Post: #1 Title: السودان× فلسطين (0-2) ولا كورة ولا اخلاق Author: على ميرغني Date: 12-17-2011, 05:09 PM
مغلوبين اتين صفر ومطرود منا لاعب والحكم الكويتي خجل ساكت وماطرد التاني الديبة غلبو التدريب قام شاكل الحكم ومحلية امبدة اكبر من فلسطين معاها اسرائيل ذاتو
Post: #2 Title: Re: السودان× فلسطين (0-2) ولا كورة ولا اخلاق Author: Wasil Ali Date: 12-17-2011, 05:13 PM Parent: #1
يعني المنتخب خرج من البطولة؟
Post: #4 Title: Re: السودان× فلسطين (0-2) ولا كورة ولا اخلاق Author: احمد محمد بشير Date: 12-17-2011, 05:18 PM Parent: #2
و الله ديل فضايح حرقو اعصابنا ساكت كان نتابع كورة نيوكاسل كان احسن لينا
عليك الله شوفتا القووون التاني كان فضيحة كيف يا علي ميرغني؟
Post: #3 Title: Re: السودان× فلسطين (0-2) ولا كورة ولا اخلاق Author: abas Date: 12-17-2011, 05:15 PM Parent: #1
والله فضحونا
Post: #5 Title: Re: السودان× فلسطين (0-2) ولا كورة ولا اخلاق Author: البحيراوي Date: 12-17-2011, 05:25 PM Parent: #3
شيل الصبر يا علي ميرغني
وعلى أقل تقدير نقول بعد المباراة السودان تبرع بالنتيجة لصالح القضية زيها وزي الخمسة وعشرين مليون دولار ديك
بحيراوي
Post: #6 Title: Re: السودان× فلسطين (0-2) ولا كورة ولا اخلاق Author: احمد محمد بشير Date: 12-17-2011, 05:27 PM Parent: #5
ومع انتهاء مباراة ليبيا و الادرن ضمن المنتخب السوداني الخروج من هذه المجموعة صعد المنتخب الادرني و الفلسطيني بعد تصدرهم المجموعة
Post: #7 Title: Re: السودان× فلسطين (0-2) ولا كورة ولا اخلاق Author: ismeil abbas Date: 12-17-2011, 05:53 PM Parent: #6
ألأخ/على ميرغنى لك التحية......توارد خواطر عجيب..كنت بتكلم مع أخى معتصم دفع الله بالهاتف وهو مراسل جيد لى لما أكون فى العمل..وقد كنت حضرت جزء من المباراة فى فترة الصلاة مع احد المعارف بالقرب من المسجد.
ولمه صنه أديتو رنه..وقال لى مقلوبين 2 صفر وطرد الديبة ومعاهو واحد..قلت ليهو والله حقو الواحد يفتح بوست يقول لاكورة لا أخلاق..فتحت المنبر لقيتك فاتح بوست بنفس المسمى الفى الخاطر..تسلم ولك التحية.
ناس الرياضة فى بلادى لازم يقعدوا مع بعض ويشوفوا المشكلة وين...البحصل ده كلام فارغ فى كل المجالات..
تقديرى وإحترامى للجميع.
Post: #8 Title: Re: السودان× فلسطين (0-2) ولا كورة ولا اخلاق Author: محمد الامين احمد Date: 12-18-2011, 01:36 PM Parent: #7
اكرم ده منو الخلاهو يقيف حارس تانى
ده فاشل فاشل فاااااااااااااااااااااااااااااااااااااااااااااااااااااااااااشل
Post: #9 Title: Re: السودان× فلسطين (0-2) ولا كورة ولا اخلاق Author: Red Sea Date: 12-18-2011, 02:03 PM Parent: #8
الأخ على ميرغنى والإخوة فى البوست تحياتى
الأغرب من ده كلو وبالجد يفقع المرارة
كان تعليق كابتن مصطفى النقر بعد المباراة مباشرة فى الإستديو إنو السودان طلع من الدورة دى بمكسب كبير هو الحارس أكرم