Post: #1
Title: (زنقــة) في بيت الفنــون ..
Author: tmbis
Date: 11-30-2011, 09:49 AM
Parent: #0
انطباعاتي .. عن زيارتي للسودان ..
رحلتي إلى السودان بالصور ..
هكذا وجدت السودان بعد خرطمية سنة ..
وإلخ ..
|
Post: #2
Title: Re: (زنقــة) في بيت الفنــون ..
Author: سفيان بشير نابرى
Date: 11-30-2011, 10:22 AM
Parent: #1
وشنو الجديد !!!!
يا مواطن .. سلام
نشوف (نشاطك) كان و ين و نديك
بالحته الفيها الحديده .
ـــــــــــــــــــــــــــــــــــــ
غايتو لو ما لقيت كولا نص عمرك ضائع
ياخ دا بقى معلم كبير فى المزيكا
و احتمال ما يسلم عليك .
|
Post: #3
Title: Re: (زنقــة) في بيت الفنــون ..
Author: محمد سنى دفع الله
Date: 11-30-2011, 10:38 AM
Parent: #2
تمبس الف حمدالله على السلامة
منتظرين الحكي والونسة البهيجة
والذكريات صادقة وجميلة
ومنتظرين ودا بمبرنا
مودتي ومحبتي
والاهم الـــصــــور !!
|
Post: #7
Title: Re: (زنقــة) في بيت الفنــون ..
Author: tmbis
Date: 11-30-2011, 11:02 AM
Parent: #3
Quote: ومنتظرين ودا بمبرنا
مودتي ومحبتي
والاهم الـــصــــور !! |
استاذنا السني ..
يديك الصحة والعافية ياخ إنت والاسرة ..
اكيد في صور ..
وعلى طاري الصور .. وجدت خبر عن عرس الزين في أحدى المجلات الصادرة باللغة الانجليزية .. بي صورة جميلة جدا .. وفيها تعليق على العمل الكلام دا في واحد من المراكز المهتمة بالفنون والاعمال الادبية .. على غباي .. نسيت اشيل معاي المجلة .. لكن ابشرك الكلام المكتوب جميل جدا .. لدرجة إني حسيت كاني كنت شغال معاكم ..
|
Post: #4
Title: Re: (زنقــة) في بيت الفنــون ..
Author: tmbis
Date: 11-30-2011, 10:41 AM
Parent: #2
كل العناوين التي في الاعلى .. غالبا ما تستفز متصفح النت ... ومتصفح منبر سودانيزاونلاين الوطن الافتراضي .. وأنا بري منها تماما..
وتحاك العناوين بشكل مستفز .. وجاذب ويحللها المحلالاتية .. وعمال الاحصاء .. في منبر سودانيزاونلاين ليقيموا بها الوضع .. كما يحلو لهم ..
كنت من ضمن الذين يتبعون هذا المنهج الفلسفي العميق جدا ..
لكن
لا زلت اكرر .. وبقناعاتي الشخصية .. أن هذا الواقع الافتراضي لا يمت بي اي صلة .. إلى الواقع المعاش ..
..
عبارات كبار كبـار تستخدم في هذا الواقع .. تصدر من بعضهم .. لا يهضمها سائق الركشــة في إحدى ممرات حواري امدرمان ..
جمل مكتوبة في البانر اعلى الموقع .. عن ماكينات سحق وجلخ ما انزل الله بها من سلطان .. ورحلات سفر رخيصة وشقق تمليك .. وابراج سكنية .. لا ترد على خاطر اي من الغلابة الذين وجدتهم .. ما زالو يصلون على سيدنا النبي ويمدحونـه .. ويشكرون الله الخالق الباري المصور .. ويشجعون الهلال .. ويهتفون لسقوط الوالي ..
الوالي هو بالطبع جمال الوالي .. بتاع المريخ .. 
كما اخص بالذكر هنـا ..
تلك (الأم) التي ابكتني .. وانا في احدى احياء الخرطوم الراقيـة بمحالها التجارية .. ومطاعمها التي يذخـر منيو الطعام فيها باكلات لا تستطيع ان تمر فيها دون أن تتحسس عملتك الصعبـة .. وذلك لصعوبة اسعارهـا
ابكتني تلك الأم وهي تعرض علي ما تحمله في مخلايـة .. من شطـة وويكـة .. وبخـــور للتيمان .. لتقاوم بهم الفقـر ومد الايد ..
