اللهم لك الحمد..نجونا نجونا .. الكرامة واجبة

صحيت من النوم عادي جداً...

أصبحنا وأصبح الملك لله..

فتاح يا عليم رزاق يا كريم..

يلا يا أولاد..أي واحد يقوم

يتسوك ويصلي عشان ما تتأخروا على المدارس..

انهمكنا أنا والمدام في "قلع" العيال من السراير..

المهم..صلينا ..وبقينا مارقين..

نزلنا ,, وكالعادة الحمد لله وصلت الأولاد

كل إلى مدرسته/ ها ..

ومن هناك .. مشيت المكتب في طريقي طبعاً

"دقيت الكرت والبصمة" نظام حضور مبكر وكدا..

قال يعني عشان الود يرجع البيت "يتروش"

يعني ياخد دوش ويلبس "الرسمي" ويرجع المكتب..

حلو؟؟

وصلت البيت..

شغلت "سخان الموية".. ودخلت أوضتي أشيل "البشكير"

وجيت راجع بكل هدوء..الحمام..

تحسست درجة حرارة الماء..كله تمام التمام..

فتحت الموية.. برضو مية مية..

صابون وشامبو..كله جاااااهز...

أخدت "ترويشة" أولية كدا..

وبينما كان راسي "مجلبط" بالشامبو

سمعت كركرة غريبة صادرة من السخان..

المهم..قشيت الشامبو شوية كدا..

وفتحت عين واااااحدة بس..عاينت بيها ناحية السخان..

ألقى الشي زي طالع منه دخان..

أنا أخو السمحات..لفحت ليكم البشكير

وفللللي على خارج الحمام.. يا مراة هوي..

أخدو ساتر..السخان دا شكلو عايز..

- عايز شنو؟؟ مالك؟؟

- ياخ قلت ليك شيلي بتك دي وزحوا بعيد.. لأنو..

(طرااااااااااااخ..) ..توف توووووووووووووف..

وهاك يا دخان .. وريحة البيت بقت بمبان بمبان..

أها الوكت داك أخوكم تحت الدخان جرى على مكان

تأمين الكهرباء.. ربنا ألهمني..

طق طق طق طق..فصلت ليك الكهرباء..

المراة وبتها في البلكونة....

نجونا.. نجونا...

الحمد لله..

واحد صاحبنا "مهوِّد" كدا..حكيت ليهو القصة..

قال لي:

- لكن إنت بالغت والله يا محمود..عريان عديل؟؟

غايتو أكلتها في حناني ساااااااي...

وحدثت نفسي: "عاد آآجماعة الزول بيستحمى بي هدومو؟؟"

..والله كان بالغت ما عارف..

..

حمداً لله على السلامة يا أستاذ ..

و قدر الله و لطف .. فله الحمد و المنة ..

ربنا يحفظكم .. و ما تشوفوا شر إن شاء الله ..

ـ

حمداً لله على السلامة

أبو حسين..


يقبل حمدك يا زول يا أصيل..


شكراً لطيب مشاعرك..


..

سعادة المستشار الأخ/ عصام دهب..

يقبل حمدك يا حبيب..

قدر ولطف فعلاً..

أشكرك على الدعوات الطيبات..

وتسلم من كل شر..

..

ألف سلامة يا عربي ..






_
صحي قمت جاري عريان؟

حمدآ لله على السلامة
وماتشوفو شر

انت من زمن الناس بيستحموا ميطيي ؟

واحد صاحبنا متزمت قال بناتهم بيطلعوا من بطن امهم محجبات

الف حمد لله على السلامة يا أستاذ

الأخ محمد علي البصير..

يقبل حمدك ياخي..

شكلك من الإسم كدا..قريب الوالدة..

فهي - أطال الله عمرها - من الحلاوين..

إنتو ناس صالحين والله..وأهل قرآن..

فما تنسونا من صالح الدعوات..


تسلم ونجيك في السمح إن شاء الله..

..

أبو ساندرا..

كتر خيرك والله وربنا يقبل حمدك..


لذيذين "المتطرفين" ديل ياخ...


لكن أنا "الخلعة" لي هسي معاي..

شكراً لك يا حبيب..

..

كرامة وسلامة يامحمود ياخ
والله دي سلامة كبيرة
وأهم حاجة أنه السخان ده ما إنفجر

والله ياخ أنا أعصابي بايظة فما عارف وضعك انت كيف؟

حبيبنا محمود مصطفى محمود ..

