد خليفة)
( غداً نكون كما نود )
و
( نلتقي عند الغروب )
( غداً تعود مباهجي )
( غداً حبيبي حتماً يؤوب )
ويختمها (أبو السيد)
بآهاته تلك
التي عجز عن محاكاتها
صديقنا(عمار السنوسي)
إنهآ آهةُ ليست
للطرب
أنهازفرة من لهب
حتى متى تضطرناالأيام؟؟
حتى متى نبكي ,
وندمنه النحيب ؟؟
حتى متى ؟؟
نظل نرحل
ثم نلعن كل ركب ؟؟
ويلاحقني (أبو السيد)
بصوته الدافئ
( أمسي مضى بين التتسهد والأنين )
( وسادتي بللتها بالدمع ,
بالدمع السخين ...
...
|
Post: #22
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 11:46 AM
Parent: #21
(6)
ها أنا ذا
هنا
مرة أخرى
بعيداً عنك
ياوطني
يابلدأحبابي
مرة أخرى
أحس ,
حين أعتلى الطائرة
أن قلبي
قد أنتزع
من بين أضلعي
وأستودع
هناك
بأم درمان
فهنا
لا حاجة بنا للقلوب
مدن المنافي
جميعها
بلا قلب
هل ترى سأعود ؟؟
أم أن عيناي
لن تكتحلان
مرة أخرى
برؤية
أمي
وأبي
وأمدرمان
|
Post: #23
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 12:01 PM
Parent: #22
(7)
الله يصبرك ياقلبي
من حالتك الفوقك
الله يصبرك
غنيتها صباحاً
وأنا أذكر
ذلك المشوار
بين الخرطوم
وأمدرمان
وأنا أنظر
من فوق ذلك الجسر العتيق .
لخضرة الملتقى
وتلاحقني
رائحة الخضرة
وعزوبة الماء
وذلك الوجه الحسن
ثلاثية الجمال
ثم ,
تلك الأغنية
التي ترنمنا بها طويلاً
( مشتاقين
إنت متين تجينا
سهرانين
والليل طال علينا
يالساكنين في حي الجنينة )
أرتدي ثيابي
وأتوجه للعمل
وأنا ألعن
النعام آدم
وصديق عباس
|
Post: #24
Title: Re: أنا راجع للبلد , ( لمن تقبلني زوجاً )
Author: Muna Khugali
Date: 03-04-2007, 01:01 PM
Parent: #23
Quote: الغالية منى خوجلي
أنا جد راجع للبلد
محبتي |
امس القريبة اتصلت بود عمتي ..قلت ليه عايزين نمشي نفتح بيوتنا
الشمالية والنيل والنخيل وريحة بيوت الطين وصوت خطوات أجـدادنا
في البيوت تملاك اطـئنان..حلم بيكبر اكتر في الغربة...
هو حلم جميل وطبيعي..
المهم احجزأوضة لناس سودانيزاونلاين
يعني اعملهم تلاته غرف..
|
Post: #26
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 01:13 PM
Parent: #24
Quote: امس القريبة اتصلت بود عمتي ..قلت ليه عايزين نمشي نفتح بيوتنا
الشمالية والنيل والنخيل وريحة بيوت الطين وصوت خطوات أجـدادنا
في البيوت تملاك اطـئنان..حلم بيكبر اكتر في الغربة...
هو حلم جميل وطبيعي..
المهم احجزأوضة لناس سودانيزاونلاين
يعني اعملهم تلاته غرف.. |
العزيزة منى
ياسلام على بيوت الطين
جنب البحر
وريحة الخدار
عارفا مرة واحدة وافقت تعرسني
فاكراني حا أعيش هنا في الدوحة على طول
شرطي الأول كان الحياة في السودان
ووصفتا ليها أوضتين الطين
ديل
زاقت مني
أوضة سودانيز أونلاين التانية
أنا عاوز واحدة
تلاتة مابقدر عليهم
بتخربي لي خرطتي التعبت فيها
|
Post: #25
Title: Re: أنا راجع للبلد , ( لمن تقبلني زوجاً )
Author: Randa Hatim
Date: 03-04-2007, 01:05 PM
Parent: #23
يا الله يا كمال !!!!!!!
ليه كدا لكن؟؟؟؟ الله يسامحك ..
ذكرتنى بيتنا فى القطينه .. وشجرة النيمه والبرازيليتين ..
والحوش الورا ... مليااان شجر ..
ليمون ... وقريب ... وجوافه .. ورمان .. ولارنجه بتعرف اللارنجه يا كمال؟؟؟
ساعة المغربيه ... السراير الفى الحوش ملاياتن تهبب ولما ترقد فى السرير تلقاهو بااارد زى المرطب بى نسايم الجنه ....
لمة الاهل .. الونسه .. الشاى باللبن واللقيمات ... باقى حلة الغدا لما نعملها معجونه بالشطه والدكوه والليمون .... الضحك الصافى بلا هم ولا زعل ...
الصباحيه ... تحريك السراير على الضل .. تيرمس الشاى باللبن المقنن ... وصينيه مختوته فيها خدار اليوم ... قطيع البصل .. ووريق الملوخيه ... والونسه .. الونسه الحلوه مع نسايم الصباح ...
ذبحتنا والله يا كمال من الوريد الى الوريد .....الله يسامحك
|
Post: #27
Title: Re: أنا راجع للبلد , ( لمن تقبلني زوجاً )
Author: Randa Hatim
Date: 03-04-2007, 01:20 PM
Parent: #25
قومة الصباح ....
الاستعداد للشغل ... ليه يا ربى هناك بنقوم بى نفس وهنا لا؟؟؟
الشارع .. الناس ..المواصلات ... الكمسارى والطقطقه للقروش (طلبه بالله) ... الشهداء .. السوق العربى .. ميدان ابوجنزير .. المحطه الوسطى بحرى ...
مشاوير العصارى ... الزيارات ... سعد قشره ... سوق ام درمان .... وقفه فى الكافتريا... الساندويتش وكباية العصير ... والمسجل .. الغنية وونسة الناس .....
بالليل ... الفول .. البوش ... وزيت السمسم .... والباااااااسطه حقتنا المافى زيها هنا...
غايتو يا كمال ... مواجع واتفتحت !!!
|
Post: #29
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 01:34 PM
Parent: #27
Quote: قومة الصباح ....
الاستعداد للشغل ... ليه يا ربى هناك بنقوم بى نفس وهنا لا؟؟؟
الشارع .. الناس ..المواصلات ... الكمسارى والطقطقه للقروش (طلبه بالله) ... الشهداء .. السوق العربى .. ميدان ابوجنزير .. المحطه الوسطى بحرى ...
مشاوير العصارى ... الزيارات ... سعد قشره ... سوق ام درمان .... وقفه فى الكافتريا... الساندويتش وكباية العصير ... والمسجل .. الغنية وونسة الناس .....
بالليل ... الفول .. البوش ... وزيت السمسم .... والباااااااسطه حقتنا المافى زيها هنا...
غايتو يا كمال ... مواجع واتفتحت !!! |
رندا
عليك الله الحياة تستاهل نضيع من عمرنا زيادة في الوهم العايشينوا ده .
وديك بلد بتتفات .
|
Post: #67
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 07:35 PM
Parent: #27
Quote: والباااااااسطه حقتنا المافى زيها هنا...
|
رندا
تحياتي
زميلنا حسن دلوق , مصمم صحفي ( من ألوان) , جانا زيارة وإشتهى الباسطة
لف الدوحة كلها كلما يقول باسطة , الهنود يدوهوا (باستا) مكرونة .
بتعشى معانا الفول خلص من قدامنا شال صحنو وعامل ضكران جاري يجيب زيادة بسرعة من الدكان .
ما أجمل وأطعم بساطة أهلنا, وباسطتهم .
|
Post: #28
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 01:24 PM
Parent: #25
Quote: يا الله يا كمال !!!!!!!
ليه كدا لكن؟؟؟؟ الله يسامحك ..
|
Quote: ذكرتنى بيتنا فى القطينه .. وشجرة النيمه والبرازيليتين ..
والحوش الورا ... مليااان شجر ..
ليمون ... وقريب ... وجوافه .. ورمان .. ولارنجه بتعرف اللارنجه يا كمال؟؟؟
|
Quote: ساعة المغربيه ... السراير الفى الحوش ملاياتن تهبب ولما ترقد فى السرير تلقاهو بااارد زى المرطب بى نسايم الجنه ....
|
Quote: لمة الاهل .. الونسه .. الشاى باللبن واللقيمات ... باقى حلة الغدا لما نعملها معجونه بالشطه والدكوه والليمون .... الضحك الصافى بلا هم ولا زعل ...
|
Quote: الصباحيه ... تحريك السراير على الضل .. تيرمس الشاى باللبن المقنن ... وصينيه مختوته فيها خدار اليوم ... قطيع البصل .. ووريق الملوخيه ... والونسه .. الونسه الحلوه مع نسايم الصباح ...
|
| Quote: ذبحتنا والله يا كمال من الوريد الى الوريد .....الله يسامحك |
عليك الله يارندا
الذبح التاني
بجيها واحدة واحدة
كمية المشاهد البتبكي الوصفتيها دي .
|
Post: #30
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 01:40 PM
Parent: #28
(8)
تساءلت كم من الأعياد التي لاطعم لها عشتها في غربة
من مات هناك ؟؟
من تزوج ؟؟
من ولد ؟؟
من إحتاجني ولم يجدني ؟؟
كم (مطرة) هطلت علي بيت جارتنا حاجة آمنة بت عبدالقادر
ولم أذهب بعدها كعادتي لتفقدها
كم وكم ؟؟
أنا راجع للبلد
|
Post: #31
Title: Re: أنا راجع للبلد , ( لمن تقبلني زوجاً )
Author: محمد سنى دفع الله
Date: 03-04-2007, 01:51 PM
Parent: #30
يأخوي مالك الزهجك شنو؟
لمن تفكها فينا كده !
حنين وشوق ودبرسة
لمن لسانك انعقد
النعام ما فكاها ليك
جاي تدبرسنا نحن كمان يا كمال
حالة أخير منها العرس
|
Post: #32
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 02:18 PM
Parent: #31
Quote: يأخوي مالك الزهجك شنو؟
لمن تفكها فينا كده !