وقد اخبرتني في اعتزاز أن الشحدة ومـد الايد في عرفهـا عيب قبل أن تدخل لي في مزالق السياسة .. والمحرمات ..
|
Post: #5
Title: Re: (زنقــة) في بيت الفنــون ..
Author: مدثر صديق
Date: 11-30-2011, 10:55 AM
Parent: #4
سلام تمبس
((هذا الواقع الافتراضي لا يمت بي اي صلة .. إلى الواقع المعاش ..))
|
Post: #9
Title: Re: (زنقــة) في بيت الفنــون ..
Author: tmbis
Date: 11-30-2011, 11:15 AM
Parent: #5
| Quote: ((هذا الواقع الافتراضي لا يمت بي اي صلة .. إلى الواقع المعاش ..)) |
مدثر .. كيفنك ..؟
طبعا كلامي دا انا مالي منو يدي مليان شديد .. والجماعة بتاعين عاجل .. والحقوني .. وقوائم وكشوفات وتوقيعات ديل .. ما شغال ليك بيهم الشغلة ,.
بل اديك فوق لذلك من نغمات وازيدك من الشعر بيت بي تلاتة طوابق ..
المهتمين بالمواقع الالكترونية دي ناس بالعدد .. بعدد الاصبع الواحد .. ويمكن أن يتم حصرهم في مناطق محددة .. وجميعهم ليست لهم الارادة التنفيذية للقيام بأمور معينة ..
شارع النيل فيه عدد وافر جدا من الطليعة المثقفة .. والشباب الذين يتعاطون الانترنت لساعات طوال ... ويجلسون في شارع النيل لفترات زمنية طويلة جدا .. لتمشية امورهم الاعتيادية ..
بمسح سريع .. عدد الاجهزة في شارع النيل .. بعدد الاصابع .. وإن وجدت على قلتها فهي تستخدم لتصفح المواقع الأخرى ..
الذين لهم علاقة بالانترنت .. قوية ووثيقة هم كل من يعمل في مكان وظيفي جيد .. أو على الاقل ياكل وجباته في مطعم لذيذ .. وسلوتير ..
ادهشني .. احدهم ونحن في مطعم (صاج السمك) في شارع واحد واربعين .. ومعاي جنابو عمر عثمان النفاي .. وفيصل الرشيد الأمنجي ووهبـه الجقروتـه .. وزميلة البورد داليـا ..
ادهشني الرجـل بعدما سلم علينا من بعيد .. وخصاني بالتحية .. وقالي معجب .. وقد قالها بي صوت عالي جدا ..  .. مما اتاح لي فرصة كبيرة جدا إني احاضر الأخوان الحضور عن عيوب ومحاسن ومتاعب الشهـرة في الوقت الراهـــن .
|
Post: #6
Title: Re: (زنقــة) في بيت الفنــون ..
Author: tmbis
Date: 11-30-2011, 10:56 AM
Parent: #2
Quote: يا مواطن .. سلام
نشوف (نشاطك) كان و ين و نديك
بالحته الفيها الحديده . |
حديدة شنو يا سيكا ياخ .. كلامك دا قولو لي زول ما عندو حديدة ..
ياخ انا لفيت كل المناطق الافتراضية .. أول ما جيت لاقيت طلال عفيفي في السيدة حليوة ..
وحكي لي قصة خلاني (افتفت) من الضحك ..
قالي :
حكى ليهو واحد من الاصدقــاء عن شكلة .. فيها (بلنجـة) شديدة جدا كانت مدورة جوه الحافلة ..
وقع على اثرهـا .. نفرين .. وتموهـا تحت في الوااطـة .. راجل لي راجــل على نظام طالعني الواااطــة ..
المهم
الشباب الاتنين ديل .. واحد فيهم جنوبي من دولة الجنوب الشقيقة .. والتاني اثيوبي من دولة اثيوبيـا الشقيقة برضو ..
الحبشي قالي .. مقبقب ليك الجنوبي من فنلتو .. وشي عض .. وكواريك ..
قام آخر حاجة قاليهو:
إنت قاعد تعمل شنو لحدت الآن ما مشيت .. ؟ ..
..
كولا بتاع حديدتك يا سفيان ..؟
ياخ كولا دا .. زهرة ادتو الرقم بتاعي . وقاليها حسسع دي بتصل علي الخبير الاجنبي دا .. والله لحدت الان ما اتصل .. شكلو كبرت معاهو شديد جدا .. جدا ..
إنت كنت غاطس ووين كمان ..؟
لا عقد جلاد تجيبك .. لا بيت فنون .. ؟
|
Post: #8
Title: Re: (زنقــة) في بيت الفنــون ..
