مابين (حريات) ...وصلاح (جاكات) ... (أكلنا نيم) !!!!

معقولة بس ..؟!!!

يقولوا ليك
عاااااااجل : الجماعة باعو استاد الخرطوم
ومرات يزيدوها موية ويكتبوا (توجد صور) أو (مستندات)
ونجي الأعمى شايل المكسر
ونطلع نهتف
تسقط تسقط يا بياع
الأستاد ما بتباع
ونعفر رجلينا بالنضال ضد البيع
ونصل الأستاد بشكل هستيري
تلقى الاستاد واااااااااقف
والامل لاعب ضد الشعلة والنتيجة درون
وواحد بكورك (التحكيم فاااشل )

مرات تقول أصلا ما بدخل بوستاتهم
ومابعلق على اخبارهم
وما
وما
وما
لكن برضه الفضول يسوقك تنقش تنقش تنقش
وترجع خيبان ...
بالغتو معانا ياخ
البورد ده فيه ناس ضغط
وناس سكري
صدقوني يوم بتكلتول ليكم زول !!!