عام الرمادة لليساريين .. شوف عيني شيوعي ببكي وبتمخت

يعتبر العام 2011 وبكل المقاييس عام الرماده لكل أحزاب اليسار السوداني

البداية كانت بإنفصال الجنوبيين و(رفس) الحركة الشعبيه لكل اليساريين الشماليين الذين بذلوا الغالي والنفيس لحماية جوبا التي إستخدمتهم (كمغفلين نافعين) لتحقيق حلم الإنفصال

بعديها جاء الربيع العربي يختال ضاحكاً ففرحوا وهللوا وقالوا النسمه حتهب علينا لكنهم تفاجأوا بأن السودان هو المستفيد الأول من كل الثورات التي هبت والتي كان القاسم المشترك بينها جميعاً (الإسلاميين) ففاز الإسلاميون بتونس ثم تحرروا بمصر ثم وبمساعدة الخرطوم تخلصوا من القذافي بليبيا .

فرفروا وقالوا يحتلوا الدمازين فكانت الرد صاقعاً وسريعاً وحاسماً من قواتنا المسلحه فخسروا الكثير من المعدات والأموال بلا طائل وجروا لمن خلوا نعلاتهم وراهم وتشردوا في البلاد شر مشرد .

جاءت بعدها طامة كبرى بحج نقد الذي تتناقل مجالس المدينة حالياً خبراً مفاده أن الرجل بكا جوار الكعبة بكاءً حاراً جداً وقرر الإبتعاد عن الحزب الشيوعي والتفرغ بالكامل للعبادة وقيام الليل وأعمال الخير .

في الإعلام أيضاً فقدوا أهم منصاتهم الإعلاميه وهي صحيفة أجراس الكنائس كما تدنت مبيعات صحيفة الميدان حتى قيل أن هناك عدد لم تباع منه أي نسخه وهي التي جعلت صديقنا الشيوعي يزرف الدمع السخين .. فكما حكى لي وهو يتنهد ويكفكف دمعه أنه حينما قرر شراء طعميه للفطور بالصباح وجد أقراص الطعميه الذهبيه ترقد هانئة فوق جريده وحينما قرب نظره ليعاين اسم الجريده وجدها الميدان الأمر الذي سبب له ضيقاً شديداً ، قريب المغرب قرر أيضاً شراء طعميه فالرجل إشتراكي ولايأكل إلا كما يأكل الفقراء ويتبرع بجزء كبير من مرتبه وإيجار المنزل الذي ورثه عن والده لدعم مشاريع خيريه ، لكنه تفاجأ بأقراص الطعميه ترقد أيضاً هانئة فوق صحيفة الميدان فصرخ صرخة أيقظت أهل الكهف أنفسهم .

في النص طبعاً في مليون مشكله أهمها الخلافات الكبيره التي جعلت كثيرين يحردون حرداناً عظيماً وشبهات الفساد التي طالت كثيرين كان آخرهم الباقر عفيف

أخيراً وليس آخراً دخول الحزبين الكبيرين (الإتحادي والأمه) ومعهما الطائفتين الكبيرتين أيضاً (الختميه والأنصار) لأحضان الحكومة العريضه الأمر الذي جعلهم في السهله ملطي ولم يتبق لديهم سوى الترابي الذي أصبح فراقو حار والإتفاق معاهو نار .

Quote: فكما حكى لي وهو يتنهد ويكفكف دمعه أنه حينما قرر شراء طعميه للفطور بالصباح وجد أقراص الطعميه الذهبيه ترقد هانئة فوق جريده وحينما قرب نظره ليعاين اسم الجريده وجدها الميدان الأمر الذي سبب له ضيقاً شديداً ، قريب المغرب قرر أيضاً شراء طعميه فالرجل إشتراكي ولايأكل إلا كما يأكل الفقراء ويتبرع بجزء كبير من مرتبه وإيجار المنزل الذي ورثه عن والده لدعم مشاريع خيريه ، لكنه تفاجأ بأقراص الطعميه ترقد أيضاً هانئة فوق صحيفة الميدان فصرخ صرخة أيقظت أهل الكهف أنفسهم .

ساعود لاحقاً

مع التحايا

Quote: حينما قرر شراء طعميه للفطور بالصباح وجد أقراص الطعميه الذهبيه ترقد هانئة فوق جريده وحينما قرب نظره ليعاين اسم الجريده وجدها الميدان الأمر الذي سبب له ضيقاً شديداً ، قريب المغرب قرر أيضاً شراء طعميه فالرجل إشتراكي ولايأكل إلا كما يأكل الفقراء ويتبرع بجزء كبير من مرتبه وإيجار المنزل الذي ورثه عن والده لدعم مشاريع خيريه

كويس انك ماحبكت القصة ولصقتها في واحد كوز ففي كل الاحوال الزهد لايشبه الاسلامويين وطمعهم في الدنيا وحقوق العباد
والشهادة لله في اجازتي الاخيرة كلما مريت على بتاع صحف لاشتري صحيفة الميدان يقول لي ( بتنتهي بدري ) .

