Post: #1
Title: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-09-2007, 03:13 AM
(1)
رأيتها طفلاً
ثوبها الأبيض
غمازتان
علي وجنتين
أعينها الذكية
تعلن عن ,
إمرأة قوية
لم أكن حينها أعرف عن المرأة
شيئاً .
لم أعرف أي مواصفات
لأمرأة
جميلة
راقية
مثقفة
إلا أن تكون
كتماضر شيخ الدين
كنت أراها في حوش الإذاعة
أصدقاءها
من الرجال
كلهم
من عيار ثقيل
شعراء وفنانون
أدباء وممثلون
لا أعتقد أنني كنت حينها
قد عرفت ,
مامعنى أن تغار
لكنني الآن
أجزم أنني كنت أغار
بعدها
كبرت
لا تعجبني إلا من تشابه
وجهها
وغمازتاها
تلك التي
أذكرها
علامة لأنثى ,
قاهرة ,
متحررة
مثقفة
طيبة القلب
ثم
أنا الآن في الثامنة والعشرين
لا مريم أخري , تعذيني
ولا المجدلية
أريدها تماضر أخري
ليست مستنسخة
و لا مصنوعة
تماضر
حقاً
أمرأة لاتنسى
ولا تكرر
.أمدرمان حوش الإذاعة 2005
|
Post: #2
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-09-2007, 03:18 AM
Parent: #1
(2)
كم تمنينا
لها
ولنا
وطناًيشبهها
حين تبسم ,
حين تحزن
حين تهتم له ,
ولنا
ولصغارها
كم تمنيناه
وطناً
يتسع للجميع
سعة قلبها
لإخوةٍ
وأصدقاء
وطناً ,
تجمله
خضرة لونها
وتذدان أرضه
بنيلين
كغمازتا وجنتيها
وطناً ,
نعلن حبه
جميعاً
كما أعلن
أنا
حبي لها ..
|
Post: #3
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-09-2007, 03:26 AM
Parent: #2
هذا الخيط أهديه للزميل الصحافي بابكر الجاك ( ربك) ..
وقد نشره العام الماضي , بالرأي العام .
|
Post: #4
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-09-2007, 03:28 AM
Parent: #3
وقبله لتماضر
ولكل نساء بلادي في عيدهن .
|
Post: #5
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-09-2007, 03:31 AM
Parent: #4
ثم إهداء خجول , إلى تلك التي نبهتني إلى أن اليوم هو الثامن من مارس .
( وأنا ماجايب خبر)
|
Post: #6
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-09-2007, 03:42 AM
Parent: #5
تقول (تماضر :
Quote: منتمية..اشكو من المحبة الشاملة لى كل الفرق
من يات كيان ..انا بس أكون؟
من يات فريق من الفرق؟
منتمية..اشكو من المحبة الشاملة لى كل الفرق
لى كل ما أسموه عرق
ناسا برق وناسا زرق
ناسا تنوم فى الليل على صفقة وطرق
ناسا تقوم على صوت الغنابل فى الطرق
ناسا تعيش لى يوما ناس تدسا كان بابا انطرق
ناسا تموت فى العنقريب تتغتى بى توب الطرق
وناسا مشايخ فى الطرق
ناسا طريقتا فى الحياة زاهدة وشفيفة
وناس خرق
وفى ناس بتخدم فى الضحى تتقلى بى نار الهجير
تتهد ..تتصبب عرق
ناسا بتاكلها بالبلاش
وناسا سمك جوه المحيط ..يامطفح يا غرق
يتاكل وعينو تشوف
-عليك يالله يا سيد الرزق
وناسا مقفلة فى الزنازن راجية شهلات البرق
وناسا بتنشر فى الوعى ..ناسا تشيل الضو ..حروف
تكتب بهن اسم الوطن يوماتى فى كتاب الأمل "ماينسرق"
"هوى يا خلوق ..وطنكم امسكوه ما ينسرق"
وناسا ;كتر
بالضو يسبحو
وسهرانين بتضبحو فى الخلق
أمات يفطرن الجهال ..
يسون كسرتن..
يبعين شاى منعنع
دكتورات يعالجن
مدرسات ومهندسات
وفى البرلمان
ويحضرن
انتاج و فن
ويبدعن
اسماء وماليها الفخار ..ماليات الشوارع والقوائم والورق
وطنا سماواتو السطوع
وطنا حماراتو الدما
وطنا مسور بالعشق
جلادينو يرجفو من هديرن جايى فى افق البكارى الصاحية ليل
بياعنو خسرانين وعودم فيه شق
مشيول على نور العيون ..شلال عشق
من يات كيان ..انا بس أكون؟
من يات فريق من الفرق؟
|
|
Post: #7
Title: Re: مأساوية حب معلن ... (أنا أحب تماضر شيخ الدين) ..!!!
Author: Mutwakil Mahmoud
Date: 03-09-2007, 03:43 AM
Parent: #1
عزيزنا كملون
أشواقي حين تسعي إليك تشتاق
في دي أبصم معاك بالعشره
هي الوطن
وهي الأمل المرتجي بكل ماتحمل هذه الكلمة من معاني
في يومها هذا لها التجلةـوالأحترام أم ساريه وسيرين
كمال ماتبقي ضنينا بالوعد
سلامي
أخوك د.متوكل
|
Post: #8
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-09-2007, 03:53 AM
Parent: #7
Quote: عزيزنا كملون
أشواقي حين تسعي إليك تشتاق
في دي أبصم معاك بالعشره
هي الوطن
وهي الأمل المرتجي بكل ماتحمل هذه الكلمة من معاني
في يومها هذا لها التجلةـوالأحترام أم ساريه وسيرين
كمال ماتبقي ضنينا بالوعد
سلامي
أخوك د.متوكل |
صديقي الجميل
مايعطلني عن وفائي بالوعد , ليس ضناً به
ولكنه خوفي ومعرفتي أنك رجل دقيق و(مابتحب النية) , أنا وهاشم كرار نعمل ليل نهار
حتى يصلك تصور , يرضيك
بينا تلفون الليلة
محبتي
|
Post: #9
Title: Re: مأساوية حب معلن .....!!!
Author: صديق الموج
Date: 03-09-2007, 04:11 AM
Parent: #1
| Quote: (أنا أحب تماضر شيخ الدين) |
كمال العزيز تحياتى
ممكن تفج لى معاك شوية...
|
Post: #18
Title: Re: مأساوية حب معلن .....!!!
Author: كمال علي الزين
Date: 03-10-2007, 01:30 AM
Parent: #9
Quote: كمال العزيز تحياتى
ممكن تفج لى معاك شوية... |
الزميل / صديق الموج
زمان كنا أطفال
سليمان محمد سليمان ( فنان الآن ) , (مطرب)
ومهيد عباس
و(عبس) الشين ودعوض جبريل
نعمل ببرامج الأطفال بالإذاعة ونفج لي بعض في محبتها
وزرت الإذاعة بعد سنوات طويلة مع صهري ( عبده الصغير) فنان ومخرج إذاعي , فطلب الزميل بابكر الجاك
أن نكتب عن الإذاعة زمان كما كنا نراها بعيون أطفال , فخطرت لي شلة جميلة بينها تماضر .
والسني ,
و(أصحاب .. أصحاب)
أتذكر يالسني الضابط الذي أخذتك للقاءه دون أن تعلم أنه أحد أطفال برنامج أصحاب .. أصحاب ,
المقدم : الصادق سيد .
وياله من زمان
|
Post: #10
Title: Re: مأساوية حب معلن .....!!!
