Post: #4 Title: Re: مطار الخرطوم الجديد.. في ذمــة الله...! Author: البحيراوي Date: 12-20-2011, 06:57 PM Parent: #3
الأخ عسكوري
تحياتي - متى نواجه الأمور بقدرها وحجمها الحقيقي وتتبدل عقلية الهروب والغتغته ويتحمل كل طرف مسئوليته لأي تصرف قولاً أو فعلاً في الشأن العام أدى لما نحن فيه الآن . وطرح القضايا بكل شفافية لنجد لها الحلول مهما كان الثمن . وهنا فإن قضية مطار الخروطوم لن تكون الأولى ولا الأخيرة التي يتحمل فيها الحزب الحاكم ومنسوبيه في الأحزاب والمنابر الأخري ( منبر السلام ) مسئولية كبيرة لم تجد المساءلة حتى اللحظة .
بحيراوي
Post: #14 Title: Re: مطار الخرطوم الجديد.. في ذمــة الله...! Author: Elawad Eltayeb Date: 12-20-2011, 08:04 PM Parent: #4
ما سمعتو في ختام تصريحو قال فيما معناه (والناس ما تبكي على الانفصال)
الظاهر الكيزان فاتحين بيت بكى على الانفصال - ده لو عندهم حبة وطنية وتأنيب ضمير على الفقد الكبير
مشكلتهم الوحيدة انهم دائما بيفهمو بعد فوات الأوان
اما المطار فأكيد في كيزان غنو بي سببو وأسأل عن أسعار الأراضي بعد الاعلان الرسمي عن موقعه الجديد.. وقبل ذلك... وأعرف من باع ومن اشترى ومن تملك وما صاحب ذلك من ملابسات مريبة
نفس هذا اليناريو طبقه الكيزان في مواقع كثيرة ... أذكر منها على سبيل المثال لا الحصر مواقف المواصلات والأسواق في العاصمة وأهمها السوق العربي وموقف جاكسون وسوق ليبيا وما يسمى بسوق دبي وما ادراك ما سوق دبي
هذه بعض من ممارسات الكيزان ومتاجرتهم بالقرار الوطني في سبيل مصالح ضيقة وأفق أضيق
ولك الله يا وطني
Post: #22 Title: Re: مطار الخرطوم الجديد.. في ذمــة الله...! Author: محمد النيل Date: 12-21-2011, 00:49 AM Parent: #14
Quote: ولك الله يا وطني
Post: #16 Title: Re: مطار الخرطوم الجديد.. في ذمــة الله...! Author: Asskouri Date: 12-20-2011, 10:28 PM Parent: #4
صديقنا البحيراوي
كيفك
تعرف يا بحيرواي.. قصة السودان دا باظت من الصلح التم بين عبد الله جماع وعماره دنقس
لو الامور اتحسمت الزمن داك... كان البلد قامت ليها قايمه
لكن من المعلشه وتطيب الخواطر التم تاني قصتنا طلوحت... الدوله الوحيده الحكمت في السودان وكان ليها وزن كانت الدوله الكوشيه باقي التاريخ دا مشايخ واشكال بدائيه للسلطه وهكذا.. شايف بعض المؤرخين لي هسي بتكلموا عن دولة الفونج ودولة المسبعات.. وسلطنة دارفور وما عارف ايه وحتي المهديه زاته ما كانت دوله دي كلها كانت محاولات لايجاد نوع من السلطه المركزبه لكنها كلها كانت فاشله دولة الفونج دي يا بحيراوي حكمت 300 سنه وشويه ما خلت وراها غير ( الكرر) والطاقيه أم قرينات دي ممكن تسميها دوله هسي...!! عشان كده يا بحيراوي ما في محاسبه ولا يحزنون ويا بحيرواي .. مجتمع بطلعوا منه ناس زي الطيب مصطفي وعبد الحي يوسف وما عارف مين
دا مجتمع مريض.. بحتاج لمعالجه من اصله...
ربك يهون
تحايا وشكرا لمرورك
Post: #5 Title: Re: مطار الخرطوم الجديد.. في ذمــة الله...! Author: Mohamad Shamseldin Date: 12-20-2011, 07:00 PM Parent: #3
Quote: حسب تصريحات وزير الماليه في مؤتمر صحفي قبل قليل
واحد من المشروعات الكبيره من ضحايا الانفصال... الوزير كلامه انه المطار بكلف قريب ال 900 مليون دولار وحسب تصريحاته.. ما اولويه
مش كان في ناس كده كان بقولوا الانفصال ما بؤثر معاهم والجنوب عبء اتفكينا منه...الخ...
