Post: #1
Title: طلال عفيفي .. عضو لجنة الحكم في مهرجان وهران السينمائي / الجزائر
Author: Emad Abdulla
Date: 12-17-2011, 11:54 AM
أخيراً ..
.......
و أنا أودعه قال في ثقة :
قلتا خمستاشر سنة و يكون السودان إسم في صناعة السينما , مرت إتنين باقي لينا تلطاشر سنة .. هانت .
هذا الرجل عجيب .. و محب للبلد هذا بمنتهى الإيجابية ..
نحنا ترانا بنحبها ساكت .. و قدرياً :)
و يغيظني أن يحب طلال بلد شلعوها العسس دي , و أسب لها أنا و أسخط ..
ثم في جلسات المسا لا تكون إلا سيرة الحب لها .. و الحزن العيي .
.......
مبروك لينا يا طلال يا عفيفي ..
أول سينمائي سوداني يعتلي منصة التحكيم في مهرجان دولي ..
طلال يشرف و يقوم على أمر ورشة عمل دائمة في فنون و صناعة السينما يدعمها معهد جوته الألماني ..
من الغريب أن يحدث ذلك في صمت و صنة ..
شباب و شابات يدرسون فنون السينما في أناة و محبة و صبر عظيم ..
لا و بعد كده يفوزوا في مسابقات إقليمية و يبتعثوا لدورات و ورش و مهرجانات !!
مبروك يا وحش ياخ ..
تستاهل كل خير
|
Post: #2
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: غادة مكى محمد
Date: 12-17-2011, 12:04 PM
Parent: #1
الف مبرررررررررررروك لطلال ومزيد من النجاحات والتقدم
وشكرا استاذ عماد على نقل الاخبار المفرحة
|
Post: #5
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: Emad Abdulla
Date: 12-17-2011, 12:14 PM
Parent: #2
تحياتي يا غادة ..
طلال مفرح و منجز و منتج ..
يخت بالو في شغلة .. فيديها كلو ..
ولعه بالسينما بعض من عشقه الكبير للفنون كلها .. أدب .. رسم .. غناء .. مسرح ..
أصدقاء له من كل الدنيا و بشتى المشارب و الأهواء :
مخرجين و رسامين و كتاب و ممثلين و سواقين و عنقالة و عطالة و ثوار و تقدميين و مغنيين و شعراء بوابين و ميكانيكية و عربجية و سياسيين و و ..
زول عجيب ..
حياتو زاتا عجيبة .. طريقة كلامو عجيبة .. لبسو عجيب .. ونسته براها .. نكاته و قفشاته براها ..
مهذب لما يزعلك من روحك .. و صعلوق في جمال و أدب ..
يستاهل طلال كل خير الدنيا ..
لأنه بني آدم كويس .
أشكرك عنه يا غادة ..
و ليك الود
|
Post: #27
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: احمد عبدالوهاب محمد
Date: 12-18-2011, 04:50 PM
Parent: #2
بسم الله وصلي الله علي سيدنا محمد وعلي آله وسلم
الف مبروك لطلال عفيفي ومزيدا من النجاح
الجزائر اليوم طلال عفيفي مهرجات وهران السينمائي
|
Post: #3
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: أيمن الطيب
Date: 12-17-2011, 12:05 PM
Parent: #1
سلامات يا عماد عبدالله ياخ..
ألف مبروك صديقى طلال وإلى الأمام حاملا الكثير من هموم بلد,,
تحياتى ,,
|
Post: #4
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: Kabar
Date: 12-17-2011, 12:06 PM
Parent: #1
اٍن شاء الله ما تنفعوا..!!
عماد حبابك يا صديقي..
و بالجد حاجة مفرحة نشوف صديقنا الإنسان طلال في هذه المكانة السامية الجميلة..و اكيد ما ح يقصر..!!
