Post: #1
Title: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-08-2011, 02:45 PM
Parent: #0
فقد حدث ما هو متوقع ...
|
Post: #2
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-08-2011, 02:50 PM
Parent: #1
فقد قلنا مرارا وتكرارا.......يجب البحث عن جهاز فني للمنتخب
ماذا وإلا فتوقعوا نفس السيناريوهات المتكررة
|
Post: #3
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-08-2011, 02:53 PM
Parent: #2
مازدا في كثير من الاحايين يغلب إنتمائه الضيق علي حسه القومي
|
Post: #4
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-08-2011, 02:58 PM
Parent: #3
تغلب ميشو بمنتخبه الحديث وهو الذي لم يكمل شهرين معه علي مازدا مدرب منتخب السودان منذ عقود
|
Post: #5
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: حيدر بشير
Date: 12-08-2011, 03:53 PM
Parent: #4
سلام يا دكتور
يا خوى اسع خربت عليه فرحته بعد ما تخلص من التلاتات مع الحمام الميت دا
لكن ابشرك لو استمر هذاالمازدا فالسبعات متحمداتننا فى المنافسات الافريقية القادمة
و المشكلة الكبيرة هو تخانة جلده ما بيحس خالص رغم انه مكتوب على جبينه الفشل
غايتو الله يكون فى العون
|
Post: #6
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: عبدالعزيز عبدالله محمد
Date: 12-08-2011, 04:13 PM
Parent: #5
اهو ميشو طلع زول كويس ما زي ما كانو بيقولو عليهو، يعني العيب كان في المرض الكان قاعد يدرب فيهم
تجدر الاشارة الي ان ميشو كون الفريق في فترة بسيطة جدا.
|
Post: #7
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: حيدر بشير
Date: 12-08-2011, 06:02 PM
Parent: #6
اخونا عبدالعزيز سلام و تحية
هو منو الكان بيقول على ميشو سيء غير اهلك الوصيفاب
و اسع بيكون بى قدرة قادر بقى ممتاز زى ما امنت انت الان
و زى ما كانوا قاعدين يقولوا على ريكاردو ابام عزه مع الزعيم
وزى ما حايقولوا عنه الآن بعد ما اصبح فى صفهم
وزى ماقالوا فى طمبل و كليتشى و القائمة تطول
|
Post: #8
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-08-2011, 06:12 PM
Parent: #5
حيدر بشير سلامات
Quote: سلام يا دكتور
يا خوى اسع خربت عليه فرحته بعد ما تخلص من التلاتات مع الحمام الميت دا
لكن ابشرك لو استمر هذاالمازدا فالسبعات متحمداتننا فى المنافسات الافريقية القادمة
و المشكلة الكبيرة هو تخانة جلده ما بيحس خالص رغم انه مكتوب على جبينه الفشل |
مشكلة مازدا الحقيقية في الاختيار...حيث يغلب عليه المجاملات أكثر من مصلحة الوطن...مازدا يحرص علي إرضاء إدارة ناديه بصورة واضحة مما أثر علي أداء المنتخب بصورة واضحة....بل احيانا يذهب لاكثر من ذلك ويشرك لاعبين من أجل تجهيزهم لمباريات النادي المعين....حتي ولو علي حساب المنتخب
مازدا قد تكون له خبرة و دراية...بس للاسف شخصيتو ضعيفة ..,خاصة تجاه ناديهو
شكرا
|
Post: #9
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: Emad Mohamed
Date: 12-08-2011, 11:02 PM
Parent: #8
قصة الفريق القومى ال...فجأة بقى يلبس احمر دى المحيرانى يا دكتور. اول مرة اسمع بفريق وطنى يفير شعارو المعروف بيهو على مر السنين
|
Post: #10
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: محمد حيدر المشرف
Date: 12-08-2011, 11:15 PM
Parent: #9
موضوع الالوان ده بسيط جدا ..
يغيروها ..
وماذدا ذاتو يغيروه ..
و ..
that is all
..
أهو كده الحمدلله انتهينا من مشكلات كرة القدم فى السودان ..
باقى العاب القوه ؟!!
وأيضا يجب تغيير مازدا !!!
|
Post: #11
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-09-2011, 04:54 AM
Parent: #9
الاخ عبد العزيز سلامات
| Quote: تجدر الاشارة الي ان ميشو كون الفريق في فترة بسيطة جدا |
.
ميشو لم يجهز فريق ولا يعقل ان يجهز فريق قي اقل من شهر...ولكن الحقيقة نحن ما عندنا مدرب
شكرا
|
Post: #12
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-09-2011, 05:05 AM
Parent: #9
الاخ عماد محمد
| Quote: قصة الفريق القومى ال...فجأة بقى يلبس احمر دى المحيرانى يا دكتور. اول مرة اسمع بفريق وطنى يفير شعارو المعروف بيهو على مر السنين |
بدأ المنتخب يلبس الاحمر فجأة و مع قدوم مازدا...ولا أدري لماذا لم يفطن الاخوة في الاتحاد العام لهذا الخطأ الفادح....مازدا نقل حبه وإخلاصه لنادي المريخ للمنتخب عندما كان يدربهما معا...
