الله - نوارة البيت شالوها

قصة حقيقية نقلا عن جريدة الدار السودانية

حيوان (النسناس) الذي ارعب وارهب مواطني قرية (الدبيبة) التابعة لولاية سنار محلية السوكي هذا الحيوان الذي يبلغ طوله اكثر من ثلاثة امتار توجد في ارجله وايديه ثلاث اصابع يعيش في البحر والبر يتغذي بلحوم البشر وياكل ايضا الفواكة بكافة اشكالها تجده دائما في اماكن تواجد الجنائن ، هذا الحيوان الشرس لا يرحم البشر



يصطاد ضحاياه في جوار الشواطيء ، هذا الحيوان القوي جعل مواطني قرية (الدبيبه) يعيشون في هلع دائم بسبب هذا الحيوان المفترس الذي يخرج لاصطياد فريسته عند الصباح الباكر وقبل مغيب الشمس بطريقة شرسة

في الأيام الفائتة حاولت الفتاة زينب ازهري جمع رمال من شاطيء النيل الذي يقع على بعد امتار من منزلهم بقرية الدبيبه وفي اثناء جمعها للرمال هجم عليها ذلك الحيوان ودخل بها داخل مياه النيل الازرق ولم يترك لها اثر كذلك هجم ايضا على الشابة زينب عبد الفضيل بنفس القرية حينما ذهبت زينب لجلب ماء من النيل ومعها صديقتها فجأة قفز حيوان (النسناس) على زينب عبد الفضيل وبعد صراخ صديقتها الداوي استنجدت برجل من الحي وقام بانقاذها من مخالب ذلك الحيوان المتوحش بعد صراع عنيف بين الرجل والحيوان اصيب حينها الرجل بجروح من جراء تلك المعركة وببسالة اهل قرية الدبيبة الطيبون وشهامتهم تم انقاذ زينب من عدو الانسان حيوان (النسناس) وهنالك حالات عديدة لذلك الحيوان المفترس الذي ظل يقنص لاصطياد فريسته من لحم البشر في السواحل واغلب ضحايا هذا الحيوان من الفتيات لذا حمل مندوب صحيفة (الدار) ود المسلمية اليراع والاوراق وسافر لمدينة سنجة ومنها لمدينة كركوج ثم الى منطقة (دونتاي) نزلت في ديوان استاذنا الكبير عبد الله دفع الله وفي الصباح الباكر اتجهت لمنطقة (الدبيبه) حيث استقبلوني اهالي تلك القرية استقبالا يؤكد معدنهم حيث شاهدت بام عيني طيور النعام تعيش وسط اهالي تلك القرية الطيبين ولكن ذلك الحيوان صار بعبعاً مخيفاً لسكان تلك القرية لذا جلسنا مع اهالي الضحايا واسرهم ومواطني تلك القرية بغرض افادات حول ذلك الحيوان فماذا قالوا

تحدث اولا عوض الجاك حيث سرد قائلا حاول هذا الحيوان ان يفترسني حتي أكون واحد من ضحاياه وقام بضربي حيث هجم علىّ بطريقة شرسة وبعد صراع عنيف مع هذا الحيوان الذي حاول ايضا الهجوم على فتاة من نفس القرية قمت حينها باستخراج سكين لانقاذ الفتاة وبحمد الله وتوفيقه تم انقاذها ونحن نقيم في تلك القرية نذهب كلنا لجلب الماء من النيل الازرق وذلك نسبة لان صهريج القرية اصبح غير صالح لذا أهالي القرية يتجهون لجلب الماء من النيل حينها يتعرض الكثيرون لمهاجمة ذلك الحيوان المفترس (النسناس) الذي لا يرحم حتي البشر كما تحدث ايضا والد البنت ذات الـ(18) عاما للنيل بغرض ان تجمع رمال لاحضارها للمنزل وكان ذلك في حوالي الساعة 9,30 صباحا وفي ذلك الاثناء قام بخطفها الحيوان الشرس (النسناس) حينها انا كنت في الغابة وعندما رجعت للمنزل وجد تجمهر امام منزلي وتأكدت تماما بان فلذة كبدي قد خطفها حيوان (النسناس) المرعب الذي صار يختار ضحاياه من تلك القرية ونحن بدورنا كمسؤولين عن اسر قمنا بمنع اطفالنا بالذهاب للنيل حتي لا يتعرضو لمهاجمة حيوان (النسناس) كما تحدث ناجي اخر من حادث حيوان (النسناس) المواطن التوم حبيب الله احمد

