بوردابية اتحادية في طريقها للوزارة

ورد هذا الامر في صحف الخرطوم اليوم
تمنياتنا لكي بالتوفيق ..

مبروك ياصديقة

شيخ العوض جمعة مباركة

دي منو دي؟

انشا الله تكون انعام عبد الحفيظ

سلام يا شيخ العوض
لو هي ........ البنعرفه
تبقى مصيبة !!!!
معقول توافق بعد كل الشافتو
و عرفتو وعاشتو !!!؟

الله يستر ياخ ما تكون هي!!!

في طريقها للوزاه هذه قد تفهم بطريقتين

لو انعام عبد الحفيظ البنعرفه بتكون في طريقه للوزاره بتاعت التعليم العالي عشان توثق الشهادات بتاعته
ممكن ياربي

Quote: لو انعام عبد الحفيظ البنعرفه بتكون في طريقه للوزاره بتاعت التعليم العالي عشان توثق الشهادات بتاعته ممكن ياربي

------------

لها الاحترام و التقدير في الحالتين

الف مبرووك منصب صادف اهله

اولاد المسلمي ما تفتوه
بخنقكم الشمار دا
غايتوا نا بسال سميتها

اكيد جزء من الصفقه الخسرانه ارجو منها ان تفكر قبل ان
تتلوث بهذا المنصب الغير تكليفى ولا تشريفى فهو بندق فى بحر
صدقينى

زي ماقال نافع
الداير الوزاره ابقي مؤتمر وطني
وطالما القرار بتاع المشاركه في يدو هو مافي يدو مولانا
معناتا مولانا زااااتو بقي مؤتمر وطني

سلامات الاخ العوض

دي الزولة النزلت الانتخابات وسافرت مليزيا بعد داك


مش كدي مبروك عليها

عليها يسهل علينا يمهل

الى البوردابية التى فى طريقها للوزارة ..
وماهى الا بئر معطلة وقصر مشيد ..
فإن صحت الأخبار فأعلمى ..
سيحدثوك كثيراً عن كونها مشاركة من خلال إتفاق سياسي يهدف نحو التغيير ..
وكثيراً عن تحمل مسؤولية الوطن ..
وعن عدم تركه لهؤلاء يفعلون فيه ما يريدون ..
وأن ذلك تكليف وطنى ..
وتكليف حزبى ..
وأن مولانا لن يرضى الدنية لابناء الحزب ..
وأن دور الشباب قد حان لتقدم الصفوف ..
وأن وأن وأن ..

فخذى منهم ما يقولون وضعيه فى مقابل حقيقتين واضحتين وضوح الظلم فى ربوع الوطن ..


1- هذه صفقة سياسية عقدت مع الشيطان .. فإن خلصت نواياكم فلن تخلص نواياه حتى تطلع الشمس من مغربها

2- أن شروط تولى المسؤولية الكاملة والمبرأة من الوزر الوطنى تحتم العبور عبر الصيغ الاخلاقية والدستورية لتفويض المسؤولية, وان ذلك هو الطريق الوحيد الذى سينجيك من تحمل أوزار الظلم التى حتما ستحيق بجموع المواطنين من اقصى حدود الوطن الى أقصاه .. وتماما وكما كان يحدث وتعلمين ذلك .. وكما ستحدث وتعلمين ذلك .

فطالما أنك ارتضيت المشاركة عبر صيغة غير أخلاقية ومع جهة غير أخلاقية ولا دستورية ولا شرعية كما تعلمين, فأعلمى أيضاً أنك بذلك غير معصومة من تحمل تلك الأوزار الوطنية الفادحة..

..

لحياة افضل للشعب السوداني وحل الازمة الاقتصادية
هذا اسوء تبرير اسمعه لمشاركة جمهورية الجباية التي تسقط جنسية الفقراء
ارجو ان تكون المصلحة الذاتية هي الدافع وان كانت اكبر من ذلك فالتترفع عن هذا الوحل

تحياتي

Quote: 1- هذه صفقة سياسية عقدت مع الشيطان .. فإن خلصت نواياكم فلن تخلص نواياه حتى تطلع الشمس من مغربها 2- أن شروط تولى المسؤولية الكاملة والمبرأة من الوزر الوطنى تحتم العبور عبر الصيغ الاخلاقية والدستورية لتفويض المسؤولية, وان ذلك هو الطريق الوحيد الذى سينجيك من تحمل أوزار الظلم التى حتما ستحيق بجموع المواطنين من اقصى حدود الوطن الى أقصاه .. وتماما وكما كان يحدث وتعلمين ذلك .. وكما ستحدث وتعلمين ذلك . فطالما أنك ارتضيت المشاركة عبر صيغة غير أخلاقية ومع جهة غير أخلاقية ولا دستورية ولا شرعية كما تعلمين, فأعلمى أيضاً أنك بذلك غير معصومة من تحمل تلك الأوزار الوطنية الفادحة..

عجيب امر هولاء الشوايعــة ..
حلال عليهم عقد صفقة سياسية مع الشيطان بموجبها تحكرو فى المجلس الوطنى ورتعو فى سلطة الشيطان
باعضاء فى لجنتهم المركزيــة .
وحين حان اجـل انتهاء اللقاء قالو ( عفنـه )
واليوم يريدون بسط وصايتهم السياسية على الاتحاديين ( لانهم قصــر لا يرشدون )
هل كانت الاخلاق فى اجازة الصيف
هل كانت الدستورية فى اجازة رأس السنه
هل كانت الشرعية فى اجازة حمل ورضاعة

وهل
وهل

ثم هل تم غســل تلك الادران من السدة الشوايعة الذين شاركو فى حكومة الانقاذ وما هو المسحوق الذى تمت به ازالة تلك الادران





__________

اذا كانت الاخت إنعام هى المقصودة او اى كانت فهذا خيارها الشخصى والحزبــى عبر مؤسستها التنظيمية نقول
ربنا يعينها لتقديم ممارســة تليق بشخصها وبحزبهــا ..


