الشقيق كذب لشقيقته قائلا ( العريس عندو زوجة وأولاد

#


#




بالله نكون جادين وعلي قدر عالي من المسئولية لانها حالة أنسانية بجد واليكم القصة تقدم المدعو (سين )لخطبة الانسة (ت) وذلك بعد علاقة غاية في النقاء والعشق كان لابد من تتويج هذا العشق بالزواج ولكن عند ما طرحت الانسة ت علي أهلها الموضوع بادرها أخوها بأن الاستاذ سين يصغرها في العمر وبعد مدة تمت مناقشة الامر مرة أخري قال لها أن المدعو سين متزوج ولديه طفل وبعد مدة زاد عدد الاطفال لثلاثة وعند قالت للاسرة أنها تعرف الاستاذ سين معرفة جيدة وهذه المعلومات مغلوطه قولوا لها سوف نجلب لك المزيد من المعلومات ولمدة أشهر وهي تتنتظر هذه المعلومات في أخرمرة قيل لها أن الامر محسوم هذا الاستاذ سين له خال منحرف ومن أسرة ذات أصل مغمور علما بأن الاستاذ سين من عائلة كبيرة ذات حسب ونسب والمؤلم في المسالة أن الاخت ت لم تدافع عن عشقها بل ظلت علي تواصل مع معشوقها وتصر علي التواصل لحين الوصول لمعلومات تجرم الاستاذ سين والغريب أن الاستاذ سين متمسك بالانسة لدرجة الجنون ولازال الامر كما عليه الوضع من شهور بالرغم من نفي الاستاذ سين لكل هذه المعلومات الا أنا الانسة ت غير قادرة علي أقناع أهلها بأن الاستاذ سين أخر فرصة لها وهو غاية المني بمعايير العصر والمجتمع اليوم الاستاذ سين يسأل هل من المعقول أن تكون هنالك أسر تفضل مصالحها علي مصلحة الابناء ؟ ماذا يعني أن يكذب شقيق علي شقيقته يهذا المستوي ويفشل في أحضار معلومات يؤكد بها زعمه ؟ هل موقف الانسة سين منطقي من قرار العائلة وعليها الصبر علما بأن الاستاذ سين علي سفر للدارسة هل من حق الاستاذ سين الانسحاب ويعتبر ما حدث أعتذار يطريقة مؤدبة ! الاخوة الكرام يطلب الاستاذ سين مساعدتكم لحل هذه المعضلة
من أهم ماسطر الاخ سين من قصائد تلخيصا لحالته هذه القصيدة

سحلت قلبي

نصبوا له مشنقة بدائية
لم تقتله مزقت أوصاله
شقوا صدره بقسوة رموا بقلبه في العراء
جعله ينزف كل مسامه دماء
هاروحي جاءت اليك شهدييها
وأدفنيها بقربك علها تؤرق لسد فراغ
====
قتلوه يأأمي تعالي شقي الجيوب وأرفعي الصوت بالبكاء
أنياديك أتسمعين
أشلاءه هنا وهناك قتلوه يأمي
ومن تبكيه باكية بصمت لا تجروء علي النحيب
تخاف الاقربين
قتلته أم قتلوه أهلها بالاكاذيب والظنون
قتلوه ما عادت له أوصاف
حررت شهادة وفاة بالتشبيه لا التشريح
من مات ياأمي عاشق فارس عظيم
ومن تركت عشقها يلعنها السماء
يا أمي مسامح أنا أتغفرين ظلمهم وضعفها
أني غفرت لها
وقادم اليك وقلبي سليب
يا أمي أسأليها قبر ولسان يلهج بالدعاء
من فزاع الموت الاكبر
ياأمي أصفحي عنها أني أعشقها وأدفنيني بقربها لكي تزورني صباحا ومساء

فى يوم حيفتحوا فيك بلاغ يا زهير
بهناك فى زول ماشى يسجنك وحسى لو سين جانا وطلع شين بيقيموا فيك الحد
:))))
غايتو سين وتاء ولا الجماعه الفى الاول واقعين فى نفس البؤره
الحب الضائع
والاسره المتسلطه
والزواج المعلق
والامال المحطمه
والواقع المرير
لجديه .... مافى زواج بيمشى بدون موافقة الاسر
ومافى زواج بيمشى بدون رضا الطرفين
وعشان نلقى حلقة وصل بين الاسر والطرفين
نشغل المخيخ كويس وندعى ربنا صباح ومسى ان لو فيه خير يقسمه ولو فيه شر يبعده
ما حل لمن نيأس اننا نستسلم باى زواج
وما حل لمن نتمنى نقاتل اقرب الناس لينا حتى لو ظلمونا
لكن للحقيقه الحل شنو انا ذاتى محتاره
احمد ربى اسرتى ما متسلطه فى موضوع الزواج
والموضوع الوحيد الديمقراطيين فيه
لكن حسى صحبتى مرتبطه بزول 7 سنين وابوها موافق وامها رافضه لسبب عرقى
وصحبتى ضايعه فى النص وما لاقيه ليها زاتو حل
عموما كان لقيتو كلمونى