حمداً لله على سلامتك وسلامة اسرتك ..

ربنا ستر ولطف ...
نسال الله لك ولاسرتك الحفظ من كل سوء وشر ..

الناس ماعندها شغلة غير جريت عريان وجريت ميطي وناسين (الكرامة واجبة )..

Quote: الكرامة واجبة

وحضورنا فرض عين ..واذا حضرنا سقط عن الباقين ..
واذا حضروا لم يسقط عنا ولا ينتهى بالغياب الطارئ ..


تحياتي ياحبيب ..

الغالي فايز ود القاضي..

يقبل حمدك يا زول يا قدامي..

حبابك والله..

(كرامة واحدة لا تكفي)..

شكلي ح أعمل أسبوع ثقافي

احتفاءً بسلامتي والأسرة..

وبالمرة كدا الواحد يساعد نفسو للخروج من "الخلعة" دي..

حولاااااااااااااااهـ

..

الأخ الحبيب أبو عبيدة..

والله من ناحية بوظان الأعصاب..فدونك الجرية الــ (أم فكو) دي..

لكن من خلال هذه الخلعة الجامدة

أستطيع أقول إنه الخلعة براها كدا ممكن تساهم

في "كتلة" الزول بنسبة 50% ..والباقي إن تمت المعدودة

ياهو ناس كهرباء وموية ساخنة واختناق..وكدي..


يا زول جات سليمة تب الحمد لله..والكرامة فعلاً واجبة..

أشكر شعورك الطيب..

..

حمد الله على السلامة والكرامة لازمة

الف حمدالله علي السلامة
ان شاء الله ماتشوف شر.

الف حمد لله على السلامة وماتشوفوا شر ان شاء الله

Quote: انت من زمن الناس بيستحموا ميطيي ؟

غايتو مغتربي قطر ديل عندهم جنس حركات .... تحيرك في منظق تفكيرك ذاتو ....:) ذكرتني لبس السباحه الشرعي داك

يا يارجل الف حمدالله علي السلامه ....

وليام أندريا يا حبيب..

شكراً على إحساسك يا زول يا لطيف إنت..

لكن بيني وبينك..أنا طرشقة البالون بتاع الأطفال قاعدة تعمل لي صداع..

فما بالك بطرشقة مصيبة زي دي من صباح الرحمن..

شكراً مجدداً..

..

العزيز محمد عمر الفكي..

نشكرك يا حبيب..



قلشة:

شايف "ابراهيم" زي شداك حبة.. لكن "الله غالب"

لو عندك بدايل.. فعليك بها..ولو كمان ما عندك بديل.. عليك بقول الشاعر:

"إذا لم يكن غير الخطوبِ مطية...فما حيلة المضطر إلا ركوبها"

أو كما قال..

تحياتي..

..

العزيز شرف الدين آدم إسماعيل..

يقبل حمدك يا شرف ياخي..

وشكراً لشعورك النبيل..

..

العزيزة شبكة..

يقبل حمدك آآبت القبايل..

والكرامة يا الخميس بكرة..يا كمان الجمعة..


شكراً ليك والله..لكن الناس البعيدين ديل غايتو

إلا الواحد يرفع ليهم خروف في السيرفر..

ما عدمناكم..

..

صحي قمت جاري عريان؟


يا محمد جنا ود الصايم..


هو داب جري؟؟


لكن طبعاً ما عريان خالص كدا..

ياخ مااااا قلنا ليكم شايلين "بشكير"..

لاحظ لكلمة "شايلين" دي..

كااااااك..

شكراً يا حبيب..

..

هههههههههههههههههه
شايل البشكير واديهو وين يا عمكـ
ما دام ربنا أداك فرصة الجري أم فكو استمتع بيها ياخ!!







_
ألف سلامة تاني ياخ .. ليكـ وللأولاد!

الف حمد لله علي السلامة يا عمك

لكن الحنكشة ما عندك يا "باش منهدس " السقط ياتو الفي جدة البستحموا ليهو بي سخان , الغريبة انا قايل السخانات الفي شقق جدة دي جزء من الديكور وكدا

سلامة سلامة


فلينوبنا من الكرامة جانب

الف الف حمدا لله على سلامتكم
والله فعلا تستحق الكرامة
.
.
.
حقي في الكرامة سلموا ود القاضي صرة وخيت
بستملوا منو عبر البيك فرع الرياض

العزيز عبد الله ود البوش..

