Post: #1
Title: شوفتوا عملتوا فينا شنو.............
Author: رانيه محمد الشيخ
Date: 11-22-2011, 10:52 PM
 نخلى الشيتوس والشانى والكيت كات بجنبه
ما حننشف كان ما اكلناها
ونخلى الموديلات والاستايلات على الرف
ما حنكرش كان ما لبسناها
لكن تتطاولوا على الكريمات البنتمسح بيها
غايتو فى دى بالغتوا بوليغه تقيله
هو اصلا كان ب48 جنيه
وبنقول من اجل الشعر نضحى بالجنين
ومن شهر فجعتا بقى ب64 جنيه
قولنا نضحى بالاب ما موشكل
لكن يبقى ب74 جنيه
يعنى دى معناتها نبقى صلعين عديل
ولا صلعات مفروض
ولا ننتف باقى الصوفات الفاضله عشان ترتاحوا
وحالتى جازفت واتقطعت وفقدت المنطق والعقل واشتريته وانا بين حاله من الزهلله والاوعى والانبعاج
وشلته وختيته فى الرف اعاين له
يعنى كل يوم مفروض اشيل منه شمه ولا لحسه ولا اتصور معاه
وكمان لمن يجى الحظ الاغبر
ومع حريصى الشدددددددددددددددددددددددديد عليه
تجى يدى كاااااااااااااااااااااااافته الطاوله
ليسسسسسسسسسسسسسسسسسسسسسسسسسسقط ارضااااااااااااا على ووووووووووووووووووووووشه ما قفااااااااااااااااااااااااه
واقف شبه مشلول من هلوله الحادثه
لابرك غير مصدقه
ان 74 جنيه بقيت فى الواطه
ولان الانسان فى داخله دوما رغبه فى النضال والمسح
اقلبه وابدا اغرفه غرف من الواطه فى العلبه تانى
ولمن بقى فى بقايا ليسه غير قابله للغرف
جلبطه بيها الصوفات السبعه ليلتصقوا فى الفاخوره اسفا وندما
هو اكيد عقاب ربانى عشان اشتريت كريم ب74 جنيه فى زمن الناس ما لاقيه ليها لبن
لكن شكيت وبكيت
وعلى قول امى يديها العافيه
دعوة وليه ساعه المغربيه
ينشفها على النشفها
ويحلها من عنده
ونصحى الصباح نلقى قدام الابواب صناديق هديه لكل الكريمات العالميه
ونمشى السوق يدونا الخضار مجانى
والجزار يحنسنا نشيل اللحمه كعمل انسانى
وختاما
تانى مافى مسيح بالكريمات
وعوده لكركار الريحته غبار
:((((
|
Post: #2
Title: Re: شوفتوا عملتوا فينا شنو.............
Author: سارة عيسى أحمد
Date: 11-22-2011, 11:27 PM
Parent: #1
Quote: دعوة وليه ساعه المغربيه
ينشفها على النشفها |
آااامين ...
يجازي محنك يا رانية :)
|
Post: #3
Title: Re: شوفتوا عملتوا فينا شنو.............
Author: عبدالله ود البوش
Date: 11-23-2011, 06:52 AM
Parent: #2
Quote: تانى مافى مسيح بالكريمات
وعوده لكركار الريحته غبار
|
يا سلام عليك رانية بتي السمحة
كدا مسكتي درب اماتك القدام وعوجة ما بتجيك
|
Post: #5
Title: Re: شوفتوا عملتوا فينا شنو.............
Author: رانيه محمد الشيخ
Date: 11-23-2011, 10:55 AM
Parent: #3
بابا
كيفك اولا
وليك وحشه ثانيه
ثالثا الحجه كانت فافى ما ليها فى كركار
:)))))))))))))))
لكن هو لصراحه مفعوله ثمح لو ما ريحته البتوقع الطير من السما
|
Post: #4
Title: Re: شوفتوا عملتوا فينا شنو.............
Author: رانيه محمد الشيخ
Date: 11-23-2011, 10:52 AM
Parent: #2
سروره
لكن المحن ما بقيت بالالوان
يعنى نسوى شنو بعد دا
مرة اخويه من بعد بودرة ماك امس اشتريت بودره ب2.5 جنيه
قالت الزمن ما بقى مضمون اخير نجرب الكاشاماشا من حسى
:(((((
|
|