رانيه

تحياتي شكرا لقلقك علي سعادتنا المهم والله سين شاب وسيم وكمان مثقف جد بس أنطوئي وعايز حل سريع يمشي يقرأ ولا يتقاتل مهما تكون النتائج
ممتن للمشاركة ولك كل الود

ابوالزهور امشي قابل اخوها واقعد معاه يمكن تتفاهموا و حاول تعرف منو السبب الحقيقي في الرفض

هل الانسة تعمل ولديها مرتب تسهم فيه في البيت؟

قد يكون دا السبب

يا دكتورة
سلام وكيفك
بالتاكيد تعمل وصاحبة مركز ودخل كبير ولها دور هام مساهمة مالية كبيرة في حياة الاخ والام وكل أفرد الاسرة والغريب طلبوا منها نسيان الاستاذ سين نهائيا دون أعتبار لعمرها أو ما قدمت

غرائب مش كدا

العزيز ود البشري
تحياتي وأنشالله أنت الاسرة الكريمة بخير علمت من الاصدقاء بالشارقة أنك غادرتها الي مدنية أخري متعك ربي بالعافية
أنتو بس أمشي يا أبو الزهور وأقعد مع أخوها عشان تحصل لي تصفية جسدية مش كدا والله أنتو قاصدين ما أحضر راس السنة معكم دي نصحيتك يا مؤدب مع الناس بالله شوف ود البشري كمان!!!!

سلام يا زهير

و الله القصيدة دي لو كتبها (جذر تربيعي)
خطييييرة خطييييرة جداً.
لا حوووول الله
يازول حلوة و الله جد جد

العزيز سفيان
تحياتي

حالتو الكتابة دي بعد العشا مباشرة كان قبلو أكيد بيكون فيها ريحة الحلة ياخي خلينا من كلام المثقفاتيه قول رأيك في الموضوع الاستاذ سين يتصرف كيف !
لك ودي

Quote: المهم والله سين شاب وسيم وكمان مثقف جد بس أنطوئي وعايز حل سريع يمشي يقرأ ولا يتقاتل مهما تكون النتائج

س :
شاب وسيم
مثقف جد
إنطوائي
عاوز حل سريع

أخوها باااالغ لكن

ياربي يكون محرشو ود البشرى ؟؟؟

Quote: غرائب مش كدا

ما غرائب اذا عرف السبب بطل العجب

الزول دا ما عايز يخسر الدجاجة التي تبيض ذهبا

انا بعرف اخوان اختهم قعدت فيهم ربتهم بعد موت والدهم
برضو لما لقت زول يعرسها قالو طمعان فيها وفي قروشها وقفو الف احمر..

حليل الخوة يا يمة انتهت زمان وبقت مرتبطة بالماديات

نصيحتي لها تشوف زول من اعمامها يعقد ليها والسلام

حبيبنا زهير

ليك الحب والتقدير

بالمناسبه الموضوع دا مهم وجاد جدا

للاسف بعض الاسر بتراعى مصلحتا قبل مصلحة بناتا

خاصه في حالة الاخت دي

وانا بعتبر الموضوع دا انانيه من الاسره

في انها تعضل بناتا انهم يتزوجو عشان بعتمدو عليهم ماديا

من حق الاخت دي وطالما الموضوع وصل مرحله ذي دي

انها تتزوج بواسطة القاضى الشرعى

رغم انى مابقر الخطوه دى الا بعد ماتستنفذ كل السبل الممكنه

لاقناع اسرتا

وياريت نسمع راى اخوانا واخواتنا في الموضوع دا

ويادكتوره نجاة جبتى النجيضه

بس ياريت تنداحى وتوضحى اكثر

ابو الزهور سلام ..
يمشوا يعقدوا ويختوا الاخ المتصلت ده امام الامر الواقع .

المستغربه فيه اين دور الاب والام
مع احترامى للاشقاء لكن الاولويه للاب والام
غايتو كان طلعوا كلهم فعليا متحجرين القلب وان الموضوع مجرد مصلحه ماديه لا اكثر
يبقى يمشوا يعرسوا ويختوهم امام الامر الواقع

رانيه
تحياتي
والد الانسة متوفي والام مع أبنها لانها أخر متعة تذهب لكل مشوار بالسيارة الفارهة وكذلك كل عام تقضي الاجازة مع الانسة في عاصمة عربية بالاضافة لعمرة وحج لذلك هي أيضا خائفة من الوافد الجديد
الخال أعطي كل المعلومات أحضر نفس المعلومات المغلوطة أين هنا المنطق!!!!