الميدان تم توقيفها عندما قالت لا للحرب في منتصف هذا العام المنصرم وجريدة الميدان تدافع عن نفسها بنفسها لماذا تم توقيفها وقت هي مامؤثره ؟؟

ده اصطياد في الموية الصافية التي تكشف عن ماتحتها فاالمواقف بينة وواضحة وكرتك محروق بس انت روق .

Quote: والشهادة لله في اجازتي الاخيرة كلما مريت على بتاع صحف لاشتري صحيفة الميدان يقول لي ( بتنتهي بدري ) .

الكلام ده في السودان وللا حته تانيه
في جريده جزائريه بتاعة كوره إسمها الميدان ياربي تكوني قاصداها هي
الميدان تصدر في 16 صفحه من الحجم الصغير ومايوميه دقست مره واشتريتها قلت اشوف الناس دي بتسوط شنو ومن ديك وعيك لأنها بالجد مابتنفع لي حاجه غير ينشفوا بيها زيت الطعميه

Quote: جاءت بعدها طامة كبرى بحج نقد الذي تتناقل مجالس المدينة حالياً خبراً مفاده أن الرجل بكا جوار الكعبة بكاءً حاراً جداً وقرر الإبتعاد عن الحزب الشيوعي والتفرغ بالكامل للعبادة وقيام الليل وأعمال الخير .

الطامة الكبرى كانت ستكون اذا لم يبكى بكاءاً حاراً ...



سلام يا ود فرح ..

Quote: الطامة الكبرى كانت ستكون اذا لم يبكى بكاءاً حاراً ...

بدر الدين
تحياتي
فعلاً ماقلت صحيح
الطامة التي قصدتها هو ماأشيع عن تفرغه في الأيام المقبله للعباده وهجرته للحزب الشيوعي

مؤونة عام من الود

Quote: ساعود لاحقاً مع التحايا

ونحنا في الإنتظار يابخاري

بس مايبقى علينا زي البقى على ود الأمين القال

في إنتظارك ياحبيبي مرت اللحظات أليمه

مؤونة عام من الود

ابو حميد سلام

Quote: شوف عيني

ما عصرته علينا!!!!

جيب صوره عشان نصدقك ياخ..!

مبروك عليكم الميرغني
جهزو الملعب .

Quote: تتناقل مجالس المدينة حالياً خبراً مفاده أن الرجل بكا جوار الكعبة بكاءً حاراً جداً

دلللل.

Quote: عام الرمادة لليساريين .. شوف عيني شيوعي ببكي وبتمخت

الشبح التعيس محمد فرح.

الزول ده أتمخت في منيدل ورق(كلينكس) ولا منديل قماش منقوش جانبه !

علشان بس نعرف الصورة. أقصد اللوحة الكيزانية المرسومة ديي شكلها كيف؟

Quote: الزول ده أتمخت في منيدل ورق(كلينكس) ولا منديل قماش منقوش جانبه !

الزول ده ود فرح قال انو زاهد يا دينق
بيكون قشا ايدو في الحيطة ساكت.

عاين المطلوب ده وبتمخت بيدو اليمين...قررررررررررررررف يقرفك يا شبح ...

اها عبد المنعم رحمة قلت لى خبرو شنو؟


يا مسيلمة الافرنجى

محمد فرح تحياتي
لا تنسى بالله وركز شديد على 2011م وكوارث ومصائب وجرائم الكيزان ... وأجزم أنه أنتهى بدفن كافة كيزان السودان أحياء لأسباب أقلها عندهم فسادهم الأخلاقي والمالي الذي لا يبرأ منه كوزا ... ناهيك عن فشلهم سياسيا واقتصاديا .... والآن والبلاد تعيش على مفترق الطرق نجدهم واقفون محتارون أي الطؤق يسلكون؟ مش لو أستعانوا بأبناء السيدين .... لو أستعانوا بالجن فهم ضالون ومضلون وتايهون وذاهبون لمزبلة التأريخ ... وخليك قريب ... ليتك تحدثنا كثيرا عن ذلك الأمر وأنت سيد العارفين ....
الشفيع إبراهيم

ياخي
إحتراماً للمنبر وقرائه ولصاحبه الذى أعادك للكتابة
كان تختار كلمة أقل قرفاً في العنوان من هذه !
إيه ده ؟