حنين وشوق ودبرسة
لمن لسانك انعقد
النعام ما فكاها ليك
جاي تدبرسنا نحن كمان يا كمال
حالة أخير منها العرس |
السني يافنان
أتدري أنني منذ الأمس أمر على بوست رندا
هل التبرع لعمل انسانى ... قلع من الجيوب ؟؟؟؟؟؟؟؟؟
ولم أدخل لقراءته , لأنني حسبته نوع من الدعاية للعمل
الإنساني الضخم الذي تتطلع به هذه الأنثى الضكرانة
مات صديقي د. محمد إسماعيل وحيداً في غرفته
إنتحر رجل في قامة بدرالدين الأمير
الذي تعلم محبتنا وتقديرنا له
إنتحر هنا على صفحات سودانيز أونلاين
ليتني لم أقرأه
ليت رندا أيضاً لم تتصل به ليلتها
فأنا أعلم محبتها وتقديرها له
نحن من أنتقيناه بين إخوة بعدد أصابع اليد
لثقتنا به
ليت هذا البوست يذهب إلى الخور
ليعود بدرالدين
وتعود رندا
ليتني أرجع للبلد
سأعود لسحب هذه المداخلة
|
Post: #33
Title: Re: أنا راجع للبلد , ( لمن تقبلني زوجاً )
Author: محمد سنى دفع الله
Date: 03-04-2007, 02:36 PM
Parent: #32
معذرة لفت نظرك للبوست
الموات
وزدنا عليك الدبرسة
لكنها جميلة كلماتك
وربنا امسيهم على خير كل الأحبة
ولك المودة كمال
|
Post: #34
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-04-2007, 02:45 PM
Parent: #33
Quote: معذرة لفت نظرك للبوست
الموات
وزدنا عليك الدبرسة
لكنها جميلة كلماتك
وربنا امسيهم على خير كل الأحبة
ولك المودة كمال |
يا الله يالسني
لماذا نشوه أشياء جميلة
كرندا حاتم
لماذا أراد بدرالدين أن يفهمنا أنه ليس كما نظن
به من خير
لماذا تعمد أن يخصم من رصيد محبته الذي تعلم في قلوبنا
لا أعترض على حريته في الإمتناع عن المساهمة فيما تقوم به رندا من خير
ولن ننكر ماله من يد سبقت في أعمال خيرة كثيرة
ولكن لماذا يحاول بدرالدين تشويه الصورة الجميلة التي نحملها له
ولماذا كان في رده شئ من اللوم الخاص لرندا بصفتها الشخصية ؟؟
|
Post: #35
Title: Re: أنا راجع للبلد , ( لمن تقبلني زوجاً )
Author: salma altijani
Date: 03-04-2007, 06:44 PM
Parent: #34
Quote: لاشئ يعدل الوطن
نعم
لاشئ ,كوطني
لا مكان
يستطيع
إحتوائي
وتعزيتي
لا مكان ,
يجعلني
أحس بأنني (أنا) , أنا
|
الله يوصلك بالسلامة وينولك الفي مرادك
لكين الله يسامحك يا استاذ
|
Post: #36
Title: Re: أنا راجع للبلد , ( لمن تقبلني زوجاً )
Author: Randa Hatim
Date: 03-05-2007, 07:25 AM
Parent: #35
ذكريات البلد .... كالروح تسرى فى الجسد .. وكالسم فى اوردة الزمن ..
السودان ... الحنية ... الاصالة ... البلد ..
نرجع لى بيتنا تانى .... الحوش الورا ..
احواض الزهور واللبلاب..ونكه..جهنميه...نرجس...فل...ريحان....صباح الخير ... اتخيلتو هوا الصباح بيكون عامل كيف لما افتح شباك البرنده الورا؟؟؟؟؟؟؟؟
بعد الخميس والجمعه .. الرجعه للخرطوم والجامعه .. قومة الصباح .. بص عبدالعظيم ... الكمسارى ... اتفضل القروش ... فى زول قاعد ورا دفع ليك .. ..ويبدا السلام من اول مقعد لى اخر مقعد!!!!
الخريف ... برق القبلى ... السحاب الرمادى قالع من طرف السما ... الغيمه ... الدعاش ورزاز المطر ... صوت الهوا .. والمطره .. والشجر ... والرعد .. وضى البروق فى السما ...
اااخ يالغربه الشينه .. لا الاكل فيك بيشبع .. ولا المويه تروى .. ولا نحنا يانا نحنا..
|
Post: #37
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 08:06 AM
Parent: #36
| Quote: اااخ يالغربه الشينه .. لا الاكل فيك بيشبع .. ولا المويه تروى .. ولا نحنا يانا نحنا.. |
الغالية رندا
أهلنا الغرابة سموها (الغربة البطالة)
السر عثمان الطيب , كتب (بحر المودة) , يتحدث عن غربته في الخرطوم .
فكيف نشبع أو نروى أو نكون (نحنا).
|
Post: #38
Title: Re: أنا راجع للبلد , ( لمن تقبلني زوجاً )
Author: Randa Hatim
Date: 03-05-2007, 08:22 AM
Parent: #37
الليله والليله دار ام بادر يا حليلا ...
بريد زولى
زولا سرب سربه ... خلى الجبال غربه
ادونى ليه شربه ... خلونى النقص دربه
الزارعنو فى بارا ... الشايلنو الجمالا
زولا ستر حاله ... فى الغربه البطاله
الزارعنو فى الخيران ... التاقلنو فى الميزان
اسمك تقيل يا فلان ... زى حنضل القيزان
دا اذا اتذكرت المقاطع دى صاح ....
صعب .. صعب شديد فى الغربه نكون "نحنا" ...
عارف انو الاجيال البتقوم فى الغربه مظلومه ... محرومين من خزين ذكريات ممكن يكون زاد عمر ...
هسى لما يكبرو يتذكرو شنو؟؟؟ شقق الاسمنت المقفله .. مكيفات الفريون البتطحن فى عضامنا طحن ... الشوارع الفاضية من الناس ومليانه حديد .. السحنات المختلفه والالسن المتباينه والعادات المستورده ... سبيستون وام بى سى 3 والاتارى ... وين لعب الكوره فى الشارع .. وينو شليل ... كمبليته ... دس دس ... وين عرايس ام لعاب ... وين الحيشان المفتوحه وهمبريب الصباح ...
ليهم الله ....
|
Post: #39
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 08:27 AM
Parent: #38
Quote: الليله والليله دار ام بادر يا حليلا ...
بريد زولى
زولا سرب سربه ... خلى الجبال غربه
ادونى ليه شربه ... خلونى النقص دربه
الزارعنو فى بارا ... الشايلنو الجمالا
زولا ستر حاله ... فى الغربه البطاله
الزارعنو فى الخيران ... التاقلنو فى الميزان
اسمك تقيل يا فلان ... زى حنضل القيزان
دا اذا اتذكرت المقاطع دى صاح ....
صعب .. صعب شديد فى الغربه نكون "نحنا" ...
عارف انو الاجيال البتقوم فى الغربه مظلومه ... محرومين من خزين ذكريات ممكن يكون زاد عمر ...
هسى لما يكبرو يتذكرو شنو؟؟؟ شقق الاسمنت المقفله .. مكيفات الفريون البتطحن فى عضامنا طحن ... الشوارع الفاضية من الناس ومليانه حديد .. السحنات المختلفه والالسن المتباينه والعادات المستورده ... سبيستون وام بى سى 3 والاتارى ... وين لعب الكوره فى الشارع .. وينو شليل ... كمبليته ... دس دس ... وين عرايس ام لعاب ... وين الحيشان المفتوحه وهمبريب الصباح ...
ليهم الله .... |
عارفا يارندا
الحياة هنا والقروش البنلمها دي
ماتسوى (مخروقة حبوبتي بت المختار ) ودي قصة حا أجيك ليها.
سترة الحال
مافي إلا في بلد السترة
|
Post: #41
Title: Re: أنا راجع للبلد , ( لمن تقبلني زوجاً )
Author: بابكر عثمان مكي
Date: 03-05-2007, 08:38 AM
Parent: #37
الاخ العزيز كمال على الزين
مثل خروف العيد ، ذبحتنى كلماتك على باب الديوان الكبير
ان الكلمة العميقة مقصلة المعذبين فى الارض .
بس :
لن تجد ذلك الذى تتحدث عنه فى الوطن الآن .
ستجد
حليفة الله فى سوق الاحذية
ووجه حسن باير
وزرع اخضر ملىء بطنين الباعوض
وناس ماناس
وعسكرى متسلط
وموظفين مرتشين
وأهل بعاااااااد
وستجد كل الاصدقاء فى المنفى ،
تدخل بيوتهم فى امدرمان لتجد الام والاب فقط يضيفوك بالأسى
وتخرج منهم وانت تحمل اجابة مبهمة عن صديق طالت بينك وبينه السنين
تتوشحان فقط بلعنة المسافة .
انا آخر مرة مشيت جيت راجع من اجازتى بقصاصة ورق يتيمة وغصة دائمة
مكتوب فيها
وداعا" ........
صحبى واهلى وعزوتى ومرمى مقيلى
انى احرقت اشجار حبى عمدا"
حين ارهقها العطش
ولم تمطر الدنيا
ولم يغشاها نيلى
هذه الغربة اجمل
وان اضنت الترحال خيلى
ولم تسمع صهيلى
وهذه الصحراء ارحب
وان اضعت نجمى وضيعنى دليلى
وهذه الاحزان انبل
من وطن مات فيه الصديق
وغادرنى خليلى
......
عذرا" للاحباط ، يستحسن الا تشتاق فشوقك عزيزى صندوق ذكريات سحرى
بابكر زيكو
|
Post: #43
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 08:59 AM
Parent: #41
Quote: الاخ العزيز كمال على الزين
مثل خروف العيد ، ذبحتنى كلماتك على باب الديوان الكبير
ان الكلمة العميقة مقصلة المعذبين فى الارض .
بس :
لن تجد ذلك الذى تتحدث عنه فى الوطن الآن .
ستجد
حليفة الله فى سوق الاحذية
ووجه حسن باير
وزرع اخضر ملىء بطنين الباعوض
وناس ماناس
وعسكرى متسلط
وموظفين مرتشين
وأهل بعاااااااد
وستجد كل الاصدقاء فى المنفى ،
تدخل بيوتهم فى امدرمان لتجد الام والاب فقط يضيفوك بالأسى
وتخرج منهم وانت تحمل اجابة مبهمة عن صديق طالت بينك وبينه السنين
تتوشحان فقط بلعنة المسافة .
انا آخر مرة مشيت جيت راجع من اجازتى بقصاصة ورق يتيمة وغصة دائمة
مكتوب فيها
وداعا" ........
صحبى واهلى وعزوتى ومرمى مقيلى
انى احرقت اشجار حبى عمدا"
حين ارهقها العطش
ولم تمطر الدنيا
ولم يغشاها نيلى
هذه الغربة اجمل
وان اضنت الترحال خيلى
ولم تسمع صهيلى
وهذه الصحراء ارحب
وان اضعت نجمى وضيعنى دليلى
وهذه الاحزان انبل
من وطن مات فيه الصديق
وغادرنى خليلى
......
عذرا" للاحباط ، يستحسن الا تشتاق فشوقك عزيزى صندوق ذكريات سحرى
بابكر زيكو |
ياسلا يابابكر
وصف دقيق لأشياء شهدتها بنفسي .
لكن والله تعرف , رغم كل مارأيته وذكرته وأتفق معك , إلا أن بلدنا يظل أجمل وطن رغم كل شئ .
عارف أنا عاوز أعمل خطوة ممكن تكون شجاعة أو تهور وأرجع , وأحاول معي غيري , نرجع الكان زمان .
