معذرة كُتابى المفضلون لا يحبكم أحد و أنتم من لا تسعكم قوائمهم المفضلة!

معذرة كُتابى المفضلون لا يحبكم أحد و أنتم من لا تسعكم قوائمهم المفضلة!


12-27-2011, 01:36 AM


  » http://sudaneseonline.com/cgi-bin/sdb/2bb.cgi?seq=msg&board=350&msg=1324946166&rn=0


Post: #1
Title: معذرة كُتابى المفضلون لا يحبكم أحد و أنتم من لا تسعكم قوائمهم المفضلة!
Author: Abuzar Omer
Date: 12-27-2011, 01:36 AM

معذرة!!
كتابى المفضلون!!
بحثت عنكم فى قوائمهم المفضلة و لكن؟؟

أعلم أن القوائم لا تسعكم، فكل واحد منكم يستحق أن يكون قائمة وحده، لاتضاهيها قوائمهم المديدة..

- معذرة سيدى صلاح هاشم "السعيد" فأنا أطبع ما تكتب، ثم أقرأ. كى تترتب الحروف على نقاء الورق، نيلاً و وطن..

- معذرة فضيلى جماع،

- نصار صادق الحاج

- بشرى الفاضل

- عادل أمين

- عائشة موسى

- فتحى البحيرى

- أبوجهينة

- محمد ميرغنى عبد الحميد

- محمد على طه الملك

- خطاب حسن أحمد

- خالد عويس

- حامد بدوى بشير

- محمد عبد الجليل

- محمد الكامل عبد الحليم

- أسامة الخواض

- محمد المرتضى حامد

- فتحى الضو

- الفاتح جبرة

- كمال على الزين

- عبد الدين سلامة

- بلة محمد الفاضل

- أحمد محمد بشير

- بدر الدين أحمد موسى

- أبوذر بابكر

- منصور المفتاح

- أبو القاسم قور

- أحمد الأبوابى

- صلاح فقير

- خالد أبو أحمد

- عصمت العالم

- أحمد ضحية

- فاروق عثمان

- الباقر عثمان

- عماد البليك

- محمد زين الشفيع

- عثمان محمد صالح

- مبارك السروجى

- طـه جعفر

- مجدى اسحاق

- يحيى بن عوف

- أسعد العباسى

- سعيد زكريا

- سالم أحمد سالم

- كبر

- خدر

- عبد الإله زمراوى

- محمد الواثق

- سعد مدنى

- الشايقى

- عصام جبر الله

- عاطف مكاوى

- أيمن تابر

- جورج بنوتى

- حيدر قاسم

الرفاعى حجر

- بكرى الصايغ

- الموصلى

- لنا مهدى

- أبنوسة

- لنا جعفر

- محمد سليمان

- بخارى عثمان

- أبو ساندرا

- بدر الدين الأمير

- أحمد بن عوف

- محمود الدقم

- عاز جعفر

- طارق ميرغنى

- وليم أندريا

.
.
.

و الكثيرون الذين لا تحصى أعدادهم..

بالإضافة لبعض المفضلين بتاعين القوائم الأخرى ( د. أمبدة، النذير، ... و غيرهم)..

Post: #2
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: Abuzar Omer
Date: 12-27-2011, 01:49 AM
Parent: #1

قصدت بهذه القائمة المطولة، لفت نظر الاخوة إلى ثراء هذا الموقع. فى الخاطر قصة ( 100 من الكتاب المميزين) و الذين ظنوا بأن الموقع سيصاب بالشلل

لمجرد توقفهم عن الكتابة فيه، فعادوا بمحصول وفير من خيبة الأمل.

يا سادتى، ما يميز هذا الموقع الثرى بالمواهب، و الذى يجمع العديد من الكتاب المحترفين، و القادمين، بالمهنيين و الباحثين فى شتى المجالات. فينتج هذا التفاعل

الموقع الأول و الأجمل و الأكمل فى السودان.

و ما شايف أنو فى موقع ممكن يكون قريب منو. هناك مئات السنوات الضوئية تفصله عن أقرب المواقع إليه..

إذن يا سادتى من الظلم أن تذكر أفضل الكتاب فى هذا الموقع. و الموقع فيه مثل هذه الأسماء ( على سبيل التمثيل و ليس الحصر).