العوض سلام ..

كلامك صحيح يا بدرالدين ..
والمشاركه مع الشيطان كانت خطأ من وجهة نظرى ..
مع استحضار طبيعة المشروع السياسي الذى تمت بموجبه المشاركه ..
وكان بمثابة الفرصه الاخيره للسودان ككل لانجاز التحول الديمقراطى ..
وإنتهى ذلك المشروع بكم لانجاز وطن منقوص وبرلمان مخجوج وحروب أهليه فى الجنوب الجديد..

لذلك تحدثت عن التواثق مع الشيطان ..

ثم أين أدبيات الشيطان ذاتو عن الطائفية التى فلقتونا بيها..
الا يستحى ابناء الحركه الاسلاميه(فرع السلطه والاموال)
أن يعافهم حتى الطائفيون فتتسول وتتوسل إليهم بأطفالهم ؟!!
مبروك عليكم المساعدين ..
والحمدلله الذى أذهب عن حزبى الأمة والاتحادى هذا الأذى ..
وكمنحى شخصى أرجو اللا تكون الاخت إنعام عبدالحفيظ هى المقصوده ..

والأهم من كل ذلك ..
وبإستحضار الوضع السياسي الراهن ..
واتجاه كثير من القوى الوطنيه للكفاح المسلح ..
وتنامى هذا الاتجاه جتى داخل قواعد الاحزاب القوميه ..
نستطيع ان نخلص وبسهولة شديدة أنها حكومة حرب ..
وسيراق فى عهدها الدم السودانى ..
وهذا هو الاصطفاف القادم والذى كنتم فيه السبب الرئيسى يا بدرالدين ..
وبالتالى ,,
على كل من يود أن يشارك أن يتحسس ضميره جيدا ..
فالاوزار لن تكون مصادرة حريات الناس والفساد وغياب الصحة الخ ..
الاوزار ستكون دماء تسيل على خارطة نصف الوطن المهترئه أصلا

الشعب عايز يعيش ويرتاح شوية وحقوقه تتحفظ

اي زول ممكن يوفر الحاجة دي مرحب بيه

وانا بفتكر دخول الامة والاتحادي دي خطوة ممتازة
اذا قدروا يثبتوا نفسهم حيفوزوا في الانتخابات القادمة
وهم الى الان المعارضة الوحيدة العليهاالرك



بس عايزين زول يخدمنا وما اكثر

بالتوفيق للاخت دي ونحنا منتظرين الطحين والوفير

ما تبقى مشاركة صورية عاد

يا زميلتنا البوردابية
بعد ما يسلموك الوزارة
عندي ولدي خريج روضة أمريكية من واشنطون نمرة إتنين
و بتكلم عربي و إنجليزى أصل بلادو
أنا ختمي و أمو أنصارية



بفتش في وظيفة مساعد وزير



فشوفنا يعني و حنوا علينا

اتمني ان لا تكون انعام
عبدالحفيظ حتي لا يتساقط
الشرفاء من الاشقاء في بركة
الانقاذ الاسنة باطفال المايقوما
وشهداء كجبار وشهداء 28 رمضان
وشهداء الحركة الطلابية
واطفال دارفور واطفال الجنوب
وضياع حلايب .
واتمني ان لا تكون انعام التي
حاربت الانقاذ من اجل الديمقراطية
شريكة في كل الجرائم التي
ارتكبتها الانقاذ .

لكن يا العوض المسلمي انا ما اتحادية( وجه باسم وضاحك ومقهقه)

هنالك ترشيح لإتحادية إسمها إنعام حسن
ولا ادري هل هي إنعام عبدالحفيظ ام لا .؟؟
عموماً إنعام عبدالحفيظ (اكبر) من أي وزارة
وهي ستكون دعم للوزارة ولن تكون الوزارة دعم لها

Quote: اتمني ان لا تكون انعام عبدالحفيظ حتي لا يتساقط الشرفاء من الاشقاء في بركة الانقاذ الاسنة باطفال المايقوما وشهداء كجبار وشهداء 28 رمضان وشهداء الحركة الطلابية واطفال دارفور واطفال الجنوب وضياع حلايب . واتمني ان لا تكون انعام التي حاربت الانقاذ من اجل الديمقراطية شريكة في كل الجرائم التي ارتكبتها الانقاذ .

إن شاء الله يا يوسف اخوي ما تكون ياها نعومة الحنينة زي البلومة
قلبي واجعني جنس وجع , من سماعي الخبر ده
الله يكضب الشينة
لأنه نعومة ما شبه الربوب ده
وامانة مي حنينة ونضيفة وعفيفة
قلبي معاك يا الحبيبة وامنياتي ربي يعدلها عليك بعيد بعيد من الشبهات دي

Quote: هنالك ترشيح لإتحادية إسمها إنعام حسن

يا أحمد عليك الله جيب المصدر سريييع ياخ

لانو انعامنا هي انعام حسن عبد الحفيظ .

جيب المصدر عشان انعام دى بالتحديد عندنا
معاها كلام لانو هى مننا و فينا.

لا حول الله

Quote: : هنالك ترشيح لإتحادية إسمها إنعام حسن يا أحمد عليك الله جيب المصدر سريييع ياخ لانو انعامنا هي انعام حسن عبد الحفيظ .

سفيان :

Quote: وهل مثلي يُسأل عن مصادر ..؟!!

انشاالله تكون الشقيقة انعام حسن عبد الحفيظ


بس عشان أقشر للعيال و أقول ليهم بعرف وزير




المشكلة حا تقفل الحيطة و تغير التلفون وترحل من بري....