ياخي شوف السودان رغم ده
فيهو أمثلة
زي غادة نوري
ومنعم
وسمرية
وماسا
وبنات حيمورة
وعاصم ماش
ومحمد ابوالقاسم
وشذي بلة
وطلال
وصاحبي خضر حسين
وقائمة طويلة من أصدقاء أمل حقيقي
|
Post: #42
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 08:47 AM
Parent: #35
Quote: الله يوصلك بالسلامة وينولك الفي مرادك
لكين الله يسامحك يا استاذ |
سلمى
تحياتي
الله يسامحنا جميعاً .
ويرجع كل غايب, سالم غانم , مستور .
|
Post: #44
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 09:08 AM
Parent: #42
(9)
حبوبتي (بت المختار ) , كفلتني صغيراً , رغم أنني لم أعاني يتماً
عاشت لنا
وعشنا بها
مرة (ضكرانة ) , ومابتخاف إلا من الخلقا.
وقعت بت المختار
كسرت( مخرقتا)
رغم أنني لا أعرف معنى (مخروقة)
إلا أن مخروقة بت المختار قديمة بعض الشئ
ربما تعود إلى ثمانين عاماً أو تذيد
حملت هذه المخروقة زهاء الأربعين حفيداً
الآن كسرت مخروقة , طالما كانت متكأ لنا
لم نكن بجانبها في ضعفها
لم نحافظ على مخرقتها الثمينة
ترى كم مرةً تعثرت في غيابي ولم تجد يداً ؟؟
ترى كم مرة خرجت (للسوق) أو (البقالة) أو (المستشفى )
دون أن نرد لها مافي أعناقنا من دين ؟؟
مخروقة بت المختار عار في جبين أبناء وأحفاد
يتوزعون بين (الدوحة وفلادلفيا ودبي وألمانيا وهولندا)
أنا راجع للبلد
رندا :
يعني شنا (مخروقة )؟؟؟
|
Post: #46
Title: Re: أنا راجع للبلد , ( لمن تقبلني زوجاً )
Author: Randa Hatim
Date: 03-05-2007, 09:23 AM
Parent: #44
يعنى ركيزة البيت وساسو ... وعكاز العمايا ...
يعنى توب غتاكم .. وضلكم عز الهجير ....
خالتى فاطمه ...
ربت امى مع بتها ...
وبقت لينا حبوبه ...
بيتها كان لينا ضروه ...
مرضت ... ومدت لينا ايدا..
عارف كنا وين ...
بنلم القروش فى الغربة..
وماتت فى المستشفى ..
وبكيناها ..
كان المفروض نبكى على روحنا...
لاننا فى الغربه ميتين ... لكن بدون ما نلقى زول يترحم علينا..
|
Post: #55
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 10:21 AM
Parent: #46
Quote: يعنى ركيزة البيت وساسو ... وعكاز العمايا ...
يعنى توب غتاكم .. وضلكم عز الهجير ....
خالتى فاطمه ...
ربت امى مع بتها ...
وبقت لينا حبوبه ...
بيتها كان لينا ضروه ...
مرضت ... ومدت لينا ايدا..
عارف كنا وين ...
بنلم القروش فى الغربة..
وماتت فى المستشفى ..
وبكيناها ..
كان المفروض نبكى على روحنا...
لاننا فى الغربه ميتين ... لكن بدون ما نلقى زول يترحم علينا.. |
والله يارندا هي كما ذكرت
لكن أين موقع (المخروقة) في جسم الإنسان ؟؟
|
Post: #45
Title: Re: أنا راجع للبلد , ( لمن تقبلني زوجاً )
Author: سفيان بشير نابرى
Date: 03-05-2007, 09:11 AM
Parent: #1
يا اخينا
يا ال
كلامك ده امس قريتو لي صاحبك
بابكر الوسيله فقال ليك:-
لما تلقي من تقبلك زوجاً
شوفلينا اخته.
سلام ومحبة يا كمال
|
Post: #48
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 09:38 AM
Parent: #45
Quote: كلامك ده امس قريتو لي صاحبك
بابكر الوسيله فقال ليك:-
لما تلقي من تقبلك زوجاً
شوفلينا اخته.
سلام ومحبة يا كمال |
ياسلم ياسفيان ياخي
بابكر الوسيلة شاعر المربد
بابكر ود منى مكي
أخوي والله
إتربينا سوى في زمان تاني غير ده
كان في عمر أخواني الكبار
البيوت مفتوحة علي بعض
ناس حاجة آمنة بت عبدالقادر وبيتنا بينا نفاج وماسورتنا واحدة
وصينية الغداء والفطور والعشا واحدة
دقونا وربونا ناس بابكر ونادر أخوهو
وأخواني الكبار مجدي وعاطف
بالمناسبة : حاجة آمنة دي حبوبة أحمد جلال وصلاح جلال سكرتير السيدالصادق وحبوبة
التيمان شهاب وإيهاب وشهاب ده أظنو أشتهر في السودان بإتهامو بتمزيق المصحف في الأهلية
تصور ديل جدهم علي أرباب من الشيخ طلحة حافظ القرآن ومات في المصلاية .
بعدين بابكر الوسيلة كان قلتاصاحبي تبقى قلة أدب , بابكر أخوي الكبير
وعمر إدريس محمد بتاع المنبر ده , في مقام الخال .
ياخي زمان الجيرة والمحبة
عليك الله سلم عليهو وقول ليهو أوراقك وين وين ماوصلتني عشان أنا عاوز أجيبوا الدوحة
وأزوق .
|
Post: #51
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 10:01 AM
Parent: #45
Quote: بابكر الوسيله فقال ليك:-
لما تلقي من تقبلك زوجاً
شوفلينا اخته.
|
عارف ياسفيان
الكلام ده مابقدر عليهو زولك ده
بس باين ضامن الجماعة مشغولين بالعيال ومابقروا
.
|
Post: #47
Title: Re: أنا راجع للبلد , ( لمن تقبلني زوجاً )
Author: Ishraga Haimoura
Date: 03-05-2007, 09:25 AM
Parent: #1
العزيز كمال
أرجع للبلد
وأخد ليك نفس طويييييل من ريحة الطين في الصباحات الخريفية.... تعبي مساماتك بعمر جديد
قالد أمهاتك وحبوباتك بكل حنية الدنيا وبي كرفة وقلدة دفيانةتعيش طفولتك من جديد وتستعيد في لحظة كل السعادة الصافية السرقتها منك الغربة
أقعد مع أولاد الحلة في الونسة الطاعمة واتبادل معاهم تفاصيل التعب اليومي وإنت مبسوط وحاسس بالأمان
سلم على بنات الجيران اللذيذات ووناسات وضحكاتن بريئة وحفلات الأعراس في الحلة ليها طعم تاني معاهن
قوم بدري يوم الجمعة وأطلع الشارع على أصوات بياعين الخضار وشفع الجيران البيلعبوا كورة وصوت المقشاشة في حوش الجيران وبتاع الدكان الماسك الخرطوش بيرش قدام دكانه وهو بيحكي ليك في أخبار الحلة
أرقد المغربية في الحوش واستمتع بي ريحة قلية البن وصوت الآذان ولمة ناس البيت في شاي المغرب .....
و.....
و....
و...
بس وصيتي ليك (ودي وصية مجرب) أوعك تناقش زول من القاعدين هناك ولا تقول ليه أنا راجع السودان.... لملم عفيشاتك وعزيمتك من سكات وتعال جاري جري.
|
Post: #49
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 09:44 AM
Parent: #47
Quote: العزيز كمال
أرجع للبلد
وأخد ليك نفس طويييييل من ريحة الطين في الصباحات الخريفية.... تعبي مساماتك بعمر جديد
قالد أمهاتك وحبوباتك بكل حنية الدنيا وبي كرفة وقلدة دفيانةتعيش طفولتك من جديد وتستعيد في لحظة كل السعادة الصافية السرقتها منك الغربة
أقعد مع أولاد الحلة في الونسة الطاعمة واتبادل معاهم تفاصيل التعب اليومي وإنت مبسوط وحاسس بالأمان
سلم على بنات الجيران اللذيذات ووناسات وضحكاتن بريئة وحفلات الأعراس في الحلة ليها طعم تاني معاهن
قوم بدري يوم الجمعة وأطلع الشارع على أصوات بياعين الخضار وشفع الجيران البيلعبوا كورة وصوت المقشاشة في حوش الجيران وبتاع الدكان الماسك الخرطوش بيرش قدام دكانه وهو بيحكي ليك في أخبار الحلة
أرقد المغربية في الحوش واستمتع بي ريحة قلية البن وصوت الآذان ولمة ناس البيت في شاي المغرب .....
و.....
و....
و...
بس وصيتي ليك (ودي وصية مجرب) أوعك تناقش زول من القاعدين هناك ولا تقول ليه أنا راجع السودان.... لملم عفيشاتك وعزيمتك من سكات وتعال جاري جري. |
إشراقة
والله كلامكم ده بعزبنا ذيادة , الونسة والقلب الخالي والسريرة الصافية .
غايتو
أنا راجع للبلد
|
Post: #50
Title: Re: أنا راجع للبلد , ( لمن تقبلني زوجاً )
Author: Muna Khugali
Date: 03-05-2007, 09:57 AM
Parent: #49
Quote: أوضة سودانيز أونلاين التانية
أنا عاوز واحدة
تلاتة مابقدر عليهم
بتخربي لي خرطتي التعبت فيها |
إيه قول بسم الله!
فد إويضي اللات طين ماش تخربلك خرطتك?
باقي لي كدي..
ما ظنيتو بتلقالك عروس!
|
Post: #53
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 10:05 AM
Parent: #50
Quote: ما ظنيتو بتلقالك عروس!
|
هي نان كان لاقين كنا سوينالا بوست
|
Post: #52
Title: Re: أنا راجع للبلد , ( لمن تقبلني زوجاً )
Author: انور تاج السر
Date: 03-05-2007, 10:03 AM
Parent: #49
العزيز المرهف كمال،
قسمتك يا رقيق الحال
و مكتوب ليك تعيش رحال
قد نرتحل بأجسادنا مرات و مرات، لكننا نرتحل بأرواحنا ملايين المرات. نمارس الموات المعنوي بتكرار مرير. لم نعد نعرف ما هي الغربة، اهي في دواخلنا ام في بعدنا الجغرافي ام هي داخل الوطن ام ام....
بدأت اعتقد انني غريب عن نفسي، ماذا حدث يا كمال؟ هل دنت الساعة ام انه مجرد كابوس ثقيل؟
كان الله في عوننا جميعاً
|
Post: #54
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 10:11 AM
Parent: #52
Quote: العزيز المرهف كمال،
قسمتك يا رقيق الحال
و مكتوب ليك تعيش رحال
قد نرتحل بأجسادنا مرات و مرات، لكننا نرتحل بأرواحنا ملايين المرات. نمارس الموات المعنوي بتكرار مرير. لم نعد نعرف ما هي الغربة، اهي في دواخلنا ام في بعدنا الجغرافي ام هي داخل الوطن ام ام....