Author: طلحة عبدالله
Date: 11-30-2011, 11:06 AM
Parent: #6
Quote: ويشجعون الهلال .. ويهتفون لسقوط الوالي ..
|
خلا جئنا للحركات الما كويسة ..؟
|
Post: #10
Title: Re: (زنقــة) في بيت الفنــون ..
Author: tmbis
Date: 11-30-2011, 11:21 AM
Parent: #8
| Quote: خلا جئنا للحركات الما كويسة ..؟ |
عليك الله عاين زي الافتراضي دا ..
|
Post: #11
Title: Re: (زنقــة) في بيت الفنــون ..
Author: داليا الكباشى
Date: 11-30-2011, 11:32 AM
Parent: #10
| Quote: احدهم ونحن في مطعم (صاج السمك) في شارع واحد واربعين .. ومعاي جنابو عمر عثمان النفاي .. وفيصل الرشيد الأمنجي ووهبـه الجقروتـه .. وزميلة البورد داليـا .. |
أنا اليوم داك بالذات كنتا عند ناس أمي .. وعندي شهوود كمان .. عبدو بتاع الدوكان ..
وخالتو بدور البتبيع التياب بالاقساط .. وعاصم كباشي الأمنجي ..
ولا كنتا معااااكون ولا شي ..
جابت ليها مرقات مع الامنجيه كمان
يا زميل البورد .. ممكن أعمل معاك (شيرينق) في البوست داا
|
Post: #15
Title: Re: (زنقــة) في بيت الفنــون ..
Author: tmbis
Date: 11-30-2011, 12:03 PM
Parent: #11
| Quote: وخالتو بدور البتبيع التياب بالاقساط .. وعاصم كباشي الأمنجي .. |
طيب مالك نسيتي فاطنـة الانقاذ بتاعت الفسيخ .. والزولة بتاعت رز الوابـل يا تحرق رزها يا يودوها بيت ابوهـا ..؟؟ 
..
طبعا ذمتك لستك زي زوجك .. على الاقل كان تشيري للزول التاني الكورك لي داك .. لما كانت معانا صفاء .. بعد وجبة الفول والفسيخ .. ولو كترتيها جنابو عمر عادي جدا ممكن ينفي كلامك دا لانو سمع الراجل بي اضانو بيكورك لي
أعملي شيرنق .. لكن كمان ما تعملي الحالة واحدة ..
..
ملحوظــة:
1- خلي اللاب توب في البيت وما تشيليهو معاك الشغل .. يعني تاني الواحد يجب ليهو لاب توب براهووو.؟
2- اجيب عيش وشنو وشنو وأنا جاي ..؟
أشكرك على المرور ،، تحياتي لك ولزوجك ..
|
Post: #12
Title: Re: (زنقــة) في بيت الفنــون ..
Author: tmbis
Date: 11-30-2011, 11:35 AM
Parent: #10
فات علي أن اشير إلى (الزنقـة) التي في العنوان اعــلاه ..
وهي ما تم استحداثه مؤخراً من مصطلحات .. لتمشيت الحـال .. يتداولها قاع المدينة بمفرداته الجميلـة لسرعان ما تتحول إلى عملة متداولة .. يرددها (المتغرضمين) في استحياء بينهم .. بينما يفاخر بها .. اولاد السوق (الاصليين) وهم الذين يصنعون القرارات .. والمفردات الوديعة .. التي تسهل عليهم حياتهم .. وبها بعد تشكيلي عميق جدا .. ويضربون بما تبقى عرض وطول الحائط اي كان امتداده .
..
عليــه :
فقد تم اعتماد مفردة (زنقـة) عوضا عن (كتمـــة) وهي دالة على الحفلة الكاربـة جدا التي يستخرج فيها آخر الحركات التعبيرية .. وآخـر الجلكسات .. والموسيقى العجيبة ..
غير أن ..
زنقـة بيت الفنون التي (كتمناهـا) كانت زنقـة حقيبة .. وأخرى للجميل مصطفى السني
|
Post: #14
Title: Re: (زنقــة) في بيت الفنــون ..
Author: mahmed alhassan
Date: 11-30-2011, 11:52 AM
Parent: #12
الاخ علاء
حمــدا لله علي السلامــة عساك وجدت الاهل بخير
تسجيل حضــور ومتابعــة
|
Post: #16
Title: Re: (زنقــة) في بيت الفنــون ..