يقبل حمدك..

خروفنا دا مبروك إن شاء الله

لكن كمان قابل للتحويل إلى عملات أخرى زي البيك؟؟

دي قوية والله..

حقك محفوظ غايتو..

لو ما عايزو ..ح نتصدق ليك بيهو..

حبابك والله..

..

العزيزة نجلاء قرافي..

تسلمي من كل بلاء..

ينوبكم إن شاء الله جانب من الكرامة

يا الكريمة بنت الكرام..

شكراً لك تاني..

..

أووووهـ أساسي ولَّ أنا غلطان؟؟

كيفك؟؟

إنت طبعاً لأنك "مدير" دوامك بيكون بعد تسعة صباحاً وكدا..

لكن "قومة" الصباحية البدري دي فيها "سقيطة" كدا بتحتاج السخان

نحن ناس غلابة ساي.. بنقوم الصباح بدري..نصحي أولادنا ..

موش زيكم إنتو المدراء ديل.. بناتكم في المدارس العالمية

وبتصحيهم الشغالة..وبيجيهم الترحيل لحدي الباب..

وأما بنعمة ربك فحدث..


المهم يا زول ما مشكلة..

لكن بيني وبينك كدا..(ما تكلم زول أوكي؟؟) أخوك اكتشف حكاية السخان

دي "بمحض الصدفة".. ولو ما "طرشق"..أصلي ما كنت ناوي أسيبو حتى في الصيف..

لوووووول..


تحياتي يا زول..ونلقاك في "الفرحة القريبة"..

..

حمد لله على السلامة يا عمك و العيال

Quote: واحد صاحبنا "مهوِّد" كدا..حكيت ليهو القصة.. قال لي: - لكن إنت بالغت والله يا محمود..عريان عديل؟؟ غايتو أكلتها في حناني ساااااااي... وحدثت نفسي: "عاد آآجماعة الزول بيستحمى بي هدومو؟؟" ..والله كان بالغت ما عارف..

البيرمشن بتاع (الخلع) دا حدو باب الحمام يا حبيب ..
الا كان بقيت سمكة معليش .. فكل البحر مسبح









------

الكرامة بالله خليها اسبوعين ثقافيين ..
واحد للخُلعة .. و التاني للخلعة
(بضم الخاء و فتحها على الترتيب)

و التانية كفارة تجاوز المقيات المكاني لخلع الملابس

الف الف سلامة ياخي

Quote: ألقى الشي زي طالع منه دخان.. أنا أخو السمحات..لفحت ليكم البشكير وفللللي على خارج الحمام.. يا مراة هوي..

و عيونك أم شامبو و صابون فتحن كيف !!!؟




يا عربي و الله سلامة كبيرة
قدر و لطف .
و الله انا بقرأ انخلعته.

الناس دى شد ليهم عدسي العدسي بنفع معاهم .





ــــــــــــــــــــــــــــــــــــــــــــــ
بخصوص صاحبك القال ليك طلعته عريان داك
عندي و احده قويه جدن جدن ممكن اشارك بيها؟

سوفي يا صاحب..

والله أخوك كان راح فيها أم فكو.. لكن ربك ستر..

Quote: بخصوص صاحبك القال ليك طلعته عريان داك عندي و احده قويه جدن جدن ممكن اشارك بيها

صاحبي المهوِّد كتر خيرو في القوية العايز تشارك بيها دي...

راجي شنو طيب؟؟ راجي عبد العاطي؟؟

أرح ..

تسلم من كل بلا آآطارق جبرين ياخي..

حبابك والله..

..

هَيْ يا قيقراوي الملابس تطير عيشَتِنْ أنا ملصتهن في البيتش؟؟


ما تراني ملصتهن في الحمام..


يا ناس أمسكوا مني قيقراوي وود الصايم ديل..


عارفكم ما بتكتفوا بـ(الحمدلة)..


وأنا أستاهل..التفاصيل كان في ليها داعي؟؟


حبابك والله..

..

حمدا لله على السلامة اخ مصطفى أنت والاسرة
وما تشوفوا شر ان شاء الله

العزيز طارق أحمد عثمان..

يقبل حمدك يا حبيب..ولك الشكر عني وعن الأسرة..

تسلم من كل بلاء..

..