بدأت اعتقد انني غريب عن نفسي، ماذا حدث يا كمال؟ هل دنت الساعة ام انه مجرد كابوس ثقيل؟
كان الله في عوننا جميعاً |
العزيز أنور
عارف نحنا السودانيين ديل عجيبين ياخ
وهبنا المحبة والمحنة فلم نقنع وتفرقنا نطلب الدنيا
الآن عرفنا أنه وهبنا كل شئ
المحبة
هي كل شئ
|
Post: #56
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 10:28 AM
Parent: #54
هنا نعيش
وهنالك نحيا
|
Post: #57
Title: Re: أنا راجع للبلد , ( لمن تقبلني زوجاً )
Author: سفيان بشير نابرى
Date: 03-05-2007, 10:34 AM
Parent: #1
Quote: ياسلم ياسفيان ياخي
بابكر الوسيلة شاعر المربد
بابكر ود منى مكي
أخوي والله
إتربينا سوى في زمان تاني غير ده
كان في عمر أخواني الكبار
البيوت مفتوحة علي بعض
ناس حاجة آمنة بت عبدالقادر وبيتنا بينا نفاج وماسورتنا واحدة
وصينية الغداء والفطور والعشا واحدة
دقونا وربونا ناس بابكر ونادر أخوهو
وأخواني الكبار مجدي وعاطف
بالمناسبة : حاجة آمنة دي حبوبة أحمد جلال وصلاح جلال سكرتير السيدالصادق وحبوبة
التيمان شهاب وإيهاب وشهاب ده أظنو أشتهر في السودان بإتهامو بتمزيق المصحف في الأهلية
تصور ديل جدهم علي أرباب من الشيخ طلحة حافظ القرآن ومات في المصلاية .
بعدين بابكر الوسيلة كان قلتاصاحبي تبقى قلة أدب , بابكر أخوي الكبير
وعمر إدريس محمد بتاع المنبر ده , في مقام الخال .
ياخي زمان الجيرة والمحبة
عليك الله سلم عليهو وقول ليهو أوراقك وين وين ماوصلتني عشان أنا عاوز أجيبوا الدوحة
وأزوق . |
ياود الزين بي شكل كتابتك دي البوست ح يتغير وما اظن تلم في عروس
تعرف صاحبك ده عجيب ياخي ندفر فيهو انا والصادق الرضي يجي من زمن طويل عشان
يخش الانتر نت ويكتب وينشر ويخلي الناس تقرأ مافي شي ما عملناهو ليهو الصادق يشيل
وينزل في سودان فور اول ماخلي شعر ما خلي لقاء صحفي وأنا اقبضوا اجيبو اعمل ليهو
ايميل واضرب ليهو يا بابكر تعال خش انتر نت يومي علي الله يجيني بعذر مرة نسيت نظارتي
ومرة يقول لي :- انا جاي عليك ما عارف حصل شنو مشيت مشوار غايتو اخر شي جاب لي دفتر بتاع اشعار
قال لي :- ديل عايز اطبعهم عندك وانت احتفظ بيهم اهو من الزمن داك تاني ما جاني الا امس وانا وريتو
كتابتك دي وقال ليك نضمو الفوق داك .
المهم هو شديد ولضيض وما عندو ايتها عوجة روح عجيبة ومحبة مالية حياتو (ربي يديمه عليهو)
يا سلااام علي حاجة أمنة حبوبة صاحبي (شهاب وايهاب وغادة علي يوسف) شهاب وغادة فرد وقرينا سوي بعض ايوة نعم هم قدامي بس برضو فرد ويم قصة شهاب ده كنت حاضر وكان يوم مشهود وعظيم وشهاب صمد صمود بعظمة روح الحاجة أمنة لها المحبة والخلود وقطع شك كلامك فيها صح لانو قطع شك ثبات شهاب ممتد من جزور عميقة .
سلامي ليك ولعمر ادريس الرجل الصاحب والروح الجميلة اتمنيت الاقيهو في جيتو دي لكن ما حصل .
يا ود الزين زولك ده ما اظنو يقدر علي الاغتراب يازول الزول حنين خليها معانا احسن (نتضارف) علي بعض.
اسمع دي :- راجنك ما تتاخر .
محبة وسلام
|
Post: #58
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 10:50 AM
Parent: #57
Quote: ياود الزين بي شكل كتابتك دي البوست ح يتغير وما اظن تلم في عروس
تعرف صاحبك ده عجيب ياخي ندفر فيهو انا والصادق الرضي يجي من زمن طويل عشان
يخش الانتر نت ويكتب وينشر ويخلي الناس تقرأ مافي شي ما عملناهو ليهو الصادق يشيل
وينزل في سودان فور اول ماخلي شعر ما خلي لقاء صحفي وأنا اقبضوا اجيبو اعمل ليهو
ايميل واضرب ليهو يا بابكر تعال خش انتر نت يومي علي الله يجيني بعذر مرة نسيت نظارتي
ومرة يقول لي :- انا جاي عليك ما عارف حصل شنو مشيت مشوار غايتو اخر شي جاب لي دفتر بتاع اشعار
قال لي :- ديل عايز اطبعهم عندك وانت احتفظ بيهم اهو من الزمن داك تاني ما جاني الا امس وانا وريتو
كتابتك دي وقال ليك نضمو الفوق داك .
المهم هو شديد ولضيض وما عندو ايتها عوجة روح عجيبة ومحبة مالية حياتو (ربي يديمه عليهو)
يا سلااام علي حاجة أمنة حبوبة صاحبي (شهاب وايهاب وغادة علي يوسف) شهاب وغادة فرد وقرينا سوي بعض ايوة نعم هم قدامي بس برضو فرد ويم قصة شهاب ده كنت حاضر وكان يوم مشهود وعظيم وشهاب صمد صمود بعظمة روح الحاجة أمنة لها المحبة والخلود وقطع شك كلامك فيها صح لانو قطع شك ثبات شهاب ممتد من جزور عميقة .
سلامي ليك ولعمر ادريس الرجل الصاحب والروح الجميلة اتمنيت الاقيهو في جيتو دي لكن ما حصل .
يا ود الزين زولك ده ما اظنو يقدر علي الاغتراب يازول الزول حنين خليها معانا احسن (نتضارف) علي بعض.
اسمع دي :- راجنك ما تتاخر .
محبة وسلام |
والله ياسفيان
عيب يكون شاعر زي بابكر الوسيلة مثل السودان في مهرجان المربد بعيد عن المنبر ده
أما ناش شهاب وإيهاب وغادة وأمنا حاجة آمنة ياخي دي عالم أصيلة بشكل
ياخي سلامات ومابطول
برجع
العمر خسارة يضيع بعيد عن الناس دي .
|
Post: #59
Title: Re: أنا راجع للبلد , ( لمن تقبلني زوجاً )
Author: Randa Hatim
Date: 03-05-2007, 10:56 AM
Parent: #57
اها يا كمال شدينا واحد تلفون للحاجة وسألناها...
بعد ما ورتنى ليها سالتها ... العضمه دى ممكن تتكسر ...
صرخت فينى .. سجمى الاتكسرت مخروقتو منو؟؟؟ عاجبك خلعنا الحاجه دايرين نرفع ضغطها
يا سيدى طلعت المخروقه دى عظم الحوض اعلى الكليه ... وللعلم طلع دا اصعب كسر!!!!
|
Post: #60
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 11:12 AM
Parent: #59
| Quote: وللعلم طلع دا اصعب كسر!!!! |
|
Post: #61
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 11:13 AM
Parent: #60
رندا
والغريب أننا دائماً مانتحجج بأننا خرجنا من أجلهم
|
Post: #62
Title: Re: أنا راجع للبلد , ( لمن تقبلني زوجاً )
Author: Randa Hatim
Date: 03-05-2007, 11:21 AM
Parent: #61
ما دى المبررات الاوهى من بيت العنكبوت ذاتو ....
لكن بنفضل نتمسك بيها عشان الحاجه الاسمها "الضمير" ... ودا نزلناهو المعاش زمان فى الغربه البطاله دى .....
قول يا لطيف.....
يازول زى ما قالت ليك بت حيمورة "اجرى جرى" وما تعاين وراك!!!!!!
بلا غربه .. بلا طقيم هدوم .. بلا اخر موضه ... بقينا عاملين زى مانيكانات العرض ... شكل من بره والاصل جماد ..
ويابخت من لبس توبا قدرو وعاش انسان مرتاح البال .. مستور الحال .. مجبور الخاطر ....
|
Post: #64
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 04:41 PM
Parent: #62
| Quote: ويابخت من لبس توبا قدرو وعاش انسان مرتاح البال .. مستور الحال .. مجبور الخاطر .... |
والله يارندا
راحة البال مالقيناها بالقروش
عارفا صديقنا محمد الحسن بابكر , خريج قانون الخرطوم 86 , عمروا مشى في الواحد وأربعين , عمروا
ماجرب غربة إتخرج وفتح مكتب جنب بيتم في كوستي , إتصلتنا عليهو جبناهو الدوحة والجماعة هنا
إتكيفوا من شطارتو وأدوهو مرتب كويس , قعد تلاتة شهور بس وبعدها مشى براها سأل قال الجوازات وين ,
كنسل إقامتوا وقطع تذكرة وجانا بالليل قال مسافر الصباح .
سألناهو ليي يا حسن قال :
ياجماعة أنا في كوستي بنوم في ضل الضحى لحدي ما(قراصة) الفطور تجيني في ضلي ده , وأقوم أفتح
مكتبي وأشتغل لحدي المسا , بعدها أرجع أمسك عودي وأغني ومرتي وبتي جنبي وأخواني حيطة بالحيطة
وأصحابي , ماشين جايين دي يديني وده يشيل مني , جبتوني في البلد ما عرفتا فيها غير كلمة (سوي
ترتيب ) , أنا ماشي أسا ترتيب هناك في بيتي , جعان عطشان , زول جايب خبري مافي , وكفيلي الله بس مش
واحد هندي لابس قطرة .
الطريف أنو كان أول ماجا لوشاف سوداني في مكان يتبسم ويجري عليهو ويسلم عليهو بالأحضان , والجماعة
طبعاً يعجبوك في برودم , يعاينو ليهو فوق تحت نظام إنتا جديد ولا شنو .
|
Post: #63
Title: Re: أنا راجع للبلد , ( لمن تقبلني زوجاً )
Author: sanaa gaffer
Date: 03-05-2007, 01:44 PM
Parent: #1
يا جماعة مالكم علينا ؟؟؟!!!
وجعتوا قلبنا بالجد ...
ذكرتونا ببلدنا لمن كان الزمن وهاج...
كان الزمن وهّاج ...
كان الحنين دفاق ...
كان الحلم اخضر ..
مدفوع بريح هادئ ..
مستني بس يرسى ...
في راسنا كان الطير ..
فارد جناحاته .. يلعب ويرمي الضل ..
في صوته تغريدة تشبه زهور الفل ...
في همسه تهويدة ..
تنعّس الاطفال .. تبشر الحبّان .. تزرع فرح ممسوس بلهفة اللقيا ...
