Post: #1 Title: الي(سلمى السودانيه)في عرب ايدول لا تهتمي لصعاليك لبنان هؤلاء! Author: Tragie Mustafa Date: 12-11-2011, 03:39 AM Parent: #0
الي ابنتي الصغيره سلمى اتمني ان تقرأي حروفي هذه اولا يا غاليتي انا لا اتابع مثل هذه البرامج ولكني عرضا طالعت الفيديو بتنبيه من بعضهم بانه تمت اهانة سودانيه من قبل راغب علامه ورهطه!
انا سودانيه اقيم بكندا واشاهد برامج مثل هذا كنديه وامريكيه ما احزنني تجاهك باني لم اشاهد اي معلق يتساخف ويتهابل كما فعل هؤلاء! بل مهما كان الشاب او الشابه المتسابق بعيد عن الابداع او الموهبه فانهم يوجهونه بكل تهذيب لصقل موهبته او اكتشاف مواهب آخرى له ولكن ورب الكبعه يتم التوجيه بكل تهذيب!
اما هؤلاء راغب علامه و العبيطه الآخرى بجواره و الاهبل الثالث تضاحكوا وتساخفوا كسؤ ما يمكن ان تكون عليه لجنة التحيكم!
مما ادى لارباكك...وجعل صوتك يحتبس بشكل واضح.
يا صغيرتي هؤلاء لا يحاكمون بناء على الصوت بل الشكل اولا يرغبون لك في ملابس اكثر تبرجا لانهم يورجنو للنساء ومواهبهن بشكل سعلي! يعني خصرك في نظرهم لا بد ان يكون اكثر نحولا! ويفضل ان تظهري صدرك بشكل اطثر اغراء حتى تنالي رضائهم.
شعرك لابد ان تصففيه بشكل اكثر اغراء وجاذبيه جنسيه! قد تندهشي لكلماتي ولكن هذه حقيقية المواهب اللبنانيه.
لذا صدقيني يا صغيريتي فان الله اراد بك خيرا ان ابعدك عن اجوائهم. اعتقد انت تقيمي ببلاد مغتربه عن وطنك الام فارجعي يا صغيرتي لديارنا وانتمي لمعهد الموسيقي و المسرح حتى تصقلي موهبتك وتتعرفي على طبيبعة السلالم الموسيقيه وطبقات صوتك وبالتالي تعرفي ماذا يلائمك.
اعتقد بانك كنت اميل للفناء الخلجيجي بحكم نشأتك يمكنك ان تعودي له ولكن بعد ان تجودي ثقافتك الموسيقيه .
ما حدث جريمه بحقك. في الغرب هنا يمكنك مقاضاتهم لانه بعض المراهين و الشبا في سنك بعضهم قد ينتحر لو تم بحقه ما تم بحقك.....وكمان ينزل في اليوتيوب عشان يطاردك السخفاء بتعليقاتهم!
انا اعتقد بانك شابه لطيفه مهذبه وشجاعه ولا افهم في الاصوات ولكن اثق بتقيم امك واعلم ان فنانين كثر حبهم فقط للغناء كان دافعا لنجاحهم.
كوني بخير يا ابنتي ولا تهتمي لمثبطي الهمم و متسكعي المنابر فقد حفل الانترنت بكل المتعطلين ممن لا يفكرون بوقع حروفهم قبل ان يخطونها للآخرين.
كوني بخير يا غاليه وربنا يحفظك لشبابك.واتمنى ان اسمع عنك كل خير.
Post: #2 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: Tragie Mustafa Date: 12-11-2011, 03:50 AM Parent: #1
Post: #3 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: محمد زكريا Date: 12-11-2011, 04:03 AM Parent: #2
Quote: او مفتكره نفسها ممكن تكون ايدول العرب احلام سودانيه
كل شىء جائز ولا داعى للاندهاش
كنت اول من كتب وعلقت على صاحب البوست المعنى قبل مشاهدتى للفيديو ولست ساخراً ولكن فى ذهنى انها اكيد تعرضت للسخريه الان بعد المشاهده وجب علينا كسودانيين تشجيعها تماماً كما فعلت يا تراجى
كنت تمنيت ان لا يشارك السودانين فى هذا البرنامج
Post: #4 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: awad okasha Date: 12-11-2011, 04:22 AM Parent: #3
Quote: وهاهم للاسف بعض السودانين يشاركونهم المسخره!