الف حمد لله علي السلامة
ان شاء الله ماتشوف شر



اها انا جاية اوثق مع المدام والبنية بس حق السفر عليك


صحى الف حمد لله على سلامتك والاسرة الكريمة

حمد الله على السلامة

وربنا يحفظكم


لي ديشليون سنة في المملكة أول مرة أسمع أنو بيشغلو( سخان موية ) في جدة ، يا خي جدة دي دايرة (Chillers) عديل وعلى مدار السنة .

تسلموا

هَيْ يا ولياب...

Quote: لي ديشليون سنة في المملكة أول مرة أسمع أنو بيشغلو( سخان موية ) في جدة ، يا خي جدة دي دايرة (Chillers) عديل وعلى مدار السنة .

مالك داير تكسلني من تحريك إجراءات التعويض؟؟

غايتو كتر خيرك في حمدلة السلامة..

لكن الفيك إتعرفتْ..

محبتي يا زول يا حبوب..

..

Quote: - لكن إنت بالغت والله يا محمود..عريان عديل؟؟

ذكرتنى بالمثل ناس تخاف ما تختشيش
يازول الف حمدلله على السلامة
وفى انتظار الكرامة

هوووووووووووي يا أمجد الزين..

Quote: ذكرتنى بالمثل ناس تخاف ما تختشيش

يا أمجد المثل داك أظنو..(الإختشوا ماتوا..)

تلخبت لينا في الأمثال كدا..الحالة ما طرشق فيك سخان..

بركة غاتيو الما ذكرك المثل بتاع البشكير التقيل البقلها ياتو...

شكراً ليك والله..

..

حباب نجلاء بت أبوي سيد أحمد..

Quote: اها انا جاية اوثق مع المدام والبنية بس حق السفر عليك

حيث أن "المحرم" ضروري خالص في حتتنا دي... حبابكم والله إنتي والعزيز بخاري

هو قايل دي يوغندا؟؟

تحياتي لكم أيها الجميلين وشكراً على شعوركم الرقيق..

..

Quote: و التانية كفارة تجاوز المقيات المكاني لخلع الملابس

علي الطلاق قيقراوي دا فات الخرف بالتقنت وجاكن راجع بالناكوس
.
.
قال لبعدين خرفو شين قال

انتو تحرموا من سنة دو...
لما جاك وقت الاحرام...في حمامك...وبشكيرك جنبك مالك ابيتو...

أرجع تاني الحمام...وأحرم وأطلع...
وقول لي المدام...الجرية الزمان ديك كانت تمرين سعي ساكت
وأعد المحاولة مرة اخري...


حمدالله علي السلامة...يا رجل...

حمدا لله على السلامة يا محمود و ربنا يحفظكم جميعا و يجعلها كفارة لكم. حقي في الكرامة عفيت نصه لود القاضي و نصه لود الصايم.

حمد علي السلامة يا فردة


السخان قديم وتجاوز فترة الضمان الخمسة سنوات

صاح يا حودة

الف حمد لله علي السلامة

تسلم من كل شر يا محمد المسلمي..

شكراً لك أخي..

..

خليل العازة...يا صاحب..

Quote: السخان قديم وتجاوز فترة الضمان الخمسة سنوات

غايتو أصحاب الزمن دا...

طواااااااااالي تميل على جهة "غلتان المرحوم"؟؟؟

مفروض تنصر أخاك يا حبيب..حتى لو السخان دا كبَّ موية زي موية الدميرة ديك من الصدأ...

ياخ موش التعويض دا؟؟؟ أها خليناهو...

لكن الفيكم إتعرفت..

تحياتي يا حبيب...وكتر خيرك على الجية السمحة دي..

..

حباب العوض أخوي..

Quote: حقي في الكرامة عفيت نصه لود القاضي و نصه لود الصايم.

طول عمرك زول بتحب الخير

دايماً للغير..

نص لي فايز ونص لمحمد وتاني نصيباً ياكلو الطير؟؟


أهو ربنا فتح علينا ردينا عليك بكلام "مسجوع"

من المستحمي المفجوع..

شكراً لمجيئك يا زول يا أصيل..

..

نزار صاحبي الفنان...

Quote: أرجع تاني الحمام...وأحرم وأطلع... وقول لي المدام...الجرية الزمان ديك كانت تمرين سعي ساكت وأعد المحاولة مرة اخري...

والله كان برجع الحمام تاني ما عارف..