فجاة جات غيمة ... سوادها زي كحلة ...
وراها ريح حاقد .. شتت امان الطير ..
مزق الصاري ... خلى الحلم يهرب ...
وضيّع المرسى ...
الدنيا زي ترتار في يد ولد شقيان ..
مرة ترفعنا لمن نقول ممكن نصل السما ونمسك بايدنا نجماته ...
ومرة تغطس بينا جوة التعب والتيه لمن نقول متنا واحنا فينا الروح ...
الغربة قتلتنا ... شالت السماح والفال ..
خلت جذورنا تكوس لارض ثابتة تتحمل الزلزال ...
الغربة غول بطّال ... في نابه سم ازرق ...
ياكل لحمنا البض بمخلبه الاسود ...
يا الله يا رحمن ...
قاعدين وسط زحمة .. فيها الخلوق الوان ..
فيها العمر جاري .. فيها الامل زعلان ...
يا الله ارحمنا وخلي الزمن وهّاج ...
وربنا يرد غربتنا كلنا ....
|
Post: #65
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 04:58 PM
Parent: #63
Quote: يا جماعة مالكم علينا ؟؟؟!!!
وجعتوا قلبنا بالجد ...
ذكرتونا ببلدنا لمن كان الزمن وهاج...
كان الزمن وهّاج ...
كان الحنين دفاق ...
كان الحلم اخضر ..
مدفوع بريح هادئ ..
مستني بس يرسى ...
في راسنا كان الطير ..
فارد جناحاته .. يلعب ويرمي الضل ..
في صوته تغريدة تشبه زهور الفل ...
في همسه تهويدة ..
تنعّس الاطفال .. تبشر الحبّان .. تزرع فرح ممسوس بلهفة اللقيا ...
فجاة جات غيمة ... سوادها زي كحلة ...
وراها ريح حاقد .. شتت امان الطير ..
مزق الصاري ... خلى الحلم يهرب ...
وضيّع المرسى ...
الدنيا زي ترتار في يد ولد شقيان ..
مرة ترفعنا لمن نقول ممكن نصل السما ونمسك بايدنا نجماته ...
ومرة تغطس بينا جوة التعب والتيه لمن نقول متنا واحنا فينا الروح ...
الغربة قتلتنا ... شالت السماح والفال ..
خلت جذورنا تكوس لارض ثابتة تتحمل الزلزال ...
الغربة غول بطّال ... في نابه سم ازرق ...
ياكل لحمنا البض بمخلبه الاسود ...
يا الله يا رحمن ...
قاعدين وسط زحمة .. فيها الخلوق الوان ..
فيها العمر جاري .. فيها الامل زعلان ...
يا الله ارحمنا وخلي الزمن وهّاج ...
وربنا يرد غربتنا كلنا .... |
ياسلام عليك ياسناء
كلام جميل
رد الله غربة الجميع
|
Post: #66
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-05-2007, 06:02 PM
Parent: #65
(10)
أمدرمان ...
هل مازالت شوارعها تعبق برائحة جبنة الضهرية ؟؟؟؟؟؟
ويحترم الصغير كبيرها و يغار فتاها على جارته ؟؟؟؟
هل مازال أهلها يتزوجون بعد حب ؟؟
ويموتون بعد أن يملأوون الدنيا ويشغلون الناس ؟؟
هل نساؤها مازلن يعلمن النساء كيف للمرأة أن تكون كما تريد أن تكون ,
لا كما أريد لها أن تكون ،؟؟؟؟
هل مازال مريخها أحمر وهلالها أزرق وشاعرها مجيد؟؟؟؟؟؟ .
كلما مات بوطني عظيم , وددت أن أعود
كلما مات بحينا صديق , وددت أن أعود
كلما سمعت عن غيبة الكبار من رجال ,من نساء
وددت أن أعود
وكلما وجدت في وطني في آخر الزمان هذا وفاءً وأخوة أصفياء
وددت أن أعود
وليتني أستطيع أن أترحم على كثيرين طلبتهم فأعطوأ وأحببتهم فرحلوا , دون أن ألقاهم وأنا أقدم رجلاً
وأأخر أخري في طريق العودة .
|
Post: #68
Title: Re: أنا راجع للبلد , ( لمن تقبلني زوجاً )
Author: محمد عبدالرحمن
Date: 03-05-2007, 10:37 PM
Parent: #66
ياكمال ...
تحياتى ...
يازول (الزوجات ) هنا فى ...شوف ليك
واحدة تكون مقيمة وشغالة و(بيت ) اهلها كبير
مالك يازول ومال السودان ...نبقى فى جابها ومالقى ليها
بيت ...وزادو ليهم الايجار ....
طبعا مداخلتى دى مبدئيا كدا قبل مااقرا البوست ...
لبكرة يامان نجى نشوف قصتك دى ..لكن طلع لى فيصل
نوبى دا من البوست عشان اجيك راجع ....
ودى
|
Post: #69
Title: Re: أنا راجع للبلد , ( لمن تقبلني زوجاً )
Author: Randa Hatim
Date: 03-06-2007, 06:40 AM
Parent: #68
هسى عليك الله يا محمد دى ما امنيتك... والله الزول دا قرب يقنعنا كلنا ...
لا يزيدو ليهو الايجار ولا يدوهو سكن مجان ....
كمال داير يرجع السودان ... ويعرس هناك ... ويقعد فى بيتهم الكبير وحوشهم الواسع ... ويلبس العراقى ... ويخت كرسيهو العصريه قدام الباب ... ويتونس مع اصحابو ويشربو الجبنه ... داير فى رمضان يشيل صينيتو ويمرق على الشارع وقبل الاذ1ن بشويه يلقى صوانى الجيران كلها مرقت ...
عليك الله اقامة شنو؟؟؟ وشقق شنو الضيقت اخلاقنا بى ضيقا...
قلت لى كيف يا كمال .... "الزول دا سيدك وتاج راسك" ... احكيها لمحمد عليك الله ...
|
Post: #70
Title: Re: أنا راجع للبلد , ( لمن تقبلني زوجاً )
Author: بابكر عثمان مكي
Date: 03-06-2007, 08:31 AM
Parent: #69
الاخ كمال
انا شدت ما اشتقت لي الوطن كتبت لي :
صدقنى ،
فى عز الكلام
وعيونى فى عيونك عديل ..
اشتقت ليك ،
اشتقت لى زقاقاتك
عماراتك
مطاراتك
نهاراتك
مساءاتك
نجيماتك
وقمرك الغيب سماى
مرة ..
من شدة شوقى ليك
عطشت فجأة
شفتك قطرة ندى فى صفقة شدر
مدلية
لمستها ، بى اصبع حذر
نزلت زى دمعة حزن
ملت كاس المعزة ودفقت ،
رشفت منها ضحكة واحدة وابتسامة
وختيت باقيها فى طاولة أساى
زوادة لى سفر العمر
ما انت العزا
والخاطر الرضا
والبسمة البراى
ما انا من عرفتك بقيت اضحك واصر
كدة بس براى
رشفتك
انتشيت ،
و مشيت
مشيت بعيييييييد
ابعد من مداى
لمن انهكنى التعب
وعطشت من نشاف حلق اللهفة
فى الشوف الحداى
جيت راجع تانى مرة اشربك
عشان اروى من عطش السنين
المدلى فى عمر الصبر
والمحطات مرمية فى الخاطر وراى
لقيتك واقف فى لهات الشوق معاى
رشفت منك ضحكتين
لمن فرحت من شوفتك عديييييييل
دلقت الطاولة كلها
فى حشاى ،
بس مشيت منك خطوتين
عطشت لى نفس الضحكتين
اتلفت فى اترك حنين
لقيتك بحر ممد وراى
أحبك .
بابكر زيكو
|
Post: #72
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-06-2007, 10:17 AM
Parent: #70
الزول الجميل الحنين بابكر
ياخوي لمتين نكتب في الشعر
البلد والعقاب أولى بينا
نكتب هناك عن ( الزينين )
أهلنا
محبتي
|
Post: #71
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-06-2007, 08:48 AM
Parent: #68
Quote: ياكمال ...
تحياتى ...
يازول (الزوجات ) هنا فى ...شوف ليك
واحدة تكون مقيمة وشغالة و(بيت ) اهلها كبير
مالك يازول ومال السودان ...نبقى فى جابها ومالقى ليها
بيت ...وزادو ليهم الايجار ....
طبعا مداخلتى دى مبدئيا كدا قبل مااقرا البوست ...
لبكرة يامان نجى نشوف قصتك دى ..لكن طلع لى فيصل
نوبى دا من البوست عشان اجيك راجع ....
ودى |
الحبيب محمد عبدالرحمن
ياخوي زهجنا من ناس (سيم سيم ) و(سوي ترتيب)
وإقامتك وخروجيتك
عارف دي عبودية عدييل
نقل الكفالة ده ماتغيير سيد
والله يامحمد ياخوي عايز لي (مرة) ,غبشة ساي , وعايز أشنق طاقيتي
وأقول :
الزارعنا غير الله اللي يجي يقلعنا
الغربة دي بتكتل القلب
وتقلل المروة
وحكاية : (الزول سيدك وتاج راسك ) القالتا رندا دي بجيك ليها
محبتي
|
Post: #74
Title: Re: أنا راجع للبلد , ( لمن تقبلني زوجاً )
Author: salma subhi
Date: 03-06-2007, 10:37 AM
Parent: #71
وطني وطني
وطني الجدود نفديك بالارواح نجود
وطني
-------------------
سوداني الجوة وجداني بريدوا
------------------
ارض الخير افريقيا مكاني
زمن النور والعزة زماني
----------------
مواكب مابتتراجع تاني
اقيف قدام
واقول للدنيا
أنا
ســــــوداني
أنا
افريقي أنا سوداني
نتسابق جميعاً لمحبة الوطن ...........أحبك يا سودان
وشوقتنا لريحة البلد..........تحياتي أستاذ كمال
|
Post: #77
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-06-2007, 10:58 AM
Parent: #74
Quote: وطني وطني
وطني الجدود نفديك بالارواح نجود
وطني
-------------------
سوداني الجوة وجداني بريدوا
------------------
ارض الخير افريقيا مكاني
زمن النور والعزة زماني
----------------
مواكب مابتتراجع تاني
اقيف قدام
واقول للدنيا
أنا
ســــــوداني
أنا
افريقي أنا سوداني
نتسابق جميعاً لمحبة الوطن ...........أحبك يا سودان
وشوقتنا لريحة البلد..........تحياتي أستاذ كمال
|
سلمى
تحياتي
عارفا واحد سوداني إسمو (رياض) لاقيت في جزيرة إسمها (كش ) في إيران قاعد ليهو فترة , ماعرف ياكل
شنو , ومابعرف يطبخ , عملتا ليهو( ملاح روب) , وشغلتا ليهو (ظبي السلم) , (شريط للعميري لا يكاد
يفارقني) .
الآن (رياض) , يعمل في برج الفاتح , في الخرطوم .