ما قامت به لجنة التحكيم في الترحيب بالمتسابقة امر طبيعي .. هي من كانت مضطربة ومرتبكة ولم تستعد جيدا للامر .. عليكي التفريق بين ( سخريتي ) مما ارتكبته من اخطاء .. وبين ما تزعمين انه ( مسخرة ) من لجنة التحكيم .. ويبقى الاحترام ..
Post: #5 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: Tragie Mustafa Date: 12-11-2011, 04:48 AM Parent: #4
الاستاذ عوض عكاشه اتعتقد ما كتبته يدخل في باب:
Quote: عليكي التفريق بين ( سخريتي ) مما ارتكبته من اخطاء ..
اي اخطاء وهم بدأوا يضحكون عليها بل وينهرونها حول اسمها!! هل لو طفلتك كانت مكانها تعتقد بانك لحضرت هنا كتبت ما كتبت؟!
ولك عين كمان تسمي الحق زعم ؟! هل تمسخرت منها لجنة التحكيم اياها ام لم تفعل؟!
Quote: وبين ما تزعمين انه ( مسخرة ) من لجنة التحكيم ..ويبقى الاحترام ..
!!
Post: #6 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: سارة علي Date: 12-11-2011, 06:05 AM Parent: #5
تراجي ازيك.. انتي ما بتحضري The x factor النسخة الامريكية ما بتشوفي "سام" بيبهدل المتسابقين كيف؟ ما هي براها الاتريقو عليها أكيد كم متسابق برضو يعني الموضوع ما عندو علاقة بانها سودانية برغم اعتراضي على السخرية .. الصراحة صوتا ما سمح.. وبالغت في حتة انها سجلت شريط واختلفت مع المنتج شوفي اللنك دا المتسابقة السودانية دي صوتا سمح كيف http://www.youtube.com/watch?v=TS9ai2Ome30&fe...youtube_gdata_player
Post: #7 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: أيمن الطيب Date: 12-11-2011, 06:29 AM Parent: #6
سلامات تراجى,,
درس مفيد عسى ولعل أن يتعلم ويتعظ منه الكثيرين ونتعلم أن نعرف إين نكون ومتى,,,
عرب آيدول!!!! معقولة بس!!! مازال يحيرنى ذلك السودانى الذى شارك فى مسابقة مشابهة وكان عبارة عن مسخا ولا يملك من الفن أو الثقافة أو الموهبة التكتح!!!
إشغلونا بما يفيدنا يا هؤلاء!!
عندنا شباب يسمع العالم موسيقاه ويعرفهم وشباب فى طريقهم الصحيح ولكن ليس عن طريق راغب علامة ونوال ..
أرحموا أنفسكم يرحمكم الله,,
تحياتى,,
Post: #9 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: وليد عبد اللطيف Date: 12-11-2011, 06:42 AM Parent: #6
ياتراجي ... سلامات مين راغب علامة ومين احلام احلام ياما اتشتمت هنا في الخليج وكانو يقولون لها طقاقة اتمسخروا بها لما عرفت حاجة . . بس كمان ماتنسي ناس نجوم الغد ومسخرتهم في بني جنسهم ناس دكتور سيف (صيف ) وسليمان محمد سليمان يجيهم واحد يجضم الغناء لم يتفاعلون معه وتجيهم واحده تقول انا الكابلي جدي تعالي شوفي الكبكبة ويطلعوا به الجو وهم فاكرين المشاهد غبي
Post: #10 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: علاء الدين يوسف علي محمد Date: 12-11-2011, 06:52 AM Parent: #6
تراجي سلامات طبعاً إنتي جاية جارية جري عايزة تضربي على وتر العُنصرية و عُقدة العرب أها راغب علامة كتل ليك الدُش في يدِّك وقال للبت: أنا حبيت شكلكِ (قليل الأدب)
لكن البِت يا تراجي ما عِندها موهبة بالتّكتح هبّلت بي نفسها و بينا أهو كان في الولد الإسمو خالد بغض النظر عن نوعية البرنامج الشارك فيهو (استار أكاديمي) لكن نجح ووجد دعم و قبول من العرب أنفسهم المسألة ما مسألة البِت سودانية المسألة مسألة البِت دي في الغُنا ما نافعة بي بصلة ياخ أنا الضِّحك كتلني خلِّي هُم
Post: #8 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: Tragie Mustafa Date: 12-11-2011, 06:37 AM Parent: #5
.