هذا الحيوان الشرس شكلو مثل الانسان تماما طويل القامة اسود نحيف متشابك الاصابع حينما كنت استحم في مياه النيل الازرق داهمني ذلك الحيوان وبعد صراع عنيف بيني وبينه صفعني في وجهي وقتها قمت باستخراج السكين فهرب ذلك الحيوان ودخل الى مياه النيل ولم أراه وتم وقتها اسعافي الى المستشفي فقد تعرضت لجروح في جسدي بسبب ذلك الحيوان

كما تحدثت ايضا زينب عبد الفضيل التي تم انقاذها من ذلك الحيوان حيث سردت قائلة ذهبت انا وصديقتي لجلب مياه من النيل الازرق حينها هجم علىّ ذلك الحيوان بطريقة وحشية ولكن صديقتي التي كانت معي صرخت باعلي صوتها وبعد سماع صراخ صديقتي جاء المنقذ الحقيقي من بطن رحم تلك القرية وتم انقاذي ولكنني عانيت كثيراً وتم علاجي في مدينة (دونتاي) هل تصدقوا بان هذا الحيوان قد مزق حتي ثوبي وبتوفيق من المولي عز وجل تم انقاذي

كما تحدث ايضا عبد الفضيل محمد والد البنت التي تم انقاذها من فك حيوان (النسناس) حيث سرد قائلا

حاول ذلك الحيوان اختطاف ابنتي عندما ذهبت مع صديقتها للنيل لجلب ماء وبحمد الله وبشهامة اهل القرية تم انقاذي ابنتي زينب من مخالب ذلك الحيوان المتوحش ولكنني عانيت كثيرا في علاجها وبحمد الله قد شفيت تماما من اصابتها

ثم اضاف ايضا شيخ القرية عوض السيد مصطفي قائلا

طبعا الناس في البداية كانوا بفتكروا ان حيوان (النسناس) من الخرافات ولما حصلت الحادثة بتاعت البنت الاولي التي جاءت لتشيل رملة من شاطيء النيل اختطفها ذلك الحيوان كما حاول ذلك الحيوان في اكل البنت الاخري زينب عبد الفضيل وهنالك ثلاثة او اربعة حالات لاشخاص من القرية حاول الحيوان ان يفترسهم والسبب انهم جاءوا للنيل بغرض جلب المياه وكانت احد الامرأتان التي حاول الحيوان ان يبتلعها ويلتهما وهي تحمل باقة الماء على راسها فهي لم تري شيئا لان الهجوم كان مفاجأة بالنسبة لها كما كرر ذلك الحيوان هجومه مرة اخري حيث قفز ونزل بزميلتها للنيل ولكنها تم انقاذها من عامل (البابور) كما نزل بفتاة اخري من القرية ومزق ملابسها وتم انقاذها بتوفيق من المولي عز وجل

كل اهالي تلك القرية يذهبون يوميا للنيل بغرض جلب المياه نسبة لعدم وجود صهريج في القرية بعدما قام المسئولين بولاية سنار بتجفيف الصهريج القديم لانه بطئ في السحب واوعدونا بحفر بئر اخري في القرية ولكنهم لم يوفوا بوعدهم للقرية لذا اتجه مواطنو تلك القرية للذهاب للنيل لجلب المياه ولكنهم يتعرضون لهجوم الحيوان المفترس (النسناس) نحن نناشد المسئولين بولاية سنار بان يسعو جاهدين في حفر بئر خاصة بالقرية حتي يتجنب مواطني تلك القرية هجوم ذلك الحيوان الشرس.

