صلاح ادريس والمكاجرة...

جاء فى الاخبار ان الارباب والشاعر والملحن والمليادير ورئيس نادى الهلال السابق والمرشح السابق لرئاسة الاتحاد العام لكرة القدم السودانى
وعضو المكتب السياسى للحزب الاتحادى الدايمقراطى السابق ايضاً.-عينى باردة- وماشاء الله ولاحول ولاقوة الا بالله- جاء فى الاخبار ان صاحب الفخامة قد ساعد المريخ فى تسجيل لاعب اهلى شندى فيصل موسى
للمريخ..!!

والرجل الارباب من بين كل المواهب الثرة التى يحملها..لديه براعة فائقة فى المكاجرة..واللولوة..يعنى اصلو ما منكن ينقبض.
عندو تبريرات جاهزة لأى تصرف غريب تجاه ناديه السابق الهلال. لا شئ ثابت عنده وكل تحالفاته يمكنها ان تنهار فى لحظة.والقائمة طويلة بداية من الاستاذ عماد الطيب المحامى.نهاية الى بعض الرجال فى مجلسه السابق الذى ذهب..مع الريح..لا احد يمكنه فهم ردة فعل الأرباب تجاه اى مشكلة او خلاف..ولا احد يمكنه
ماذا سيوقع من كلمات عجيبة على عمود اليومى فى الصحف التى غالباً ما يكون هو مالكها ايضاً..!

غايتو اى زول فاهم ان بين صلاح ادريس والسيد الامين البرير ما فعل الحداد. وعندهم كوم بتاع مشاكل لا معنى لها كـ عادة اصحاب..الأموال -الشباب -فى السودان... بقدرة قادر انتقل الصراع التجارى من اسواق امدرمان والسجانة وليبيا وسوق ستة وسوق البهايم
الى ادارت الاندية الكبرى . اسلوب المكايدة والمغارز الذى يدور وسط النساء الطاعنات فى السن انتقل للأسف الى كل شئ لدينا.
الارباب على استعداد لقيادة اى معركة. ولكنه لا يفكر ابداً فى الخسارة...ايوه ما الزول حفيد المك وكده..! ولا يضع فى الحسبان
كل الجماهير التى كانت تهتف بأسمه فى نادى الهلال. ما يهم بس املا ليكم البرير وناسو ديل مغصة كده
لحدى ما يقولو الروب

كُلو كوم وخطو الشين* الفي العمود اليومي دا كوم تاني ..







___________________________________
نسيت تكتب الكاتب الصحفي بجريدة السوداني حالياً بالغت!

*ولا مانع لو إستعضت خطو الشين بحاجه يُفهم منها السياغ جيّداً!

Quote: نسيت تكتب الكاتب الصحفي بجريدة السوداني حالياً بالغت!

بالله بقى يكتب فى السودانى برضو؟
ربنا يعين استاذنا ضياء الدين بلال..زى عمود ده صلاح لازم يفتحو هو شخصياقبل الطبع

الاخ محمد عوض

لك التحية

و ليه ما يكون البرير هو الذى ساعد اللاعب للانضمام الى المريخ حينما تماطل عن تسجيله بسبب انه جاى من طرف الارباب

و قد ذكر من قبل انه دا لاعب عادى

ربنا ابتلانا بى اداريين لا يرون اكثر من ارنبة انفهم و تداخلت العلاقات الشخصية فى العمل العام فانهارت الرياضة

Quote: الاخ محمد عوض لك التحية و ليه ما يكون البرير هو الذى ساعد اللاعب للانضمام الى المريخ حينما تماطل عن تسجيله بسبب انه جاى من طرف الارباب و قد ذكر من قبل انه دا لاعب عادى ربنا ابتلانا بى اداريين لا يرون اكثر من ارنبة انفهم و تداخلت العلاقات الشخصية فى العمل العام فانهارت الرياضة

حبابك الف يا خوى..
لا اعتقد ان البرير كان سيمانع فى تسجيل اللاعب. فيصل موسى فى الاصل حرمته قواعد الاتحاد من التسجيل فى الموسم السابق تقريباً
وقام الأرباب بتخزينه فى اهلى شندى لكى يعود به للهلال مرة اخرى واللاعب نفسه صرح بان وجهته الهلال فقط. ولكن كان للسيد صلاح ادريس
رأى آخر. و يبدو انه اصبح اهم عضو فى غرفة تسجيلات المريخ الحالية. والغرض فى الاساس اثارة اعصاب البرير..لا غير