يلبس المنتخب الشعار الاخضر ...وهذا معروف من زمن...وهو الشعار القومي ...كيف يتم تغييره ولماذا...ولماذا يتم تغييره للاحمر وهو شعار نادي المريخ
ومن المسئول اذا عزفت الجماهير عن تشجيع المنتخب نسبة للون شعاره وللون مدربه
شكرا
|
Post: #13
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: طلحة عبدالله
Date: 12-09-2011, 10:36 AM
Parent: #12
سلامات يا دكتور ياسر Quote: ماذا ننتظر من منتخب يلبس الاحمر و يدربه مازدا
|
صدقني بالغت بولييغ ليس بعده ولا قبله مبالغة..
1/ أي فريق أو منتخب في الدنيا دي لازم يكون عنده أكتر من طاقم لبس ..
المريخ مثلا قبل كدا لبس الأخضر عديل لأنو الفريق الآخر كان لابس أحمر بأصفر ..
مسألة اللبس دي ما عندها علاقة بأنو المدرب مريخابي يا عزيزي .
2/ مازدا دا ذاتو جاب مع المنتخب كأس سيكافا دا ذاتو وتأهل معاهو لنهائيات أمم أفريقيا
لأول مرة بعد ثلاثة عقود ونيف من الزمان قبل أن يعود ويتأهل معه للمرة الثانية لهذه النهائيات
التى كانت مجرد حلم بعيد المنال قبل مازدا فلماذا لم تفترع بوست تشكره أو تشيد به كما أفترعت
هذا البوست لذمه والسخرية منه إن لم يكن التعصب والغرض يا حبيب ؟
3/ قبل كدا درب المنتخب السوداني مدربين لهم شأنهم وتاريخهم وفكرهم التدريبي (الألماني هورست مثال)
فماذا فعلوا؟؟ (يمكنك إستعراض إنجازات المنتخب من بعد سنة 70 ولغاية هسع دي ).
4/ غريب جدا أن يكون سبب خروج المنتخب من سيكافا برأيك هو اللبس الأحمر فهل لو كان لابس أزرق
مثلا فأنه سيتأهل للنهائي ويفوز بالبطولة؟
5/ المنتخب دا مجموعة من لاعبي الهلال والمريخ وأندية أخري فماذا فعلت هذه الفرق في البطولات
الخارجية غير أنها ظلت جسرا لعبور الأندية الأخري؟
6/ بوجود هولاء اللاعبين والإمكانات الضعيفة والفكر الإحترافي الغائب والطموح العدم لدي اللاعبين
وغير ذلك من المنقصات والقصور فهل تعتقد أن المنتخب السوداني قادر على أن يحقق التطلعات
والأحلام حتى ولو دربه أعبقر عباقرة التدريب في العالم ؟
مرة أخري بالغت شديد يا خوي ياسر عبد القادر مع التقدير .
|
Post: #14
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: Maawya Hussein
Date: 12-09-2011, 10:49 AM
Parent: #13
| Quote: 2/ مازدا دا ذاتو جاب مع المنتخب كأس سيكافا دا ذاتو وتأهل معاهو لنهائيات أمم أفريقيا |
سلام يا طلحه
اخر بطولة فاز بها منتخب السودان في بطولة سيكافا كانت عام 2007 وفاز بها منتخبنا الاولمبي ..لا اذكر ان مازدا قاد المنتخب السوداني بالفوز ببطولة سيكافا
|
Post: #41
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-11-2011, 06:20 AM
Parent: #14
مرحبتين معاوية حسين.....,وشكرا للمعلومة.
|
Post: #15
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-09-2011, 10:58 AM
Parent: #13
الاخ محمد علي المشرف
شكرا لمرورك الذي أسعدني وفعلا المنتخب والكرة السودانية كلها مشاكل
طلحة يا صديق
سلامات
Quote: صدقني بالغت بولييغ ليس بعده ولا قبله مبالغة..
1/ أي فريق أو منتخب في الدنيا دي لازم يكون عنده أكتر من طاقم لبس .. |
يا طلحة : أي فريق ومنتخب عندو شعار و بلون أساسي وبعد داك لون ثاني ثم لون ثالث
اللون الاساسي يلعب به المنتخب في أرضو أو عند تشابه الشعارات ثم يأتي خيار اللون التاني
لون المنتخب الاساسي يا طلحة اللون الاخضر...واللون التاني الابيض
يا طلحة متي أخر مرة شفت المنتخب يلعب بالاخضر....
يا طلحة المنتخب يلعب الان رسميا باللون الاحمر الكامل واللون التاني الابيض
منو الاتخذ قرار المنتخب يلعب بالاحمر وهو لون نادي المريخ .
شعار المنتخب ولونه من الاساسيات يعني ماتقول لي المنتخب يلعب بأي لون
الباقي بجيك راجع
تحياتي
|
Post: #16
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: طلحة عبدالله
Date: 12-09-2011, 03:54 PM
Parent: #15
سلامات يا معاوية حسين
لو خليتني فالمنتخب الأول فاز ببطولة سيكافا قبل الأولمبي وكانت المباراة
النهائية ضد يوغندا وتقدم السودان بهدفي قلق وعلاء الدين يوسف قبل أن يتعادل
المنتخب اليوغندي ليحتكم الفريقين لركلات الترجيح وصد المعز محجوب ركلتي ترجيح .