يا خي المطار كنا عاملينو للجنوبيين عشان يسافرو منو.... عشان كده حا يعملو "مطار الخرطوم بجوبا" علي وزن UofK في جوبا .... الحمد لله البقيت مفتح و ماأتغشيت ختيت مقروشي في واطه جنب المطار.... كان لهسع بقرار من وزير الماليه بقت الأرض البور البلقع
Post: #6 Title: Re: مطار الخرطوم الجديد.. في ذمــة الله...! Author: Adam Omer Date: 12-20-2011, 07:14 PM Parent: #5
ألاخ عسكورى
تحية و الســـلام.
غــــايتو المطار خياليأ موجود
بس عمليأ اللة أعلم.
ياهو فى الرابط دا
يا حبيب هو المطار براهو ديل عيشونا على بلاوى من الخيال شئ مدينة السنط و شئ مدينة النيل.
بس لوك الصبر جايبن ليك كولهن.
Post: #9 Title: Re: مطار الخرطوم الجديد.. في ذمــة الله...! Author: Adam Omer Date: 12-20-2011, 07:21 PM Parent: #6
Post: #21 Title: Re: مطار الخرطوم الجديد.. في ذمــة الله...! Author: Asskouri Date: 12-21-2011, 00:13 AM Parent: #6
الاخ أدم
شكرا لاضافاتك...
غايتو نهب لاموال الناس بالباطل .. ماحصل
تحايا
Post: #19 Title: Re: مطار الخرطوم الجديد.. في ذمــة الله...! Author: Asskouri Date: 12-20-2011, 10:46 PM Parent: #5
أخونا محمد شمس الدين
تحايا
والله كان اتمقلبت مقلب...! لو انت بر السودان.. توزع الحلاوه للناس المعاك ولو في السودان ما عندك طريقه غير تشوف ليك خروف جامد كده وتعزم البورداب
والله يا محمد ربنا شافك اهو طلعت شاطر...
Post: #10 Title: Re: مطار الخرطوم الجديد.. في ذمــة الله...! Author: Asskouri Date: 12-20-2011, 07:26 PM Parent: #3
دي الدعايه العاملها المستشار الالماني الصمم المشروع
Post: #12 Title: Re: مطار الخرطوم الجديد.. في ذمــة الله...! Author: Adam Omer Date: 12-20-2011, 07:30 PM Parent: #8
ديل يا أخ عسكورى بمارسو فى العهر السياسى و العهر الفكرى ليهم 22 سنة
و ما زالو يبيعو فى ألاوهام
Post: #13 Title: Re: مطار الخرطوم الجديد.. في ذمــة الله...! Author: Adam Omer Date: 12-20-2011, 07:35 PM Parent: #12
هنا قالو يستصلحو الارض أولا بزاعة النخيل و المطار ملحوق
Post: #17 Title: Re: مطار الخرطوم الجديد.. في ذمــة الله...! Author: jini Date: 12-20-2011, 10:30 PM Parent: #13
جني
Post: #18 Title: Re: مطار الخرطوم الجديد.. في ذمــة الله...! Author: أحمد الشايقي Date: 12-20-2011, 10:36 PM Parent: #13
Quote: هو المطار بس ؟
وين المدينة الرياضية وين كبرى الدباسين
وين برج الواحة وين مشروع السندس
وترعتي الرهـد وكنانـة ؟؟؟؟؟
أحمد الشايقي
Post: #20 Title: Re: مطار الخرطوم الجديد.. في ذمــة الله...! Author: Mohamad Shamseldin Date: 12-20-2011, 11:36 PM Parent: #18
يا جماعه في مؤتمر سنه 1990 أو 1991 ... تحدث أحدهم من حمله الدكتوراه (أعتقد أن إسمه الاول عمر)... و دعا للاستعانه بالجن لتعليه خزان الروصيرص... و قال لنا إسوه حسنه في نبي الله سليمان !!! (أي و الله الجن عديل.... و المؤتمر إياه كان في قاعه التي بناها الصينيون ) ... سؤال للعالمين ببواطن الامور.. هل تمت الاستعانه بالجن أم لا؟
Post: #23 Title: Re: مطار الخرطوم الجديد.. في ذمــة الله...! Author: البحيراوي Date: 12-21-2011, 05:44 PM Parent: #20
الأخ عسكوري
تحياتي ولضيوفك في البوست الهام من حيث موضوعه لكل السودان الفضل . بالله أليس من طريقة أن نلتفت لإستثمار عربي كاارب علي قرار النقل النهري المبيوع للقطريين ونطلب منهم يكملوا الناقصة ببناء مطار الخرطوم الجديد أو الأمير الوليد بن طلال .