Post: #11 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: tmbis Date: 12-11-2011, 07:10 AM Parent: #8
ماشاء الله . كمان بتفتي في الغنا يا تراجي ..؟؟ بقيتي مفتيه في الغنا .. دا غنا ما كوجين وصواطه زي صواطة سلمى دي .. بعدين تعالي هنـا ... الزولة دي مافي زول قاليها انت ماشه ووين ..؟ هي عارفة طبيعة البرامج دي مبنية في المقام الأول علي شنو ..؟ زول ماشي يقيف ليهو امام لجنة تحكيم عارف نفسو ح يكون عامل كيف ..؟
Post: #26 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: Tragie Mustafa Date: 12-11-2011, 02:19 PM Parent: #11
اها يا سلمي يا بتي ده واحد جربندي ساي وجربندي دي لو ما عارفها يعني مقتحم المجال بلا دراسه اكاديميه حقيقيه امسكي في كلام عمك محمد زكريا(فهو الموسيقار الوحيد الرسمي هنا) داك وخليك من الجربنديه فكل واحد له قصه وبقج غبائن لا علاقة لك بها:
Quote: ماشاء الله . كمان بتفتي في الغنا يا تراجي ..؟؟ بقيتي مفتيه في الغنا .. دا غنا ما كوجين وصواطه زي صواطة سلمى دي .. بعدين تعالي هنـا ... الزولة دي مافي زول قاليها انت ماشه ووين ..؟ هي عارفة طبيعة البرامج دي مبنية في المقام الأول علي شنو ..؟ زول ماشي يقيف ليهو امام لجنة تحكيم عارف نفسو ح يكون عامل كيف ..؟
قوم شوف لك شغله وبطل فتاوي!ولا افتح بوستك براك قال صواطه اكثر من صواطة الوجود مع امثالك هنا؟!
Post: #19 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: مُحَمَّدٍ عِوَضٌ احْمَدُ Date: 12-11-2011, 11:59 AM Parent: #8
'طيب الواحد ما يحترم نفسو ويلم بناتو عليهو وما يخليهن يمشن للصعاليك فى مكانهم؟ يعنى شنو اعلم بتى الغنا والرقيص؟ واخليها تجى فاكه شعرها عشان الجمهور يصفق ليها ولا لجنة تحكيم غبية تضحك عليها؟ انا غايتو متخلف وما مستعد اتقبل مجرد نظرة اعجاب عابرة من شخص فى الشارع لأى من قريباتى دعك من ان تكون ابنتى.. لو عشت فى السودان او اتلانتا ما ح اقبل وضع زى ده. احنا موعكاب ساكت. والحمدلله . يمين لو صوت بتى بقا زى عائشة الفلاتية او ام كلثوم ما اخليها تظهر ولو فى تلفزيون الولاية سيبك من تلفزيونات صعالييك العرب على قولك تحياتى
Post: #12 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: علاء الدين يوسف علي محمد Date: 12-11-2011, 07:38 AM Parent: #1
سألتِك بالله يا تراجي كان ما جيتي شُفتي المُشارِكة الأمارتيّة التُحفة دي شان تعرفي إنُّو (ثلمى) كانت محظوظوة جِدّاً
Post: #13 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: Mahmoud Mustafa Mahmoud Date: 12-11-2011, 08:00 AM Parent: #12
كلهم "غلتانين" غلت شديد..