Author: صديق الموج
Date: 03-09-2007, 04:50 AM
Parent: #1
| Quote: (أنا أحب تماضر شيخ الدين) |
كمال العزيز تحياتى
ممكن تفج لى معاك شوية...
|
Post: #11
Title: Re: مأساوية حب معلن .....!!!
Author: Tumadir
Date: 03-09-2007, 01:22 PM
Parent: #10
هل اقول شكرا على هذا الحب الطاهر ( والذى هو عكس النجس) ؟
لو لم يكن هذا اليوم يوم المرأة وهو يوم جرد حسابات الحقوق الواجبات، الخسائر والمكتسبات
لولا هذا اليوم والله يا كمال انا لا أجد وقتا كافيا لقراءة الانترنيت
جئت لكى اشتم عبير ثمرة الجهود التى تبذلها النساء الجميلات فى بلدى
فى كل خطوط العرض والطول
وكل خطوط النار ..
من فجوات القسوة ..والهنف والتقتيل والتشريد ..وتحبيط المعنويات
وتحطيم الروح المعنوية ..ووضع الحواجز دون خطواتها ...سيخا وقيودا وخفاضا وشلوخا ورقيقا
وحوائط القيم التى يبنونها فى طريقها ولا تعترض طريق الرجل ..والتحايل الاجتماعى على ردعها
والزامها حدها ..
من كل هذه المعاثر ..سطع نجم بعضهن ..وعلت سيرة بعضهن ..وشقت طرق الاستنارة بابداع بعضهن
واستمر خيط العلم والمعرفة ممتدا بسبب مجهود بعضهن ..وخفتت بعض الاصوات الرادعة بسبب نضال بعضهن
ولم تمت الامومة والانوثة والجمال والدفء الحنين من عطاء بعضهن ..ولم تتوقف اسطورة الحياة
بسببهن ..
الحياة الحلوة ..دافئة كالخبز
ومطربة كالسحر ..وشيقة كالروايات المجيدة ..لانهن يمشين فى الارض ويشرقن مع شمسها ..
يا كمال ..على الزين
انا ممتنة لهذا التخصيص ..الذى اعتبره احتفالا بكل صديقاتى ونساء صادفتهن يعملن فى صدق وطيبة قلب
ومحبة للانسانية باحتمالاتها المؤنسنة ..
لهن من كل التهانى ..الدفيئة بوجودهن النافذ ..وصبرهن الجميل
اشمل معى فى المحبة كل المغنيات والممثلات والمخرجات والرسامات والمبدعات فى بلدى ..
اشمل معى فى المحبة يا صديقى كل امرأة يندس فى جوفها احتمالا لطفل ..او قلبا محبا للأطفال
اشمل معى فى المحبة الكاتبات والمعلمات والناشطات فى مجال حقوق الانسان والسياسة
اسمل معى فى المحبة الطبيبات والقانونيات والموظفات والسكرتيرات وهن يقمن بأداء واجباتهن الوظيفية على أكمل الوجوه
اشمل معى فى المحبة الشاعرات ...
اشمل معى فى المحبة الماشطات و(ستات الشاى) وبائعات السلال والمزارعات وراعيات البهائم وامربيات الدواجن والخادمات فى البيوت ..وطالبات المدراس ..
اشمل معى فى المحبة الامهات الداعيات بدعاء السلامة والعود الحميد لابناء وبنات يخرجون للمدارس
والجامعات وأبناء يحملون امتعة السفر البعيد...
أسمل معى فى المحبة هذه الصديقة العزيزة ..
اسمها خالدة محى الدين الجنيد ..احدى خريجات قسم الموسيقى ومن أميزهن ..
لم ينم لها جفن دون أن تفكر فى نساء السودان وكيف تصعد بهن الى الاعالى .. فى هذا الزمن المغامر
حتى جاءت الصحف بأخبارها هذا الاسبوع ..
وصفوها بأنها "جارة" من جيران الخواجات فى ايوا ..تعمل من أجل أهلها السودانيين ..
وتعد لهم برامج تطور حياتهم وتنهض بها..
ماذا أقول عن هذا الحب "الطاهر" الذى تبذله لى على مشهد من الدنيا..فى هذا اليوم الهام
شكرا؟
هل تكفى؟
شكرا..
وهاك خالدة
http://www.goiowacity.com/acrossthefence/mohieldin.html
|
Post: #19
Title: Re: مأساوية حب معلن .....!!!
Author: كمال علي الزين
Date: 03-10-2007, 01:32 AM
Parent: #11
لا
سنظل نردد شكراً لك , تماضر , رغم أنها أضعف الأيمان
كل النساء الذين تطوعت بذكرهم تواضعاً
تحيةً لهم
مع خالص حبي
|
Post: #12
Title: Re: مأساوية حب معلن ... (أنا أحب تماضر شيخ الدين) ..!!!
Author: صديق الموج
Date: 03-09-2007, 01:30 PM
Parent: #1
عبير خيرى تشتميها فى شنو؟مالها سوت ليك شنو؟المديدة حرقتنى
عشان تانى ما تغيبى!!!
لوووووووووووووووووووووووووووووووووووووووووووول
|
Post: #14
Title: Re: مأساوية حب معلن ... (أنا أحب تماضر شيخ الدين) ..!!!
Author: محمد سنى دفع الله
Date: 03-09-2007, 07:10 PM
Parent: #12
منو الشتم عبير خيرى
ضحكت لمن طاقيتي وقعت
شنو البلبسنى طاقية من الصباح
الموج كمال
المحبة لي بت شيخ الدين
واجبة
فجوا لي اتوهط معاكم في قلبها
لي كل الأمهات وكل النساء الجميلات
محبتي ودمعي ومودتي
|
Post: #20
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-10-2007, 01:49 AM
Parent: #14
Quote: منو الشتم عبير خيرى
ضحكت لمن طاقيتي وقعت
شنو البلبسنى طاقية من الصباح
الموج كمال
المحبة لي بت شيخ الدين
واجبة
فجوا لي اتوهط معاكم في قلبها
لي كل الأمهات وكل النساء الجميلات
محبتي ودمعي ومودتي
|
والله يالسني محبتك إنتا زاتك واجبة
وموسى الأمير
ويحى شريف
( أنا يا السني ومعاي مهيد عباس كنا الطفلين البجروا وراهو هو طارق الأسيد ويقولوا نبق نبق ولالوب)
ولن أقوى على ذكر عميري
وحكايات مرسال بي ريال
الله يرحموا
وعيسى تيراب
والطيب شعراوي , كان قاعد معانا في البيت وحبوبتي طردتوا لأنو مثل دور حرامي وخافت على عدتا
وجدادا منو 
الله يخليكم يالسني ويطول في عمركم ياخي
|
Post: #13
Title: للشمس النايرة قطعنا بحور.. حلفنا نموت أو نلقى النور
Author: Yasir Elsharif
Date: 03-09-2007, 07:07 PM
Parent: #1
سلامات يا كمال.. وشكرا على البوست الذي جاب تماضر.. وعندما جاءت نثرت حديثا حكيما أشبه بقول حكيم المعرة:
ولو أني حُبيت الخلد فردا * لما أحببت بالخلد انفرادا
فلا هطلت علي ولا بأرضـي * سحائب ليس تنتظـم البلادا
فالتحية لها ولكل أخواتها "أخوات إن" بنات الشمس.. فتحت الوصلة التي وضعتها تماضر فوجدت خالدة الجنيد والتقيت خمسين امرأة ورجل وطفل من أهل آيوا السودانيين الجميلين.. بل حتى التقيت بمن هم في ضرائح آيوا مثل الراحلة المقيمة فاطمة يوسف قوي.. وشممت رائحة الأستاذ محمود نصير المرأة الأكبر.. وشممت رائحة تلميذه الأكبر الراحل سعيد شايب الذي كانت تجيئه بنيات هدى وحيدر كل يوم الصباح قبل الذهاب إلى المدرسة ويودِّعنه بأغنية "أي صوت زار بالأمس خيالي" وعندما ينتهين منها يرفع يده اليسرى "فهو أشول" ويتبادل معهن ضرب الأكف على الطريقة المعروفة give me five .. أهدي هذا المشهد لتماضر ولكل امرأة مهمومة بأمر الإنسان وبخاصة المرأة، ولا أربطه بيوم المرأة فكل أيام العام عندي يوم المرأة.. التسجيل بالفيديو كان في واحدة من جلسات الجمهوريين بعد رحيل الأستاذ سعيد.