بحيراوي
Post: #24 Title: Re: مطار الخرطوم الجديد.. في ذمــة الله...! Author: ابراهيم عدلان Date: 12-21-2011, 06:23 PM Parent: #23
الاخ العزيز علي عسكوري
تحايا عطره قويه بقوة اهلنا المناصير الذين ما لانت لهم قناة و لم تتطأ لهم جبهه
مشروع مطار جديد بالخرطوم حلم متجدد تسنده الحوجة الماسه في التجديد و المواكبه بعد ان حاصرت غابات الاسمنت مطارنا الحالي من كل جانب ومشروع تنموي هام يرتبط عضويا بمستقبل صناعة الطيران في السودان والمنطقه ككل بدأ التفكير في انشائه في منتصف الثمانينات و حظيت منطقة شرق النيل وتحديدا الشمال الشرقي لمنطقة الحاج يوسف بالاختيار بعد دراسات امتدت لخمس سنوات شملت دراسة اتجاهات الرياح و نوعية التربه و مسارات مياه الامطار و السيول وحركة هجرة الطيور الموسميه علاوة علي قرب و بعد المسافة من مدينة الخرطوم ثم تآثيرات التقلبات الجويه خصوصا العواصف الترابيه و خلصت النتائج الي اختيار الموقع اعلاه و سارت به الركبان بحثاً عن افضل التصاميم و البحث عن التمويل وكانت ان اختيرت له لجنه تتبع لمدير الهيئه الي ان اتي جيش الجراد الانقاذي فجعل صناعة الطيران صعيدا جرذاً اسوة ببقية المرافق فضاعت الفكرة و المشروع بعد ان تغول علي الطيران المدني متسلطي الانقاذ الذين عاثوا فسادا ونكلوا بمهنيه .
مشروع مطار الخرطوم الجديد الحالي لم يكن يوماً من اولويات القوم فالمال المبذول شمالا في مطاري مروي وودنقلا كان كفيلا بتشيده ولكن لشئ في نفس يعقوب آثر القوم تركيز جهودهم شمالا
لقد تابعت باعتباري من ابناء منطقة المطار جنوب امدرمان من جانب ولاهتمامي المهني بالموضوع من جانب آخر تفاصيل الاختيار ثم إعمال قانون الاراضي 1970 و حق الحكومة في النزع فارض المطار ملك حر لقبيلة الجموعيه المهمشه قصدا وهي لا تبعد سوي 43 كيلو عن القصر الجمهوري تزرعه و تحصده منذ ما قبل المهديه .وتابعت عن قرب مجاهدات ابناء المنطقه ووقوفهم في وجه الجبروت محافظةً علي حقوق اهلهم التاريخيه ثم تنازلاتهم وتقديم مصلحة الوطن .