المصدر عشان ما يجي واحد يفاصحني

http://aldar-sd.net/modules.php?name=News&file=article&sid=2616


اللهم أدخلها فسيح جناتك
اللهم ارحمها واغفر لها .
اللهم اغفر لها وارحمها والهمها الإجابة عند السؤال .
اللهم ثبتها بالقول الصادق في الآخرة .
اللهم اغسلها بالماء والثلج والبرد .
ونقها من الخطايا كما ينقى الثوب الأبيض من الدنس.
اللهم ادخلها جناتك يارحمن يارحيم.

للعلم

للعلم

دايرن بوسطة ومدرسة وسطى ...
موية وكهربا والشفخانة ...
زيادة الحصة وسوق منضبطة



يا المسنوح ما تجيب لينا موية
من عند الجماعة ديل

Quote: يا المسنوح ما تجيب لينا موية من عند الجماعة ديل

اليوم باقي لي زايد عيارك يا مسنوووووووووووووووووووح

نرجو من البورداب الليليين مراعاة معايير الايزو الصادرة من مدينتي بعلبك وقاصرينا

هسع جايينا عشان تنزل البيرق بدون مصاريف ؟

يا شيقا دي جريده مدهشة،

دفعني الفضول عساي أجد النسناس الخناس أو صورة أو رسما وطالعت الرابط فوجدت
صورة طفل حيي مكتوب تحتها (شقيق الفتاة التي "التهما" المخلوق المفترس)..
لها الرحمة والمغفرة ونسأل المولى أن يجمل أهلها بالصبر.

ورحم الله الصحافة والصحفيين.

Quote: دفعني الفضول عساي أجد النسناس الخناس أو صورة أو رسما وطالعت الرابط فوجدت صورة طفل حيي مكتوب تحتها (شقيق الفتاة التي "التهما" المخلوق المفترس)..

يا كنوز محبتنا القصة دى والله حقيقية

جاني اتصال من الاهل مؤكدا تلك الرواية

خليك صدّيق ثمح؟

على حسب علمي ان النسناس فصيل من القرود
والقرد علاقة بالموية مثل علاقة الماء بالنار

Quote: على حسب علمي ان النسناس فصيل من القرود والقرد علاقة بالموية مثل علاقة الماء بالنار

شكرا يا نجلاء اختي - طيب فسروا لينا الظاهرة دي شنو؟

بالجد حقيقية

وين دكتور محمد عبد الله الريح؟

عم الطيب السلام عليكم
غايتو يا عم الطيب انا ناس الدار ديل لو قالوا لي اسمك محمد عمر الفكي والله مابصدقهم، جريدة صفراء فاقع لونها لا يسر الناظرين، تعيش على الاثارة والليلة دي انا داير احكها مع ناس الدار ديل للطيش.
من باقي حصص استاذ يحي بتاعة الاحياء بتذكر منها انه ادونا انواع الحيوانات فمنها الزواحف والثدييات والفقاريات والبرمائية وما عارف باقيهن شنو الهم، الدار الجابت الخبر ومن خلال وصفها للحيوان دا، ممكن تورينا الحيوان دا تبع ياتو نوع من انواع الحيوانات، تانيا النسناس البنعرفو هو القرد ولا ياربي دا قرد برمائي زيو زي الدبابة الامريكية ابرايم وال M2 ? ثم ثالثاً حاجة في ذمتك دي وذمة نار الدار (اذا توفرت الذمة اصلاً ولا اعتقد ذلك) حصل قابلك مخلوق عنده رجل فيهن تلاتة اصابع؟ ياخي دي في الدب القطبي مافي ولا ياربي كان شغال طلبة وقوع فوقن قدح مونة لصقهن ليهو سواء؟ وحاجة في ذمتك مخلوقك الراقي دا البيتغدى بالناس وبحلي بالفاكهة داما قاعد يشرب شاي بعد التحلية مالو؟ ويا عيب على اهل الدبيبية لو ما جابو ليهو شيشة زي حقت ود الصائم يجرها بمزاج على قيفة البحر بعد الوجبات دي؟هسي ياعم الطيب في عمرك المديد باذن الله دا حصل يوم لقيت لك اسد قاعد ياكل في برسيم ولا عنب؟ وبعدين تعال غايتو حيوانكم البيجي مارق الصبح والمغربية على القيفة دا الا يكون بتاع بنقو؟
فيصل خليل
حقك على يافردة، تهموك في صمة خشمك.