بالنسبة لراغب علامة.."غلتان"..وعنده إحساس إنه "لسه" وسيم..
بالنسبة لأحلام.."غلتانة".. لكن فنانة طبعاً..
بالنسبة للمصري.."غلتان" ومكروه ساي كدا في الله..
إلا بالمناسبة .. المصري دا .. يطلع شنو - ولا مؤاخذة؟؟
فنان مثلاً؟؟ عاد يعميني ويطرشني.. يمكن يكون "مومَسِّل" على قولة داليا كباشي؟؟
أما صاحب أكبر "غلت" في مشاركة "بتنا" سلمي..
هو "ولي الأمـــر".. فإن كان "لابد" من المشاركة..
مالو يعني لو من البداية كدي قام عرض "الحالة" بتاعة البت دي لأي متخصص
أو حتى هاوي في مركز شباب إن شاء الله حتى..؟؟ فيها حاجة؟؟
ياخي بالعدم خالص..ممكن كان يشوفها دكتور "صيف"..
مالو؟؟ ما متخصص؟؟
غلتانة يا بتي والله.... النصيحة عاد..أكضب؟؟
.. .
ثم السلام جاك يا تراجي يا أختي..
..
Post: #14 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: HAIDER ALZAIN Date: 12-11-2011, 08:07 AM Parent: #12
عشنا وشفنا طرراجي مصطفي بقت تدافع عن السودانيات !!! محن
يابت انتي مُش قبل كدة مطلعاهم 75% عـاهــرات بيهموكي في شنو يا اونطجية يا متسلبطة
والا هو تلصقك في تِلصقك؟؟
Post: #15 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: عمران حسن صالح Date: 12-11-2011, 08:16 AM Parent: #12
معليش عايز أشوت يا أم حازم في تأييدي الكامل للطريقة الإتعامل بيها (الندل) راغب لسبب بسيط وهي أن أمر الغنا ليس كغيره بنتنا سلمى لم تجد من يقول لها أن لا علاقة لكـ بما ستفعلين ليس للشكل علاقة وإلا لما استمعنا لكثير من الأصوات العالمية الرائعة ما فعله الثلاثي بالتبشيع ( ببتنا) فعله سيمون قبلها مع أشهر من أعطى شكلها وطريقة كلامها إنطباعاً سيئاً بل وكان عضو اللجنة الآخر في قمة الإحراج وهو يقول لها كلمات إعجاب خجولة سوزان بويل حينما بدأت تغني بصوتها الملائكي داخل أستديو Britains Got Talent طغت الدهشة على الكل 81,375,154 شاهدوا ما فعلته على اليوتيوب حتى الآن إستمعي (للشرشحة ) الشرشحوها ليها قبل أن تغني صدقيني إن أعطت بتنا إحساساً يدل على أيِ موهبة لكان على اللجنة إختيارها وتعلمين ماذا يعني ذلك من ناحية تسويقية للبرنامج البرنامج فرض بسبب البرموشن المكثف الذي تم له وبالتالي مسألة المجاملة والكلام ( المملس ) لا وجود له الشرشحة كانت لكل من أدخل نفسه في حتة لا علاقة له بها من أجل المزيد من البروموشن .