ياخي أغنياتك دي غربت توديني المطار .
|
Post: #73
Title: Re: أنا راجع للبلد , ( لمن تقبلني زوجاً )
Author: عبد المنعم سليمان
Date: 03-06-2007, 10:24 AM
Parent: #1
كمال انا قلت ليك شنو ع التلفون
ما قلت ليك اصبــر شوية ؟!!
ورندا قالت :
| Quote: ذكرتنى بيتنا فى القطينه .. وشجرة النيمه والبرازيليتين |
يا حليلهم يا رندا هسع تجي تلقيهم اصبحوا ارجنتينيتن
|
Post: #76
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-06-2007, 10:51 AM
Parent: #73
| Quote: يا حليلهم يا رندا هسع تجي تلقيهم اصبحوا ارجنتينيتن |
Quote: ما قلت ليك اصبــر شوية ؟!!
|
طيب يامنعم البرزيليات بتعات رندا غير جنس كلامك ده , الخلاهم أرجنينيات شنو ؟؟
|
Post: #75
Title: Re: أنا راجع للبلد , ( لمن تقبلني زوجاً )
Author: عبد المنعم سليمان
Date: 03-06-2007, 10:49 AM
Parent: #1
| Quote: ياخوي زهجنا من ناس (سيم سيم ) و(سوي ترتيب) |
بلااد سودان نمبر ون داخل دنيت بس سوداني نفرات خارج بلاد واااجد غاندو
في تاني نفرات سيم سيم كمال هادا سودان صير سيم سيم  اميركا
_____
تراث دارفوري اداء عقد الجلاد
لو الحكم صلح
سودانا صار مليح
وايدينا للبلد
محبتي
منعم
|
Post: #78
Title: Re: أنا راجع للبلد , ( لمن تقبلني زوجاً )
Author: nadus2000
Date: 03-06-2007, 11:02 AM
Parent: #75
ود الزين الزين
هي حقيبة...
أينما يممت وجهك
فلابد أنك مستقبل قبلته
...
توكل وشيل خطوتك للبنية
****
محمد عبدالرحمن
يقول أهلي النية زملة سيدها...
وأقول الوصية لازمة لسيدها..
|
Post: #79
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-06-2007, 11:30 AM
Parent: #78
Quote: ود الزين الزين
هي حقيبة...
أينما يممت وجهك
فلابد أنك مستقبل قبلته
...
توكل وشيل خطوتك للبنية
****
محمد عبدالرحمن
يقول أهلي النية زملة سيدها...
وأقول الوصية لازمة لسيدها.. |
نادوس
تحياتي
تسلم ياحبيب
نوينا وإتوكلنا
والله من البداية ماني زول غربة
حاشية :
ياخوي صالونكم ده , عدم الحلاقين ولا كيف ؟؟
|
Post: #87
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-06-2007, 10:09 PM
Parent: #75
Quote: تراث دارفوري اداء عقد الجلاد
|
منعم مالك معانا عاوز الجماعة يجوا يقولوا لينا أدونا غنيتنا ( ياجلابة يامستعلواتية يامستعربين
يامستنكحين أو كما قال (بشاشا) الله يطراه بالخير )
وبعديها طبعاً
عزيزي القارئ
وإلا تفحطوا
وعييييك
والله بصراحة الزول ده خرمان ليهو .
ياخي بشاشا كان بتقرانا
إنتو زول لذيذ
لكن للأسف :
برضو جلابي :shy:
|
Post: #80
Title: Re: أنا راجع للبلد , ( لمن تقبلني زوجاً )
Author: شادية الطيب
Date: 03-06-2007, 12:08 PM
Parent: #1
كمال ورندة
ذكرياتكم جميلة ورجعتنا سنوات وسنوات
ذكرتوني شاي الصباح والونسة مع جارتنا حاجة أمونة بالحيطة هي قاعدة في حوشهم ونحن في حوشنا والمداخلات والمكاواة بينا وبين أولادها وأبوي يسمع في نشرة الساعة ستة من الرادي القديم وجبنة الضحى في ضل النيمة برة الشارع مع الجارات والبلح وحاجة طيبة العندها السكري ورغم كدة نقلع منها البلح والسكر قلع وبرضو نلاقيها داسة ليها بلحتين في طرف توبها وخفة دمها وهي بترمي لينا في الودع
ونمشي شغلنا وقت ما نمشي ما شايلين هم بصمة ولا تقرير نهاية الشهر ونفطر في تربيزة المدير معاه بالفول ولو الظروف كويسة نجيب معاه عدس ونختم بكباية الشاي من ست الشاي القاعدة برة في ظل الشجرة
وآخر النهار نرجع البيت نجرجر في كرعينا ونفكر في حفلة ناس فلانة العزمونا ليها نلبس شنو ويجي جاري جنبك شافع الجيران وأمه تكورك فيه وتقول ليك عليك الله امسكي الشافع ده اضربيه كسر لي كبابي الشربات كلها وتبدا الونسة مع الجارة وتعزم عليك تدخلي تشربي معاها شاي
وفي بيوت الاعراس نعمل الشاي ونوزعه على الناس ونجي نسرد التعليقات المرة السمينة ديك قالت لي ما بشرب في الكباية المخططة دي جيبي لي كباية سادة وعم علي قال الشاي خفيف وخالتي الزينة قالت الشاي سكره شوية جيبو سكر هنا للنسوان ديل واخت العريس كل شوية تجي تسأل أها ناس الصالون شربوا الشاي ؟ أها ناس الحوش سقيتوهم ؟ أها أجيب ليكم شنو زيادة ؟
وفي بيت البكا نبكي شوية ونتونس شوية وبعد داك الونسة لما تجر تطلع ضحكات غصب عننا ( في السودان الفرح يطل علينا في وسط الحزن والضحكة تنبع من البكاء وهنا الضحكة باهتة ما ليها لون ولا طعم والبكاء حالة يومية )
يا سلام علي السودان وناس السودان الحنان
بس المشكلة يا شباب انه الواحد بقى لما يرجع يلاقي الوجوه اتغيرت والاحوال اتبدلت والسحنات ما ياها ذاتا حتى هناك بقينا نشوف اشكال والوان جديدة هنود وصينيين وبنغال وعادي بقى تدخل أي محل تلقى العامل فيه من شرق آسيا والبيوت اتملت من الشغالات السرلانكيات والفلبينيات والهنديات واصدقاء الطفولة اتفرقوا وكل زول بقى في بلد وحتى القرية لما نمشي ما نفس البساطة بتاعة زمان بقى الموبايل والدش هم محور الحديث وليالي السمر اختفت وبقت السهرة حول التلفزيون مع ام بي سي 4 وأوبرا وينفري وبقوا البنات ما بخجلن زي زمان واللبس كله من لبنان والاولاد ما زي زمان بقوا يمشطو شعرهم ويلبسوا حاجات عجيبة ما حقتنا
الزمن اتغير والناس اتغيرت وما فاضل لينا غير زكرياتنا الحلوة دي نعيش عليها وبيها
|
Post: #81
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-06-2007, 02:01 PM
Parent: #80
Quote: كمال ورندة
ذكرياتكم جميلة ورجعتنا سنوات وسنوات
ذكرتوني شاي الصباح والونسة مع جارتنا حاجة أمونة بالحيطة هي قاعدة في حوشهم ونحن في حوشنا والمداخلات والمكاواة بينا وبين أولادها وأبوي يسمع في نشرة الساعة ستة من الرادي القديم وجبنة الضحى في ضل النيمة برة الشارع مع الجارات والبلح وحاجة طيبة العندها السكري ورغم كدة نقلع منها البلح والسكر قلع وبرضو نلاقيها داسة ليها بلحتين في طرف توبها وخفة دمها وهي بترمي لينا في الودع
ونمشي شغلنا وقت ما نمشي ما شايلين هم بصمة ولا تقرير نهاية الشهر ونفطر في تربيزة المدير معاه بالفول ولو الظروف كويسة نجيب معاه عدس ونختم بكباية الشاي من ست الشاي القاعدة برة في ظل الشجرة
وآخر النهار نرجع البيت نجرجر في كرعينا ونفكر في حفلة ناس فلانة العزمونا ليها نلبس شنو ويجي جاري جنبك شافع الجيران وأمه تكورك فيه وتقول ليك عليك الله امسكي الشافع ده اضربيه كسر لي كبابي الشربات كلها وتبدا الونسة مع الجارة وتعزم عليك تدخلي تشربي معاها شاي
وفي بيوت الاعراس نعمل الشاي ونوزعه على الناس ونجي نسرد التعليقات المرة السمينة ديك قالت لي ما بشرب في الكباية المخططة دي جيبي لي كباية سادة وعم علي قال الشاي خفيف وخالتي الزينة قالت الشاي سكره شوية جيبو سكر هنا للنسوان ديل واخت العريس كل شوية تجي تسأل أها ناس الصالون شربوا الشاي ؟ أها ناس الحوش سقيتوهم ؟ أها أجيب ليكم شنو زيادة ؟
وفي بيت البكا نبكي شوية ونتونس شوية وبعد داك الونسة لما تجر تطلع ضحكات غصب عننا ( في السودان الفرح يطل علينا في وسط الحزن والضحكة تنبع من البكاء وهنا الضحكة باهتة ما ليها لون ولا طعم والبكاء حالة يومية )
يا سلام علي السودان وناس السودان الحنان
بس المشكلة يا شباب انه الواحد بقى لما يرجع يلاقي الوجوه اتغيرت والاحوال اتبدلت والسحنات ما ياها ذاتا حتى هناك بقينا نشوف اشكال والوان جديدة هنود وصينيين وبنغال وعادي بقى تدخل أي محل تلقى العامل فيه من شرق آسيا والبيوت اتملت من الشغالات السرلانكيات والفلبينيات والهنديات واصدقاء الطفولة اتفرقوا وكل زول بقى في بلد وحتى القرية لما نمشي ما نفس البساطة بتاعة زمان بقى الموبايل والدش هم محور الحديث وليالي السمر اختفت وبقت السهرة حول التلفزيون مع ام بي سي 4 وأوبرا وينفري وبقوا البنات ما بخجلن زي زمان واللبس كله من لبنان والاولاد ما زي زمان بقوا يمشطو شعرهم ويلبسوا حاجات عجيبة ما حقتنا
الزمن اتغير والناس اتغيرت وما فاضل لينا غير زكرياتنا الحلوة دي نعيش عليها وبيها |
العزيزة شادية
مشهد درامي حقيقي
قرأته وأنا أشاهد شخصيات أعرفها , تحوم أما عيني .
إنتا حالة صعبة شديد , ردالله غربتنا جميعاً
|
Post: #82
Title: Re: أنا راجع للبلد , ( لمن تقبلني زوجاً )
Author: شهاب الفاتح عثمان
Date: 03-06-2007, 03:18 PM
Parent: #81
Quote: [ الونسة والقلب الخالي والسريرة الصافية .
|
كمال علي الزين
| Quote: [يا سلام علي السودان وناس السودان الحنان |
العزيزة شادية
ذكرياتكم جميلة وسكر زيادة.
|
Post: #83
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-06-2007, 07:30 PM
Parent: #82
Quote: Quote: [ الونسة والقلب الخالي والسريرة الصافية .