شيخ المسانيح شيقاااااااااااا

اوعى يكون نسناس ناس جريتك القشيرانه دى ..ياهو ده
والله مكمل السناحه حلا وحمار

عمك كمال

والله يا عم الطيب المغصة حمتني النوم عديل
يا اخي قرود الطائف فصيلة البابون التي حين نقارنها بالنسناس كمن يقارن مازن بكوكو (مافي اي فهم غلط يا اخوان) لو شفتها قاعدة تشحد في طريق الهدا والله تحن عليها تجي تقول لي نسناس ياكل ليهو زول؟ غايتو العشر قام ليهو شوك

Quote: وبعدين تعال غايتو حيوانكم البيجي مارق الصبح والمغربية على القيفة دا الا يكون بتاع بنقو؟

بتاع بنقو شنو يا ( أمحمد) اخوي دا شيطان الدماسات ماك سمعت بيهو؟

عمووووووووووووووو كمال

Quote: اوعى يكون نسناس ناس جريتك القشيرانه دى ..ياهو ده والله مكمل السناحه حلا وحمار

عمو كمال عليك النبي ابعد منى انت وفيسل ما تودوا بوستي الخور ياخ

Quote: الدماسات ماك سمعت بيهو؟

يا محمد عمر الفكي الدماسات دي حتى قوقل رضي الله عنه ما عرفها
وشكرا لتضامنك معنا ضد اتهامات المسنوح المغرضة

ما قلت ليك المغصة حامياني النوم
زمان كان في برنامج اسمه عالم البحار للعالم الفرنسي جاك كوستو. الزل دا ما خلي ليهو محيط ولا بحر ولا نهر ولا بحيرة ولا ميعة ما غطس فيها، حيوانكم دا يشهد الله ما حصل لاقهو اللهم الا اذا كان حيواناً تاني جاته طفرة قياسية في ايام معدودات عشان ربنا يسخر للدار مصدر رزق.
بعدين نصيحة لوجه الله تعالى من ود اخوك في مرة عجوز كدة زمان كانت سمحة سماحة عجيبة خلاص اسمها بريجيت باردو وبدلعوها بقولوا ليها بي بي (زي بي بي) البريطانية بتاعة البترول ديك مع اختلاف نطق الحروف طبعاً، المهم الولية دي بقت لا جنا لا تنا ماعندها شغلة غير مساككةالفارغة مباراة الناس الذين يسيئون معاملة الحيوان، وحاة الله تلم في ناس الدار ديل وفيك ، محاماتك دي تروح شمار في مرقة ويجي ود المحرب يفتل شنبو ويقعد يضحك ضحكته السمحة ديك قرقرقر.
عاد يا عم الطيب نبقى في الكشف يا ناس سودانيز اون لاين عشان تخارجو عمكم الطيب؟

Quote: يا محمد عمر الفكي الدماسات دي حتى قوقل رضي الله عنه ما عرفها وشكرا لتضامنك معنا ضد اتهامات المسنوح المغرضة

ياخ الدماسات هي ساعات المغربية يعني زمن مغيب الشمس قالوا الشواطين بيطلعوا فيها ياخ

انت مجنون ؟

Quote: يا كنوز محبتنا القصة دى والله حقيقية جاني اتصال من الاهل مؤكدا تلك الرواية

الطيب ، مداخلتي لم تعرض لصدقية الوقائع المزعومة من عدمه وإنما على
أمر آخر لايحتاج بيانا.

Quote: خليك صدّيق ثمح؟

صديق منو؟
تلاته أمتار؟
على أية حال إتصل بناس الجريده وطمِّنُم أو طمِّمم وقول ليهم خلاس المونستر دا راح فيها
ووجد ميتا في الساحل الجنوبي لليبيا في الحدود مع فنزويلا أو كوستاريكا..

ود الفكي

Quote: زمان كان في برنامج اسمه عالم البحار للعالم الفرنسي جاك كوستو. الزل دا ما خلي ليهو محيط ولا بحر ولا نهر ولا بحيرة ولا ميعة ما غطس فيها، حيوانكم دا يشهد الله ما حصل لاقهو اللهم الا اذا كان حيواناً تاني جاته طفرة قياسية في ايام معدودات عشان ربنا يسخر للدار مصدر رزق.