|
Post: #15
Title: Re: للشمس النايرة قطعنا بحور.. حلفنا نموت أو نلقى النور
Author: Muna Khugali
Date: 03-09-2007, 07:18 PM
Parent: #13
وأنا كمان بحبها شـديد
|
Post: #16
Title: Re: للشمس النايرة قطعنا بحور.. حلفنا نموت أو نلقى النور
Author: شذى بله محمد
Date: 03-09-2007, 09:00 PM
Parent: #15
وأنا
|
Post: #22
Title: Re: للشمس النايرة قطعنا بحور.. حلفنا نموت أو نلقى النور
Author: كمال علي الزين
Date: 03-10-2007, 02:15 AM
Parent: #16
د. شذى
تحياتي
أحرفك الثلاثة هذه
تساوى الكثير
أخشى أنها كادت أن تفجر محبة أخرى .
(ربك ستر)
محبتي
|
Post: #23
Title: Re: للشمس النايرة قطعنا بحور.. حلفنا نموت أو نلقى النور
Author: كمال علي الزين
Date: 03-10-2007, 02:17 AM
Parent: #15
| Quote: وأنا كمان بحبها شـديد |
منى خوجلي
لا غرابة في ذلك
قدح إيجابي :
العصافير على أشكالها تقع .
|
Post: #21
Title: Re: للشمس النايرة قطعنا بحور.. حلفنا نموت أو نلقى النور
Author: كمال علي الزين
Date: 03-10-2007, 01:59 AM
Parent: #13
Quote: سلامات يا كمال.. وشكرا على البوست الذي جاب تماضر.. وعندما جاءت نثرت حديثا حكيما أشبه بقول حكيم المعرة:
ولو أني حُبيت الخلد فردا * لما أحببت بالخلد انفرادا
فلا هطلت علي ولا بأرضـي * سحائب ليس تنتظـم البلادا
فالتحية لها ولكل أخواتها "أخوات إن" بنات الشمس.. فتحت الوصلة التي وضعتها تماضر فوجدت خالدة الجنيد والتقيت خمسين امرأة ورجل وطفل من أهل آيوا السودانيين الجميلين.. بل حتى التقيت بمن هم في ضرائح آيوا مثل الراحلة المقيمة فاطمة يوسف قوي.. وشممت رائحة الأستاذ محمود نصير المرأة الأكبر.. وشممت رائحة تلميذه الأكبر الراحل سعيد شايب الذي كانت تجيئه بنيات هدى وحيدر كل يوم الصباح قبل الذهاب إلى المدرسة ويودِّعنه بأغنية "أي صوت زار بالأمس خيالي" وعندما ينتهين منها يرفع يده اليسرى "فهو أشول" ويتبادل معهن ضرب الأكف على الطريقة المعروفة give me five .. أهدي هذا المشهد لتماضر ولكل امرأة مهمومة بأمر الإنسان وبخاصة المرأة، ولا أربطه بيوم المرأة فكل أيام العام عندي يوم المرأة.. التسجيل بالفيديو كان في واحدة من جلسات الجمهوريين بعد رحيل الأستاذ سعيد.
|
د. ياسر
رحم الله سعيد شايب وشكراً على التسجيل
وتحية للأستاذ صديق مدثر , من صاغ هذه الكلمات النبيلة
محبتي
|
Post: #24
Title: Re: للشمس النايرة قطعنا بحور.. حلفنا نموت أو نلقى النور
Author: jini
Date: 03-10-2007, 02:20 AM
Parent: #21
ما براك!
المنبر كله بحبها وبحترمها لتميزها عطاء ا وبذلا فى كل الساحات والمناشط
جنى
|
Post: #28
Title: Re: للشمس النايرة قطعنا بحور.. حلفنا نموت أو نلقى النور
Author: كمال علي الزين
Date: 03-10-2007, 02:40 AM
Parent: #24
جني
تحياتي
مابراي والله
أنها المحبة
|
Post: #17
Title: Re: مأساوية حب معلن ... (أنا أحب تماضر شيخ الدين) ..!!!
Author: عبد المنعم سليمان
Date: 03-09-2007, 09:08 PM
Parent: #1
انا غايتو بحب هشام شيخ الدين
|
Post: #25
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-10-2007, 02:24 AM
Parent: #17
Quote:
انا غايتو بحب هشام شيخ الدين
|
منعم
أها هنا الطيور على أشكالها تقع
جنكم مجانين وعرايا ووووو
تحية للعم هشام شيخ الدين .
نعمل شنو من جاه تماضر يلوك
|
Post: #26
Title: Re: مأساوية حب معلن ... (أنا أحب تماضر شيخ الدين) ..!!!
Author: الجندرية
Date: 03-10-2007, 02:28 AM
Parent: #1
وأنا وانا وانا
برضو
يا حبيبة كل سنة وانت طيبة
لشنو حتى بالشباك ما نلقاك عشان نقول كل سنة وانت زي ما انت
نجمة ضاوية
|
Post: #29
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-10-2007, 05:54 AM
Parent: #26
Quote: وأنا وانا وانا
برضو
يا حبيبة كل سنة وانت طيبة
لشنو حتى بالشباك ما نلقاك عشان نقول كل سنة وانت زي ما انت
نجمة ضاوية |
شكراً جندرية
وتحية ومحبة لكل نساء بلادي
|
Post: #27
Title: Re: مأساوية حب معلن ... (أنا أحب تماضر شيخ الدين) ..!!!
Author: Aisha Hommaida
Date: 03-10-2007, 02:29 AM
Parent: #1
كل الحب والود للصادقة حبيبة الصدق تماضر
شكرا كمال الزين للمسة الرقيقة....لتماضر دين علينا جميعا
we love you
|
Post: #30
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-10-2007, 06:02 AM
Parent: #27
Quote: كل الحب والود للصادقة حبيبة الصدق تماضر
شكرا كمال الزين للمسة الرقيقة....لتماضر دين علينا جميعا
we love you |
عائشة
تحياتي
كل سنة وإنتو كلكم طيبين .
|
Post: #31
Title: Re: مأساوية حب معلن ... (أنا أحب تماضر شيخ الدين) ..!!!