والله تاني الا تشوفوها في النشرة

ههههههههههه

يا قردابي كيف حالك
الرئيس ذاتو سيد الجلد والراس
عندو اهل في شندى فوق
يلا ورينا القدلة الماخمج
ولو تكون في الفاشر عشان نشوفا

يا عالم
يا هو
المرض بيعادي
العافية ما بتعادي
وممارضة المريض تمرض

وداعاً أشقائي وشقيقاتي

نسال الله ان يوفقها ويسدد خطاها


شكرا المسلمي

Quote: يا قردابي كيف حالك الرئيس ذاتو سيد الجلد والراس عندو اهل في شندى فوق

أعمامي و أولاد أعمامي لزم

وأربعة منهم قاعديييين معانا في البورد ده (يسمعو في كلامك)

لكن القشرة بانعام غير

ريده ساكت كده

تعلمت أنه في كثير من الأحيان، خسارة معركة تعلمك كيف تربح الحرب !.
لا يجب أن تقول كل ما تعرف .. ولكن يجب أن تعرف كل ما تقول
***********
ليست الألقاب هي التي تكسب المجد بل الناس من يكسبون الألقاب مجداً ..
تعلمت أن مفتاح الفشل هو محاولة إرضاء كل شخص تعرفه.
********************
إذا ركلك احد من خلفك ، فاعلم أنك في المقدمة
من أحب الله ، رأى كل شيء جميلا .. .
*****
بالتوفيق يا صاحبة المنصب الجديد

فقد عمل سيدنا يوسف عليه السلام فى حكومة عزيز مصر الذى لايدين بديانة يوسف عليه السلام .....

كل الإتحاديات جديرات القيادة والريادة...

نسأل الله لها التوفيق والصلاح... وأن يجعل الخير على قدمها للوزارة...

انعام حسن عبدالحفيظ هي اكبر من اى وزارة الا وزارة في حكومة الانقاذ فهي جريمة لايكبرها الا الكفر بالله ...


اسأل الله الا تكون هي ..

لا حول ولاقوة الا بالله ...

شيخ العوض سلام عليك

اخبارك واخبار اللاهل جميعا

الاخت انعام عبد الحفيظ جديرة بكل المهام التى توكل اليها فهى كغيرها من الكفاءات الاتحادية المشهود لهم الامانة والاخلاص والعمل للوطن فى تفانى وقد شهدت الساحات لنا بذلك .

يعلم الكل ظل الاتحادى فى صفوف المعارضة السلمية سنين عددا لم يتتوق لمناصب او اى مصالح دون مصلحة الوطن فهى دائما فى المقدمة

ويعلم الجميع القيادة الرشيدة تحت قيادة مولانا محمد عثمان المرغنى والمواقف المشرفة فى كل الحكومات العسكرية وفى كل النظم الدكاتورية السابقة .

فالنهج واحد
والسياسة هى واحدة ودائما السودان اولا واخيرا

لك التوفيق يا شقيقة فاينما حللت فانتى دائما فوق همات السحاب تتزينين بالمسئولية والتفانى فى خدمة وطنك وشبعك
وقفك الله وانتى تمثلى اعرق الاحزاب طهرا ونقاء واملنا فى الله كبير ان تكونى خير من يمثل هذا الحزب العريق بمواقفة المشرفة

ومن ينظر للخلف لن يتقدم خطوة الى الامام

والله ومن وراء القصد

مع كل امنياتى للاخوة الاشقاء احترام قرارات الحزب والعمل على وحدتة وتماسكة

يكفينا شتات فانتم ارفع من المصالح الدنيوية الرخصية ........والمبادى دائما سامية وشامخة

وإنتو مستغربين كدا ليه ؟!

أرشيف إنعام عبد الحفيظ فى هذا البورد باهت ولا يعبر عن معارضة حقيقية .

Quote: وإنتو مستغربين كدا ليه ؟! أرشيف إنعام عبد الحفيظ فى هذا البورد باهت ولا يعبر عن معارضة حقيقية .

امونة سلام ,,,,, حتى ولو ما عبرت عن معارضتا بالصورة الإنتي متوقعاها , برضو إنعام ما بتشبه الناس ديل خااااااااااالص
ولو بقت وزيرة في عهدهم , بالجد كتلنا فيها كلنا , اهلها وحبانها وكل معارفها
لأنها زولة نضيـــــــــــــــــفة ومعدنها ناصع , شن بلمها على العفن ده؟
لكن الله غاااااااااااااااالب
ويا نعومة لسه العشم في يمة
نعالي وقولي لا ,, دي ماني انا يا اخوانا , وبردي جوف البريدوك وبتهمهم مصلحتك ,,,

غايتو ان بقت هى
ما كتيرة على ربها،،،

يا الحبان
البوردابيه تم ترشيحها بواسطه حزبها يبقي ما في لوم عليها لو قبلت التكليف

لو عندكم نقد وجهوه لقياده الحزب وراعيه السيد محمد عثمان الميرغني

Quote: يا الحبان البوردابيه تم ترشيحها بواسطه حزبها يبقي ما في لوم عليها لو قبلت التكليف لو عندكم نقد وجهوه لقياده الحزب وراعيه السيد محمد عثمان الميرغني

ماما دوما فى لوم عليها لانها مننا وفينا
نوريها كل العندنا و هى و عقلها بعد داك.