ودي وتقديري يا زول
|
Post: #17
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: طلحة عبدالله
Date: 12-09-2011, 04:03 PM
Parent: #16
يا أبو اليسر يا حبيب
لون القمصان يتحدد أصلا قبل 24 ساعة من المباراة خلال إجتماع اللجنة الفنية للمباراة المعنية
بحضور الحكام والمراقب وممثلي الفريقين ولو فرضنا أنو ممثل المنتخب جاء للإجتماع بشعارين
واحد أبيض والثاني أحمر لظروف أنو اللون الأخضر مثلا غير صالح للبس لأي سبب من الأسباب ففي هذه
الحالة سيلعب السودان باللون الأبيض باعتباره اللون الأساسي لكن في حال تطابق لون قميص الطرف
الآخر مع اللون الأبيض بتاع السودان وكانت الأولوية في الإختيار للطرف الآخر فالسودان مجبور أنو
يلعب بالأحمر دون أن يقصد ذلك .
لكن جهة أخري فأصلا قصة اللون وما اللون دي قصة ميتة جدا ولا علاقة لها بان يفوز المنتخب أو يخسر
وحقوا أصلا ما تكون تبرير أو سبب للخسارة أو الفوز .
منتظر عودتك للباقي .
|
Post: #18
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: عبدالعزيز الفاضلابى
Date: 12-09-2011, 04:21 PM
Parent: #17
طلحة ,, سلام
والله إت ذاتك بالغت في (أعبقر) دي اكتر من بوليغ الدكتور.
يادكتور ياسر ياخوي المنتخب المصري بلبس احمر والاحمر شعار الاهلي ـ وقع ليك؟
اما مازدا ده زي ما قال ليك احد الاخوان غيروهو وياحبذا لوكان البديل الفاتح النقر ,, ولبّْسوا المنتخب اللون الازرق عشان نجيب كاس .
|
Post: #19
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: حيدر بشير
Date: 12-09-2011, 10:14 PM
Parent: #18
اخونا العزيز طلحة
لك التحية
الكلام فى الاول انه اللون الاحمر دا جاء من وين عشان يكون خيار للفريق القومى
الالوان مما قمنا و وعينا لقيناها الاخضر و الابيض منو اللى جاء و غير الاخضر للاحمر و ليه اتغير
كل الحاصل انه تغير و مازدا مدرب للفريق القومى
نحن بالشواهد القدامنا و اللى دائمآ بتستشهد بيها فى كتاباتك بنقول مازدا ليه ضلع فى الموضوع دا
و السبب هو انحيازه للون الاحمر لانه دا شعار فريقه السابق و بى كدة غتس حجر الكورة عندنا اكتر مما هى اصلآ غاتسة
لك تحياتى
|
Post: #44
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-11-2011, 11:50 AM
Parent: #18
عبد العزيز الفاضلابي
سلامات
| Quote: يادكتور ياسر ياخوي المنتخب المصري بلبس احمر والاحمر شعار الاهلي |
يا عبد العزيز ...المنتخب المصري مما فتحنا شوفناه بيلبس أحمر...أما ناسنا ديل غيرو اللون علي غفلة
تحياتي
|
Post: #20
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: Maawya Hussein
Date: 12-09-2011, 11:18 PM
Parent: #16
سلامات يا طلحه
راجعت نتائج البطولة دي علي اساس اني قريت انو المنتخب فاز بي سيكافا 1980 و2006 و2007 ..لكن بتاعت 2006 دي مكتوب انو المنتخب السوداني بعد تخطي يوغندا في السيمي فاينال قابل منتخب زامبيا وفازت علينا زامبيا بي ضربات الترجيح (رغم انو زامبيا ما من دول سيكافا ) عشان كدا سالتك
|
Post: #21
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: Emad Mohamed
Date: 12-10-2011, 03:16 AM
Parent: #20
طلحة بتلف وتدور مالك...السؤال واضح وصريح. الفريق القومى دا مما قمنا بلبس اخضر. الغير الاخضر لاحمر شنو؟
|
Post: #22
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: سفيان بشير نابرى
Date: 12-10-2011, 07:41 AM
Parent: #21
سلام يا دكتور
و سلام يا شباب
ياجماعة كدى برااااحه كدا انتو هسى مشكلتكم شنو ؟
مشكلتكم أنو المنتخب ودع سيكافا يعني؟
و لا مشكلتكم ليه المنتخب يلبس احمر؟
ولا مشكلتكم مع اللون الاحمر ذاتو؟
بالجد عايز اعرف يا دكتور انت فتحت البوست دا و مشكلتك
شنو ؟
لانو ببساطة شديد ما اظن مجرد مدرب ممكن يغير اللوان منتخب .
حددوا لينا المشكلة ممكن نشيل و نخت معاكم .
انا قااااصد (نشيل و نخت) دي لانو بوستكم دا و اضح انو شيل
وخت ساااكت كدا .
تحياتي لكم .
|
Post: #23
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: طلحة عبدالله
Date: 12-10-2011, 09:10 AM
Parent: #22
عماد محمد
اللف والدوران ديل منعتوهم متين كمان ؟؟؟؟
|
Post: #24
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: طلحة عبدالله
Date: 12-10-2011, 09:14 AM
Parent: #23
Quote: الكلام فى الاول انه اللون الاحمر دا جاء من وين عشان يكون خيار للفريق القومى
الالوان مما قمنا و وعينا لقيناها الاخضر و الابيض منو اللى جاء و غير الاخضر للاحمر و ليه اتغير
|
حيدر بشير يا حبيب
احتمال إتا ما شفت الأحمر كزي للمنتخب لكن هو موجود من زمان ..
تحديد الزي في المباراة دا إختصاص اللجنة الفنية قبل المباراة.
|
Post: #25
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: abdelwahab hijazi
Date: 12-10-2011, 10:10 AM
Parent: #24
.
