منعم ...شوف......فى الدوحة...مرحب...

منعم ..."شوف"......فى الدوحة...مرحب...

الصديق الغالى....آخوى منعم إبراهيم....و الشهير بمنعمشوف....وصلنا....هنا فى الدوحة.......جلب معه....ايام....و سنين...من إلآلفة....و الحب وآلم...اللقاء...... و الفراق؟؟؟؟

منعم آخوى الصغير الذى لم التقيه...

منذ أن اصبح السودان ليست.... هو السودان....

مرحبيك يا زول....يا آخى من أمى و أبى.......

كل السلام.......

صور بالكوم......فى زمن لا زلنا...

نمتطى صهوة حصانه......

[B]"الرقاص"

صديق القاعد بعيد

ألف مرحب به وسط أهله وأصدقائه

بس انت قرّب ياخ خلينا نشوفـ معاك

تحياتى للشفيف الاليف منعم
ولك ياصديق القاعد بعيد جدا

الدوحة نورت وازدادت الق....


سلامات ياصديقي صديق

تحياتى يا صديقى صديق ,,
لقد قابلت الأخ منعم على عجل بمركز أصدقاء البيئه الجمعه الماضيه .
ولكن أتمنى أن ترتب لنا معه لقاء بفيلتكم الفخمه والعامره دوما بالأحباب
وبالشواء فى الهواء الطلق ,, هل توعدنا يابعيد ,,

الله يعلم مشتاق ليك يا ابو الصحب يا رجل يا ضو يا شهم
احبك يا بعيد

التحيه
لمنعم شوف وكل الشوافه
ولك ياصديق

تعرف يا حبيب ذات حنين كنا نتشاعر فيما اظن ،، ودلف بنا المشوار الي ان وصلنا الي قول احدهم الذي قال :-
انتظرك هذه الليلة تعال بعد ان تنام ذئاب البلاد
ان تعبت من اصطياد الاحلام البسيطة..
اقرأ معى كفى والايام
ولا {يرهبك} اشتعالى فلا شىء يقلق قصر البلاد سوى الكتاب..
منضومة حروفه من بليلة قلبك العدسية التى تيقن الفقراء
أين الاصحاب؟
أين الاصحاب؟
أين الاصحاب؟

وحين ان وصلنا الي مقام الاستفهام كان ان لبى النداء ،،
وكان بيننا هكذا
الدوحة أضاءت ،، نعم أضاءت ،، وتجمعت كل الذكرى عند ظهور
منعم في ارض الدوحة التي اهتزت لحين من هول جماله مرجبا بمنعم بيننا ....

يلا دا كلام سمح يا صديق الاقرب من قريب سعدت باستقبالك لهذا الكارثة هنا وسعدت ايضا بفكرة كمال سالم التي رمى بها هناك
والله اعلم وليتنا نكون في ملمة قادمه وكل الاماكن قلب منعم ....

حاسدكم عديييييل كده


يا حليلك يا منعم
أمضى كل هذا الذمن، وجعلك تنضم لنقابتنا ( المتصلعين)

موشتاغووون لك ولماهر الحنين
هل نحلم بزيارة ولو ليوم واحد؟

بالرغم من سنوات التشتت...لكنها فى حق "منعمشوف"...سنوات من الآبداع....فالفن لايموت....

هو ...هو...يحكى بعقلية المفكرين...و يضحك...بآعلى صوته....بالحنين...

لم يتغير ابداً.....

19 عاماً...من فراق...مرتب له....فى غياهب تاريخ مفقود لبلد قارة ...هو السودان....

اتئ....بكل عطره.....و لم تقفده السنون....

إلا بضع شعيرات....من راسه الخمجان...دوماً بالآلفة...و الآلق و الآبداع....

نعيش شتاءاً دافئ....فى دوحة الجميع....

صديق القاعد بعيد

تخريمة:

ياليتك تبقى معنا...فتعطر غربتنا....بالسودان الجميل...الآتئ....لابد....