Author: على عمر على
Date: 03-10-2007, 06:44 AM
Parent: #1
غايتو
بعد ما تفجو شويه لصديق الموج
فجولنا معاك شويتين
---------------------
هشام هييييييييين
لكن خايف الكلام دا يجيب لكن
مشاكل مع تبارك
والعفش داخل البوست على مسؤلية كمال الزين
|
Post: #32
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-10-2007, 06:53 AM
Parent: #31
Quote: هشام هييييييييين
لكن خايف الكلام دا يجيب لكن
مشاكل مع تبارك
والعفش داخل البوست على مسؤلية كمال الزين |
علي عمر
الله يجازيك
في المحبة كلكم معاي
وفي دقة أخو البنية (براي)
........
محبة تماضر ليست كمحبة الجكس وربنا برضو يسترنا من لكمات (تبارك) , التي ربما تورم العينين لكنها لن تنزع المحبة .
|
Post: #33
Title: Re: مأساوية حب معلن ... (أنا أحب تماضر شيخ الدين) ..!!!
Author: صديق الموج
Date: 03-10-2007, 11:58 AM
Parent: #1
| Quote: وزرت الإذاعة بعد سنوات طويلة مع صهري ( عبده الصغير) فنان ومخرج إذاعي , فطلب الزميل بابكر الجاك |
كمال العزيز....تحياتى
بالله انت صهر عبد المنعم محمد حسن البربرى اخو هاشم والفاتح ومصطفى وعندهم اخت سغمبوته كانت لزيزونة والله نسيت اسمها ياخى انا اتربيت بطعمية البربرى واكلت ملحهم وملاحهم ونمت فى البيت اكثر من مليون مرة فقد تزاملنا انا وعبده خمسة سنوات فى بيت الامانة الثانوية العامه يعنى رضعنا من فرد مزيرة وادراجنا ملصقة على بعض وكنت كورس معه فى الجمعية الادبيه
ولما غنى هذه ليلتى وكان بقول يا حبيبى طاب الهوى وما علينا كنت اردد خلفه وما علينا
بذلك اللحن السودانى الجميل ..تلك ايام باذخات بالله وين عبده ..اه من زمان النزوح هذا
تحياتى لعبده اين ماكان فقد كان نعم الانسان المهذب،،،
|
Post: #38
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-10-2007, 07:28 PM
Parent: #33
Quote: كمال العزيز....تحياتى
بالله انت صهر عبد المنعم محمد حسن البربرى اخو هاشم والفاتح ومصطفى وعندهم اخت سغمبوته كانت لزيزونة والله نسيت اسمها ياخى انا اتربيت بطعمية البربرى واكلت ملحهم وملاحهم ونمت فى البيت اكثر من مليون مرة فقد تزاملنا انا وعبده خمسة سنوات فى بيت الامانة الثانوية العامه يعنى رضعنا من فرد مزيرة وادراجنا ملصقة على بعض وكنت كورس معه فى الجمعية الادبيه
ولما غنى هذه ليلتى وكان بقول يا حبيبى طاب الهوى وما علينا كنت اردد خلفه وما علينا
بذلك اللحن السودانى الجميل ..تلك ايام باذخات بالله وين عبده ..اه من زمان النزوح هذا
تحياتى لعبده اين ماكان فقد كان نعم الانسان المهذب،،، |
صديق الموج
تحياتي
(عبده )في السودان بعد غربة طويلة بسلطنة عمان , وأشتعل الرأس شيباً , لم يعد لقب (عبده
الصغير) ,لائقاً بهذا الكهل الذي تقوس ظهره .
(البربري) توفي عليه الرحمة منذ عامان , و(هاشم ) لايزال بالإمارت وهو متزوج من شقيقة والدتي وله
منها ست كريمات متزوجات من شباب من الأشقاء الإماراتيين لأنهم تجنسوا إماراتي .
(عبده) لايزال يحتفظ بهدايا كوكب الشرق أم كلثوم ( ثلاجة وتلفزيون وآله العود) , دون يجرؤ أحد على
فض تكيسهم وإستعمالهم , فكأنما إستلمهم الآن .
(هذه ليلتي ) بصوت (عبده الصغير) أمام أم كلثوم بالمسرح القومي , تسجيل نادر وموجود لكنه لا يقدم , سأبحث
عنه , ربماعاد (عبده) للغناء وربما عاد الزمان جميلاً .
|
Post: #34
Title: Re: مأساوية حب معلن ... (أنا أحب تماضر شيخ الدين) ..!!!
Author: kamalabas
Date: 03-10-2007, 12:03 PM
Parent: #1
Quote: ......
ما براك!
المنبر كله بحبها وبحترمها لتميزها عطاء ا وبذلا فى كل الساحات والمناشط
جنى
......
|
|
Post: #35
Title: Re: مأساوية حب معلن ... (أنا أحب تماضر شيخ الدين) ..!!!
Author: elsawi
Date: 03-10-2007, 12:59 PM
Parent: #34
العجب أنا
|
Post: #36
Title: Re: مأساوية حب معلن ... (أنا أحب تماضر شيخ الدين) ..!!!
Author: elsawi
Date: 03-10-2007, 01:06 PM
Parent: #35
و الله انتو ناس ما عندكم ذوق كلو كلو!!
يا اخوانا المثل بقول "حبيبك كان بقى عسل ما تلحسو"
ما خلاص حبيتوها السنة الفاتت مرتين
هنا بيرفكت يا تماضر ... أحبببببببببببببببببببببك
و هنا احب تماضر
يعني في داعي هسه كلكم جايين تحبوها تاني؟؟
و الله بي طريقتكم دي ببقى مافي فرق بين الحب و الحبوب !!
الصاوي
برضو برييييييييدها
|
Post: #41
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-10-2007, 07:47 PM
Parent: #36
Quote: الله انتو ناس ما عندكم ذوق كلو كلو!!
يا اخوانا المثل بقول "حبيبك كان بقى عسل ما تلحسو"
ما خلاص حبيتوها السنة الفاتت مرتين
هنا بيرفكت يا تماضر ... أحبببببببببببببببببببببك
و هنا احب تماضر
يعني في داعي هسه كلكم جايين تحبوها تاني؟؟
و الله بي طريقتكم دي ببقى مافي فرق بين الحب و الحبوب !!
الصاوي
برضو برييييييييدها |
الصاوي
تحياتي
تاني وتالت ورابع .
تماضر شيخ الدين مدينون لها بالكثير .
|
Post: #37
Title: Re: مأساوية حب معلن ... (أنا أحب تماضر شيخ الدين) ..!!!
Author: خالد العبيد
Date: 03-10-2007, 02:42 PM
Parent: #1
والله العظيم يا تماضر انا بحبك
|
Post: #42
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-10-2007, 07:55 PM
Parent: #37
| Quote: والله العظيم يا تماضر انا بحبك |
خالد العبيد
تحياتي
مامحتاجة حليفة
رجل جميل مثلك لابد أن يحب تماضر شيخ الدين.
محبتي
|
Post: #39
Title: Re: مأساوية حب معلن ... (أنا أحب تماضر شيخ الدين) ..!!!
Author: عبد العظيم أرباب
Date: 03-10-2007, 07:28 PM
Parent: #1
وانا كمان بحب خالتو تماضر
|
Post: #44
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-10-2007, 08:06 PM
Parent: #39
| Quote: وانا كمان بحب خالتو تماضر |
عبد العظيم
تحياتي
وإنتا كمان نفج ليك شوية زي ماقال صديق الموج .
محبتي
|
Post: #40
Title: Re: مأساوية حب معلن ... (أنا أحب تماضر شيخ الدين) ..!!!
Author: عبد العظيم أرباب
Date: 03-10-2007, 07:31 PM
Parent: #1
|
Post: #45
Title: Re: مأساوية حب معلن ... (أنا أحب تماضر شيخ الدين) ..!!!