كمال علي الزين
Quote: [يا سلام علي السودان وناس السودان الحنان
العزيزة شادية
ذكرياتكم جميلة وسكر زيادة. |
أنت الجميل والله
ياد. شهاب
الله يوديك السودان
ويلبسك عراقي وسروال
ويقعدك في العصرية جنب البحر
قول آمين
|
Post: #84
Title: Re: أنا راجع للبلد , ( لمن تقبلني زوجاً )
Author: عبدالكريم الامين احمد
Date: 03-06-2007, 07:55 PM
Parent: #83
سلام يا ابوكمال ياحبيبي
وقيل في الاثر ان رجلا من اهل الشمال اشتهر بانه قضي سنينا عديدة في مدينة واو
ولم يسافر الي اهله طيلة تلكم السنوات العجاف...
وفي يوم من الايام جاء الي سينما (واو) حفلا ساهر احياه الفنان الكبير وردي
وغني اغاني موغلة في الحنية والطنبور...وسمعت كل الصالة هذا الرجل وهو يصيح باعلي صوته
حرررررررم بكرة اسافر البلد..!!
وفعلا شاهده العديدين صباح اليوم التالي وهو يحمل شنطته وياتي اول الواقفين في صف المسافرين..
....
سافر يا صديقي وخلي مطارات البلد وازقته تضج بعودة زول وجدانه ملي بحب ذلك التراب..
|
Post: #85
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-06-2007, 08:09 PM
Parent: #84
الحبيب عبدالكريم
الرجل الذي قد من نبل , كلامك ده ياجميل بودينا ندق للندوب تلفون , عشان يسوي خورجية مال أنا عشان يروح بلاد .
والله بالجد
راجع للبلد
|
Post: #86
Title: Re: أنا راجع للبلد , ( لمن تقبلني زوجاً )
Author: حليمة محمد عبد الرحمن
Date: 03-06-2007, 09:41 PM
Parent: #85
Quote: ote: كرهت الكهرباء
والضوضاء
ولبس النظارة
والبنطال
بداية موفقة , لكن عندي ليك سؤال وينا الكهرباء اللي الناس بتكرها ؟؟؟ |
|
Post: #88
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-06-2007, 10:25 PM
Parent: #86
حليمة
تحياتي
عجبت شديد قطامة أب شنب
|
Post: #89
Title: Re: أنا راجع للبلد , ( لمن تقبلني زوجاً )
Author: Randa Hatim
Date: 03-07-2007, 07:10 AM
Parent: #88
شادية يا حبيبة...
| Quote: ونفكر في حفلة ناس فلانة العزمونا ليها نلبس شنو |
انا عايزه اتكلم عن الجزئية دى بالذات عشان كمال يدخل فى مود العرس (طبعا ناويه اسميهو بعد دا كمال العريس)
بيت العرس فى السودان وتفاصيل العرس ما بتشبهها اى تفاصيل عرس فى بلد تانيه ....
الصيوان من قبل اسبوع والاهل ملمومين من كل مكان ولو بيت العروس كل عصرية بنات الحله يتلمن ودلوكه وغنى وزغاريد .. والعروس بتكون ملكة زمانا ... بتحس كدا انو الكون دا كلو ما فيهو غيرا ... ولما تجى مارقه ويكون فى ضيوف امها ولا خالتها او عمتها تحمر ليها وتديها صره وش كدا وحدره معناها خشى جوا انتى فيك الملايكه ... اما العريس (زى كمال كدا) بيكون مصدر اهتمام واخر دلال من الاهل والاصحاب... يكون مارق اى مشوار الشارع كلو (اووو عريسنا) ... ولا حنة العروس والحفله والغنايه ...
يوم العرس .. لبس البنيات .. يا الله يا شادية مهرجان بتاع جمال ..وكل واحده تجى داخله الصيوان زافاها تعليقات الناس ونظراتهم تحس بى روحها هى ذاتها بكره ح تبقى عروس ... الحفله والرقيص والفنان.. بعد الحفله الجرتق والونسه فى الصيوان الناس كيمان كيمان للصباح .....
يا اهل الله هوووى..... دايرين لينا عروس لى كمال دا !!!!!!!
|
Post: #90
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-07-2007, 10:58 AM
Parent: #89
| Quote: ا اهل الله هوووى..... دايرين لينا عروس لى كمال دا !!!!!!! |
رندا
تحياتي
لكن عايزنها بمواصفات مازي بتاعة محمد عبدالرحمن .
عايزنها عواسة كسرة ومرة ضيفانة.
وغبشة تعيش في أمدرمان وتربى رجال .
|
Post: #91
Title: Re: أنا راجع للبلد , ( لمن تقبلني زوجاً )
Author: Randa Hatim
Date: 03-07-2007, 11:28 AM
Parent: #90
Quote: عايزنها عواسة كسرة ومرة ضيفانة.
وغبشة تعيش في أمدرمان وتربى رجال |
اكان كدا الكلام دا موجه لبورداب الداخل للمساعده
غربة السجم الرماد دى ما بتلقى فيها غير ناس الكاتشب والمايونيز....
والله والله ياكمال واحده من حناكيش الغربه ديل جاتنا مره مع زوجها واكلت عندنا ملاح نعيميه بعد فتره اتصلت على وبعد السلامات والمطايبات قالت لى "رندا عليك الله دايره اسالك متذكره لما جيناكم المره الاخيره الملاح العجبنى شديد داك نفسى تورينى بيعملو كيف " اختك ردت عليهو "ياتو دا ؟؟ ملاح شنو؟؟"
.. ياخى ملاح كدا لونو ملخبط احمر بى بيجى" .... اقسم بالله ياكمال اها رايك شنو؟؟ ...
|
Post: #92
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-07-2007, 11:54 AM
Parent: #91
| Quote: ياخى ملاح كدا لونو ملخبط احمر بى بيجى" |
|
Post: #93
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-07-2007, 12:58 PM
Parent: #91
| Quote: غربة السجم الرماد دى ما بتلقى فيها غير ناس الكاتشب والمايونيز.... |
|
Post: #94
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-07-2007, 07:11 PM
Parent: #93
| Quote: وحكاية : (الزول سيدك وتاج راسك ) القالتا رندا دي بجيك ليها |
معليش رندا نسيت الجزئية الهامة دي .
بجيها .
|
Post: #95
Title: Re: أنا راجع للبلد , ( لمن تقبلني زوجاً )
Author: المسافر
Date: 03-08-2007, 08:37 AM
Parent: #94
Quote:
حبوبتي (بت المختار ) , كفلتني صغيراً , رغم أنني لم أعاني يتماً
عاشت لنا
وعشنا بها
مرة (ضكرانة ) , ومابتخاف إلا من الخلقا.
وقعت بت المختار
كسرت( مخرقتا)
رغم أنني لا أعرف معنى (مخروقة)
إلا أن مخروقة بت المختار قديمة بعض الشئ
ربما تعود إلى ثمانين عاماً أو تذيد
حملت هذه المخروقة زهاء الأربعين حفيداً
الآن كسرت مخروقة , طالما كانت متكأ لنا
لم نكن بجانبها في ضعفها
لم نحافظ على مخرقتها الثمينة
ترى كم مرةً تعثرت في غيابي ولم تجد يداً ؟؟
|
كمال ياوليد الناس
قول كان باقي فينا إحساس
باقين في شبيك الأصابع الما بيفلي الرأس
بس قصة حبوبتي الربتني ومخروقتها الإنفكت دي جبتها من وين؟؟
|
Post: #96
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-08-2007, 11:19 AM
Parent: #95
| Quote: بس قصة حبوبتي الربتني ومخروقتها الإنفكت دي جبتها من وين؟؟ |
المسافر
تحياتي
جبتها من بيتنا .
وقعت ليك في جرح ؟؟
كلنا في الهم شرقُ
محبتي
|
Post: #97
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-09-2007, 01:51 AM
Parent: #96
مات خالي
(كل نفس ٍ زائقة الموت )
لكنه ليس كأي خال يموت
إنه من وهبنا كل شئ
وغادر تاركاً لنا كل شئ
وطفلة يتيمة , لم نحسن رعايتها
خالتي (آمال)
تعيش بالإمارات منذ السبعينيات
لم تستطع وداعه
لم تتمكن من أن تقول له : شكراً
ليلتها وبعد أن هاجرنا كعادتنا بجثمانه لدفنه مع جده ( أبشرة)
رغم بعد المسافة , إلا أنها سطوة الموروث
عدنا لينبهنا جيراننا لسماع الراديو
لنستمع إلى خالتي (أمال) وهي ترسل أضعف ايمانها ومحبتها
أغنية مهداة عبر (أمدرمان)
: (ناس معزتنا مابنريد غيرهم رحلوا خلونا حليلهم )
سأعود
فلي هنالك بقية من (ناس معزة) , لا أطيق فراقهم
ولا أقوى على إحتمال سماع نبأ رحليهم
دون أن أزرف دمعاً قرب نعشهم
ودون أن أصب ماءً على قبورهم
ودون أن أقول لهم عن قرب :
أحبكم وأحزنني فراقكم ..
أنا راجع للبلد ..!!!
|
Post: #98
Title: Re: أنا راجع للبلد , ( لمن تقبلني زوجاً )
Author: حليمة محمد عبد الرحمن
Date: 03-09-2007, 05:01 AM
Parent: #97
يا كمال يا خوي
اقطع ليك تذكرة هسع وارجع البلد المجننا بيها دي..
انا والله دخلت البوست مدبرسة ومرقت منو (اظرط) مما دخلت..
في البداية كنت بضحك.. والجابني راجعة تاني الضحك.. بس لما دخلت في الغريق، لقيت الشيئ ما بنفات.. وما بيحتمل..
تعرف يا كمال مواصفاتك الخاتيها للحياة.. امانة ما تخليك عزابي على طول..
ياخي في واحدة في الزمن العلينا دا دايرة تعرس عشان تقعد في السودان.؟ وقال ايه بيوت طين.. وما فيها دش ولا ديجيتال كمان؟
ما شايف الخلوق دي كلها فاره كيف؟
زمان كنت بحب اسمع برنامج مرافيء الغربة للرائع جعفر عبد المطلب، لا ادري اين هو..
وشوية شوية بقيت احب اسمع ما يطلبه المغتربون.. كنت استمع الى الاهداءات بتاعت القاعدين في السودان، لحبوباتهم وخالاتهم وعماتهم.. كنت استغرب لما اسمع اسماء زي الخالة الحرم باستراليا، والعمة الشول محمد بالنمساء، وموش عارفة ايه، اسماء انا اسمي معاها حديث جدا...
كنت استغرب ناس الشول وزينب وام الحسين ديل قطع شك مشلخات وممشطات وكمان كل واحدة لاوية مسيرتها في حلمة اذنها.. بس الموديهن في اخر الدنيا شنو؟؟ وين الاسرة الممتدة؟ وين زمن كل زول حارس رفيقو وقاعد؟
كبرت.. وكبرت ملاحظاتي..