العزيز جداً صديق ودالحلة والجيران،
يا ســلام ياخى على الأريحية والمشاعر الدافئة
ويا سلام على الحفاوة والحب الكبير
وشكراً يا شاب على كل شئ
على الإهتمام والمتابعة
وعلى الضحكات العريضة الصادرة من القلب
وعلى الحكى بعفوية وصدق.
على الحوامة آناء الليل على طرقات الكُموينتى ههههها .. مبالغة
وشكراً برضو يا حبة على منحى يوم هولندى ماطر وبارد نسبياَ
دى بقى حفاوة الرب بعبادة المسخنين هههها
إيييه .. أها .. تانى شنو يا كارثة؟

صديق القاعد بعيد والشواء

ها وقد عدت إلى أهلى يا أبا موج فيصل عباس
الزول البراحة والمصر منذ ستة أعوام مضت على أن أزور الدوحة وناسا
وقالوا زمان يا فيصل يا صاحب القدم ليهو رافع والطيارة ليها تيك أوف
وفى أقل من تلاتة يوم سهّل الكريم رفع القدم فى رحلة طويلة ذات وقفتين
يسمونها ناس الطيران ~ هاى إنترمديات بوينت ~ يعنى تمشى مشوار
عكس الجهة المقصودة تماماً وتجى نابل من هناك .. زى رجعة اللاعب
قبيل تهديف البلنتى، وذكرت المثل الأخير لأنو آخر الزمن لقيتك بقيت تتابع الكورة بإهتمام يا صاحب.
لم أسترخى من سنين طويلة يا فيصل إلا فى الإسبوعين الماضيين فى دارك العامرة محبة وكرم،
إيجازاتى فى السنوات الأخيرة كانت عمل دؤوب فى السودان وأستراليا. أما هذه المرة فكانت
جد إجازة وحالة من الإسترخاء فقدتها طويلاً .. شكراً جميلاً يا حبوب وشكراً لأحلام والوليدات

اب صعلة ده منعم ...قاااادر الله سبحان مغير الرؤووس


منعم اخبارك اريتك عافية والولاد ..مشتااااااقون يعلم
الله


معاوية عبيد

معاوية الزبير ياقريبى
طبعاً يا شبيبة بعد وصلت بيومين
إذكرّت إنو لى قريب لحم ودم بالدوحة ولم ألتقيه فى حياتى
وقلت: يا فيصل بتعرف معاوية الزبير ؟
فيصل: كيف ما بعرف معاوية ؟ أسى نضرب ليهو ...
ولا قيت قريبى معاوية الهادى وتطايبنا وتوانسنا ومع الحكى والتداعى
طلعوا بينا أصدقاء كتااار شحمانين وأهل كمان زى طارق السوبكى
صديقى المقرب بهولندا، أصحاب كل الوقت ومعارفين القرابة البينا ..

معاوية يا شبيبة مجنون بالقراية والإطلاع .. أهدانى مجموعة طيبة من الكتب
بينها كتاب صلاح الزين الأخير ورواية الدم فى نخاع الوردة للكاتب المجيد محمود محمد مدنى
شكراَ معاوية وزى ما قلت معرفتك مكسب



معاوية وأنا وشطوط صديق المشوية

العزيز جداً عبدالجليل نادوس
الدوحة منوّرة بكم وبكرمكم وبأبوابكم المفتوحة دوماً للجميع
وعبدالجليل يا شبيبة من الأصدقاء الذين منحنى أياهم موقع بكرى سودانيز
أيام كنّا مجموعة صغيرة لا تتعدى العشرات .. كنّا نتفقّد بعضنا إن غاب أحدنا لأيام
وعبدالجليل نادوس الذى رأيته للتو لأول مرة بالدوحة زول هادى، براحة وعميق ..
ممتن جداَ لجولة أنيقة معه خلال سوق واقف حيث غاليرهات العرض وصالات التراث القطرى،
سعدت جدا بزيارته أيضاً هو والأبنوسة برفقة فيصل. والأبونسة أخت وصديقة قديمة ومتجددة من
أيام السودان الديمقراطى .. جلسنا جميعا نحكى ونجتر ذكريات زمان طيب وجميل