Post: #16 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: عزام حسن فرح Date: 12-11-2011, 09:18 AM Parent: #15
إثمي ثلمى ثودانية
مُباااالغة لاكِن
Post: #17 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: معاوية عوض الكريم Date: 12-11-2011, 09:42 AM Parent: #16
ركبت الطيارة وجات طوالي
Post: #18 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: محمد زكريا Date: 12-11-2011, 11:03 AM Parent: #17
طيب يا شباب هسه بتنا دى لو انتحرت ذنبها على منو؟ والله شجاعة منها بس يكفى انها شاركت فى برنامج زى ده ومع عالم معروف تندرات ######رياته على السودانيين ياخ على الاقل قولو يمكن ارتبكت اوخافت وصوتها انحبس وجاتها رجفى على الاقل ارفعوا ليها معنوياتها شويه لانها واضح انها صغيره وتربية خارج السودان ادوها سيكينت شانص خلوها تشارك فى نجوم الغد على الاقل وبعدين احكموا عليها ده شنو ده رحمه فى قلوبكم مافى ليهم حق العرب يسخروا مننا ما دام بنشمت فى الليلنا و حقنا بالطريقه دى اها لو كانت بيتى وانا حاضر فى الاستديو وشفت حركات لجنة التحكيم دى حرررم علا اركبهم عكاز من طرف
بعدين ما اظن لانها من الهامش عشان كده تراجى بتدافع عنها ولا شنو
Post: #20 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: عبدالمجيد الكونت Date: 12-11-2011, 12:24 PM Parent: #18
احلام كانت راقية جدا في تعاملها معها وفي نقاشها مع راغب بعد ذهابها
Post: #21 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: حاتم محمد حاج المهدي Date: 12-11-2011, 12:56 PM Parent: #18
Quote: طيب يا شباب هسه بتنا دى لو انتحرت ذنبها على منو؟
ذنبها علي جنبها يا محمد زكريا..
تستاهل والله وعجبني ليها
Post: #22 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: Dania Elmaki Date: 12-11-2011, 01:17 PM Parent: #21
النصيحه يا تراجي و من غير مجامله ولا شماته لكن بتنا دي ما بتعرف تغني ولا تتكلم, و تخه كمان, شنو ركبت الطياره و جيت طوالي؟ الله يكون في عونها لكن هي غلطانه و ماخده مقلب في نفسها.\
بصراحه كده مفروض تهتم لكلام صعاليك لبنان تنسي موضوع الغنا ده خالص. الموضوع ماليه علاقه بانها سودانيه قدر ما ليه علاقه بالرياله و الهباله العملتهم و الموقف الختت فيه نفسها. الله يكون في عونها
Post: #23 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: Tragie Mustafa Date: 12-11-2011, 01:41 PM Parent: #22
غايتو كله كوم ومداخلة دانيه المكي الامريكيه دي كوم ثاني:
يا دانيا حرام عليك حسه لو كانت بنت الناس دي ولدك ده كان رضيتي يتكتب لها كلام زي ده؟!
Quote: النصيحه يا تراجي و من غير مجامله ولا شماته لكن بتنا دي ما بتعرف تغني ولا تتكلم, و تخه كمان, شنو ركبت الطياره و جيت طوالي؟ الله يكون في عونها لكن هي غلطانه و ماخده مقلب في نفسها.
بصراحه كده مفروض تهتم لكلام صعاليك لبنان تنسي موضوع الغنا ده خالص. الموضوع ماليه علاقه بانها سودانيه قدر ما ليه علاقه بالرياله و الهباله العملتهم و الموقف الختت فيه نفسها. الله يكون في عونها
اتعتقدي بغض النظر عن رايك فيها دي كلمات تحبي يوم تقريها اتكتب لزول من طرفك؟! عن قدراته؟!تحديدا؟!
يا دانيا الكتابه مسؤليه بالذات لما تكون لشخص محدد وباسمه بتختلف من الكتابه حول موضوع عام.
كتابتك دي غير مسؤله ولا بتنتمي لثقافة البلد الاتعلمت فيها واتعاملتي فيها بكل احترام
يا دانيا الغربين ديل بحرصوا دائم يشوفوا الجانب الممتلأ من الكوب. عشان كده بيقدروا يصنعوا من الفسيخ شربات بالذات انسانيا!
شوفتي انا البدعوا ناس البورد ديل اني اقسى واحده هنا لا يمكن اكتب كتابه زي دي لانسان محدد!
ممكن لمجموعه بشريه ممكن لحزب....ممكن لمخطيء بحق الشعب لكن لزول عن قدراته واحلامه لا يمكن اطعنه طعنه نجلاء زي دي.
حرام عليك!خليتي للجهله شنو؟!واياك يا غاليه تدعي بانه الامانه و الصدق تتطلب ان نكون جارحين لا يا حبيبه لو رجعتي حتلقي اني اخلصت لها النصح ولكن بشكل ايجابي وليس جراح او مدمر.