سأتابع
Post: #25 Title: Re: مطار الخرطوم الجديد.. في ذمــة الله...! Author: عبدالله الشقليني Date: 12-21-2011, 06:35 PM Parent: #24
Quote: ماذا لو تم بيع أرض المطار القديم !؟
Post: #26 Title: Re: مطار الخرطوم الجديد.. في ذمــة الله...! Author: ابراهيم عدلان Date: 12-21-2011, 07:43 PM Parent: #25
متابعه
مطار الخرطوم الحالي يخالف مواصفات السلامه في اهم مرتكزاتها التي وردت في الملحق الرابع عشر لاتفاقية شيكاغو المنظمة لعمليات الطيران دوليا فيما يعرف بالكونيكال سيرفيس ومواصفاته التي تحدد ارتفاعات المبانئ من نهاية و بداية المدرج كما توضح الاشكال ادناه
لاحظ ان الشكل المرفق وخصوصا المنطقة المظللة بالاصفر معناه عدم وجود عوائق او مباني في المحيط المظلل كما يحدد الشكل الثاني ارتفاعات المبانئ بحسب بعدها عن نقطتي البدايه و النهايه للمدرج
Post: #27 Title: Re: مطار الخرطوم الجديد.. في ذمــة الله...! Author: ابراهيم عدلان Date: 12-21-2011, 08:15 PM Parent: #26
خريطه كنتوريه لمطار شيلدون استخدمها هنا للمقارنه مع مطار الخرطوم لاحظ المناطق المظلله والتي تشكل الحمائيه الفضائيه لمدرج الهبوط و الاقلاع وتنادي بوجود حزام خالي من الموانع حوله
مدرج مطار الخرطوم الحالي من ناحية الجنوب
Post: #28 Title: Re: مطار الخرطوم الجديد.. في ذمــة الله...! Author: ابراهيم عدلان Date: 12-21-2011, 08:26 PM Parent: #27
حصار الخرطوم اسمنتياً
Post: #29 Title: Re: مطار الخرطوم الجديد.. في ذمــة الله...! Author: محمد حسن العمدة Date: 12-21-2011, 08:53 PM Parent: #28
Quote: الوزير كلامه انه المطار بكلف قريب ال 900 مليون دولار وحسب تصريحاته.. ما اولويه
يا عسكوري سلام
طبعا الجماعة ديل قبضو 300 مليون دولار من بنك التنمية الاسلامي في جدة كتمويل للمطار كدا كويس عشان المنظمات اللسع مخدوعة في الحرامية ديل تعرف انو اموال المساهمين فيها بتهدر بسوء التصرف والفساد عندما تعطى لمثل هؤلاء الفاسدين ... مفروض بيوت التمويل دي تفتح بلاغات في حكومة الخرطوم لدى المحكمة الجنائية .. مشكلتهم الاكتر لسع جاية في الطريق الناس دي ح يدقو الدلجة بصورة ما عادية لكن المشكلة انو السودان هو الخاسر الاكبر
من زمان جدا اتوقعت هذا المصير للسودان للاسف لا حيكومي حاني وعندو ضمير علي السودان ولا معارض خايف عليهو ولا مواطن داري بيهو
وا اسفي علي بلدي
بالنسبة لعدم التاثر بالانفصال طبعا دا سبب المحنة الاساسي الاستهتار والاستخفاف بمصير امة ووطن من قبل بطلجية المؤتمر اللاوطني وعشان الكلام دا برضو قلنا نوثق عبر سودانيز لتصريحات الناس الما مسئولين شوف البوست دا كتبنا وهو طازة لكن للاسف حتى عضوية سودانيز اون لاين لم تعد مهتمة بما يحدث للسودان في شي غير عادي حصل للعقلية السودانية كان انتلجنسيا كان انسان عادي
بكرة كان الله هون بجيب ليك باقي التوثيق للعبث دا لكن مافي فائدة فنحن بتنا شعب بدون اي شي
Post: #30 Title: Re: مطار الخرطوم الجديد.. في ذمــة الله...! Author: Adam Omer Date: 12-22-2011, 09:09 PM Parent: #29
ألاخ عسكورى
التحايا النواضر
البشير يضع حجر ألاساس لى مدنية قلب العالم
Post: #31 Title: Re: مطار الخرطوم الجديد.. في ذمــة الله...! Author: Asskouri Date: 12-22-2011, 11:49 PM Parent: #30
الاخوه - العوض - محمد النيل - ناصر - الشايقي - جني - أحمد الشايقي - إبراهيم عدلان ( مداخلاتك تستحق الاشاده) - عبد الله الشقليني - محمد حسن العمده
شكرا جزيلا لمداخلاتكم واضافاتكم القيمه
ساحاول ان اعود في وقت لا حق لاعلق عليها بالدور ( البي تحتاج تعليق زي الصوره الجابها اخونا جني) وغيرها
اعتقد انه الموضوع اكبر من موضع فلوس.. صاح الحكومه حاليا مفلسه تماما لكن اعتقد ان هنالك عوامل اخري لهذا القرار.. لانه قبل كده حصلت شمطه مع الوزير حول هذا الامر اعتقد ايضا ان هنالك حاجات جايه في السكه برضه... بجيكم راجع