Author: tmbis
Date: 11-30-2011, 12:10 PM
Parent: #14
Quote: الاخ علاء
حمــدا لله علي السلامــة عساك وجدت الاهل بخير
تسجيل حضــور ومتابعــة |
سلامات يا محمد الحسن .. وأرجو أن تكونو بخير ..
كل الاهل بصحة جيدة .. والحمد لله .. كنا محتاجين نغير نفسيات بس .. بالرغم من انو الزيارة صغيرة جدا وممحوقة ولا كنا حارينها إلا انها ادتنا مساحة كويسة الواحد كان محتاج ليها .. في ظل الزحمة الكان ماري بيها ..
مرحب بحضورك وشرفتني
|
Post: #13
Title: Re: (زنقــة) في بيت الفنــون ..
Author: فدياس نجم الدين
Date: 11-30-2011, 11:39 AM
Parent: #8
كده يا تامبا تزوغ بالساعه
ما عافي ليك كلو كلو
الاي فون وقلت حجزوه
اها الساعه الانيقه الاتفقنا تديها اخوك عند مغادرتك
تشرد بيها
غايتو يا المغتربين تاكلوا سمكنا وتزوغوا بساعاتنا
|
Post: #17
Title: Re: (زنقــة) في بيت الفنــون ..
Author: tmbis
Date: 11-30-2011, 12:18 PM
Parent: #13
Quote: كده يا تامبا تزوغ بالساعه
ما عافي ليك كلو كلو
الاي فون وقلت حجزوه
اها الساعه الانيقه الاتفقنا تديها اخوك عند مغادرتك
تشرد بيها
غايتو يا المغتربين تاكلوا سمكنا وتزوغوا بساعاتنا |
.. والله يا فدياس بتضيعو حقوقكم سااكت ..
بعدين بي صراحة كدا .. الساعة دي انا في مشيتي دي بعتها لي خمسة انفـار .. وجيت راجع بيها السعودية تاااني ..
عليك الله إنت قايلني من المغتربين البكونو ما عارفين المية جنيه فيها كم الف جنيه ..
لكن اقوليك حاجة ..؟
كدي رسل لي خمسمية دولار وبوصف ليك الساعة ختيته ووين وتمشي تستلمه طوالي
|
Post: #20
Title: Re: (زنقــة) في بيت الفنــون ..
Author: فدياس نجم الدين
Date: 11-30-2011, 12:31 PM
Parent: #17
خمسمائه دولار؟ ليه اصلها ساعه بن تن التمت الين
الترجمه في كرتون نيتوورك
|
Post: #38
Title: Re: (زنقــة) في بيت الفنــون ..
Author: tmbis
Date: 12-03-2011, 06:52 AM
Parent: #20
| Quote: خمسمائه دولار؟ ليه اصلها ساعه بن تن التمت الين |
بالمناسبة يا فدياس ..
الفلبيني بتاع وكالة السفر المعانا هنا في المكتب دفع فيها سبعمية وخمسين دولار .. وقال مستعد يدفع دم قلبو ..
واحد من الشباب في مطعم باريستا في الخرطوم .. دخل مفاوضات جادة جدا ..
حسع إنت آخر حاجة بتدفع كم .. ؟ الواحد جاي من الاجازة ومفلس وقلبو واقف
|
Post: #21
Title: Re: (زنقــة) في بيت الفنــون ..
Author: داليا الكباشى
Date: 11-30-2011, 12:35 PM
Parent: #17
| Quote: فاطنـة الانقاذ بتاعت الفسيخ |
| Quote: على الاقل كان تشيري للزول التاني الكورك لي داك .. لما كانت معانا صفاء |
تم أرسال نسخه من البوست الى الاخت صفاصيفو ,, وقالت ليك : تاني ما تحاول تفسحها لانك طلعتا ما بتعرف تفسح ولا أي حاجه
بالجد دا كان أفشـــــــل أقتراح بتاع فسحه في الحياه !! (باقي الكصه متروك لي شخصكم الكريم عشان ما تقول بسرق منك الأضواء)
ملحـــوظه باك :
1- أبيييت ما ما بخليهو , ولو سمحتا كون نفسك , وبالعدم خش من الموبايل
2- ما تجيب أي حاجه , تعال سوقني بنده بس (القال ليك أسألني منو , كان تجيب العيش من سكات )
تحياتي للمدام الظريفه وعليكون الله تعالوا لينا .. أنتوا ما بتقووش ليه ؟ موش تبأو تيقووا
|
Post: #19
Title: Re: (زنقــة) في بيت الفنــون ..