البلد اتشلعت يا عماد في الجغرافيا و السياسة.. لكن في الوجدان و الضمير ما ح تتشلع باخوي و اخوك..و صدقني سعيد جدا أن يكون طلال من بين سدنة الوجدان السوداني الذين يكابدون الصبر و يحرصون على أن تكون جذوة تقابته مشتعلة على مر السنين..و ان يرفعوا صوته بين الأمم رغم انف العسس و قانون النظام العام ذاتو..!
صدقني كثيرا اتمنى ان اكتب عمل (سناريو..حوار,,الخ) و ان يكون طلال هذا في وسطه.. مش مهم.. منتج.. ممثل.. مخرج.. ناقد..!!
الف مبروك يا طلال.. اي مكانة تصلها.. صدقني هي مكانة ناس كتير من اهل دار ام سودان.. فاستمر يا صديقي..
المطلوب شنو يا عماد.. عشان التلطاشر سنة الباقية تبقى سنتين بس؟..
كبر
|
Post: #6
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: سلمى الشيخ سلامة
Date: 12-17-2011, 12:16 PM
Parent: #1
الف مبروك يا طلال يا عفيفى
هذه اول الخطوات
وستاتى الخطوات تباعا
شكرا لك ياعماد على نقل هذا الجمال
يستحق ان نرفع له القبعات
ويستحق ان يكون هناك
|
Post: #7
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: Adil Osman
Date: 12-17-2011, 01:04 PM
Parent: #1
شكرآ يا طلال
|
Post: #8
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: أيزابيلا
Date: 12-17-2011, 02:08 PM
Parent: #7
لو طل طول بالو حبة حيعملا في تلاتة سنة بدل تلطاشر سنة
وطلال لما مزاجو يتعدل ببقى مركز لطاقة ايجابية تصل لابعد اميال في نواحي الخرطوم والعالم كمان
سلم عليهو بالله ..اهو كدة بيوفي براكتيكالى بعض من عشقو الكبير لحسين شريف
|
Post: #9
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: Emad Abdulla
Date: 12-17-2011, 02:16 PM
Parent: #8
حسين شريف ..
المُعلم الأول لطلال .. و الزارع فيهو عشق السينما
|
Post: #10
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: Emad Abdulla
Date: 12-17-2011, 02:18 PM
Parent: #9
أيمن يا جميل ..
شفت صاحبك ؟؟
تحياتي يت رجل و كل الشكر و الود
|
Post: #11
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: Emad Abdulla
Date: 12-17-2011, 02:25 PM
Parent: #10
جميلنا كبر ..
يسعد مساك يا شيخنا ..
طلال عندو القدرة دي غايتو ..
و يفرحك لما يتكلم و يشتغل بشغف كامل لأيما يؤديه ..
عامل زي الملك ميداس , يهبش اي شي يحولو لدهب الفكرة و الإنجاز .
أنا جلدي تخن و رميت طوبة هذا الوطن ..
و سديت دي بي طينة و دي بي عجينة ..
و ذلك يغيظ طلال و يوجعني . لكن أمر الله .
تحياتي الكتيرة و المودة ليك يا كبر .
اشكرك تاني
|
Post: #12
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: Emad Abdulla
Date: 12-17-2011, 02:28 PM
Parent: #11
مساء الخير سلمى التي أحب ..
صاحبك طلال قام بالطياره ..
و أفرحنا و رفع راسنا - نحنا الأمة السودانية -
و وعد بالعودة محمل بالشوف و الفكرة و التدوين ..
مبروك يا سلمى ..
و ليك ما ليك من المحبة
|
Post: #13
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: Emad Abdulla
Date: 12-17-2011, 02:29 PM
Parent: #12
شكراً عادل عثمان
شكراً
|
Post: #14
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: Emad Abdulla
Date: 12-17-2011, 02:32 PM
Parent: #13
إيزابيلا التي أحب - برضو -
القول ما قلته ..
طلال لو قعد في بطن الـواطـه و خت الرحمن في قلبو ..
ح يسوي البدع ..
ذلك طلال عفيفي ..