أول حاجة البشكير دا مخطط ولونو يغلب عليهو اللون الكحلي..

يعني ما ينفع إحرام..

ثم إنتو تعالوا هنا دا..القال ليكم حمامنا دا فاتح في الشارع منو؟؟

الحمام دا في شقة في الدور التالت..

والحضور ما كان منزعجين أبداً من الهروب دا..

الزوجة المخلصة والإبنة الصغيرونة متاب (3 سنوات)..

الزوجة كمان قاعد تحكي بالتلفون لصاحباتها إنه (أبونا جا جاري عريان زي ما الله خلقو)..

عليكم الله عاينو دي...

في زول الله خلقو شايل بشكير مخطط؟؟

ههههههههههههه

..

يا عبد الله ود البوش... قيقا دا شكلو كدا قلب من "الخُدُرْ"..

يا قيقا ياخي ما تقعد تجرِّبْ ساي كدا من طرف.. الأفغاني دا "أختاهو"..

كااااااااااااااااااك..

البريئين ديل ماسكين في مكنة (الخرف) دي..

بختك يا عمك..

طول عمرك راجل Selective

تسلموا والله...رفعتوا لينا معنوياتنا..

..

Quote: علي الطلاق قيقراوي دا فات الخرف بالتقنت وجاكن راجع بالناكوس . . قال لبعدين خرفو شين قال

يا ود الوش ياخي لو ما اصرينا عى موضوع الدم دا (البر) دا ببقى زي البحر ..
ح يتملي سمك ساااي ياخ!

حافظوا على بركم آآآآآآآآمن ياخ!

ألف حمدا لله على سلامتكم

الف حمدلله على السلامة

حمدا لله على سلامتكم وما تشوفوا شر إن شاء الله

دي عين واصابتكم اخي محمود ربنا يحفظكم

العزيزة سامية بت حامد..

يقبل حمدك يمة .. وأمس البورد قال لي إنه رصيد البوستات المسموح به خلص...

فعذراً للتأخير

تسلمي من كل بلاء..

..

البورد قال لي تجاوزت الحد المسموح به من البوستات..

قدر ولطف

الف حمد لله على سلامتك وسلامة العيال

الأخ الحبيب عبد المجيد الكونت..

يقبل حمدك .. وأنا أكتب ردي هذا وفي الخلفية:

دائماً أطيب خاطرك الغالي..

يا سلام على الأخوان لما يرفعوا معنويات أخوهم..

تحياتي يسبقها عميق الاحترام والتقدير..

محمود

..

الحبيب ناصر المحسي..

شكراً لطيب مشاعرك...وما تشوف شر إن شاء الله..

تحياتي..

العزيز نيازي مصطفى..

يقبل حمدك يا حبيب...

شكراً لشعورك الجميل..

..

صديقنا الفنان

وحبيبنا محمود مصطفى محمود ..

حمداً لله على سلامتك وسلامة اسرتك ..

ربنا ستر ولطف

نسال الله لك ولاسرتك السلامة من كل خطر


تخريمة

أنت وينو برد السخان ده هسي عالم تعرف تجري أمفكو،،،،

،،،،أبوقصي،،،،

الف حمدالله على السلامة يا فنان

بالمناسبة السخان ده مشاكله كتيرة عشان كدة خليك مع اساسي ده مع انو هو عنده فرشة كدة بتحميهو من لسعة الموية الباردة الصباح ( ما شاء الله )

دكتورنا جمال الباقر..

الله يسلمك من كل بلاء..شكراً على شعورك يا دكتور يا إنسان..

الغريبة الدكاترة قاعدين ينصحوا الناس بالتخلص من "الفرشات" دي..

تجي إنت تقول "ما شاء الله"؟؟

الطب دا فيهو أصحاب أصحاب برضو؟؟

تحياتي يا جميل..

يا مجدي أبو قصي..حبيب الكل..

تسلم من كل شر..


تحياتي يا حبيب..

الحبيب محمد علي ياسين..

وصلتنا تهنئتكم ..ونشكركم على شعوركم الطيب...

نجيك في فرح الوليدات ...قول آمين..

تحياتي يا زول يا سمح..

..

Quote: في زول الله خلقو شايل بشكير مخطط؟؟

كاااااااكـ!!