حسب مصادرنا ...
البوردابية هي الأستاذة / رهف

Quote: مع كل امنياتى للاخوة الاشقاء احترام قرارات الحزب والعمل على وحدتة وتماسكة يكفينا شتات فانتم ارفع من المصالح الدنيوية الرخصية ........والمبادى دائما سامية وشامخة

سلام شقيق يوسف ابوسنينة

معقول دا رايك فى الحزب الاتحادى انه يشارك حكومة القتل والتزوير والقصف والاحتراب وقتل المعارضين فى بيوت الاشباح بالتعذيب هل مولانا الذى حاربها 22 عاما نسمع كلامه لا والف لا بل نتبرأ منه اذا شارك النظام وفعلا تبرأنا من ابنه جعفر وسوف يكون الحزب معارضا شرسا والذين تساقطوا سقطوا لوحدهم ويمثلون انفسهم هذا هو رأى الحزب ولا لخرق دستور الحزب
انعام لو قبلت هذا المنصب فالحزب برىء منها ومن مشاركتها

السلام عليكم
حسب معرفتي التامة بالأخت إنعام - ان كانت هي المقصودة- قطعاً لن تقبل
إن كانت هي رهف فأتوقع تماماً رفضها

نعم الإنقاذ وأهلها
رجس من عمل الشيطان

الحليلة

Quote: البوردابية هي الأستاذة / رهف

بررررضو من أندنا

بعد كده مجلس الوزراء دا حا ننقلو شندي عديييل بعد رهف دي


أها بترحل من الحاج يوسف ولا لا؟

Quote: «يقطع دراعي لو كان الشاويش علي عبد الله صالح يعرف كامب ديفيد ست ولاّ راجل»!! هذه العبارة الساخرة قالها الرئيس المصري الأسبق أنور السادات في معرض تعليقه على معارضة الرئيس اليمني علي عبد الله صالح لاتفاقية كامب ديفيد التي وقّعها السادات بين مصر وإسرائيل، وقد تذكّرتها حين قرأتُ في الصحف أن جعفر الميرغني الذي تم تنصيبه مساعداً لرئيس الجمهورية قد قال في أول تصريح صحفي أمام جمع من الصحفيين إنهم: «جاءوا لحل الأوضاع المتأزمة في النيل الأبيض وشمال كردفان»!! لا أحتاج إلى توضيح أن الميرغني الصغير كان يقصد النيل الأزرق وجنوب كردفان حين حوَّل الجنوب شمالاً والأزرق أبيض!! بالله عليكم، أليس من حقي أن أحلف كما فعل السادات وأقول: «يقطع دراعي لو كان جعفر الميرغني يعرف النيل الأزرق ست ولاّ راجل»!! أو: «لو كان جعفر الميرغني يعرف جنوب كردفان تقع في السودان أو بوركينا فاسو»!! أقول ذلك لأن الرجل «قام من نومو لقى كومو» لا لسبب أو مؤهِّلات يتمتع بها سوى أنه ابن الحسيب النسيب!! ابن الميرغني الذي لم يتجاوز الثلاثين من العمر بكثير ربما أجد له بعض العذر فقد كان معظم سني عمره الأخيرة بعيداً عن السودان فضلاً عن أن علاقته بالسياسة لا تختلف كثيراً عن علاقة راعي الضأن بثقافة الأقمار الصناعية وليس له ذنب في أن يوضع في هذا المنصب الرفيع كما يوضع أي كرسي في صالون المنزل لكن بالله عليكم ألم يكن ممكناً أن يُلقَّن الرجل تصريحه الأول حتى لا «يعك» ويرتكب هذه الجليطة التي أرادها الله سبحانه وتعالى ليفضح تخلفنا ويكشف أننا نعيش خارج التاريخ؟! أليس غريباً أن يخطئ ابن الأكرمين في أول تصريح له في ذكر ولايتين وليس ولاية واحدة.. ولا يتين ملأتا الدنيا وشغلتا الناس طوال الأشهر الماضية ولا أظن أن إنساناً معزولاً عن الدنيا يمكن أن يجهل أن الولايتين المأزومتين اللتين شهدتا حرباً كانتا حاضرتين بقوة في وسائط الإعلام بما في ذلك المواقع الإليكترونية السودانية ناهيك عن الصحافة والفضائيات.. لكن هل كان زعيمنا الجديد معنياً بما يجري في السودان؟! إنه ذات المنطق «المدغمس» الذي عُيِّن به رياك قاي نائبًا لرئيس المؤتمر الوطني في تجاهل تام للمرجعية الفكرية مما رأينا عاقبته في اللطمة القوية التي وجهها الرجل فيما بعد لمن وثقوا فيه. من نلوم يا تُرى على هذه المرمطة والإهانة التي يتعرّض لها السودان وشعبُه؟! أنلوم الميرغني الكبير الذي لا يختلف عن ابنه كثيراً من حيث القدرات والمؤهِّلات الشخصية والذي ورث كذلك مجده «الطائفي» أباً عن جد بدون أن يوجِف على ذلك خيلاً ولا ركاباً أم نلوم المؤتمر الوطني الذي لا أتردد في القول إنه يتخبّط بعد أن فقد البوصلة بالرغم من أنه يتحدث عن الجمهورية الثانية بعد أن ألقى عن كاهله الجنوب بكل تشاكسه ومشكلاته وتنازعه حول الهُويَّة عقب خلوص الشمال للإسلام؟! بالله عليكم هل يحتاج المؤتمر الوطني إلى أن يتقوَّى بالميرغني اليوم بعد أن خرجت الحركة الشعبية من اللعبة السياسية في الشمال أم كان يحتاج إليه قديماً حتى يُحدث توازناً مع ما سُمِّي حينها بتحالف جوبا أو قوى الإجماع الوطني؟! أي وزن يضيفه الميرغني اليوم وأي نقص يشكِّله غيابه عن السطة وأهم من ذلك لماذا إحياء الطائفية السياسية من جديد بعد أن أوشكت على أن تلفظ أنفاسها الأخيرة وأين يقع هذا التصرف في إستراتيجية المؤتمر الوطني الذي يرفع شعارات تقدمية يحطُّ من قدرها ويقلِّل من انطلاقها الاستعانة بأصنام القرون البائدة الذين ثارت عليهم قبل أكثر من عقدين من الزمان؟! أعجب أن الرجل الذي اجتهد في سبيل إنجاز هذه الصفقة حتى أنجزها هو بروف إبراهيم أحمد عمر أمين الفكر والثقافة في المؤتمر الوطني والذي أكنّ له احترامًا كبيرًا وأتساءل أي فكر وأي ثقافة أن نُحيي هُبل من جديد ونعيد للطائفية أمجادها وألقها لتقتات مجدداً وتجلس على أعناقنا داخل القصر كما اقتاتت قديماً من قوت آبائنا وهي توزع لهم أمتاراً في الجنة وتسلبهم خيرَي الدنيا والآخرة والدين والدنيا؟! أبعد تحالفه مع قرنق ليحتل همشكوريب ويطفئ نار القرآن في تحدٍّ سافر لذات القرآن الذي يقول: «لا تَجِدُ قَوْمًا يُؤْمِنُونَ بِاللَّهِ وَالْيَوْمِ الآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ ...»؟! إنها الردة والتخبُّط وضياع الهدف وفقدان البوصلة بل إنه ضياع المنهج والإستراتيجية الهادية لتحقيق الغاية التي يُفترض أن الإنقاذ قامت من أجلها لا من أجل أن تجعل الدنيا أكبر همها ومبلغ علمها ثم لتستعين في استكمال النهضة بمن لا يفرق بين الأُبيِّض وكادوقلي والنيل الأزرق والنيل الأبيض رغم أنه زعم أنه جاء لحل مشكلاتهما؟! رغم ذلك فإن ربيعنا العربي لا يصنعه فاروق أبو عيسى الذي يريد أن يعيد إلينا عرمان وعقار والحلو وعبد الواحد محمد نور بعد أن أخرجهم الله من ديارنا وأراحنا من شرورهم.. إن ربيعنا في إيجاد البديل الأفضل من المؤتمر الوطني لا الأسوأ وفي أن ينصلح حال المؤتمر الوطني من داخله قبل أن يضطر الناس إلى إصلاحه من خارجه وكذلك إن ربيعنا العربي في أن نقضي على الطائفية السياسية وعلى المكبِّلات الأخرى التي تعوِّق انطلاقنا نحو تحقيق الغاية والهدف الذي خُلقنا من أجله. ما أتعسنا.. ما أتعسنا حين تكون خياراتنا وبدائلنا بين السيئ والأسوأ لا بين الصالح والأصلح!!