Author: فيصل نوبي
Date: 11-30-2011, 12:30 PM
Parent: #13
*
|
Post: #18
Title: Re: (زنقــة) في بيت الفنــون ..
Author: سفيان بشير نابرى
Date: 11-30-2011, 12:28 PM
Parent: #6
Quote: أول ما جيت لاقيت طلال عفيفي في السيدة حليوة ..
وحكي لي قصة خلاني (افتفت) من الضحك ..
قالي :
حكى ليهو واحد من الاصدقــاء عن شكلة .. فيها (بلنجـة) شديدة جدا كانت مدورة جوه الحافلة ..
وقع على اثرهـا .. نفرين .. وتموهـا تحت في الوااطـة .. راجل لي راجــل على نظام طالعني الواااطــة ..
المهم
الشباب الاتنين ديل .. واحد فيهم جنوبي من دولة الجنوب الشقيقة .. والتاني اثيوبي من دولة اثيوبيـا الشقيقة برضو ..
الحبشي قالي .. مقبقب ليك الجنوبي من فنلتو .. وشي عض .. وكواريك ..
قام آخر حاجة قاليهو:
إنت قاعد تعمل شنو لحدت الآن ما مشيت .. ؟ ..
..
|
هاهاهاها
اهو بسم الله ما شاء الله أنت لا قيت ناشط
طيب الجوطه و البرمبالات فوق أم كم !!!؟
بعدين تعال النكلكم شفته الحكوه الحكاها
ليك طلال دى أنا الحكيته ليهو ههههههه وهي
حصلت في نص السوق العربي القديم و حضره
بابكر اخوى اصغر و احد و أنا كتبتها هنا
في بوست رسمي بتاع و احد من الأصحاب
لوووووووووول
لكن كان قابلتني كنت ح امتعك بواحده اخطر منها
ياخ و احده عفنه عفانه جد عن احالة الضباط
الجنوبيين من القوات المسلحة و الشرطة و الآمن
لووووووووووووووول
راحت عليك
Quote: كولا بتاع حديدتك يا سفيان ..؟
ياخ كولا دا .. زهرة ادتو الرقم بتاعي . وقاليها حسسع دي بتصل علي الخبير الاجنبي دا .. والله لحدت الان ما اتصل .. شكلو كبرت معاهو شديد جدا .. جدا ..
|
ال(مشهور) آعلاه بكون ما عايز يحرج أبو الزهور خصوصاً وهي بتكون عملت فيها بتعرفوا و صاحبتو وفي
خوة و معرفه بينهم عشان كدا مشاها سااااكت لما قالت ليهو تمبس وعلاء و شنو شنو فاتخارج منها بقصة
التلفون دا و خلاص فلستوووب ..!
Quote:
إنت كنت غاطس ووين كمان ..؟
لا عقد جلاد تجيبك .. لا بيت فنون .. ؟ |
أنا بتاع عقد الجلاد!!!!!؟
الله يسامحك ياخ ..!
عقد الجلاد دى من بقت تطلع المسرح و تغني ناقصه الآت و ناقصه اصوات
انا فارقتها و الكلام دا من سنين و سنين ياخ و عايز لى زول زيك كدا
يفتح الموضوع دا عشان افتو للنهاية .
بعدين كيف تسألنى أنا و ين!!!!؟
انا معروووف ناشط و بكون في
حتت الناشطين دى ما دايره
اتنين تلاته .
بيت الفنون طولته منو طولة شديده
و الله .
شاحد ربي عليك خميس و جمعة يكبسوا
عليك حيدر الزين و عمر الفاروق
و ود الصائم محمد و اسس الرئيسي
و يكون متجلي زي (تجليتو) مع ملاسي
دي يكبسو ويبيتو معاك يومين عشان
نشوف نشاطك دا ..
سلاااام
|
Post: #22
Title: Re: (زنقــة) في بيت الفنــون ..
Author: الصادق سلفاب
Date: 11-30-2011, 01:07 PM
Parent: #18
Quote: ملحوظــة:
1- خلي اللاب توب في البيت وما تشيليهو معاك الشغل .. يعني تاني الواحد يجب ليهو لاب توب براهووو.؟
2- اجيب عيش وشنو وشنو وأنا جاي ..؟
أشكرك على المرور ،، تحياتي لك ولزوجك |
ياخ انتو الطف اسره شفتها في العالم الافتراضي ده
لكم تحياتي
وحمد الله علي السلامه
|
Post: #23
Title: Re: (زنقــة) في بيت الفنــون ..