واتمنى اي زول كلامه جارح يمشي يشوف يكتبه وين ولكني بوستي هذا لم اكتبه ليكون مقصلة جديده لها.
وحياة خوتك كان ممكن تكتبي نفس المحتوى بس بكلمات مختلفه واقل جرحا. وربما اكثر فعاليه ,بس لو فكرتي في حتت مشاعرها دي وانا ممكن تقرأ كلامنا ده وكيف مفروض تستفيد منه.
Post: #24 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: Dania Elmaki Date: 12-11-2011, 01:53 PM Parent: #23
وحياة خوتك يا تراجي لو ولدي كدي ما اخليه يطلع من البيت ولا يهبل روحه و كان اصر و قال الا يشارك و الناس بهدلوه يبقي يستاهل. انت متعاطفه معاها ساي بس عشان حننتك و عاوزه الناس تكون متعاطفه معاها و انا مقدره مشاعرك, كلامي ما ليه علاقه بامريكيه ولا لبنانيه, ده كلام صاح, خليها هي تشوف نفسها في الفيديو ده و نسالها من رايها. مداخلتي بس الحرقتك مااي زول كتب رايه ولا ما عجبتك ساي عشان البنت حننتك؟ لسه مستنيه تلفونك اليه سنه
على فكره كلامي ده ممكن تستفيدمنه اكتر من طبطبط دي, لانه كلام ببكي ما كلام بيضحك, البنت دي نصيحه كده ما تشارك تاني في اي برنامج زي ده نهائي و امها غلطانه تشجعها, اي ام بتشوف ولدها او بنتها احسن زول لكن انا كام واعيه ما بخلي ولدي يمشي بصوره زي دي عشان يبقي مضحكه.
لو دي قدراتي بقعد في بيتنا, و لو مشيت و زول كتب كلام زي ده في حقي بكون بستاهل, الامريكان الا اتربيت وسطهم علموني اكون صريحه و ما اجامل ساي بس عشان الزول حنني و عشان ما يقراء كلام زي ده و يقعد يبكي, تراجي ليه ما اتضامنتي مع الولد الاردني ما مسحوا بيه الواطه؟ لكن بيني و بينك فاكه منه صاموله مش كده؟ محبتي اللتي تعرفين
Post: #25 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: Tragie Mustafa Date: 12-11-2011, 01:53 PM Parent: #22
الفاضل محمد زكريا التحيه و الاحترام لك وانت هنا الوحيد الموسيقي المتخصص فينا لذا رجاء ينوبك ثواب....يا ريت رغم الوجع الوطني تلقوا زمن لتثقيف هذه المواهب او اصحاب الميول الفنيه:
Quote: طيب يا شباب هسه بتنا دى لو انتحرت ذنبها على منو؟ والله شجاعة منها بس يكفى انها شاركت فى برنامج زى ده ومع عالم معروف تندرات ######رياته على السودانيين ياخ على الاقل قولو يمكن ارتبكت اوخافت وصوتها انحبس وجاتها رجفى على الاقل ارفعوا ليها معنوياتها شويه لانها واضح انها صغيره وتربية خارج السودان ادوها سيكينت شانص خلوها تشارك فى نجوم الغد على الاقل وبعدين احكموا عليها ده شنو ده رحمه فى قلوبكم مافى ليهم حق العرب يسخروا مننا ما دام بنشمت فى الليلنا و حقنا بالطريقه دى اها لو كانت بيتى وانا حاضر فى الاستديو وشفت حركات لجنة التحكيم دى حرررم علا اركبهم عكاز من طرف
بعدين ما اظن لانها من الهامش عشان كده تراجى بتدافع عنها ولا شنو
البنت فعلا يا محمد واضح انها نشأت خارج السودان وليست لوحدها شفته اغلب انباء/ وبنات البتفاصحوا هنا ديل زيها بالضبط! في انه ما بيصقلوهم حول الحياة وقسواتها في كل نواحيها ليست الفنيه فقط. لذا عندنا جيل كامل محتاج مش مساعده مساعدات كثير.
