في ضربة معلِّم .. وزير إعلام عقار ينسلخ عنه و يصل الدمازين (فيديو)

ومعه مجموعة من معاونيه

 
وين المعلمين الكبااااار

وفي تاريخ حروب الانقاذ ضد الشعب السوداني :ا
رياك مشار عاد وكان ما سمي بالسلام من الداخل لكنه عاد مجدد لاهلة ليعود نائبا في دولة جنوب السودان
الجزي الانفصل من سودان ما قبل الانقاذ
وكذلك عاد مني اركوي واوبالقاسم امام الحاج وقيادات من العدل والمساواة ومجموعة السيسي
كل هذا لم ياتي بالسلام ولم ولن يوقف الحرب
علاالدين يوسف :
ثورات الشعوب ما مربوطة بافراد
يعود وزير علام عقار او حتى عقار هل هذا يعنى ان القضية انتهت
الحل ليس في عودة اكس ام واي
الحال بالتواضع والاعتراف بالاخر وحقوقه لا بشن الحروب واستقطاب هذا او ذاك
او حتر باشراك الاتحادي الاصل على اساس المحاصصة
تحاياي

علاء الدين صلاح الدين أخبارك وشوقنا بحر ياااااخ

Quote: وكذلك عاد مني اركوي واوبالقاسم امام الحاج

أها ديل بالذات رجعوا بعد شالو منهم السلطة للساق ...عشان تعرفهم إنتهازيين وبتاعين مناصب ...دا غير القروش الخم النهبوها

Quote: ثورات الشعوب ما مربوطة بافراد يعود وزير علام عقار او حتى عقار هل هذا يعنى ان القضية انتهت

قلتا ثورات الشعوب موش كدا ...الحمد لله إنو الشعب السوداني مقتنع إنو هذا من أفضل خياراتو في الأوضاع وإن لم يكن الأفضل على الإطلاق ...ولو مامصدق كلامي تعال السوق العربي وأعمل مخاطبة عشان تطلعو قبل ناس الأمن يجو ...حيجي أبشنب وعمة يجرك ويدفرك بعيد ويقول ليك ماتعمل لينا مشاكل

سلام ياصديقي وليك وحشه

هلا يا أمير فتحي
مُشتاغووون ياخ وحِمد لله ألف على السلامة


ـــــــــــــــــــــ

ـــــــــــــــــــــ

فعلا ضربة معلم يا علاء الدين

(فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ )
صدق الله العظيم

Quote: هلا يا أمير فتحي مُشتاغووون ياخ وحِمد لله ألف على السلامة

الله يسلمك من كل حبس ولبس وكبس ...مرنا عبر مرورك بشارعنا مره مره وماتكتر غيابك تاني شان مايبقى عادي

يا علة !
وذى دا انتو دايرين بى شنو ؟؟
ومودينو فى الظروف دى (جيب وش) وين ؟
وزارتو طايرة على
الببيع اهلو وناسو فى الحارة ..

لو الناس بتفهم دا خلاص اتحرق لا بنفع
معاكم لا معاهم ..

هسه فرحانين بى ومستقبلو الوالى قايلنو مكسب ؟
غايتو كان سمعتو نصيحتى اوعكم تعتمدوا على فى الكبيرة الجاية,,
لما تتعصروا ذى دا يبيعكم الضحى الاعلى !
وانتو فى المرحلة الحرجة دى ,, ديل بورطوكم
المرحلة مرحلة ناس قلبها حاااار لا بتبيع لا بتشترى
(جيب وشوش كتيرة خدرا هنا ياخ انا بتغلبنى كلو كلو )














ــــــــــــــــ
دا يا علة .. بكون شدة ما انسلخ قبل كدا اللزاق الفى لصقتو
من السلخ لما كمل بقا قاعد سااااى .. والشاطر البشوف
وبعتبر من غيرو وما بجرب فى روحو .. غايتو نصيحة لوجه الله
وانشالله ما تنفعك !!

يا دينا
دواهو عندنا
ما تشيلي همه وهمنا

Quote: الببيع اهلو وناسو فى الحارة ..

هذا بإفتراض أن أهلو وناسو مع المارق الفار عقار

جانبك الصواب ياأختاااااااه كثيراً

دُنّانتي الطنّانة
سلامات ويييييينك لابدة كِدا
الواحد إلا يلقاك في بوستات عُمر الفاروغ
أعملي حسابك الزول دة (كان) صاحبي و خابزنو و عاجننو سوا
ما عندو أمان ما يعمل ليك فيها فردتِك و كِدا
دة بكون زي الطِبلع بتاعت الضِّباع الجيتي تحذِّريني مِنّها




أها عايني بالنسبة لي موضوعنا
الزول دة يا دندون زي الجماعة القبلو و الجو راجعين
مُتّفقين في شيئ واحد إنو ملِك (مالِك) عقار
خدعهم كُللللهم وما قال ليهم هو عايز يعمل شِنو
يعني في ناس ما ليها ذنب فيما حصل
أها ديل ناسنا ومافي خوف علينا مِنّهم ـ
ــــــــــــــــــــ
رايك شنو في الحركة التِحِت دي ما أخير ليك من الوشوش الخدرا عليك الله

ـــــــــــــــــــــ

Quote: أعملي حسابك الزول دة (كان) صاحبي و خابزنو و عاجننو سوا ما عندو أمان ما يعمل ليك فيها فردتِك و كِدا دة بكون زي الطِبلع بتاعت الضِّباع الجيتي تحذِّريني مِنّها

ما عندك صاحب والله ..
كلامك صاح هو ممكن يعجن لكن النتيجة
بتاعت لما يصير خبيز دى مااظنو بستناها
بكون مشى يعجن فى حته تانية .. صبر ذى حقكم دا الا تشترو لى
شراية ,,, ما تنشطوا معاكم شوية ياخ فى التنشيطى دا !










ــــــــــ
ينشطو عليك تلاته مانعيين يدوك دقة تطير كميرتك دى
ياود ما فقعت مرارتنا .. قلت ليك شوف ليك ربيبة
قبل ما يخلصو .. اسمع كلامى بتندددم !

دُنّانتي الطنّانة
عليك الله شوفي الزّول التّأني الفي الفيديو مع الوزير
وهو بيتكلم و فجأة تخنقو العبرة
و يكاد يذرف الدّمع بينما هو يحاول التّماسك

ياخي صِدق المشاعر دة أصلو ما مُكِن يتزيف