النجيضة يا زهير المدعو ( سين) يقول ليها نمشي
نعقد بواسطه المحكمة ولو رفضت ينفض مراجعوا ويسافر
يشوف موضوع دراستوا وينسي الفكرة نهائيا .

اسمع يا صاحبي العرس ده برتكوله براااااااهو يعني لازم موافقة الاخ والاسرة وده طبعا
ما دورك انت ولا دور سين ولا صاد بل دور تاء او بمعني اخر دور الحبيبة وزوجة المستقبل
يعني تشد حيلك وتبطل سلبية ,,
واذا مارست سلبيتها في هذا المنعطف الهام فهي لا تستحق حب سين لها فليتركها وليبكي قلبه
علي اختياره الخاطئ ,,,.

Quote: العزيز سفيان تحياتي حالتو الكتابة دي بعد العشا مباشرة كان قبلو أكيد بيكون فيها ريحة الحلة ياخي خلينا من كلام المثقفاتيه قول رأيك في الموضوع الاستاذ سين يتصرف كيف ! لك ودي

انت كنت معاهو!؟











-------

رأي في الموضوع انو (س) ينتف شامة هواها من خدو ..ؤ
يشخت لي (ت) نهائياً!!
بس

و يربي دقنو .. و يشرب العرقي
و يكتب (نص) كاااااارب
المعاناة تولد الابداع ياخي
المافي شنو!؟

غياتو كلام محكمة دا ذي ما برفضو يحصل لي برفضو يحصل للناس

الزواج دا علاقة متشابكة جدا تعرسو بالمحكمة اهلو حيكروهها حياتها
ويمسخوها ليه كما حدث كثير لمن تزوجن بالمحكمة بدون اهلهم
واستفردت بيهم عائلة الزوج وكان حرقت السفن..
تعرس في عز اهلها وفي خشم بيتهم في الحاجة دي انا متخلفةجدا جدا
ودا المجتمع السوداني ودي قوانين اللعبة.


في اي عائلة في زول كدا كلمته ما بتقع واط..طة
دا الزول الممكن يحل المشكلة دي يمشي ليه سين مع ابوه وكباره
وحيعقد ليه طوالي رجالة كدا..
والاخو حيكون خشمو ملح ملح..

الاحباب والاصدقاء وكل رواد منبرنا
تحياتي

شكرا لكل الذين عبروا من بورداب قرأء للمنبر وأأسف لعدم قدرتي علي المتابعة والرد علي الجميع فهم يعلمون كم مشاغلي ولكن سنتواصل
والان اليكم أخر حوار تم ما بين الاستاذ سين والانسة ت

سين : هل من جديد في موضوعنا ؟
الانسة ت: أنا في غاية الضيق وزهجانه ما عارفة أعمل شنو وعندي أحساس أنك رابط كل حاجاتك بي لكين أقوليك يأخي أعمل حاجاتك أن بقي عندي يقين أنهم ما عايزينني أسيب البيت بالله ما تأخر حاجاتك بسببي ما قادرة أعمل بجد
سين : أنت عارفة أنا ما طرف النزاع اللي بينك والاسرة ولا بمارس عليك ضغوط بس بقول أنو نحن في مجتمع يمكن ليهو سلطة علي البت لحدي سن الاربعين وبعدها هي ناضجة ممكن تتخذ قرار وتدافع عن حياة هي اللي ح تعيشا ما هم الفشل ولا الكذب دي مسئولية القرار بتاعهالكين أنت ما عايزة تتدخلي في صراع معهم وتحفظي علي شكلك قادم العائلة المهم أنا بقول الاتي في حقائق ما ممكن يخفيها الان زي الزواج والاطفال تعالي نسأل أسرتي وسطي الضيق أقرب الناس لي يا خي أنا متزوج وعندي جيش أطفال دي جريمة بعدين شنو تاني من أنحرف أهلك قرروا بعدها ما يكون في علاقة بيننا والله يابن الناس في المجتمع في الاجمل والاكتر في القروش وناس الحسب والنسب أنت ليه ما عايز تحسمي القصة أنا بالجد معلق ما عارف راسي من رجوالي بالله نحلها قصة نقعد نتقابل ونحن ما عارفين بكرة شكلو شنو دي جريمة في حقك قبل كل شيء والله أنا عايزك وعايز أعيش معك باقي العمر !!!!