Quote: معقول دا رايك فى الحزب الاتحادى انه يشارك حكومة القتل والتزوير والقصف والاحتراب وقتل المعارضين فى بيوت الاشباح بالتعذيب هل مولانا الذى حاربها 22 عاما نسمع كلامه لا والف لا بل نتبرأ منه اذا شارك النظام وفعلا تبرأنا من ابنه جعفر وسوف يكون الحزب معارضا شرسا والذين تساقطوا سقطوا لوحدهم ويمثلون انفسهم هذا هو رأى الحزب ولا لخرق دستور الحزب انعام لو قبلت هذا المنصب فالحزب برىء منها ومن مشاركتها

الاخت الكريمه انعام بدرالدين تحيه طيبه
هل لك ان تعرضي علينا بيانا صادرا من قياده الحزب الاتحادي الديمقراطي الاصل بان قرارمشاركه جعفر نجل السيد محمد عثمان الميرغني
كانت بصفه شخصيه ولم تكن بترشيح اوتفويض من الحزب ؟؟؟
لانه حينها يكون مفهوم لدينا التبرؤ من هؤلاء الافراد
لكن ان كان القرار قد صدر من قياده الحزب فلا مجال لذلك حسب رائي.

Quote: قياده الحزب وراعيه السيد محمد عثمان الميرغنيí.

يا جماعة أفتوني؟؟؟

ما هو برنامج هذا الحزب... وما دور راعيه في الحركة الوطنية؟

وماذا قدم للسودان؟؟ وأين بذله في الخريطة السودانية السياسية؟

وهل صحيح أن التجهيل والكهنوت هي من أهداف الحزب المعني؟

أسئلة أرجو الإجابة عليها...

ومعقولة ستدور الدوائر .. ليبعث الإتحادي بعاتيا في ########ة السياسة السودانية؟؟؟

حزب أسمه خيانة للسودانوية....

عجبي..

Quote: يا جماعة أفتوني؟؟؟ ما هو برنامج هذا الحزب... وما دور راعيه في الحركة الوطنية؟ وماذا قدم للسودان؟؟ وأين بذله في الخريطة السودانية السياسية؟ وهل صحيح أن التجهيل والكهنوت هي من أهداف الحزب المعني؟ أسئلة أرجو الإجابة عليها... ومعقولة ستدور الدوائر .. ليبعث الإتحادي بعاتيا في ########ة السياسة السودانية؟؟؟ حزب أسمه خيانة للسودانوية....

لا فض فوك يا كمال كرار
الكلام دا مظبوط
كنت عايز اقول كلام اظرط نم كدا ولكن فيه حاجات تانية مانعاني
في احدى لقاءاتنا مع الباقر احمد صاحب جريدة الخرطوم الذي تنصل من سيده
كيلت الشتائم للسيد الميرغني وانه لم يعطي السودان غير انه اخذ من السودان
فقال الباقر هس يا زمراوي ديل سيدي ابو هاشم مافي كلام عليه
واليوم تنصل هو وجلس تحت قبة المؤتمر ويلحقه ابو هاشم ليجد مكانا له من خلال ابنه
لم نستفد منه بيد انه استفاد
انا الفقير الى الله متضرر من هذا الميرغني والاسياد
لدينا مجموعة من النخيل في قرتنا مملوكة للاشراف او الاسياد كما يسمون انفسهم
مملوكة لهم لانه حرام علينا ان نقطف رطبه او نحش سبيطته او حتى التقاط ما تساقط من رطبه
اباءنا واجدادنا رغم محدودية دخلهم كانوا يهبون النخيل لهؤلاء الاشارف او الاسياد كما يسمون انفسهم