Author: يازولyazoalيازول
Date: 03-10-2007, 08:30 PM
Parent: #43
أنا غايتو بحب أخواتكم كلكم ، وبالذات أخوات كمال على الزين وأخوات السنى وأخوات صديق الموج وأخوات عبدالمنعم سليمان
تحية لكم على بوست البت المحبوبة من الجميع ، ويا لسعادتى أن تحظى شقيقتى بكل حبكم هذا
|
Post: #47
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-10-2007, 09:04 PM
Parent: #45
Quote: أنا غايتو بحب أخواتكم كلكم ، وبالذات أخوات كمال على الزين وأخوات السنى وأخوات صديق الموج وأخوات عبدالمنعم سليمان
تحية لكم على بوست البت المحبوبة من الجميع ، ويا لسعادتى أن تحظى شقيقتى بكل حبكم هذا
|
هشام
تحياتي
عارف إنتا المداخل الوحيد الما أعلن حبو (لتماضر)
وهنيئاً لأخواتنا بمحبتك
(وتماضر أريتا بتي )
ياخي بمناسبة جيتك دي
فلنترحم على الرجل العظيم المربى الفاضل الأستاذ المرحوم شيخ الدين جبريل .
لأنه هو من أهدانا تماضر
وكل إخوتها المتميزين.
عارف أول ولاده لي حا أبعت (المدام) , تتوحم علي تماضر , يمكن ربنا يدينا بت زيها
لكن حا أحزرا تتحاشاك ما تقوم كمان تغلط في العنوان تتوحم على هشام
محبتي
|
Post: #49
Title: Re: مأساوية حب معلن ... (أنا أحب تماضر شيخ الدين) ..!!!
Author: يازولyazoalيازول
Date: 03-10-2007, 09:30 PM
Parent: #47
تسلم تسلم يا كمال
وصدقنى يا كمال حبى لتماضر يفوق الوصف ، فهو حب قديم ومعتق بدأ منذ لحظة ميلادها إذ أنها (نعم أكبر أخواتى) ولكنها أصغر منى بعدة سنوات ، يعنى بريدها من المهد إلى اللحد (بعد طول العمر)
لك آلاف التحايا واشكرك على الترحم على والدنا وأشكرك على كل شىء حتى لو توحمت زوجتك على زول قبيح زيى
|
Post: #46
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-10-2007, 08:39 PM
Parent: #43
Quote: مأساوية حب معلن ... (أنا أحب تماضر شيخ الدين) ..!!!
وأنا لا زلت احبها.. |
عادل عثمان
تحياتي
ربنا يديم المحبة
|
Post: #48
Title: Re: مأساوية حب معلن ... (أنا أحب تماضر شيخ الدين) ..!!!
Author: Mustafa Mahmoud
Date: 03-10-2007, 09:21 PM
Parent: #46
careful all lovers
we all love tumadir
just a warning
enjoy
dr mustafa[/B
|
Post: #52
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-10-2007, 10:34 PM
Parent: #51
د. مطفى محمود
مرحباً بك في زمرة المحبين ..
وبمحمد وردي ..
وحلنقي ..
شكراً على هذا الجمال ..
|
Post: #50
Title: Re: مأساوية حب معلن ... (أنا أحب تماضر شيخ الدين) ..!!!
Author: عبد المنعم سليمان
Date: 03-10-2007, 09:34 PM
Parent: #1
| Quote: إذ أنها (نعم أكبر أخواتى) |
جنس كضضضضضضضضضضـــب
|
Post: #53
Title: Re: مأساوية حب معلن ... (أنا أحب تماضر شيخ الدين) ..!!!
Author: يازولyazoalيازول
Date: 03-10-2007, 10:42 PM
Parent: #50
هى أكبر أخواتى من أمى وأصغر منى
ولكن أكبر أخواتى من أبى (مريم) ، تكون أكبر منى أنا زاتى
وإنت مالك يا منعم؟؟؟؟ جنس لقافة
|
Post: #59
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-11-2007, 11:51 PM
Parent: #53
Quote:
وإنت مالك يا منعم؟؟؟؟ جنس لقافة
|
|
Post: #54
Title: Re: مأساوية حب معلن ... (أنا أحب تماضر شيخ الدين) ..!!!
Author: مامون أحمد إبراهيم
Date: 03-10-2007, 10:46 PM
Parent: #50
ياسلام !
دى بت شنو البحبوها
الناس ديل كلهم !
الغريبه أنا بحبها ساكت كده !
من غير ما أشوفا ومن غير ماألاقيها !
وقبل ما أعرفا !
أحبك ياتماضر يا أجمل أخت فى الدنيا ,
حب يتجسد فيو, حبى لى كل أخواتى العزاز
المحكرات فى قلوبنا وفى حدقات عيون هذا الوطن ..
تماضر شيخ الدين , سلام عليكى فى العالمين ..
|
Post: #55
Title: Re: مأساوية حب معلن ... (أنا أحب تماضر شيخ الدين) ..!!!
Author: Tumadir
Date: 03-11-2007, 02:20 AM
Parent: #54
خلاص يا جماعة
لو بتحبونى جد
تعالوا حاحوا معاى "المراهقاب" الفى البيت ديل
هم المسكونى منكم
يعنى كمال سيد البوست ..يودى محمد يوم السبت الصباح ...التمرين
يوم الاحد الصباح بدرى ..جنى يوديهو الgame لانه "جنى"
صديق الموج عشان جيوبو منفخات... يشترى الجزمة ام تمانين دولار البشتروها كل اسبوعين ديل
السنى دفع الله يوديهو "الفرقة الموسيقية" ويشتغل مع يسرى دروس التمثيل ...
طبعا دكتور متوكل داخرينو لكورس ال Medical Terminology وهو يعنى ما مقصر ..يتخيل لى يادكتور متوكل بعد اتخرج من الكورس ده ..وعلى الرخص العندى بتاعات ال First Aid, CPR, CPI
بالاصافةوظيفتى فى المنظمة الشغل رقم 1 بتاغ Community Support Clinician
وبالاضافة لشغلى رقم 2 مع المتحديين عقليا ...ممكن افتح عيادة فى المحيريبة ...واكون دكتورة زى نبراس بت هشام اخوى ...
أما عادل عثمان فحيجى دورو فى كورس ال Legal Terminology
منى خوجلى ..تمسك لى يسرى ..الهدووووووووووم ..واللى منه ...شوبنق كل يوم ..
وشذى بلة ..يسرى ...برضو برنامج الكتب والكتابة وشوف افلام الروايات ..."وتعصرو لى سوا" عشان صغار
دايرة لى زول يمسك لى يسرى فى دورس الجيتار ..
وهشام دايراه "للعين الحمرا" لمحمد من التخفس ....وزيارة بيوت الاصحاب الما بتنفع معاى ...كلو كلو
اها عبد المنعم سليمان ..ده ما تبعنا تبع هشام ...ان شا الله يجيب معاه مفراكة زاتو
الجندرية ..انتى بس تعالى اتونسى معاى ..وجيبى لى معاك (المعلومة) ...للقطايع ..ونقاش حول الجندر ...
عشة حيمورة ..اتفضلى معانا ونسة ..بى شايا ...
على عمر على ...المراسيييييييييل
كمال عباس ..انت تشتغل لى الاوفر نايت شفت overnight shift
الصاوى ..السواقة
خالد العبيد ..."رأس المال"
عبد العظيم أرباب ...بتعرف تطبخ؟
مصطفى محمود ..المكتبة المقروءة والمرئية
مامون ...بلقى لى ليك ..."ناجوضة" بس ..خلينى اعرفك ...
