Post: #1 Title: يوم فى يوم غريب Author: najma Date: 12-14-2011, 07:41 PM Parent: #0
في يوم غريب فيهو الشمس لمت غروبها وسافرت بانت نجوم متفرقات زي الدموع فى خد حبيب ودع حبيبتو السافرت والليل ضفائر حزنو مداها الألم زي التقول عارف النهاية القاربت شفتا الفريق ضامي الفرح فى دار حبيب ضميتو في قلبي الحنين ماتت خطاي ضاع الأمل واحترتا في خوفي الدفين عاينتا لقيت الحبيب في عرشوا في تاجو الحزين حولوا العيون فيها الفرح بس الفرح في عيونوا ماقادر يبين والدمعة في عينيك تودع طيف حبيب خليتو لي قدر السنين
اشتقتا لي طيف الحبيب ومشيت طريق اسمو المصير ودعتا زهرات الأماني ورجعتا لي ألمي الكبير حسيت شعور الراهب السار السنين مشتاق يفتش ليهو دير لمن تعب سارت خطاهو علي الدرب خاف الأمل كره المسير ياحبي عيش كلمات خطاب من الحبيب كان النهاية حرفوا الدموع صدروا النحيب والحسرة كانت فيهو غاية خلاني اغرق في المصير وانا لسه عايش في البداية أندم علي الحلم اللي راح واطفي الشموع وابكي النهاية وابكييييي وابكيييي النهاية القاربت .
Post: #2 Title: Re: يوم فى يوم غريب Author: عاطف عمر Date: 12-14-2011, 07:52 PM Parent: #1
يا دكتورة مالك علينا في أنصاص الليالي كتبت عن هذه الأغنية في بوست للصديق عمر الفاروق بتاريخ 14/11/2006
Quote: يا الله يا للذكريات
يا عمر الفاروق
ترجعني هذه الأغنية لتلك الفترة الواقعة في المدى الزمني 13/02/1989 و 28/02/1989 . رجعت للسودان لأتوج حباً كبيراً بزواجي بمن اختارها القلب والعقل . فرح معي أحباب كثر بين رفاعة والخرطوم بحري . احتفلوا بنا كل على طريقته . العامل المشترك بينهم كان ذلك الفرح الكبير وهذه الأغنية . فحيثما تتم دعوتنا نجد الإستريو يصدح بها . يبدو أنها كانت الـ ( Hit Song ) لتلك الفترة . معك أتفق أن حنية الكلمات ، وحنية اللحن ، وحنية صوت أبو السيد تضافروا ليعطوا الأغنية هذا الألق .
شكراً لك
تشريمة
صديقي الحبيب عبدالوهاب عمرابي كان يعرف محبتي لهذه الأغنية وذكرياتها فكان يسخر بالقول
" يا أخي في زول عاقل يتذكر ( ليلة الخناجر الطويلة ) هذه ؟؟؟ "
Post: #5 Title: Re: يوم فى يوم غريب Author: najma Date: 12-15-2011, 02:39 PM Parent: #2
ياعاطف عمر مالك الحاجات السمحه بتفرح :) صادف الاختيار هوا فى نفسك زكرناك ايام حلووووه ياخ :)
تسلم وشكرا على الهدية وشكرا لهوت ميل ساعى البريد لايصالها لى من صديق:)
Post: #3 Title: Re: يوم فى يوم غريب Author: عاطف عمر Date: 12-14-2011, 07:57 PM Parent: #1
وأهديك قصة الأغنية بلسان شاعرها الأستاذ هاشم صديق
Post: #4 Title: Re: يوم فى يوم غريب Author: محمد عثمان Date: 12-14-2011, 08:10 PM Parent: #3
نجمه و عااطف
يسعد مسااكم و تحاايا كتاار..
التسجيل الاصلى للاغنيه..
Post: #6 Title: Re: يوم فى يوم غريب Author: عبدالله ود البوش Date: 12-15-2011, 03:07 PM Parent: #4
كتلتيني يا نجمة لكن عافي ليك والله
Post: #7 Title: Re: يوم فى يوم غريب Author: مزمل خيرى Date: 12-15-2011, 03:29 PM Parent: #6
ياسلام عليك يانجمة والله رجعتينا لايام الصبا وكدا ... والله لو سمعتيها من عمار السنوسى حاجة ماتخلص كلو كلو ! مشكورة ياستى تانى ..
Post: #11 Title: Re: يوم فى يوم غريب Author: najma Date: 12-17-2011, 06:03 PM Parent: #7
Post: #9 Title: Re: يوم فى يوم غريب Author: najma Date: 12-17-2011, 05:58 PM Parent: #6
عبدالله ود البوش تسلم على مرورك من هنا لم اقصد ان انكأ الجرح القديم
الجميع شركاء فى الوجع والنغم
_____ كدى احكى لينا القصة الاصلية الوجعتك :)
امازحك :) في يوم غريب فيهو الشمس لمت غروبها وسافرت بانت نجوم متفرقات زي الدموع فى خد حبيب ودع حبيبتو السافرت والليل ضفائر حزنو مداها الألم زي التقول عارف النهاية القاربت شفتا الفريق ضامي الفرح فى دار حبيب ضميتو في قلبي الحنين ماتت خطاي ضاع الأمل واحترتا في خوفي الدفين عاينتا لقيت الحبيب في عرشوا في تاجو الحزين حولوا العيون فيها الفرح بس الفرح في عيونوا ماقادر يبين والدمعة في عينيك تودع طيف حبيب خليتو لي قدر السنين
اشتقتا لي طيف الحبيب ومشيت طريق اسمو المصير ودعتا زهرات الأماني ورجعتا لي ألمي الكبير حسيت شعور الراهب السار السنين مشتاق يفتش ليهو دير لمن تعب سارت خطاهو علي الدرب خاف الأمل كره المسير
Post: #10 Title: Re: يوم فى يوم غريب Author: najma Date: 12-17-2011, 06:01 PM Parent: #6
عبدالله ود البوش تسلم على مرورك من هنا لم اقصد ان انكأ الجرح القديم
الجميع شركاء فى الوجع والنغم
_____ كدى احكى لينا القصة الاصلية الوجعتك :)
امازحك :) في يوم غريب فيهو الشمس لمت غروبها وسافرت بانت نجوم متفرقات زي الدموع فى خد حبيب ودع حبيبتو السافرت والليل ضفائر حزنو مداها الألم زي التقول عارف النهاية القاربت شفتا الفريق ضامي الفرح فى دار حبيب ضميتو في قلبي الحنين ماتت خطاي ضاع الأمل واحترتا في خوفي الدفين عاينتا لقيت الحبيب في عرشوا في تاجو الحزين حولوا العيون فيها الفرح بس الفرح في عيونوا ماقادر يبين والدمعة في عينيك تودع طيف حبيب خليتو لي قدر السنين
اشتقتا لي طيف الحبيب ومشيت طريق اسمو المصير ودعتا زهرات الأماني ورجعتا لي ألمي الكبير حسيت شعور الراهب السار السنين مشتاق يفتش ليهو دير لمن تعب سارت خطاهو علي الدرب خاف الأمل كره المسير
Post: #8 Title: Re: يوم فى يوم غريب Author: najma Date: 12-17-2011, 05:52 PM Parent: #4