تحياتى

Post: #3
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: طه جعفر
Date: 12-27-2011, 03:41 AM
Parent: #2

الاستاذ ابو ذر عمر
قيل في الاثر المقدس " لقد خلقناكم شعوبا قبائل لتعارفوا ...الخ"
التعارف نوع من ادراك كنه الاخر و بعد المعرفة ينتفي الجهل و تغيب الجهالة
و زي ما بيقال " الما بعرفك ..يجهلك"
ليكتب الجميع و ليكتبوا بحرية ، لان من أجّل المعارف الرأي و قيل الرأي قبل شجاعة الشجعان
قال اهلنا الصوفية الكرام احلامكم اعلامكم و في هذه المقولة تندس حكمة باذخة و معرفة رفيعة.
هنالك من يكتبون و جل ما يعنيني في كتابتهم حجم ما لا يعرفون، يتبدي الجهل و الكذب في كتابتهم لدرجة مخجلة و لا نقول الا ما يرضي الضمير.
ليكتب الجميع فلكل حرف قيمة و لكل كلمة مكان ، تشير الكتابة الي ما يعرفه الكاتب عن الحياة و عن البشر
ما يقلقني في كتابة البعض حجم ما لا يعرفون.
نحن هنا لنتعلم و من ثم نتعارف.
من كتابتك الان عرفت من انت و سيعرف غيري و يتعلم دروسا مهمة ما كان سيجد ريحها لو لم يمر بهذا المكان الجليل. يتحرج البعض من المخاشنات الكلامية و بعض المفردات التي تجلب اثارا سالبة و كلها تشير و ليس لما يذهب اليه البعض من ادعياء المعرفة. لا تشير هذه الكلمات المحددة الهدف و المثيرة للاثر السالب الا الي المعترك الذي قيلت فيه، جميعنا ابناء نساء و رجال هم الام و الاب، لا تشير الا للخلاف و لكل واحد منا اسلوبه و حدود معرفته و ما كسب من العلم و الحكمة.
جميعنا سودانيون لكنه الصراع و المناجزة
و الاختلاف من اسباب الخلق كما قيل في الاثر المقدس
و لن يكون الاخنلاف بمنطق الرياء و التضليل و المجاملة كما يدرج القول الفارغ " اختلاف الرأي لا يفسد للود قضية"
لو كان كذلك فما سبب الحرب
و ما سبب الجيوش المجيشة بالعتاد و المقاتلين
هل لأمر غير الاختلاف و الصراع
من اراد مغادرة ساحة المعركة فليغادر و لا يلف كلماته بالاباطيل و المجاملات الكاذبة

و قيل في الاثر المقدس فيما معناه
أذا رأيتهم تعجبك اجسامهم و إن يقولوا تسمع لهم، هم العدو فأحذرهم
اليس الامر حول النفاق و المداهنة و الرياء و كذب الالفاظ الجوفاء
فليكتبوا و ليصدر كل واحد حكمه و ليساندوا بعضهم في الجهالة بالنفاق و إن فعلوا فذلك حد مكسبهم من المعرفة و الحكمة،
ليكتب الجميع حقيقة ما يروون فمن كتابتنا نفتح فرصة للاخرين ليعلمونا و ليقولوا ما يرون
فمما تتم كتابته يتحقق العلم و تستفاد المعرفة و تنتفي الجهالة و هذا شرط التعارف.

عندما تم تدبيج القوائم باسماء الاصدقاء و المعارف
انتهرت الناس عن ذلك لان النفاق مرذول
انتهرت الناس لانه كاذب من يدعي انه يقرأ المنبر كاملا
هذا هو اصل النفاق
و قيل في الاثر المقدس
ايزني المؤمن قال النبي(ص) نعم
أيسرق المؤمن فقال النبي(ص) نعم
و سئل النبي (ص)ايكذب المؤمن فقال النبي( ص) لا
الكذب و النفاق هما سوستان تنخران في العظم حتي يقع الكذاب في حبائل كذباته، كذبابة صادتها شباك العنكبوت


شكرا ابوذر عمر علي هذه السانحة

طه جعفر

Post: #4
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: محمد عبد الماجد الصايم
Date: 12-27-2011, 08:23 AM
Parent: #3

Quote: - عصام جبر الله


بالغت يا أبو ذر ياخ!
هسي الزول دا قاعد يكتب شنو؟؟

Post: #6
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: Abuzar Omer
Date: 12-27-2011, 09:38 AM
Parent: #4

تحياتى يا ود الصايم

الكاتب المفضل على مسؤولية القارئ الذى يفضله... مثل سودانى

و لا يهمك ياخ، ما حتقدر تغير كتير.

أها عندك ناس كتيرة لسع بقولوا البوكس 81 أحسن و أسرع عربية!! ( ناس القوائم التانية).

أما عصام ده لمن يكتب بى مزاج خلينى أنا بقرأ ليهو..

مودتى ياخ..

Post: #7
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: محمد عبد الماجد الصايم
Date: 12-27-2011, 09:44 AM
Parent: #6

Quote: أما عصام ده لمن يكتب بى مزاج خلينى أنا بقرأ ليهو..


دي النجيضة يا عمكـ
أها المزاج دا ضايع ليهو
سنتين .. تلاتة سنين كـدا!!