يادكتور سلامات وكل سنة وانت طيب.
ملعوبة والله عديل كده. التذاكي بتاعك واضح انو شال في الجماعة الفوق ديل.
كده ياخي أمشي جيب التشكيلة وورينا المريخ وينو في الفريق القومي.
كل أعمدة الفريق القومي من الهلال الآن لأنو ببساطة جنس كلامك ده قاعد يشيل للأسف في مازدا ذاتو.
بعدين للزرق التانين عندنا سؤال: المريخ ده وصيف لمنو؟ وفي كاس شنو؟
انتو وصيف الصغيرة دي ما فهمتوها دايرين تفهموا ليه الفريق القومي بلعب بالاحمر.
انا شخصياً عندى خرطومية سبب لموضوعية اللعب بالأحمر بعضهافني ونفسي ووطني.
لكن امشوا اجتهدوا شوية يمكن تعرفوا بعضها.
بعدين يعني هسع لو الفريق القومي لعب بالابيض والازرق ألوان علم صهيون أوعلم الاغاريق
ممكن النتيجة تختلف؟
زي ما قال بابكر سلك:
الوصيف دمو خفيف
الحق يقال
ما زدا ما قصر
لم يقصر لاعبو الفريق القومي أيضاً الهلالاب قبل المريخاب
وشكراً جميلاً للمعز محجوب ومساوي ورفاقهما
أما الهزيمة فهي سنة من سنن كرة القدم
كرة قدووووووووووووووووووووووووووووووووووووووووووووووووم
دي كان فهمتوها الموضوع ما بجيب ليهو بونية وفتونة.
.
ولا بجيب ليهو بوست زي ده!
.
|
Post: #26
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: طلحة عبدالله
Date: 12-10-2011, 10:27 AM
Parent: #25
معاوية حسين سلامات
بس ياها ذاتا اللعب فيها مع زامبيا في النهائي دا هي البطولة الفاز بيها مازدا مع السودان ..
مع كل الود يا زول.
|
Post: #27
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: عبد الرازق سعيد
Date: 12-10-2011, 10:43 AM
Parent: #25
| Quote: ماذا ننتظر من منتخب يلبس الأحمر |
هذا السؤال الإستنكاري يؤكد أنك غير متابع لمنافسات كرة القدم ..
أسبانيا باللون الأحمر الوهاج أحرزت كأس العالم 2010
|
Post: #28
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-10-2011, 01:10 PM
Parent: #27
سلام للجميع
عن إذنكم بس أرد علي طلحة في النقطة دي أولا
| Quote: لون القمصان يتحدد أصلا قبل 24 ساعة من المباراة خلال إجتماع اللجنة الفنية للمباراة المعنية |
يعني مثلا البرازيل حتقرر إنها تلبس أصفر بس قبل 24 ساعة يا طلحة ياخوي؟؟؟
تحديد الزي بيتحدد في المنتخب يلعب بالزي الاول ولا التاني واللون التالت عند إستحالة اللونين الاوائل يا طلحة
وبعض الدول بتعرف بلون شعارها...المنتخب السعودي بيسمي الاخضر...القطري العنابي والاماراتي الابيض
المنتخب بيلعب باللون الاخضر كشعار أساسي وبالابيض كشعار تاني....ودا بيمثل لينا مبدأ أساسي...ليه يتغير اللون للاحمر في عهد مازدا....نعم الموضوع دا بيمثل لينا قضية...ماتاكلونا في دوكة بالله إنت وبقية الصفوة...
أي نعم دا ما موضوع البوست الاساسي لكنو بيمثل لينا قضية...وموضوعنا مازدا وإخفاقاتو المتعددة....والمتتالية...والمتواصلة....والتي لا نري لها حلا في الافق
|
Post: #29
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: محمد البشرى الخضر
Date: 12-10-2011, 01:57 PM
Parent: #28
دكتور ياسر تغيير الوان زي المنتخب تم بقرار من الاتحاد العام حينها - ما متأكد هل هو قرار جمعية عمومية ام مجلس ادارة الإتحاد
وأذكر تم اعلانه في مؤتمر صحفي او ما شابه بس ما متاكد من التاريخ
يعني لا يد لمازدا - من ناحية رسمية - في اتخاذ هذا القرار
من الناحية الفنية لا يتحمل مازدا وحده مسؤولية الإخفاق
إذا كان اللاعبين يفضلون العب لأنديتهم على المنتخب و الاتحاد العام يسمح للاندية تاخد لعيبتها من معسكرات المنتخب
واصلا المعسكرات فقيرة و تقام على طريقة علوق الشدة بارتريا كل سنة
ولا يوجد دعم حقيقي للمنتخب و المجماهير بدلا عن تشجيع المنتخب يشجعون لعيبتهم فيه
و .... إلخ
اسباب الاخفاق كتييرة ليس من العدل تحميلها مازدا لوحده
|
Post: #30
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: وليد محمد المبارك
Date: 12-10-2011, 02:10 PM
Parent: #29
| Quote: مازدا في كثير من الاحايين يغلب إنتمائه الضيق علي حسه القومي |
هاهاهاهاهاهاهاهاهاها
بالله ورونا في المنتخب الما عاجبكم ده في كم لاعب من المريخ فريق ماذدا
ورونا في المباراة الطار فيها الفريق ده كان لاعب كم لاعب من المريخ ؟
ورونا في اخر خمسة مباريات لعب ماذدا بكم لاعب من فريقه المريخ في المنتخب ؟
الواحد وكت يقول كلام يكون عارف بقول في شنو ؟
يكون متابع ما ينضم ساااااااااااااااااااااكت
|
Post: #32
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: سفيان بشير نابرى
Date: 12-10-2011, 02:50 PM
Parent: #30
يا وليد الزول دا بعد كلام ود البشرى
جاء بلع احمرو ولا لسه؟
تعال يا دكتور ابلع عشان يقوم عليك حبشي.