الانسة ت : أنا خايفة من أهلي لو مشيت وأصريت عليك ح يقولوا أقطعي علاقتك بيهو ودي نهاية كل شيء أن برضو محتاجليك بس لو أنت خلاص وصلت لقناعة أنك ما قادر تصبر معي أنا ما في يدي شيء أعملوا لسه منتظرة معلومات منهم وبعدين لو ضغطت ح نفقد بعض وأنا عارفة أهلي كويس

الاستاذ سين : بالله أقيفي لو خايفة مني دي مصيبه ولانو قد تكوني مقتنعه بكلامون أو ما عندك ثقة فيني أنا قلتليك ليه أنت في مليون بت في العاصمة القومية ممكن أدخل حياتتم وأعمل الشيء اللي أناعايزو لكين اللي بيينا حاجة مختلفة أنا بحبك وبيننا كل خير المهم أنت الان قررتي شنو ؟

الانسة ت أن عايزا الامور تمشي بهدوء محتاجة وقت أقناع أهلي بأنك ما عندك زوجة تانيوما عايز تبدأ حياتك معي باالغش بجد محتاجة وقت المسالة

الاستاذ سين : ماعندي مشكلة في الوقت لكين أنت بس كوني شوية صلبة دافعي عننا عن خيارك وأنا منتظر برضو الجزءية دي أنا ما بملك فيه حاجة غير الصبر

الانسة ت : أنا بمشي الوقت خلاص أتاخر بفكر في حل وأنشالله الحل يكون قريب ونقدر نكون مع بعض

الاستاذ سين : خليك شوية يابت أن متعلق بيك بس أنت لسه ما قادرة تحددي أنت عايزة شنو من الدنيا المهم بيننا أتصل المساء

الانسة ت برضو أنا نحن الاتنين ما عارفين نحل الوضع دا كيف أنت بس أصبر شوية وفي نفس الوقت أبدأ اعمل حاجاتك والله أنا الخاسرانه في النهاية

* وهذا الحوار كانت خلاصة أفكاركم لدفع الاستاذ سين لأتخاذ قرار لكين سين مرض عديل كدا و مكسر في بت الناس ما قادر يقرر!!!
رأيكم الزوال نخليهو ياكل ناروا

اخى زهير
انا جنى وجن الحوارات البتلف كعب داير دى
قالى وقولت له
زاتو زمن لقواله مافى
يا فعل يا ناس تنوم نومها
غايتو سياستى يا اطخه يا اكسر مخه
ووجع لحظه ولا كل لحظه
يعنى قول لسين الحب ما بيقتل الخوف من الغده كان جاتك النيومركزول مقطوع من السوق

أخي عادل
تحياتي
ياخي دي مؤمن بالعائلة كقيمة أنسانية بصورة رهيبه جدا لكين كلامك تمام الزوال دا يشوف مصلحتو
لك كل الود

الاخ عاطف
تحياتي والله ودالبشري بريء لكين الزمن دا ما في زوال مضمون

الاخ زهير سلامات

مادام سين لايسطيع سبيلا لحل المعضلة
ومادمت لم تحلها له



فاليكما انت وهو

هذه القصة من المستطرف في كل فن مستظرف

Quote: وحكى الأصمعي قال بينما أنا أسير في البادية إذ مررت بحجر مكتوب عليه هذا البيت ( أيا معشر العشاق بالله خبروا ... إذا حل عشق بالفتى كيف يصنع ) فكتبت تحته ( يداري هواه ثم يكتم سره ... ويخشع في كل الأمور ويخضع ) ثم عدت في اليوم الثاني فوجدت مكتوبا تحته ( فكيف يداري والهوى قاتل الفتى ... وفي كل يوم قلبه يتقطع ) فكتبت تحته ( إذا لم يجد صبرا لكتمان سره فليس له شيء سوى الموت أنفع ) ثم عدت في اليوم الثالث فوجدت شابا ملقى تحت ذلك الحجر ميتا لا حول ولا قوة إلا بالله العلي العظيم وقد كتب قبل موته ( سمعنا أطعنا ثم متنا فبلغوا ... سلامي على من كان للوصل يمنع ) وحكي أيضا عن الأصمعي رحمه الله تعالى أنه قال بينما أنا

حذف للتكرار

يا ابو الـ (س) هور او يا (س)هير قلنا ليك ما تتخجل و تقعد تتمنتش
امش قابل اخوها واعرف موضوعه شنو
كان خايف ارجاني في الاجازة بمش معاك ليه

يا ود البشري يا بيش
خليك ظريف دا وقت البهجة بتاع أبو الزهراء ياخي مالك عايز تخرب مزاجي الحلة الليلة كمونية
منو اللي ح يمشي معك أنت قايل أحوالك في بلدنا زي زمان أنت وخدر أقنوأ من قصة أنكم مغتربين ومحترميين وكدا أنسي والله زيارة ساكت مافي زوال يجيك للتحية والمجاملةوأنت عارف السبب
لكين الجماعة السفلية ممكن ههههههههه
دمت لي صديق

* وأخيرا قرر الاستاذ سين المواجهةبالذهاب لخال الفتاة
كل الامنيات له بالنصر
دا كلامك يا رانية خلي الراجل يتحرك