إلى طه جعفر مع التقدير الذي يستحق ..

كتب طويل العمر :

Quote: طبعا يا طلحة عبد الله الفهم قسمة و نصيب و هذا ما تفهمه انت و هو بالضبط بقدر ما يستطيع عقلك اظنك تعرف عني انني اكتب بطريقة أخري ( لي اعمال منشورة) غير الكتابة هنا في هذا المكان الذي يشتمل علي العديد من الكتاب المميزين الذين لن تكون من ضمنهم. ما اردته من كتابتي هنا في هذا البوست واضح في صلب المساهمات التي كتبتها و باختصار حتي تتمكن من الفهم لن نفيد من المعيايير الشخصية( personal point of view ) حول الكتابة يجب ان تكون للكتابة معايير أخري للتقييم و الا لما كانت هنالك شهادات ( مثل الماجستير ، الدكتوراة و الخ) تمنح لنوع محدد من الكتابات . و علي العموم ليس من ضمن اهدافي ابدا عندما اكتب هنا في سودانيزاولاين ان احظي باعجاب الناس لي مآرب أخري من الكتابة لا اظنك تستطيع فهمها و لكن لتتلهي قليلا عن التفاهات ارجو ان تنصرف للتفكير حول الاجابة علي هذا السؤال البسيط لماذا يكتب الناس هنا في سودانيزاولاين؟ هل جميعا هدفهم استدرار المديح و التقريظ و اشادات المعجبين لا اظن ،الامر اكبر من ذلك بكثير يا طلحة عبد الله و لكن لتدركه تحتاج الي التفكير و اذا كنت لا تستطع له صبرا فاقرأ للتتعلم التفكير لان التفكير يكون من خلال اللغة

في البوست دا :أميز كتاب المنبر فى العام 2011..وأميز البوستات
الردحي الفوق دا كلو ردا على حبة الإعتقاد دي:

Quote: هجمة أخوكم طه جعفر على البوست أعتقد أن سببها هو عدم ورود أسمه ضمن المرشحين كونه يري أحقيته بذلك

ياخ فرضنا أها إتا كما تزعم وتروج لنفسك كاتب قدر الجبل وناس الطيب صالح وهيكل والعمالقة ديل
أقزام في حضرتك فهل دا بديك الحق أنك توزع لخلق الله المساكين زي فخامتي كدا صكوك الفهم وعدمو؟؟
يتبع .....

قال لافض فوه:

Quote: اظنك تعرف عني انني اكتب بطريقة أخري ( لي اعمال منشورة) غير الكتابة هنا في هذا المكان الذي يشتمل علي العديد من الكتاب المميزين الذين لن تكون من ضمنهم.

في الحقيقة يا طه جعفر أيها المحترم تابعت لك سجالا في أكثر من مناسبة ولم أر فيما تكتبه سوى هترا
وسبابا وضيق مقيت بالرأي الآخر، فضلا عن تباهي سخيف بذاتك وإستماتة في فرض إستاذيتك على الجميع ..
عدا ذلك وقسما عظما لم أتابع لك أي (اعمال منشورة) أو معجونة وبالطبع لن أفعل مستقبلا،اللهم إلا إذا إشتقت للهراء..
من جهة أخري فالحمدلله أنني لم أطرح نفسي يوما كاتبا مميزا أو غيره ولن أفعل في أي موقع لانني لا إحتاج لهذه
الصفة على الأقل في الوقت الراهن كما أنني عارف عزي ومستريح شديد فما تجهد نفسك عشان تطلعني ما مميز.
يتبع ...

وسألني متحاذقا متذاكيا:

Quote: لماذا يكتب الناس هنا في سودانيزاولاين؟

بالنسبة لبقية الناس فاحتفظ بالإجابة على السؤال أعلاه لنفسي ولست ملزما بالإجابة
على جنابك ..
لكن لو سألتني لماذا تكتب أنت ( طه جعفر) في سودانيز اون لاين فإجابتي وحسب فهمي العارفو إتا هو
لأجل الهتر والهراء والتباهي بنفسك بمناسبة أو دون مناسبة، فضلا عن إستعداء الجميع ومحاولة تخويفهم
فكريا بشوية عبارات وجمل من كتاب البلاغة بتاع الثانوي والعالي .. ولا أعرف والله من أين تكون لديك إعتقاد
أنك يمكن أن تستفرغ ما يمور داخلك في وجه أيا كان ثم تذهب لتنام آمنا مطمئنا .
يتبع ..

Quote: لتتلهي قليلا عن التفاهات

دي شتيمة ناعمة شديد يا طه جعفر فخوشنها شوية وستجدني إن شاء الله من الرادين عليها..
يتبع ...

نسيت ياطه جعفر ان أعتذر لك للتأخير في الرد عليك لظروف خارج الإرادة كما أرجو أن تعذرني للرد في بوست
منفصل وذلك حتى لا أخرب زينة البوست الأصلي الذي أنعمت علي فيه بعدم الفهم وإشتغالي بالتفاهات .

.

طلحة إزيك

ياخي هون عليك و الله ما بستحق ليه سطر واحد مش بوست


تحياتي و إحترامي

طلحه
تعرف مشكله التانيين هنا شعورهم بان بقيه الناس مجرد متلقين عليهم فقط الاستماع والسمع والطاعه
عليك بالحرام كلام طه جعفر ده ليك زعلني زعل شديد
ياخي ده شنو التعالي ده
كيف لزول يحدد لزول ما بيعرفه وما اتعامل معاهو انه ما بيفهم وشنو ما بعرفوا داك
قول انت غلطت في كلامك في البوست داك
وانت عندي ما غلطت
الرد يكون كده
الشئ لو نقاش سياسه ممكن نقبله باعتبار ان الاسلحه المحرمه جائز استعمالها هناك
لكن مجرد راي في موضوع ادبي ولا عام ما عارف يجيب ليهو تهاتر للدرجه دي
دي زاتها فرصه الزول يمشي البوست داك يمكن يلقي نفسه من التانيين( المبدعيين)

شكرا لكما أبو حسين وفدياس مع الود..
يا أبوحسين المشكلة أنو الحركة بتاعت زميلك في البورد دا عملا في بوست ما حقو وإلا كان
خميتا ليهو زي ما هي وكبيتا محل ما عايز ..
ويا فدياس من حق أي زول يزعم أنو يا دنيا ما فيك أنا ولكن بالطبع ليس من حقو أن التعدي
على غيره لأنو رص حروف الكيبورد دا ما عايزا ليها اتنين تلاتة كما أن أدوات الشتم والهتر والهراء
على قفا من يشيل وهي متاحة ومكفولة لمن أراد.

طلحه
بس جيتني في محلي
اها ادوات الشتم دي الواضح ان الكلام بتاع خطاب عقلاني واختلاف رؤي ده كلام استهلاكي ساكت
الاعلى صوتا هنا هم الشاتمون
عليه العامل صعلوك تعمل ليهو انك من رواد سبعه بيوت
والنرجسي تطلع ليهو في راسه
وتدوسه بسفنجه ######انه
البغلط عليك تركبوا بس وتردموا

ده طبعا يا طلحه نتاج خبره كم سنه كده هنا واحسبك خبيرا وزعاطا لا يشق له غبار