شكراً زويا
|
Post: #15
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: دينا خالد
Date: 12-17-2011, 02:38 PM
Parent: #7
IMG]http://www.cinematechhaddad.com/FhotoFestival...AAthanyah_5.jpg[/IMG]
اخ خ خ خ دقسوا الجزائريين ! ح يقوليهم فازت سعاد حسنى
بقولوا لى دا فيلم جزائرى يقوليهم لالالالا سعاد حسنى ..
والله يعين الاخوة الجزائرين فى اقناع طلال بان هناك سينما ابو من غير سعاد!!
ومن هسه ... التحكيم فاااااااشل !
| Quote: و يغيظني أن يحب طلال بلد شلعوها العسس دي , و أسب لها أنا و أسخط .. |
لوووووووب يعنى خلاااااس انت السودانى ؟؟
غايتو وشك دا وش شوام ساكنين الديم .. ومولودين فى الابيض !
ـــــــــــــ
حد يصحى بشاشا وتراجى ياجماعة يعنى ما لقوا ليهم سودانى يمشى
التحكيم ..
[
|
Post: #16
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: mamkouna
Date: 12-17-2011, 02:50 PM
Parent: #15
بختهم ناس وهران
...........
عماد ...ازيك
|
Post: #17
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: سفيان بشير نابرى
Date: 12-17-2011, 03:54 PM
Parent: #16
دا خبر مفرح فرح شديد و كبير
و سط سنة كان غاية في الحزن
يا طلال شكراً ياخ اهو ادينى
فرحة في سنة كانت صعبه خلاص.
شكراً يا عمدة .
|
Post: #18
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: هشام الطيب
Date: 12-17-2011, 05:10 PM
Parent: #17
شكراً ياعماد على الأخبار الحلوة
ومبروك لطلال عفيفي ..
مع خالص له بدوام التوفيق والنجاح !
هشام
|
Post: #19
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: طلال عفيفي
Date: 12-18-2011, 00:11 AM
Parent: #18
عاجز عن الشكر يا عماد.. دايماً إشارتك ناحيتي طيبة وعشمك أجمل
ما عارف أقول شنو.. ده كتير شديد..
أنا لسه في وهران، أول ما أرجع هحكي ليك الشي العجيب عن المدينة الشجيه دي،
مدينة مرمية على البحر زي طرحة زرقا ..
الله يديم المعروف
|
Post: #20
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: طلال عفيفي
Date: 12-18-2011, 00:27 AM
Parent: #19
شكرا يا شباب - بدون فرز (مؤقتاً) ..
:)
التشجيع ده بيساعدني بشكل لا يوصف..
أيام وأرجع وأرص ليكم شوية حكايات حلوه بشكل، عن البلد والمهرجان والسينما
والأحلام ونسايم الليل..
الناس هنا وين ما أمشي بيحمدوا للسودانيين حاجات كتيره، وبيبعتوا ليكم أحلى
التحايا..
سما مخلوطه بالبحر
|
Post: #21
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: Osman Musa
Date: 12-18-2011, 01:19 AM
Parent: #20
عزيزنا عماد
سلامات
والله يا عماد . لو ماهو الزمن زمن بلطجية .
مهرجان وهران زاتو الزول ده شوية عليه .
طلال مكانو لجنة تحكيم الأوسكار . في صالة مسرح كوداك وفي قلب
لوس انجلوس . الفنان ده يا عماد مكانو لجنة هوليود .
بس شن تقول مع الزمن المكعوج ؟
..