الحالة دى ود القاضي غائب
ياخ عمليتك دى ود الصائم ما بسويها
لوووووووووووووول
|
Post: #33
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-10-2011, 06:47 PM
Parent: #30
ياشباب بالله أسمحوا لي أرد علي الزول الاسمو
عشان يطور مستوي نقاشو شوية
Quote: بالله ورونا في المنتخب الما عاجبكم ده في كم لاعب من المريخ فريق ماذدا
ورونا في المباراة الطار فيها الفريق ده كان لاعب كم لاعب من المريخ ؟
ورونا في اخر خمسة مباريات لعب ماذدا بكم لاعب من فريقه المريخ في المنتخب ؟ |
لما أنا قلت:
| Quote: مازدا في كثير من الاحايين يغلب إنتمائه الضيق علي حسه القومي |
لانو مازدا أخد خمسة من أساسيي نادي الهلال وهم : المعز محجوب , سيف مساوي , عمر بخيت, خليفة ومهند الطاهر ولعبهم أساسيين في كل المباريات بالرغم من إنهم مرهقين جدا بعد موسم مرهق جدا من بطولة إفريقية ودوري وكاس السودان بمعدل مباراة كل 48 ساعة..في حين أراح أساسيي نادي المريخ ناس بلة جابر وموسي الزومة وقلق ..وهؤلاء حتشوفهم أسايين لمازدا في البطولة الافريقية..في الوقت الذي إستعان فيه من لاعبي المريخ الجدد فقط وساهم في إعدادهم لناديهم ...ودي ما أول مرة يعملها مازدا
وقع ليك يا أخوي
الجزء الباقي من مداخلتك بيذكرني بي مقولة لدكتور شداد عن اللاعب السوداني
أتمني في المرة القادمة الارتفاع بمستوي نقاشك ومخاطبتك عشان ما نعمل ليك ignore
|
Post: #43
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: وليد محمد المبارك
Date: 12-11-2011, 11:40 AM
Parent: #33
| Quote: أتمني في المرة القادمة الارتفاع بمستوي نقاشك ومخاطبتك عشان ما نعمل ليك ignore |
عليك النبي لا
الرسول لا
وحاة البطيخ ما تعمل لي اقنور
| Quote: المنتخب ودع سيكافا : ماذا ننتظر من منتخب يلبس الاحمر و يدربه مازدا |
هسع العنوان ده
والكلام الخارم بارم الجواه
بيتناقش بمنطق
انت ما ترتفع ببوستاتك وتبطل الانتمائية الضيقة دي وتناقش موضوع خروج المنتخب بمنطق
انت مفتكر الدال الكاتبها في النك نيم بتاعك ده بتديك كردت
بمستوى موضوعك بكون نقاشك والردود عليه
هاهاهاهاهاهاهاهاهاه
الوقع لي شنو
انا ما قلت ليك انت بتنضم ساكت
| Quote: لانو مازدا أخد خمسة من أساسيي نادي الهلال وهم : المعز محجوب , سيف مساوي , عمر بخيت, خليفة ومهند الطاهر ولعبهم أساسيين في كل المباريات بالرغم من إنهم مرهقين جدا بعد موسم مرهق جدا من بطولة إفريقية ودوري وكاس السودان بمعدل مباراة كل 48 ساعة..في حين أراح أساسيي نادي المريخ ناس بلة جابر وموسي الزومة وقلق ..وهؤلاء حتشوفهم أسايين لمازدا في البطولة الافريقية..في الوقت الذي إستعان فيه من لاعبي المريخ الجدد فقط وساهم في إعدادهم لناديهم ...ودي ما أول مرة يعملها مازدا |
انت قاعد تحضر كور الفريق القومي
ما اظنك لو كنت بتحضرها ما كنت كتبت كلامك ده
بلة جابر كان اساسي
ومازدا اخرجة في اخر كورة بسبب تهوره وابعادة عقاب ليه لانو بنال كروت من غير اسباب
لكو كنت بتابع الفريق القومي كان عرفت دي
موسى الزومة ما اساسي ولا يحزون في الفريق القومي
هو اساسا ما اساسي في المريخ عشان يكون مازدا بريح فيه لمصلحة المريخ
كدي وريني اخر مرة موسى الزومة لعب كورة بتين
اما بالنسبة لقلق
فقلق اصيب في اخر مباراة بين الهلال والمريخ عشان كده ما ساقو معاه ولسبب انور في وفرة في خط الوسط
اما موضوع انو لعب استعان بلاعبي المريخ الجدد
منو هم لاعبي المريخ الجدد الاستعان بيهم
وفي قصادهم منو من لاعبي الهلال الجدد الاستعان بيهم
يا الله بكون بجهز في لاعبي الهلال الجدد عشان يجو يغلبوا المريخ ؟!