اها مالكم قمتو تتزاوغوا؟ الحب ده ساى؟
هههههههههههه
يا أحبتى الافاضل ...والله والله والله ...لقد جعلتم لأيامى البايخة طعما جميلا..
وأنا أبادلكم المحبة ...بأكثر منها ...
ولامن افضى ليك يا صديق الموج ....
|
Post: #57
Title: Re: مأساوية حب معلن ... (أنا أحب تماضر شيخ الدين) ..!!!
Author: تبارك شيخ الدين جبريل
Date: 03-11-2007, 03:33 AM
Parent: #55
الحبيبة تماضر...
الناس ديل ما كان تخلّيّنى انا اتصرّف معاهم
(الداير شكر نشكرو، والداير المحن لابد يلولى سغارن!)
ودالشريف
____________
التهنئة بيوم المرأة العالمى لك ولقومك
(البرعى وقومك الليلة يومك، قول لى فى نومك زالت همومك)
|
Post: #60
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-12-2007, 00:09 AM
Parent: #57
Quote: الحبيبة تماضر...
الناس ديل ما كان تخلّيّنى انا اتصرّف معاهم
(الداير شكر نشكرو، والداير المحن لابد يلولى سغارن!)
ودالشريف
____________
التهنئة بيوم المرأة العالمى لك ولقومك
(البرعى وقومك الليلة يومك، قول لى فى نومك زالت همومك) |
تبارك
تحياتي
والله عمر علي صدق
الشغلانة جابت ليها تهديد
أنا أعلن برائتي من هذا البوست
والمحبة في القلوب 
|
Post: #61
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-12-2007, 00:20 AM
Parent: #55
Quote: خلاص يا جماعة
لو بتحبونى جد
تعالوا حاحوا معاى "المراهقاب" الفى البيت ديل
هم المسكونى منكم
يعنى كمال سيد البوست ..يودى محمد يوم السبت الصباح ...التمرين
يوم الاحد الصباح بدرى ..جنى يوديهو الgame لانه "جنى"
صديق الموج عشان جيوبو منفخات... يشترى الجزمة ام تمانين دولار البشتروها كل اسبوعين ديل
السنى دفع الله يوديهو "الفرقة الموسيقية" ويشتغل مع يسرى دروس التمثيل ...
طبعا دكتور متوكل داخرينو لكورس ال Medical Terminology وهو يعنى ما مقصر ..يتخيل لى يادكتور متوكل بعد اتخرج من الكورس ده ..وعلى الرخص العندى بتاعات ال First Aid, CPR, CPI
بالاصافةوظيفتى فى المنظمة الشغل رقم 1 بتاغ Community Support Clinician
وبالاضافة لشغلى رقم 2 مع المتحديين عقليا ...ممكن افتح عيادة فى المحيريبة ...واكون دكتورة زى نبراس بت هشام اخوى ...
أما عادل عثمان فحيجى دورو فى كورس ال Legal Terminology
منى خوجلى ..تمسك لى يسرى ..الهدووووووووووم ..واللى منه ...شوبنق كل يوم ..
وشذى بلة ..يسرى ...برضو برنامج الكتب والكتابة وشوف افلام الروايات ..."وتعصرو لى سوا" عشان صغار
دايرة لى زول يمسك لى يسرى فى دورس الجيتار ..
وهشام دايراه "للعين الحمرا" لمحمد من التخفس ....وزيارة بيوت الاصحاب الما بتنفع معاى ...كلو كلو
اها عبد المنعم سليمان ..ده ما تبعنا تبع هشام ...ان شا الله يجيب معاه مفراكة زاتو
الجندرية ..انتى بس تعالى اتونسى معاى ..وجيبى لى معاك (المعلومة) ...للقطايع ..ونقاش حول الجندر ...
عشة حيمورة ..اتفضلى معانا ونسة ..بى شايا ...
على عمر على ...المراسيييييييييل
كمال عباس ..انت تشتغل لى الاوفر نايت شفت overnight shift
الصاوى ..السواقة
خالد العبيد ..."رأس المال"
عبد العظيم أرباب ...بتعرف تطبخ؟
مصطفى محمود ..المكتبة المقروءة والمرئية
مامون ...بلقى لى ليك ..."ناجوضة" بس ..خلينى اعرفك ...
اها مالكم قمتو تتزاوغوا؟ الحب ده ساى؟
هههههههههههه
يا أحبتى الافاضل ...والله والله والله ...لقد جعلتم لأيامى البايخة طعما جميلا..
وأنا أبادلكم المحبة ...بأكثر منها ...
ولامن افضى ليك يا صديق الموج .... |
حبيبتي
(دي نكايةً في تبارك, وإعتماداً على بعد الشقة بين قبضته و إحداثيات الدوحة)
المهام دي كلها بقوم بيها براي
صف العاشقين والعاشقات الطويل ده
بغير منهم كلهم
بعدين كلهم مشغولين .
|
Post: #62
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-12-2007, 00:30 AM
Parent: #54
Quote: ياسلام !
دى بت شنو البحبوها
الناس ديل كلهم !
الغريبه أنا بحبها ساكت كده !
من غير ما أشوفا ومن غير ماألاقيها !
وقبل ما أعرفا !
أحبك ياتماضر يا أجمل أخت فى الدنيا ,
حب يتجسد فيو, حبى لى كل أخواتى العزاز
المحكرات فى قلوبنا وفى حدقات عيون هذا الوطن ..
تماضر شيخ الدين , سلام عليكى فى العالمين .. |
مأمون
تحياتي
مرحباً بك تحت مسمى أهلك
(نيو لوك ) و(نيو نيم )
محبتي
|
Post: #56
Title: Re: مأساوية حب معلن ... (أنا أحب تماضر شيخ الدين) ..!!!
Author: عبد العظيم أرباب
Date: 03-11-2007, 03:13 AM
Parent: #1
توتا حبيبتنا
ايه رائك في الطبخة دي
|
Post: #58
Title: Re: مأساوية حب معلن ... (أنا أحب تماضر شيخ الدين) ..!!!
Author: suhair elsheikh
Date: 03-11-2007, 05:19 AM
Parent: #1
سلام ياشباب
وانا ايضا احببت تماضر الحب الطاهر العفيف
احبتها انسانة فنانة ومبدعة من مبدعات بلادي
احببتها منذ زمن طويل وان كانت لاتدري فقد شاركتها الحلم يوما
كما شاركتها الفجيعة إذ كانا فجيعة جيل بإسره كنت صغيرة السن
والتجربة وكان تجسيدا حيا لصورة فتي الاحلام الاولي في مخيلتي
ياااه ياله من زمان ويالها من زكريات امدرمان الثانوية الاذاعة وشارع
النيل المسرح القومي
تماضر الحبيبة كوني بخير وعافية ولاتحزني فالانسان الذي يستطيع ان يعطي
الفرح مثلك لابد الا يحزن وحسبك كل هذا الحب
|
Post: #63
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-12-2007, 00:36 AM
Parent: #58
Quote: سلام ياشباب
وانا ايضا احببت تماضر الحب الطاهر العفيف
احبتها انسانة فنانة ومبدعة من مبدعات بلادي
احببتها منذ زمن طويل وان كانت لاتدري فقد شاركتها الحلم يوما
كما شاركتها الفجيعة إذ كانا فجيعة جيل بإسره كنت صغيرة السن
والتجربة وكان تجسيدا حيا لصورة فتي الاحلام الاولي في مخيلتي
ياااه ياله من زمان ويالها من زكريات امدرمان الثانوية الاذاعة وشارع
النيل المسرح القومي
تماضر الحبيبة كوني بخير وعافية ولاتحزني فالانسان الذي يستطيع ان يعطي
الفرح مثلك لابد الا يحزن وحسبك كل هذا الحب
|
سهير الشيخ
مرحباً بك
بذكرياتك
أفراحك
أحزانك
محبتك
|
Post: #64
Title: Re: مأساوية حب معلن ... (أنا أحب تماضر شيخ الدين) ..!!!