آلم أجيبة هالس هالس

Quote: معقول دا رايك فى الحزب الاتحادى انه يشارك حكومة القتل والتزوير والقصف والاحتراب وقتل المعارضين فى بيوت الاشباح بالتعذيب هل مولانا الذى حاربها 22 عاما نسمع كلامه لا والف لا بل نتبرأ منه اذا شارك النظام وفعلا تبرأنا من ابنه جعفر وسوف يكون الحزب معارضا شرسا والذين تساقطوا سقطوا لوحدهم ويمثلون انفسهم هذا هو رأى الحزب ولا لخرق دستور الحزب انعام لو قبلت هذا المنصب فالحزب برىء منها ومن مشاركتها

الاخت الكريمه انعام بدرالدين تحيه طيبه
هل لك ان تعرضي علينا بيانا صادرا من قياده الحزب الاتحادي الديمقراطي الاصل بان قرارمشاركه جعفر نجل السيد محمد عثمان الميرغني
كانت بصفه شخصيه ولم يكن بترشيح اوتفويض من الحزب ؟؟؟
لانه حينها يكون مفهوم لدينا التبرؤ من هؤلاء الافراد
لكن ان كان القرار قد صدر من قياده الحزب فلا مجال لذلك حسب رائي.

Quote: أرشيف إنعام عبد الحفيظ فى هذا البورد باهت ولا يعبر عن معارضة حقيقية .

ناس التفتيش جوكم

يا جماعة ما تخلوا الزولة تقرر عن نفسها او عن حزبها , لانها بالتاكيد مهما كان قرارها قبولا او رفضا فله تقديرات تخصها هى وحزبها
وحتى لو قبلت المنصب قد لا تكون اتت بسابقة فالكل قد سبقها هرولة نحو الانقاذ (احزاب طائفية وتقدمية ) وكانت لهم مبرراتهم
التى لم تقنع احد غيرهم ولكنهم استمروا , وفى راى ان تسالوا الزميل عمر عثمان عن تجربة الاتحاديين مع الانقاذ لماذا دخلوا
ولماذا خرجوا ولماذا يدخلون مرة اخرى

Quote: يا الحبان البوردابيه تم ترشيحها بواسطه حزبها يبقي ما في لوم عليها لو قبلت التكليف لو عندكم نقد وجهوه لقياده الحزب وراعيه السيد محمد عثمان الميرغني

والله يا معارضين حيرتونا ..

يعنى كيف مافى لوم عليها ؟!

أليست إنسانة عاقلة ، وهل كونها عضوة فى حزب ـ يعنى تبعيتها الكلية لقرارات قيادتها الخرقاء !!

Quote: Quote: يا الحبان البوردابيه تم ترشيحها بواسطه حزبها يبقي ما في لوم عليها لو قبلت التكليف لو عندكم نقد وجهوه لقياده الحزب وراعيه السيد محمد عثمان الميرغني والله يا معارضين حيرتونا .. يعنى كيف مافى لوم عليها ؟! أليست إنسانة عاقلة ، وهل كونها عضوة فى حزب ـ يعنى تبعيتها الكلية لقرارات قيادتها الخرقاء !!

------------

يا ماما دوما

قطعاً كل زول مسئول من تصرفو ..
غيرها رفض المشاركة بما فيهم ابن مولانا همسلف!
ما ترفض .. و تخلي الحزب عدييييل .. المافي شنو!؟

أتمني لك التوفيق..........فأنت إنسانة بحق

انتوا ناس شفقانين
لللان الزوله دي ما ادلت بقبول هذا الترشيح
ماتدوها فرصه تقرر بنفسها لماذا يكون قرارها تحت ضغط منكم ؟؟؟؟
انتظروا قرارها بعد داك حاكموها .
اي نقد في الوقت الراهن مفروض يوجه لقياده الحزب فهي التي قبلت بفتات الموائد
وهي التي دفعت بهؤلاءالمرشحين كباش فداء لقرارها الذي لم يرض غالبيه جماهير حزبها

Quote: أليست إنسانة عاقلة ، وهل كونها عضوة فى حزب ـ يعنى تبعيتها الكلية لقرارات قيادتها الخرقاء !!

يا امونه بما انها عاقله وراشده اذن لا يجب فرض الوصايه عليها بل لها كامل الحريه في اتخاذ قرارها.

لا يجب ان نتوقع تطابق كل رؤي الاحزاب السياسيه وبرامجهم فمرشح الحزب يتبع قرار حزبه ان راي هو صحته وقد لا تتطابق مع رؤيه حزب اخر .

يمكننا نقد الحزب لكني اختلف معكم في محاكمه الافراد لانهم ينفذون برنامج حزبهم .
الحساب الفردي دا بيكون عند ارتكاب هذا المرشح جرم بعد توليه لمهام منصبه .

مثلا حزب الخضر ضد الطاقه النوويه ويري ضروره توقيف كل منشآت الطاقه النوويه لانتاح الكهرباء واستبدالها بطرق اخري
بينما يري حزب FDP
وممكن نصفه بحزب راس المال متل حزب ولاد سيدي ديل

ضروره الاستمرار في انتاج الكهرباء من الطاقه النوويه
وتم ترشيح وزير من بين صفوفه لتولي مهام وزاره الطاقه وسيقوم بانشاء المزيد من محطات الطاقه النوويه
هل سيرفض مرشح الحزب بتاع الاف دي بي الترشيح لانه ناس حزب الخضر ضد هذا المشروع ؟؟؟؟؟
هل لحزب الخضر الحق ان يرفض ترشيح هذا الوزير وان يحاكمه كفرد؟؟

Quote: يا ماما دوما قطعاً كل زول مسئول من تصرفو .. غيرها رفض المشاركة بما فيهم ابن مولانا همسلف! ما ترفض .. و تخلي الحزب عدييييل .. المافي شنو!؟

ايوه دا كله في يا قيقا بس يكون بيدها هي وبقرارها هي
ما بقرارنا نحن ولا تحت ضغطنا عليها
لما لا نتركها تقرر لوحدها ؟؟؟؟؟
ويكون شرف الرفض لها وحدها بدلا عن ان نتقاسمه معها .