جمعة ده لاعب جديد في هلال المناقل
نزار حامد ده لاعب في هلال امغد
| Quote: الجزء الباقي من مداخلتك بيذكرني بي مقولة لدكتور شداد عن اللاعب السوداني |
وانت بوستيك ده كله بزكرني كلام شداد عن ناس معيط وزعيط
|
Post: #53
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-12-2011, 06:27 PM
Parent: #43
Quote: عليك النبي لا
الرسول لا
وحاة البطيخ ما تعمل لي اقنور |
ماكنت محتاج تثبت...الجواب باين من عنوانو ....وأنا والله ماعندي مصطلحات من النوع دا عشان أجاريك بيها
لكن كل البقدر أعملوا إنو الكلام البقدر أرد ليك عليهو وسط الطراش دا كلو
Quote: بلة جابر كان اساسي
ومازدا اخرجة في اخر كورة بسبب تهوره وابعادة عقاب ليه لانو بنال كروت من غير اسباب
لكو كنت بتابع الفريق القومي كان عرفت دي
موسى الزومة ما اساسي ولا يحزون في الفريق القومي
هو اساسا ما اساسي في المريخ عشان يكون مازدا بريح فيه لمصلحة المريخ
كدي وريني اخر مرة موسى الزومة لعب كورة بتين
اما بالنسبة لقلق
فقلق اصيب في اخر مباراة بين الهلال والمريخ عشان كده ما ساقو معاه ولسبب انور في وفرة في خطignor |
الوسط
دا حنك بيش ...وكلام فاضي
مازدا شنو البيعاقب بلة جابر
وموسي الزومة اللاعب الاساسي عند مازدا شارك أم لم يشارك مع ناديه
وقلق إذا مصاب ...فبكري المدينة مصاب ايضا في نفس المباراة وجابو مازدا هو وعلاء يوسف المصاب ايضا
ونفس الكلام الذكرتو أنا في البوست هنا ,,ذكروا المدرب الفاتح النقر في برنامج عالم الرياضة يوم الجمعة بأنو مازدا منح لاعبي المريخ راحة سلبية...فيما أرهق لاعبي الهلال أيضا
ودي حقيقة لايمكن ناس المريخ إنو يداروها سواء بالاقناع عن طريق عقلائهم أو بالارهاب عن طريق الرجرجة والدهماء والبلطجية بتاعينهم....
لن ينصلح حال المنتخب في وجود سياسة مازدا هذه...وإذا لم تتغير سياسته او لم يتغير هو فأبشروا بمزيد من الهزائم والسياسات...
|
Post: #47
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-12-2011, 08:39 AM
Parent: #29
ود البشري سلامات
Quote: دكتور ياسر تغيير الوان زي المنتخب تم بقرار من الاتحاد العام حينها - ما متأكد هل هو قرار جمعية عمومية ام مجلس ادارة الإتحاد
وأذكر تم اعلانه في مؤتمر صحفي او ما شابه بس ما متاكد من التاريخ
يعني لا يد لمازدا - من ناحية رسمية - في اتخاذ هذا ال |
والمؤتمر دا كان متين ووين؟؟؟؟وكيف الناس تمشي الموضوع دا ساكت كدا....
تحياتي وخليك قريب
|
Post: #37
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: طلحة عبدالله
Date: 12-10-2011, 09:57 PM
Parent: #28
أبو اليسر يا حبيب Quote: يعني مثلا البرازيل حتقرر إنها تلبس أصفر بس قبل 24 ساعة يا طلحة ياخوي؟؟؟
|
مالك آزول عايز تشككنا في الحاجة القاعدين نشوفا في الأسبوع مرتين واللا تلات مرات..
البرازيل أو أي منتخب وفريق في الدنيا بقرر أنو يلعب مباراة بعد بكرة بالزي الأخضر مثلا
لكن لما يجىء في إجتماع اللجنة الفنية قبل المباراة ب 24 ساعة بجيب معاهو أكتر من زي لانو ممكن
ما يلعب بالزي الأخضر القرر يلعب بيهو دا لتشابه الأزياء بينو وبين الفريق الآخر الذي يحق له
تحديد اللون العايزو ولو كان أخضر مثلا فعلي المنتخب التاني أن يلعب بالزي الإحتياطي بتاعو الما أخضر
ولو كان الزي التاني ما جاهز لأي سبب ففي الحالة دي يلبس الزي التالت الأحمر..
وعلي ذلك قس إرتداء المنتخب السوداني للأحمر .. أرجو أن تكون فهمت النقطة دي .
Quote: تحديد الزي بيتحدد في المنتخب يلعب بالزي الاول ولا التاني واللون التالت عند إستحالة اللونين الاوائل يا طلحة
|
طيب ما هو دا الكلام ذاتو القلتو ليك وبالإمارة قلت ليك يمكن منتخبنا لبس الزي الأحمر لاستحالة اللونين
الأولين الأخضر والأبيض وبالتالي فمازدا ما عندو ذنب يا حبيب .. دا بافتراض أنو الزي الأحمر دا سبب
هزائم المنتخب حسب فهمك .