لذا يا ريتك يا محمد لو تفترع مجموعه في الفيس بوك سميها اي حاجه المهم اسم له علاقة بالفن وابدا وجه الشباب ديل ينوبك ثواب عشان كل يوم و الثاني ما يطلع زول يفرج خلق الله فيه و السبب تشتتنا في المنافي وانه ميولنا الفنيه نفسها صارت مسخ مشوه بين الانتماء لنوع غنى مختلف عننا.
شكرا لك ولا تهتم للجربنديه و البتفصاحوا هنا بلا معرفه حقيقيه زي بتاعتك. اوعدني رغم مشغولياتك ان تحاول تفيد الشباب ديل من علمك.
وربنا يحفظ لك صغارك من موقف مثل هذا.
Post: #27 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: محمد ادم الحسن Date: 12-11-2011, 03:41 PM
Quote: 'طيب الواحد ما يحترم نفسو ويلم بناتو عليهو وما يخليهن يمشن للصعاليك فى مكانهم؟
بالنسبة للأخ محمد عوض أنا إقتبست الجملة أعلاه من كلامو
إنت تعرف من هو يوسف خوجلي؟
يوسف خوجلي دا أستاذ ومعلم قدير ومربي أجيال وموجه تربوي ومؤلف وإسمو ممهور في معظم مناهج التعليم ياسيد. يعرفه في بحري وأم درمان الصغير قبل الكبير ويحفظ له الود والأحترام كل من علمه.
أرجو أن تنتقد أداء سلمي إذا شئت لكن ... أرجو أن تحترم أسرتها
ولك الشكر
Post: #30 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: مُحَمَّدٍ عِوَضٌ احْمَدُ Date: 12-11-2011, 07:10 PM Parent: #27
يا سيد محمد ادم الحسن انا لا اعرف الاستاذ ولم اذكر اسمه ولم اسئ له .. وكلامى بشكل عام..... يجب ان نحترم انفسنا والا نلقى بـ اطفالنا الابرياء ونسمح لهم بالوقوف امام صعاليك العرب .كما قيل فى هذا البوست هناك الف باب لتنمية المواهب-ان وجدت فعلاً- ولصناعة النجوم . ولا اعتقد ان هذا البرنامج المهزلة من ضمنها عموماً شكراً يا محمد آدم لـ تنبيهى لمقام والد سلمى المعذرة لطلاب الاستاذ الكريم ان اصابه رشاش من كلماتنا بدون قصد تحياتى
Post: #28 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: سفيان بشير نابرى Date: 12-11-2011, 03:44 PM
سلام يا أم حازم و سند سلام يا صديقتي و إن شاء الله احوالك طيبه؟
يا تراجي خلينا ارد عليك من خلال مداخلة أخونا الفنان محمد زكريا (ليه الشوق و التحية و الاحترام) وقبل ارد الرد دا الفديو بتاع اليوتيوب و اضح انو عليهو شغل بتاع دبلاج و دى ما اظن تفوت عليكم .