شوف بطل الكضب وحاة النبي كلمة ميعة دي عون الشريف قاسم ما بعرفها - وحياتك غيري وغيرك والمحرب وود النعيم الله يديهو العافية وبت طلحة مافي حد بيعرفها .

Quote: بعدين نصيحة لوجه الله تعالى من ود اخوك في مرة عجوز كدة زمان كانت سمحة سماحة عجيبة خلاص اسمها بريجيت باردو وبدلعوها بقولوا ليها بي بي (زي بي بي) البريطانية بتاعة البترول ديك مع اختلاف نطق الحروف طبعاً، المهم الولية دي بقت لا جنا لا تنا ماعندها شغلة غير مساككةالفارغة مباراة الناس الذين يسيئون معاملة الحيوان، وحاة الله تلم في ناس الدار ديل وفيك ، محاماتك دي تروح شمار في مرقة ويجي ود المحرب يفتل شنبو ويقعد يضحك ضحكته السمحة ديك قرقرقر. عاد يا عم الطيب نبقى في الكشف يا ناس سودانيز اون لاين عشان تخارجو عمكم الطيب؟

الله يجازيك كتلتني بضحكة

Quote: على أية حال إتصل بناس الجريده وطمِّنُم أو طمِّمم وقول ليهم خلاس المونستر دا راح فيها ووجد ميتا في الساحل الجنوبي لليبيا في الحدود مع فنزويلا أو كوستاريكا..

الله يجازيك يا المرتضى الخمشتو دا ياهو ذاتو باوصاف ناس الدبيبة ! لقيتو وين ؟

غايتو لو عرفوك ناس الدبيبة ! بدوك وسام صديق ناس الدبيبة البار

بختك غايتو انت

المسنوح غطست وجيت نابل بحكاوي لا يستوعبها الا من عايشها
لكن بيني وبينك نحنا بنسميه السحار يعني ساحر
وجهاتنا ديك معروفه بالمصايب دي

شيقا كلمة ميعه يعني شنو بلغة ناس الضهاري
سلام ولي عوده

Quote: غايتو يا عم الطيب انا ناس الدار ديل لو قالوا لي اسمك محمد عمر الفكي والله مابصدقهم، جريدة صفراء فاقع لونها لا يسر الناظرين، تعيش على الاثارة والليلة دي انا داير احكها مع ناس الدار ديل للطيش.

ود شيقوق سلام ،انت عارف البنية دى تكون شالته القيفة والقرية مافيها سباحين ،، قالوا نسناس !!!

شوف بطل الكضب وحاة النبي كلمة ميعة دي عون الشريف قاسم ما بعرفها - وحياتك غيري وغيرك والمحرب وود النعيم الله يديهو العافية وبت طلحة مافي حد بيعرفها .
إحم إحِمْ

Quote: إحم إحِمْ

قول مالو تاني
.
.
ود البردانة سلام
قوليهم دا ود ام بلعو وريح روحك من السافوتة دي

الدكتورة منى التوم

الف سلامة بالطلة - كنت فين يا مسنوحة

Quote: المسنوح غطست وجيت نابل بحكاوي لا يستوعبها الا من عايشها لكن بيني وبينك نحنا بنسميه السحار يعني ساحر وجهاتنا ديك معروفه بالمصايب دي

يا زولة ما تخربي سمعة بلدنا - ناس الشيخ الصابونابي والشيخ فلاح ديل شيطان بجي بباري بيهم مافي - دا فعلا نسناس ياخ

Quote: شيقا كلمة ميعه يعني شنو بلغة ناس الضهاري

ميعة تعني عنكوليبة يا مولانا

نجاة بت الشيخ

Quote: ود شيقوق سلام ،انت عارف البنية دى تكون شالته القيفة والقرية مافيها سباحين ،، قالوا نسناس !!!