تحياتي يا زول.
|
Post: #48
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-12-2011, 08:45 AM
Parent: #27
عبد الرازق سعيد
مرحب بيك
إسبانيا لم تغير لون شعارها
|
Post: #31
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-10-2011, 02:44 PM
Parent: #13
طلحة يا صديق
رقم 2 مشكور معاوية تكفل بالرد
3Quote: / قبل كدا درب المنتخب السوداني مدربين لهم شأنهم وتاريخهم وفكرهم التدريبي (الألماني هورست مثال)
فماذا فعلوا؟؟ (يمكنك إستعراض إنجازات المنتخب من بعد سنة 70 ولغاية |
هسع دي
الفترة الحالية تشهد تفوق واضح للاندية السودانيةمقارنة بالفترات السابقة بفضل دعم الافراد والتدريب العالي المستوي والمحترفين ذوو المستوي العالي...كنا نتوقع صعود مستوي المنتخب الوطني لهذه الاسباب وماكان بيحتاج لكبير عناء من المدرب وكان من الممكن جدا مازدا يستفيد من الوضع دا..لكن حتي بعد التأهل السابق كانت النتائج متواضعة جدا وخسرنا بالتلاتات بل ولم نحرز حتي هدفا واحدا مما يؤكد ضعف الناحية التدريبية
|
Post: #34
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-10-2011, 07:04 PM
Parent: #31
مرحب و سلام مربع لسعادة السفير الصفوة عبد الوهاب حجازي
مشتاقين والله....وين أراضيك الان
وراجع لمداخلتك بإسهاب إن شاء الله لانها تستحق
|
Post: #35
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: keiga2000
Date: 12-10-2011, 07:11 PM
Parent: #31
مازدا يكون عمل بالمثـل
ألبس أحمــر عشان تظهـــر
أبومصطفى
|
Post: #36
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-10-2011, 07:16 PM
Parent: #35
سفيان نابري,,,
الحالة أنا خاتيك مع الصفوة المحترمة ياخ....ماكان العشم....(-:
علي العموم أخلص من الحبيب طلحة وأرجع ليك
|
Post: #38
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-10-2011, 10:52 PM
Parent: #36
طلحة....يا صديق
Quote: 4/ غريب جدا أن يكون سبب خروج المنتخب من سيكافا برأيك هو اللبس الأحمر فهل لو كان لابس أزرق
مثلا فأنه سيتأهل للنهائي ويفوز بالبطولة؟
5/ المنتخب دا مجموعة من لاعبي الهلال والمريخ وأندية أخري فماذا فعلت هذه الفرق في البطولات
الخارجية غير أنها ظلت جسرا لعبور الأندية الأخري؟
6/ بوجود هولاء اللاعبين والإمكانات الضعيفة والفكر الإحترافي الغائب والطموح العدم لدي اللاعبين
وغير ذلك من المنقصات والقصور فهل تعتقد أن المنتخب السوداني قادر على أن يحقق التطلعات
والأحلام حتى ولو دربه أعبقر عباقرة التدريب في العالم ؟
مرة أخري بالغت شديد يا خوي ياسر عبد القادر مع التقدير |
لم أقل أن سبب الخروج هو الزي الاحمر...ولكنني أستنكر تماما تغيير لون شعار المنتخب للاحمر المتزامن مع قدوم مازدا للمنتخب ...ولماذا من أساسو يتغير لون المنتخب...الداعي شنو يعني...وتغييره للون الاحمر بالذات ليه...ليه ما اي لون تاني...أسئلة مشروعة.
والله يا طلحة ياخوي المريخ دا لو بيطلع من الدور التمهيدي...الهلال دا بيصل مراحل متقدمة جدا...أي نعم ما بنشيل الكأس لكن دا ما بينقص من قدر الهلال انو نادي محترم في القارة
يا طلحة اي نعم لعيبتنا فكرهم الكروي تعبان...لكن كمان لما يلقوا ليهم مدرب زي مازدا دا علي العليهم بيزيدوا الطين بلة...يعني الدول حوالينا دي كلها اتقدمت..حتي بورندي العفينة دي عملت ليها راس وقعر..ومازدا يجي يتعامل بعقلية مدرب نادي
غايتو قلبت الهوبة في أعبقر دي.....ههههههههه قوية شديد
تحياتي
|
Post: #39
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: طلحة عبدالله
Date: 12-10-2011, 11:13 PM
Parent: #38
يا أبو اليسرQuote: لم أقل أن سبب الخروج هو الزي الاحمر
|
لا قلت يا خوي في عنوانك دا:| Quote: ماذا ننتظر من منتخب يلبس الاحمر |
Quote: اي نعم لعيبتنا فكرهم الكروي تعبان...لكن كمان لما يلقوا ليهم مدرب زي مازدا دا
علي العليهم بيزيدوا الطين بلة |
اذن أي مدرب لا يصلح ولن يقدم شىء وبالتالي اعتراضك على
مازدا لا يعدو أن يكون إعتراض بتاع هلالابي وليس خوفا على المنتخب وفي هذه الحالة كان أفضل لو قلت
أن الهلالابي اعترض على تدريب مازدا المريخابي.
|
Post: #40
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-10-2011, 11:42 PM
Parent: #39
Quote: طيب ما هو دا الكلام ذاتو القلتو ليك وبالإمارة قلت ليك يمكن منتخبنا لبس الزي الأحمر لاستحالة اللونين
الأولين الأخضر والأبيض |
لا يا طلحة.....المنتخب دا بيلعب بالاحمر من فترة طويلة و كزي اساسي يعني كخيار اول مش تالت...أحنا مشيناها فترة قلنا يمكن اضطرارا لكن ياخوي اتاريهو المنتخب غيروا شعارو في غفلة...أما عنواني بجانب رفضنا للون الشعار إشارة لميول المدرب الواضحة.....