Author: قيقراوي
Date: 11-30-2011, 01:24 PM
Parent: #18
تمبس و الاسرة
Quote:
(زنقــة) في بيت الفنــون ..
|
فتو يا زميل ..
زنقة زنقة .. بيت بيت .. فنون فنون
و الفنون جنون!!
------
ثم حمد لله على سلامتة العودة و الاسرة الكريمة
|
Post: #24
Title: Re: (زنقــة) في بيت الفنــون ..
Author: Osman Musa
Date: 11-30-2011, 02:25 PM
Parent: #23
سلامات يا فنان
ياخ أدينا من حكايات الزنقات والكتمات والجلكسات
وقصص ليل البلد المتسامح الحلو .
والله مشتاقين للبلد وعجاجتو السمحة ديك .
|
Post: #25
Title: Re: (زنقــة) في بيت الفنــون ..
Author: Elawad
Date: 11-30-2011, 04:14 PM
Parent: #24
حمد لله على سلامتك و سلامة الدكتورة يا علاء. إن شاء الله تكونوا لقيتوا الأهل و من تحبون على خير حال.
|
Post: #26
Title: Re: (زنقــة) في بيت الفنــون ..
Author: tmbis
Date: 11-30-2011, 04:17 PM
Parent: #24
|
Post: #34
Title: Re: (زنقــة) في بيت الفنــون ..
Author: tabaldy
Date: 12-01-2011, 10:11 AM
Parent: #26
| Quote: في شارع واحد واربعين |
تحياتي لك والأسرة
بس زادوهوا واحد متين؟
برضو في الزيادات الأخيرة دي؟
واحد من القاع ال (ما أسفيري)
|
Post: #27
Title: Re: (زنقــة) في بيت الفنــون ..
Author: ismeil abbas
Date: 11-30-2011, 04:23 PM
Parent: #24
تمبس +داليا......تحياتى وحمدآ لله على السلامة.
وتحياتى لآسماعيل عباس برضو..........كان تتصلوا ما عارفنى هناك؟
البركة فى شوفة ألوالدين وألأهل..تحياتى...
|
Post: #28
Title: Re: (زنقــة) في بيت الفنــون ..
Author: خالد خليل محمد بحر
Date: 11-30-2011, 06:20 PM
Parent: #27
علاءالدين ...الشهير بتمبس...مشتاقون وكده وكده
بمناسبة التصاوير الجميلة دى...يعنى ناجي الملك يفتح ليهو
محل كوراع ولا شنو ....؟ وبمناسبة الامسيات( الماكوكية) دى
إنت قايل البلد دى مافيها (شفوت) ولا شنو تجى وتمشى على كيفك....؟...شينة منك
وشينة من هيثم مصطفى زاتو....كدى خُش يا مان.....
تانى هام/ مشتاق لى (كتمة إسفيرية) معاك
والكتمة الاسفيرية تقرأ أيضا(شكلة إسفيرية)
...تحياتى لداليا...وابقى أظهر يا رسالى......
|
Post: #29
Title: Re: (زنقــة) في بيت الفنــون ..
Author: عمران حسن صالح
Date: 11-30-2011, 07:12 PM
Parent: #28
يلا أنا بديت البوست من هنــا
الصورة
وصورة العود
يعني الكاميرا والحاجة الصورته الكاميرا برضو
يعني خُش لينا في التحلية على طول وخلينا من النشطاء و الإفتراضي
متعة التصوير
ومتعة النغم
وحلاة صورة العود
|
Post: #30
Title: Re: (زنقــة) في بيت الفنــون ..
Author: محمد علي شقدي
Date: 11-30-2011, 08:49 PM
Parent: #29
| Quote: يعني خُش لينا في التحلية على طول وخلينا من النشطاء و الإفتراضي |
ومن قبل كده ومن بعده الف سلامه يا آل تمبس ودوما سعيدين من الحل والترحال
|
Post: #31
Title: Re: (زنقــة) في بيت الفنــون ..
Author: محمد سنى دفع الله
Date: 12-01-2011, 05:22 AM
Parent: #30
يديك الصحة والعافية ياخ إنت والاسرة ..
اكيد في صور ..
وعلى طاري الصور .. وجدت خبر عن عرس الزين في أحدى المجلات الصادرة باللغة الانجليزية .. بي صورة جميلة جدا .. وفيها تعليق على العمل الكلام دا في واحد من المراكز المهتمة بالفنون والاعمال الادبية .. على غباي .. نسيت اشيل معاي المجلة .. لكن ابشرك الكلام المكتوب جميل جدا .. لدرجة إني حسيت كاني كنت شغال معاكم ..