الجوطة فوق كم ؟؟!! الناس الشاركوا في الحكومة دي من أعتي قيادات المعارضة من أقصي اليسار لأقصي اليمين ليه ما قلتو عنهم بِغم ؟؟!! .. الجبهات المسلحة من أقصي جبهة الشرق لأقصي الغرب دخلوا القصر وقبضوا مرتبات ومخصصات مالكم ساكتين عليهم ؟؟!! .. جون قرنق الكبير ذاته جاء نائب للبشير زاتو وبعده سلفاكير ظل متحكر ستة ستة في القصر لغاية ما قطَّع ليكم الحركة الشعبية فوق راسكم ليه ما قلتوا ليهو تلت التلاتة كم؟؟ هسه بس فلاحتكم في ديل؟؟ الناس عاوزة تخش القصر بسفك الدماء ويسفكون كل يوم مزيداً من الدماء للتفاوض علي أرفع المناصب، لماذا لا تنتقدوهم ولماذا تعملوا منهم نايمين حين يدخلون القصر؟؟ .. فكونا كده بلا دجل معاكم .. أي واحد فيكم عايش في آخر دنيا أو خليج وضامن معايشه وشغال يكورك داير يسقط الحكومة بالريموت !!!.. لا بقي راجل مشي شال السلاح مع الرجال ولا دخل البلد قاد المظاهرات لإسقاط النظام .. والواحد ساعة يجي داخل البلد يدخل زي الضل الدخل العيش بلا كشكيش .. يدخل بصمة خشمه ويمرق غُمُتِّى .. ويرجع محل ترطيبته تاني للجعجعة ونضال الانترنت !!!..
سواء كانت المرشحة للوزارة مرأة واللا راجل بوردابية أو غير بوردابية فإن دخول الحكومة المغضوب عليها من أدعياء النضال يعتبر مجازفة وتضحية من أجل البلد .. وعملية فدائية من أجل البلد .. فمن هو ذلك الإنسان الذي يرتضي هجوم الناس عليه بلا هواده ودخوله في وزارة سودانية؟؟ فهل الوزارة في السودان مكسب ؟؟ والله بل مسئولية جسيمة لا يتقدم لها إلاّ مجازف بنفسه إن كان ينوي إصلاحاً ..
فأن توقد شمعة خيرٌ ألف مرة من أن تلعن الظلام .. وخاصة عندما تكون إنت ضارب الترطيبة وأنوارك مولعة في بلاد برَّة ..

يا جماعة بطلو الحسادة!
أتمنى لها التوفيق

Quote: ايوه دا كله في يا قيقا بس يكون بيدها هي وبقرارها هي ما بقرارنا نحن ولا تحت ضغطنا عليها لما لا نتركها تقرر لوحدها ؟؟؟؟؟ ويكون شرف الرفض لها وحدها بدلا عن ان نتقاسمه معها .

في دي متفقين .. ما عدا حتة الضغط دي
ممارسة الضغط دا يحسب في باب العمل السياسي ذااتو
لكن حتماً مصادرة حق اي زول في التقرير دا ما سياسة و لا حاجة!
مش ح تتحمل المسئولية؟
يبقى الغاغة فوق كم!؟


و لما قلنا كدا قالوا لينا امرقوا من البلد!









------

انا شايف غايتو حاج العوض اتلوم في التلغيز دا
ياخ المسألة ما مسألة كسب صحفي او بوردي ياخ!

افصح عن الاسم و خلي الكلام يبقى مباشر
او بء بذنب الناس الاتعرضت للاساءة هنا دي!!

نقاش طيب ومفيد رغم شتارة امنة مختار وعدم وجود اي معيار لديها ..

Quote: الجوطة فوق كم ؟؟!! الناس الشاركوا في الحكومة دي من أعتي قيادات المعارضة من أقصي اليسار لأقصي اليمين ليه ما قلتو عنهم بِغم ؟؟!! .. الجبهات المسلحة من أقصي جبهة الشرق لأقصي الغرب دخلوا القصر وقبضوا مرتبات ومخصصات مالكم ساكتين عليهم ؟؟!! .. جون قرنق الكبير ذاته جاء نائب للبشير زاتو وبعده سلفاكير ظل متحكر ستة ستة في القصر لغاية ما قطَّع ليكم الحركة الشعبية فوق راسكم ليه ما قلتوا ليهو تلت التلاتة كم؟؟

كلام شحمان يا منير
بس اليقول البغلة في الإبريق منو ..؟!!
والله كلامك ده لحدي ما يتأرشف البوست ده ما في زول حيقرب ليه
اها خلينا مرة مرة اجي ارفع كلامك ده
ونبقى في (إنتظار جودو)

سلامات اخونا منير و واخونا احمد موسي
تحيات طيبة وبعد ...

