Post: #1 Title: إدريس دبي يخطب كريمة موسى هلال Author: معتصم محمد صالح Date: 12-08-2011, 04:56 PM
كشفت مصادر مطلعة ل (لسوداني )عن خطبة الرئيس التشادي ادريس دبي لكريمة مستشار ديوان الحكم الاتحادي السابق وقائد قبيلة المحاميد موسى هلال التي تدعى أماني واضافت المصادر ل (السوداني) أن مراسم الخطوبة تمت فى أجواء احتفالية سودانية بمنزل قيادي سوداني نافذ جداً خلال زيارة ديبي الأخيرة للخرطوم
Post: #2 Title: Re: إدريس دبي يخطب كريمة موسى هلال Author: البحيراوي Date: 12-08-2011, 05:20 PM Parent: #1
الأخ معتصم
تحياتي - غايتو لو الكلام دا طلع صاح نقول مبروك لدبي بالسودانية الثانية . عشان زوجته الأولي برضو سودانية وشبهنا كدا موعودين بوصلة في برنامج أفراح أفراح في النيل الأزرق ولا برضو العرس حيكون دكاكيني زي الخطوبة.
بحيراوي
Post: #3 Title: Re: إدريس دبي يخطب كريمة موسى هلال Author: Tragie Mustafa Date: 12-08-2011, 05:22 PM Parent: #1
كلام يا عوض دكام!
ايا ترى تتوهم الخرطوم بانها وضعت
ادريس دبي بجيبها بهذه الخطوبه؟!
ام ان ادريس دبي هو ايضا يحلم بانه وضع قبيلة المحاميد في جيبه؟!
الله اعلم؟!
المستفيد الوحيد هو موسى هلال في شخصه.
و ما بين هذا وذاك نتسال يا ترى ماهو
راي المغلوب على امرها اماني؟!
Post: #4 Title: Re: إدريس دبي يخطب كريمة موسى هلال Author: ابراهيم بقال سراج Date: 12-08-2011, 05:28 PM Parent: #3
Post: #7 Title: Re: إدريس دبي يخطب كريمة موسى هلال Author: أسامة البلال Date: 12-09-2011, 12:08 PM Parent: #6
أول مبروك للعرسان
لكن المحير الزول دا شافا وين!! خاصة ناس السياسة بقولوا إنو العروسة بت زعيم ما كان يسمي الجنجويد والعريس من زعماء القبائل التي تعتبر في خصومة مع الجنجويد!!!
محن
Post: #8 Title: Re: إدريس دبي يخطب كريمة موسى هلال Author: الغالى شقيفات Date: 12-10-2011, 00:21 AM Parent: #7
زواج دولى زيارة دبى اجتماعية
مبروك
Post: #9 Title: Re: إدريس دبي يخطب كريمة موسى هلال Author: AMNA MUKHTAR Date: 12-10-2011, 00:42 AM Parent: #8
Quote: و ما بين هذا وذاك نتسال يا ترى ماهو
راي المغلوب على امرها اماني؟!
فعلا مسكينة .. فتاة صغيرة السن ، وأبوها ذاتو ما كبير سنا والدليل الصورة الجابها الشايقى لموسى هلال .
ذنبها شنو المسكينة أن يضحى بها على مذبح السياسية القذرة ؟!
Post: #10 Title: Re: إدريس دبي يخطب كريمة موسى هلال Author: ادم الهلباوى Date: 12-10-2011, 06:02 AM Parent: #9
مبروك والف مبروك : ايه الحلاوة دى !!
تقصد يعنى خلاص إتوقف ضرب النار ؟!
* والله مكسب كبير للريس إدريس دبى : المحاميد شطية _ نوايبة _ ولاد قرو _ زبلات _ عريقات _ ماهرية ولاد زيد _ جلول _ حاجة عجيبة وحكاية غريبة مشى أمرك يا قدر أصل أمرك مطاع !!
..
Post: #11 Title: Re: إدريس دبي يخطب كريمة موسى هلال Author: بريمة محمد Date: 12-10-2011, 09:07 AM Parent: #10
هذه المرة التانية يناسبنا فيها الرئيس إدريس دبى ..
إحد زوجاته السابقات .. الأخت هندا دبى، هى مسيرية الأصل .. فى الفيديو التالى تشاهدون بت أبا هندا دبى ..
ما قلنا ليكم نحن القبائل العربية فى أرض التماس .. ملح وملاح الهامش ..
---------------------------- ول أبا الهلباوى .. شيل الصبر ..
بريمة
Post: #12 Title: Re: إدريس دبي يخطب كريمة موسى هلال Author: Zoal Wahid Date: 12-10-2011, 09:37 AM Parent: #11
Quote: لكن المحير الزول دا شافا وين!! خاصة ناس السياسة بقولوا إنو العروسة بت زعيم ما كان يسمي الجنجويد والعريس من زعماء القبائل التي تعتبر في خصومة مع الجنجويد!!
شافا وين دي انا ما بعرفا لكن ادريس عاش فترة في كتم - منطقة اهله الزغاوة و جيرانهم اهل موسى هلال. يعني اكيد بيعرف موسى هلال واهله حق المعرفة وهم ايضا بيعرفوه.
لولا عمائل الانقاذ لكانت بنات الزغاوة بيزغردن اليوم في البورد لهذه المناسبة.