كمان بقيت مهود
فتشها وليك الحلاوة
|
Post: #32
Title: Re: (زنقــة) في بيت الفنــون ..
Author: محمد أبوالعزائم أبوالريش
Date: 12-01-2011, 05:45 AM
Parent: #31
والله لكن يا تمبس جنس حركات مغتربين عليكم؟
الواحد كأنو فتح القسطنطينية .. وهو يا دوب مشى إجازة، سلم على نفرين تلاتة ... والباقي في شئون المغتربين.
شوف ده كمان .....
Quote: بعدين تعال النكلكم شفته الحكوه الحكاها
ليك طلال دى أنا الحكيته ليهو ههههههه وهي
حصلت في نص السوق العربي القديم و حضره
بابكر اخوى اصغر و احد و أنا كتبتها هنا
في بوست رسمي بتاع و احد من الأصحاب
لوووووووووول
|
شفت النكتة بتاعتك يا سفيان إنتشرت كيف؟
Quote:
لكن كان قابلتني كنت ح امتعك بواحده اخطر منها
ياخ و احده عفنه عفانه جد عن احالة الضباط
الجنوبيين من القوات المسلحة و الشرطة و الآمن
لووووووووووووووول
راحت عليك
|
دي بتاعة (قال أمّك)؟ .... أحكيها ليهو هنا ياخ .... عشان نحدد (الناشطين) منو.
|
Post: #33
Title: Re: (زنقــة) في بيت الفنــون ..
Author: سفيان بشير نابرى
Date: 12-01-2011, 08:38 AM
Parent: #32
| Quote: دي بتاعة (قال أمّك)؟ .... أحكيها ليهو هنا ياخ .... عشان نحدد (الناشطين) منو. |
هاهاهاهاهاهاهااااااااا
الناشط محمد ابو العزائم
الله يكتلك بعيونك* انت اليوم داك حضرتو
ههههههههههههههههههههههههههههههه
لكن عليك الله الناشط ما بالغ فيها
هاهاهاهاهاها
ــــــــــــــــــــــــــــــــــــــ
* مقوله سمعتها عند حبوبتى النعمة (ربنا
يرحمه) لما تحكي حاجه و تضحك و الناس
تضحك تقول :- الله يكتلنى بعيونى جد .
|
Post: #35
Title: Re: (زنقــة) في بيت الفنــون ..
Author: ASHRAF ABUELHASSAN
Date: 12-01-2011, 10:49 AM
Parent: #33
سلااااااامات يا صاحبي ....
وحمد لله على السلامة وشوفت الأهل
| Quote: ونحن في مطعم (صاج السمك) في شارع واحد واربعين |
قلت لي وووووين ؟؟؟؟
ايامك لكن ....
بس اوع تكون ما مشيت سوق الموردة عند عمك سوكي !!!
بزعل منك بالجد ؟؟!!!
تحياتي يارائع ومنتظر الصور ....
|
Post: #36
Title: Re: (زنقــة) في بيت الفنــون ..
Author: mamkouna
Date: 12-01-2011, 11:31 AM
Parent: #35
|
Post: #37
Title: Re: )زنقــة( في بيت الفنــون ..
Author: القلب النابض
Date: 12-01-2011, 05:29 PM
Parent: #36
ياسلام
|
Post: #39
Title: Re: )زنقــة( في بيت الفنــون ..
Author: khaleel
Date: 12-03-2011, 07:02 AM
Parent: #37
انت الشفقة ليك شنو
كان مشيت شهر اتناشر كان قابلانك هناك
ونعيد ذكريات عوضية سمك
حمد لله علي السلامة
|
Post: #40
Title: Re: )زنقــة( في بيت الفنــون ..
Author: tmbis
Date: 12-03-2011, 08:27 AM
Parent: #37
امسيات بيت الفنون الثقافية ..
يبدو أنها في طريقها إلى أن تكون منتدى اسري يجمع اصحاب الذائقة الفنية ورواد الجلسات الهادئة ذات الاجواء التي يغلب على طابعها شكل الأوبرا التي خلفيتها عود وايقاع وفلوت ..
