Post: #1
Title: هل حقاً إنضم زميل البورد ياسر بيناوي للمؤتمر الوطني؟!
Author: النذير حجازي
Date: 12-08-2011, 08:07 PM
لعدم متابعي الجيدة لما يدور في هذا المنبر
اليوم بالصدفة قرأتُ بوست ياسر بيناوي المعنون
بـ:
الجمعة 9/ 12 جمعة الغضب ميدان التحرير بالدامر
وقرأتُ أيضاً ردود وليد محمد المبارك
وعيسى إبراهيم ونور الدين صلاح الدين أدناه:
كتب وليد محمد المبارك:
Quote: انت يا زول قلبت تاني !!؟؟
بس ما تبقى زي جنابو
تمرق تجي راجع معاك الحزب كلو |
وكتب عيسى إبراهيم:
| Quote: اخيرا لقو ليك شغل في المؤتمر البطني ...؟؟؟؟ |
أما نور الدين صلاح الدين كتب واضحاً:
Quote: غايتو دعوة بيناوي جمعة الدامر دي
زي مشاركة غندور امبارح في التضامن بتاعة الثورة التونسية
بس الفرق .. إنو لا قزاز الموية ولا الحجارة بتعبر الأجواء الإسفيرية
في المنبر العما هنا ... شان واحدة تفلقكـ
يا خسارة على كل لحظة قضيناها معاك.. وعلى كل سلام أديناك ليه
وعلى كل فعل افتكرناه نضال مشترك
يا خسارة .. يا مؤتمر بطني |
|
Post: #2
Title: Re: هل حقاً إنضم زميل البورد ياسر بيناوي للمؤتمر الوطني؟!
Author: ناذر محمد الخليفة
Date: 12-08-2011, 08:30 PM
Parent: #1
ييس هي دظ يا النذير ..!
مش قصدك ياسر بيناوي الطلع تانيي الطيش في أخر إنتخابات حرة نزيهة في الدامر ولا زول تاني ؟!
|
Post: #3
Title: Re: هل حقاً إنضم زميل البورد ياسر بيناوي للمؤتمر الوطني؟!
Author: النذير حجازي
Date: 12-09-2011, 07:01 AM
Parent: #2
Quote: ييس هي دظ يا النذير ..!
مش قصدك ياسر بيناوي الطلع تانيي الطيش في أخر إنتخابات حرة نزيهة في الدامر ولا زول تاني ؟! |
حبيبنا ناذر الخليفة شكراً جزيلاً لك يا فردة
لتأكيد هذا الخبر الصاعقة، وكنت منتظر ياسر
يجيء ينفي الموضوع دا، والسكوت علامة الرضا
تحياتي وتقديري
|
Post: #4
Title: Re: هل حقاً إنضم زميل البورد ياسر بيناوي للمؤتمر الوطني؟!
Author: salah awad allah
Date: 12-09-2011, 07:18 PM
Parent: #3
فى الافطار الرمضانى ببيت الفنون
سألته شخصيا عن صحة الخبر فأكده لى
|
Post: #5
Title: Re: هل حقاً إنضم زميل البورد ياسر بيناوي للمؤتمر الوطني؟!
Author: محمد زكريا
Date: 12-09-2011, 07:43 PM
Parent: #4
لا حولا
ياخ ده انا لاقيتو لمن جيت الخرطوم وسلمت عليهو واتونسنا وكان كويس
لكن فهمت ليه مسمينه مؤتمر بطنى
لانه فعلاً الجوع كافر
يلا ما علينا ما اول واحد ولا ح يكون الاخير
|
Post: #6
Title: Re: هل حقاً إنضم زميل البورد ياسر بيناوي للمؤتمر الوطني؟!
Author: صديق الموج
Date: 12-09-2011, 09:12 PM
Parent: #5
الاخ حجازى وضيوفه الكرام ...سلام
إن كان قد فعل فللرجل مطلق الحرية ان يتأدلج حيث يشاء
وينتمى كيفما يريد، ولا مندوحة فى ذلك، فليس فى السياسة ثابت
ولكن الاهم لمن يعارض ان يكون عنده فهم لماذا يعارض وعندما
يذهب للشط الاخر يجب ان يبرر الاسباب التى دعته لذلك.
وفى حالة ياسر التى اكد الاخوان انه فعل فنساله:
هل تغيرت الانقاذ؟ وهل تغيرت السياسات الرعناء؟ هل انصلح
حال الاقتصاد؟ هل حوكم الفاسدين والمفسدين؟ هل هنالك مساحات
حريات؟ هل هناك حقوق للانسان؟ هل توقفت الحروب التى مازالت
تقضم اطراف البلد؟ هل هنالك حرية صحافه وتعبير؟ هل اطلق سراح
سجناء الراى؟
والا سنمدد رجلينا ان سكت ياسر ولم يعود الى هنا والسلام،،،
|
Post: #7
Title: Re: هل حقاً إنضم زميل البورد ياسر بيناوي للمؤتمر الوطني؟!
Author: النذير حجازي
Date: 12-10-2011, 03:42 PM
Parent: #6
الأعزاء:
صلاح عوض الله
الموسيقار محمد زكريا
صديق الموج
شكراً لكم جميعاً على تأكيد المعلومة
تحياتي وتقديري لكم جميعاً
|
Post: #8
Title: Re: هل حقاً إنضم زميل البورد ياسر بيناوي للمؤتمر الوطني؟!
Author: قيقراوي
Date: 12-11-2011, 08:46 AM
Parent: #7
سلامات يا النذير
Quote:
حبيبنا ناذر الخليفة شكراً جزيلاً لك يا فردة
لتأكيد هذا الخبر الصاعقة، وكنت منتظر ياسر
يجيء ينفي الموضوع دا، والسكوت علامة الرضا
|
مقروءً مع ما قال صديق الموج
على ياسر بيناوي-وهو عندو باسوورد هنا- الاجابة على التساءل المشروع
المافي شنو؟
-------
من حق اي زول يعمل اي حاجة .. لكن من حقنا نفهم
|
|