اولا بالتبادي عجبتني منك كلمة ( القيفة دي)

عليك ربك كدى شوفي حناكيش وحنكوشات سودانيز ديل كوووولهم اكان يعرفوا معناها

ديل ناس كرنيش وشاطي وحاجات كدا حامياني

بس ناسنا ديلاك كووووووولهم بيعرفوا السباحة لكن المصيبة دي بتقلع قلع سااااااى

امحمد ود عبد الرحمن - طرطوش

Quote: إحم إحِمْ

مالك الكلام غلبك ؟

ود البوش

Quote: قوليهم دا ود ام بلعو وريح روحك من السافوتة دي

والله بالغت ياخ - تخيل لما كنت بفكر في عنوان للبوست كان واحدة من خيارتي اني اكتبو بعنوان

ود ام بعلو خمش السمحة

Quote: امحمد ود عبد الرحمن - طرطوش Quote: إحم إحِمْ مالك الكلام غلبك ؟

هو اسمو المطرطش واغلبو النضمي ؟
المطرطش الكلام ما غلبو انت يا شيقا المافهمت كلام امحمد ؟
دا اخوي انا وبعرف نححتو وكان بزق في بطنو بعرفو
امحمد بقول ليك كان وقعت في الميعة ولا الميضة جمبلغ دفرتك انا
وهو قال واحد الله وانا قلت ليهو مالو تاني
بعد شوية بجيك موسى الراجل اقوليك عدد تلاتة
يا حليلك يا جدي امحمد والله يرحمك وانت تحسب الكيلات وكت العيش بقى بالملوات

سلامات يا شيقا شقارى,,

القصة دى تشابه حجوة وردت فى كتاب الأحاجى السودانية للدكتور الراحل عبدالله الطيب و( سالى فو حمر)للأستاذ جمال محمد أحمد وجماعتك ديل شكلهه بقوا يجاروا قصص الحجى القديم..


وبهذا نوصى بربط هذا الشيقوق لأقرب عمى تيا تيا المصارينو ميا حتى ينجم قليلا...

ايمنوف

Quote: القصة دى تشابه حجوة وردت فى كتاب الأحاجى السودانية للدكتور الراحل عبدالله الطيب و( سالى فو حمر)للأستاذ جمال محمد أحمد وجماعتك ديل شكلهه بقوا يجاروا قصص الحجى القديم..

نعم نعم كلامك عين الصواب اصلا العنوان مستقى من قصة فاطنة السمحة وحكاية ود النمير

يا سلام عليك وانت قارئ لكتاب الدبلوماسي الرحال جمال محمد احمد (سالي فو حمر)

Quote: وبهذا نوصى بربط هذا الشيقوق لأقرب عمى تيا تيا المصارينو ميا حتى ينجم قليلا...

جنّك قام عليك تاني؟

شيقا بروج اساطير

خذووووووووه فغلوووووووه

ود البوش ( الايام دي قالوا صحن البوش ما بنهبش)

Quote: هو اسمو المطرطش واغلبو النضمي ؟ المطرطش الكلام ما غلبو انت يا شيقا المافهمت كلام امحمد ؟ دا اخوي انا وبعرف نححتو وكان بزق في بطنو بعرفو امحمد بقول ليك كان وقعت في الميعة ولا الميضة جمبلغ دفرتك انا وهو قال واحد الله وانا قلت ليهو مالو تاني بعد شوية بجيك موسى الراجل اقوليك عدد تلاتة يا حليلك يا جدي امحمد والله يرحمك وانت تحسب الكيلات وكت العيش بقى بالملوات

أمحمد دا اخوك ناقشو كويس لكن بتجانن عليهو يا البوش اخى

Quote: شيقا بروج اساطير خذووووووووه فغلوووووووه

سناحتك قامت عليك ؟

خلاص قمت للسناحة
نسناس شنو البتجيبو الدار....عندي اعتقاد انو النسناس دا هو الصحفي بتاع الدار زاتوا ولا الزول بتاع الوابور القاعد ينقذ الناس في كل مرة

----
طبعا هي اصلهاتكون مرة واحدة يكون فيها قرد صغيروني نط يخطف ليهو حاجة من البت... والباقي كلو اضرب في 3

