Post: #1
Title: أين منعم رحمة ورفاقه ؟؟؟؟
Author: تبارك شيخ الدين جبريل
Date: 11-29-2011, 06:24 AM
سؤال يجب أن يفتح كل حادب على الحق والحقيقة بوست منفصل ليسأله:
أين منعم رحمة ورفاقه ؟؟؟؟
|
Post: #2
Title: Re: أين منعم رحمة ورفاقه ؟؟؟؟
Author: محمد حيدر المشرف
Date: 11-29-2011, 06:36 AM
Parent: #1
Quote:
أين منعم ورفاقه ؟؟؟؟ |
لم يحكم عليهم بالاعدام
وحريات كاذبة بحسب السودانى ..
و ..
افرنقعوا أيها الممسكون بضنب الككو ..
أو كما قال محسن ونجاة وشوقى وكباشي وفرح ..
استلهاما لمقولة وليد الخالده ..
ومعيار محمد E
|
Post: #3
Title: Re: أين منعم رحمة ورفاقه ؟؟؟؟
Author: محمد إبراهيم علي
Date: 11-29-2011, 09:10 AM
Parent: #2
منعم رحمة
اين منعم رحمة والذين معه ؟؟؟؟؟؟؟؟؟
الحقيقة الساطعة بعيدا عن كذب الحكومة وانصارها انه معتقل خارج سلطة الاخلاق والقيم السودانية
معتقل ويتعرض لتعذيب وتنكيل لانه صدق ان الحكومة وقعت اتفاقية مع الحركة الشعبية
منعم رحمة لا ميت فيبكى ولا حي فيرجى
|
Post: #4
Title: Re: أين منعم رحمة ورفاقه ؟؟؟؟
Author: سفيان بشير نابرى
Date: 11-29-2011, 09:36 AM
Parent: #3
Quote: سؤال يجب أن يفتح كل حادب على الحق والحقيقة بوست منفصل ليسأله:
أين منعم رحمة ورفاقه ؟؟؟؟ |
سلام يا تبارك
و برضو سؤال اخر مهم ليه لما تم اعتقال زول مستشار بدرجة وزير
ومعاهو معتقلين اخرين (19) ليه الحكومة اتكتمت على الخبر ولم
يتم الاعتراف به إلا بعد شهور من الضغط الشديد !!؟
و الأغراب أن الحكومة بعد دا بتقول أنو المصادر في الخبر دا
مصادر عندها اغراض !!!؟
يعني كونو منعم حي يرزق خلاص مافي عوجه!! طيب نحنا نصدق كيف !!
ما انتو من ابداية لم تعلنوا انه معتقل!!!؟
أين منعم رحمة و رفاقه؟؟؟؟
شكراً يا تبارك.
|
Post: #5
Title: Re: أين منعم رحمة ورفاقه ؟؟؟؟
Author: قيقراوي
Date: 11-29-2011, 09:53 AM
Parent: #3
Quote:
أين منعم رحمة ورفاقه ؟؟؟؟
|
سؤال بسيط جداً ..
و الاجابة عليو مفروض تكون برضو بسيطة
منعم معتقل لاسباب 1 2 3
سيقدم لمحاكمة عادلة ما (ايجازية) لانو دي مافي اصلاً في السودان
العاوز يتطوع يدافع عنو، او يوكلو منعم همسلف يتقدم للمحكمة في تاريخ كيت و كيت و كيت
و اذا تعثر ذلك حكومة السودان تتكفل بتعين محامي للدفاع عنه
و هكذا
-------
و لّ دا سناريو في بلاد كافرة تحترم حقوق الانسان في حياة كريمة و في ي ي عضم (حق الحياة) دا ذاااتو!!
اليست هي قيم اجدر ببلاد مؤمنة!؟
|
Post: #6
Title: Re: أين منعم رحمة ورفاقه ؟؟؟؟
Author: Mahmoud Mustafa Mahmoud
Date: 11-29-2011, 10:32 AM
Parent: #5
عاينو ...
أسأل معكم : أين منعم رحمة ورفاقه..
ولكني في ذات الوقت أتساءل:
هل منعم رحمة ورفاقه رهن الاعتقال أم أنهم (أسرى حرب)؟؟؟؟؟؟؟؟
للضمان كدا..في الحالتين ،، التعذيب والتنكيل مرفوض..
لكن فهمنا المتواضع يقول:
هنالك فرق كبير بين أن تعتقل شخصاً أو أشخاصاً ..
(ترتيبات ومسوغات اعتقال وتحقيق وشلاليت....إلخ.)
وبين أن تأتي بذات الشخص أو الأشخاص كأسرى حرب..
بغض النظر عن إنه أساساً في مبرر للحرب وإن الحكومة على حق ولا على باطل
فيما يتصل بأمر الحرب في الإقليم المعني..
(ترتيبات مختلفة ومحكومة بأخلاقيات وملابسات محددة وفيها أبعاد دينية زاتو)
فشنو..حقو الناس يبقوا ليهم على راي..
هل ولّّ هل؟؟..
وفي الختام..
أين منعم ورفاقه؟؟؟
|
Post: #7
Title: Re: أين منعم رحمة ورفاقه ؟؟؟؟
Author: Ahmed musa
Date: 11-29-2011, 03:49 PM
Parent: #6
والله ياتبارك بقت تخيّر البوستات للدخول فيها معضلة
وفرحت بفتحك لهذا البوست
لانوا عندي كلام محرقني
وتساؤلات
وأهمها : هل هو حي يُرزق زي ماقلت الحكومة .؟؟!