Author: عبدالله الشقليني
Date: 03-12-2007, 01:57 AM
Parent: #1
لكمال في انطلاقته في محبةٍ
لبست شمس الإعلام
وحدثت الرؤى والأقلام
أن الشعر عندما يندلقْ
على صفحة الكون مُحرِقْ
قال آخر :
حَدثتُ الإله في صفوةٍ
في خلوةٍ
في ظُلمةٍ :
إني مُحبٌ
وعاشقُ.
رد الإله :
لا تُصدقوا من باح للغيوم
فمن باح في خلوتي
لَمس النُجوم
ففرِحتُ له
وحَزنتُ له
|
Post: #65
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-12-2007, 02:45 AM
Parent: #64
Quote: لكمال في انطلاقته في محبةٍ
لبست شمس الإعلام
وحدثت الرؤى والأقلام
أن الشعر عندما يندلقْ
على صفحة الكون مُحرِقْ
قال آخر :
حَدثتُ الإله في صفوةٍ
في خلوةٍ
في ظُلمةٍ :
إني مُحبٌ
وعاشقُ.
رد الإله :
لا تُصدقوا من باح للغيوم
فمن باح في خلوتي
لَمس النُجوم
ففرِحتُ له
وحَزنتُ له
|
الأديب صاحب الكلمة التي تضئ العتمة
وتكسر حواجز الكراهية , وتهدى إلى محبة هي كالسراط المستقيم
نبوح بمحبتنا
لتماضر
ولك
ياصديقي
من رافقتني كلمته طويلاً
وبحثت عنها بين المكتبات
والمنابر
وحكايا الأصدقاء
محبتي لتماضر
الآن
أكثر صدقاً
وعفةً
وإيغالاً
|
Post: #66
Title: Re: مأساوية حب معلن ... (أنا أحب تماضر شيخ الدين) ..!!!
Author: Ibrahim Algrefwi
Date: 03-12-2007, 02:59 AM
Parent: #1
.
.
السيدة : تادُر "شاخ" الدين . مرشحة الحزب الديمقراطي ببنقلاديش .
صوتكم : لأجل طفولة وامومة سعيدة ولأجل بنلاقديش قوية وحرة ...
. . .
|
Post: #91
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-15-2007, 11:28 AM
Parent: #66
.
Quote:
.
السيدة : تادُر "شاخ" الدين . مرشحة الحزب الديمقراطي ببنقلاديش .
صوتكم : لأجل طفولة وامومة سعيدة ولأجل بنلاقديش قوية وحرة ...
. . . |
جريفاوي
تحياتي
تعرف إمكن لوكانت جد في بنغلادييش ممكن تبقى رئيسة دولة , العساكر هنا مابقوموا بدري .
|
Post: #67
Title: Re: مأساوية حب معلن ... (أنا أحب تماضر شيخ الدين) ..!!!
Author: شبشة
Date: 03-12-2007, 04:50 AM
Parent: #1
يا تماضر انا بالجد ما عارف اقول ليك شنو لكين اعفينى من الماراسيل وجاهز لى كلو..
شكرا يا كمال مع انك ..
|
Post: #69
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-12-2007, 06:27 PM
Parent: #67
| Quote: شكرا يا كمال مع انك .. |
شبشة
ولولا هذه (ال معى إنك) , لماعرفتك ..
محبتي
|
Post: #68
Title: Re: مأساوية حب معلن ... (أنا أحب تماضر شيخ الدين) ..!!!
Author: معتصم الطاهر
Date: 03-12-2007, 06:37 AM
Parent: #1
وسيأتى يوما تتهم بحب الجمال
لأنك ..
أحببت من هن فى قامة تماضر ...
|
Post: #70
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-12-2007, 06:52 PM
Parent: #68
Quote: وسيأتى يوما تتهم بحب الجمال
لأنك ..
أحببت من هن فى قامة تماضر ... |
باشمعتصم
رماني بداءه ولم ينسل ..
شيخ العاشقين ..
بجح , وعينو قوية ..
وحبوب ..
|
Post: #71
Title: Re: مأساوية حب معلن ... (أنا أحب تماضر شيخ الدين) ..!!!
Author: رأفت ميلاد
Date: 03-12-2007, 06:53 PM
Parent: #68
Quote: الناس ديل ما كان تخلّيّنى انا اتصرّف معاهم
(الداير شكر نشكرو، والداير المحن لابد يلولى سغارن!) |
أهو جنس ده البخلينا ما نعلن عن حبنا .
أنا بصراحة محتار بين تماضر ورشا
وبعدين يا كمال إنت صغير
فج لينا شوية أنا والموج
بس الله يكفينا شر المشمط هشام ساهل
|
Post: #72
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-12-2007, 06:59 PM
Parent: #71
Quote: أهو جنس ده البخلينا ما نعلن عن حبنا .
أنا بصراحة محتار بين تماضر ورشا
وبعدين يا كمال إنت صغير
فج لينا شوية أنا والموج
|
رأفت ميلاد
تساءلت بالأمس وأنا أترصدك
أين رأفت ميلاد ؟؟
فأنت دائماً حاضر عند كل جميل
Quote: بس الله يكفينا شر المشمط هشام ساهل
|
الجملة دي حقتك إنتا , (أنا بره)
|
Post: #73
Title: Re: مأساوية حب معلن ... (أنا أحب تماضر شيخ الدين) ..!!!
Author: يازولyazoalيازول
Date: 03-12-2007, 09:00 PM
Parent: #72
لووووووووووووووول يا رأفت (المشمط) خترى عديل كده ، ممكن يقلب زى مجنون الجبلين
|
Post: #74
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-13-2007, 09:55 AM
Parent: #73
Quote: لووووووووووووووول يا رأفت (المشمط) خترى عديل كده ، ممكن يقلب زى مجنون الجبلين
|
هشام
تحباتي
الدخول هنا بالملابس الرسمية
والمداخلة أعلاه على مسئؤلية صاحبها يعني تمشى الخور بعد أن تنفصل عن السفينة الأم
|
Post: #75
Title: Re: مأساوية حب معلن ... (أنا أحب تماضر شيخ الدين) ..!!!
Author: Abdulbagi Mohammed
Date: 03-13-2007, 11:26 AM
Parent: #74
Quote: غايتو
بعد ما تفجو شويه لصديق الموج
فجولنا معاك شويتين |
وقت الحب ده فاتني أنا بتمرغ في ترابه
التحية لتماضر و لتماضر برضو
|
Post: #76
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-13-2007, 04:21 PM
Parent: #75
Quote: وقت الحب ده فاتني أنا بتمرغ في ترابه
التحية لتماضر و لتماضر برضو
|
عبدالباقي
تحياتي
تحية لتماضر الأخرى , ولأخرى مني أنا تحية .
محبتي
|
Post: #77
Title: Re: مأساوية حب معلن ... (أنا أحب تماضر شيخ الدين) ..!!!