Quote: خذووووووووه فغلوووووووه

هو حنس اخذ اليرجا الراجياهو

نزوكي

Quote: خلاص قمت للسناحة

من فيضك يا مسنوحة

Quote: نسناس شنو البتجيبو الدار....عندي اعتقاد انو النسناس دا هو الصحفي بتاع الدار زاتوا ولا الزول بتاع الوابور القاعد ينقذ الناس في كل مرة

ياخ بقولوا ليك نوارة البيت خطفوها يخطفك تمساح اب كبلو - هسع جاية تشككي في المعلومة ؟----

Quote: طبعا هي اصلهاتكون مرة واحدة يكون فيها قرد صغيروني نط يخطف ليهو حاجة من البت... والباقي كلو اضرب في 3

باقي لي كنت صحفية وبتعرفي حركات الاثارة الاعلامية صاح؟

Quote: هو حنس اخذ اليرجا الراجياهو

هييييييييييييع انا برة في الصقيعة يا مسنووحة

نواصل

Quote: هو اسمو المطرطش واغلبو النضمي ؟ المطرطش الكلام ما غلبو انت يا شيقا المافهمت كلام امحمد ؟ دا اخوي انا وبعرف نححتو وكان بزق في بطنو بعرفو امحمد بقول ليك كان وقعت في الميعة ولا الميضة جمبلغ دفرتك انا وهو قال واحد الله وانا قلت ليهو مالو تاني بعد شوية بجيك موسى الراجل اقوليك عدد تلاتة يا حليلك يا جدي امحمد والله يرحمك وانت تحسب الكيلات وكت العيش بقى بالملوات

ينصر دينك آ ودالبوش
و;
يلّاك معاي نمشي الّلقيط*

_
* دي مهداة لي كبير الحناكيش شيقا

Quote: * دي مهداة لي كبير الحناكيش شيقا

انها تهمة لا انكرها وشرف لا ادعيه يا مسنوووووووووح

Quote: يلّاك معاي نمشي الّلقيط*

بس متنسى المخلايا يبحمد

شيقا انت خرفت ولا شنو ذي ماقال عمو كمال كدي امشي اخد ليك جقمة مويه

مسكين المسنوح دخله الخرف ,,, الزهايمير بعمل اكتر من كده.

يا ود شيقوق وكل الجنيات الهنا سلوووووووم
يا اخي من امس لمحت عنوان بوستك دا
وقلت المسنوح يكون بتو عرسوها الندخل نباركلو
ولما دخلت لقيت شئ اغرب
انا امراه مفتونه بوالدها حد الجنون
عارف لما اكون لوحدي استرجع شريط ال12 سنه التي قضيتها في صحبه ذاك الرجل الفريد في نظري
يوم امس كنت استرجع قصص والدي وتملكني نفس الاحساسي بالخوف من حيوان وصفه لي والدي وسماه بالنسناس
واليوم افتح بوستك واجد القصه عن النسناس الذي يهاحم الناس .
حدثني والدي فيما حدثني عن النسناس
قال لي طويل متل الزول ويمكنه الوقوف علي اتنين اياديه طويله
سالت والدي عن لونه قال لي غالبا يخرج قبل انبلاج الفجر فكنت اراه كدهمه سوداء يخرج من النيل ويعود اليه
حتي انني اذكر المفرده التي استعملها والدي للتعبير عن حركه هذاالحيوان عندما سالته وما ذا يفعل فوق الجروف .
قال لي والله يطهم( بتشديد الطاء )بين الخضار واول ما يحس بحركه الزول يرجع يغتس في المويه .
سالته ان سمع صوته قال لي ابدا ما سمعت ليهو صوت بس يطهم ويرجع مويته .
منطقتنا وقتها لم تكن بها جنائن .
غالبا يزرعون الذره الشامي كغداء لحيوانا تهم وبعض البقوليات .
القرود يعرفونها ويطلقون عليها اسم العبلانج
وحدثني والدي عن انهم في احد المرات حاولوا الامساك بصغير من صغار القرود وسرعان ما تم ضربهم من مجموعه القرود باغصان من الشوك حتي اطلقوا القرد الصغير وفروا بجلودهم .