حتى ولو كان يُرزق عذاب الحكومة لمعارضيها ...الهام انه حي يرزق
إذن ليه الحكومة ما دايرة توجد طريقة تسكت بيها الاقلام البتتساءل دي .؟!
هل لانه حي بحالة (سيئة جداً) ..وتخشى الحكومة إظهاره .؟؟
هل هو بحالة جيدة والحكومة لسبب ما مستفيدة من هذه الضجة .؟؟!
هل الحكومة تحاول قياس رد الفعل بحال صدور حكم بإعدامه .؟؟
ام هل هو كما قال قصي مجدي سليم (ميت) والحكومة دايرة تدرج الخبر وتاخر إعلانه ؟!!
تصريح (مسئول) ما في جريدة تقع في دائرة (مسئولين ما) انا شخصياً ما بتقنعني
المهم على قولك ...أين منعم رحمة ورفاقه ..؟؟!!
|
Post: #8
Title: Re: أين منعم رحمة ورفاقه ؟؟؟؟
Author: تبارك شيخ الدين جبريل
Date: 11-30-2011, 04:18 AM
Parent: #7
جدّ على رئاسة الجمهورية مساعدين ومستشارين جدد ..
نهنئهم بالمناصب ... ونستهلّ معهم تحمّل مسؤوليات سياسات رئاسة الجمهورية ... بإن نسألهم:
أين منعم رحمة ورفاقه ؟؟؟؟
(نرجو إدراج السؤال في اجتماعكم الأول ... بما أنه سؤال بسيط ومباشر!)
... المهم ....
|
Post: #9
Title: Re: أين منعم رحمة ورفاقه ؟؟؟؟
Author: على زين العابدين
Date: 11-30-2011, 06:30 AM
Parent: #8
أين منعم رحمة و رفاقه؟؟؟؟
|
Post: #16
Title: Re: أين منعم رحمة ورفاقه ؟؟؟؟
Author: على زين العابدين
Date: 12-12-2011, 00:14 AM
Parent: #3
اعتقالات النيل الازرق
|
Post: #10
Title: Re: أين منعم رحمة ورفاقه ؟؟؟؟
Author: على زين العابدين
Date: 11-30-2011, 09:37 PM
Parent: #1
فوق
|
Post: #11
Title: Re: أين منعم رحمة ورفاقه ؟؟؟؟
Author: يوسف السماني يوسف
Date: 11-30-2011, 10:39 PM
Parent: #10
أين منعم رحمة ورفاقه ؟؟؟؟
اين مقابر شهداء 28 رمضان؟؟؟
اين شهداء الحركة الطلابية التاية ورفاقها؟؟؟
اين شهداء كجبار ؟؟؟
اين د. علي فضل ؟؟
اين السودان حلايب , والجنوب ودارفور ؟؟؟
كل هذا الاسئلة بالله اطرحها لرئيسك ومساعدية الجدد؟؟؟
|
Post: #12
Title: Re: أين منعم رحمة ورفاقه ؟؟؟؟
Author: تبارك شيخ الدين جبريل
Date: 12-01-2011, 02:48 AM
Parent: #11
لا زال السؤال بلا إجابة ...
أين منعم رحمة ورفاقه ؟؟؟؟
|
Post: #13
Title: Re: أين منعم رحمة ورفاقه ؟؟؟؟
Author: elsawi
Date: 12-01-2011, 03:42 AM
Parent: #12
سلامات يا تبارك
ما عايز اكون متشائم لكن بعد الحملة القوية التي انتظمت وبدأت تأخذ ابعادها
الدولية و الإقليمية لو كان منعم رحمة ورفاقه بخير الحكومة ما كانت حاتتردد
لحظة في اظهارهم او نشر صورهم او حتى السماح لأسرهم بمقابلتهم على الأقل عشان
تحرج "المنتوضلين" وتثبت كذبهم وادعاءآتهم وبرضو عشان تثبت للعالم حرصها
على حقوق الإنسان وحرصها على معاملة المعتقلين معاملة كريمة وتقديمهم الى
محاكمات عادلة ..
ياخي حكومة عندها اجهزة اعلامية وامنية بتصرف عليها البلايين عشان تحارب
المعارضة وتلصق بها صفات الضعف و التهريج والكذب تفتكر بغلبها تنشر
ليها صور معتقلين بتكلف خمسين قرش عشان تفضح كذب المعارضة؟
على كل حال اتمنى ان يكون منعم رحمة ورفاقه بخير ومعك ومع كل صاحب ضمير
اسأل اين منعم رحمة ورفاقه؟
|
Post: #14
Title: Re: أين منعم رحمة ورفاقه ؟؟؟؟
Author: تبارك شيخ الدين جبريل
Date: 12-01-2011, 05:21 PM
Parent: #13
سؤال للسيد والي ولاية النيل الأزرق ...
انت تعلم سيدي بتفاصيل هذه الولاية ... بسلطاتك التنفيذية ومقدراتك الإدارية وعلاقاتك الخاصة بمن يعملون في تسلسل هرم حكومتك ...
رغم إخراجك من منصبك عنوةً ... واستبدالك بوالي طوارئ بالإنابة ... لكني أعلم أنك لن تعجز إجابةً عجزت عنها الحكومة ...
فنسألك:
أين منعم رحمة ورفاقه ؟؟؟؟
... المهم ....
|
Post: #15
Title: Re: أين منعم رحمة ورفاقه ؟؟؟؟
Author: على زين العابدين
Date: 12-02-2011, 08:12 PM
Parent: #1
Quote: أين منعم رحمة ورفاقه ؟؟؟؟
|
|
|