والشكل الأوبرالي هذا ما وصلني من احساس .. وانا اتفحص .. الحضور ، وطريقة الحركة والاضواء ، والمسرح المفتوح والفلكلوريات .. هذا بالاضافة إلى حرص عددية كبيرة من رواد المكان اصطحاب عوائلهم بشكل حميم جدا .. لا اود أن اصبغ البرجوازية على المكان أو الخصوصية العالية دونه من الاماكن الأخرى لكن في المرات القصيرة التي اتيحت لي الفرصة لبيت الفنون اكتشفت ان نفس الرواد ربما أتو بشكل متكرر ليس فيه اختلاف يذكر إلا شكل الملابس حتى شكل الجلسة بدا ولكانما هي اماكنهم التي حجزت لهم بكامل الخصوصية .. يعودون إليها بعد الفراغ من امورهم الحياتية اليومية .. والفرق يظهر سريعا لو غاب اي وجه أو حل مكانه آخر
شاهدتهم يصفقون بعد انتهاء الوصلة الغنائية بشكل متفق عليه .. كمن يشاهد مباراة في التنس العالمية.. خوفا أن تفسد اقل حركة متعة المباراة أو تشوش على اللعيبة .. احيانا يتمكن الطرب من احدهم فيصرخ .. أو يعبر راقصا وفقما اتفق المكان ..
صادفت وجوه لامعة من المشاهير واوجه المجتمع من اطباء وشعراء .. وفنانين .. كانوا يتحركون بسهولة ويسر .. دون طلبات ملحـه لتوقيع الاوتجرافات أو الرمي بمفردات الاعجاب والمدح .. فكلهم كان حقهم محفوظ وهم يعلمون ذلك ، لذا كان تحركهم طبيعي للغاية لا يشوبه التوتر
وصادفت هناك العديد من البورداب والبوردابيات كان بين كل حين وآخـر يرحب بهم منسق المكان البوردابي الزميل علاء الدين حيموره .. ويبادله الحضور بنفس (الصفقة) القصيرة التي تبدو في ايقاعها وكانما اتفقوا عليها في زمن واحد ونغمة واحدة.
صادفت الاستاذ يوسف الموصلي بعد فترة طويلة جدا .. امتدت منذ التسعينات .. ادرت معه حوار جانبي سريع جدا ، كنت قد امسكت بأول خيطـه في أحدى العناوين الرئيسية لأحدى الصحف التي عادة ما تروج لمبيعاتها بقنبلة دخان سرعان ما تتلاشى من الأفق وتتضح الحقائق ..
استاذ الموصلي اكد لي الخبر بشدة وبأعلى صوته ليس هامسا .. فقد قطع الرجل مسافة كبيرة فيه .. فأرجو أن نمسك الخشب ..
كما لازمنا الصديق البوردابي عضو عقد الجلاد السابق .. عوض الله بشير وكان بيننا حديث لم يكتمل بعد عن عقد الجلاد ..
يصفقـووون ..  .. يرقصووون  .. ويرسلون رسائل قصيرة بين الفواصل ..  .. في بيت الفنوون .. .. 
|
Post: #41
Title: Re: )زنقــة( في بيت الفنــون ..
Author: سيف بخيت موسي
Date: 12-03-2011, 09:07 AM
Parent: #40
العزيز علاء منصور
حمد على السلامة
وعيدك مبارك
كيف ناس البيت لقيتهم انشاء الله كوولهم تمام
منتظرين سردك وكمرتك السنينة
تحياتي
|
Post: #42
Title: Re: )زنقــة( في بيت الفنــون ..
Author: saadeldin abdelrahman
Date: 12-03-2011, 10:04 AM
Parent: #41
باكر هناك ان شاء الله، اي وصية؟
|
Post: #43
Title: Re: )زنقــة( في بيت الفنــون ..
Author: علاء الدين حيموره
Date: 12-04-2011, 02:52 PM
Parent: #42
الحبيب / تمبس
الف تحية
عبر هذا البوست ارسل التحايا وجزيل الشكر لكل الاخوة البورداب والذين سمحت لهم ظروفهم بزيارة بيت الفنون والاستمتاع بما قدم ..
اندهشت لتلك الزنقة حيث ان من المفترض الا يكون غيري مزنوق وتتعدى الزنقة لتكون زنقة ###### في زقاق فلاتة ...
سعيد بالشوفة يا غالي وسعيد بوجود الاخت الكريمة داليا وسعيد اكثر بضحكة ود الصائم والتي يكون اغلب البورداب سمعوها ومن لم يسمعها سمع بها ..
متابع هذا البوست وياريت بقية الصور
الف شكر
|
|