نجي للكلام :-
Quote:
طيب يا شباب هسه بتنا دى لو انتحرت ذنبها على منو؟ والله شجاعة منها بس يكفى انها شاركت فى برنامج زى ده ومع عالم معروف تندرات ######رياته على السودانيين ياخ على الاقل قولو يمكن ارتبكت اوخافت وصوتها انحبس وجاتها رجفى على الاقل ارفعوا ليها معنوياتها شويه لانها واضح انها صغيره وتربية خارج السودان ادوها سيكينت شانص خلوها تشارك فى نجوم الغد على الاقل وبعدين احكموا عليها ده شنو ده رحمه فى قلوبكم مافى ليهم حق العرب يسخروا مننا ما دام بنشمت فى الليلنا و حقنا بالطريقه دى اها لو كانت بيتى وانا حاضر فى الاستديو وشفت حركات لجنة التحكيم دى حرررم علا اركبهم عكاز من طرف
بعدين ما اظن لانها من الهامش عشان كده تراجى بتدافع عنها ولا شنو
اول حاجة صاح سلمى يوسف خوجلى تعيش في القاهرة هي و أسرتها و والدها مربي جليل و معلم قديم ورجل كريم خلق و اخلاق و سوداني حقيقي اجبرته الظروف على الخروج من وطنه (له مني التحية و التقدير و التجلة ما اظن يتذكرني) و سلمى تربت فى القاهرة و كبرت هناك . سلمى تعشق الغناء عن حق وجد لكن العشق غير كافي كما تعلمون ، كان اجدى لسلمى أن تجهز نفسها لهذا الفعل و لا تستهونه ابداً خصوصاً أنها متابعه جيدة لهذه البرامج و المسابقات . التجهيز و التحضير كان من شأنه أن يفاديها الكتير و الكتير جداً. لا اقول أن سلمى تفتقد الصوت و الموهبة لكنها فقدت اهم عنصر هو قوة الشخصية فهذه المسابقات تحتاج لقوة الشخصية (اذكر هنا جيداً رآعي الدجاج الذي فاز بامريكان قوت تالنت حين تتريق عليه اعضاء اللجنة اخذ الموضوع ببساطة و امتص تريقتهم بردود غاية فى الظرف لكنه بعد ذلك سيطر على كل امريكا و جعلها تصوت له) . اخيراً أنتم سمعتم سلمى من خلال مشاركة بسيطة و لاغنية غير سودانية فلا يمكنكم الحكم ابداً لكن يمكنكم أن تسالوا قاسم المهداوي و زميلة المنبر سحر يوسف و زميلة المنبر أفراح عبد الرحيم و زميل المنبر عمار نجم الدين وزميل المنبر محمد آدم الحسن و زميل المنبر عبده حماد. و بعد هذا كله اقول بحكم سماعي لسلمى كان اجدى لها أن لا تشارك ابداً لانها تحتاج للكتير .
التحية لكم .
Post: #29 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: SAMIR IBRAHIM Date: 12-11-2011, 04:40 PM Parent: #28
بارك الله فيك يا اخت تراجي
اللوم علي الفضائيات وادارتها البتعين ناس لا ما عندهم اي مؤهلات في طريقة التقييم والتحكيم ... كان من الفروض اولا يتكملوا علي شجاعتها قبل دخولها المنافسه وخوفها عندما وقفت امام الكاميرات .
انظري الي برنامج اكس فاكتور البيشجع المواهب وهي في سن الاربعين :
التسجيل الاول للرجل في بداية المنافسه وكمية التشجيع من لجنة التحكيم والجمهور والثاني للمتنافس في المرحلة القبل الاخيره:
Post: #31 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: lana mahdi Date: 12-19-2011, 02:34 PM Parent: #29
Quote: اول حاجة صاح سلمى يوسف خوجلى تعيش في القاهرة هي و أسرتها و والدها مربي جليل و معلم قديم ورجل كريم خلق و اخلاق و سوداني حقيقي اجبرته الظروف على الخروج من وطنه (له مني التحية و التقدير و التجلة ما اظن يتذكرني) و سلمى تربت فى القاهرة و كبرت هناك . سلمى تعشق الغناء عن حق وجد لكن العشق غير كافي كما تعلمون ، كان اجدى لسلمى أن تجهز نفسها لهذا الفعل و لا تستهونه ابداً خصوصاً أنها متابعه جيدة لهذه البرامج و المسابقات . التجهيز و التحضير كان من شأنه أن يفاديها الكتير و الكتير جداً.
متذكرك يا سفيان^___^ والنصائح اللي إتقدمت لسلمى أكيد حتفيدها في مستقبل حياتها وسلامات الحبيبة تراجي وكل صديقاتي وأصدقائي في البوست
Post: #32 Title: Re: الي(سلمى السودانيه)في عرب ايدول لا تهتمي لصعاليك لبنان هؤلاء! Author: Tragie Mustafa Date: 12-19-2011, 09:27 PM Parent: #31