ألف مبروك
|
Post: #22
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: طارق ميرغني
Date: 12-18-2011, 08:04 AM
Parent: #21
اهو يا صديقي .... قبضة فرح في كوم احزان
في هذا الزمن الصعب
الف مبروك لطلال وليك اخي وللسودان
ان شاء الله تنفعنا لو بنستاهل
|
Post: #23
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: أمير فتحي
Date: 12-18-2011, 09:37 AM
Parent: #22
التحية للزميل طلال عفيفي وهو يشرف السودان في هذا المحفل
والى الأمام دوماً
|
Post: #24
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: نهال الطيب
Date: 12-18-2011, 09:56 AM
Parent: #23
حيث ما وجد الجمال وجد طلال
تحيات طيبات طلال وعماد
|
Post: #25
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: على عجب
Date: 12-18-2011, 02:04 PM
Parent: #24
الف مبروك يا طلال عقبال الاوسكار
|
Post: #26
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: هند محمد
Date: 12-18-2011, 03:24 PM
Parent: #25
ألف مبروك للاستاذ طلال هذا التميز
الامنيات بمزيد من التألق والنجاحات ليك وللوطن
التحية ليك استاذ عماد
|
Post: #28
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: محمد المرتضى حامد
Date: 12-18-2011, 06:12 PM
Parent: #26
طلال بيعرف
يعمل في صمت
متمكن
سيشرفنا
أتمنى له كل توفيق
شكرا يا عمده
|
Post: #29
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: دينا خالد
Date: 12-18-2011, 08:49 PM
Parent: #28
كلمنا يا طلال شوية عن المهرجان دا ..
وهل هو جزائرى صرف .. ام عربى ولا كلو ؟
واخفس كدا فتش احلام ياخ ..
على اى حال
التحكيم فاااااشل من هسه !!
ــــــــــــــ
ما تبلع ذمتك الاسلاميين ديل اديلهم !
|
Post: #30
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: فيصل الباقر
Date: 12-18-2011, 09:45 PM
Parent: #29
طلال عفيفى مشهود له بالإنصاف و العدل و التجرد و الحساسية العالية فى التقويم و الحكم .. فهنيئاً للجنة التحكيم بطلال عفيفى ..
ننتظر عودته ليحكى لنا عن المهرجان و عن المدينة و البحر و الناس .. فلطلال قدرة فائقة فى " الحكى و السرد و الإبلاغ و التوثيق " .. اصدق التحايا له و لصاحب البوست و المتداخلين و المتداخلات بالحسنى و الجمال
|
Post: #31
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: AnwarKing
Date: 12-19-2011, 01:57 AM
Parent: #30
ألف مليون مبروك يا طلال...شكراً يا عماد على البوست الرائع ويستحق أن يكون بأعلى...
ده مدح ولا قدح؟
المجال الإعلامي والسينمائي بحاجة لعدم الصمت والقنوات الفضائية جوعى لمبدعين أمثال طلال وغيره من شباب
السودان.
بالله ما تعملوا في صمت يا ناس الإعلام والإبداع..رجاءً الله يرضى عليكم.
طلال: ربما تتواصل مع المخرجة جيهان نجيم الفائزة بجائزة تيد؟
جيهان نجيم تُوحي بيوم عالمي للأفلام
http://www.ted.com/talks/lang/ar/jehane_nouja...bal_day_of_film.html
جاهزون للتواصل...
أنور
|
Post: #32
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: خالد العبيد
Date: 12-19-2011, 03:57 AM
Parent: #31
يا سلام عليك يا سلام
شكرا طلال
|
Post: #33
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: mustafa mudathir
Date: 12-19-2011, 04:03 AM
Parent: #31
ياخوانا دا مهرجان الفيلم الملتزم وكدا
يعني شيوعيين وحاجات من النوع دا!
والحاجات دي ما انتهت وكدا!
فرحت جداً أنو طلال عفيفي هناك.
أكتب لينا عن فيلم بتاع المخرح الامريكي الأفريقي شارلس بيرنيت "ناميبيا"
أنا بحضر فيهو لتحديث مدونتي في الاربعاء القادم
وشفت أجزاء من الفيلم وفيهو سينماتوجرافيا فاخرة وشاعرية "ثورية"!
ألف مبروك ليك يا طلام يا جميل ورقيق!
لكن محجوب شريف في الصورة دي خرتك، وسيم شديد ربنا يديهو العافية!
http://yamustafaya.blogspot.com
|
Post: #34
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: Ehab Eltayeb
Date: 12-19-2011, 04:52 AM
Parent: #33
مبروك لطلال وللجميع هذا الانجاز ومزيدا من الانجازات يا طلال..