|
Post: #42
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: سامى عبد الوهاب مكى
Date: 12-11-2011, 09:25 AM
Parent: #40
|
Post: #45
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-11-2011, 02:29 PM
عبد الوهاب حجازي يا صديق الزمن الجميل
أجيك واحدة واحدة يا سعادتو
| Quote: كل أعمدة الفريق القومي من الهلال الآن لأنو ببساطة جنس كلامك ده قاعد يشيل للأسف في مازدا ذاتو. |
ماهي دي المشكلة ذاتها...عدم الحياد هنا في إنه أراح لعيبة المريخ الاساسيين برغم من إنهم مرتاحين أصلا وطلع زيت الهلكانين ناس مساوي وإخوانو من ما بدت السنة هم جاريين من دولة لي دولة خارجيا ولما يجوا يهلكم الاتحاد العام من مدينة لي مدينة...يعني أولي في بطولة زي دي يرتاحوا هم ولا يرتاحوا ناس بلة جابر قاعدين لي السنةكلها لا شغلة ولا مشغلة....
| Quote: انا شخصياً عندى خرطومية سبب لموضوعية اللعب بالأحمر بعضهافني ونفسي ووطني. |
نفسي دا سبب مقبول اما فني دي ما لقيت ليها تفسير.
Quote: بعدين يعني هسع لو الفريق القومي لعب بالابيض والازرق ألوان علم صهيون أوعلم الاغاريق
ممكن النتيجة تختلف؟ |
إحنا ما عايزنو يلعب بالازرق ولا بالاحمر.....احنا عايزين يلعب باللون الاصلي بتاعو الاخضر وبس..وبطلوا فهلوة
| Quote: زي ما قال بابكر سلك: |
ودا منو كمان؟؟؟؟ زولك دا أنا مابعرفو,أنا بعرف شارع السلك بس
Quote: الحق يقال
ما زدا ما قصر
لم يقصر لاعبو الفريق القومي أيضاً الهلالاب قبل المريخاب
وشكراً جميلاً للمعز محجوب ومساوي ورفاقهما |
شكرا ليك يا أمير
تحياتي لاسرتك الكريمة
|
Post: #46
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: mekki
Date: 12-11-2011, 06:42 PM
Parent: #45
فعلا اللون الأحمر للمنتخب مشكلة لازم تتحل
يجب تمثيل الألوان الأخري أو اللعب بلون محايد
ومعقول بي لون النيلين الأزرق والأبيض ما يكون ممثل في المنتخب؟؟!!
|
Post: #49
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-12-2011, 09:00 AM
Parent: #46
كيجا.....وسامي عبد الوهاب مكي
مرحب بالصفوة المحترمة
مسجلين غياب كامل .......بالله يا خوانا فكونا من مازدا دا....وبالمرة خدوا معاه باقي الشعار بتاعكم دا
إذا كان لابد من مدرب مريخي....أرشح خالد أحمد المصطفي ...برغم صغر سنه ألا إنه من خلال تحليلو للمباريات تحس إنو صاحب فكر كروي مميز
تحياتي
|
Post: #50
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: حمزاوي
Date: 12-12-2011, 10:35 AM
Parent: #49
د . ياسر اخوي
مسكاقمي
يا ابو النسب
أها امبارح المنتخب الرديف فاز على ليبيا وكانوا لابسين احمر
هل اختار اللون الاحمر الديبة
كلنا قلنا مبروك للديبة وجميع اللاعبين وكل السودان
للمعلومية يا ابوالنسب
تم اختيار اللون الاحمر من قبل الاتحاد العام ايام الدكتور كمال شداد
وما اظن كمال شداد قصد انه يختار شعار المريخ
والمصيبة ان في السودان صار يحصل فيها حاجات الواحد ما بيلقى ليها تفسير
واعتبر تغيير شعار المنتخب من انجازات الانقاذ
وعلى فكرة شعار المريخ هو الاحمر والاصفر سوا
يعني ليس الاحمر فقط
|
Post: #51
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-12-2011, 12:13 PM
Parent: #50
صديقي العزيز مكي الاحمدي
نيل أزرق شنو ونيل أبيض شنو....دا أحمر فاقع ...يسر الناظرين شفت كيف
حمزاوي يا بو النسب مسكاقمي
| Quote: أها امبارح المنتخب الرديف فاز على ليبيا وكانوا لابسين احمر |
أولادنا بتوع أمبارح ديل لو كانوا لابسين المبرقع كانوا فازوا
ربنا يحفظهم
تحياتي يا حبيب
|
Post: #52
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: Hisham Ibrahim
Date: 12-12-2011, 01:17 PM
Parent: #51
| Quote: ماذا ننتظر من منتخب يلبس الاحمر و يدربه مازدا |
أن نودع سيكافا ،،
والحمد لله ما خيب المنتخب ولا مازدا ولا الإتحاد العام ولا وزارة الشباب والرياضة،، ظـنـنـا العريض فيهم ...
وسيكون ظننا فيهم في كأس افريقيا
وكعهدنا بهم سيكونون انشاء الله ...
|
Post: #54
Title: Re: المنتخب ودع سيكافا : ماذا ننتظر من منتخب يلبس الاحمر و يدربه مازدا
Author: د. ياسر عبد القادر
Date: 12-27-2011, 01:15 PM
Parent: #52
شكرا أخي هشام أبراهيم...نختتم البوست بكلماتك هذه...عسي ولعل أن ينتبه مازدا ويغير من سياساته...ويخرج من العباءة ويرتدي ثوب الوطن الواسع...نقول عسي ولعل ..وندعو بالتوفيق للمنتخب....
|
|