Author: hamid brgo
Date: 03-13-2007, 05:37 PM
Parent: #76
اما انا بحب معاها كمال على
في حد ما بحب الابداع والخلق النبيل وتماضر?
ساكتين مالكم
|
Post: #78
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-13-2007, 06:20 PM
Parent: #77
Quote: اما انا بحب معاها كمال على
في حد ما بحب الابداع والخلق النبيل وتماضر?
ساكتين مالكم |
حامد
تحياتي
وثلاثية رائعة
الإبداع
الخلق النبيل
وهي
ونحن أيضاً نحبك ياجميل
ولن (نسكت )
سنواصل البوح بمحبتنا لها
ولكم
|
Post: #79
Title: Re: مأساوية حب معلن ... (أنا أحب تماضر شيخ الدين) ..!!!
Author: Tragie Mustafa
Date: 03-13-2007, 06:43 PM
Parent: #78
بحب تماضر
وبحب الخير الذي تبثه حروفها في كل مكان.
ولك الحب مثلها
يا كمال يامن لا يخجل عن التعبير عنه
لانه الخير فعلا ان نحب لا ان نكره.
تراجي.
|
Post: #80
Title: Re: مأساوية حب معلن ... (أنا أحب تماضر شيخ الدين) ..!!!
Author: saif massad ali
Date: 03-13-2007, 07:27 PM
Parent: #79
سيف مساعد لما قال بحب تماضر قالوا عليهو شقي ومنحوس
اظنو ده الحب النجس
|
Post: #82
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-13-2007, 08:05 PM
Parent: #80
Quote: سيف مساعد لما قال بحب تماضر قالوا عليهو شقي ومنحوس
|
سيف مساعد
تحياتي
لو المحبة شقى ونحس
الله يذيدنا من الشقى والنحس
|
Post: #81
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-13-2007, 07:54 PM
Parent: #79
Quote: بحب تماضر
وبحب الخير الذي تبثه حروفها في كل مكان.
ولك الحب مثلها
يا كمال يامن لا يخجل عن التعبير عنه
لانه الخير فعلا ان نحب لا ان نكره.
تراجي. |
حبيتي تراجي
( والله لولا الرجولة لكدت أن أقول بت أمي )
ماتحته خط , هو الخير لنا جميعاً
وقد أكبرت فيك بوست المحبة , التي لم تسمح لنا ظروف دحرجته للخور , أن نعبر عنها بمايليق ..
نحبك في الخور
وفي العام
وفي كل الأحوال
فلاشئ أثمن وأبقى من المحبة
محبتي
|
Post: #83
Title: Re: مأساوية حب معلن ... (أنا أحب تماضر شيخ الدين) ..!!!
Author: Osman Musa
Date: 03-13-2007, 08:32 PM
Parent: #81
أنت عارف تماضر دى دهب . دهب عيار 99 مدسوس ومطمور فى ( كبن) مدخور
للحوبات ولى الزمان لكن الزمان جاء أ تمنا ان تعود تماضر الى تلك الديار
تماضر خصاره على الشاشة والمسرح والمشاهد السودانى
فجو شويه النسلم.. تحياتى عثمان..
|
Post: #85
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-14-2007, 11:28 AM
Parent: #83
Quote: أنت عارف تماضر دى دهب . دهب عيار 99 مدسوس ومطمور فى ( كبن) مدخور
للحوبات ولى الزمان لكن الزمان جاء أ تمنا ان تعود تماضر الى تلك الديار
تماضر خصاره على الشاشة والمسرح والمشاهد السودانى
فجو شويه النسلم.. تحياتى عثمان..
|
أسامة موسى
تحياتي
لا أملك إلا أن أنقل كلماتك كماهي ..
محبتي
|
Post: #84
Title: Re: مأساوية حب معلن ... (أنا أحب تماضر شيخ الدين) ..!!!
Author: ismeil abbas
Date: 03-13-2007, 09:49 PM
Parent: #1
ألأخ/كمال على ألذين.
ياريت ألناس كلها مثلك كده.تعلن عن محبتها بكل صراحه وود.ومن منا لا يحب ذلك الصوت الدافىء الحنون فى شخص الرائعه السيده تماضر شيخ الدين.
أخى لقد هيجت أشجانى بالأذاعة وحوش ألأذاعه أيام ما كنا فى ركن ألأطفال ولما كانت حبوبتنا حبوبه كلتوم.(سعاد أبوعاقله فى ذلك الحين)كم أقدر تلك المرأة أيضآ. كانت توصلنا لحدى بيتنا فى العباسيه الله إديها العافيه .وكان شعارنا ركن ألأطفال يقدمه عمكم مختار(ألأستاذ عبالعزيز)وكم كنا نرى كبار المذيعين.عبدالرحمن أحمد وعمر عثمان والمرحوم محمد خوجلى صالحين. وكانوا كلهم كأسره واحده فى بيت واحد.وكان ألعم قرشى حاج الطاهر (برنامج مدائح نبويه)فى ذلك الوقت هو الذى شجعنا وقادنا للأذاعه الله إديه الصحه والعافيه.وتماضر قمه مثل تلك القمم الله إديها الصحه والعافيه هى وأولادها.
|
Post: #86
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-14-2007, 11:32 AM
Parent: #84
Quote: ألأخ/نمال على ألذين.
|
إسماعيل ده أنا؟؟
| Quote: مختار(ألأستاذ عبالعزيز) |
ياسلام يا إسماعيل أطال الله عمر أستاذنا عبدالعزيز عبداللطيف , ذلك الكنز ..
والرجل العظيم ..
| Quote: وتماضر قمه مثل تلك القمم الله إديها الصحه والعافيه هى وأولادها. |
آمين يا إسماعيل
محبتي
|
Post: #87
Title: Re: مأساوية حب معلن ... (أنا أحب تماضر شيخ الدين) ..!!!
Author: ismeil abbas
Date: 03-14-2007, 12:40 PM
Parent: #1
ألأخ/كمال على ألذين.....
تحياتى...
وآسفين للخطاء المطبعى
وسلمت أنت والقمة ألأستاذه/تماضر شيخ الدين وأولادها.
مودتى
|
Post: #88
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-14-2007, 01:19 PM
Parent: #87
Quote: ألأخ/كمال على ألذين.....
تحياتى...
وآسفين للخطاء المطبعى
وسلمت أنت والقمة ألأستاذه/تماضر شيخ الدين وأولادها.
مودتى |
لا عليك ياصديقي
رغم أن إسمي بتلك الطريقة قد أعجبني , تسلم ياجميل
|
Post: #89
Title: Re: مأساوية حب معلن ... (أنا أحب تماضر شيخ الدين) ..!!!
Author: ismeil abbas
Date: 03-14-2007, 07:09 PM
Parent: #1
ألأخ /كمال
سلام أنت روحك جميلة ولذا ترى كل ألأشياء جميلة .
وذكرتنى بصدر بيت الشعر
كن جميلآ ترى الوجود جميلا
|
Post: #90
Title: Re: مأساوية حب معلن ... (أنا أحب تماضر شيخ الدين) ..!!!
Author: كمال علي الزين
Date: 03-14-2007, 08:14 PM
Parent: #89
Quote: ألأخ /كمال
سلام أنت روحك جميلة ولذا ترى كل ألأشياء جميلة .
وذكرتنى بصدر بيت الشعر
كن جميلآ ترى الوجود جميلا
|
شكراً يا إسمعين هباس
أتمنى أن أكون كذلك .
محبتي
|
|