وشكرا يا عمدة..
لكن انا يا جماعة قمتوا تشكروا في طلال دا.. خايفكم تجيبوا اجلوا... فشويه عليه
وشنوا يا دينا قبل المبارة التحكيم ...... لوكي الصبر ياخ,,,
تحياتي,,,
|
Post: #35
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: محمد سنى دفع الله
Date: 12-19-2011, 04:57 AM
Parent: #34
مبروك طلال
وشكرا جميلا عماد
محبتي
|
Post: #36
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: Mujtaba Mahasi
Date: 12-19-2011, 05:08 AM
Parent: #34
يا سلام .. هذا طلال .. يأتى مسرعا .. يعمل فى صمت .. ثم يختفى كالنسمة
رغم افتقادنا حضوره أول امس فى تكريم الفائزين بجائزة غاده .. الا ان جهده وصورته وصوته وشباب وشابات ورشة التصوير والاخراج كانوا هناك
وهو كان هناك .ز فى الجزائر .. مرحى طلال ألف مبروك .. عودا حميدا .. ونجاحات الواحد تلو الاخر
شكرا عمده
|
Post: #37
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: عائشة موسي السعيد
Date: 12-19-2011, 05:30 AM
Parent: #36
الحمدلله ان هناك من يرى الابداع وسط هذه الضبابية!
الإبن طلال من أجمل ابداعات هذا البلد في مجالات كثيرة
شكراً عماد ولا عجب ان ترى عينك الابداع فهي عين المُبدع!
شخصياً افتقدت طلال في حفل جائزة غادة....
وهمساً أبشركم(طلال يمتلك كاميرا ضد تجاعيد الوجه وتحذف 15 سنة من العمر)!
اكتشفته الجزائر قبلكم ، هنيئاً لهم.
التحية لطلال يحمل ريحنا الطيب للعالم.
|
Post: #38
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: نجلاء سيد أحمد
Date: 12-19-2011, 07:01 AM
Parent: #37
شكراً ياعماد على الأخبار الحلوة فى هذا الزمن القبيح
طلال انسان من زمن تانى غير البيعرفو كل البشر انسان نقى يوم شكرك مايجى
سعيدة بيك وتستاهل كل الخير والنجاح ليك وللوطن
|
Post: #39
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: Omer Mustafa
Date: 12-19-2011, 08:51 PM
Parent: #38
ألف مبروك الرائع طلال عفيفي
ويا هدي المحرية فيك...
ومزيد من الإبداع سدد الله خطاك...
أبو مصطفي
أبوظبي
|
Post: #40
Title: Re: طلال عفيفي .. عضو لجنة الحكم في مهرجان وهران السينمائي / الجزائر
Author: طارق جبريل
Date: 12-19-2011, 10:14 PM
Parent: #39
نحن قراب منه
ما يدينا طلة ياخي
|
Post: #41
Title: إعتذار لصاحب البوست وقرائه
Author: mustafa mudathir
Date: 12-19-2011, 11:23 PM
Parent: #40
يبدو ويالسعادة الجزائريين أن هناك مهرجانين في الجزائر.
بتاع وهران دا ياهو المتشرف بولدنا طلال.
أها في واحد تاني انتهى يوم 4 ديسمبر واسمه
مهرجان الجزائر الدولي للسينما
(أيام الفيلم الملتزم)
وفي هذا الأخير يشارك الأمريكي الافريقي
(ما بحب أقول البلاك) شارلس بيرنيت بفيلمه " ناميبيا"
ويعرض كذلك " شخصية غير مرغوب فيها " لاوليفر ستون
و "إكوادور " لجاك سارازان
وأيضا " الأرض المسلوبة " لايف فاندويرد!
أعتذر عن الخلط وانتظر تعليق طلال عفيفي.
|
Post: #42
Title: الى الامام طلال
Author: amir jabir
Date: 12-20-2011, 05:29 PM
Parent: #41
الى الامام طلال عفيفى
|
|