ياحودة سلامتك وبورداب جدة كرامتك
سخان شنو دة ياخى الزعلان منك وداير يودرك لينا
نأسف لتأخير المشاركة ياخى والاهم الكرامة لسع ولابح
ان فاتتنا تعوضا انشاء الله شية فى السودة حمد الله بالسلامة وكفارة ياصاحب.

حبيبنا ود الفحل..

تسلم من كل شر..والكرامة الواجبة ما ممكن نهائي تكون بح..

حبابك وأنت أحد الذين "حبيت عشانُم كسلا"..

تحياتي وتقديري..

..

Quote: حبيبنا محمود مصطفى محمود .. حمداً لله على سلامتك وسلامة اسرتك .. ربنا ستر ولطف ... نسال الله لك ولاسرتك الحفظ من كل سوء وشر ..

اخى الفاضل محمود

الف حمدلله على سلامتك و سلامة الآسرة

فى الحفظ و الصون و تسلموا من كل شر

أوووووووووهــ سعادة العميد يوسف محمد يوسف هنا؟؟

تسلم إنت ومن تحب يا أحد أبطال بلادي الذين نفاخر بهم الأمم..

نشكرك على اهتمامك ودعواتك الطيبات..

محبة وتقدير "مستمر"..

..

حبيبنا وليد عبد اللطيف..

ذاكرة بحري وأحد المفتونين بجمالها..

تسلم من كل بلاء..

يوم شكرك ما يجي إن شاء الله..

بيننا الكلام يا حبيب..

..

أخي محمود .. حمد لله ألف على السلامة
وإن شاء الله ما تشوفوا شر
حفظك الله وأسرتك ومتعكم بالصحة والعافية .. آمين

سعادة المستشار القانوني/ نصر الدين عثمان..

سلام الله عليك يا أخي..وأشكرك على مشاعرك الأخوية..

دمت بخير..

وكل عام وأنت ومن تحب بخير وسعادة..

محمود العربي..

..

يا عربى الف حمد لله على سلامتك
لكن بالغت ياخ، الجردل دا مالو عيبو لى ؟
والعجب الطشت
يا سلام بمزاج تستحم ولا كهربا ولا هم يحزنون
لو محلك بعمل كدا
اشترى جردل وطشت بلاستيك كبير واندفس فيهو
منها ساونا ومنها حمام
قصرت معاك ؟
الف سلامة يا حبيب

هَيْ يا سلمى بت أبوي الشيخ..

عليك أمان الله أخوك أكان لاحق أمات طه..

غايتو واحدة من اتنين: يا شية..يا كمان سليقة..

عيلا ربك ستر.. له الحمد كما ينبغي..

قلتي جردل وطشت؟؟

هو نحنا مما خلينا "برود" الترع والكنارات تاني كسبنا عافية؟؟

Quote: الف سلامة يا حبيب

تسلم إتَّ (دا) يا (حبيب)

سعدت بالمداخلة والحمدلة وكدي..

..

.

سلامة
والف سلامة

الجاتك فى حمامك سامحتك

يا أخى انت مالك ومال السخان والحاجات دى

هسع لو حصل ماس كهربائى فى السخان والمويه جاتك مكهربة كنت حتعمل شنو؟

يا أخى اعمل حسابك لو ما لنفسك للعايزنك.

نصحية اخوية خالصة:
من اليوم اقطع علاقتك بالحاجات المتطورة دى وخليك زينا كده

كان تقول: وجدتها وجدتها زي ارشميدس
وتكون اكتشفت نظرية الضهاري في القوم سداري ^___^
دحمدا لله على سلامتك وسلامة أسرتك

عاين يا محمد جلال..

الصحيح عندنا نحن ناس الضهاري والكنارات ديل..بنقول:

"العوم" سداري وليس القوم سداري كما تفضلت..

فنحن يا أخوي ناس "برود" كنارات ساااااي

ومعاها كمان "بروة" صابون غسيل إذا كنت حنكوش خالص..

فشنو...شتان بين ما وجد أرشميدس وبينما وجدت أنا..


يقبل حمدك يا حبيب..

..

.

صلاح نزلاوي يا حبيب..

قبلنا الحمدلة وكذلك النصيحة الأخوية..

لكن الخلعة دي ليوم الليلة ما مرقت..

فشنو.. ما تقوم تزيدها لينا بالموية المكهربة بتاعتك دي..


في كل الأحوال..شكراً يا حبيب..

تسلم من كل بلاء..

..

.