Post: #1
Title: حديث السجم والرماد المركز والهامش مرة اخرى .. بعد عمايل السادة طبعا
Author: أحمد ابن عوف
Date: 11-30-2011, 02:31 PM
تاااااني ح نرجع لسيرة الجن المركز والهامش
وتاااالت ورابع ح تطاقش الكيبوردات عن ناس المركز (المعارضة) طبخوها مع ناس (المركز) بتعيين الحكومة
ولا عزاء للهامش في تشكيلة الحاكمين
اقول قولي
ابتداءا، والله يا جلابة قدر ما قاعد افتش ليكم في مراقة ما لاقي، علمتوها شينة، يعني حسع نقول لاهلنا
في النيل الازرق وجنوب كردفان ودارفور وبورتسودان وكجبار شنو؟؟
خلاص معارضة مافي؟؟ الخرطوم القت سلاحها الاخير!! وشوفوا دبار راسكم براكم، وما عندكم غير ال AK47 تتفاهموا بيهو (معانا)
حقيقي كده يا جماعة، هل فعلا خاف الحزبين الكبيريين من انتصار الهامش بسلاحه ودخولهم الخرطوم عنوة؟؟
هل حقيقة خشت المعارضة الشمالية من سقوط الدولة في ايدي الثوار وتوقع ما لا يحمد عقباه او كما يصور لهم اعلام النظام؟؟
هل ما حدث فعلا من اتفاق انقاذي اتحادي امة، هو تعبير عن وحدة وتكتل عروبواسلامي ضد الهامش الزنجي؟؟
|
Post: #2
Title: Re: حديث السجم والرماد المركز والهامش مرة اخرى .. بعد عمايل السادة طبع
Author: محمد البشرى الخضر
Date: 11-30-2011, 06:00 PM
Parent: #1
| Quote: ابتداءا، والله يا جلابة قدر ما قاعد افتش ليكم في مراقة ما لاقي |
وما ح تلقى يا احمد
ما شايف محمد سليمان مبسوط كيف ويقرقر
ناس كاودا باضت ليهم في قفص - و الكيزان برضك
|
Post: #3
Title: Re: حديث السجم والرماد المركز والهامش مرة اخرى .. بعد عمايل السادة طبع
Author: أحمد ابن عوف
Date: 11-30-2011, 06:16 PM
Parent: #2
الاخ محمد البشرى
تحياتي
Quote: وما ح تلقى يا احمد
ما شايف محمد سليمان مبسوط كيف ويقرقر
ناس كاودا باضت ليهم في قفص - و الكيزان برضك |
دا فرز كيمان عديييل يا محمد، واحنا مساكين الجلابة ديل دايرين يخمونا ليك ساكت ويطلعونا من المعادلة
بتاعت المعركة القادمة (تعسا لهم ان ظن النظام ان الحرب انتهت)
ما حدث اكبر من نستوعبه بين يوم وليله، ما حدث هو قلب في موازين القوى بطول الساحة السياسية السودانية وعرضها
|
|