العزيز جداً كمال سالم
سعدت والله بلقائك وبأريحتك
تجدنى يا صديق آسف جداً لعدم قدرتى لتلبية
دعوتك الكريمة ونقول الجايات أكتر من الريحات
وشكراً ليك مجدداً

العزيزة ســلوم الخاتية اللوم
شكراً يازولة ياجميلة
مش لاقيت طارق الشيخ ؟ أى والله
إبّان إنعقاد مؤتمر العرب والقرن الأفريقى بالدوحة
زول لطيف وحبوب وسعيد بمعرفته

تشكر ياهجو مختار
والتحية ليك وللأسرتين الكبيرة والصغيرة

العزيز جداً كمال حسن على
إزيك يا صديق وعلّك طيب
شفت يا حبة عمايل التعرية وصلت لحد وين هههههـا
ياخى ما تمروقوا شوية من فرانكفورت دى وتعالوا علينا
تحياتى للجميع بطرفكم

ســـــلامون يا معاوية عبيد
زمن طويل يا صديق، علّك وأسرتيك الصغيرة والكبيرة بألف خير
دا النيو لوك يا معاوية من عشر سنين هههها
العرس والولادة تورّثك الصلع والشيب
تحياتى مجدداً ياصديق

العزيز والأصيل جداً منعم شوف..
رغم أن ساعة لُقائي بك لأول مرة كانت سريعة الخُطى..
لكن إنتابني ذلك الإحساس بأنني أعرف منعم منذ أيام الروضة..
كم أنا فخور بمعرفتك وبصداقتك أيها النديد الرائع..
وتحسَّرت حينما أعلمني ود المكي بسفرك..
عزائي أنه حتماً سنلتقي قريباً..
وحتى ذلك الحين، سأذكرك كثيراً كلما مررت بجانب أي لوحة تحمل الإسم Splash.

_______________________
حبيبنا صديق لك ودي وعميق احترامي

أوووه علاء صاالح
إزيك يا صديق وعلّك طيب
وأنا الأسعد والله بمعرفتك، شكراَ للشاب اللطيف طارق المكى
وشكراً لك .. قلت لى سبلاش الطلع مابلاش ههههها
مش شلنا البنطلون الغلط ؟ تتصور
والشباب كسّلوا من الرجعة للمحل وأقنعونى بأنه الأجمل .. هههها
تحياتى لطارق المكى وأسرتك

شوف منعم شوف
في اي مكان
مسدار ابوالسره
ولقدام
تحياتي

بالله مذكّر مسدار أبوالسرة يا هجو
الوكت داك إنت صغيّر شديد ياحبة

تعرف يا شاب وأنا فى ضيافة العزيز فيصل عباس
أول صباح قمت عملت حاجات لى زمن طويل جداَ ماعملتها
قوم يا منعم أمشى للحلاق الهندى القريب .. أظبط الصلعة كلها على
مقاس نص ~ سيم سيم ~ كما ردد الحلاق الهندى
من عشرين سنة، يا حلقوا لى الأصحاب يا حلقت براى
والهندى ما حلاق بس، حلاق وعصّار كمان، يعنى بتاع مساج
يقعد بعد الحلاقة يجكنك لمن تنعس وترييل

الحاجة التانية فى نهار ذات اليوم قررت أن أصلى الجمعة مع فيصل المبروك وأولاده ..
ياخى ده إحساس تانى خالص، أحالنى لنهارات جمعة الكلاكلة أيام النفوس طيبة ومتصالحة
مع عوالمها، والناس تعدّ الإفطار والرادى يردد برنامج عوض بابكر ~ جلسن يا حلاتن ~ وبعدها
بساعات قليلة تتحول الشوارع إلى بياض يجهر العيون، شئ تياب وشئ جلاليب وســــلام العالم .. بذات
الجلاليب ناس تمشى تلعب الكشتينة وناس تقعد تعتكف فى الجامع، ناس تمشى الإنداية تضرب ليها عبارين
من الكنجومورو ومن هناك وعلى الأسرّة، يصحون من النوم للغداء وهم ينزّون زيت سمسم.