Quote: Quote: الجوطة فوق كم ؟؟!! الناس الشاركوا في الحكومة دي من أعتي قيادات المعارضة من أقصي اليسار لأقصي اليمين ليه ما قلتو عنهم بِغم ؟؟!! .. الجبهات المسلحة من أقصي جبهة الشرق لأقصي الغرب دخلوا القصر وقبضوا مرتبات ومخصصات مالكم ساكتين عليهم ؟؟!! .. جون قرنق الكبير ذاته جاء نائب للبشير زاتو وبعده سلفاكير ظل متحكر ستة ستة في القصر لغاية ما قطَّع ليكم الحركة الشعبية فوق راسكم ليه ما قلتوا ليهو تلت التلاتة كم؟؟ كلام شحمان يا منير بس اليقول البغلة في الإبريق منو ..؟!! والله كلامك ده لحدي ما يتأرشف البوست ده ما في زول حيقرب ليه اها خلينا مرة مرة اجي ارفع كلامك ده ونبقى في (إنتظار جودو)

بشكل شخصي أنا دا (سفيان بشير نابرى) قلته (ام بغم) و قلته (البغلة في الابريق) و ما سكته لا لا مشيت
اكتر من كدا و وصلته رآي دا للشاركوا عديييل كدا قدام عينهم قلتوا ليهم شفاهي ومكتوب ومعاي ناس كتار جداً داخل المنبر دا .
و المنبر دا عندو ارشيف الناس ممكن ترجع ليهو .

طبعاً كان ممكن ما ارد للموضوع نهائي زي ما ناس كتار هنا عارفه حقائق مواقفها و رفضها و معرضته لكني فضلته الرد حتي لأ يظن احد أن متقولانه صحيح .
و إذا اردتما الحقائق الارشيف موجود ابتداءً من رفضنا لثنائية نيفاشا ذات نفسها لحدي رفضنا لآتفاق القاهرة كاملاً و رفضنا لتمثيل القوى السياسية المعارضة داخل البرلمان و جمعنا توقيعات بهذا الرفض و توصيلها لرئيس كتلة برلماني المعارضة (الأستاذ فاروق أبو عيسي) .

يا منير و يا أحمد لا مزايده في حقوق جماهير الشعب السوداني كما أننا لا نزايد أيضاً في موقفنا من قوانا السياسية و حراكها اليومي أو الموسمي .
فأتمنى عليكم أن تتبينوا الحقائق و من بعد مرحباً بالنقاش .

لكم شكري.

Quote: بشكل شخصي أنا دا (سفيان بشير نابرى) قلته (ام بغم) و قلته (البغلة في الابريق) و ما سكته لا لا مشيت اكتر من كدا و وصلته رآي دا للشاركوا عديييل كدا قدام عينهم قلتوا ليهم شفاهي ومكتوب ومعاي ناس كتار جداً داخل المنبر دا . و المنبر دا عندو ارشيف الناس ممكن ترجع ليهو . طبعاً كان ممكن ما ارد للموضوع نهائي زي ما ناس كتار هنا عارفه حقائق مواقفها و رفضها و معرضته لكني فضلته الرد حتي لأ يظن احد أن متقولانه صحيح . و إذا اردتما الحقائق الارشيف موجود ابتداءً من رفضنا لثنائية نيفاشا ذات نفسها لحدي رفضنا لآتفاق القاهرة كاملاً و رفضنا لتمثيل القوى السياسية المعارضة داخل البرلمان و جمعنا توقيعات بهذا الرفض و توصيلها لرئيس كتلة برلماني المعارضة (الأستاذ فاروق أبو عيسي) . يا منير و يا أحمد لا مزايده في حقوق جماهير الشعب السوداني كما أننا لا نزايد أيضاً في موقفنا من قوانا السياسية و حراكها اليومي أو الموسمي . فأتمنى عليكم أن تتبينوا الحقائق و من بعد مرحباً بالنقاش . لكم شكري.

مية مية يا سفيان

و بشكل شخصي انا دا برضو رفضت كل اشكال المشاركة .. و علاقة الزبائنية مع نظام الطغمة
بما فيها الانتخابات المخجوجة

ليه الحجر على اي زول في ابداء وجهة نظرو يا شباب!؟
ليه الضيق بالآخر دا!؟










------

بس بالله بدون تخوين ياخ!
حيرتونا ذاتو!

أحمد موسي ..

Quote: كلام شحمان يا منير

هذا الكلام مصاب بنحافه مرضيه نتيجه لفقدان شهية تأريخى وقراءة مسطحه..
وكان انت كان منير ..
وأعرف تطابق خطواتكما الفكريه التى تمشيانها فى هذا الاسفير ..
تحتاجان لشمول الرؤية الذى يعوزكما ..
وده بداية كلام ..
ونواصل فيه بذات الود الذى تعلم ..

واحترامى لكليكما ..

مرحباً بها

شقى الحال يقع فى القيد ...

قالو ( كلام صحافة ) الموضوع دا عديل متجه صوب وزارة الشباب والرياضة الاتحادية
بلغة اخرى يا بدر الدين من اليوم ارعى بقيدك ...

بعد أن طارت الطيور بأرزاقها(قصدي الصقور)....
متى نرى انعام ورهف في هذا البوست؟؟؟

ليحكو لنا عن تجربتهم في الوزارة
وزير ليوم واحد

غايتو الله حلاني من توب القسم


ههههههههههههه

ياحاج أنا شلت البرنجية
مصادرك دي اعد فيها النظر ياحاج


زين العابدين

Quote: بعد أن طارت الطيور بأرزاقها(قصدي الصقور).... متى نرى انعام ورهف في هذا البوست؟؟؟ ليحكو لنا عن تجربتهم في الوزارة وزير ليوم واحد

Quote: ياحاج أنا شلت البرنجية مصادرك دي اعد فيها النظر ياحاج

ورد في صحف اليوم ان تعيينات الاقاليم لم تكتمل بعد ,,ومازال اسم البوردابية وارد في الترشيحات ..
والشكر كله للذين مروا من هنا مؤيدين او معارضين للفكرة ,,.

Quote: ومازال اسم البوردابية وارد

ما أضيق العيش لولا فسحة الأمل....

غايتو أقاليم معاكم لحدي شندي
بعد داك الله معاها

أعتقد الحاجات الاقليمية دي مافيها قسم وكده...
يعني برضو الله ريحني من التوب بتاع القسم