هل يمكن ان تقود هذه المصاهرة الى علاقات تتجاوز الغبائن بين الرزيقات الشمالية و الزغاوة؟؟؟
Post: #13 Title: Re: إدريس دبي يخطب كريمة موسى هلال Author: ادم الهلباوى Date: 12-10-2011, 10:13 AM Parent: #12
الدمبجوية مدح :
ابوكى برفيقه جاموس الحقيقة الرجال مابتطيقه
الدمبجوية ترغيب :
وى تعالى وحات ابوكى الغالى وى تعالى يحلبوا ليك البقارى وى تعالى يدقوا ليكى السرارى وى تعالى ولاالمسكين مقطوع الطارى وى تعالى انا بلاكم ما لى والى
الدمبجوية ترهيب :
نحن جيناكى امرقى كلمينا نحن جيناكى يا ست البيت جيناكى نحن جيناكى امرقى كلفينا نحن جيناكى لقدحك السمينا نحن جيناكى واكلنا كى شبعنا نحن جيناكى والمادايرنا مايجينا
الدمبجوية :
النسيب دا ماضئ شمس معاه فى السراء والضراء !!
..
Post: #14 Title: Re: إدريس دبي يخطب كريمة موسى هلال Author: بريمة محمد Date: 12-10-2011, 01:57 PM Parent: #13
ول أبا الهلباوى
سلام ..
Quote: النسيب دا ماضئ شمس معاه فى السراء والضراء !!
أها دى النجيضة ..
تحياتى
بريمة
Post: #15 Title: Re: إدريس دبي يخطب كريمة موسى هلال Author: ادم الهلباوى Date: 12-10-2011, 04:14 PM Parent: #14
نحن كله جيناكى :
جيناكى زى وزين هجر الرهيد يوم جفا!!
* موسم الهجرة إلى ( تشاد ) ؟!
..
Post: #16 Title: Re: إدريس دبي يخطب كريمة موسى هلال Author: بريمة محمد Date: 12-10-2011, 04:48 PM Parent: #15
ول أبا الهلباوى
الزول أبى بنات أهله تب .. أها الزغاوة حسى يودى وشنهم وين؟ رغم ما يفعلونه ضد الرزيقات المحاميد مازال المحاميد يمدون يد الصفح والجميل.
ونحن القبائل العربية أهل الشهامة والجود والكرم .. ويظهر معدننا النقى فى كل منعطف .. ولا فخر.
بريمة
Post: #17 Title: Re: إدريس دبي يخطب كريمة موسى هلال Author: ادم الهلباوى Date: 12-10-2011, 05:56 PM Parent: #16
يا باشمهندس بريمة تحياتى ياغالى
[IMG] -0 [* إنت لو جيت للجد كان ينبغى أن يطلق عليه ( أبو الدبلوماسية ) لهذا الرجل الشهم شيخ العرب موسى هلال مصلحة السودان فى سويداء فؤاده وكذلك لكل عرب دارفور وكل من حولهم نعتقد أنه عمل جليل وبهذه الشهامة وهذا القدر من الرجالة من زعيم المحاميد المحترم ينبغى تقابله الدولة قبل الشعب بنوع من الاحترام والتدبير وحسن التقدير إجلالا وهيبة له لأن المسألة ما صارت جيرة المسألة صارت نسب وأهلك يقولون النسب حسب ؟!
..
Post: #18 Title: Re: إدريس دبي يخطب كريمة موسى هلال Author: ادم الهلباوى Date: 12-11-2011, 05:47 AM Parent: #17
**
.
Post: #19 Title: Re: إدريس دبي يخطب كريمة موسى هلال Author: ادم الهلباوى Date: 12-12-2011, 05:54 AM Parent: #18
يا جماعة إنتو الباشمهندس بريمة مشى وين ؟!
..
Post: #20 Title: Re: إدريس دبي يخطب كريمة موسى هلال Author: محمد فضل الله المكى Date: 12-12-2011, 06:13 AM Parent: #19
عقبال أفورقي وسلفا كير وبتاع أفريقيا الوسطى!
وبهذه الطريقة تكون الحدود آآآآآآآآآآآآآآآآمنه (بلا حرِب بلا دشمان) !
Post: #21 Title: Re: إدريس دبي يخطب كريمة موسى هلال Author: محمد فضل الله المكى Date: 12-12-2011, 06:24 AM Parent: #20
كتب ودالمكي : (عقبال أفورقي وسلفا كير وبتاع أفريقيا الوسطى!)
وبعد الجماعة ديل نكمل ليهم أنصافهم الحلوة الباقي أمااااااااااااان!
الليبيين أديناهم سلاح! أولاد بمبا أديناهم لحم! السعودية بيناتنا البحر!
ورو روووووووووووووك أرقُدوا قفا!
Post: #22 Title: Re: إدريس دبي يخطب كريمة موسى هلال Author: محمد فضل الله المكى Date: 12-12-2011, 09:58 AM Parent: #21
يا المعتصم
الزول البهناك للفشقة مكتفي زاتياً ما تقول ناسيهو! نحنا زاتنا ماشين عليهو..... العندو مكفِّيهو!
Post: #23 Title: Re: إدريس دبي يخطب كريمة موسى هلال Author: ادم الهلباوى Date: 12-12-2011, 12:14 PM Parent: #22