Quote: عام الرمادة عام الرمادة في آخر سنة 17هـ، إلى أول سنة 18هـ، وذلك في خلافة عمر بن الخطاب. الجفاف الذي مرت به أرض الحجاز لسنوات طويلة مع تزايد عدد السكان جعل الناس يعانون من أزمة اقتصادية استمرت لأكثر من تسعة أشهر خسروا فيهاً كثيراً من أرواحهم وأرواح دوابهم. رد الحافظ ابن كثير وغيره تلك التسمية لأسباب: 1. اسوداد الأرض من قلة المطر حتى عاد لونها شبيهاً بالرماد. 2. أو لأن الريح كانت تسفي تراباً كالرماد. 3. أو لأن ألوان الناس أضحت مثل الرماد. وقد يكون العام سُمِّي بهذا الاسم لتلك الأسباب مجتمعة. أخرج الطبري من خبر عبد الرحمن بن كعب بن مالك قال: "كانت الرمادة جوعاً شديداً أصاب الناس بالمدينة وما حولها، حتى جعلت الوحوش تأوي إلى الإنس، وحتى جعل الرجل يذبح الشاة فيعافها من قبحها، وإنه لمقفر" وقال الحافظ ابن كثير: "وقد روينا أن عمر عسَّ المدينة ذات ليلة عام الرمادة، فلم يجد أحداً يضحك، ولا يتحدث الناس في منازلهم على العادة، ولم ير سائلاً يسأل، فسأل عن سبب ذلك، فقيل له: يا أمير المؤمنين، إن السؤَّال سألوا فلم يعطوا، فقطعوا السؤال، والناس في هم وضيق فهم لا يتحدثون ولا يضحكون". أيضاً احتشد الناس من خارج المدينة وقدموا إليها يطلبون العون حتى قيل أنه خيم في أطراف المدينة حوالي ستون ألفاً من العرب لا يجدون إلا ما يقدم لهم من بيت المال أو من أهل المدينة المنورة. وذكر أن عمراً كان يولم لهم كل ليلة حتى حضر في وليمة واحدة أكثر من عشرة آلاف. ----------------------- من ويكيبيديا، الموسوعة الحرة

* يا لك مـن كـــوز كـذاب وجاهـــــل !!
* ليس هناك من مقارنة إلا في خيالك المـريض !
* خير للشيوعيين أن يجوعـوا مـن أن تمـتد أيديهم مثلكم للمال الحرام !
* الشيوعـيون أطهـر منكم أيها القتلة،المزورون،السارقون،الكاذبون.

معاويه الصايم
الزول ده كان وقفت قدامو بتقدر تقول كلامك ده

بلاش كلام فارغ معاك

Quote: الزول ده أتمخت في منيدل ورق(كلينكس) ولا منديل قماش منقوش جانبه !

الأجنبي التعيس دينق
إنت مالك ومالو
ده شنو الزول الحشري
قوم لف وشوف جنوبك بي وين

Quote: دلللل.

سيف النصر
يعني الراجل عينو للكعبه ومايبكي
ده كلام عجيب والله

مؤونة عام من الود

سفيان نابري
الميرغني ومن وراء حجاب المهدي
ملعبنا جاهز ونجيلتنا مرشوشه قول ماشاء الله

مؤونة عام من الود

غايتو انا كلما اقرا لواحد كوز واشوف المنطق بتاعو
بصل لنتيجة واحدة :
البلد مسيرنها شوية ........

يا محمد فرح انت ياتو في الاتنين الورا ديل..ورا الرئيس و للا ورا علي؟

Quote: president and ali.jpg

بعدين ليه سميت الصورة كده..ليه ما قلت البشير و علي أو الرئيس و نائب الرئيس
علي حااااف كده؟
غايتو علي ده يا صاحبك شديد يا ما بتريدو لي الله كدي.
المؤونة التي تعرف من الود.

Quote: فكما حكى لي وهو يتنهد ويكفكف دمعه أنه حينما قرر شراء طعميه للفطور بالصباح وجد أقراص الطعميه الذهبيه ترقد هانئة فوق جريده وحينما قرب نظره ليعاين اسم الجريده وجدها الميدان الأمر الذي سبب له ضيقاً شديداً ، قريب المغرب قرر أيضاً شراء طعميه فالرجل إشتراكي ولايأكل إلا كما يأكل الفقراء ويتبرع بجزء كبير من مرتبه وإيجار المنزل الذي ورثه عن والده لدعم مشاريع خيريه ، لكنه تفاجأ بأقراص الطعميه ترقد أيضاً هانئة فوق صحيفة الميدان فصرخ صرخة أيقظت أهل الكهف أنفسهم .

خلونا في السؤال المفصلي في البوست يا اخوانا
هل الطعمية اعلاه حلال ؟








_
يحول لهيئة علماء السودان
CC محمد حامد جمعة

اعفي لي يا محمد فرح ( حاشك الهبل ) لكن والله لمن قريت البوست اتذكرت النكتة الحكاها ابوحسين في بوست بدل فاقد :)

Quote: حنكوش في الحرب جاى جاااااري وحضن الضابط وفرحان قال : ظبوطي والله العظيم عضيت واحد علي كتفه عضه قويه امشي ادي كف ولا كده كفايه ؟ بعد شويه جا واحد من العدو للظابط قال ليهو : الله يرضي عليك امسكو الاهبل دا خلونا نركز في الحرب .

_
الله يرضي عليك خلينا نركز في المعارضة :)

Quote: غايتو انا كلما اقرا لواحد كوز واشوف المنطق بتاعو بصل لنتيجة واحدة : البلد مسيرنها شوية ........

يا خدر ياخي امسكو لينا "البابو" دا خلونا نناقش..