معقولة من الزمن داكـ قاعد تطبع ليهو


بالمناسبة يا أبو ذر
قريت لـ عادل البدوي؟

Post: #8
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: Abuzar Omer
Date: 12-27-2011, 10:08 AM
Parent: #7

Quote: بالمناسبة يا أبو ذر
قريت لـ عادل البدوي؟

ســلام يا أبو الصايم ياخ

الإجابة على سؤالك يا عزيزى:

حقيقة لا أذكر و الله، لكن ذكرتنى د. حيدر البدوى. ده من الكثيرين الذين لم أضعهم فى اللستة سهواً..


"أما إذا دار محور سؤالك عن الطباعة" ( وش ضاحك، ضحكة أعظم من حقتك دى)، فهاك ده واحد منهم، ( لازم تقلع نعلاتك، قبل الطباعة، طبعاً)!!

السودان ما بين الإحياء والتحديث

Post: #5
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: Abuzar Omer
Date: 12-27-2011, 09:29 AM
Parent: #3

تحياتى طـه جعفر

Quote: ما يقلقني في كتابة البعض حجم ما لا يعرفون.


منهم من ظن بنفسه خيراً ( ظن السوء) و خرج عاريا. لا يملك من الرجاحة إلا ما يوجب حجة الله عليه. سبحانك اللهم و بحمدك، لك شئون فى خلقك..

Post: #9
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: Abuzar Omer
Date: 12-27-2011, 10:15 AM
Parent: #5

أستميح عذراً يا أبو الصايم ياخ

تانى لو واحد كتب (وش ضاحك)، ممكن أسألوا أقول ليهو: وين لى ضحكة ود الصايم؟؟ نصفها، ربعها، ثلاثة أضعاف ولى أس كم يعنى؟؟.. أو كم بوحدة ود الصايم المعيارية؟؟

ممكن ياخ؟؟...

Post: #10
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: حامد بدوي بشير
Date: 12-27-2011, 10:19 AM
Parent: #5

شكرا ابو ذر عمر،

الكتابة عندي هي محاولة للتنفس وسط الغبار والقنابل المسيلة للدموع.

شخصيا يكفيني من كل سوق عكاظ هذا، (100) قارئ ناضج (5) متداخلين جادين.

Post: #11
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: محمد عبد الماجد الصايم
Date: 12-27-2011, 10:31 AM
Parent: #10

يا معلم .. المعيار معياركـ (على وزن البيت بيتكـ)!!


أما فيما يختص بـ مولانا البدوي
فدي حاجة من طرف البورض الراجل اللي واقف ورا الفاتنة "بيلي جين"

Post: #12
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: محمد يوسف الزين
Date: 12-27-2011, 10:42 AM
Parent: #11

Quote: فتحى الضو


انتو عندكم فتحي الضو في المنبر العام في اون لاين عندو "بوستات" غير الاستاذ فتحي الضو الكاتب والمعارض المقيم في امريكا والذي ينشر له آدمن موقع اون لاين مقالات راتبة؟!

Post: #16
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: Abuzar Omer
Date: 12-27-2011, 08:55 PM
Parent: #12

Quote: انتو عندكم فتحي الضو في المنبر العام في اون لاين عندو "بوستات" غير الاستاذ فتحي الضو الكاتب والمعارض المقيم في امريكا والذي ينشر له آدمن موقع اون لاين مقالات راتبة؟!


هو نفسه فتحى الضو، الانسان النبيل، السهل، و الوطنى الغيور ( وطنٌ يسكنه وطن). و حسب علمى فهو عضو، لكنى أعلم عنه عِظم مشغولياته.

تحياتى يا محمد يوسف

Post: #13
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: Abuzar Omer
Date: 12-27-2011, 08:26 PM
Parent: #10

عزيزى حامد بدوى سـلام

Quote: الكتابة عندي هي محاولة للتنفس وسط الغبار والقنابل المسيلة للدموع.

شخصيا يكفيني من كل سوق عكاظ هذا، (100) قارئ ناضج (5) متداخلين جادين.


و لأن الكتابة رسالة فى المقام الأول، ممكن واحد من المئة قارئ يكون وزير أو برلمانى منتخب ( فى ظل نظام ديمقراطى)، فتصعد الرسالة للسماء الاستجابة.
لذا يا سيدى، سنظل نتحاور لاننا نعلم ما نريد.

مودتى و بلا حدود..

Post: #14
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: Abuzar Omer
Date: 12-27-2011, 08:45 PM
Parent: #13

سـلام يا صاحب الضحكة المعيارية

طبعاً قريت لى عادل البدوى. و شكراً على الرابط الجميل ياخ. و شكراً لى عادل الذى أشركنا معه فى سماع مايكل جاكسون.