Quote: ا ود شيقوق وكل الجنيات الهنا سلوووووووم يا اخي من امس لمحت عنوان بوستك دا وقلت المسنوح يكون بتو عرسوها الندخل نباركلو

اقسم بالله يا خالة دوما نفس الشئ الخلاني افتح البوست ، قلت عييييك زولك شالو بتو الكبيرة وجاته الفرصة الذهبية عشان يعمل احلال وتبديل ، فاتت البت الكبيرة من البت طوالي تخش محلها الضرة الصغيرة. بس بيني وبين نفسي قلت زولك دا لايمتلك من الجسارة ما يعينه على فعلها

شيقا توته توته خلصت الحدودته
مافي واحده تانيه

مالك لابد!!!!!!!!

دوما - منى بت التوم - ود الكامل - محمد عمر الفكي

سورييييييييييي والله ما شفت مداخلتكم الحلوة دي - كنت مشغول مع ضيوف ونسيت البوست دا خالص وهسه جيت افتش المنبر لقيتكم كابين فيهو كلام سمح


جاييكم بالمهلة

خالتو دوما

Quote: يا ود شيقوق وكل الجنيات الهنا سلوووووووم يا اخي من امس لمحت عنوان بوستك دا وقلت المسنوح يكون بتو عرسوها الندخل نباركلو ولما دخلت لقيت شئ اغرب انا امراه مفتونه بوالدها حد الجنون عارف لما اكون لوحدي استرجع شريط ال12 سنه التي قضيتها في صحبه ذاك الرجل الفريد في نظري يوم امس كنت استرجع قصص والدي وتملكني نفس الاحساسي بالخوف من حيوان وصفه لي والدي وسماه بالنسناس واليوم افتح بوستك واجد القصه عن النسناس الذي يهاحم الناس . حدثني والدي فيما حدثني عن النسناس قال لي طويل متل الزول ويمكنه الوقوف علي اتنين اياديه طويله سالت والدي عن لونه قال لي غالبا يخرج قبل انبلاج الفجر فكنت اراه كدهمه سوداء يخرج من النيل ويعود اليه حتي انني اذكر المفرده التي استعملها والدي للتعبير عن حركه هذاالحيوان عندما سالته وما ذا يفعل فوق الجروف . قال لي والله يطهم( بتشديد الطاء )بين الخضار واول ما يحس بحركه الزول يرجع يغتس في المويه . سالته ان سمع صوته قال لي ابدا ما سمعت ليهو صوت بس يطهم ويرجع مويته . منطقتنا وقتها لم تكن بها جنائن . غالبا يزرعون الذره الشامي كغداء لحيوانا تهم وبعض البقوليات . القرود يعرفونها ويطلقون عليها اسم العبلانج وحدثني والدي عن انهم في احد المرات حاولوا الامساك بصغير من صغار القرود وسرعان ما تم ضربهم من مجموعه القرود باغصان من الشوك حتي اطلقوا القرد الصغير وفروا بجلودهم .

هو نفسه يا استاذة بالاوصاف القالها ابوك الله يرحمه وفعلا اوقات طلوهو للبر بتكون مع الدماسات ( المغربية) و الدغش بدري .

بس هو مش ذكر ليك انو كان بهاجم الناس وكدا؟

صحيح القرود بتهاجم الناس لكن حكاية تشيل اغصان دي ما سمعت بيها

شكرا يا خالتو على المشاركة وعفوا للتاخير بسبب الغفلة بس وحياتك

الاستاذ الطيب شيقوق
السلام عليكم ورحمة الله وبركاته، وبعد
سؤال واحد بس
الشي دا اختفى من بعد زيارة ناس الدار لشنو؟ خجا منهم مثلاً؟

ود الفكي

سلام

Quote: الشي دا اختفى من بعد زيارة ناس الدار لشنو؟ خجا منهم مثلاً؟

ياخ ناس الدار ما بهمهم نسناس بياكل الناس ولا حاجة ديل عايزين ليهم راس خبير يكبروا بيهو بيعة الجريدة

جوا غطوا اليوم داك وانبهلت عليهم الفلوس ونسوا النسناس البيأكل الناس