فى ذات عصر اليوم وبعد الغداء وأنا فى ضيافة فيصل مشينا البحر مع أسرته. يا ســـــلام ، على البحر
فى جو ساخن، مزاجو تانى ومختلف عن البحر فى جو بارد، الصورالفوق المنزلها فيصل تقول شيئا عن هذا المزاج
سلامى الكتير يا هجو لصديقى العزيز عادل فطر ولعبدالعظيم حمدنالله






من ذات المكان وفى ذات اليوم ومع المغارب

تعـــــــرف يا منعم
سعدت بهذي الكتابه ،، التي اكدت لي ان نفسك في السرد وحفظ للتفاصيل الدقيقة التي حدثت في تلك الايام
انك ما زلت بباقي عشم وان زاكرتك الفنيه ما زالت تعمل بكاملها رغم انك محصور في زاويه فنيه محدده


عموما يا صاحب ما زلت انتظر ما يأتي به سردك ،، لارى ما كان هنا في تلك الايام التي مضت سريعا سريعا سريعا جدا لدرجة انني ما عدت
اذكر تفاصيل ما حدث فيها
ربما الزهايمر او عدم رغبتنا في عودتك الباكرة جدا ..
تقبل سلام الكل
وتونه ترسل بوساتها اليك والي صلعتك كككككككككك

بلحيل بذكّر يا فيصل يا خوى، بالرغم من أننى متهماً على الدوام بالسرحة والنسيان.
فى ذات اليوم الجمعة وبعد جينا من البحر فى المساء إدوشنا بدشٍ دافئ وشحمان وغيرنا كل هدومنا ومرقنا.
مرقنا لحيث تقع جمعية أصدقاء البيئة وحيث الجميع موعودون هناك بمشاهدة أربع أفلام وثائقية لدكتور وجدى كامل.
أول تلات لاقيناهم فى الباب زملاء البورد أبوالريش وعادل التجانى وطارق المكى ~ إحساس لذيذ تلاقى شخوص البورد
الإسفيرية ألايف ... أيوا ... والله صحى ~ كانوا لطاف ومرحبين جداً بهذا القادم الأصلع.
دخلنا لاجوة فإذا بى أمام إتنين ~ عزاااز على وبحبهم وبريدم لله، غير حاجاتم التانية الوهبها لهم الله نفسه فيما يخص أبوالفنون ~
أنا أمام السنى محمد دفع الله وموسى الأمير وجهاً لوجه .. وتعال شوف بعد داك المقالدة والكرّيف والسلام الحار جد جد.



الصورة للأمير موسى الأمير فى دار صديق القاعد بعيد

ونواصل حول هذه الأمسية اللطيفة

الاخ الكريم صديق وضيوفه الكرام .... سلامات


البشوف البراءة دى إقول القبة تحتها طفل .

سمعت قالو رجعت هولندا .
كلمونا ناس الميرا قبل كم يوم .
إنشالله خير ...!
ولا شميت ( سماية) بت ودالسلطان ؟

ما قلنا ليك يا منعشوف .... العرجا لى مراحها .. خت الرحمن في قلبك واقعد مع القاعدين ساكت .
اها لو ما قابلت جمال على التوم لا بينى لا بينك وما داير اشوفك في راس السنة .

آووووه الكارثة التاني كمان ! ... عمر دفع الله !!
تعرف يا شاب المتآكد منو انا تماما .. آنو آنا علي الآقل آبرآ منك ( ابرآ واستبرآ) ههههههها هههاي ... ضحكات عريضة
عرجا شنو ومراح شنو ياخ ... آنا لسا بناور ساكت وماعارف لسا ارك وين يا كحيل العين .
والله يا عمر كنت بلاقي الناس في اللمّات والمناسبات وبالصدف كمان
ومالاقيت جمال ع.التوم في اي واحدة من التلات لمّات الكبار الحضرتها.
لكن طبعا لميت ليك في كيكي وخليل وعمر سعد وبهاء بكري وكمال سالم والسني