Post: #15
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: محمد حيدر المشرف
Date: 12-27-2011, 08:46 PM
Parent: #13

مررت فى تجوالى اليومي بالمنبر على أكثر من بوست حول المسألة ..
وفرصة لابداء الامتنان الذى يليق لكل من تكبد عناء قراءتى ..
عموما يا اباذر انت ماسك حته غلط فى الموضوع ..
فمثلا أنا لا أرى زول واحد من القلتهم ديل كتاب اكتر منى فى سودانيزاونلاين .. ولا واحد !!


دى مقدمة لاسالة اللعاب الاسفيري ووفتح الشهية يا صديقى ..
شوربة مجانية يجب ان تقدم هكذا .. ساخنة !!

Post: #17
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: محمد حيدر المشرف
Date: 12-27-2011, 09:05 PM
Parent: #15

وكمدخل ..
هاك ترشيحى الوحيد فى هذا الموضوع
ولقد إنتخبت فايز ودالقاضى فى بوست النذير ...


..

بدون شك فايز ود القاضى ..
دونما شق ولا طق هو فايز ود القاضى ..
ولاسباب عديدة وليس من بينها مريخيته الاجمل ..

باستحضار هذا المجال التفاعلى ..
من المهم جدا الانتباه لانسنة الكتابة ..
وأول الأنسنة الحضور ..
وحضوره الانسانى واضح جدا فى تفاصيل الكتابة ..
وهى كتابة مؤنسنة جدا حد الخبث ..
وذات ملامح وروح وخفة دم ومباغتات أليفة جدا وشديدة الحميمية ..
ثم وفوق ذلك لا تغيب عنها الفكرة أبدأ ..
ولعل وضوح الفكرة تحديدا هو ما يميزه عن ودالصائم ..

ثم وللكتابة تجلياتها خارج السياج اللغوى ..
أو هكذا تكلمت المنابر الاسفيريه !
فالمجموع الانسانى لأحدهم فى حراكه الاسفيري اليوماتى ..
قد يفوق ما ببطن رواية مجيدة بفعل كاتب مجيد ..
ولكل سياقه الخاص ..
والسياق هنا سياق منبر اسفيري يدعى سودانيزاونلاين ..
كاتبي المفضل فيه ..
فايز ودالقاضى ..
هذا ما وددت أن أقوله يا النذير ..

تحياتى ..

Post: #19
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: قيقراوي
Date: 12-27-2011, 10:31 PM
Parent: #17

سلامات يا هندسة

Quote:
الإجابة على سؤالك يا عزيزى:

حقيقة لا أذكر و الله، لكن ذكرتنى د. حيدر البدوى. ده من الكثيرين الذين لم أضعهم فى اللستة سهواً..

اذن لم تقرأ لكاتب مجيد يا ابا ذر!!
و الله صحي

فعادل البدوي من أكتب السودانيين الاحياء .. المجيدين
مدد يا سيدي البدوي .. مدد

حقيقي آلمني خلو حتى قائمتك المنتصرة للجمال من اسمه
و حتى انا كنت مدخرو لتزيين مرافعتي بهناك .. لكن كنت آمل في انصاف ما ..

المسألة كلها بتدور حول الانصاف ..
غرامي بيك يا فاتن مصدرو الانصاف
ولّ شنو؟

المهم حقيقي مسألة (المفضل) دي ورطة .. اما (كاتب) اهو الناس بتدي و تاخد فيها
و في ذلك متسع

اتورط يا صاحبي (وش رمضاني .. صايم 30 يوم)



-------

بالمناسبة ود الصائم زي ما قال ليك انو لفح ليك من طرف المنبر العام ساي (الدورة الحالية الح تاخدا الارشفة بكرة دي)
لي قدام بجيب ليك من الغريق ..

لو اكتفى بـكتابة سـودنةُ الحـلمُ الأمـريكي لكفاه مؤنة عام في منبرٍ عام

Post: #18
Title: Re: معذرة كُتابى المفضلون لا يحبكم أحد و أنتم من لا تسعكم قوائمهم المف
Author: Abuzar Omer
Date: 12-27-2011, 09:19 PM
Parent: #15

Quote: عموما يا اباذر انت ماسك حته غلط فى الموضوع ..
فمثلا أنا لا أرى زول واحد من القلتهم ديل كتاب اكتر منى فى سودانيزاونلاين .. ولا واحد !!


دى مقدمة لاسالة اللعاب الاسفيري ووفتح الشهية يا صديقى ..


تحياتى يا دفـعة..

من ناحية ماسك صاح، أطمنك يا سيدى!! ( وش ضاحك 10 درجات بوحدة ود الصايم المعيارية) يعنى = عشرة أضعاف ضحكته!!

اها راجينك ( بلعاب نافد)..

كمل كلامك و بجيك بعد المشوار الصغير بتاعى..