في مؤتمر الاعلاميين العاملين بالخارج، في اغسطس الماضي، كل يوم وحينما تاخذنا الحافلة من الفندق الى مكان المؤتمر، انتهز الفرصة واسال الصحفيين القادمين من الخارج: يا اخوانا عايزين ترجعوا البلد؟ منو؟ نحن؟ في الظروف دي؟ مستحيل.. كانت تلك هي الاجابة.
وفي نفس الوقت كان "الصحافيون القاعدين" هناك ينظرون الى كصحافية مغتربة ويبدو انهم كانوا يحسدونني على وضعي الذي بما انا منه باكية "محسودة".. عليك الخوة يا حليمة كان لقيتي اي فرصة بتاعت اي شغل كان ما اتصلتي علي.. اديني مس كول بس وانا طوالي بتصل عليك..كان ذلك احد الاخوة يستعطفني بان اشوف ليهو "مخارجة".. من الداخل..
كمال انا كان انفتحت ما بسكت..
الله يجازي محنك..فاتح كم بوست تحب بهناك وتبكي بهنا..المشكلة انا "مكدكة" هنا..
شوف يا كمال نصيحة لله في لله.. انت والله وماك طالبني حليفة، والليلة تمانية مارس وانشا الله كلماتي دي ما تحسب علي .. لكن والله مواصفاتك للمعيشة في السودان دي ..ثيب ولا ارملة "ختيارة" ما بتجيبها ليك..؟ قال بيت طين وشنو كمان ولا دش ولا ستالايت؟
وآ عويلك ووآ طول ليلك..
فتك بعافية..
حليمة
|
Post: #99
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-10-2007, 02:36 AM
Parent: #98
Quote: الله يجازي محنك..فاتح كم بوست تحب بهناك وتبكي بهنا..المشكلة انا "مكدكة" هنا..
|
خليك مكدكة كده ياحليمة , لكن إعلمي أنها الحياة
بكاء
ومحبة
وشوية فرح
Quote: مواصفاتك للمعيشة في السودان دي ..ثيب ولا ارملة "ختيارة" ما بتجيبها ليك..؟ قال بيت طين وشنو كمان ولا دش ولا ستالايت؟
وآ عويلك ووآ طول ليلك..
|
مابلقى واحدة عمر يوم أربيها
|
Post: #100
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-10-2007, 06:45 AM
Parent: #99
صديقي أبوالحسين
أول زوار هذا الخيط
جاء محملاً بالحنين
وبأغنية النعام التي جعلته شبيهاً (ببص الأربعين)
طلبت أن تهديني أغنية شايقية تقول :
يالحبايبك متهجرة
أحبها
وأحبك
فهاتها
وخذ طين القرير
محبتي
|
Post: #101
Title: Re: أنا راجع للبلد , ( لمن تقبلني زوجاً )
Author: Salah Abdulla
Date: 03-10-2007, 09:02 AM
Parent: #100
عزيزي كمال
مررت بهذا البوست عدة مرات ولم أدخل .. قرأت عنوانه فقط ..
وعندما دخلت وجدتني أكمله حتى آخر مداخلة ..
كلامك فعلاً من القلب .. ولكن ليس للعقل دخل فيه .
طوال خمسة عشر عاماً وأكثر قضيتها في الدوحة ، لم أسمع أن فلاناً قد ( كنصل ) اقامته وسافر ( بمحض إرادته ) ، إلا شخصان ..
والاثنان يبحثان الآن عن طريقة للعودة ..
لا أريد إحباطك .. بل أنني أشجعك على ذلك ، لكن بالطريقة دي ما بينفع ..
كنت ( مجكس ) واحدة زميلتي في الجامعة ، وقبل سفري من السودان ، افترقنا ..
هل تعلم أنني اضطررت للانتظار اتناشر سنة عشان القى لي واحدة تانية واعرسها ؟؟
أعرس كيف وأنا هنا ؟؟؟ العايز أعرسها دي مش لازم أعرفها في الاول وتعرفني ؟؟؟
الطريقة الوحيدة الكانت متاحة ، اني اسافر في السنة مرتين ( على الاقل ) عشان أكون مع الناس ..
وهذا ما فعلته ، بقيت زي مضيف الطيران ..
وكان أن تزوجت ورزقت ببنية حليوة .. الى جانب أن السفر للسودان بيخليك تنجز كتير جداً من المهام ..
ما في مناسبة ما شاركت فيها ، أفراح ، واتراح .. مع الناس في كل تفاصيل حياتهم اليومية الدقيقة ..
وح تبقى الحاجات ( عادية ) بالنسبة ليك ، يعني كهرباء في والا مافي ، فطرت والا ما أكلت ، الجو حار والا بارد ، الحكومة سّوت والا ما عملت .. كلو ح يكون ليك طبيعي جداً ..
وده التمهيد الحقيقي للعودة النهائية ،، صدقني إن أنت فعلت ذلك ،ما ح تشعر بتغيير كبير في حياتك ..
مهم جداً انك تعمل لرجعتك هناك .. وأصلاً نحن هنا ليه ؟؟؟؟ الجابنا هنا شنو ؟؟ مش عندنا أسباب طلعتنا من البلد ؟؟ أها الاساب دي قدرنا نعمل فيها شئ ، والا ح نكون قاعدين هنا الى ما لا نهاية ؟؟؟
قبلما نحقق ولو الجزء (الأهم ) فقط من الحاجات الطلعتنا من بلدنا ، فما أظن في مجال للحديث عن العودة ( النهائية ) إلا إذا كانت بأسباب خارجة عن الإرداة..
هذا رأي خاص جداً ،، ممكن يكون صاح أو غلط ..
وأظن أنو دبرستك دي عادية يا كمال ، وبكره بتروح ..
تحياتي
صلاح عبدالله
|
Post: #102
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-10-2007, 07:41 PM
Parent: #101
Quote: وأظن أنو دبرستك دي عادية يا كمال ، وبكره بتروح ..
|
العزيز صلاح عبدالله
تحياتي
ياجماعة روحة الدبرسة ( ميتة قلب)
ولا كيف ؟؟
| Quote: طوال خمسة عشر عاماً وأكثر قضيتها في الدوحة |
عارف ياصلاح أها بس خايف أصل الرقم ده.
|
Post: #103
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-10-2007, 09:57 PM
Parent: #102
*
لا أذكر أنني ولدت هنا
أو في أحد المنافي التي مررت بها
في رحلة عمل , ترانزيت , زهج
لم أعرف طعماً لحياة هانئة
إلا هناك رغم شظفها وتغلبها
وغلبة (كيزانها)
وتغير أهلها ..
أنا راجع للبلد ..
|
Post: #104
Title: Re: أنا راجع للبلد , ( لمن تقبلني زوجاً )
Author: انعام عبد الحفيظ
Date: 03-10-2007, 10:13 PM
Parent: #103
طيب بختك والله
البلد تنور يا كمال
|
Post: #105
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-10-2007, 10:22 PM
Parent: #104
Quote: طيب بختك والله
البلد تنور يا كمال |
منورة بأهلها يا (أنعام)
وبختي والله لو رجعتا
محبتي
|
Post: #106
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-11-2007, 11:58 PM
Parent: #101
Quote: وأصلاً نحن هنا ليه ؟؟؟؟ الجابنا هنا شنو ؟؟ مش عندنا أسباب طلعتنا من البلد ؟؟ أها الاساب دي قدرنا نعمل فيها شئ ، والا ح نكون قاعدين هنا الى ما لا نهاية ؟؟؟
|
صلاح
سلامات
والله إنتا تعبان أكتر مني
|
Post: #107
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-12-2007, 08:18 PM
Parent: #106
رمل وأنا والبحر ..
برد قارس ..
يداي ترتعشان ..
أمدهما لأقترف من مياه النهر ..
لأبلل حبات الرمل ..
أشكلها عالماً ..
ينتمي إلى ..
مدرسة حلمت ببناءها ..
أعلم فيها أطفال النهر ..
وأتعلم منهم ..
كان حلمي أن أغدو معلماً ..
لم يتحقق الحلم ..
مات معلمي جوعاً ..
حتى صديقي الأطرش ..
من ساعدني على بناء مدرستي حلمي ..
مات ..
دون أن تتحقق أمنيته ..
في سماع عثمان حسين وهو يغني ..
كان معجباً به ..
رغم عدم مقدرته على سماعه ..
|
Post: #108
Title: Re: أنا راجع للبلد , ( لمن تقبلني زوجاً )
Author: رشا سالم
Date: 03-13-2007, 00:41 AM
Parent: #107
كان تكتب البوست دا قبل شهرين!
|
Post: #109
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-13-2007, 01:29 AM
Parent: #108
| Quote: كان تكتب البوست دا قبل شهرين! |
رشا سالم
تحياتي
ليي قبل شهرين ؟؟
|
Post: #110
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-13-2007, 04:39 PM
Parent: #109
دلف ذلك الطفل إلى موقع الحفل
كان ختاماً لمهرجان كنا نقيمه بمجمع (حياة بلازا ) بالدوحة
راقبتهم عن بعد
هو وأطفال أخر
أراهم كأنهم (شتيلات ) من الجهنمية زرعت على أصايص
لم تضرب جزرورها بعد في الأرض
جاءه أحدهم أظنه شامي , لن أتطوع بالبحث ,
هل هو لبناني , سوري , فلسطيني , أردني ؟؟؟
كلهم عند العرب ( شوام )
خاطب طفلنا قائلاً وفي صوته حدة :
تعال يازول ..!!!
رد صديقي (فيما بعد ) :
الزول سيدك وتاج راسك ..
قالها هكذا بسرعة ودون أدني تفكير ..
لذلك أحببته ..
حاشية :
الطفل المعني هنا أظنه إبن الزميل عبدالرحن أبوشيبة , (عضو المنبر) .
|
Post: #111
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-13-2007, 08:22 PM
Parent: #110
من القائل :
(عودة القمرا لي وطن القماري)
أظن أن سبدرات اليساري هو من كتب :
رجعنالك , للبلابل
والوطن الآن بلا بلابل
حتى بلبل الغرب
عبدالرحمن عبدالله
أماته الله وأحياه
بعيداً عن الوطن
نتمنى عودة القمرا
ووطن القماري
وبلابله أجمعين
على العموم
أنا راجع للبلد
للبحث عن قماريه
وأقماره
|
Post: #112
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-14-2007, 11:58 AM
Parent: #111
| Quote: كان تكتب البوست دا قبل شهرين! |
رشا سالم
تحياتي
زبحني فضولي , قبل شهرين ليه ؟؟؟
|
Post: #113
Title: Re: أنا راجع للبلد , ( لمن تقبلني زوجاً )
Author: كمال علي الزين
Date: 03-14-2007, 08:17 PM
Parent: #112
Quote: رشا سالم
تحياتي
زبحني فضولي , قبل شهرين ليه ؟؟؟ |
|
|